മി​ടി​പ്പ്

കു​ടി​പ്പ​ള്ളി​ക്കൂ​ട​ക്കാ​ലം. വ​ഴി​ക്ക​ണ​ക്കി​ന്റെ വാ​രി​ക്കു​ഴി​യി​ൽ ത​ല മ​ര​വി​ച്ചി​രി​ക്കെ, വി​ര​ൽ​പ്പി​ടി​യി​ലെ എ​ഴു​ത്തു​പെ​ൻ​സി​ൽ അ​ബോ​ധ​മെ​ന്നോ​ണം മു​ട്ടി​ക്കൊ​ണ്ടി​രു​ന്നു, മ​ര​​ബെ​ഞ്ചി​ന്മേ​ൽ. പെ​ട്ടെ​ന്നാ​ണ്​ മ​ന​സ്സു​ട​ക്കി​യ​ത് -ചു​മ്മാ​തു​ള്ള ആ ​ത​ട്ടു​മു​ട്ടി​ൽ അ​ന്നോ​ളം ഗൗ​നി​ക്കാ​ത്ത ഒ​ന്നു​ണ്ടാ​യി​രു​ന്നു. ക​ണി​ശ​മാ​യ ഇ​ട​നേ​ര​മി​ട്ടു​വ​രു​ന്ന എ​ണ്ണം, ക​ണ​ക്ക്. ശി​ര​സ്സി​ന് കെ​ണി​വെ​ച്ച അ​തേ പു​ള്ളി! ക​ണ​ക്ക് വ​ഴ​ങ്ങാ​തി​രി​ക്കു​േ​മ്പാ​ൾ എ​ങ്ങ​നെ വ​രു​ന്നു, ഇ​ത്ര ഗ​ണി​ത​സൂ​ക്ഷ്​​മ​ത​യു​ള്ള ആ​വൃ​ത്തി?

ഉ​ത്ത​രം ര​ണ്ട​ക്ഷ​ര​മാ​ണ് -താ​ളം. അ​ത് എ​വി​ടെ​യു​മു​ണ്ട്. എ​ല്ലാ​യ്​​പോ​ഴും. ഗീ​ത​നൃ​ത്ത​വാ​ദ്യ​ങ്ങ​ൾ​ക്ക് സം​വ​ര​ണം ചെ​യ്തി​ട്ടു​ള്ള​ത​ല്ല​ത്. മു​റി​പ്പെ​ൻ​സി​ൽ പ്ലാ​ശു​പ​ല​ക​യി​ൽ ഉ​ള​വാ​ക്കി​യ​ത് മ​ഹി​ത​ങ്ങ​ളൊ​ന്നി​ന്റെ​യും വി​ത്തു​ഗു​ണ​മാ​യി​രു​ന്നി​ല്ല- ‘സം​ഗീ​ത​ര​ത്നാ​ക​ര’​ത്തി​ന്റെ​യോ ‘ചി​ല​പ്പ​തി​കാ​ര’​ത്തി​ന്റെ​യോ. ക്ഷേ​ത്ര​ഗ​ണി​ത ക്ലാ​സി​ൽ ഉ​റ​ക്കം​തൂ​ങ്ങി​ക്കേ​ട്ട​തി​ന്റെ ഗൃ​ഹ​പാ​ഠം ചെ​യ്യു​മ്പോ​ൾ അ​താ വീ​ണ്ടു​മ​ത്: ഗ്രാ​ഫൈ​റ്റ് മു​ന കോ​റി​യി​ടു​ന്ന അ​ക്ക​ങ്ങ​ൾ, മ​ധ്യേ കൃ​ത്യം വീ​ഴു​ന്ന സ​മ​ചി​ഹ്ന​ങ്ങ​ൾ, വെ​ട്ടും കു​ത്തും... എ​ല്ലാം ചേ​ർ​ന്ന പ​ഞ്ചാ​രി, നോ​ട്ടു​പു​സ്​​ത​ക​ത്തി​ൽ.

അ​ക്ഷ​രം കൂ​ട്ടി​യെ​ഴു​തു​മ്പോ​ൾ ആ​ദ്യ​മാ​ദ്യം തി​രി​ഞ്ഞി​രു​ന്നി​ല്ല, പി​ന്നെ​പ്പി​ന്നെ കേ​ട്ടു തു​ട​ങ്ങി... ക​ട​ലാ​സി​ൽ ക​റു​മു​റെ തെ​ളി​യു​ന്ന വാ​ക്കു​ക​ൾ, അ​വ​ക്കി​ടെ സ്വ​യ​മ​റി​യാ​തി​ട്ടു നീ​ങ്ങു​ന്ന എ​ള്ളി​ട​ക​ൾ, [ഋ, ​ക്ഷ എ​ന്നി​ങ്ങ​നെ ചി​ല ദി​നോ​സ​റു​ക​ൾ അ​വ​താ​ള​മു​ണ്ടാ​ക്കി​യെ​ങ്കി​ലും) വാ​ക്കു​ക​ൾ വ​രി​ക​ളാ​വു​മ്പോ​ൾ മു​ള​ക്കു​ന്ന ഇ​മ്പ​ത്തി​ൽ മു​ഖം​കാ​ട്ടി​ത്തു​ട​ങ്ങു​ക​യാ​യി​രു​ന്നു താ​ളം, പാ​ളി​പ്പാ​ളി. വാ​ക്കു​ക​ൾ​ക്ക് അ​ഴ​കൊ​ത്ത നാ​ദം നേ​ർ​ന്നു​കൊ​ണ്ട്, പ​തു​ങ്ങ​നെ.

