​േക​ര​ള​ത്തി​​ന്റെ ഫു​ട്​​ബാ​ൾ 'സ​ന്തോ​ഷം'

കേ​ര​ളം വീ​ണ്ടും സ​ന്തോ​ഷ് േട്രാ​ഫി​യി​ൽ മു​ത്ത​മി​ട്ടി​രി​ക്കു​ന്നു. ഇ​ത്​ കേ​ര​ള​ത്തി​​ന്റെ ഫു​ട്​​ബാ​ൾ മി​ക​വാ​ണോ? മു​ൻ​കാ​ല സ​ന്തോ​ഷ്​ ട്രോ​ഫി വി​ജ​യ ടീ​മു​ക​ളു​മാ​യി ഇ​ന്ന​ത്തെ ടീ​മി​നു​ള്ള നേ​ട്ട​വും കോ​ട്ട​വും എ​ന്താ​ണ്​?  -മു​തി​ർ​ന്ന മാ​ധ്യ​മ​പ്ര​വ​ർ​ത്ത​ക​നും സ്​​പോ​ർ​ട്​​സ്​ ജേ​ണ​ലി​സ്​​റ്റു​മാ​യ ലേ​ഖ​ക​​ന്റെ വി​ശ​ക​ല​നം. 

ടി.​വി സംേ​പ്ര​ഷ​ണ​വും സ​മൂ​ഹ​മാ​ധ്യ​മ​ങ്ങ​ളു​മൊ​ന്നു​മി​ല്ലാ​യി​രു​ന്ന കാ​ലം. റേ​ഡി​യോ​യി​ൽ ദൃ​ക്സാ​ക്ഷി​വി​വ​ര​ണം കേ​ട്ടും പ​ത്ര​ങ്ങ​ളി​ൽ വാ​യി​ച്ചും മാ​ത്രം ക​ളി ആ​സ്വ​ദി​ച്ചി​രു​ന്ന നാ​ളു​ക​ൾ. പ​ത്ര​ങ്ങ​ളി​ൽ അ​ച്ച​ടി​ച്ചു​വ​രു​ന്ന ക​റു​പ്പും വെ​ളു​പ്പു​മാ​യ ചി​ത്ര​ങ്ങ​ളി​ൽ​നി​ന്നാ​ണ് താ​ര​ങ്ങ​ളെ തി​രി​ച്ച​റി​ഞ്ഞി​രു​ന്ന​ത്. പി​ന്നെ ക​ളി​ നേ​രി​ട്ടു കാ​ണാ​ൻ ഭാ​ഗ്യം ല​ഭി​ച്ച​വ​ർ. അ​താ​ക​ട്ടെ ടൂ​ർ​ണ​മെ​ന്റ് വേ​ദി​ക​ളി​ൽ എ​ത്തി​പ്പെ​ടാ​ൻ പ​റ്റു​ന്ന ആ​യി​ര​ങ്ങ​ളോ പ​തി​നാ​യി​ര​ങ്ങ​ളോ. എ​ന്നി​ട്ടും ചി​ല താ​ര​ങ്ങ​ളു​ടെ രൂ​പം ഫു​ട്ബാ​ൾ േപ്ര​മി​ക​ൾ മ​ന​സ്സി​ൽ ഉ​റ​പ്പി​ച്ചു. അ​തി​ലൊ​രു താ​രം റോ​ഡി​ലൂ​ടെ ന​ട​ന്ന​പ്പോ​ൾ പ​ല​പ്പോ​ഴും ട്രാ​ഫി​ക് കു​രു​ക്കു​ണ്ടാ​യി. വാ​ഹ​ന​ങ്ങ​ൾ നി​ർ​ത്തി ആ​രാ​ധ​ക​ർ താ​ര​ത്തെ അ​ഭി​വാ​ദ്യം ചെ​യ്തു. ചു​നി ഗോ​സ്വാ​മി​യാ​ണ് ക​ഥാ​പു​രു​ഷ​ൻ. ചു​നി റോ​ഡി​ലി​റ​ങ്ങി​യാ​ൽ ട്രാ​ഫി​ക് നി​ശ്ച​ല​മാ​കു​ന്ന അ​വ​സ്​​ഥ പ​ല​യി​ട​ത്തും സം​ഭ​വി​ച്ചു.

