ബ​ഹു​സ്വ​ര ഇ​ന്ത്യ​യി​ൽ ഹി​ന്ദു രാ​ഷ്ട്ര​ത്തി​ന് അ​തി​ജീ​വി​ക്കാ​നാ​കു​മോ?

ആ​ർ.​എ​സ്.​എ​സ് അ​തി​ന്റെ ല​ക്ഷ്യ​ങ്ങ​ൾ നേ​ടി​യോ? എ​ന്താ​ണ് അ​വ​രു​ടെ പാ​ത? ബ​ഹു​സ്വ​ര ഇ​ന്ത്യ​യി​ൽ ഒ​രു ഹി​ന്ദു രാ​ഷ്ട്ര​ത്തി​ന് ശ​രി​ക്കും അ​തി​ജീ​വി​ക്കാ​നാ​കു​മോ? റി​പ്പ​ബ്ലി​ക്കി​ന്റെ ആ​ത്മാ​വ് സ്വ​ന്ത​മാ​ക്കാ​നാ​യോ അ​വ​ർ​ക്ക്?

ഉ​ള്ളി​ൽ പു​ക​ഞ്ഞു​കൊ​ണ്ടി​രു​ന്ന, അ​തി​സൂ​ക്ഷ്മ​മാ​യ എ​ന്തി​നെ​യോ കു​റി​ച്ച ബോ​ധം പ​തി​യെ രൂ​പ​പ്പെ​ട്ടു​വ​രി​ക​യാ​യി​രു​ന്നു. 1992ലെ ​ത​ണു​പ്പു​കാ​ല​ത്ത് അ​ലീ​ഗ​ഢ് മു​സ്‍ലിം യൂ​നി​വേ​ഴ്സി​റ്റി​യി​ൽ ജേ​ണ​ലി​സം വി​ദ്യാ​ർ​ഥി​യാ​യി​രി​ക്കെ അ​തി​ന്റെ ഇ​ട​നാ​ഴി​ക​ളി​ലും കാ​ന്റീ​നു​ക​ളി​ലും സ്റ്റാ​ഫ് മു​റി​ക​ളി​ലു​മൊ​രു​പോ​ലെ അ​യോ​ധ്യ​യെ കു​റി​ച്ച മ​ന്ത്ര​ണ​ങ്ങ​ൾ പ്ര​തി​ധ്വ​നി​ച്ചു​നി​ൽ​ക്കു​ന്ന​ത് ഓ​ർ​മ​യി​ലു​ണ്ട്. ഡി​സം​ബ​ർ ആ​ദ്യ​വാ​ര​ത്തി​ൽ, അ​യോ​ധ്യ​യി​ൽ പെ​രു​കി​യൊ​ഴു​കു​ന്ന മ​നു​ഷ്യ​രു​ടെ ക​ട​ലോ​ളം ആ​വേ​ശം ഇ​ങ്ങി​വി​ടെ ശാ​ന്ത​മാ​യി നി​രീ​ക്ഷി​ച്ചു​കൊ​ണ്ടി​രി​ക്കു​ക​യാ​യി​രു​ന്ന, മു​സ്‍ലിം ഭൂ​രി​പ​ക്ഷ പ്ര​ദേ​ശ​മാ​യ ഞ​ങ്ങ​ളു​ടെ വാ​ഴ്സി​റ്റി ന​ഗ​ര​ത്തി​ൽ അ​സാ​ധാ​ര​ണ​മാ​യൊ​രു ആ​ധി പ​ര​ത്തി.

ഡി​ജി​റ്റ​ൽ മാ​ധ്യ​മ​ങ്ങ​ൾ ഇ​നി​യും വ​ന്നു​തൊ​ട്ടി​ട്ടി​ല്ലാ​ത്ത അ​ന്ന​ത്തെ ലോ​ക​ത്ത് വാ​ർ​ത്ത​ക​ൾ സ​ഞ്ച​രി​ച്ച​ത് പ​തി​യെ​യാ​ണ്. മു​ഖ്യ​ധാ​രാ മാ​ധ്യ​മ​ങ്ങ​ളി​ൽ വ​രുംവ​രെ അ​വ വി​ശ്വ​സി​ക്കാ​ൻ ജ​നം കൂ​ട്ടാ​ക്കി​യു​മി​ല്ല. എ​ന്നാ​ൽ, ഞ​ങ്ങ​ളി​ലെ​ത്തി​യ​ത് ഇ​ന്ത്യ​യെ എ​​ന്നെ​ന്നേ​ക്കും മാ​റ്റി​മ​റി​ക്കാ​നാ​വും​വി​ധം പ്ര​ക​മ്പ​ന​ശേ​ഷി​യു​ള്ള ഒ​ന്നാ​യി​രു​ന്നു. 1996 ഡി​സം​ബ​ർ ആ​റി​ന് ഉ​ത്ത​ർ​പ്ര​ദേ​ശി​ലെ അ​യോ​ധ്യ​യി​ൽ അ​ര​ങ്ങേ​റി​യ സം​ഭ​വപ​ര​മ്പ​ര ഈ ​ഉ​പ​ഭൂ​ഖ​ണ്ഡ​ത്തി​ന്റെ ഓ​ർ​മ​ക​ളി​ൽ എ​ത്ര​മേ​ൽ ആ​ഴ​ത്തി​ൽ കൊ​ത്തി​വെ​ക്ക​പ്പെ​ടാ​ൻ പോ​കു​ന്നു​വെ​ന്ന് ഒ​രാ​ളും ആ​ലോ​ചി​ച്ചു​ കാ​ണി​ല്ല.

