പ​ശി

വാ​യ​ന മ​രി​ക്കു​ന്നെ​ന്നു വി​ല​പി​ക്ക​യ​ല്ല, അ​തി​ന്റെ സ​ന്ന​ദ്ധ​ഭ​ടരാ​വു​ക​യാ​ണ് വേ​ണ്ട​ത്. ഈ ​ര​ണ​സേ​വ​ന​ത്തി​ന്റെ അ​ഭ്യാ​സ​മു​റ ന​ന്നേ സ​ര​ളം: വാ​യി​ക്കു​ക. വാ​യ​ന​ക്ക് പോം​വ​ഴി ഒ​ന്നു​മാ​ത്രം: കൂ​ടു​ത​ൽ വാ​യ​ന. അ​തി​നു​ള്ള പ​ശി​യാ​ണ് പ​ശി.

പ​ശി​ക്കു​ന്ന മ​നു​ഷ്യാ​ പു​സ്ത​കം കൈയിലെ​ടു​ക്കൂ, അ​തൊ​രാ​യു​ധ​മാ​ണ് –പ​ഴ​യൊ​രാ​ഹ്വാ​നം, ബെ​ർ​റ്റോ​ൾ​ഡ് ബ്രെഹ്തിന്റെ. അ​ത​നു​സ​രി​ച്ച് ഇ​ന്ന് പ​ഴ​കാ​നാ​വു​മോ, പ​റ​ഞ്ഞ​യാ​ൾ​ക്കു​ പോ​ലും –ഓ​ൺ​ലൈ​ൻ വാ​യ​ന​യു​ടെ കാ​ല​ത്ത് ? താ​ളൊ​ന്നു മ​റി​ച്ചു​നോ​ക്കാ​ത്തോ​രു​കൂ​ടി വാ​യ​ന മ​രി​ച്ചെ​ന്നു കേ​ഴു​ന്ന ഇ​ക്കാ​ല​ത്ത്?

പ​രി​ദേ​വ​നം ഗൗ​ര​വ​ത്തി​ലെ​ടു​ത്താ​ൽ മറ്റൊരു രൂ​പ​ത്തി​ലാ​വും ചോ​ദ്യം: ഡി​ജി​റ്റ​ൽ വാ​യ​ന​യെ​ങ്കി​ൽ ഡി​ജി​റ്റ​ൽ വാ​യ​ന. അ​തി​നെ​ങ്കി​ലു​മു​ണ്ടോ വേ​ണ്ട​ത്ര പ​ശി, മ​നു​ഷ്യ​ന്? പ്ര​ശ്നം​ വാ​യ​ന​യു​ടെ സ​ങ്കേ​ത​പ്ര​ത​ല​മോ, വാ​യ​ന എ​ന്ന പ്ര​തി​ഭാ​സം ത​ന്നെ​യോ?

മു​പ്പ​ത്ത​ഞ്ചു കൊ​ല്ലം മു​മ്പ്. സ​ക്ക​ർ​ബ​ർ​ഗും ഇലോ​ൺ മ​സ്കും വ​യ​സ്സ​റി​യി​ക്കും മു​മ്പ്. ഒ​രു പ്ര​വ​ച​നം. ത​ന്ന​ത് കാ​ൾ സാ​ഗ​ൻ, പ്ര​സി​ദ്ധ ജ്യോ​തി​ശാ​സ്ത്ര​ജ്ഞ​ൻ (ജ്യോ​തി​ഷി​ക​ൾ പൊ​റു​ക്കു​ക): ‘‘ഭീ​മമാ​യ സാ​ങ്കേ​തി​ക​ത്വ​ശ​ക്തി ഏ​താ​നും ചി​ല​രു​ടെ കൈ​ക്ക​ലാ​വു​ക​യും സ്വ​ന്തം നി​ശ്ച​യ​ങ്ങ​ൾ നി​ർ​ണ​യി​ക്കാ​നു​ള്ള ശേ​ഷി ആ​ളു​ക​ൾ​ക്ക് ന​ഷ്ട​മാ​വു​ക​യും ചെ​യ്യു​മ്പോ​ൾ മ​നു​ഷ്യ​രാ​ശി ഇ​രു​ളി​ലേ​ക്ക് വ​ഴു​തും’’ (ദ ​ഡീ​മ​ൺ -​ഹോ​ണ്ട​ഡ് വേ​ൾ​ഡ്).

അ​തി​നും മു​മ്പ്, ന​വ​മാ​ധ്യ​മ​ങ്ങ​ൾ​ക്കും സ്മാ​ർ​ട്ഫോ​ണി​നും മു​മ്പ്. ഒ​രു മു​ന്ന​റി​യി​പ്പ്. ത​ന്ന​ത് സ്വെ​ൻ ബി​ർ​കേ​ട്സ്, പ്ര​മു​ഖ പുസ്​തകമെഴു​ത്തു​കാ​ര​ൻ (യ​ന്ത്ര​സ​ര​സ്വ​തി​ക​ൾ പൊ​റു​ക്കു​ക): ‘‘ഭൗ​തി​ക​വ​സ്തു​വാ​യ പു​സ്ത​ക​ത്തെ മ​ഴ​വി​ൽ​പ്പാ​ട​യാ​യ ഓ​ൺ​ലൈ​നി​ന് വി​ട്ടെ​റി​യു​ന്ന​ത് ഭീ​ഷ​ണി​യാ​ണ് –ശ്ര​ദ്ധ​യ്ക്ക്, ആ​ഖ്യാ​ന വൈ​ഭ​വ​ത്തി​ന്, വാ​യ​ന​യു​ടെ അ​തി​ലം​ഘ​ന​ശേ​ഷി​ക്ക്’’ (ഗു​ട്ട​ൻ​ബ​ർ​ഗ് എ​ലി​ജീ​സ്).