ചു​നി ഗോ​സ്വാ​മി സ​ന്തോ​ഷ് േട്രാ​ഫി ഫു​ട്ബാ​ൾ ടൂ​ർ​ണ​മെ​ന്റി​ൽ പ​ങ്കെ​ടു​ക്കാ​ൻ കേ​ര​ള​ത്തി​ൽ എ​ത്തി​യ​പ്പോ​ഴോ? 1955ൽ ​എ​റ​ണാ​കു​ളം മ​ഹാ​രാ​ജാ​സ്​ കോ​ള​ജ് ഗ്രൗ​ണ്ടി​ൽ സ​ന്തോ​ഷ് േട്രാ​ഫി ദേ​ശീ​യ ഫു​ട്ബാ​ൾ ക​ഴി​ഞ്ഞു മ​ട​ങ്ങു​മ്പോ​ൾ ചു​നി ഗോ​സ്വാ​മി​യു​ടെ ബാ​ഗ് നി​റ​യെ സ​മ്മാ​ന​ങ്ങ​ൾ ആ​യി​രു​ന്നു. മ​ല​യാ​ളി ആ​രാ​ധ​ക​ർ സ​മ്മാ​നി​ച്ച​ത്. അ​ന്നു ബം​ഗാ​ൾ നാ​യ​ക​ൻ അ​ഹ​മ്മ​ദ് ഖാ​ൻ ആ​യി​രു​ന്നു. 1944-47ൽ ​അ​ഹ​മ്മ​ദ് ഖാ​ൻ മൈ​സൂ​ർ ടീ​മി​ൽ ആ​യി​രു​ന്നു; ഇ​ൻ​സൈ​ഡ് ഫോ​ർ​വേ​ഡ്. കേ​ര​ള​ത്തി​​ന്റെ ടി. ​അ​ബ്ദു​ൽ റാ​നും ബം​ഗാ​ൾ നി​ര​യി​ൽ ഉ​ണ്ടാ​യി​രു​ന്നു. ഫൈ​ന​ലി​ൽ മൈ​സൂ​രി​നെ​തി​രെ നി​ർ​ണാ​യ​ക ഗോ​ൾ അ​ടി​ച്ച​ത് സാ​ക്ഷാ​ൽ പി.​കെ. ബാ​ന​ർ​ജി​യും.

''ചു​നി ഗോ​സ്വാ​മി ഒ​രു ക​ലാ​കാ​ര​നാ​ണ്. മ​റ്റു​ള്ള​വ​ർ ഫു​ട്ബാ​ൾ ക​ളി​ക്കാ​രും.'' ചു​നി​ക്ക് ഇ​ന്ത്യ​യൊ​ട്ടാ​കെ ആ​രാ​ധ​ക​ർ ഉ​ണ്ടാ​യ​തി​​ന്റെ കാ​ര​ണം മ​റ്റൊ​രു ഫു​ട്ബാ​ൾ ഇ​തി​ഹാ​സം ജ​ർ​നെ​യ്ൽ സി​ങ് ധി​ല്ല​ൻ വ്യ​ക്ത​മാ​ക്കി. ചു​നി ഗോ​സ്വാ​മി​യാ​ക​ട്ടെ ഫു​ട്ബാ​ളി​നു പു​റ​മേ ക്രി​ക്ക​റ്റി​ലും പ്രാ​ഗ​ല്ഭ്യം തെ​ളി​യി​ച്ച ബ​ഹു​മു​ഖ പ്ര​തി​ഭ​യാ​യി​രു​ന്നു. 10 വ​ർ​ഷം ബം​ഗാ​ളി​നു​വേ​ണ്ടി ര​ഞ്ജി േട്രാ​ഫി ക​ളി​ച്ച ചു​നി ഗോ​സ്വാ​മി ബം​ഗാ​ൾ ക്രി​ക്ക​റ്റ് ടീം ​നാ​യ​ക​നു​മാ​യി​രു​ന്നു.

ചു​നി ഗോ​സ്വാ​മി-​പി.​കെ. ബാ​ന​ർ​ജി -ബ​ല​റാം ത്ര​യ​ങ്ങ​ളെ ഇ​ന്ത്യ ക​ണ്ട എ​ക്കാ​ല​ത്തെ​യും മി​ക​ച്ച മു​ന്നേ​റ്റ നി​ര​യാ​യി ഫു​ട്ബാ​ൾ വി​ദ​ഗ്ധ​ർ വി​ല​യി​രു​ത്തി. ഈ ​സൂ​പ്പ​ർ താ​ര​ങ്ങ​ൾ മൂ​ന്നു വ്യ​ത്യ​സ്​​ത ടീ​മു​ക​ൾ​ക്കാ​യി സ​ന്തോ​ഷ് േട്രാ​ഫി​ക്ക് എ​ത്തി​യാ​ലോ? നാ​ടും ന​ഗ​ര​വും ഫു​ട്ബാ​ൾ ആ​ര​വ​ത്താ​ൽ നി​റ​യാ​ൻ മ​റ്റെ​ന്തു വേ​ണം. പി.​കെ​ക്കു പി​ന്നാ​ലെ അ​നു​ജ​ൻ പ്ര​സൂ​ൻ ബാ​ന​ർ​ജി​യും സ​ന്തോ​ഷ് േട്രാ​ഫി വേ​ദി​ക​ളി​ൽ ഏ​റെ തി​ള​ങ്ങി.

1955ലെ ​എ​റ​ണാ​കു​ളം ദേ​ശീ​യ ചാ​മ്പ്യ​ൻ​ഷി​പ്പി​നു​ള്ള ഹൈ​ദ​രാ​ബാ​ദ് ടീ​മി​ൽ കോ​ച്ച് എ​സ്.​എ. റ​ഹീം തു​ള​സീ​ദാ​സ്​ ബ​ല​റാ​മി​നെ ടീ​മി​ലെ​ടു​ത്ത​പ്പോ​ൾ വി​മ​ർ​ശ​ന​ങ്ങ​ൾ ഏ​റെ​യു​യ​ർ​ന്നു. പ​ക്ഷേ, തൊ​ട്ട​ടു​ത്ത വ​ർ​ഷം തി​രു​വ​ന​ന്ത​പു​ര​ത്ത് ദേ​ശീ​യ ചാ​മ്പ്യ​ൻ​ഷി​പ് ന​ട​ന്ന​പ്പോ​ഴും റ​ഹീം ബ​ല​റാ​മി​നെ ടീ​മി​ൽ നി​ല​നി​ർ​ത്തി. തി​രു​വ​ന​ന്ത​പു​ര​ത്ത് ബോം​ബെ​യെ തോ​ൽ​പി​ച്ച് ഹൈ​ദ​രാ​ബാ​ദ് സ​ന്തോ​ഷ് േട്രാ​ഫി നേ​ടി​യ​പ്പോ​ൾ (1–1, 4–1) ബ​ല​റാം ര​ണ്ടു ഗോ​ൾ അ​ടി​ച്ചു. പി​ന്നീ​ട് ര​ണ്ട് ഒ​ളി​മ്പി​ക്സി​ൽ ഇ​ന്ത്യ​ൻ ഗോ​ൾ വ​ല​യം കാ​ത്ത, മ​ല​യാ​ളി എ​സ്.​എ​സ്. നാ​രാ​യ​ണ​ൻ ആ​യി​രു​ന്നു അ​ന്ന് ബോം​ബെ ഗോ​ളി.

താ​ര​നി​ബി​ഡ​മാ​യ ടീ​മു​ക​ളു​ടെ സ​ന്തോ​ഷ് േട്രാ​ഫി​യി​ലെ സാ​ന്നി​ധ്യം 1996-97ൽ ​ദേ​ശീ​യ ലീ​ഗി​​ന്റെ വ​ര​വോ​ടെ അ​സ്​​ത​മി​ച്ചു തു​ട​ങ്ങി. 2006ൽ ​ദേ​ശീ​യ ലീ​ഗ് 'ഐ' ​ലീ​ഗി​നു വ​ഴി​മാ​റു​ക​യും പി​ന്നീ​ട് 2014ൽ ​ഐ.​എ​സ്.​എ​ൽ കൂ​ടി എ​ത്തു​ക​യും ചെ​യ്ത​തോ​ടെ സ​ന്തോ​ഷ് േട്രാ​ഫി ഇ​ന്ത്യ​യി​ൽ മൂ​ന്നാം നി​ര ഫു​ട്ബാ​ൾ ടൂ​ർ​ണ​മെ​ന്റാ​യി; അ​ഥ​വാ കേ​വ​ലം അ​മ​ച്വ​ർ ടൂ​ർ​ണ​മെ​ന്റ്.

ദേ​ശീ​യ ലീ​ഗി​ന്റെ പി​റ​വി​ക്കു തൊ​ട്ടു​മു​മ്പ്, 1994-95ൽ ​ചെ​ന്നൈ സ​ന്തോ​ഷ് േട്രാ​ഫി ഫൈ​ന​ലി​ൽ പ​ഞ്ചാ​ബി​നെ തോ​ൽ​പി​ച്ചു ബം​ഗാ​ൾ (2-1) കി​രീ​ടം ചൂ​ടി​യ​പ്പോ​ൾ നി​ർ​ണാ​യ​ക ഗോ​ൾ​ഡ​ൻ ഗോ​ൾ നേ​ടി​യ​ത് സാ​ക്ഷാ​ൽ ബൈ​ച്ചു​ങ് ബൂ​ട്ടി​യ​യാ​യി​രു​ന്നു. സ​ന്തോ​ഷ് േട്രാ​ഫി ഫൈ​ന​ലി​ലെ പ്ര​ഥ​മ ഗോ​ൾ​ഡ​ൻ ഗോ​ൾ ആ​യി​രു​ന്നു അ​ത്. പി​ന്നെ ക​ണ്ട​ത് സ​ന്തോ​ഷ് േട്രാ​ഫി​യി​ൽ പ്ര​ശ​സ്​​ത ഇ​ന്ത്യ​ൻ താ​ര​ങ്ങ​ളു​ടെ സാ​ന്നി​ധ്യം അ​വ​സാ​നി​ക്കു​ന്ന​താ​ണ്.

ബൈ​ച്ചു​ങ് ബൂ​ട്ടി​യ​യും ഐ.​എം. വി​ജ​യ​നും നി​റ​ഞ്ഞു​ക​ളി​ച്ച കാ​ലം. ഗോ​വ​യി​ൽ​നി​ന്ന് ബ്രൂ​ണോ കു​ട്ടീ​നോ. ബം​ഗാ​ളി​​ന്റെ ബാ​സു​ദേ​വ് മൊ​ണ്ഡ​ൽ. കേ​ര​ള​ത്തി​​ന്റെ ജോ​പോ​ൾ അ​ഞ്ചേ​രി, വി.​പി. സ​ത്യ​ൻ, സി.​വി. പാ​പ്പ​ച്ച​ൻ. ആ ​താ​ര​നി​ര​യെ സ​ന്തോ​ഷ് േട്രാ​ഫി ആ​രാ​ധ​ക​ർ​ക്ക് പി​ന്നീ​ട് അ​ധി​കം കാ​ണാ​ൻ ക​ഴി​ഞ്ഞി​ല്ല.