ഡി​സം​ബ​ർ ഏ​ഴി​ന് രാ​വി​ലെ കു​ടും​ബം അ​രു​തെ​ന്ന് പ​റ​ഞ്ഞി​ട്ടും ഞാ​ൻ രാ​വി​ലെ കാ​മ്പ​സി​ലേ​ക്ക് സൈ​ക്കി​ളോ​ടി​ച്ചു​പോ​ന്നു. വ​ർ​ഗീ​യ ക​ലാ​പ​ങ്ങ​ളെ കു​റി​ച്ച അ​വ​രു​ടെ ആ​ശ​ങ്ക​ക​ൾ അ​സ്ഥാ​ന​ത്താ​യി​രു​ന്നി​ല്ല. സം​ഘ​ർ​ഷ​ഭ​രി​ത​മാ​ണ് പ​ട്ട​ണം. കാ​മ്പ​സ് ഭീ​തി​ദ​മാം​വി​ധം നി​ശ്ശ​ബ്ദം. ഞെ​ട്ട​ലും അ​വി​ശ്വാ​സ​വും വ​ഞ്ചി​ക്ക​പ്പെ​ട്ടു​വെ​ന്ന തോ​ന്ന​ലും അ​ന്ത​രീ​ക്ഷ​ത്തി​ൽ നി​റ​ഞ്ഞു​നി​ൽ​ക്കു​ന്നു. അ​പ്പോ​ഴും, എ​ല്ലാ നൈ​രാ​ശ്യ​ങ്ങ​ൾ​ക്കും​മേ​ലെ അ​സാ​ധാ​ര​ണ​മാ​യ ഒ​രു വി​ശ്വാ​സം ക​വി​ഞ്ഞു​നി​ന്നു –കോ​ട​തി​ക​ളും ഭ​ര​ണ​ഘ​ട​ന​യും സം​വി​ധാ​ന​വും​ത​ന്നെ അ​ന്തി​മ​വി​ജ​യം നേ​ടു​​മെ​ന്ന്. നാ​നാ​ത്വം സം​ര​ക്ഷി​ക്കു​മെ​ന്ന് ഉ​റ​പ്പു​ന​ൽ​കി​യ രാ​ജ്യ​ത്ത് സ​മ​ത്വ​ത്തി​ന്റെ കാ​വ​ൽ​പാ​ത​ക​ളാ​യി അ​വ നി​ല​യു​റ​പ്പി​ക്കു​ക​ത​ന്നെ ചെ​യ്യും. എ​ന്നാ​ൽ, ആ ​വി​ശ്വാ​സം കാ​ലം​തെ​റ്റി​യെ​ന്ന് പ​തി​യെ ഞാ​ൻ തി​രി​ച്ച​റി​ഞ്ഞു.

1992 ഡി​സം​ബ​ർ ആ​റി​ന് –പാ​ലി​ക്ക​പ്പെ​ടു​മെ​ന്ന വ​ലി​യ ഉ​റ​പ്പു​ക​ളു​ണ്ടാ​യി​ട്ടും– ബാ​ബ​രി മ​സ്ജി​ദ് ത​ക​ർ​ക്ക​പ്പെ​ട്ട​ത് ആ​ൾ​ക്കൂ​ട്ട​ത്തി​ന് ഭ്രാ​ന്തു​പി​ടി​ച്ച് ആ​ക​സ്മി​ക​മാ​യി സം​ഭ​വി​ച്ചു​പോ​യ​തൊ​ന്നു​മാ​യി​രു​ന്നി​ല്ല. പി​ന്നാ​മ്പു​റ​ത്ത് പ​തി​റ്റാ​ണ്ടു​ക​ളെ​ടു​ത്ത് ന​ട​ത്തി​യ സം​ഘാ​ട​ന​ത്തി​ന്റെ പ​രി​പൂ​ർ​ത്തി​യാ​യി​രു​ന്നു. ആ​വേ​ശം അ​ണ​പൊ​ട്ടി​യൊ​ഴു​കി​യ നി​ല​യി​ൽ ലോ​കം ദ​ർ​ശി​ച്ച​ത് യ​ഥാ​ർ​ഥ​ത്തി​ൽ ഒ​രു പ്ര​ത്യ​യ​ശാ​സ്ത്രം അ​ക​ത്ത് മ​ന്ദ​മാ​യി എ​രി​ഞ്ഞു​ക​ത്തി​യ​താ​യി​രു​ന്നു. ത​ക​ർ​ച്ച​ക്കു​ശേ​ഷം ചെ​റി​യ​കാ​ല​ത്തേ​ക്ക് വീ​ണ്ടും വി​ല​ക്കു​വീ​ണ രാ​ഷ്ട്രീ​യ സ്വ​യം​സേ​വ​ക് സം​ഘ് (ആ​ർ.​എ​സ്.​എ​സ്) അ​തി​ജീ​വി​ച്ചെ​ന്നു മാ​ത്ര​മ​ല്ല അ​ത് വ​ള​ർ​ന്നു, പ​ട​ർ​ന്നു​ക​യ​റി. എ​ന്ന​ത്തെ​ക്കാ​ൾ ആ​ത്മ​വി​ശ്വാ​സ​ത്തോ​ടെ പു​തു​ജീ​വ​ൻ ആ​ർ​ജി​ച്ചു. കാ​ലം​പോ​ലെ അ​തി​ന്റെ രാ​ഷ്ട്രീ​യ മു​ഖ​മാ​യ ബി.​ജെ.​പി 2014ൽ ​ഇ​ന്ത്യ​ൻ രാ​ഷ്ട്രീ​യ​ത്തി​ൽ അ​ത്യു​ന്ന​ത​ങ്ങ​ളി​ലേ​ക്ക് സിം​ഹാ​സ​ന​മി​ട്ട് ഇ​രി​ക്കു​ക​യുംചെ​യ്തു.