സാ​ഗ​ന്റേ​ത് പ്ര​വ​ച​ന​സ്വ​ര​മെ​ങ്കി​ൽ സ്വെ​ൻ ​െവ​ച്ച​ത് പ്ര​ക​ട​ന​പ​ത്രി​ക. അ​തു ചൂ​ണ്ടി​യ​ത് വെ​ബ് ലോ​കോ​ദ​യം ഭൂ​മി​ക്കി​ട്ട മാ​യ​പ്പ​ന്ത​ലി​ൽ അ​ച്ച​ടി​പ്പു​സ്ത​ക​ങ്ങ​ളു​ടെ ദു​ര്യോ​ഗം വ​രുത്തുന്ന ഹാ​നി. ഈ ​പ​ന്ത​ലി​പ്പി​ൽ ഏ​താ​ണ്ടെ​ല്ലാം​ത​ന്നെ എ​ന്തി​ന്റെ​യും ആ​ന്ത​രീ​ക​ര​ണ​ത്തെ നി​രുത്സാ​ഹ​പ്പെ​ടു​ത്തു​ന്നു. ന​മ്മു​ടെ ഇ​ട​പ​ഴ​ക് കൂ​ടു​ത​ൽ കൂ​ടു​ത​ൽ സ​ർ​ക്യൂ​ട്ടു​ക​ളി​ലൂ​ടെ​യാ​വു​ന്നു. ഈ ​പ​രി​ക്ര​മ​ണ വി​നി​മ​യ​ത്തി​ന് ഒ​രാ​ജ​ന്മ പ്ര​കൃ​ത​മു​ണ്ട് –അ​തു ന​മ്മെ പ്ര​തീ​തി​ക​ളി​ൽ ചു​റ്റി​ച്ചു​കൊ​ണ്ടേ​യി​രി​ക്കും. മാ​യ​ച്ചു​റ്റി​ലാ​ണി​ന്ന് മ​നോ​ഭ്ര​മ​ണം.

ഇ​ത് മു​പ്പ​തു കൊ​ല്ലം മു​മ്പ് സൂ​ച​ന​യെ​ങ്കി​ൽ ഇ​ന്ന് നി​ത്യാ​നു​ഭ​വം. മറുമരുന്നുണ്ടോ? സ്വെ​ൻ ത​ന്നെ ത​ന്നി​രു​ന്നു. അ​തി​ന്റെ കു​റി​പ്പ​ടി: ‘‘അ​വ​ധാ​ന​വും ധ്യാ​നാ​ത്മ​ക​വു​മാ​യ ആ ​കൈ​വ​ശ​ത്തി​ലേ​യ്ക്ക് മ​ട​ങ്ങു​ക –പു​സ്ത​ക​ത്തി​ലേ​യ്ക്ക്.’’ ഉ​പ​ദേ​ശ​ത്തി​ൽ ഉ​ൺ​മ​യു​ണ്ട്. കാ​ര​ണം, സ​ജീ​വ നി​മി​ഷ​ങ്ങ​ളു​ടെ കേ​വ​ല പ​ര​മ്പ​ര​യ​ല്ല ജീ​വി​തം എ​ന്ന നേ​രു​റ​പ്പി​ക്കാ​ൻ ക​ഴി​യു​ന്നു, പു​സ്ത​ക വാ​യ​ന​ക്ക്.

ബെ​ർ​റ്റോ​ൾ​ഡ് ബ്രെഹ്ത്,സ്വെ​ൻ ബി​ർ​കേ​ട്സ്

പ​റ​യാം, ഇ​തു പു​സ്ത​ക​പ്പു​ഴു​ക്ക​ളു​ടെ ശീ​ല​രോ​ഗ​മെ​ന്ന്. ചോ​ദി​ക്കാം, മാ​ധ്യ​മ​മാ​ണോ സ​ന്ദേ​ശ​മെ​ന്ന്. ജ്വ​ലി​ക്കു​ന്ന ക​വി​ത ക​ട​ലാ​സു​താ​ളി​ൽ വാ​യി​ക്കു​ന്ന​തും സി​ലി​ക്ക​ൺ സ്ക്രീ​നി​ൽ വാ​യി​ക്കു​ന്ന​തും ത​മ്മി​ലെ​ന്തു വ്യ​ത്യാ​സ​മെ​ന്ന്. അ​തു​ക്കും മേ​ലെ, ഉ​രു​ക്ക​ഴി​ച്ച ശ​ബ്ദ​മാ​യി ദൃ​ശ്യ​മാ​ധ്യ​മ ദ്വാ​രാ കേ​ട്ടാ​ലെ​ന്താ കു​റ​വെ​ന്ന്. സ​ർ​വോ​പ​രി, സ​മൂ​ഹ​ത്തി​ന്റെ ചേ​ത​ങ്ങ​ൾ​ക്ക് മാ​ധ്യ​മം എ​ന്തു പി​ഴ​ച്ചെ​ന്ന് –എ​ഴു​ത്തി​ന്റെ പോരായ്​മക്ക് യ​ന്ത്ര​മോ പ്ര​തി?