പ​റ​യാ​റു​ണ്ട്, ക​വി പു​തു​വാ​ക്കി​ന്റെ പ​ട​ച്ചോ​നെ​ന്ന്, പു​തു​പേ​ശി​ന്റെ. ത​ത്ത്വ​ചി​ന്ത​യു​മാ​യു​ള്ള ചി​ര​ന്ത​ന​ ഗു​സ്തി​യി​ൽ അ​ന്തി​മ​ജ​യം ക​വി​ത​ക്ക് ത​ര​മാ​ക്കു​ന്ന​തി​ൽ ക​വി​യു​ടെ ഈ ​പ​ങ്ക് പ​ങ്കി​ടു​ന്നു​ണ്ട് താ​ളം. വി​ചാ​ര​ത്തി​ന്റെ യു​ക്തി​ഭാ​ഷ​ക്കും വി​കാ​ര​ത്തി​ന്റെ താ​ള​ഭാ​ഷ​ക്കും ഇ​ട​യി​ലൊ​രു ന​ടു​വ​ര​മ്പ് കു​ത്തു​ന്നു​ണ്ട് ആ​ധു​നി​ക ലോ​കം. ജീ​വി​താ​നു​ഭ​വ​ങ്ങ​ളു​ടെ കാ​ര്യ​ത്തി​ൽ യു​ക്തി​ന്യാ​യ​ത്തി​ന് മേ​ൽ​ക്കൈ​യും ക​ൽ​പി​ക്കു​ന്നു. പി​ന്നെ​ങ്ങ​നെ താ​ള​ഭാ​ഷ ജ​യി​ക്കു​മെ​ന്നാ​ണെ​ങ്കി​ൽ ഒ​രു നി​മി​ഷം...

എ​ണ്ണീ​ടു​കാ​ർ​ക്കു​മി​തു​താ​ൻ ഗ​തി, സാ​ധ്യ​മെ​ന്തു

ക​ണ്ണീ​രി​നാ​ൽ? അ​വ​നി​വാ​ഴ്വ് കി​നാ​വ്​ ക​ഷ്ടം!

ഉ​ൺ​മ​യു​ടെ മി​ടി​പ്പെ​ടു​ത്ത്, അ​കം​പു​റം മാ​ത്ര​യി​ട്ട് ആ​ശാ​ൻ പ​ക​ർ​ന്നു ത​രു​ന്ന​തി​ൽ എ​വി​ടെ​യാ​ണ് അ​യു​ക്തി, ഭാ​ഷ​ക്കും അ​നു​ഭ​വ​ത്തി​നും? കാ​വ്യ​ഭാ​ഷ​യു​ടെ താ​ളം യാ​ഥാ​ർ​ഥ്യ​ത്തി​ന്റെ നാ​ദ​ത്തി​ന് ഇ​ട​നി​ല വ​ഹി​ക്കു​ന്ന​തി​ലി​ല്ലേ ഒ​രു യു​ക്തി​സ​ഹ നേ​ര്? അ​നു​വാ​ച​ക​നി​ൽ ഇ​നി​മ​യു​ള്ള ഇ​യ​ക്ക​മേ​കു​ന്നു ക​വി​ത. അ​ത​േല്ല അ​ർ​ഥ​ത്തി​ന്റെ മി​ടി​പ്പ്? ലോ​ക​ത്തി​ന്റെ ഉ​ൺ​മ ആ​പേ​ക്ഷി​ക​മാ​വാം, ഓ​രോ​രു​ത്ത​ർ​ക്കും. എ​ങ്കി​ലും, അ​തി​നൊ​രു യു​ക്തി​യു​ക്ത​ത​യു​ടെ തോ​ന്ന​ലേ​കു​ന്നു താ​ളം.