ഗോ​ൾ​വാ​ൾ​ക്ക​ർ,രാജേന്ദ്ര സിങ്

സം​ഘു​മാ​യി ആ​ദ്യ മു​ഖാ​മു​ഖം

ആ​ർ.​എ​സ്.​എ​സു​മാ​യി എ​ന്റെ ആ​ദ്യ അ​ഭി​മു​ഖം ഉ​ണ്ടാ​കു​ന്ന​ത് വ​ർ​ഷ​ങ്ങ​ൾ​ക്കു​ മു​മ്പ് അ​ല​ഹ​ബാ​ദി​ൽ സ്കൂ​ൾ വി​ദ്യാ​ർ​ഥി​യാ​യി​രി​ക്കെ​യാ​ണ്. ആ​ർ.​എ​സ്.​എ​സ് സ്ഥാ​പ​ക​നാ​യ ഡോ. ​കെ.​ബി. ഹെ​ഡ്ഗേ​വാ​റി​ന്റെ ജ​ന്മ​ശ​താ​ബ്ദി ആ​ഘോ​ഷ​മാ​യ ജ​ൻ സ​മ്പ​ർ​ക്ക അ​ഭി​യാ​നി​ന്റെ ഭാ​ഗ​മാ​യി ഊ​ർ​ജ​സ്വ​ല​രാ​യ ഒ​രുപ​റ്റം യു​വാ​ക്ക​ൾ ഞ​ങ്ങ​ളു​ടെ കോ​ള​നി ഗേ​റ്റി​ൽ കൊ​ടി​​പി​ടി​ച്ചെ​ത്തി സം​ഭാ​വ​ന പി​രി​ക്കാ​ൻ വ​ന്ന​പ്പോ​ഴാ​യി​രു​ന്നു അ​ത്. ഏ​താ​ണ്ട് ഇ​തേ സ​മ​യ​ത്ത് ത​ന്നെ പ്രാ​യം ചെ​ന്ന ഒ​രു അ​യ​ൽ​വാ​സി എ​ന്റെ മാ​താ​പി​താ​ക്ക​ളെ ക​ണ്ട് ഇ​ള​യ സ​ഹോ​ദ​ര​നെ കോ​ൺ​വെ​ന്റ് സ്കൂ​ളി​ൽ​നി​ന്ന് പേ​രു​വെ​ട്ടി സ​ര​സ്വ​തി വി​ദ്യാ​മ​ന്ദി​റി​ൽ ചേ​ർ​ക്കാ​ൻ ആ​വ​ശ്യ​പ്പെ​ടു​ന്നു​ണ്ട്. പ്ര​ത്യ​യ​ശാ​സ്ത്ര​പ​ര​മാ​യ അ​ന്ത​ർ​ധാ​ര​ക​ൾ തി​രി​ച്ച​റി​യാ​നു​ള്ള പ്രാ​യ​മാ​യി വ​രു​ന്നേ​യു​ള്ളൂ അ​ന്നെ​നി​ക്ക്. എ​ന്നി​ട്ടും, ഈ ​നി​ർ​ദേ​ശ​ത്തി​ലെ എ​ന്തോ എ​ന്ന് എ​ന്നി​ൽ ആ​ശ​ങ്ക ഉ​ണ​ർ​ത്തി. പ്രാ​യം കൗ​മാ​ര​ത്തി​ലെ​ത്തി​യേ ഉ​ള്ളൂ​വെ​ങ്കി​ലും, സാ​മൂ​ഹി​ക-​സാം​സ്കാ​രി​ക പ്ര​വ​ർ​ത്ത​ന​ങ്ങ​ളു​ടെ കു​പ്പാ​യ​മി​ട്ട സം​ഘ​ട​ന​യു​ടെ അ​ടി​ച്ചേ​ൽ​പി​ക്കു​ന്ന അ​ച്ച​ട​ക്കസ്വ​ഭാ​വം എ​നി​ക്ക് തീ​രെ ചേ​രാ​ത്ത ഒ​ന്നാ​യി​രു​ന്നു, അ​ന്യ​ഗ്ര​ഹ​ജീ​വി​​യെ പോ​ലെ.

ബാ​ബ​രി മ​സ്ജി​ദ് ത​ക​ർ​ച്ച​ക്കു​ശേ​ഷ​മാ​ണ് ഇ​ഴ​ക​ൾ പ​ര​സ്പ​രം ചേ​ർ​ത്തു​ വാ​യി​ക്കാ​ൻ തു​ട​ങ്ങി​യ​ത്. 1925ൽ ​ഹെ​ഡ്ഗേ​വാ​ർ ആ​ർ.​എ​സ്.​എ​സ് സ്ഥാ​പി​ക്കു​ന്ന​ത് പു​ണെ വ​ർ​ഗീ​യ ക​ലാ​പ​ങ്ങ​ൾ​ക്കു ശേ​ഷ​മാ​ണ്. ‘രാ​ഷ്ട്ര നി​ർ​മാ​ണം, ഹി​ന്ദു പു​ന​രു​ത്ഥാ​നം’ എ​ന്നി​വ​യാ​ണ് പ്ര​ഖ്യാ​പി​ത ല​ക്ഷ്യം. ഹെ​ഡ്ഗേ​വാ​റി​നു ശേ​ഷം ആ​ർ.​എ​സ്.​എ​സി​ന്റെ അ​മ​ര​ത്തെ​ത്തി​യ എം.​എ​സ്. ഗോ​ൾ​വാ​ൾ​ക്ക​ർ ‘വി​ചാ​ര​ധാ​ര’​യി​ൽ എ​ഴു​തി: ‘‘ഹി​ന്ദു​ക്ക​ളു​ടെ രാ​ഷ്ട്ര​സ​ങ്ക​ൽ​പം ലോ​ക​ത്ത് മ​റ്റു സ​മൂ​ഹ​ങ്ങ​ളു​ടേ​തി​ൽ​നി​ന്ന് വ്യ​ത്യ​സ്ത​മാ​ണ്. നാം ​ഒ​രു രാ​ഷ്ട്ര​മാ​ണ്. ഒ​റ്റ ജ​ന​ത, ഒ​രു സം​സ്കാ​രം.’’ ദേ​ശീ​യ​ത, സം​സ്കാ​രം എ​ന്നി​വ​യെ കു​റി​ച്ച നി​ഷേ​ധ നി​ല​പാ​ടും ഹി​ന്ദു​ത്വ​യും പ​ര​സ്പ​രം ഉ​ൾ​ച്ചേ​ർ​ന്ന ആ​ർ.​എ​സ്.​എ​സ്, ഒ​രു മാ​ധ്യ​മ വി​ദ്യാ​ർ​ഥി​യെ​ന്ന നി​ല​ക്ക് ഞാ​ൻ പ​ഠി​പ്പി​ക്ക​പ്പെ​ട്ട ഭ​ര​ണ​ഘ​ട​ന ദ​ർ​ശ​ന​ത്തി​ന് നേ​ർ​വി​പ​രീ​ത ദി​ശ​യി​ലു​ള്ള​താ​യി​രു​ന്നു– വൈ​വി​ധ്യം, ബ​ഹു​സ്വ​ര​ത, മ​താ​തീ​ത പൗ​ര​ത്വം എ​ന്നി​ങ്ങ​നെ​യാ​യി​രു​ന്നു ഭ​ര​ണ​ഘ​ട​ന​യി​ൽ ഞാ​ൻ അ​ടു​ത്ത​റി​ഞ്ഞ​ത്.

