സ​മാ​ധാ​ന​ത്തോ​ടെ ജീ​വി​ക്കാ​നു​ള്ള അ​വ​കാ​ശം

ജ​ന്മ​നാ​ടി​ന്റെ വി​ശു​ദ്ധി​യെ​യും ദേ​ശീ​യ​ത​ക​ളു​ടെ സ്വ​യം നി​ർ​ണ​യ​ന​ത്തെ​യും മു​ൻ​നി​ർ​ത്തി 19ാം നൂ​റ്റാ​ണ്ടി​ലും 20ാം നൂ​റ്റാ​ണ്ടി​ന്റെ മ​ധ്യം വ​രെ​യും യൂ​റോ​പ്പി​ന്റെ കി​ഴ​ക്ക​ൻ നാ​ടു​ക​ളി​ൽ ക​ന​ത്ത ആ​ഭ്യ​ന്ത​ര സം​ഘ​ർ​ഷ​ങ്ങ​ൾ നി​ല​നി​ന്നി​രു​ന്നു. തു​ട​ക്ക​ത്തി​ലു​ണ്ടാ​യി​രു​ന്ന ല​ക്ഷ്യ​ങ്ങ​ളെ റ​ദ്ദു ചെ​യ്തു​കൊ​ണ്ട് അ​നി​യ​ന്ത്രി​ത​മാ​യ സ​ഹോ​ദ​ര ഹ​ത്യ​ക​ളി​ലേ​ക്കും സി​വി​ൽ വാ​റി​ലേ​ക്കും ഈ ​സം​ഘ​ർ​ഷ​ങ്ങ​ൾ വ​ഴു​തി​വീ​ഴു​ക​യാ​ണു​ണ്ടാ​യ​ത്. ഇ​ത്ത​രം അ​വ​സ്ഥാ​ന്ത​ര​ങ്ങ​ളെ​പ്പ​റ്റി ഗ്രീ​ക്ക് സാ​ഹി​ത്യ​കാ​ര​നാ​യ നി​ക്കോ​സ് കാ​സാ​ൻ​ദ്‌​സാ​കീ​സ് നി​ര​വ​ധി നോ​വ​ലു​ക​ളി​ലൂ​ടെ പ്ര​തി​പാ​ദി​ക്കു​ക​യു​ണ്ടാ​യി. ഗ്രീ​സി​ൽ പ്ര​ച​രി​ക്ക​പ്പെ​ട്ട സ​ങ്കു​ചി​ത ദേ​ശീ​യ വാ​ദ​വും ഹിം​സാ​ത്മ​ക​ത​യും അ​തി​ഭ​യ​ങ്ക​ര​മാ​യ സ​ഹോ​ദ​ര​ഹ​ത്യ​യാ​യി മാ​റു​ന്ന​തി​നെ പ​റ്റി​യു​ള്ള അ​ദ്ദേ​ഹ​ത്തി​ന്റെ ഒ​രു നോ​വ​ലി​ന്റെ പേ​രു​ത​ന്നെ ‘സ​ഹോ​ദ​ര കൊ​ല​ക​ൾ’ (Fratricides) എ​ന്നാ​ണ്.

