ജീ​വി​ത​ത്തി​ൽ​നി​ന്ന് പ​റി​ച്ചെ​റി​യാ​ൻ ക​ഴി​യാ​ത്ത അ​നു​ഭ​വം

മു​ത്ത​ങ്ങ വെ​ടി​വെ​പ്പി​നു​ശേ​ഷം അ​റ​സ്​​റ്റി​ലാ​യ ആ​ദി​വാ​സി പ്ര​വ​ർ​ത്ത​ക​രു​ടെ മോ​ച​ന​ത്തി​നും പി​ന്നീ​ട്​ കേ​സ്​ ന​ട​ത്തി​പ്പി​നു​മാ​യി ഒ​പ്പം നി​ന്ന അ​ഭി​ഭാ​ഷ​ക ത​​ന്റെ അ​നു​ഭ​വം പ​റ​യു​ന്നു.

മു​ത്ത​ങ്ങ​യി​ലെ ആ​ദി​വാ​സി​ക​ളു​ടെ നി​സ്സ​ഹാ​യാ​വ​സ്ഥ ചാ​ന​ലി​ലൂ​ടെ​യാ​ണ് ക​ണ്ട​ത്. അ​ന്ന് കോ​ഴി​ക്കോ​ട്ട് പ്രാ​ക്ടി​സ് ചെ​യ്യാ​ൻ തു​ട​ങ്ങി​യ​തേ ഉ​ണ്ടാ​യി​രു​ന്നു​ള്ളൂ. 1999ലാ​ണ് എ​ൻ​റോ​ൾ ചെ​യ്ത​ത്. അ​ക്കാ​ല​ത്ത് എ​സ്.​എ​ഫ്.​ഐ പ്ര​വ​ർ​ത്ത​ക​യാ​യി​രു​ന്നു. അ​ജി​ത​യു​ടെ ‘അ​ന്വേ​ഷി’​ക്ക് ചി​ല ക്ലാ​സു​ക​ൾ എ​ടു​ക്കാ​ൻ പോ​യി. അ​ന്നൊ​ക്കെ സ​ഞ്ചി തൂ​ക്കി ന​ട​ക്കു​ന്ന കാ​ല​മാ​ണ്. സ​ഞ്ചി തൂ​ക്കി ന​ട​ക്കു​ന്ന​വ​രെ​യൊ​ക്കെ ന​ക്സ​ലൈ​റ്റ് ആ​യി ചി​ത്രീ​ക​രി​ക്കു​മാ​യി​രു​ന്നു. എ​സ്.​എ​ഫ്.​ഐ പ്ര​വ​ർ​ത്ത​നം മാ​ത്ര​മാ​യി​രു​ന്നു ഏ​ക രാ​ഷ്ട്രീ​യ പ്ര​വ​ർ​ത്ത​നം. 23ന് ​ഡ​ൽ​ഹി കേ​ന്ദ്ര​മാ​ക്കി പ്ര​വ​ർ​ത്തി​ക്കു​ന്ന ഒ​രു എ​ൻ.​ജി.​ഒ സം​ഘ​ട​ന ഹൈ​ടെ​ക് ഹോ​ട്ട​ലി​ൽ ഒ​രു പ​രി​പാ​ടി ന​ട​ത്തി. അ​വി​ട​ത്തെ മു​റി​യി​ൽ ടി.​വി​യി​ൽ സി.​കെ. ജാ​നു​വി​ന്റെ നീ​രു​വ​ന്നു വീ​ർ​ത്ത മു​ഖ​വും പൊ​ലീ​സ് മ​ർ​ദ​ന​മേ​റ്റ് അ​വ​ശ​നാ​യ എം. ​ഗീ​താ​ന​ന്ദ​ന്റെ ചി​ത്ര​വും ക​ണ്ടു. അ​തു ക​ണ്ട് ക​ര​ഞ്ഞു​പോ​യി. അ​വ​ർ ഒ​രി​ക്ക​ലും അ​വ​രു​ടെ കു​ടും​ബ​ത്തി​നു​വേ​ണ്ടി എ​ന്തെ​ങ്കി​ലും ചെ​യ്യാ​ൻ ഇ​റ​ങ്ങി​യ​വ​ര​ല്ല​ല്ലോ എ​ന്ന് ആ​ലോ​ചി​ച്ചു.