നാ​ഗ്പൂ​രി​ൽ​നി​ന്ന് ഡ​ൽ​ഹി വ​രെ –അ​തി​ന​പ്പു​റ​ത്തേ​ക്കും

വ​ർ​ഷ​ങ്ങ​ൾ ക​ഴി​ഞ്ഞ്, ഡ​ൽ​ഹി​യി​ൽ മാ​ധ്യ​മ​പ്ര​വ​ർ​ത്ത​ന​വു​മാ​യി ക​ഴി​ഞ്ഞ ഇ​ള​മു​റ​ക്കാ​ല​ത്ത് ഝ​ണ്ഡേ​വാ​ല​നി​ലെ ആ​ർ.​എ​സ്.​എ​സ് ഓ​ഫി​സ് സ​ന്ദ​ർ​ശ​ന​ത്തി​ന് ആ​ദ്യ​മാ​യി എ​നി​ക്ക് അ​വ​സ​രം ല​ഭി​ച്ച​തോ​ർ​ക്കു​ന്നു. രാ​ജു ഭ​യ്യ​യെ​ന്ന് സ്നേ​ഹ​പൂ​ർ​വം വി​ളി​ക്ക​പ്പെ​ട്ട സ​ർ​സം​ഘ് ചാ​ല​ക് രാ​ജേ​ന്ദ്ര സി​ങ്ങു​മാ​യി മാ​ധ്യ​മ​ങ്ങ​ൾ അ​നു​വ​ദി​ച്ച മു​ഖാ​മു​ഖ​മാ​യി​രു​ന്നു വേ​ദി. ശാ​ന്ത​മാ​യ പെ​രു​മാ​റ്റം, അ​ച്ച​ട​ക്ക​ത്തി​ലും പെ​രു​മാ​റ്റ രൂ​പ​വ​ത്ക​ര​ണ​ത്തി​ലു​മു​ള്ള നി​ഷ്ഠ എ​ന്ന​തും ഒ​പ്പം ഭ​ര​ണ​ഘ​ട​ന​യെ കു​റി​ച്ചു​ള്ള മൗ​ന​വു​മാ​ണ് എ​ന്നി​ൽ ഏ​റ്റ​വും കൂ​ടു​ത​ൽ ഉ​ട​ക്കി​യ​ത്.

ജ​നാ​ധി​പ​ത്യ​​ത്തെ കു​റി​ച്ചും ആ​ർ.​എ​സ്.​എ​സി​ന് അ​തി​നോ​ടു​ള്ള പ്ര​തി​ബ​ദ്ധ​ത​യെ കു​റി​ച്ചും ഞാ​ൻ ചോ​ദ്യം ഉ​ന്ന​യി​ച്ച​പ്പോ​ൾ അ​ൽ​പം നി​ർ​ത്തി പ​ല​പ്പോ​ഴാ​യി മു​ൻ​ചൊ​ന്ന ത​ന്റെ നി​ല​പാ​ട് ആ​വ​ർ​ത്തി​ച്ചു: ‘‘രാ​ജ്യ​താ​ൽ​പ​ര്യ​ത്തെ സേ​വി​ക്കു​ന്നി​ട​ത്തോ​ളം ഭ​ര​ണ​ഘ​ട​ന​യെ ഞ​ങ്ങ​ൾ സ്വീ​ക​രി​ക്കു​ന്നു. എ​ന്നാ​ൽ, ഭാ​ര​ത​ത്തി​ന്റെ ആ​ത്മാ​വ് അ​തി​ന്റെ പൗ​രാ​ണി​ക സം​സ്കാ​ര​ത്തി​ലാ​ണ് കു​ടി​കൊ​ള്ളു​ന്ന​ത് –അ​താ​വ​ണം, നി​ർ​ബ​ന്ധ​മാ​യും പ​ര​മ​മാ​യി നി​ൽ​ക്കേ​ണ്ട​ത്.’’ എ​ല്ലാം അ​നാ​വ​ര​ണം ചെ​യ്യു​ന്ന​താ​യി​രു​ന്നു ആ ​മ​റു​പ​ടി. ഭ​ര​ണ​ഘ​ട​ന അ​ടി​സ്ഥാ​ന​പ​ര​മാ​യ ഒ​ന്നാ​യ​ല്ല, താ​ൽ​ക്കാ​ലി​ക​മെ​ന്ന നി​ല​ക്കാ​ണ് ആ​ർ.​എ​സ്.​എ​സ് കാ​ണു​ന്ന​ത്. ഇ​ന്ത്യ​യു​ടെ സം​സ്കാ​ര​മെ​ന്ന ആ​ശ​യ​ത്തോ​ടാ​ണ് അ​തി​ന് വി​ധേ​യ​ത്വം, 1950ൽ ​പി​റ​വി​യെ​ടു​ത്ത ഭ​ര​ണ​ഘ​ട​നാ​ടി​സ്ഥാ​ന​ത്തി​ലു​ള്ള റി​പ്പ​ബ്ലി​ക്കി​നോ​ട​ല്ല.

നൂ​റാം വാ​ർ​ഷി​ക​മാ​ഘോ​ഷി​ക്കു​ന്ന ഈ ​വ​ർ​ഷ​ത്തി​ൽ ഭൂ​മി​ശാ​സ്ത്ര​പ​ര​മാ​യ –നാ​ഗ്പൂ​രി​ലെ ല​ളി​ത​മാ​യ ആ​സ്ഥാ​ന​ത്തു​നി​ന്ന് ഡ​ൽ​ഹി​യി​ലെ പ​ഞ്ച​ന​ക്ഷ​ത്ര സ​മാ​ന​മാ​യ പ്ര​വി​ശാ​ല കേ​ന്ദ്ര​ത്തി​ലേ​ക്ക്– മാ​റ്റ​മ​ല്ല അ​തി​നെ അ​ട​യാ​ള​​പ്പെ​ടു​ത്തു​ന്ന​ത്, അ​തി​ന്റെ ന​യ​ത്തി​ലാ​ണ്. സം​ഘ​പ​രി​വാ​രം എ​ന്ന പേ​രി​ൽ കീ​ഴ് സം​ഘ​ട​ന​ക​ളു​ടെ ശൃം​ഖ​ല​യാ​യി പ്ര​വ​ർ​ത്തി​ക്കു​ന്ന ആ​ർ.​എ​സ്.​എ​സ് അ​നു​ബ​ന്ധ സം​ഘ​ട​ന​ക​ൾ വി​ദ്യാ​ഭ്യാ​സ, സം​സ്കാ​ര, മാ​ധ്യ​മ, തൊ​ഴി​ൽ, രാ​ഷ്ട്രീ​യ മേ​ഖ​ല​ക​ളി​ൽ ത​ങ്ങ​ളു​ടെ അ​ജ​ണ്ട ന​ട​പ്പാ​ക്കു​മ്പോ​ഴും ആ​വ​ശ്യ​മെ​ങ്കി​ൽ ഉ​ത്ത​ര​വാ​ദി​ത്തം ഏ​ൽ​ക്കാ​തെ മാ​റി​നി​ൽ​ക്കാ​ൻ അ​തി​നാ​കും.