കാ​സാ​ൻ​ദ്‌​സാ​കീ​സി​ന്റെ മ​റ്റൊ​രു നോ​വ​ലാ​യ സൊ​ർ​ബ (Zorba the Greek)യി​ൽ ജ​ന​ങ്ങ​ൾ സ​മാ​ധാ​ന​ത്തോ​ടെ ജീ​വി​ക്കു​ന്ന​തി​ൽ ഒ​രു പ​രി​ഗ​ണ​ന​യും ക​ൽ​പി​ക്കാ​തെ വി​വി​ധ ചേ​രി​ക​ളാ​യി തി​രി​ഞ്ഞ​വ​ർ ന​ട​ത്തു​ന്ന ചോ​ര ചി​ന്ത​ലാ​യാ​ണ് ഇ​ത്ത​രം സി​വി​ൽ​വാ​റു​ക​ളെ അ​ട​യാ​ള​പ്പെ​ടു​ത്തു​ന്ന​ത്. നോ​വ​ലി​ലെ പ്ര​ധാ​ന ക​ഥാ​പാ​ത്ര​മാ​യ അ​ല​ക്സി​യ​സ് സൊ​ർ​ബ ചെ​റു​പ്പ​കാ​ല​ത്തെ ഒ​ര​നു​ഭ​വം വി​വ​രി​ക്കു​ന്നു​ണ്ട്: ആ ​നാ​ട്ടി​ലെ വി​കാ​രി പ​ക​ൽ സ​മ​യ​ത്ത് നാ​ട്ടു​കാ​ർ​ക്ക് ന​ന്മ ഉ​പ​ദേ​ശി​ക്കും. രാ​ത്രി​യി​ൽ വേ​ഷം മാ​റി അ​ടു​ത്ത ഗ്രാ​മ​ത്തി​ലെ വീ​ടു​ക​ളി​ൽ ഉ​റ​ങ്ങി​ക്കി​ട​ക്കു​ന്ന എ​തി​ർ​ചേ​രി​യി​ലു​ള്ള​വ​രെ കൊ​ല​പ്പെ​ടു​ത്തും. പി​റ്റേ​ന്ന് ഒ​ന്നും സം​ഭ​വി​ക്കാ​ത്ത​തു​പോ​ലെ ത​ന്റെ ഇ​ര​ട്ട ജീ​വി​തം തു​ട​രു​ക​യും ചെ​യ്യും. വി​ദ്വേ​ഷം പ​ട​ർ​ത്തു​ന്ന​തും പ​ര​സ്പ​രം ശ​ത്രു​ത നി​ർ​മി​ക്കു​ന്ന​തു​മാ​യ ആ​ശ​യ​ങ്ങ​ളും വി​കാ​ര​ങ്ങ​ളും ജ​ന​ങ്ങ​ൾ​ക്കി​ട​യി​ൽ ആ​ഴ​ത്തി​ൽ പ്ര​ച​രി​പ്പി​ക്കാ​നാ​യി പ​ല​രും പ്ര​വ​ർ​ത്തി​ക്കു​ന്ന​ത് മേ​ൽ​പ​റ​ഞ്ഞ പ്ര​കാ​ര​ത്തി​ലാ​യി​രി​ക്കു​മെ​ന്നാ​ണ് നോ​വ​ൽ സൂ​ചി​പ്പി​ക്കു​ന്ന​ത്.

ഏ​പ്രി​ൽ 22ാം തീ​യ​തി ക​ശ്മീ​രി​ലെ പ​ഹ​ൽ​ഗാ​മി​ലു​ള്ള ബൈ​സ​ര​ൺ താ​ഴ്വ​ര സ​ന്ദ​ർ​ശി​ക്കാ​നെ​ത്തി​യ വി​നോ​ദ​സ​ഞ്ചാ​രി​ക​ൾ​ക്കു നേ​രെ​യു​ണ്ടാ​യ ഭീ​ക​രാ​ക്ര​മ​ണ​ത്തി​ൽ 26 പേ​ർ മ​രി​ക്കു​ക​യും ഇ​രു​പ​തോ​ളം പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. ആ​ക്ര​മ​ണ​ത്തി​ന്റെ ഉ​ത്ത​ര​വാ​ദി​ത്തം ല​ശ്ക​റെ ത്വ​യ്യി​ബ​യു​ടെ അ​നു​ബ​ന്ധ സം​ഘ​ട​ന​യാ​യ ദി ​റെ​സി​സ്റ്റ​ന്റ് ഫ്ര​ണ്ട് ഏ​റ്റെ​ടു​ത്തി​ട്ടു​ണ്ടെ​ന്നും, കൂ​ട്ട​ക്കൊ​ല​യു​ടെ സൂ​ത്ര​ധാ​ര​ൻ സൈ​ഫു​ല്ല ക​സൂ​രി എ​ന്ന​യാ​ളാ​ണെ​ന്നും വാ​ർ​ത്ത​ക​ൾ പ്ര​ച​രി​ച്ചി​രു​ന്നു.

