ചാവക്കാട്: ബ്ലാങ്ങാട് വൈലി ക്ഷേത്രത്തിന് സമീപം പരേതനായ ആലിൽ കൃഷ്ണൻകുട്ടി മാസ്റ്ററുടെ മകൻ എ.കെ. വാസുദേവൻ (72) നിര്യാതനായി. റിട്ട. െഡപ്യൂട്ടി കലക്ടർ ആൻഡ് അഡീഷനൽ ജില്ല മജിസ്ട്രേറ്റാണ്. നാഷനൽ ഹൈവേ അതോറിറ്റി ഓഫ് ഇന്ത്യയുടെ ലെയ്സൺ ഓഫിസറായും സേവനമനുഷ്ഠിച്ചിട്ടുണ്ട്. റവന്യൂ വകുപ്പിലെ പല മികച്ച പ്രവർത്തനങ്ങൾക്കും നേതൃത്വം നൽകിയിരുന്നു. മികച്ച തഹസിൽദാരായും തെരഞ്ഞെടുക്കപ്പെട്ടിട്ടുണ്ട്. ഭാര്യ: ജാനകി (റിട്ട. സീനിയർ സൂപ്രണ്ട്, വിദ്യാഭ്യാസ വകുപ്പ്). മക്കൾ: വിനീത് (സ്വീഡൻ), ജിഷ (കുവൈത്ത്). മരുമക്കൾ: സാന്ദ്ര (സ്വീഡൻ), രാജീവ് (കുവൈത്ത്). സഹോദങ്ങൾ: ചന്ദ്രദാസൻ, സദാനന്ദൻ, വേദുരാജ്, അഡ്വ. എ.കെ. ബാബുരാജ്, രാജു, രവി, ശാന്ത. സംസ്കാരം വ്യാഴാഴ്ച രാവിലെ ഏഴിന് വീട്ടുവളപ്പിൽ.