ഉത്തർപ്രദേശിലെ അലീഗഢ് മുസ്​ലിം യൂനിവേഴ്സിറ്റി കാമ്പസ്

ഹി​ന്ദു​ത്വ: വ​ഴ​ക്ക​മു​ള്ള നി​ർ​വ​ച​ന​ങ്ങ​ളും ത​ന്ത്ര​പ​ര​മാ​യ മൗ​ന​ങ്ങ​ളും

ഹി​ന്ദു​മ​ത​മെ​ന്ന​തി​ന് പ​ക​രം ഹി​ന്ദു​ത്വ എ​ങ്ങ​നെ ആ​ർ.​എ​സ്.​എ​സി​ന്റെ തെ​ര​ഞ്ഞെ​ടു​ത്ത പ​ദ​പ്ര​യോ​ഗ​മാ​കു​ന്നു​വെ​ന്ന​ത് എ​ന്നെ അ​ത്ഭു​ത​പ്പെ​ടു​ത്തി​യി​ട്ടു​ണ്ട്. ബോ​ധ​പൂ​ർ​വ​മാ​യി അ​വ്യ​ക്ത​വും സാഹചര്യത്തിനനുസരിച്ച് സ​മ​യാ​സ​മ​യ​ത്ത് അ​ർ​ഥം മാ​റ്റാ​വു​ന്ന​തു​മാ​ണ​ത്. ആ​ദ്യ​കാ​ല ആ​ർ.​എ​സ്.​എ​സ് പ്രാ​ർ​ഥ​ന​ക​ളി​ൽ ഹ​നു​മാ​നെ വ​ണ​ങ്ങു​ന്ന​തു​മു​ണ്ടാ​യി​രു​ന്നു. എ​ന്നാ​ൽ, ഉ​ത്ത​രേ​ന്ത്യ​യി​ലേ​ക്ക് വ്യാ​പ​ന​ത്തി​ന്, വി​ഗ്ര​ഹാ​രാ​ധ​ന എ​തി​ർ​ത്ത ആ​ര്യസ​മാ​ജ് അ​നു​ഭാ​വി​ക​ളെ കൂ​ടി തൃ​പ്തി​പ്പെ​ടു​ത്ത​ൽ അ​നി​വാ​ര്യ​മാ​യ​പ്പോ​ൾ അ​വ ഉ​പേ​ക്ഷി​ക്ക​പ്പെ​ട്ടു. സ​മീ​പ​കാ​ല​ത്താ​യി മു​സ്‍ലിം​ക​​ളെ കൂ​ടി പി​ടി​ക്കാ​മെ​ന്നാ​യ​പ്പോ​ൾ അ​വ​ർ​കൂ​ടി നാ​ടി​ന്റെ ഭാ​ഗ​മാ​ണെ​ന്ന് വ​ന്നു. അ​പ്പോ​ഴും ‘ജ​നാ​ധി​പ​ത്യം’, ‘ഭ​ര​ണ​ഘ​ട​നാ​ മൂ​ല്യ​ങ്ങ​ൾ’ തു​ട​ങ്ങി​യ പ​ദ​ങ്ങ​ൾ ബോ​ധ​പൂ​ർ​വം പു​റ​ത്തു​ത​ന്നെ നി​ന്നു.

പ്ര​ത്യ​യ​ശാ​സ്ത്ര​പ​ര​മാ​യ ഈ ​ഭാ​വ​മാ​റ്റം വെ​ളി​വാ​ക്കു​ന്ന​ത് ആ​ർ.​എ​സ്.​എ​സി​ന്റെ കേ​ന്ദ്രീ​യ ആ​ന്ത​ര​വൈ​രു​ധ്യ​മാ​ണെ​ന്ന് എ​നി​ക്ക് തോ​ന്നു​ന്നു. സാം​സ്കാ​രി​ക​മാ​യി ഏ​ക​താ​ന​മാ​യ ഹി​ന്ദു​രാ​ഷ്ട്ര​മാ​ണ് അ​ത് സ്വ​പ്നം കാ​ണു​ന്ന​ത്. എ​ന്നാ​ൽ, അ​ത് പ്ര​വ​ർ​ത്തി​ക്കു​ന്ന​തും വ​ള​രു​ന്ന​തും ബ​ഹു​സ്വ​ര​മാ​യ ഒ​രു ഭ​ര​ണ​ഘ​ട​ന ച​ട്ട​ക്കൂ​ടി​നു​ള്ളി​ൽ​നി​ന്നാ​ണ്. ഇ​ത്ത​രം ഏ​ക​താ​ന​ത​യെ നി​രാ​ക​രി​ക്കു​ന്ന​താ​ണ് ഈ ​ഭ​ര​ണ​ഘ​ട​ന ച​ട്ട​ക്കൂ​ട്. രാ​ഷ്ട്ര​മീ​മാം​സ ശാ​സ്ത്ര​ജ്ഞ​നാ​യ ക്രി​സ്റ്റ​ഫ് ജ​ഫ്രി​ലോ​ട്ട് ആ​ർ.​എ​സ്.​എ​സി​നെ വി​ശേ​ഷി​പ്പി​ക്കു​ന്ന​ത്: ‘‘സാ​മൂ​ഹി​ക സേ​വ​ന​ത്തി​ന്റെ വേ​ഷ​മ​ണി​ഞ്ഞ സാം​സ്കാ​രി​ക ദേ​ശീ​യ​ത’’ എ​ന്നാ​ണ്. ഭ​ര​ണം പി​ടി​ക്കും മു​മ്പ് ‘‘പൗ​ര​സ​മൂ​ഹ​ത്തെ കാ​വി​വ​ത്ക​രി​ക്കു​ക​യെ​ന്ന ദീ​ർ​ഘ​കാ​ല പ​ദ്ധ​തി’’​യാ​ണ​തി​ന്. അ​ങ്ങ​നെ, പ​തി​റ്റാ​ണ്ടു​ക​ൾ പ്ര​വ​ർ​ത്തി​ച്ച് അ​ത് ഭ​ര​ണം പി​ടി​ച്ചു​ക​ഴി​ഞ്ഞി​രി​ക്കു​ന്നു.