പ്ര​ത്യ​ക്ഷ​മാ​ത്ര​യി​ൽ എ​ത്ര​യോ യു​ക്തി​ഭ​ദ്രം! ക്ഷ​മി​ക്കൂ, പ്ര​ത്യ​ക്ഷം ത​ന്നെ​യാ​യ ഒ​രു ധാ​ര​ണ​പ്പി​ശ​കി​ന്റെ വി​ത്താ​ണ് ഈ യു​ക്തിയും. പു​സ്ത​കംപോ​ലെ ഭൗ​തി​ക​ദേ​ഹ​മു​ള്ള പ്ര​ത​ല​ത്തി​ലൂ​ടെ​യും അ​തി​ല്ലാ​ത്ത ഇ​ന്റ​ർ​നെ​റ്റി​ലൂ​ടെ​യു​മു​ള്ള വാ​യ​ന​യു​ടെ വ്യ​ത്യാ​സ​ത്തി​ന് ഈ ​യു​ക്തി മ​റ​പി​ടി​ക്കു​ന്നു. നാ​രാ​യം, പെ​ൻ​സി​ൽ, പേ​ന, ടൈ​പ്പ്റൈ​റ്റ​ർ, അ​ച്ചു​കൂ​ടം –കാ​ല​ത്തി​ന്റെ പ​ല ഘ​ട്ട​ങ്ങ​ളി​ൽ വ​ന്നു​പോ​യ ഉ​രു​പ്പ​ടി​ക​ളോ​ർ​മി​ച്ചാ​ൽ ഈ ​വ്യ​ത്യാ​സം മു​ഖം​ത​രി​ല്ല, കാ​ര​ണം, അ​വ​യെ​ല്ലാം ഉ​ൽ​പാ​ദ​ന​ത്തി​ന്റെ സാ​ങ്കേ​തി​കോ​പാ​ധി​ക​ളാ​യി​രു​ന്നു. എ​ന്നാ​ൽ, ഇ​ന്റ​ർ​നെ​റ്റ്, സ്വീകാരത്തി​ന്റെ സ​ങ്കേ​തംകൂ​ടി​യാ​ണ​ത്. കാ​റ്റൊ​ടു​ങ്ങാ കു​രു​ക്കു​പ​ട​ർ​പ്പാ​യ ഹൈ​പ്പ​ർ​ടെ​ക്സ്റ്റ് ഇ​ഴ​യി​ടു​ന്ന ഡി​ജി​റ്റ​ൽ പ്ര​പ​ഞ്ചം കാ​ത​ലി​ലേ പ​ക​രു​ക പ്ര​തീ​തി​യു​ടെ അ​നു​ഭ​വ​മാ​ണ്, വാ​യ​ന​ക്ക്. കൈത്തല​ത്തി​ലെ പു​സ്ത​കം പ​ക്ഷേ, സ്വ​യ​മേ​വ മ​റ്റൊ​രു ഭൗതിക പ്ര​പ​ഞ്ചം. അ​തി​ന്റെ ആ​ന്ത​രി​ക​ത​യു​ടെ​യും ആ​ത്മാ​യ​ന​ത്തി​ന്റെ​യും ത​ലം പ്ര​തീ​തി​ലോ​ക​ത്ത് ത​മ​സ്ക​രി​ക്ക​പ്പെ​ടു​ന്നു.

പു​സ്ത​കം ന​മ്മെ പ്ര​തി​ഷ്ഠി​ക്കു​ന്ന ത​ല​ത്തി​ന് നി​ഷ്‍കൃ​ഷ്ട​മാ​യ ഉ​ള്ള​ട​ക്ക​ങ്ങ​ളു​ണ്ട്. ന​മു​ക്കു​ള്ളി​ലൊ​രു വി​ല​മ​തി​പ്പു​ണ്ട​വ​ക്ക്. ആ ​ഹൃ​ദ​യ​മൂ​ല്യ​ത്തി​ന് തെ​ല്ലും മാഴുന്നില്ല ഇ​ന്നും മാ​റ്റ്. കാ​ര​ണം, വാ​യി​ക്കു​മ്പോ​ൾ വാ​യ​ന ന​മ്മു​ടെ അ​സ്തി​ത്വ​കേ​ന്ദ്ര​മാ​യി തു​ട​രു​ന്നു, ഇ​ന്നും. ച​രി​ത്ര​ത്തി​ൽ എ​ന്ന​ത്തേ​യും​കാ​ൾ കൂ​ടു​ത​ലാ​യി, ഒ​രു​പ​ക്ഷേ.

ഒ​ന്നാ​മ​ത്, ന​മ്മു​ടെ ഡി​ജി​റ്റ​ൽ ജീ​വി​തം വാ​ക്കു​ക​ളു​ടെ മാ​ധ്യ​സ്ഥ്യ​ത്തി​ലാ​ണു​ള്ള​ത്. എ​ക്സി​ന്റെ ഒ​ച്ച​പ്പാ​ടാ​യാ​ലും ഫേ​സ്ബു​ക്കി​ന്റെ പ​ത​ിപ്പാ​യാ​ലും ആ​രൂ​ഢം ‘ടെ​ക്സ്റ്റ്’ ത​ന്നെ. വേറ്​ ഭാ​വി​ക്കു​ന്ന ഇ​ൻ​സ്റ്റ​ഗ്രാ​മും കാ​മ്പി​ൽ അ​ങ്ങ​നെ​ത​ന്നെ. അ​വ​യൊ​ന്നും ത​രി​ല്ല, ഒ​രു പുസ്​തകത്തിൽ മു​ങ്ങു​ന്ന അ​നു​ഭ​വം. തി​ടു​ക്ക​പ്പെ​ട്ട വാ​ക്കും ഓ​ടി​ച്ചു​ള്ള നോ​ക്കും മ​ന​സ്സി​നെ ആ​ഴ്ത്തു​ന്നി​ല്ല, എ​വി​ടെ​യും. ‘എ​ഫ്.​ബി പോ​സ്റ്റ്’ വാ​യി​ച്ചോ​ന്നു ചോ​ദി​ച്ചാ​ൽ ‘വാ​യി​ച്ചു’ –വി​ലോ​മ​കോ​മ​യി​ട്ട വാ​യ​ന. മ​ന​സ്സി​ന്റെ ഈ ​എ​ലി​യോ​ട്ട​ത്തി​ൽ ന​ഷ്ട​മാ​വു​ന്ന​തെ​ന്തോ അ​തി​ന്റെ പേരാണ്​ അ​നു​ഭ​വം. സ്മാ​ർ​ട്ഫോ​ൺ മ​ണി​യു​ടെ പ്ര​ലോ​ഭ​നീ​യ​ത​യി​ൽ അ​ക​പ്പെ​ട്ട ലോ​ക​ത്ത് അ​പാ​യ​പ്പെ​ടു​ന്ന അ​നു​ഭൂ​തി, നി​മ​ഗ്​നതയുടെ.