1990-91ൽ ​വി​ദേ​ശ​രാ​ജ്യ​ങ്ങ​ളെ പി​ന്തു​ട​ർ​ന്ന് അ​ണ്ട​ർ 23 ടീം ​പ​രീ​ക്ഷി​ക്ക​പ്പെ​ട്ട​പ്പോ​ൾ തി​ള​ങ്ങി​യ​വ​രാ​ണ് ഐ.​എം. വി​ജ​യ​നും ജി​ജു ജേ​ക്ക​ബു​മൊ​ക്കെ. ഇ​വ​ർ​ക്കൊ​പ്പം വി.​പി. സ​ത്യ​നും ജോ​പോ​ൾ അ​ഞ്ചേ​രി​യും. സൂ​പ്പ​ർ താ​ര​നി​ര​യു​ടെ ബാ​ഹു​ല്യ​ത്തി​ൽ യു​വ​താ​ര​ങ്ങ​ൾ​ക്ക് പ്ര​മു​ഖ സം​സ്​​ഥാ​ന ടീ​മു​ക​ളി​ൽ ക​യ​റി​പ്പ​റ്റു​ക ദു​ഷ്ക​ര​മാ​ണെ​ന്നു ക​ണ്ട് ഓ​രോ ടീ​മി​ലും മൂ​ന്ന് അ​ണ്ട​ർ 21 താ​ര​ങ്ങ​ൾ വേ​ണ​മെ​ന്നു ഫെ​ഡ​റേ​ഷ​ൻ നി​ർ​ദേ​ശി​ച്ച കാ​ല​ത്തു​നി​ന്നു​ള്ള മാ​റ്റ​മാ​ണ് 1990ക​ളു​ടെ ര​ണ്ടാം പ​കു​തി ദ​ർ​ശി​ച്ച​ത്.

ജൂ​നി​യ​ർ താ​ര​ങ്ങ​ളു​ടെ സ​ന്തോ​ഷ് േട്രാ​ഫി

മ​ഞ്ചേ​രി​യി​ൽ മ​ത്സ​രി​ച്ച ടീ​മു​ക​ൾ ജൂ​നി​യ​ർ നി​ര​യെ​ന്നു ത​ന്നെ പ​റ​യാം. ക​ഴി​ഞ്ഞ സീ​സ​ണി​ൽ ഐ.​എ​സ്.​എ​ലി​ൽ തി​ള​ങ്ങി​യ താ​ര​ങ്ങ​ളു​ടെ​യും ഐ ​ലീ​ഗി​ൽ മി​ക​വു​കാ​ട്ടി​യ ക​ളി​ക്കാ​രു​ടെ​യും അ​സാ​ന്നി​ധ്യം​കൊ​ണ്ടാ​ണ് സ​ന്തോ​ഷ് േട്രാ​ഫി ശ്ര​ദ്ധി​ക്ക​പ്പെ​ട്ട​ത്.

കേ​ര​ള ക്യാ​പ്റ്റ​ൻ ജി​ജോ ജോ​സ​ഫി​ന് ഇ​ത് ഏ​ഴാം നാ​ഷ​ന​ൽ​സ്​ ആ​യി​രു​ന്നു. ഗോ​ൾ കീ​പ്പ​ർ മി​ഥു​ൻ ആ​റാം ത​വ​ണ സ​ന്തോ​ഷ് േട്രാ​ഫി​യി​ൽ ക​ളി​ച്ചു. മ​റ്റൊ​രു ഗോ​ളി എ​സ്. ഹ​ജ്മ​ലി​ന് അ​ഞ്ചാം ഊ​ഴം. പി. ​അ​ഖി​ലും ജി. ​സ​ഞ്ജു​വും ര​ണ്ടാം ത​വ​ണ​യാ​ണ് ദേ​ശീ​യ ഫു​ട്ബാ​ൾ ക​ളി​ച്ച​ത്. 15 പേ​ർ​ക്കി​ത് അ​ര​ങ്ങേ​റ്റ​മാ​യി​രു​ന്നു. ജി​ജോ​ക്ക് പ്രാ​യം 29. മി​ഥു​നും അ​ഖി​ലും ഇ​രു​പ​ത്തെ​ട്ടു​കാ​ർ, സ​ഞ്ജു ഇ​രു​പ​ത്തേ​ഴു​കാ​ര​ൻ. ഹ​ജ്മ​ലി​ന് ഇ​രു​പ​ത്താ​റ്. ഇ​വ​രാ​ണ് ടീ​മി​ലെ ജ്യേ​ഷ്ഠ​ന്മാ​ർ. പ​ത്തൊ​മ്പ​തു​കാ​ർ മൂ​ന്നു​പേ​രു​ണ്ടാ​യി​രു​ന്നു ടീ​മി​ൽ. ഈ ​യു​വ​നി​ര​യാ​ണ് കേ​ര​ള ഫു​ട്ബാ​ളി​െ​ൻ​റ ഭാ​വി നി​ർ​ണ​യി​ക്കേ​ണ്ട​ത്. ജി​ജോ ജോ​സ​ഫും ടി.​കെ. ജെ​സി​നും അ​ട​ക്കം ഏ​ഴു താ​ര​ങ്ങ​ൾ​ക്ക് ഐ.​എ​സ്.​എ​ൽ ക്ല​ബു​ക​ളി​ൽ​നി​ന്നു വാ​ഗ്ദാ​നം ല​ഭി​ച്ച​താ​യി അ​റി​യു​ന്നു. ഇ​ത് ശു​ഭ​സൂ​ച​ന​യാ​യി ക​ണ​ക്കാ​ക്കാം.