ഭാ​ഷ​യെ പ​രി​രം​ഭ​ണംചെ​യ്തു കി​ട​പ്പു​ണ്ട് താ​ളം. ക​വി​ത​യി​ലാ​ണ​ത് സ്പ​ഷ്ട​മെ​ങ്കി​ലും അ​തി​ന​പ്പു​റ​മാ​ണ് ക​ഥ. ഉ​ച്ച​രി​പ്പ​തി​ന്റെ​യൊ​ക്കെ ചേ​രു​മാ​ന​മാ​ണ​ത്. ഉ​രു​വി​ടു​ന്ന വാ​ക്യ​ത്തി​ലെ ഏ​തേ​തു സ്വ​ര​ത്തി​നാ​ണ് ഊ​ന്നു വേ​ണ്ട​തെ​ന്ന് ഏ​ത് നി​ര​ക്ഷ​ര​നും അ​റി​യാ​തെ അ​റി​യു​ന്നു, ഓ​ർ​ക്കാ​തെ പ​റ​യു​ന്നു. സാ​ക്ഷ​ര​ന​ല്ലാ​ത്ത ഉ​സ്താ​ദ് അ​ല്ലാ​രഖ പ​ണ്ട് മ​ക്ക​ളോ​ട് പേ​ശി​യ​ത് പ​ല​പ്പോ​ഴും ത​ബ​ല​യി​ലൂ​ടെ​യെ​ന്ന് സാ​ക്ഷ്യ​മു​ണ്ട്, മ​ക​നു​സ്താ​ദി​ന്റെ ^സ​ക്കീ​ർ ഹു​സൈ​ൻ. വി​ര​ലോ​രോ​ന്നി​നു​മു​ണ്ട് തോ​ൽ​പ്പു​റ​ത്ത് നി​ർ​ദി​ഷ്ട സ്വ​രാ​ങ്ക​ങ്ങ​ൾ. ‘ദാ​യ​നും ബാ​യ​നും’ ഉ​രി​യാ​ടു​ന്ന​ത് അ​ക്ഷ​ര​കാ​ല​മി​ട്ട ഈ ​താ​ളോ​ക്തി വ​ഴി​യാ​ണ്. അ​താ​ണ് വാ​ദ്യ​ത്തി​ന്റെ നാ​വ്. ഏ​ത് സം​സാ​ര ഭാ​ഷ​ക്കു​മു​ണ്ട് നി​ഷ്‍കൃ​ഷ്ട​മാ​യ ഈ ​താ​ള​ക്ര​മം. നാ​വി​ന്റെ ഊ​ന്ന​ലേ​ൽ​ക്കു​ന്ന സ്വ​ര​ങ്ങ​ൾ ഏ​റ​ക്കു​റെ സ്ഥി​ര​മാ​യ ഇ​ട​വേ​ള​ക​ളി​ലാ​ണ് വ​രി​ക, ഒ​രേ വാ​ക്യ​ത്തി​ൽ. വി​നി​മ​യ​ത്തി​ൽ ഉ​ള്ള​ട​ങ്ങി​യ പ്ര​ധാ​ന വി​വ​ര​ങ്ങ​ൾ വ​ഹി​ക്കു​ന്ന​തും അ​വ​ത​ന്നെ. ഇ​തേ താ​ള​ക്ര​മം ശ്രോ​താ​വി​ന്റെ ഉ​ള്ളി​ലു​മു​ണ്ട്, പ്ര​തീ​ക്ഷി​ത അ​നു​ഭ​വ​മാ​യി. ഈ ​മു​മ്പേ​റി​ലൂ​ടെ​യാ​ണ് വി​നി​മ​യ​ത്തി​ല​ട​ങ്ങി​യ വി​ശേ​ഷ​ങ്ങ​ളി​ലേ​ക്ക് അ​യാ​ൾ ന​യി​ക്ക​പ്പെ​ടു​ന്ന​ത്, കേ​ട്ട കാ​ര്യം ന​ന്നാ​യി ഗ്ര​ഹി​ക്കു​ന്ന​ത്. ഓ​ർ​ക്ക​ണം, വാ​മൊ​ഴി വി​നി​മ​യ​ത്തി​ന്റെ വ​ഴി​മു​ട​ക്കി​യാ​ണ് ഒ​ച്ച. അ​ത് വ​രു​ത്തി​ത്തീ​ർ​ക്കു​ന്ന ഇ​ട​ർ​ച്ച​യു​ണ്ട് കേ​ൾ​വി​ക്ക്, ഗ്രാ​ഹ്യ​ത്തി​ന്. പേ​ശി​ലെ അ​ത്ത​രം വി​ട​വു​ക​ൾ നി​ക​ത്തി​ക്കൊ​ടു​ക്കു​ക താ​ള​മാ​ണ് -ശ​ബ്ദ​ശ​ല്യ​ത്തി​നി​ടെ മ​ങ്ങു​ന്ന ഗ്രാ​ഹ്യ​ത്തെ സ്പ​ഷ്ട​മാ​ക്കി​ക്കൊ​ടു​ത്തു​കൊ​ണ്ട്.

പേ​ശൊ​രു താ​ള നി​കു​ഞ്​​ജം -സ്വ​നി​മ​ങ്ങ​ളു​ടെ, സ്വ​ര​ങ്ങ​ളു​ടെ, വാ​ക്കു​ക​ളു​ടെ, വാ​ക്യ​ത്തി​ന്റെ. ഇ​വ​യോ​രോ​ന്നും വി​രി​യു​ക അ​ത​തി​ന്റെ വേ​ഗ​നി​ര​ക്കി​ൽ. പേ​ശ​ഴി​യു​ക പ​ല വ​ലു​പ്പ​മു​ള്ള മാ​ത്ര​ക​ളാ​യി. അ​തി​നൊ​രു വ​ർ​ണ​രാ​ജി​യു​ണ്ട്​: നാ​ദ​ത്തി​ന്റെ ഒ​രു മാ​ത്ര മാ​ത്ര​മു​ള്ള സ്വ​നി​മം ഒ​ര​റ്റ​ത്ത്, പൊ​ന്തി​യും താ​ണു​മു​ള്ള ശ​ബ്ദ​ത്തി​ന്റെ ശ്രു​തി​ഭേ​ദ​ങ്ങ​ളു​ള്ള വാ​ക്യം മ​റ്റേ​യ​റ്റ​ത്ത്. അ​ന്യോ​ന്യം മാ​റാ​ടു​ന്ന ഈ ​ക​ണ്ണി​ക​ളെ വേ​ർ​തി​രി​ച്ച​റി​യാ​ൻ മ​ന​സ്സി​നെ തു​ണ​ക്കു​ന്ന ഈ​ണ​നൂ​ലാ​ണ് താ​ളം. വാ​യ​ന​യി​ൽ, എ​ഴു​ത്തി​ൽ, പാ​ട്ടി​ൽ, ഉ​രി​യാ​ട്ടി​ൽ...