ക​ശ്മീ​രി​ൽ ഇ​തേ​വ​രെ ഭീ​ക​രാ​ക്ര​മ​ണ​ങ്ങ​ളേ​റെ​യും ന​ട​ന്നി​ട്ടു​ള്ള​ത് ഇ​ന്ത്യ​ൻ സൈ​നി​ക കേ​ന്ദ്ര​ങ്ങ​ൾ​ക്കു​നേ​രെ​യോ സൈ​നി​ക​ർ​ക്ക് എ​തി​രെ​യോ ആ​യി​രു​ന്നു. ഇ​വി​ടെ സം​ഭ​വി​ച്ച​ത് വി​നോ​ദ​സ​ഞ്ചാ​രി​ക​ളു​ടെ കൂ​ട്ട​ക്കൊ​ല​യാ​ണ്. ആ​ക്ര​മ​ണം ന​ട​ത്തി​യ ഭീ​ക​ര​വാ​ദി​ക​ൾ ആ​ൾ​ക്കാ​രു​ടെ പേ​രു​ചോ​ദി​ച്ച് മ​തം തി​ട്ട​പ്പെ​ടു​ത്തി​യെ​ന്ന് കൊല്ലപ്പെട്ടവരുടെ ബന്ധുക്കൾ വെളിപ്പെടുത്തുന്നു. ചി​ല​രോ​ട് ക​ലി​മ ചൊ​ല്ലാ​ൻ ആ​വ​ശ്യ​പ്പെ​ട്ട​താ​യും, വ​സ്ത്രം ഉ​രി​ഞ്ഞു​മാ​റ്റി​യ​താ​യു​മു​ള്ള വാ​ർ​ത്ത​ക​ളും പ്ര​ച​രി​പ്പി​ക്ക​പ്പെ​ട്ടു. ഇ​വ പൂ​ർ​ണ​മാ​യും ശ​രി​യാ​ണോ അ​ല്ലെ​ന്നോ ഔ​ദ്യോ​ഗി​ക​മാ​യി സ്ഥി​രീ​ക​രി​ക്ക​പ്പെ​ട്ടി​ട്ടി​ല്ല. എ​ന്തു​ത​ന്നെ​യാ​യാ​ലും, ഭീ​ക​ര​വാ​ദി​ക​ൾ ഹി​ന്ദു​ക്ക​ളാ​യ നി​ര​പ​രാ​ധി​ക​ളെ തി​ര​ഞ്ഞു​പി​ടി​ച്ച് കൊ​ല​പ്പെ​ടു​ത്തി എ​ന്ന കാ​ര്യം പൊ​തു​ബോ​ധ​ത്തി​ൽ ഉ​റ​പ്പി​ക്ക​പ്പെ​ടു​ക​ത​ന്നെ ചെ​യ്തു.

ഹി​ന്ദു​ക്ക​ളും മു​സ്‍ലിം​ക​ളും ത​മ്മി​ലെ അ​ക​ലം വ​ർ​ധി​പ്പി​ക്കാ​നും ഇ​ന്ത്യ​യി​ലെ സാ​മൂ​ഹി​ക മ​ണ്ഡ​ല​ത്തി​ൽ അ​സ്വ​സ്ത​ത വ്യാ​പി​പ്പി​ക്കാ​നുമായി ഭീ​ക​ര​വാ​ദി​ക​ൾ ന​ട​ത്തി​യ ഗെ​യിം​പ്ലാ​നാ​ണ് ഇ​തെ​ന്ന വ​സ്തു​ത ആ​ർ​ക്കും മ​ന​സ്സി​ലാ​ക്കാ​വു​ന്ന​തേ​യു​ള്ളൂ. എ​ന്നാ​ൽ, ഹി​ന്ദു​ത്വ​ത്തി​ന്റെ നി​യ​ന്ത്ര​ണ​ത്തി​ലു​ള്ള മാ​ധ്യ​മ​ങ്ങ​ളും ചാ​ന​ലു​ക​ളും സോ​ഷ്യ​ൽ മീ​ഡി​യ ഹാ​ൻ​ഡി​ലു​ക​ളും മേ​ൽ​പ​റ​ഞ്ഞ വ​ശ​ത്തി​ന് അ​തീ​വ പ്രാ​ധാ​ന്യം കൊ​ടു​ത്തു​കൊ​ണ്ടു​ള്ള വാ​ർ​ത്താ​വ​ത​ര​ണ​ത്തി​ന്റെ പെ​രു​മ​ഴ സൃ​ഷ്ടി​ച്ചു. റി​പ്പ​ബ്ലി​ക് ചാ​ന​ൽ പോ​ലു​ള്ള ദേ​ശീ​യ മാ​ധ്യ​മ​ങ്ങ​ൾ സാ​മാ​ന്യ ജ​ന​ങ്ങ​ളി​ൽ മു​സ്‍ലിം വി​രു​ദ്ധ​ത പ​ട​ർ​ത്താ​നാ​യി രാ​വും പ​ക​ലും അ​ധ്വാ​നി​ച്ചു. ഇ​ത്ത​രം പൊ​തു ബോ​ധ നി​ർ​മി​തി​യു​ടെ ഫ​ല​മെ​ന്താ​ണ്? ക​ശ്മീ​ർ പ്ര​ദേ​ശ​ത്ത് അ​ക്ര​മ​ങ്ങ​ൾ ന​ട​ത്തു​ന്ന​തും ജ​ന​ങ്ങ​ൾ​ക്ക് സ​മാ​ധാ​ന​പ​ര​മാ​യി ജീ​വി​ക്കാ​നു​ള്ള അ​വ​കാ​ശ​ത്തി​നു​മേ​ൽ അ​സ്ഥി​ര​ത ഉ​ള​വാ​ക്കു​ന്ന​തും ഒ​രു​വ​ശ​ത്ത് വി​ഘ​ട​ന​വാ​ദി​ക​ളും മ​റ്റൊ​രു വ​ശ​ത്ത് സ​ർ​ക്കാ​ർ ന​യ​ങ്ങ​ളു​ടെ പാ​ളി​ച്ച​ക​ളു​മാ​ണെ​ന്ന കേ​ന്ദ്ര വി​ഷ​യം അ​ട്ടി​മ​റി​ക്ക​പ്പെ​ടു​ന്നു. അ​ത് മു​ഴു​വ​ൻ മു​സ്‍ലിം​ക​ളു​ടെ​യും പേ​രി​ലേ​ക്ക് മാ​റ്റ​പ്പെ​ടു​ന്നു. അ​താ​യ​ത്, ക​ശ്മീ​രി​ൽ ന​ട​ക്കു​ന്ന ആ​ക്ര​മ​ണ പ്ര​വ​ർ​ത്ത​ന​ങ്ങ​ൾ രാ​ഷ്ട്രീ​യ പ​ശ്ചാ​ത്ത​ല ച​ർ​ച്ച​ക​ളി​ൽ​നി​ന്ന് അ​പ്ര​ത്യ​ക്ഷ​മാ​വു​ക​യും ത​ൽ​സ്ഥാ​ന​ത്ത് മു​സ്‍ലിം​ക​ളു​ടെ വി​ശ്വാ​സ​പ​ര​വും അ​നു​ഷ്ഠാ​ന​പ​ര​വു​മാ​യ മ​ത​ജീ​വി​തം സം​ശ​യി​ക്ക​പ്പെ​ടു​ന്ന​താ​കു​ന്ന സ്ഥി​തി​യു​ണ്ടാ​കു​ന്നു. ഇ​ന്ത്യ​യി​ലെ ഹി​ന്ദു​ത്വ​വാ​ദി​ക​ളും പ​ഹ​ൽ​ഗാ​മി​ൽ കൂ​ട്ട​ക്കൊ​ല ന​ട​ത്തി​യ​വ​രും ഒ​രേ നേ​ർ​രേ​ഖ​യി​ൽ സ​ന്ധി​ക്കു​ന്ന​ത് ഇ​വി​ടെ​യാ​ണ്.