ജേതാക്കളായ കേരള ടീം പയ്യനാട് സ്റ്റേഡിയത്തിൽ തടിച്ചുകൂടിയ ആരാധകരെ അഭിവാദ്യം ചെയ്യുന്നു

താ​ര​സാ​ന്നി​ധ്യം

മേ​വ​ലാ​ൽ, അ​ഹ​മ്മ​ദ്ഖാ​ൻ, രാ​മ​ൻ, ഇ​ന്ദ​ർ സി​ങ്, മ​ഗ​ൻ സി​ങ്, ഹ​ബീ​ബ്, അ​ക്ബ​ർ, മ​ഞ്ജി​ത് സി​ങ്, ഭാ​സ്​​ക​ർ ഗാം​ഗു​ലി, സു​ധീ​പ് ചാ​റ്റ​ർ​ജി, പ​ർ​മീ​ന്ദ​ർ സി​ങ്, കെ​മ്പ​യ്യ, യൂ​സ​ഫ് ഖാ​ൻ, നെ​വി​ൽ ഡി​സൂ​സ, ജ​ർ​നെ​യ്ൽ സി​ങ്, അ​രു​ൺ ഘോ​ഷ്, സ​യ്യ​ദ് ന​യ്മു​ദീ​ൻ, ശൈ​ല​ൻ മ​ന്ന, മു​ഹ​മ്മ​ദ് അ​സീ​സു​ദീ​ൻ, ഗു​ർ​ച​ര​ൻ സി​ങ്, സു​ധീ​ർ ക​ർ​മാ​ർ​ക്ക​ർ, മ​നോ​ര​ഞ്ജ​ൻ ഭ​ട്ടാ​ചാ​ർ​ജി, പീ​റ്റ​ർ ത​ങ്ക​രാ​ജ്, ബ്രാ​ന​ന്ദു തു​ട​ങ്ങി എ​ത്ര​യെ​ത്ര താ​ര​ങ്ങ​ൾ സ​ന്തോ​ഷ് േട്രാ​ഫി​യെ മ​ഹാ​മേ​ള​യാ​ക്കി.

1951ലെ ​ഡ​ൽ​ഹി ഏ​ഷ്യ​ൻ ഗെ​യിം​സ്​ ഫൈ​ന​ലി​ൽ ഇ​ന്ത്യ​ക്കു സ്വ​ർ​ണ​മെ​ഡ​ൽ ഉ​റ​പ്പി​ച്ച ഗോ​ൾ നേ​ടി​യ ശി​വ മേ​വ​ലാ​ൽ 1946-47ൽ ​ബം​ഗ​ളൂ​ർ നാ​ഷ​ന​ൽ​സി​ൽ ഹാ​ട്രി​ക്കോ​ടെ​യാ​ണ് അ​ര​ങ്ങേ​റി​യ​ത്. സ​ന്തോ​ഷ് േട്രാ​ഫി​യി​ൽ അ​ഞ്ചു ഹാ​ട്രി​ക് ഉ​ൾ​പ്പെ​ടെ 37 ഗോ​ൾ നേ​ടി​യ താ​രം. ഇ​തേ മേ​വ​ലാ​ൽ ആ​യി​രു​ന്നു 1973ൽ ​കൊ​ച്ചി സ​ന്തോ​ഷ് േട്രാ​ഫി​യി​ൽ റെ​യി​ൽ​വേ​സി​​ന്റെ പ​രി​ശീ​ല​ക​ൻ. 73ലെ ​റെ​യി​ൽ​വേ​സ്​ ടീ​മി​ൽ പ്ര​സൂ​ൻ ബാ​ന​ർ​ജി​യും ക​ളി​ച്ചി​രു​ന്ന​താ​യി ഓ​ർ​മ.

1956ൽ ​തി​രു​വ​ന​ന്ത​പു​ര​ത്ത് സ​ന്തോ​ഷ് േട്രാ​ഫി ക​ളി​ക്കാ​ൻ പ​ഞ്ചാ​ബി​​ന്റെ പ്ര​തി​രോ​ധ​നി​ര​യി​ൽ ഒ​രു സൂ​പ്പ​ർ​താ​ര​മു​ണ്ടാ​യി​രു​ന്നു. ജ​ർ​നെ​യ്ൽ സി​ങ് ധി​ല്ല​ൻ. പി​ന്നീ​ടു ബം​ഗാ​ളി​ലേ​ക്കു പോ​യ ജ​ർ​നെ​യ്ൽ സി​ങ് 1969ൽ ​പ​ഞ്ചാ​ബി​ൽ മ​ട​ങ്ങി​യെ​ത്തി. 1970ൽ ​ജ​ല​ന്ധ​റി​ൽ ആ​തി​ഥേ​യ​ർ ജേ​താ​ക്ക​ളാ​യ​പ്പോ​ൾ ജ​ർ​നെ​യ്ൽ ടീ​മി​ൽ ഉ​ണ്ടാ​യി​രു​ന്നു. പി​ന്നീ​ട് പ​ഞ്ചാ​ബി​​ന്റെ പ​രി​ശീ​ല​ക​നാ​യി.