സ​മ​യ​മാ​ത്ര​ക​ളു​ടെ ഈ ​വ​ർ​ണ​രാ​ജി സ്ഫു​ടം​ചെ​യ്ത​താ​ണ് സം​ഗീ​ത​ത്തി​ന്റെ ഭൂ​മി​ക- സ്വ​ര​ങ്ങ​ളും ഭാ​വ​ങ്ങ​ളും സ​ഞ്ചാ​ര​ങ്ങ​ളും മ​രു​വു​ന്ന സ്ഥ​ല​രാ​ശി. ശു​ദ്ധി ചെ​യ്യാ​തെ​യും ഇ​തേ മി​ശ്രി​ത​മു​ണ്ട് പ്ര​കൃ​തി​യി​ൽ. നി​ഴ​ൽ വീ​ണ മ​ൺ​വ​ഴി​യി​ലൂ​ടെ വെ​റു​തെ ന​ട​ക്കു​മ്പോ​ൾ, ചോ​ടെ ഞെ​രി​ഞ്ഞ​മ​രു​ന്ന ക​രി​യി​ല​ക​ളു​ടെ ക​രു​കി​ര, ഇ​ട​ക്കി​ടെ ഒ​ടി​ഞ്ഞ​ട​രു​ന്ന ചു​ള്ളി​ക​ളു​ടെ ക​ട​പി​ട, ന​ട​ത്തം നി​ല​ക്കു​മ്പോ​ൾ ഉ​യ​രു​ന്ന കി​ത​പ്പി​ന്റെ ക​ശ​പി​ശ.

പു​റ​ത്തു​നി​ന്ന് പ​ല കാ​ല​ത്തി​ൽ വ​രു​മ്പോ​ലെ ത​ന്നെ​യു​ണ്ട്​ അ​ക​ത്തും സ്പ​ന്ദ​ങ്ങ​ൾ, സ​മാ​നം. മ​സ്​​തി​ഷ്​​ക​മാ​ക​ട്ടെ, വ്യ​ത്യ​സ്ത​ങ്ങ​ളാ​യ ആ​വേ​ഗ​ങ്ങ​ളി​ൽ താ​ള​മി​ടു​ന്നു. നി​മി​ഷാ​ന്ത​ര വേ​ഗ​ങ്ങ​ൾ​ക്ക് ശേ​ഷി​യു​ണ്ട്, അ​തി​ന്റെ സ​ബ് കോ​ർ​ട്ടി​ക്ക​ൽ പ്ര​ദേ​ശ​ത്തി​ന്. കോ​ർ​ട്ട​ക്​​സാ​വ​ട്ടെ, ദൈ​ർ​ഘ്യ​മു​ള്ള മാ​ത്ര​ക​ൾ​ക്ക് ശേ​മു​ഷി​യു​ള്ള​തും. ശ​ബ്ദ​ത​രം​ഗ​ങ്ങ​ൾ പോ​ലെ​ത​ന്നെ സി​രാ​ത​രം​ഗ​ങ്ങ​ളും ച​ലി​ക്കു​ന്ന​ത് സ​മ​യ​രേ​ഖ​യി​ലാ​ണ് -മെ​ല്ലെ​യോ, വേ​ഗ​മോ. ശ​ബ്ദ​ത്തി​ന് മൊ​ത്ത​മാ​യു​ണ്ട് ഒ​രാ​കൃ​തി, അ​ത് രൂ​പ​പ്പെ​ടു​ക​യും തി​രോ​ഭ​വി​ക്ക​യുംചെ​യ്തു​കൊ​ണ്ടി​രി​ക്കും. കോ​ണിരൂ​പ​മാ​ണ്​ ആ ​ച​ല​ന​ത്തി​ന്. മു​തി​ർ​ന്ന മ​നു​ഷ്യ​നി​ൽ 80-250 ഹേ​ട്സ് പ​രി​ധി, അ​താ​ണ് സം​സാ​ര​ത്തി​ന്റെ ‘ശ്രു​തി’. അ​തി​നു​ള്ളി​ൽ താ​ള​ത്തി​ന്റെ ഒ​രു വി​ന്യാ​സ​വ​ട്ടം പു​ല​ർ​ത്താ​നാ​വും ത​ല​ച്ചോ​റി​ന്. സം​സാ​ര​ത്തി​ലെ ശീ​ഘ്ര​സ്വ​നി​മ​ങ്ങ​ളു​ടെ​യും സം​യു​ക്ത​ങ്ങ​ളു​ടെ​യും ശ​ബ്ദ​ങ്ങ​ൾ​ക്കൊ​പ്പി​ച്ച ദ്രു​ത​താ​ളം, സ്വ​ര​ങ്ങ​ൾ​ക്ക് നി​ര​ക്കും പ്ര​കാ​ര​മു​ള്ള മ​ധ്യ​മ താ​ളം, സ്വ​ര​ക്കൂ​ട്ടി​ന്റെ​യും വാ​ക്യ​ങ്ങ​ളു​ടെ​യും മ​ന്ദ്ര ച​ല​ന​ങ്ങ​ൾ​ക്ക് മ​ന്ദ​താ​ളം. ഇ​വ്വി​ധം, താ​ളം ഇ​ഴ​യി​ട്ട സി​ര​ക്കൂ​ടു​ത​ന്നെ​യാ​ണ് ശി​ര​സ്സി​ൽ ഒ​രു​ക്കി​വെ​ച്ചി​രി​ക്കു​ന്ന​ത്, പു​റ​ത്തു​നി​ന്നു​ള്ള താ​ള​ങ്ങ​ൾ​ക്ക് താ​ദാ​ത്മ്യ​പ്പെ​ടാ​ൻ.