യു​ദ്ധ​മു​ഖ​മാ​യി മാ​ധ്യ​മ​ങ്ങ​ൾ

2014ൽ ​ബി.​ജെ.​പി അ​ധി​കാ​ര​മേ​റി മാ​സ​ങ്ങ​ൾ ക​ഴി​ഞ്ഞ്, ഞാ​ൻ മാ​ധ്യ​മ അ​ക്കാ​ദ​മി​ക രം​ഗ​ത്ത് നി​ൽ​ക്കും​ കാ​ല​ത്ത് ആ​ർ.​എ​സ്.​എ​സ് സാം​സ്കാ​രി​ക വി​ഭാ​ഗ​മാ​യ ചി​ത്ര​ഭാ​ര​തി​യു​ടെ ഒ​രു പ​രി​പാ​ടി​ക്ക് ക്ഷ​ണി​ക്ക​പ്പെ​ട്ടി​രു​ന്നു. മു​തി​ർ​ന്ന ആ​ർ.​എ​സ്.​എ​സ് നേ​താ​വാ​യി​രു​ന്നു അ​ധ്യ​ക്ഷ​ൻ. ഒ​രു കേ​ന്ദ്ര വാ​ഴ്സി​റ്റി അ​ധ്യാ​പ​ക യൂ​നി​യ​നി​ലെ പ്ര​തി​നി​ധി​ക​ളും വേ​ദി​യി​ലു​ണ്ട്. പ്ര​മു​ഖ സി​നി​മ സം​വി​ധാ​യ​ക​ർ, ന​ട​ന്മാ​ർ, അ​ക്കാ​ദ​മി​ക വി​ദ​ഗ്ധ​ർ, മു​ൻ​നി​ര മാ​ധ്യ​മ പ​ഠ​ന​കേ​ന്ദ്ര​ങ്ങ​ളി​ൽ​നി​ന്നു​ള്ള വി​ദ്യാ​ർ​ഥി​ക​ൾ എ​ന്നി​വ​രെ​ല്ലാ​മു​ണ്ട്.

ഇ​വി​ടെ സ​ന്ദേ​ശം വ്യ​ക്ത​മാ​യി​രു​ന്നു: സി​നി​മ, ക​ല, മാ​ധ്യ​മ​ങ്ങ​ൾ... എ​ല്ലാം ‘രാ​ഷ്ട്ര​നി​ർ​മി​തി’​ക്കാ​യി ഉ​പ​യോ​ഗ​പ്പെ​ടു​ത്തു​ക. അ​തി​നു പി​റ​കെ അ​നു​ബ​ന്ധ സം​ഘ​ട​ന​യാ​യ ‘ഉ​ഡാ​ൻ’ മാ​ധ്യ​മ വി​ദ്യാ​ർ​ഥി​ക​ൾ​ക്കാ​യി മ​ത്സ​ര​ങ്ങ​ളും സം​ഘ​ടി​പ്പി​ച്ചു. സ​മ്മാ​ന​ത്തു​ക​യും ന​ൽ​കി. എ​ന്റെ മാ​ധ്യ​മ വി​ദ്യാ​ർ​ഥി​ക​ളി​ൽ പ​ല​രും പ​​ങ്കെ​ടു​ത്ത് അ​വ​രു​ടെ സി​നി​മ​ക​ൾ​ക്ക് സ​മ്മാ​ന​ങ്ങ​ൾ വാ​ങ്ങി. ഇ​തി​ലൊ​ന്ന് ആ​ർ.​എ​സ്.​എ​സി​ന്റെ ‘ജ്ഞാ​ന പ​ര​മ്പ​ര’ മികച്ച ഡോ​ക്യു​മെ​ന്റ​റി​ക്കാ​യി തെ​ര​ഞ്ഞെ​ടു​ക്ക​പ്പെ​ടു​ക​യുംചെ​യ്തു.

വ​ർ​ഷ​ങ്ങ​ൾ​ക്കി​ടെ ബോ​ളി​വു​ഡി​ൽ സം​ഘ്-​ബി.​ജെ.​പി ലോ​ക​വീ​ക്ഷ​ണം പ​ങ്കു​വെ​ക്കു​ന്ന നി​ര​വ​ധി സി​നി​മ​ക​ൾ –ക​ശ്മീ​ർ ഫ​യ​ൽ​സ്, കേ​ര​ള സ്റ്റോ​റി, ആ​ർ​ട്ടി​ക്ൾ 370, ബ​സ്ത​ർ: ന​ക്സ​ൽ സ്റ്റോ​റി, സ്വ​ത​ന്ത്ര്യ വീ​ർ സ​വ​ർ​ക്ക​ർ– പു​റ​ത്തി​റ​ങ്ങി. ‘പ്ര​ചാ​ര​ണ സി​നി​മ​ക​ളെ​’ന്ന് വി​മ​ർ​ശ​ക​ർ വി​ളി​ച്ച​താ​യി​രു​ന്നു എ​ല്ലാം. 2016ൽ ​ഇ​ന്ത്യ ന​ട​ത്തി​യ മി​ന്ന​ലാ​ക്ര​മ​ണം പ്ര​മേ​യ​മാ​യി ഇ​റ​ങ്ങി​യ ‘ഉ​റി’ പോ​ലു​ള്ള ബോ​ളി​വു​ഡ് സി​നി​മ​ക​ൾ എ​ങ്ങ​നെ ദേ​ശീ​യ​ത വി​കാ​രം വ​ള​ർ​ത്താ​ൻ ക​ല​യും സി​നി​മ​യും പ്ര​യോ​ഗി​ക്കു​ന്നു​വെ​ന്ന​തി​ന്റെ വി​ദി​ത​മാ​യ തെ​ളി​വാ​ണ്. ‘‘ക​ഥ പ​റ​ച്ചി​ൽ​പോ​ലും ഒ​രു​ത​രം സി​ദ്ധാ​ന്തോ​പ​ദേ​ശ​മാ​ക്കി’’ ആ​ർ.​എ​സ്.​എ​സ് സം​സ്കാ​ര​ത്തെ രാ​ഷ്ട്രീ​യ ആ​യു​ധ​മാ​ക്കി മാ​റ്റി​യെ​ന്ന് ക​ലാ​കാ​ര​ന്മാ​രും എ​ഴു​ത്തു​കാ​രും കു​റ്റ​പ്പെ​ടു​ത്തു​ന്നു. പ്ര​ത്യ​യ​ശാ​സ്ത്ര​ത്തെ വി​നോ​ദ​വു​മാ​യി ഇ​ങ്ങ​നെ ഇ​ഴ​ചേ​ർ​ക്ക​ലാ​ണ് സം​ഘ് പ​രി​വാ​റി​ന്റെ അ​ധി​കാ​ര​ത്തി​ലേ​ക്കു​ള്ള ഏ​റ്റ​വും വി​ജ​യ​ക​ര​മാ​യ വ​ഴി​ക​ളി​ലൊ​ന്നെ​ന്ന് വേ​ണ​മെ​ങ്കി​ൽ പ​റ​യാം.