ഒ​ളി​മ്പ്യ​ൻ അ​നി​ൽ ന​ന്ദി 46ലും 47​ലും ബം​ഗാ​ൾ ടീ​മി​ൽ ക​ളി​ച്ചു. സ​ഹോ​ദ​ര​ൻ ഒ​ളി​മ്പ്യ​ൻ ത​ന്നെ​യാ​യ നി​ഖി​ൽ ന​ന്ദി 56ലും 61​ലും റെ​യി​ൽ​വേ​സ്​ ടീ​മി​ൽ ഉ​ണ്ടാ​യി​രു​ന്നു. മ​റ്റൊ​രു സ​ഹോ​ദ​ര​ൻ സു​നി​ൽ ന​ന്ദി 62 മു​ത​ൽ 69 വ​രെ ബം​ഗാ​ൾ ടീ​മി​ൽ ക​ളി​ച്ചു.

ഒ​ളി​മ്പി​ക്സ്​ ഫു​ട്ബാ​ളി​ൽ ഇ​ന്ത്യ​ക്കു​വേ​ണ്ടി ഹാ​ട്രി​ക് നേ​ടി​യ ഒ​രേ​യൊ​രു താ​രം നെ​വി​ൽ ഡി​സൂ​സ (1956 മെ​ൽ​ബ​ൺ ഒ​ളി​മ്പി​ക്സ്) 1953 മു​ത​ൽ 61 വ​രെ ബോം​ബെ-​മ​ഹാ​രാ​ഷ്ട്ര ടീ​മു​ക​ൾ​ക്കാ​യി സ​ന്തോ​ഷ് േട്രാ​ഫി ടൂ​ർ​ണ​മെ​ന്റ് ക​ളി​ച്ചു. 1955ലും 61​ലും നാ​യ​ക​ൻ ആ​യി​രു​ന്നു. 1954ൽ ​മ​ദ്രാ​സ്​ (ചെ​ന്നൈ) നാ​ഷ​ന​ൽ​സി​ൽ ബോം​ബെ ന​ടാ​ടെ ജേ​താ​ക്ക​ളാ​യ​പ്പോ​ൾ വി​ജ​യ​ഗോ​ൾ നെ​വി​ലി​​ന്റെ വ​ക. 66ലും 69​ലും നാ​യ​ക​ൻ സ​ഹോ​ദ​ര​ൻ ഡെ​റി​ക് ഡി​സൂ​സ. ഡെ​റി​ക് പി​ന്നീ​ട് പ​രി​ശീ​ല​ക​നാ​യി.

സെ​ക്ക​ന്ദ​രാ​ബാ​ദ് സ്വ​ദേ​ശി പീ​റ്റ​ർ ത​ങ്ക​രാ​ജ് 1960ൽ ​കോ​ഴി​ക്കോ​ട് സ​ന്തോ​ഷ് േട്രാ​ഫി​യി​ൽ സ​ർ​വീ​സ​സി​​ന്റെ നാ​യ​ക​ൻ ആ​യി​രു​ന്നു. ഏ​ഷ്യ​ൻ ഇ​ല​വ​​െ​ന്റ ഗോ​ൾ വ​ല​യം കാ​ത്ത ഈ ​സൂ​പ്പ​ർ ഗോ​ളി ഒ​രു ഗോ​ൾപോ​ലും വ​ഴ​ങ്ങാ​തെ​യാ​ണ് സ​ർ​വീ​സ​സി​നു കി​രീ​ട​ജ​യം ഒ​രു​ക്കി​യ​ത്. ഫൈ​ന​ലി​ൽ ബം​ഗാ​ളി​നെ മ​റു​പ​ടി​യി​ല്ലാ​ത്ത ഒ​രു ഗോ​ളി​നു സ​ർ​വീ​സ​സ്​ തോ​ൽ​പി​ച്ചു.

1969ൽ ​നൗ​ഗോ​ങ്ങി​ൽ ക​ലാ​ശ​പ്പോ​രാ​ട്ടം. ഹൈ​ദ​രാ​ബാ​ദി​ൽ​നി​ന്നു​ള്ള മു​ഹ​മ്മ​ദ് ഹ​ബീ​ബ് ബം​ഗാ​ളി​നു വേ​ണ്ടി സ​ർ​വീ​സ​സി​നെ​തി​രെ നേ​ടി​യ​ത് അ​ഞ്ചു ഗോ​ൾ. ബം​ഗാ​ൾ 6-1നു ​ജ​യി​ച്ചു. ഹ​ബീ​ബി​ന്റെ അ​ഞ്ചു ഗോ​ളി​ൽ ഹാ​ട്രി​ക്കു​മു​ണ്ടാ​യി​രു​ന്നു. 73ൽ ​കൊ​ച്ചി നാ​ഷ​ന​ൽ​സി​ൽ ഗു​ജ​റാ​ത്തി​നെ​തി​രെ ആ​ന്ധ്ര​ക്കു​വേ​ണ്ടി ആ​റു ഗോ​ൾ നേ​ടി​യ മു​ഹ​മ്മ​ദ് അ​ക്ബ​ർ ഹ​ബീ​ബി​​ന്റെ സ​ഹോ​ദ​ര​ൻ ആ​ണ്.