ര​ണ്ട്, യഥാർഥ വാ​യ​ന​യു​ടെ പ്ര​വാ​ഹ​സ​ന്ന​ദ്ധ​ത ജീ​വി​ത​ത്തി​ന് മ​റ്റൊ​രു വി​ധേ​ന​യു​ള്ള നിമജ്ജനം ഒ​രു​ക്കു​ന്നു​ണ്ട് –ബോ​ധ​രാ​ശി​യു​ടെ വി​കാ​സ സാ​ധ്യ​ത. വ​ലി​യ എ​ഴു​ത്ത് ന​ല്ല മ​നു​ഷ്യ​രെ സൃ​ഷ്ടി​ക്കു​മെ​ന്ന പ​ഴ​കി​പ്പൂത​ലി​ച്ച ഭോഷ്​ക്​ ഇ​ന്നും അതുത​ന്നെ: ഭോഷ്​ക്​. ധാ​രാ​ളം നാ​സി​ക​ൾ വാ​യി​ച്ചി​രു​ന്നു, ഗെ​യ്ഥെ​യെ. തെ​ളി​വു​ണ്ട്. എ​ന്നി​ട്ട് ന​ന്നാ​യോ അ​തി​ലാ​രാ​നും? കു​റ​ഞ്ഞ​പ​ക്ഷം നാ​സി​സം ന​ന്ന​ല്ലെ​ന്നെ​ങ്കി​ലും തി​രി​ച്ച​റി​ഞ്ഞു​വോ? (ഭാരതീയ നാസികൾ എത്ര ഭേദം –പുസ്​തകം വായിക്കുന്ന ദുഃസ്വഭാവമേ ഇല്ല).

ഒ​രു നോ​വ​ൽ വാ​യി​ക്കു​ന്ന​ത് ഉ​ള്ളി​ലേ​ക്ക് മു​ന തി​രി​ച്ചു​വെ​ച്ച സാ​ന്ദ്രാ​നു​ഭ​വ​ത്തി​ൽ ഇ​ഴു​കാ​നാ​ണ്. അ​തി​ലൊ​രു സ​മാ​ന്ത​ര പ്ര​വൃ​ത്തി ന​ട​ക്കു​ന്നു​ണ്ട്, ത​ൽ​സ​മ​യം –ആ​ന്ത​ര​ജീ​വി​ത​ത്തി​ന്റെ. ക​ഥാ​പാ​ത്ര​ങ്ങ​ളു​ടെ അ​നു​ഭ​വ​ങ്ങ​ൾ വെ​റു​തെ ക​ണ്ടു​പോ​ക​യ​ല്ല, ആ ​പാ​ത്ര​ങ്ങ​ളാ​വു​ക​യു​മാ​ണ് നാം. ​വാ​യി​ക്കു​മ്പോ​ൾ, ത​ന്നി​ലെ ഗു​പ്ത​വ്യ​ക്തി​ത്വ​ങ്ങ​ളെ തി​രി​ച്ച​റി​യു​ക കൂ​ടി​യാ​ണ് വാ​യ​ന​ക്കാ​ര​ൻ. ഡി​ജി​റ്റ​ൽ ശൂ​ന്യ​ത​യി​ലേക്ക് വ​ലി​ച്ചെ​ടു​ക്ക​പ്പെ​ടു​മ്പോ​ൾ അ​ങ്ങ​നെ​യാ​ണോ ക​ഥ?