സ​ക​ല​മാ​യ ദു​ഷ്പ്ര​ചാ​ര​ണ​ങ്ങ​ളും ഉ​ണ്ടാ​യി​ട്ടും ക​ശ്മീ​രി​ലെ ജ​ന​ത വി​നോ​ദ​സ​ഞ്ചാ​രി​ക​ളു​ടെ ജീ​വ​ൻ ര​ക്ഷി​ക്കാ​നും അ​വ​ർ​ക്ക് സു​ര​ക്ഷി​ത​ത്വം ന​ൽ​കാ​നും കാ​ണി​ച്ച ആ​ർ​ജ​വ​ത്വം ദേ​ശീ​യ മ​ന​സ്സാ​ക്ഷി​യെ പി​ടി​ച്ച​ട​ക്കു​ക​ത​ന്നെ ചെ​യ്തു. സ​മാ​ധാ​ന​പൂ​ർ​ണ​മാ​യ ജീ​വി​ത​മാ​ണ് ത​ങ്ങ​ൾ​ക്ക് പ്ര​ധാ​ന​മെ​ന്ന് അ​വ​ർ ലോ​ക​ത്തോ​ട് വി​ളി​ച്ചു​പ​റ​ഞ്ഞു. ഭീ​ക​ര​വാ​ദി​ക​ളെ ചെ​റു​ക്കു​ന്ന​തി​നി​ട​യി​ൽ സ​യ്യി​ദ് ആ​ദി​ൽ ഹു​സൈ​ൻ ഷാ ​എ​ന്ന ചെ​റു​പ്പ​ക്കാ​ര​ൻ കൊ​ല്ല​പ്പെ​ട്ട​തും പ​രി​ക്കേ​റ്റ​വ​രെ പെ​ട്ടെ​ന്ന് ആ​ശു​പ​ത്രി​യി​ലെ​ത്തി​ക്കാ​നും പ​രി​ഭ്രാ​ന്തി​യി​ലാ​യ വി​നോ​ദ സ​ഞ്ചാ​രി​ക​ളെ സ​മാ​ശ്വ​സി​പ്പി​ക്കാ​നും ക​ശ്മീ​രി​ലെ സാ​ധാ​ര​ണ​ക്കാ​ർ ഒ​ന്നി​ച്ചി​റ​ങ്ങി​യ​തും വി​കാ​ര​പ​ര​മാ​യ കാ​ഴ്ച​ക​ളാ​യി മാ​ധ്യ​മ​ങ്ങ​ൾ അ​വ​ത​രി​പ്പി​ച്ചു. വെ​ടി​യേ​റ്റു​മ​രി​ച്ച മ​ല​യാ​ളി​യു​ടെ മ​ക​ൾ ആ​ര​തി​യു​ടെ വാ​ക്കു​ക​ൾ കേ​ര​ള​ത്തി​ലേ​യും ഇ​ന്ത്യ​യി​ലെ​യും വെ​റു​പ്പ് പ്ര​ചാ​ര​ക​ർ​ക്കു​ള്ള ക​ന​ത്ത തി​രി​ച്ച​ടി​യാ​യി. എ​ന്നി​രു​ന്നാ​ലും ഇ​ന്ത്യ​യി​ലെ വി​വി​ധ സം​സ്ഥാ​ന​ങ്ങ​ളി​ൽ ക​ശ്മീ​ർ വി​ദ്യാ​ർ​ഥി​ക​ളെ ആ​ക്ര​മി​ക്കു​ക​യും മു​സ്‍ലിം​ക​ളു​ടെ സ്ഥാ​പ​ന​ങ്ങ​ൾ ആ​ക്ര​മി​ക്കു​ക​യും ക​ട​ക​ൾ കൊ​ള്ള​യ​ടി​ക്കു​ക​യും ചെ​യ്യു​ന്ന സം​ഭ​വ​ങ്ങ​ൾ തു​ട​ർ​ച്ച​യാ​യി ന​ട​ന്നു. ഇ​തി​ന് ബി.​ജെ.​പി എം.​എ​ൽ.​എ​മാ​ര​ട​ക്കം നേ​തൃ​ത്വം ന​ൽ​കി.

പ​ഹ​ൽ​ഗാം ആ​ക്ര​മ​ണ​ത്തി​നു​ശേ​ഷം സ്വാ​ഭാ​വി​ക​മാ​യെ​ന്നോ​ണം ഭ​ര​ണ​കൂ​ട​ത്തി​ന്റെ സു​ര​ക്ഷാ പി​ഴ​വു​ക​ളെ പ​റ്റി​യു​ള്ള പൊ​തു ച​ർ​ച്ച​ക​ൾ അ​സാ​ധ്യ​മാ​യി മാ​റി. മു​ഖ്യ പ്ര​തി​പ​ക്ഷ ക​ക്ഷി​യാ​യ കോ​ൺ​ഗ്ര​സും പ​ബ്ലി​ക് ഇ​ന്റ​ല​ക്ച​ലു​ക​ളും ദേ​ശ​സു​ര​ക്ഷ​യെ മു​ൻ​നി​ർ​ത്തി ഭ​ര​ണ​കൂ​ട​ത്തെ വി​മ​ർ​ശി​ക്കു​ന്ന​ത് ഒ​ഴി​വാ​ക്കു​ക മാ​ത്ര​മ​ല്ല, സ​ർ​ക്കാ​ർ എ​ടു​ക്കു​ന്ന ഏ​ത് ന​ട​പ​ടി​ക​ൾ​ക്കും പൂ​ർ​ണ പി​ന്തു​ണ​യും വാ​ഗ്ദാ​നം​ചെ​യ്തു.