പി​റ്റേ​ദി​വ​സം രാ​വി​ലെ ഓ​ഫി​സി​ലെ​ത്തി അ​ഡ്വ. ഭ​ദ്ര​യെ ക​ണ്ടു. ഇ​വ​ർ​ക്ക് ജാ​മ്യം എ​ടു​ക്കാ​ൻ ഭ​ദ്ര, അ​ഡ്വ. ജോ​സ​ഫി​നെ ഏ​ൽ​പി​ച്ചി​രു​ന്നു. ജോ​സ​ഫ് വ​ക്കീ​ൽ എ​ന്റെ സീ​നി​യ​ർ പി.​ടി. രാ​ജേ​ഷി​നെ ഏ​ൽ​പി​ച്ചു. വ​ക്കീ​ല​ന്മാ​ർ ഒ​പ്പി​ടു​വി​പ്പി​ക്കാ​ൻ പൊ​ലീ​സ് സ്റ്റേ​ഷ​നി​ലേ​ക്ക് പോ​കാ​ൻ ത​യാ​റാ​കു​ക​യാ​ണ്. അ​ഡ്വ. ജോ​സ​ഫി​നോ​ടൊ​പ്പം കോ​ഴി​ക്കോ​ട് ജ​യി​ലി​ൽ പോ​യി. അ​വി​ടെ ക​ണ്ട കാ​ഴ്ച ദ​യ​നീ​യ​മാ​യി​രു​ന്നു. കു​റ​ച്ച് വ​സ്ത്രം കൊ​ടു​ക്ക​ണം എ​ന്ന് പ​റ​ഞ്ഞാ​ണ് അ​വി​ടെ ചെ​ന്ന​ത്. ആ​ദി​വാ​സി​ക​ൾ ദൈ​ന്യ​ത​യോ​ടെ നോ​ക്കു​ന്നു. വ​ക്കീ​ലി​ന്റെ കു​പ്പാ​യം അ​വി​ടെ തു​ണ​യാ​യി. ജ​യി​ൽ സൂ​പ്ര​ണ്ടി​ന്റെ മു​റി​വ​രെ കു​പ്പാ​യം ഇ​ട്ട് പോ​കാം.

താ​ൽ​പ​ര്യ​മു​ള്ള​തി​നാ​ൽ രാ​ജേ​ഷ് വ​ക്കീ​ൽ തു​ട​ർ​ന്ന് ഇ​തു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ ഏ​ൽ​പി​ച്ചു. അ​ങ്ങ​നെ ജ​യി​ലി​ൽ പോ​കാ​ൻ തു​ട​ങ്ങി. മ​തി​യാ​യ ചി​കി​ത്സ​ കൊ​ടു​ക്കേ​ണ്ട​താ​ണ് അ​ടി​യ​ന്ത​ര​കാ​ര്യ​മെ​ന്ന് മ​ന​സ്സി​ലാ​യി. മ​റ്റു​ള്ള​വ​ർ​ക്ക് ചി​കി​ത്സ കൊ​ടു​ത്താ​ൽ മ​തി​യെ​ന്നും ത​നി​ക്ക് ചി​കി​ത്സ വേ​ണ്ടെ​ന്നും ഗീ​താ​ന​ന്ദ​ൻ ക​ട്ടാ​യം പി​ടി​ച്ചു. ഒ​ടു​വി​ൽ അ​ത് പ​റ​ഞ്ഞ് സ​മ്മ​തി​പ്പി​ച്ചു. അ​ങ്ങ​നെ ആ​ദി​വാ​സി​ക​ൾ​ക്ക് ചി​കി​ത്സ ന​ൽ​കാ​ൻ സ​ർ​ക്കാ​ർ ത​യാ​റാ​യി. ഗീ​താ​ന​ന്ദ​നെ ഉ​ൾ​പ്പെ​ടെ മെ​ഡി​ക്ക​ൽ കോ​ള​ജ് ആശുപത്രി വാ​ർ​ഡി​ലേ​ക്ക് മാ​റ്റി. ജാ​നു​വി​നെ പൊ​ലീ​സ് ചോ​ദ്യം ചെ​യ്യു​ന്ന​തി​നി​ട​യി​ൽ വ​ക്കീ​ലി​നെ കാ​ണാ​ൻ അ​നു​വ​ദി​ച്ചു. അ​ങ്ങ​നെ ക​സ്റ്റ​ഡി​യി​ലി​രി​ക്കെ കാ​ണാ​ൻ കോ​ട​തി അ​നു​മ​തി ന​ൽ​കി. പൊ​ലീ​സു​കാ​രു​ടെ ന​ടു​വി​ലാ​ണ് ജാ​നു ഇ​രി​ക്കു​ന്ന​ത്. ആ ​കാ​ഴ്ച​യും ന​ടു​ക്കു​ന്ന​താ​യി​രു​ന്നു. തു​ട​ർ​ന്ന് ജ​യി​ലി​ലു​ള്ള ആ​ദി​വാ​സി സ്ത്രീ​ക​ളെ വെ​റു​തെ വി​ടാ​ൻ തു​ട​ങ്ങി. പൊ​ലീ​സ് ക​സ്റ്റ​ഡി​യി​ലെ​ടു​ത്ത സ്ത്രീ​ക​ളോ​ട് പൊ​യ്ക്കൊ​ള്ളാ​ൻ പ​റ​ഞ്ഞു. ആ​ദി​വാ​സി ഊ​രു​ക​ളി​ൽ പു​രു​ഷ​ന്മാ​രി​ല്ല. അ​തി​നാ​ൽ ഇ​വ​ർ​ക്ക് സം​ര​ക്ഷ​ണം വേ​ണ​മെ​ന്ന് വാ​ദി​ച്ചു. അ​വ​സാ​നം വാ​സു​വേ​ട്ട​ൻ അ​ട​ക്ക​മു​ള്ള​വ​രാ​ണ് സ്ത്രീ​ക​ളെ​യും കു​ട്ടി​ക​ളെ​യും വ​യ​നാ​ട്ടി​ലേ​ക്ക് കൂ​ട്ടി​ക്കൊ​ണ്ടു​പോ​യ​ത്. പ​ന​മ​ര​ത്തെ പ്രീ​മെ​ട്രി​ക് ഹോ​സ്റ്റ​ലി​ലാ​ണ് അ​വ​ർ എ​ത്തി​ച്ച​ത്.