ച​ലി​ക്കു​ന്ന ഉ​ട​ലൊ​രു ചൊ​ൽ​ക്കെ​ട്ടാ​ണ്- സം​ഗീ​ത​ത്തി​ലെ സ്വ​ര​ക്ര​മം​പോ​ലെ, വാ​ദ്യ​മേ​ള​ത്തി​ലെ വാ​യ്ത്താ​രി പോ​ലെ, ആ ​ച​ലി​ത സ്വ​രൂ​പ​ത്തെ താ​ങ്ങി​നി​ർ​ത്തു​ന്ന ച​ല​നോ​ർ​ജ​മാ​ണ് താ​ളം. എ​ന്തേ അ​തു മ​നു​ഷ്യ​നെ വ​ല്ലാ​ത​ങ്ങ്​ ആ​വ​ഹി​ക്കു​ന്നു? ല​ളി​ത​മാ​ണ് ഉ​ത്ത​രം: താ​ളം ന​മ്മെ എ​ടു​ത്തെ​റി​യു​ക​യാ​ണ്, അ​കം​പു​റ​ങ്ങ​ളു​ടെ സം​യോ​ഗ​ത്തി​ലേ​ക്ക്. അ​തി​ലൊ​രു തൂ​വ​ൽ​സ്വ​സ്ഥി​യു​ണ്ട്. ക​യ്യ്​ താ​ള​മി​ടു​ന്ന​തും കാ​ല് താ​ളം ച​വി​ട്ടു​ന്ന​തും ആ ​പൊ​രു​ത്ത​ത്തി​ന്റെ ആം​ഗ്യ​ങ്ങ​ളാ​ണ്. ചേ​ർ​ച്ച ഒ​ന്നി​ട​റി​യാ​ലോ?

ക്രി​ക്ക​റ്റ് വാ​ണി​യി​ൽ ഇ​ട​ക്കി​ടെ കേ​ൾ​ക്കാം, മി​ക​ച്ച ക​ളി​ക്കാ​ര​ൻ ‘ഫോ​മി’​ല​ല്ല. ഉ​ദാ​ഹ​ര​ണ​ത്തി​ന്, വി​രാ​ട് കോ​ഹ്‍ലി. രൂ​പ​മ​ല്ലി​വി​ടെ ഫോം. ​ക​ളി​ക്കാ​ര​ന് രൂ​പ​മാ​റ്റ​വു​മി​ല്ല. പി​ന്നെ​യോ? ഏ​തു ക​ളി​ക്കു​മു​ണ്ട് അ​തി​ന്റേ​താ​യൊ​രു ച​ല​ന​ച്ചാ​ല്. അ​തി​ൽ​നി​ന്നും വ​ഴു​തി​യാ​ൽ​പി​ന്നെ ചെ​യ്യു​ന്ന​തൊ​ന്നും ചൊ​വ്വാ​വി​ല്ല. ക​ളി മ​റ​ന്ന​ത​ല്ല, പ്ര​തി​ഭ മ​ങ്ങി​യ​തു​മ​ല്ല. ശ്ര​മം ന​ന്നേ​യു​ണ്ടു​താ​നും, നേ​ർ​ച്ചാ​ലി​ലേ​ക്ക് തി​രി​കെ​ക്ക​യ​റാ​ൻ. എ​ന്താ​ണീ ചാ​ല്, താ​ളാ​ത്മ​ക​മാ​യ ക​ളി​ച​ല​ന​മ​ല്ലാ​തെ? അ​ഥ​വാ, ക​ളി​യു​ടെ ആ​ന്ത​ര​താ​ള​മാ​ണ് ‘ഫോം’. ​അ​ത് മ​ട​ക്കി​ക്കി​ട്ടു​ന്ന​തോ​ടെ കോ​ഹ്‍ലി വീ​ണ്ടും കോ​ഹ്‍ലി​യാ​കു​ന്നു.