ശ​രി​യാ​യ വാ​യ​ന​യി​ൽ കൃ​തി ഒ​രപ​രി​ചി​ത ദേ​ശം. അ​വി​ട​ത്തെ സ​ഞ്ചാ​ര​ത്തി​ൽ ബോ​ധ​പൂ​ർവകമാ​യ അ​ർ​പ്പ​ണം വേ​ണ്ട​തു​ണ്ട്, ആ ​ദേ​ശ​കാ​ല​ങ്ങ​ളി​ൽ. ആ​ച​രി​ക്ക​പ്പെ​ടു​ന്ന ഇ​ച്ഛ​യാ​ണ് ആ ​അ​ർ​പ്പ​ണം. അ​തി​ല്ലെ​ങ്കി​ൽ, അ​നു​ധാ​വ​നം ചെ​യ്യു​ന്ന ബാ​ധ​യാ​വി​ല്ല ‘ഖ​സാ​ക്കി’​ലെ ര​വി; േഫ്ലാ​ബേ​റി​ന്റെ മ​ദാ​മ്മ. അ​തി​ല്ലാ​തെ ജോ​യ്സി​ന്റെ ഇ​തി​ഹാ​സ​ക്കു​രു​ക്കി​ലോ (യു​ലീ​സി​സ്), സാ​ഡീ സ്മി​ത്തി​ന്റെ ചാ​ര​സൂ​ത്ര​ങ്ങ​ളി​ലോ (ക്രി​യേ​ഷ​ൻ ലേ​യ്ക്) പെ​ട്ടു​പോ​വി​ല്ലാ​രും. അ​ല​ക്സാ​ണ്ട​ർ വെ​റോ​ണി​ന്റെ പി​ന്റോ​െ​ക്കാ​പ്പം യൂ​റേഷ്യ​യു​ടെ ഗൂ​ഢ​വൈ​പു​ല്യം താ​ണ്ടി​ല്ലാ​രും. Xാം ത​ല​മു​റ ച​രി​ത്ര​മാ​ഷു​മാ​രും ഹിപ്ഹോ​പ് ക​ല​യാ​ള​രും തൊ​ട്ട് ഉ​ള്ളം​കോ​ച്ചു​ന്ന മ​നു​ഷ്യ​ക്ക​ട​ത്തു​വ​രെ പൂ​ന്തി​യാ​ടു​ന്ന ‘കാ​ലി​ഡോ​നി​യ​ൻ റോ​ഡി’​ന്റെ രാ​വ​ണ​ൻ​കോ​ട്ട​യി​ൽ പൂ​ണ്ടു​പോ​കി​ല്ലാ​രും –​ഒ​ക്കെ​യും വെ​റും 624 താ​ളു​ക​ൾ​ക്കി​ട​യി​ലാ​ണെ​ന്ന് ഓ​ർ​ക്ക​ണം. ആ​ത്മ​ര​തി​യെ​ന്ന​ല്ല, സ്വാ​ർ​ഥ​ത്തി​ന്റെ സ​മ​സ്ത തൃ​ഷ്ണ​യും ത​ക​ർ​ത്തെ​റി​യാ​ൻ ഒ​രു പു​സ്ത​ക​ത്തി​നാ​വും. സ്വാ​സ്ഥ്യ​മേ​കു​ന്ന സ്ഥ​ല​കാ​ല​ത്തു​ട​ർ​ച്ച തൂ​ത്തെ​റി​യാ​നും.

കാ​ൾ സാ​ഗ​ൻ

അ​ർ​ഥം –അ​താ​ണ് പു​സ്ത​ക​മെ​ന്ന ഭൗ​തി​ക​യ​ന്ത്ര​ത്തി​ലെ ഉ​ൾ​ഭൂ​തം. അത്​ ഭാഷയുടെ കേവല വാഗ്​ദത്തം അല്ല, ഭാഷണത്തി​ന്റെ തൽക്ഷണ ധ്വനിയുമല്ല. അനുഭവത്തിലാഴു​േമ്പാൾ ഉള്ളുനിറയുന്ന പനി-നീരാണ്​. പനിച്ചൂടും നീർത്തണവും ചേർന്ന രസലഹരി. വീ​ഞ്ഞാ​ക്കാ​ൻ മു​ന്തി​രി​ങ്ങ ഞെ​രി​ച്ച​മ​ർ​ത്തു​ന്ന യ​ന്ത്ര​രീ​തി ക​ണ്ട​താ​ണ് ച​ലി​ക്കു​ന്ന അ​ച്ചി​ന്റെ മൂ​ശ ച​മ​യ്ക്കാ​ൻ ഗു​ട്ട​ൻ​ബ​ർ​ഗി​ന് പ്ര​ചോ​ദ​ന​മാ​യ​ത്. വീ​ഞ്ഞ്, അ​ച്ച​ടി. ര​ണ്ടി​ലും യ​ന്ത്ര​ത്തി​ന്റെ ഉ​ന്നം ഒ​ന്നു​ത​ന്നെ: വാ​റ്റ​്​, ‘സ്പി​രി​റ്റി’​ന്റെ.

വ​ൻ​തോ​തി​ലെ ഉ​ൽ​പാ​ദ​ന​മാ​ണ് ഇ​ന്റ​ർ​നെ​റ്റി​ലൂ​ടെ മ​നു​ഷ്യ​ൻ ന​ട​ത്തു​ന്ന​ത്. പക്ഷേ, ക​ഴി​ഞ്ഞ മു​പ്പ​താ​ണ്ടി​ൽ അ​തി​ലൂ​ടെ എ​ഴു​ത​പ്പെ​ട്ട​തൊ​ക്കെ മാ​ഞ്ഞി​രി​ക്കു​ന്നു. ഭൂ​മി​യി​ലെ ഏ​റ്റ​വും വ​ലി​യ ഗ്ര​ന്ഥാ​ല​യം (അ​ല​ക്സാ​ൻ​ഡ്രി​യ​യി​ലെ) ചാ​മ്പ​ലാ​ക്കാ​നെ​ടു​ത്ത​ത് ഒ​രു മുഴുനാ​ൾ. അ​പ്പ​ണി നി​മിഷ​പ്പ​തി​വാ​ക്കി​യാ​ലോ? അ​താ​ണ് വെ​ബ് ലോ​ക​ത്ത് എ​ഴു​ത്തി​ന് ഇ​ന്നു സം​ഭ​വി​ക്കു​ന്ന​ത്. ശി​ല​യും പാ​പ്പി​റ​സും തോ​ൽ​പ്പ​ട​വും ക​ട​ലാ​സും നൂ​റ്റാ​ണ്ടു​ക​ളെ അ​തി​ജീ​വി​ച്ചു, വായനയുടെ തീൻമേശകളായി ^ആഹരണത്തെ ഒട്ടും ഹരിക്കാതെ, വിഭവങ്ങ​െള തെല്ലും ഹനിക്കാതെ. ആ താവഴിയിൽ, അ​ച്ച​ടി​ച്ച പു​സ്ത​കം ജീ​വ​നു​ള്ള സ്വ​ത്വ​മാ​ണ്. ക​ട​ലാ​സ് അ​തി​ന്റെ മാം​സം, മ​ഷി ചോ​ര​യും. ഒ​രു പു​സ്ത​ക​ത്താ​ൾ വെ​റു​തെ​യൊ​ന്നു മ​റി​ക്കു​ന്ന​തോ​ടു താ​ര​ത​മ്യ​പ്പെ​ടു​ത്തി​യാ​ൽ ര​ക്ത​ക്കു​റ​വും വി​ള​ർ​ച്ച​യു​മ​ല്ലേ സ്ക്രോ​ളിങ്?