മുത്തങ്ങയിലെ പൊലീസ് വേട്ട

പി​റ്റേ​ന്ന് ഇ​വ​രെ കാ​ണാ​ൻ പ​ന​മ​ര​ത്തു പോ​യി. അ​വി​ടെ ചെ​ല്ലു​മ്പോ​ൾ ഹോ​സ്റ്റ​ലി​ന്റെ വാ​തി​ലി​ൽ പൂ​ര​ത്തി​നു നി​ൽ​ക്കു​ന്ന​തു​പോ​ലെ ആ​ൾ​ക്കൂ​ട്ട​മു​ണ്ട്. ആ​ദി​വാ​സി​ക​ളെ ചീ​ത്ത​പ​റ​യു​ക​യാ​ണ് ജ​ന​ക്കൂ​ട്ടം. പു​റ​ത്തി​റ​ങ്ങി​യാ​ൽ അ​വ​രെ കൈ​കാ​ര്യം ചെ​യ്യും. കൂ​ട്ട​ത്തി​ൽ ഉ​ണ്ടാ​യി​രു​ന്ന ഒ​രാ​ൾ എ​ങ്ങോ​ട്ടു ചാ​ടി​പ്പോ​യി, അ​യാ​ൾ​ക്ക് എ​ന്ത് സം​ഭ​വി​ച്ചു എ​ന്ന് ആ​ർ​ക്കും അ​റി​യി​ല്ല...

എ​ല്ലാ​വ​രും ക​ന​ത്ത ഭീ​തി​യി​ലാ​ണ്. എ​ന്തും സം​ഭ​വി​ക്കാം. പു​റ​ത്തി​റ​ങ്ങി​യാ​ൽ നാ​ട്ടു​കാ​രു​ടെ ആ​ക്ര​മ​ണ​മു​ണ്ടാ​കും. കോ​ഴി​ക്കോ​ട്ടെ ആ​ക്ടി​വി​സ്റ്റു​ക​ളാ​ണ് സ​ഹാ​യ​ത്തി​ന് അ​ന്നു​ണ്ടാ​യി​രു​ന്ന​ത്. ഗീ​താ​ന​ന്ദ​ൻ ജ​യി​ലി​ൽ ക​ണ്ട​പ്പോ​ൾ ആ​വ​ശ്യ​പ്പെ​ട്ട​ത് കോ​ള​നി​ക​ളി​ലെ അ​വ​സ്ഥ​യെ​ന്തെ​ന്ന് തി​ര​ക്ക​ണ​മെ​ന്നാ​ണ്. അ​തി​നു​വേ​ണ്ടി വ​യ​നാ​ട്ടി​ലെ കോ​ള​നി​ക​ളി​ൽ പോ​ക​ണ​മെ​ന്നും പ​റ​ഞ്ഞു. അ​രു​ന്ധ​തി റോ​യി കു​റ​ച്ചു പ​ണം ഏ​ൽ​പി​ച്ചി​രു​ന്നു. വാ​സു​വേ​ട്ട​ൻ യാ​ത്ര​ക്കു​ള്ള പൈ​സ ത​രു​മെ​ന്ന് പ​റ​ഞ്ഞു.