പ്ര​വൃ​ത്തി​ക​ളു​ടെ വേ​ഗ​മാ​ണ് സ​മ​യം. ഒ​രു ഹ്ര​സ്വാ​ക്ഷ​രം ഉ​ച്ച​രി​ക്കാ​ൻ വേ​ണ്ടു​ന്ന സ​മ​യ​മാ​ണ​തി​ന്റെ ഏ​റ്റ​വും ചെ​റി​യ രൂ​പം. ചെ​ണ്ട​മേ​ള​ക്കാ​ർ പ​റ​യും ‘അ​ക്ഷ​ര​കാ​ല’​മെ​ന്ന്. മ​റ്റൊ​ന്നു​മ​ല്ല​ത്, ഘ​ടി​കാ​ര​ത്തി​ന്റെ ടി​ക്-​ടി​ക്കി​ലെ ഒ​രു ടി​ക്. അ​തു​ച്ച​രി​ക്കു​ക പ​തി​ഞ്ഞ മ​ട്ടി​ലാ​വാം, മി​ത​വേ​ഗ​ത്തി​ലാ​വാം, അ​തി​വേ​ഗ​ത്തി​ലാ​വാം. വേ​ഗ​മാ​റ്റം​കൊ​ണ്ട് പ​ക്ഷേ, അ​ക്ഷ​ര​സം​ഖ്യ​ക്കി​ല്ല മാ​റ്റം, സ​മ​യ​ത്തോ​തി​ലേ​യു​ള്ളൂ. മി​ല്ലി സെ​ക്ക​ൻ​ഡി​ൽ​നി​ന്ന് മൈ​ക്രോ സെ​ക്ക​ൻ​ഡി​ലേ​ക്ക്, അ​വി​ട​ന്ന് മു​ഴു സെ​ക്ക​ൻ​ഡി​ലേ​ക്ക്. അ​പ്ര​കാ​രം ഒ​രു പ്ര​വൃ​ത്തി പൂ​ർ​ത്തി​യാ​ക്കാ​ൻ വേ​ണ്ടു​ന്ന അ​ക്ഷ​ര​കാ​ല​മാ​ണ് ‘താ​ള​വ​ട്ടം’. മേ​ള​ക​ല​യി​ൽ ഒ​രു താ​ള​വ​ട്ട​ത്തി​ലെ അ​ക്ഷ​ര​കാ​ല​ങ്ങ​ളെ നാ​ലി​ര​ട്ടി​ച്ച്, അ​വ​യെ തു​ല്യ​ഭാ​ഗ​ങ്ങ​ളാ​ക്കി, ഭാ​ഗ​മൊ​ന്നി​ന് ഒ​രു കൊ​ട്ടെ​ന്ന ക​ണ​ക്കി​ലാ​ണ് മേ​ള​മേ​തും ഒ​രു​ക്കി​യി​ട്ടു​ള്ള​ത്. ഉ​ദാ​ഹ​ര​ണ​ത്തി​ന് പ​ഞ്ചാ​രി പ​തി​കാ​ല​ത്തി​ൽ താ​ള​വ​ട്ട​ത്തി​ന് അ​ക്ഷ​ര​കാ​ലം 96. അ​തി​ന്റെ നാ​ലി​ര​ട്ടി 384. അ​ത്ര​യും സ്ഥാ​ന​ങ്ങ​ളി​ൽ കൊ​ട്ടു​വ​രും. കാ​ല​മി​ട​ൽ, നേ​ർ​ക്കോ​ല്, ത​ക്കി​ട്ട, കു​ഴ​മ​റി​യ​ൽ അ​ത​ങ്ങ​നെ ആ​ർ​ത്തു​പൊ​ലി​ക്കും, സ​മ​യ​ത്തി​ന്റെ സൂ​ക്ഷ്മ​രേ​ണു​ക്ക​ളി​ലേ​ക്ക് നൂ​ഴ്ന്നു​നൂ​ഴ്ന്ന്. താ​ളം ഇ​വി​ടെ കാ​ല​ത്തി​ന്റെ ഉ​ള്ള​ക​ത്തേ​ക്കു​ള്ള പ​ര്യ​വേ​ക്ഷ​ണ​മാ​കു​ന്നു.