ഇ​തി​നി​ട​യി​ൽ, പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​രെ ന​ട​ന്ന പ്ര​ക്ഷോ​ഭ​ത്തി​നു​ശേ​ഷം കേ​ന്ദ്ര ഭ​ര​ണ​ത്തെ മു​ട്ടു​കു​ത്തി​ക്കു​ന്ന വി​ധ​ത്തി​ൽ ഇ​ന്ത്യ​യൊ​ട്ടാ​കെ അ​ല​യ​ടി​ച്ച​തും എ​ല്ലാ പ്ര​തി​പ​ക്ഷ ക​ക്ഷി​ക​ളും പി​ന്തു​ണ​ച്ച​തു​മാ​യ വ​ഖ​ഫ് നി​യ​മ ഭേ​ദ​ഗ​തി​ക്കെ​തി​രെ മു​സ്‍ലിം ന്യൂ​ന​പ​ക്ഷ ജ​ന​ത ന​ട​ത്തി​വ​ന്നി​രു​ന്ന പ്ര​ക്ഷോ​ഭ​ണം നി​ല​ച്ചു​പോ​വു​ക​യാ​ണു​ണ്ടാ​യ​ത്. ഇ​തി​ലൂ​ടെ പ​ഹ​ൽ​ഗാം ആ​ക്ര​മ​ണം ഹി​ന്ദു​ത്വ ശ​ക്തി​ക​ൾ​ക്ക് ന​ൽ​കി​യ സു​വ​ർ​ണാ​വ​സ​ര​മാ​യി ക​ലാ​ശി​ച്ചു എ​ന്നു​ത​ന്നെ പ​റ​യാം. വി​ദേ​ശ സ​ന്ദ​ർ​ശ​നം വെ​ട്ടി​ച്ചു​രു​ക്കി ഇ​ന്ത്യ​യി​ലെ​ത്തി​യ പ്ര​ധാ​ന​മ​ന്ത്രി സ​ർ​വ​ക​ക്ഷി യോ​ഗ​ത്തി​ൽ പ​ങ്കെ​ടു​ക്കാ​തെ ബി​ഹാ​റി​ലെ തെ​ര​ഞ്ഞെ​ടു​പ്പ് യോ​ഗ​ത്തി​ലാ​ണ് പ്ര​തി​ക​രി​ച്ച​തെ​ന്ന​തും ഈ ​സ​ന്ദ​ർ​ഭ​ത്തി​ൽ ഓ​ർ​ക്കേ​ണ്ട​താ​ണ്. മ​റ്റൊ​രു വി​ധ​ത്തി​ൽ പ​റ​ഞ്ഞാ​ൽ, പ​ഹ​ൽ​ഗാ​മി​നെ ഒ​രു ദേ​ശീ​യ ദു​ര​ന്ത​മാ​യി കാ​ണു​ന്ന​തി​നു​പ​ക​രം അ​ടു​ത്തു​വ​രാ​ൻ പോ​കു​ന്ന സം​സ്ഥാ​ന തെ​ര​ഞ്ഞെ​ടു​പ്പു​ക​ളി​ലെ ഒ​രു മു​ത​ൽ​ക്കൂ​ട്ടാ​യി മാ​റ്റാ​നാ​ണ് ബി.​ജെ.​പി നേ​തൃ​ത്വം ശ്ര​മി​ക്കു​ന്ന​ത്.