അ​ന്വേ​ഷ​ണം എ​ന്ന നി​ല​യി​ൽ കോ​ള​നി​ക​ളി​ൽ ക​യ​റിയി​റ​ങ്ങി. ജാ​നു​വി​ന്റെ സ​ഹോ​ദ​രി മു​ത്ത, കെ.​ജെ. ബേ​ബി​യു​ടെ ഭാ​ര്യ എ​ന്നി​വ​രെ​യും കൂ​ട്ടി​യാ​ണ് സ​ഞ്ചാ​രം. രാ​ത്രി​യാ​കു​മ്പോ​ൾ ‘ക​ന​വി’​ൽ തി​രി​ച്ചെ​ത്തും. ആ​ദി​വാ​സി​ക​ളു​ടെ ഒ​ട്ടു​മി​ക്ക കോ​ള​നി​ക​ളി​ലും അ​ന്ന് പോ​കാ​ൻ ക​ഴി​ഞ്ഞു.

ഒ​രു ജ​ന്മം മു​ഴു​വ​ൻ സ​മ്പാ​ദി​ച്ച​തെ​ല്ലാം ന​ഷ്ട​പ്പെ​ട്ട മ​നു​ഷ്യ​രെ​യാ​ണ് ക​ണ്ട​ത്. കി​ട​ക്കാ​ൻ പാ​യ​പോ​ലും വീ​ട്ടി​ലി​ല്ല. സാ​ധാ​ര​ണ മ​നു​ഷ്യ​രോ​ടെ​ന്ന പോ​ലെ സ​മ​ര​ത്തി​ൽ എ​ന്തെ​ല്ലാം ന​ഷ്ട​പ്പെ​ട്ടു​വെ​ന്ന് ചോ​ദി​ക്കു​മ്പോ​ൾ വീ​ട്ടി​ൽ ഉ​പ​യോ​ഗി​ച്ചി​രു​ന്ന ര​ണ്ട് ക​ര​ണ്ടി, ചി​ല പാ​ത്ര​ങ്ങ​ൾ... അ​ങ്ങ​നെ അ​വ​രു​ടെ സ​മ്പാ​ദ്യം ഒ​ക്കെ ചെ​റി​യ ഉ​പ​ക​ര​ണ​ങ്ങ​ളാ​യി​രു​ന്നു. അ​വ​രെ സം​ബ​ന്ധി​ച്ചി​ട​ത്തോ​ളം ജീ​വി​ത​ത്തി​ലെ ഏ​റ്റ​വും വി​ല​പ്പെ​ട്ട സ​മ്പാ​ദ്യ​മാ​യി​രു​ന്നു അ​ത്.

ചു​റ്റു​പാ​ടു​മു​ള്ള മ​നു​ഷ്യ​ർ ആ​ദി​വാ​സി​ക​ളെ എ​ല്ലാ​വി​ധ​ത്തി​ലും അ​ന്ന് വേ​ട്ട​യാ​ടി. മു​ത്ത​ങ്ങ​യി​ലേ​ക്ക് യാ​ത്ര​തി​രി​ക്കു​മ്പോ​ൾ പ​ശു​വി​നെ വി​റ്റ​വ​ർ, ക​മ്മ​ൽ വി​റ്റ​വ​ർ, വ​യ​സ്സാ​യ അ​മ്മ​യെ​യും കൂ​ട്ടി പോ​യ​വ​ർ... അ​ങ്ങ​നെ പ​റ​ഞ്ഞ​റി​യി​ക്കാ​ൻ ക​ഴി​യാ​ത്ത ദു​രി​ത​ങ്ങ​ൾ പേ​റി​യ​വ​രാ​ണ് അ​വി​ടെ​യു​ണ്ടാ​യി​രു​ന്ന​ത്. കോ​ള​നി​ക​ളി​ൽ ഒ​രു​പാ​ടു പേ​ർ തി​രി​ച്ചെ​ത്തി​യി​ട്ടി​ല്ല. അ​വ​ർ എ​വി​ടെ​യു​ണ്ടെ​ന്നോ ആ​രു​ടെ കൂ​ടെ​യു​ണ്ടെ​ന്നോ ജ​യി​ലി​ലാ​ണോ പൊ​ലീ​സ് ക​സ്റ്റ​ഡി​യി​ലാ​ണോ എ​ന്നൊ​ന്നും ആ​ർ​ക്കും അ​റി​യി​ല്ല. അ​നാ​ഥ​രാ​ക്ക​പ്പെ​ട്ട മ​നു​ഷ്യ​രു​ടെ വി​ലാ​പ​ത്തി​ന്റെ വി​ളി​ക​ൾ കേ​ട്ടാ​ണ് ഓ​രോ കോ​ള​നി​യി​ൽ​നി​ന്നും ഇ​റ​ങ്ങി​പ്പോ​യ​ത്. അ​വ​രെ ആ​ശ്വ​സി​പ്പി​ക്കാ​ൻ വാ​ക്കു​ക​ൾ ഉ​ണ്ടാ​യി​രു​ന്നി​ല്ല. ജീ​വി​ത​ത്തി​ന് എ​ന്ത​ർ​ഥ​മാ​ണു​ള്ള​തെ​ന്ന് ഈ ​അ​വ​സ്ഥ ക​ണ്ട് പ​ല​പ്പോ​ഴും ആ​ലോ​ചി​ച്ചു.