1974ലെ ​ജ​ല​ന്ധ​ർ സ​ന്തോ​ഷ് േട്രാ​ഫി. പ​ഞ്ചാ​ബ് നാ​യ​ക​ൻ സാ​ക്ഷാ​ൽ ഇ​ന്ദ​ർ സി​ങ്. ടൂ​ർ​ണ​മെ​ന്റി​ൽ നേ​ടി​യ​ത് 23 ഗോ​ൾ. ഒ​രു മ​ത്സ​ര​ത്തി​ൽ മാ​ത്രം ഇ​ന്ദ​ർ സി​ങ് ഏ​ഴു​ഗോ​ൾ നേ​ടി. സ​ന്തോ​ഷ് േട്രാ​ഫി​യി​ൽ ഇ​ന്ദ​ർ സി​ങ് ആ​കെ സ്​​കോ​ർ ചെ​യ്ത​ത് 45 ഗോ​ൾ. 1974ലെ ​ഫൈ​ന​ലി​ൽ ബം​ഗാ​ളി​നെ​തി​രെ മൂ​ന്നു ഗോ​ൾ. അ​സ​മി​നും ക​ർ​ണാ​ട​ക​ക്കും എ​തി​രെ​യും ഹാ​ട്രി​ക്.

ഇ​ന്ത്യ​ൻ നാ​യ​ക​ൻ മ​ഗ​ൻ സി​ങ് 1974ൽ ​ജ​ല​ന്ധ​ർ നാ​ഷ​ന​ൽ​സി​ൽ ഇ​ന്ദ​ർ സി​ങ്ങി​നൊ​പ്പം ചേ​ർ​ന്നാ​ലോ? ത​മി​ഴ്നാ​ടി​നെ​തി​രെ ഹാ​ട്രി​ക്. നേ​ര​ത്തേ 1969ൽ ​ബാം​ഗ്ലൂർ നാ​ഷ​ന​ൽ​സി​ൽ റെ​യി​ൽ​വേ​സി​നെ​തി​രെ​യും മ​ഗ​ൻ സി​ങ് ഹാ​ട്രി​ക് നേ​ടി​യി​രു​ന്നു.

മ​ല​യാ​ളി ഒ​ളി​മ്പ്യ​ന്മാ​ർ

1954ൽ ​മ​ദ്രാ​സ്​ സ​ന്തോ​ഷ് േട്രാ​ഫി​യി​ൽ ഡി​ക്ലാ​സ്​ ന​യി​ച്ച തി​രു-​കൊ​ച്ചി ടീ​മി​ൽ ഇ​രി​ഞ്ഞാ​ല​ക്കു​ട സ്വ​ദേ​ശി ഒ. ​ച​ന്ദ്ര​ശേ​ഖ​ർ ഉ​ണ്ടാ​യി​രു​ന്നു. 1963ൽ ​മ​ദ്രാ​സി​ൽ മ​ഹാ​രാ​ഷ്ട്ര കി​രീ​ടം ചൂ​ടി​യ​പ്പോ​ൾ നാ​യ​ക​ൻ ഇ​തേ ച​ന്ദ്ര​ശേ​ഖ​ർ ആ​യി​രു​ന്നു. അ​തും ഒ​ളി​മ്പ്യ​ൻ ലേ​ബ​ലു​മാ​യി. 1955 മു​ത​ൽ 66 വ​രെ ച​ന്ദ്ര​ശേ​ഖ​ർ ബോം​ബെ​ക്കും മ​ഹാ​രാ​ഷ്ട്ര​ക്കു​മാ​യി ക​ളി​ച്ചു. മ​ല​യാ​ളി ഒ​ളി​മ്പ്യ​ന്മാ​രി​ൽ മ​റ്റാ​രും സ​ന്തോ​ഷ് േട്രാ​ഫി​യി​ൽ മ​ല​യാ​ളി​നി​ര​യി​ൽ ഉ​ണ്ടാ​യി​രു​ന്നി​ല്ല. പ്ര​ഥ​മ മ​ല​യാ​ളി ഫു​ട്ബാ​ൾ ഒ​ളി​മ്പ്യ​ൻ തോ​മ​സ്​ മ​ത്താ​യി വ​ർ​ഗീ​സ്​ എ​ന്ന തി​രു​വ​ല്ലാ പാ​പ്പ​ൻ 1945 മു​ത​ൽ 56 വ​രെ ബോം​ബെ​ക്കാ​ണ് ക​ളി​ച്ച​ത്. '53ൽ ​നാ​യ​ക​നാ​യി​രു​ന്നു.

ഗോ​ളി എ​സ്.​എ​സ്. നാ​രാ​യ​ണ​നും ബോം​ബെ താ​ര​മാ​യി​രു​ന്നു. നാ​ലു ഫൈ​ന​ലു​ക​ളി​ൽ ഗോ​ൾ വ​ഴ​ങ്ങാ​തെ നി​ന്ന കാ​വ​ൽ​ഭ​ട​ൻ. കോ​ട്ട​യം സാ​ലി ബം​ഗാ​ൾ നി​ര​യി​ൽ തി​ള​ങ്ങി. അ​ബ്ദു​ൽ റാ​നും ബം​ഗാ​ൾ താ​ര​മാ​യി​രു​ന്നു. എം. ​ദേ​വ​ദാ​സ്​ മ​ദ്രാ​സി​നും ബോം​ബെ​ക്കും പി​ന്നീ​ട് മ​ഹാ​രാ​ഷ്ട്ര​യാ​യ​പ്പോ​ൾ അ​വ​ർ​ക്കും വേ​ണ്ടി ക​ളി​ച്ചു. അ​ന്ന് കേ​ര​ള​ത്തി​ൽ ശ്ര​ദ്ധേ​യ​മാ​യ അ​ഖി​ലേ​ന്ത്യാ ടൂ​ർ​ണ​മെ​ന്റു​ക​ൾ ഉ​ണ്ടാ​യി​രു​ന്ന​തി​നാ​ൽ മ​ല​യാ​ളി ഒ​ളി​മ്പ്യ​ൻ​മാ​രു​ടെ കേ​ര​ള​ത്തി​ലെ പ്ര​ക​ട​നം സ​ന്തോ​ഷ് േട്രാ​ഫി​യി​ൽ മാ​ത്രം ഒ​തു​ങ്ങി​യി​രു​ന്നി​ല്ല.