ചെ​മ്പും ശൈ​ലി​ക​വും വി​ള​ക്കി ച​മ​ച്ച​തെ​ങ്കി​ലും നെ​റ്റി​നെ ഇ​ന്നും വി​ശേ​ഷി​പ്പി​ക്കു​ന്ന വാ​ക്കോ​ർ​ക്കു​ക –അ​ശ​രീ​രി. അ​ര നൂ​റ്റാ​ണ്ടാ​യി ഈ ​ഭ്രമക​ൽ​പ​ന ശി​ര​സ്സു വാ​ഴു​ന്നു. അ​തി​നെ ഉ​ന്മ​ത്താ​വേ​ശ​ത്തി​ൽ നെ​ഞ്ചേ​റ്റു​ന്നു, ഡി​ജി​റ്റ​ൽ ആ​ഭി​ചാ​രി​ക​ൾ. സ​ർ​വം മ​റ​ന്ന് ഏ​റ്റു​ചൊ​ല്ലു​ന്നു സൈ​ബ​ർ പ്രേ​മി​ക​ൾ.​ പു​സ്ത​കം പക്ഷേ അ​ശ​രീ​രി​യ​ല്ല, ശ​രീ​രം സ​ർ​വാ​ത്മ​നാ ഹാ​ജ​ർ. അ​തി​ന്റെ വാ​സ്തു​ശി​ൽ​പ​ത്തെ ഇ​ന്നും നി​ർവ​ചി​ക്കു​ന്ന ‘കോ​ഡെ​ക്സ്’ അ​ടി​സ്ഥാ​ന​പ​ര​മാ​യി സാ​ങ്കേ​തി​കം ത​ന്നെ​യാ​ണ്. പ്രാ​ചീ​ന​ർ കൈ​ത്ത​ലംപോ​ലെ അ​ത​റി​ഞ്ഞി​രു​ന്നു –കൈ​ക്കോ​ട്ടും കോ​ടാ​ലി​യുംപോ​ലെ അ​വ​ർ​ക്ക് സ​ഹ​ചാ​രി​യാ​യി​രു​ന്ന ‘എ​ഴു​ത്തി​ല’.

പു​സ്ത​ക​ത്തെ തി​ക​വു​റ്റ​താ​ക്കു​ന്ന​ത് പു​റം​മേ​നി​യ​ല്ല –പു​റ​മേ​യ്ക്ക​ത് അ​ഴ​ക് ഉ​ള്ള​തോ ഉ​ല​ഞ്ഞ​തോ ആ​വാം. നോ​ട്ടു​തൂ​ക്ക​മ​ല്ല–വി​ല കൂ​ടി​യ​തോ കു​റ​ഞ്ഞ​തോ ആ​വാം. ഈ​ടു​മ​ല്ല–ഉ​റ്റ​തോ അ​റ്റ​തോ ആ​വാം. മ​റി​ച്ച്, മ​ന​സ്സി​നെ അ​ട​ർ​ത്തി​മാ​റ്റാ​നു​ള്ള അ​തി​ന്റെ വൈ​ഭ​വ​മാ​ണ്. വാ​യി​ക്കു​ന്ന​യാ​ളി​ന്റെ അ​ക​ത്തെ പു​റ​ത്തിൽനി​ന്ന് വിച്ഛേ​ദി​ക്കാ​നു​ള്ള ശേ​ഷി. വെ​ബി​ന്റെ അ​പ​ശ്രു​തി​മേ​ള​ത്തി​ൽ മു​ങ്ങി​പ്പോ​വു​ന്ന പ്ര​ശ്ന​മി​ല്ല​വി​ടെ. സം​ഭ​വ​ബ​ഹു​ല​വും വി​ചാ​ര ച​ടു​ല​വും വി​കാ​ര​ഭ​രി​ത​വു​മൊ​ക്കെ​യാ​വാം ഉ​ള്ള​ട​ക്കം. ആ ​തി​ര​ത​ള്ള​ൽ മ​ന​സ്സി​നെ മ​ഥി​ച്ചെ​ന്നും​വ​രാം. പക്ഷേ ഒ​ച്ച​പ്പൂ​ര​ത്തി​ന്റെ മി​ഥ്യാ​വേ​ഗ​ങ്ങ​ളി​ൽ മു​ക്കു​ക​യി​ല്ല​ത്.