വ​ക്കീ​ലാ​യി പൈ​സ​യൊ​ക്കെ കി​ട്ടി​ത്തു​ട​ങ്ങി​യി​ട്ടും വീ​ട്ടി​ലേ​ക്ക് പ​രി​മി​ത​മാ​യ പാ​ത്ര​ങ്ങ​ൾ മാ​ത്ര​മേ വാ​ങ്ങൂ. പാ​ത്രം വാ​ങ്ങു​മ്പോ​ഴും കോ​ള​നി​യി​ലെ ര​ണ്ട് പാ​ത്ര​ത്തെ​യും ഒ​രു ക​ര​ണ്ടി​യെ​യും കു​റി​ച്ച് സം​സാ​രി​ച്ച ആ​ദി​വാ​സി അ​മ്മ​യു​ടെ മു​ഖം ഓ​ർ​മ വ​രും. മ​ന​സ്സി​നെ വ്യാ​കു​ല​പ്പെ​ടു​ത്തി​യ കാ​ല​മാ​ണ​ത്. വ​ക്കീ​ൽ​ക്കു​പ്പാ​യം ഉ​ണ്ടാ​യി​രു​ന്ന​തി​നാ​ൽ ഒ​രു​പാ​ട് കാ​ര്യ​ങ്ങ​ൾ ചെ​യ്യാ​ൻ ക​ഴി​ഞ്ഞു. തി​രി​ച്ചെ​ത്തി ഗീ​താ​ന​ന്ദ​നോ​ട് മു​ത്ത​ങ്ങ​യി​ലു​ണ്ടാ​യ അ​നു​ഭ​വ​ങ്ങ​ൾ പ​ല​തും പ​റ​ഞ്ഞു. മെ​ഡി​ക്ക​ൽ കോ​ള​ജ് പൊ​ലീ​സ് ഗീ​താ​ന​ന്ദ​നെ​തി​രെ വീ​ണ്ടും കേ​സെ​ടു​ത്തി​രു​ന്നു.

ഭീ​ഷ​ണി​പ്പെ​ടു​ത്തി എ​ന്ന് പ​റ​ഞ്ഞാ​ണ് കേ​സെ​ടു​ത്ത​ത്. അ​ടു​ത്ത സു​ഹൃ​ത്തു​ക്ക​ളെ​യാ​ണ് ജാ​മ്യ​ക്കാ​രാ​യി നി​ർ​ത്തി​യ​ത്.​ഒ​ടു​വി​ൽ ആ ​കേ​സ് വെ​റു​തെ വി​ട്ടു. ജ​ഡ്ജി അ​നു​ഭാ​വ​പൂ​ർ​വം പെ​രു​മാ​റി. ജ​ഡ്ജി​ക്ക് സ​ത്യം ബോ​ധ്യ​മാ​യി. മു​ത്ത​ങ്ങ ഒ​രു അ​നു​ഭ​വ​മാ​യി​രു​ന്നു. ജീ​വി​ത​ത്തി​ൽ​നി​ന്ന് പ​റി​ച്ചെ​റി​യാ​ൻ ക​ഴി​യാ​ത്ത അ​നു​ഭ​വം.