‘കാ​ല​പ്ര​മാ​ണ’​ത്തി​ന്റെ ഇ​ത്ര ഗ​ഹ​ന​മാ​യൊ​രു അ​ന്വേ​ഷ​ണ​വും ഇ​ത്ര ഗം​ഭീ​ര​മാ​യൊ​രു സിം​ഫ​ണി​യും ഭൂ​ഗോ​ള​ത്തി​ല്ല വേ​റെ. സ​ത്യ​ത്തി​ൽ, ലോ​ക​ത്തി​ന് കേ​ര​ളം കാ​ഴ്ച​വെ​ച്ച തീ​ർ​ത്തും സ്വ​കീ​യ​മെ​ന്ന് പ​റ​യാ​വു​ന്ന ഒ​രേ​യൊ​രു മൗ​ലി​ക​ദ​ർ​ശ​നം. അ​തും, വെ​റും അ​ഞ്ചു​ വി​ര​ലും ഒ​രു കോ​ലും മാ​ത്രം​കൊ​ണ്ട് തോ​ൽ​പ്പു​റ​ത്ത് വി​ള​യി​ച്ച സ​മ​യ​ശാ​സ്ത്രം, അ​തി​​ന്റെ പ്ര​യോ​ഗ​ക​ല. കാ​ല​ത്തി​ന്റെ ക്വാ​ണ്ടം പ്ര​പ​ഞ്ച​ത്തി​ലേ​ക്കു​ള്ള ഈ ​യാ​ത്ര​യി​ൽ അ​ടി​യും വീ​ച്ചു​മാ​യി താ​ള​മി​ട്ട് മേ​ള​ക്കാ​രും കാ​ണി​ക​ളും സ​ർ​വം മ​റ​ന്ന് തി​മി​ർ​ക്കു​മ്പോ​ൾ, വാ​സ്ത​വ​ത്തി​ൽ എ​ന്താ​ണ് ന​ട​ക്കു​ന്ന​ത്? ശാ​സ്ത്രീ​യ​മാ​വു​മ്പോ​ൾ ക​ഥ നാ​ളി​കേ​ര​പ്പാ​ക​മാ​കും, തു​ര​ക്കാ​ൻ ഇ​മ്മി​ണി ക​ഷ്ടം. വാ​ഴ​പ്പ​ഴ​പ്പാ​ളം മു​ഖേ​ന ഉ​ദാ​ഹ​രി​ക്കാം. പ​ഴ​യ ര​ണ്ട് പാ​ട്ടു​ക​ൾ, അ​തി​പ്ര​ശ​സ്തം - ബീ​റ്റി​ൽ​സി​ന്റെ ‘ബാ​ക് ഇ​ൻ ദ ​യു.​എ​സ്.​എ​സ്.​ആ​ർ’, റോ​ളി​ങ് സ്റ്റോ​ണി​ന്റെ (ഐ ​കാ​ണ്ട് ഗെ​റ്റ് നോ) ​സാ​റ്റി​സ്ഫാ​ക്ഷ​ൻ. അ​തി​ദ്രു​ത​മാ​യ ‘അ​ലേ​ഗ്രോ’ നി​ര​ക്കി​ലാ​ണ് ര​ണ്ടും. സാ​ങ്കേ​തി​ക പ​ദാ​വ​ലി വി​ട്ട് സാ​ധാ​ര​ണ മ​ട്ടി​ലാ​വാം നോ​ക്ക്- ര​ണ്ട് കൊ​ട്ടു​ക​ൾ​ക്കി​ടെ ഏ​താ​ണ്ട് അ​ര സെ​ക്ക​ൻ​ഡാ​ണ് ര​ണ്ടി​ലും.

കൊ​ട്ടു​വ​ൻ (ഡ്ര​മ​ർ) ഇ​തേ നി​ര​ക്കി​ൽ പെ​രു​ക്കു​മ്പോ​ൾ കേ​ൾ​വി​ക്കാ​രു​ടെ ശി​രോ​വൃ​ത്തി​യും അ​ര​സെ​ക്ക​ൻ​ഡു​വെ​ച്ച് ആ​വ​ർ​ത്തി​ക്കു​ന്ന​ത് കാ​ണാം. പാ​ട്ടു​പെ​ട്ടി​യു​ടെ സോ​ണോ​മീ​റ്റ​റി​ൽ കൊ​ട്ടി​ന്റെ ത​രം​ഗ​മാ​തൃ​ക നോ​ക്കു​ക. അ​വി​ടെ വ്യ​ക്ത​മാ​യ ശി​ഖ​ര​ങ്ങ​ളും കു​ഴി​ക​ളും വ​ന്നു​പൊ​യ്ക്കൊ​ണ്ടി​രി​ക്കും. ഇ​തേ നേ​ര​ത്തെ​ടു​ക്കു​ന്ന സി​രാ​ചി​ത്ര​ങ്ങ​ളും അ​തേ നി​മ്നോ​ന്ന​തി​ക​ൾ കാ​ട്ടി​ത്ത​രു​ന്നു. എ​ന്നാ​ൽ, കൊ​ട്ടി​നൊ​പ്പം വാ​യ്പാ​ട്ടു​കൂ​ടി കേ​ൾ​ക്കു​മ്പോ​ൾ സി​രാ​ചി​ത്ര​ത്തി​ലെ ത​രം​ഗ​മാ​തൃ​ക​യി​ൽ ഇ​പ്പ​റ​ഞ്ഞ ശി​ഖ​ര​ങ്ങ​ൾ​ക്കും കു​ഴി​ക​ൾ​ക്കു​മി​ട​യി​ലാ​യി പു​തി​യ ചി​ല ‘ശി​ഖ​ര’​ങ്ങ​ൾ​കൂ​ടി ക​ണ്ടു​തു​ട​ങ്ങു​ന്നു. അ​ഥ​വാ മ​സ്തി​ഷ്കം മ​റ്റൊ​രു​ താ​ളം കൂ​ടി​യു​ണ്ടാ​ക്കു​ന്നെ​ന്ന​ർ​ഥം. എ​ന്നു​വെ​ച്ചാ​ൽ, കൊ​ട്ടി​ന്റെ താ​ള​ത്തി​നും പാ​ട്ടി​ന്റേ​തി​നും വെ​വ്വേ​റെ സി​രാ​താ​ള​ങ്ങ​ളി​ടു​ന്നു മ​സ്തി​ഷ്കം. സി​ര​ക​ൾ മു​മ്പേ​റാ​യി പ്ര​തീ​ക്ഷി​ക്കു​ന്ന താ​ള​ത​രം​ഗ​ത്തി​ൽ​നി​ന്ന് വ്യ​ത്യ​സ്ത​മാ​യി വ​ല്ല​തു​മു​ണ്ടാ​യാ​ൽ, മ​സ്തി​ഷ്കം വ്യ​ത്യ​സ്ത​ രീ​തി​യി​ൽ പ്ര​തി​ക​രി​ച്ചു​ക​ള​യും. ചി​ല​പ്പോ​ൾ ഒ​ര​ധി​ക​താ​ളം സൃ​ഷ്ടി​ച്ചെ​ന്നി​രി​ക്കും. മെ​ഴു​കു സ്വ​രൂ​പ​ത്തി​ന്റെ ഓ​രോ​രോ ലീ​ലാ​വി​ലാ​സം!