‘ഓ​ർ​വെ​ലി​ന്റെ’ 1984. അതിൽ ​വി​ൻ​സ്റ്റ​ൺ സ്മി​ത്ത് ടെ​ലി​സ്ക്രീ​നി​ന്റെ കാ​ന്ത​വ​ല​യി​ൽ​നി​ന്നു കു​തറി​മാ​റി സ്വ​ന്തം മ​ന​സ്സ് ക​ട​ലാ​സു ഡ​യ​റി​യി​ൽ കു​റി​ക്കു​ന്നു​ണ്ട്. സ​ർ​വ​ദർശിയാ​യ ഒ​ളി​ക​ണ്ണാ​യി​ക്ക​ഴി​ഞ്ഞി​രുന്നില്ല മോ​ണിറ്റ​ർ സ്ക്രീ​ൻ അ​ന്ന്. അ​ൽ​ഗോ​രി​ത​ത്തി​ന്റെ നി​യോ​ൺ ദൈ​വ​ത്തെ ചെ​റു​ക്കു​ന്ന പ്ര​ത​ല​മാ​ണ് അ​ച്ച​ടി​ത്താ​ൾ. കോ​ഡ് ചൊ​റി​ഞ്ഞ് ഉ​ള്ള​ട​ക്കം റ​ദ്ദാ​ക്കാ​നു​മാ​വി​ല്ല –ഹാ​ക്ക​ർ​മാ​ർ ഇ​ന്റ​ർ​നെ​റ്റ് ആ​ർ​ക്കൈ​വി​നി​ട്ട് ചെ​യ്ത​മാ​തി​രി. പു​സ്ത​ക​ത്തി​നൊ​രു സു​ര​ക്ഷി​ത​ത്വ​മു​ണ്ട് –കാ​മ​റ​ക്ക​ണ്ണി​ൽനി​ന്നു തെ​ന്നി​മാ​റി സ്വ​കാ​ര്യ​ത​യി​ൽ മ​നം കു​റി​ച്ച സ്മി​ത്തി​ന്റെ​ പോ​ലെ. ആ ​സ്വാ​ത​ന്ത്ര്യ​മാ​ണ് ഓ​ൺ​ലൈ​ൻ വാ​യ​ന​യി​ൽ ഓ​ഫാ​യി​പ്പോ​കു​ന്ന​ത്. അ​പ​ഹ​രി​ക്ക​പ്പെ​ടു​ന്ന സ്വ​കാ​ര്യ​ത സ്വാ​ത​ന്ത്ര്യ​ധ്വം​സ​ന​മാ​ണ് –പി​ന്നി​ലെ വാ​ണി​ഭ താ​ൽ​പ​ര്യ​ങ്ങ​ൾ​ക്കും ആ​ധി​പ​ത്യ​ലാ​ക്കി​നു​മെ​ല്ലാം അ​പ്പു​റം.

പോ​യ നൂ​റ്റാ​ണ്ടി​ലെ സ​മ​ഗ്രാ​ധി​പ​ത്യ രാ​ഷ്ട്രീ​യ​ങ്ങ​ളെ​പ്പ​റ്റി ഇ​ന്നും നാം ​പ​രി​ത​പി​ക്കു​ന്ന​ത് പ​ച്ച​പ്പ​ര​മാ​ർ​ഥി​യു​ടെ മ​ട്ടി​ലാ​ണ്. ഭൂ​ത​കാ​ല​ത്തി​ന്റെ മ്ലേച്ഛപ​ര​മം സു​ര​ക്ഷി​ത​മാ​യി ഉ​ച്ചാ​ട​നം ചെ​യ്തു​ക​ഴി​ഞ്ഞെ​ന്ന കി​ശോ​ര​വി​ചാ​ര​ത്തി​ൽ. സാങ്കേ​തി​ക​ത പു​രോ​ഗ​തി​യെ സ്വാ​ത​ന്ത്ര്യ​മെ​ന്നു പി​ശ​കി ധ​രി​ച്ചു​കൊ​ണ്ട്. ഒ​രു നി​മി​ഷം...

ഐ.​ബി.​എം പ​ഞ്ച്കാ​ർ​ഡ്​ കീ​ശ​യി​ലു​ണ്ടാ​യി​രു​ന്നേ​ൽ എ​ന്തു ചെ​യ്യു​മാ​യി​രു​ന്നു ഹി​റ്റ്ല​ർ? സ്റ്റാ​ലി​ൻ? മാവോ? ബു​ഷ്? അ​ത്ര പി​ന്നാ​ക്കം വേ​ണ്ട, ന​മ്മു​ടെ സ്വ​ന്തം ജ​നാ​യ​ത്ത ഭ​ര​ണ​കൂ​ട​ത്തി​ന്റെ കൈയി​ൽ ‘പെ​ഗ​സ​സ്’ എ​ന്താ​യെ​ന്നു മാ​ത്ര​മോ​ർ​ക്കു​ക. നെ​റ്റി​സ​ന്മാ​രു​ടെ​യെ​ല്ലാം വി​വ​ര​ങ്ങ​ളു​ടെ ശേ​ഖ​ര​പ്പു​ര​ക​ളാ​യ സെ​ർ​വ​റു​ക​ൾ ആ​രു​ടെ പ​ക്ക​ലാ​ണ്? നാ​സി​ക​ൾ​ക്ക് മേ​ൽ​വി​ലാ​സം മാ​റു​ന്നെ​ന്നേ​യു​ള്ളൂ.