തു​ട​ർ​ന്ന് കേ​ന്ദ്ര സ​ർ​ക്കാ​ർ ഭീ​ക​ര​വാ​ദി​ക​ൾ എ​ന്ന് സം​ശ​യി​ക്കു​ന്ന​വ​രു​ടെ വീ​ടു​ക​ൾ ത​ക​ർ​ക്കു​ക​യാ​ണ് ചെ​യ്ത​ത്. ഈ ​പ​റ​യ​പ്പെ​ടു​ന്ന ഭീ​ക​ര​വാ​ദി​ക​ൾ വ​ർ​ഷ​ങ്ങ​ൾ​ക്കു​മു​മ്പേ സ്വ​ന്തം വീ​ട് ഉ​പേ​ക്ഷി​ച്ചു​പോ​യ​വ​രും നാ​ട്ടു​കാ​ർ​ക്കും വീ​ട്ടു​കാ​ർ​ക്കും നി​യ​ന്ത്ര​ണ​മി​ല്ലാ​ത്ത​വ​രു​മാ​ണ്. അ​വ​രെ ക​ണ്ടെ​ത്തി നി​യ​മ​ത്തി​നു മു​ന്നി​ൽ കൊ​ണ്ടു​വ​രു​ന്ന​തി​നു​പ​ക​രം സു​പ്രീം​കോ​ട​തി വി​ധി​യെ ലം​ഘി​ച്ചു​കൊ​ണ്ട് വീ​ടു​ക​ൾ ത​ക​ർ​ക്കു​ന്ന​ത് ആ ​വീ​ടു​ക​ളി​ലെ നി​ര​പ​രാ​ധി​ക​ളാ​യ മ​നു​ഷ്യ​രെ അ​ഭ​യാ​ർ​ഥി​ക​ളാ​ക്കി​മാ​റ്റു​ന്ന​തി​ന് സ​മാ​ന​മാ​ണ്. പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​നെ​തി​രെ ഇ​ന്ത്യ പ്ര​ത്യാ​ക്ര​മ​ണം ന​ട​ത്തു​മെ​ന്ന​ത് വ്യ​ക്ത​മാ​യി​രു​ന്നു. അ​ത് ഒ​രു ദീ​ർ​ഘ​കാ​ല യു​ദ്ധ​മാ​യി​രി​ക്കു​മോ എ​ന്ന​തി​ൽ മാ​ത്ര​മേ എ​ല്ലാ​വ​ർ​ക്കും സം​ശ​യ​മു​ണ്ടാ​യി​രു​ന്നു​ള്ളൂ. പാ​കി​സ്താ​നെ ത​വി​ടു​പൊ​ടി​യാ​ക്ക​ണ​മെ​ന്നും ആ ​രാ​ജ്യ​ത്തെ മൂ​ന്നാ​യി വി​ഭ​ജി​ക്ക​ണ​മെ​ന്നു​മൊ​ക്കെ​യു​ള്ള ഹി​ന്ദു​ത്വ​വാ​ദി​ക​ളു​ടെ യു​ദ്ധ​വെ​റി നി​റ​ഞ്ഞ ആ​ക്രോ​ശ​ങ്ങ​ൾ​ക്ക് ത​ൽ​ക്കാ​ലം സാ​ധ്യ​ത​യി​ല്ലെ​ന്ന് ത​ന്നെ​യാ​ണ് വി​ചാ​രി​ക്കേ​ണ്ട​ത്.