സൂ​പ്പ​ർ​താ​ര​ങ്ങ​ൾ പ​രി​ശീ​ല​ക​രാ​യ​പ്പോ​ൾ

ജ​ർ​നെ​യ്ൽ സി​ങ് പ​ഞ്ചാ​ബി​​ന്റെ പ​രി​ശീ​ല​ക​നാ​യെ​ങ്കി​ലും കേ​ര​ള​ത്തി​ൽ എ​ത്തി​യ​താ​യി ഓ​ർ​മ​യി​ല്ല. 1973ൽ ​കേ​ര​ളം ന​ടാ​ടെ കി​രീ​ടം ചൂ​ടി​യ എ​റ​ണാ​കു​ളം സ​ന്തോ​ഷ് േട്രാ​ഫി​യി​ൽ റെ​യി​ൽ​വേ നാ​യ​ക​ൻ പ്ര​കാ​ശ് ബി​ശ്വാ​സ്​ ആ​യി​രു​ന്നു. ചി​ന്ന റെ​ഡ്ഡി​യും ടീ​മി​ൽ ഉ​ണ്ടാ​യി​രു​ന്നു. ബം​ഗാ​ൾ​നി​ര​യി​ൽ സു​ഭാ​ഷ് ഭൗ​മി​ക്ക് ആ​യി​രു​ന്നു ഇ​തി​ഹാ​സ​താ​രം. കേ​ര​ള​ത്തെ ഒ​ളി​മ്പ്യ​ൻ സൈ​മ​ൺ സു​ന്ദ​ർ​രാ​ജ് പ​രി​ശീ​ലി​പ്പി​ച്ച​പ്പോ​ൾ റെ​യി​ൽ​വേ​സി​​ന്റെ കോ​ച്ച് മേ​വ​ലാ​ലും.

1988ലെ ​കൊ​ല്ലം സ​ന്തോ​ഷ് േട്രാ​ഫി​യി​ൽ താ​ര​ങ്ങ​ളെ​ക്കാ​ൾ ശ്ര​ദ്ധി​ക്ക​പ്പെ​ട്ടൊ​രു കോ​ച്ച് ഉ​ണ്ടാ​യി​രു​ന്നു. ബം​ഗാ​ളി​​ന്റെ പി.​കെ. ബാ​ന​ർ​ജി. മ​ഹാ​രാ​ഷ്ട്ര​ക്കൊ​പ്പം ഡെ​റി​ക് ഡി​സൂ​സ​യും. ഇ​വ​രൊ​ക്കെ ക​ളി​നി​ർ​ത്തി​യി​ട്ട് കാ​ല​മെ​ത്ര​യാ​യി​രു​ന്നു. പ​ക്ഷേ, കൊ​ല്ലം ലാ​ൽ ബ​ഹ​ദൂ​ർ സ്റ്റേ​ഡി​യ​ത്തി​ലും പു​റ​ത്ത് വീ​ഥി​ക​ളി​ലും പി.​കെ​യും ഡെ​റി​ക്കും ആ​രാ​ധ​ക​ശ്ര​ദ്ധ നേ​ടി​യ​ത് ഓ​ർ​മ​യി​ൽ.

നാ​ളെ​യു​ടെ താ​ര​ങ്ങ​ൾ

2001ൽ ​കേ​ര​ള​നി​ര​യി​ൽ ക​ളി​ച്ച ആ​സി​ഫ് സ​ഹീ​റും സി​ൽ​വ​സ്റ്റ​ർ ഇ​ഷ്യേ​സും അ​ബ്ദു​ൽ ഹ​ക്കീ​മും പി​ന്നീ​ട് ശ്ര​ദ്ധേ​യ​രാ​യി. ഫൈ​ന​ലി​ൽ കേ​ര​ളം ഗോ​വ​യെ തോ​ൽ​പി​ച്ച​പ്പോ​ൾ (3-2) ഗോ​ൾ​ഡ​ൻ ഗോ​ൾ ഉ​ൾ​പ്പെ​ടെ മൂ​ന്നു ഗോ​ളും നേ​ടി​യ​ത് ഹ​ക്കീം.

ത​മി​ഴ്നാ​ടി​​ന്റെ സ​ബീ​ർ പാ​ഷ​യും ഗോ​വ​യു​ടെ ജോ​സ്​ കൊ​ളാ​സോ​യും ഒ​ക്കെ മി​ക​വ് ആ​വ​ർ​ത്തി​ച്ചു. മ​ഞ്ചേ​രി​യി​ലെ യു​വ​താ​ര​ങ്ങ​ളി​ൽ ആ​രെ​ങ്കി​ലു​മൊ​ക്കെ നാ​ളെ​യു​ടെ സൂ​പ്പ​ർ​താ​ര​ങ്ങ​ൾ ആ​കു​മെ​ന്നു പ്ര​തീ​ക്ഷി​ക്കാം. കാ​ത്തി​രി​ക്കാം.