ബാബരി മസ്ജിദ് കർസേവകർ തകർക്കുന്നു

ആ​ർ.​എ​സ്.​എ​സ് ല​ക്ഷ്യം നേ​ടി​യോ?

ആ​ർ.​എ​സ്.​എ​സ് ശ​താ​ബ്ദി ആ​ഘോ​ഷി​ക്കു​ന്ന ഈ ​വേ​ള​യി​ൽ അ​ന്ന് 1992 ഡി​സം​ബ​റി​ൽ അ​ലീ​ഗ​ഢ് കാ​മ്പ​സി​ലേ​ക്ക് സൈ​ക്കി​ളോ​ടി​ച്ച് പോ​കു​മ്പോ​ൾ മ​ന​സ്സി​ൽ ക​ത്തി​യ ചോ​ദ്യം വീ​ണ്ടും ചോ​ദി​ച്ചു​ പോ​കു​ക​യാ​ണ്. ആ​ർ.​എ​സ്.​എ​സ് ഇ​റ​ങ്ങി​പ്പു​റ​പ്പെ​ട്ട ല​ക്ഷ്യം നേ​ടി​യോ? ഒ​ര​ർ​ഥ​ത്തി​ൽ അ​തേ​യെ​ന്നു ത​ന്നെ ഉ​ത്ത​രം. നാ​ഗ്പൂ​ർ ആ​സ്ഥാ​ന​മാ​യി നി​ഗൂ​ഢ​മാ​യി പ്ര​വ​ർ​ത്തി​ച്ച ഒ​രു കാ​ഡ​ർ പ്ര​സ്ഥാ​ന​മെ​ന്ന​തി​ൽ​നി​ന്നു മാ​റി ഏ​റ്റ​വും ശ​ക്ത​മാ​യ സാം​സ്കാ​രി​ക-​രാ​ഷ്ട്രീ​യ സം​വി​ധാ​ന​മാ​യി ഇ​ന്ത്യ​യി​ൽ അ​ത് വ​ള​ർ​ന്നു ക​ഴി​ഞ്ഞി​ട്ടു​ണ്ട്. അ​തി​ന്റെ രാ​ഷ്ട്രീ​യ മു​ഖ​മാ​യ ബി.​ജെ.​പി ഒ​രു പ​തി​റ്റാ​ണ്ടി​ലേ​റെ​യാ​യി ദേ​ശീ​യ ഭ​ര​ണ​വും അ​ധി​കാ​ര​വും കൈ​യാ​ളു​ക​യുംചെ​യ്യു​ന്നു.

എ​ന്നാ​ൽ, മ​റ്റൊ​ര​ർ​ഥ​ത്തി​ൽ ഇ​​ല്ലെ​ന്നും പ​റ​യ​ണം. ആ​ർ.​എ​സ്.​എ​സി​ന്റെ അ​ടി​സ്ഥാ​ന ദ​ർ​ശ​ന​മാ​യ ഹി​ന്ദു രാ​ഷ്ട്രം ഇ​പ്പോ​ഴും ഭ​ര​ണ​ഘ​ട​ന​യു​മാ​യി ഒ​ത്തു​പോ​കാ​തെ നി​ൽ​ക്കു​ന്നു. സ​മ്പൂ​ർ​ണ ഫ​ല​പ്രാ​പ്തി​യി​ലെ​ത്താ​ൻ ഇ​ന്ത്യ​യു​ടെ മ​തേ​ത​ര ജ​നാ​ധി​പ​ത്യ ക്ര​മം ത​ന്നെ മാ​റ്റി​വ​ര​ക്കാ​ൻ ആ​ർ.​എ​സ്.​എ​സി​ന് സാ​ധ്യ​മാ​കേ​ണ്ടി​യി​രു​ന്നു. രാ​ഷ്ട്രീ​യ പ​ര​മാ​ധി​കാ​ര​മു​ണ്ടാ​യി​ട്ടും ന​ട​പ്പാ​ക്കാ​ൻ –പ​ര​സ്യ​മാ​യെ​ങ്കി​ലും– അ​തി​നാ​യി​ട്ടി​ല്ല. രാ​ജു ഭ​യ്യ ഒ​രി​ക്ക​ൽ പ​റ​ഞ്ഞ​താ​ണ​ല്ലോ: ‘‘ഞ​ങ്ങ​ൾ ഭ​ര​ണ​ഘ​ട​ന​ക്ക് എ​തി​ര​ല്ല. എ​ന്നാ​ൽ, ന​മ്മു​ടെ സം​സ്കാ​രം നി​ർ​വ​ചി​ക്കും പ്ര​കാ​ര​മു​ള്ള രാ​ഷ്ട്ര​ത്തോ​ടാ​ണ് പ​ര​മ​മാ​യ ന​മ്മു​ടെ ക​ട​പ്പാ​ട്.’’ ഇ​വി​ടെ​യാ​ണ് വൈ​രു​ധ്യം ഒ​ളി​ഞ്ഞു​കി​ട​ക്കു​ന്ന​ത്. പ്ര​ത്യ​യ​ശാ​സ്ത്ര​ത്തി​ന്റെ പേ​രി​ൽ അ​ത് വെ​റു​ക്കു​ന്ന അ​തേ ഭ​ര​ണ​ഘ​ട​ന മു​ന്നോ​ട്ടു​വെ​ക്കു​ന്ന ബ​ഹു​സ്വ​ര​ത​യി​ലാ​ണ് ആ​ർ.​എ​സ്.​എ​സ് വ​ള​ർ​ന്ന​ത്.