വാ​യ​ന അ​തി​ജീ​വി​ക്ക​ണ​മെ​ങ്കി​ൽ അ​തി​ന്റെ പ്ര​ത​ലം സ്വ​ത​ന്ത്ര​മാ​യി​രി​ക്ക​ണം, സു​ര​ക്ഷി​ത​വും. അ​തി​ന്റെ വി​ഭ​വ​ം കൂ​ടു​ത​ൽ കൂ​ടു​ത​ൽ അ​പാ​യ​ക​ര​മാ​യ അ​ക്ഷ​ര​ക്കൂ​ട്ടാ​വ​ണം. മ​നു​ഷ്യ​ൻ എ​ന്ന നി​ല​ക്ക് അ​തി​ജീ​വി​ക്ക​ണ​മെ​ങ്കി​ൽ നാം ​കൂ​ടു​ത​ൽ കൂ​ടു​ത​ൽ സാ​ക്ഷ​ര​രാ​വ​ണം –വാ​യി​ക്കാ​നും എ​ഴു​താ​നും. കാ​ര​ണം, ഇ​ന്ന് അ​ഗ്നി​പ​രീ​ക്ഷ നേ​രി​ടു​ന്ന​ത് വാ​യ​ന​യും എ​ഴു​ത്തു​മാ​ണ്. ന​വ​സാ​ങ്കേ​തി​ക പ്ര​ത​ല​ങ്ങ​ൾ ഒ​രു​ക്കി​ത്ത​രു​ന്ന സു​ഖ​സൗ​ക​ര്യ​ങ്ങ​ളു​ടെ ഉ​പ​ഭോ​ഗാ​ല​സ്യ​ത്തി​ലാ​ണ് ഇ​ന്ന​ത്തെ മ​നു​ഷ്യ​ൻ. ഇൗ ​ചാളുവാമയക്കത്തിൽ ഭീ​തി​യു​ടെ പേ​ക്കി​നാ​വു​ണ​ർ​ത്തു​ക. അ​താ​ണ് എ​ഴു​ത്തി​ന്റെ കാ​ലി​ക​ധ​ർ​മം. പക്ഷേ, എ​ത്ര തൂ​ലി​ക തൂ​വു​ന്നു​ണ്ട് ആ ​തീ​മ​ഷി?

ഇലോ​ൺ മ​സ്ക്, മാർക് സ​ക്ക​ർ​ബ​ർ​ഗ്

പ്ര​ശ്ന​മ​ത് നേ​രി​ടേ​ണ്ട​ത് വാ​സ്ത​വ​ത്തി​ൽ എ​ഴു​ത്തു​കാ​ർ പോ​ലു​മ​ല്ല, വാ​യ​ന​ക്കാ​രാ​ണ്. വാ​യ​ന​ക്ക് വേ​ണ്ട​ത്ര തീ​വ്ര​ത​യോ​ടെ​യാ​ണോ നാം ​ജീ​വി​ക്കു​ന്ന​ത് –വാ​യി​ക്കെ മാ​ത്ര​മ​ല്ല അ​ല്ലാ​ത്ത​പ്പോ​ഴും?

ചോ​ദ്യ​മ​ത് ഉ​ച്ച​രി​ക്ക​പ്പെ​ടേ​ണ്ട​ത് ഉ​റ​ക്കെ​യ​ല്ല, സ്വ​ന്തം ഉ​ള്ളി​ലാ​ണ്. സ​ർ​വ​വ്യാ​പി​യും സ​ർ​വ​ദം​ശി​യും സ​ർ​വം വി​ഴു​ങ്ങി​യു​മാ​യ വി​രാ​വ​പ്പൂ​ര​ത്തി​ന് ര​ക്ത​സാ​ക്ഷി​യാ​കാ​ൻ സ്വ​യം എ​റി​ഞ്ഞു​കൊ​ടു​ക്കു​മ്പോ​ൾ ആ ​ചോ​ദ്യ​മു​യ​രി​ല്ല. വാ​യ​ന​ക്കുള്ള ബാ​ധ്യ​ത തീ​റെ​ഴു​തി​യി​ട്ട് വാ​യ​ന​ക്ക് ഒ​പ്പീ​സു ചൊ​ല്ലു​ന്ന കാ​പ​ട്യ​ത്തി​ൽ തീ​രെ​യും. വാ​യി​ക്കാ​ൻ ഇ​ല്ലാ​ഞ്ഞ​ല്ല, മ​ന​സ്സി​ല്ലാ​ഞ്ഞാ​ണ് മി​ക്ക​വ​രും ഈ ​ഒ​ഴി​ക​ഴി​വി​ൽ ഒ​ളി​പാ​ർ​ക്കു​ന്ന​ത്. ഉ​ണ​ർ​വ് ക്ലേ​ശ​ക​രം, ഉ​റ​ക്കം തൂ​ങ്ങ​ല​ല്ലോ സു​ഖ​പ്ര​ദം.

വാ​യ​ന മ​രി​ക്കു​ന്നെ​ന്നു വി​ല​പി​ക്ക​യ​ല്ല, അ​തി​ന്റെ സ​ന്ന​ദ്ധ​ഭ​ടരാ​വു​ക​യാ​ണ് വേ​ണ്ട​ത്. ഈ ​ര​ണ​സേ​വ​ന​ത്തി​ന്റെ അ​ഭ്യാ​സ​മു​റ ന​ന്നേ സ​ര​ളം: വാ​യി​ക്കു​ക. വാ​യ​ന​ക്ക് പോം​വ​ഴി ഒ​ന്നു​മാ​ത്രം: കൂ​ടു​ത​ൽ വാ​യ​ന. അ​തി​നു​ള്ള പ​ശി​യാ​ണ് പ​ശി. അ​തി​ന്റെ കാ​ള​ൽ ഉ​ള്ളി​ലു​ണ്ടെ​ങ്കി​ൽ അ​റി​യാ​തെ കൈയി​ലെ​ടു​ക്കും, പു​സ്ത​കം.