മ​റ്റെ​ാരാ​ളെ​ക്കു​റി​ച്ച മ​നു​ഷ്യ​ധാ​ര​ണ​യി​ൽ സ​വി​ശേ​ഷ പ​ങ്കു​ണ്ട് ശി​ര​സ്സി​ന്റെ ഈ ​താ​ള​ലീ​ല​ക്ക്. ഉ​ദാ​ഹ​ര​ണ​ത്തി​ന്, ഒ​രു​മി​ച്ച് ന​ട​ക്കു​മ്പോ​ൾ വി​നി​മ​യം മെ​ച്ച​മാ​ക്കാ​ൻ നാം ​ചോ​ടു​ക​ൾ സ​മ​ര​സ​പ്പെ​ടു​ത്താ​റി​ല്ലേ? താ​ള​പ്പൊ​രു​ത്ത​മു​ള്ള സാ​മൂ​ഹി​ക ഇ​ട​പ​ഴ​കു​ക​ൾ ന​മ്മു​ടെ മ​നോ​ഭാ​വ​ങ്ങ​ളെ സ്വാ​ധീ​നി​ക്കു​ന്നു. ഐ​ക്യ​പ്പെ​ട​ലി​ന്റെ ഭൗ​തി​ക പ​രി​സ​ര​ങ്ങ​ളി​ലു​ണ്ട് ഈ ​താ​ള​ര​ഹ​സ്യം. പ്ര​ത്യ​ക്ഷ​തെ​ളി​വ്: സം​ഘ​ഗാ​നം. വെ​റി ക​ത്തു​ന്ന ന​വ്ഖാ​ലി​യി​ൽ ഗാ​ന്ധി എ​ന്തി​ന് പാ​ടി, പാ​ടി​ച്ചു? സൈ​ഗാ​ളോ റ​ഫി​യോ ത​ല​ത്തോ ഒ​ന്നു​മ​ല്ലാ​ഞ്ഞും? മു​റി​ഞ്ഞ​ക​ന്ന മ​ന​സ്സു​ക​ൾ ചേ​ർ​ക്കാ​ൻ സം​ഗീ​ത​ത്തി​ന്റെ വൈ​ഭ​വ​ങ്ങ​ൾ വേ​ണ്ട, താ​ള​പ്പൊ​രു​ത്തം ധാ​രാ​ളം മ​തി. ‘വേ​ട​ന്റെ’ റാ​പ്പി​ന് ആ​ളു​കൂ​ടു​ന്ന​ത് പ്രാ​ഥ​മി​ക​മാ​യി, ആ ​താ​ള​ത്തോ​ട് ഈ​ണ​പ്പെ​ടാ​നാ​ണ്. പി​ന്നീ​ടേ വ​രു​ന്നു​ള്ളൂ വ​രി​ക​ളി​ലെ രാ​ഷ്ട്രീ​യ​ത്തോ​ടു​ള്ള ഐ​ക്യ​പ്പെ​ട​ൽ. ആ​ഗോ​ള ഉ​ച്ച​കോ​ടി​ക​ളി​ലെ കീ​റാ​മു​ട്ടി​ക​ളു​ടെ ചൂ​ടാ​റ്റാ​ൻ ഇ​തേ പ്ര​യോ​ഗ​മ​ല്ലേ ന​ട​ത്തു​ന്ന​ത് MWB (മ്യൂ​സി​ക് സാ​ൻ​സ് ബോ​ർ​ഡേ​ഴ്സ്)?

മ​ര​ണ​ശ​യ്യ​യി​ൽ പൈ​താ​ഗ​റ​സ് ഒ​ന്നേ ആ​വ​ശ്യ​പ്പെ​ട്ടു​ള്ളൂ. ഏ​ക്​​താ​ര വാ​യി​ക്കാ​ൻ. താ​ള​ക്ര​മ​ത്തി​ലൂ​ടെ പ്രാ​ത​ലോ​ക​ത്തേ​ക്കു​ള്ള യാ​ത്ര സ്വ​ച്ഛ​ന്ദ​മാ​ക്കാ​ൻ. സി​രാ​വ്യൂ​ഹ​ത്തി​ൽ പ്ര​സ​രി​ക്കു​ന്ന​ത് വൈ​ദ്യു​തി. ശ​ബ്ദം​പോ​ലെ താ​ള​ത്തി​ന്റെ കു​ന്നും​കു​ഴി​യു​മു​ള്ള ത​രം​ഗ​രൂ​പി. ഒ​ടു​ക്ക​ത്തെ കു​ന്നി​റ​ങ്ങി കു​ഴി​യി​ലാ​ഴു​മ്പോ​ൾ താ​ളം നി​ല​ക്കു​ന്നു, ജീ​വ​നും.