മു​ന്നി​ലെ ചോ​ദ്യം

എ​ങ്കി​ൽ പി​ന്നെ, ബ​ഹു​സ്വ​ര ഇ​ന്ത്യ​യി​ൽ ഒ​രു ഹി​ന്ദു രാ​ഷ്ട്ര​ത്തി​ന് ശ​രി​ക്കും അ​തി​ജീ​വി​ക്കാ​നാ​കു​മോ?

പ്ര​വി​ശാ​ല​വും വൈ​വി​ധ്യ​പൂ​ർ​ണ​വു​മാ​യ രാ​ജ്യ​ത്തെ ഒ​ന്നി​പ്പി​ച്ച് നി​ർ​ത്തു​ന്ന ഈ ​ഭ​ര​ണ​ഘ​ട​നാ സൗ​ധം ആ​ദ്യം ത​ക​ർ​ത്തെ​റി​ഞ്ഞ​ല്ലാ​തെ അ​ത് സാ​ധ്യ​മാ​കു​മെ​ന്ന് എ​നി​ക്കു​റ​പ്പി​ല്ല. മു​റി​വേ​റ്റ്, വ​ള​ഞ്ഞു​പോ​യി​ട്ടു​ണ്ട് ഈ ​സൗ​ധം. എ​ന്നാ​ലും ത​ക​ർ​ന്നു​വീ​ണി​ട്ടി​ല്ല. അ​ത് എ​ന്നെ​ങ്കി​ലും സം​ഭ​വി​ക്കു​മോ, അ​ത​ല്ല ഇ​ന്ത്യ​യു​ടെ ബ​ഹു​സ്വ​ര ആ​ത്മാ​വ് അ​ന്തി​മ​മാ​യി സ്റ്റേ​റ്റ് തി​രി​കെ പി​ടി​ക്കു​മോ എ​ന്ന​താ​ണ് ന​മ്മു​ടെ കാ​ല​ത്തെ സു​പ്ര​ധാ​ന ചോ​ദ്യം.

ഞാ​ൻ പി​ന്തി​രി​ഞ്ഞു​ നോ​ക്കു​മ്പോ​ൾ –1992 ഡി​സം​ബ​ർ ഏ​ഴി​ന് അ​ലീ​ഗ​ഢ് മു​സ്‍ലിം യൂ​​നി​വേ​ഴ്സി​റ്റി​യി​ലെ പേ​ടി​ച്ച​ര​ണ്ട യു​വ വി​ദ്യാ​ർ​ഥി​യി​ൽ​നി​ന്ന് രാ​ജ്യ​ത​ല​സ്ഥാ​ന​ത്ത് അ​ത്യാ​ഡം​ബ​ര​പൂ​ർ​ണ​മാ​യ ആ​സ്ഥാ​ന​ത്തി​ലേ​ക്ക് സം​ഘ് പ​രി​വാ​ർ വ​ള​ർ​ന്ന, ശ​ത​കം തി​ക​ച്ച് ആ​ർ.​എ​സ്.​എ​സ് ന​ട​ത്തി​യ യാ​ത്ര മി​ക​ച്ച​തു​ ത​ന്നെ; മൗ​ലി​ക​മാ​യി അ​പൂ​​ർ​ണ​മാ​ണെ​ങ്കി​ലും. ആ​ൾ​ബ​ല​വും അ​ടി​സ്ഥാ​ന സൗ​ക​ര്യ​ങ്ങ​ളും സ്വീ​കാ​ര്യ​ത​യും അ​ത് കൂ​ട്ടി​യി​ട്ടു​ണ്ട്. ആ​ഖ്യാ​ന​ങ്ങ​ളെ​യും രാ​ഷ്ട്രീ​യ​ത്തെ​യും അ​ത് ആ​വി​ഷ്‍ക​രി​ച്ചി​ട്ടു​ണ്ട്.

എ​ന്നി​ട്ടും ജീ​വി​ച്ചു​പോ​ന്ന ബ​ഹു​സ്വ​ര, ഭ​ര​ണ​ഘ​ട​നാ​ധി​ഷ്ഠി​ത ഇ​ന്ത്യ​യു​മാ​യി ത​ങ്ങ​ളു​ടെ ഹി​ന്ദു​രാ​ഷ്ട്ര സ്വ​പ്നം ര​ഞ്ജി​പ്പി​ലെ​ത്തി​ക്കാ​ൻ അ​തി​നാ​യി​ട്ടി​ല്ല. അ​തി​നൊ​രി​ക്ക​ലും സാ​ധ്യ​മാ​കാ​നു​മി​ട​യി​ല്ല. കാ​ര​ണം, യ​ഥാ​ർ​ഥ ല​ക്ഷ്യം സ​ഫ​ല​മാ​ക്കാ​ൻ ത​ങ്ങ​ളെ വ​ള​രാ​ൻ സ​ഹാ​യി​ച്ച ഭ​ര​ണ​ഘ​ട​ന​ ​ത​ന്നെ അവർക്ക് പൊ​ട്ടി​ച്ചെ​റി​യണം. ആ​ർ.​എ​സ്.​എ​സ് ഇ​ന്ന് നി​ൽ​ക്കു​ന്ന​ത് ഒ​രു നാ​ൽ​ക്ക​വ​ല​യി​ലാ​ണ്. അ​ത് ഭ​ര​ണം പി​ടി​ച്ചി​ട്ടു​ണ്ട്, അ​ധി​കാ​ര ഘ​ട​ന​ക​ളും. പ​ക്ഷേ, റി​പ്പ​ബ്ലി​ക്കി​ന്റെ ആ​ത്മാ​വ് സ്വ​ന്ത​മാ​ക്കാ​നാ​യി​ട്ടി​ല്ല. 100ൽ ​നി​ൽ​ക്കു​ന്ന ആ​ർ.​എ​സ്.​എ​സി​ന്റെ പ്ര​ധാ​ന വി​രോ​ധാ​ഭാ​സ​വും അ​തു​ത​ന്നെ.

മൊ​ഴി​മാ​റ്റം: കെ.​പി. മ​ൻ​സൂ​ർ അ​ലി

===================

(South Asian Integrated News (SAIN) Network, sainnetwork.com സ്ഥാ​പ​ക​യും എ​ഴു​ത്തു​കാ​രിയുമാ​ണ് ലേ​ഖിക)