മേ​യ് ഏ​ഴി​ന് പു​ല​ർ​ച്ചെ ഇ​ന്ത്യ​ൻ സേ​ന പാ​ക് അ​ധീ​ന ക​ശ്മീ​രി​ലെ​യും പാ​കി​സ്താ​നി​ലെ​യും ഭീ​ക​ര പ​രി​ശീ​ല​ന​കേ​ന്ദ്ര​ങ്ങ​ൾ എ​ന്ന് ക​രു​ത​പ്പെ​ടു​ന്ന ഒ​മ്പ​തി​ട​ങ്ങ​ളി​ൽ വ്യോ​മാ​ക്ര​മ​ണം ന​ട​ത്തു​ക​യും ഇ​രു​പ​ത്തി​യ​​ഞ്ചോ​ളം കേ​ന്ദ്ര​ങ്ങ​ൾ ന​ശി​പ്പി​ക്കു​ക​യും ചെ​യ്തു. ഔ​ദ്യോ​ഗി​ക അ​റി​യി​പ്പ് പ്ര​കാ​രം ജ​യ്ശ് ത​ല​വ​ൻ മ​സൂ​ദ് അ​സ്ഹ​റി​ന്റെ കു​ടും​ബാം​ഗ​ങ്ങ​ൾ അ​ട​ക്കം കൊ​ല്ല​പ്പെ​ട്ടി​ട്ടു​ണ്ട്. പാ​കി​സ്താ​ൻ ന​ട​ത്തി​യ ഷെ​ല്ലാ​ക്ര​മ​ണ​ത്തി​ൽ അ​തി​ർ​ത്തി ഗ്രാ​മ​ങ്ങ​ളി​ലെ സാ​ധാ​ര​ണ​ക്കാ​രും കാ​വ​ൽ നി​ന്ന ജ​വാ​ന്മാ​രും ര​ജൗ​രി​യി​ലെ ജി​ല്ല വി​ക​സ​ന ക​മീ​ഷ​ണ​റു​മു​ൾ​പ്പെ​ടെ ഇ​രു​പ​തി​ലേ​റെ പേ​ർ കൊ​ല്ല​പ്പെ​ട്ടു. ശ​നി​യാ​ഴ്ച വൈ​കു​ന്നേ​ര​ത്തോ​ടെ ഔ​ദ്യോ​ഗി​ക വെ​ടി​നി​ർ​ത്ത​ൽ പ്ര​ഖ്യാ​പ​ന​മു​ണ്ടാ​യി.

ഇ​ന്ത്യ​യും പാ​കി​സ്താ​നും ത​മ്മി​ലെ ശ​ത്രു​ത​യും ത​ർ​ക്ക​വും ര​ണ്ട് മ​ത​വി​ഭാ​ഗ​ങ്ങ​ൾ ത​മ്മി​ലെ വി​ഷ​യ​മ​ല്ല. മ​റി​ച്ച് അ​ന്ത​ർ​ദേ​ശീ​യ ത​ല​ത്തി​ൽ മാ​ന​ങ്ങ​ളു​ള്ള ഭൗ​മ​രാ​ഷ്ട്രീ​യ പ്ര​ശ്ന​മാ​ണ്. ഇ​ന്ത്യ​യി​ലെ​യും പാ​കി​സ്താ​നി​ലെ​യും യു​ദ്ധ​വെ​റി​യ​ന്മാ​രും മ​ത​സ്പ​ർ​ധ​യു​ണ്ടാ​കു​ന്ന​തി​നാ​യി ക​ണ്ണു​ന​ട്ടി​രി​ക്കു​ന്ന​വ​രും ഏ​തൊ​രു ദു​ര​ന്ത​ത്തെ​യും ത​ങ്ങ​ളു​ടെ ഹീ​ന​മാ​യ യു​ദ്ധ​വെ​റി പ്ര​ക​ടി​പ്പി​ക്കാ​നു​ള്ള അ​വ​സ​ര​മാ​യി​ട്ടേ കാ​ണു​ന്നു​ള്ളൂ. അ​വ​രെ സം​ബ​ന്ധി​ച്ച് ജ​ന​ങ്ങ​ളു​ടെ സ​മാ​ധാ​ന​ത്തോ​ടെ ജീ​വി​ക്കാ​നു​ള്ള അ​വ​കാ​ശം ഒ​രു പ്ര​ശ്ന​മേ​യ​ല്ല. വി​ഘ​ട​ന​വാ​ദി​ക​ൾ​ക്കും ഭീ​ക​ര​വാ​ദി​ക​ൾ​ക്കു​മെ​തി​രെ ക​ർ​ശ​ന​മാ​യ ന​ട​പ​ടി​ക​ൾ എ​ടു​ക്കു​ന്ന​തി​നൊ​പ്പം, ജ​ന​ങ്ങ​ളെ യു​ദ്ധ​ത്തി​ന്റെ കെ​ടു​തി​ക​ളി​ലേ​ക്ക് വ​ലി​ച്ചി​ഴ​ക്കാ​തി​രി​ക്കാ​നു​ള്ള വി​വേ​കം കാ​ണി​ക്കു​ന്ന​തി​ൽ ഭ​ര​ണ​കൂ​ട​ത്തെ സ​മ്മ​ർ​ദ​പ്പെ​ടു​ത്താ​ൻ പ്ര​തി​പ​ക്ഷ​വും ത​യാ​റാ​കേ​ണ്ട​തു​ണ്ട്.