വി​ശേ​ഷ​ണ​ങ്ങ​ൾ​ക്ക​പ്പു​റം വി​.എ​സ്

ഇ​ന്ത്യ​യി​ലെ ക​മ്യൂ​ണി​സ്റ്റ് പ്ര​സ്ഥാ​ന​ത്തോ​ടൊ​പ്പം നൂ​റു വ​ർ​ഷം പൂ​ർ​ത്തി​യാ​ക്കി​യ ആ​ളാ​ണ് വി​എ​സ്. സി​.പി.​എ​മ്മി​ന്റെ സ്ഥാ​പ​ക​രാ​യ ആ 32 ​പേ​രി​ൽ വി​ട പ​റ​യു​ന്ന അ​വ​സാ​ന​ത്തെ ആ​ൾ. യു​ഗാ​ന്ത്യം എ​ന്ന് അ​ർ​ഥ​വ​ത്താ​യി വി​ശേ​ഷി​പ്പി​ക്കാ​വു​ന്ന​താ​ണ് വി​.എ​സി​ന്റെ വി​ട​വാ​ങ്ങ​ൽ –മുതിർന്ന മാധ്യമപ്രവർത്തകനും ഇടതു സഹയാത്രികനുമായ ലേഖകൻ വി.എസിനെ അനുസ്​മരിക്കുന്നു.

മ​ര​ണ​വു​മാ​യി നി​ര​ന്ത​രം കി​ളി​മാ​ശു​ക​ളി​യി​ലേ​ർ​പ്പെ​ട്ട ഒ​ളി​പ്പോ​രാ​ളി​യാ​ണ് അ​വ​സാ​നം വി​ധി​ക്കു കീ​ഴ​ട​ങ്ങി ര​ക്ത​സാ​ക്ഷി​ക​ളു​ടെ അ​ന്തി​മ​വി​ശ്ര​മ​കേ​ന്ദ്ര​മാ​യ വ​ലി​യ ചു​ടു​കാ​ട്ടി​ലെ​ത്തി​യ​ത്. സി.​പിയു​ടെ പൊ​ലീ​സി​ന്റെ വെ​ടി​യേ​റ്റ് പു​ന്ന​പ്ര​യി​ൽ അ​വ​സാ​നി​ക്കു​മാ​യി​രു​ന്ന തീ​ക്ഷ്ണ​ജീ​വി​തം വ​ള​ർ​ന്നു വി​ക​സി​ച്ച് വി​പ്ലവ​ത്തി​ന്റെ പ​ര്യാ​യ​മാ​യ ര​ണ്ട​ക്ഷ​ര​മാ​യി. ഏ​ഴാം ക്ലാസോ​ടെ ഔ​പ​ചാ​രി​ക വി​ദ്യാ​ഭ്യാ​സം അ​വ​സാ​നി​പ്പി​ച്ച് ജ​ന​കീ​യ സ​ർ​വ​ക​ലാ​ശാ​ല​യി​ൽ ഉ​പ​രി​പ​ഠ​ന​ത്തി​നു ചേ​ർ​ന്ന അ​ച്യു​താ​ന​ന്ദ​ന് പി. ​കൃ​ഷ്ണ​പി​ള്ള​യാ​ണ് ക​മ്യൂ​ണി​സ്റ്റ് പാ​ർ​ട്ടി​യി​ൽ അം​ഗ​ത്വം ന​ൽ​കി​യ​ത്. സി​.പി​.ഐ​യു​ടെ ദേ​ശീ​യ കൗ​ൺ​സി​ലി​ൽ ഇ​ടം ല​ഭി​ച്ച അ​ച്യു​താ​ന​ന്ദ​ൻ പാ​ർ​ട്ടി പി​ള​ർ​ത്തി ഇ​റ​ങ്ങി​പ്പോ​ന്ന 32 പേ​രി​ൽ ഒ​രാ​ളെ​ന്ന നി​ല​യി​ൽ സി.​പി.​എ​മ്മി​ന്റെ സ്ഥാ​പ​ക​രി​ലൊ​രാ​ളാ​യി. എ​.കെ​.ജി​ക്കൊ​പ്പം പാ​ർ​ട്ടി​യു​ടെ ജ​ന​കീ​യ​മു​ഖ​മാ​യി മാ​റി​യ വി.​എ​സ് പാ​ർ​ട്ടി​യു​ടെ സ​മ​ര​വീ​ര്യ​ത്തി​ന്റെ തു​ട​ർ​ച്ച​യാ​യി​രു​ന്നു. ത​ല കു​നി​ക്കാ​ത്ത ശീ​ല​മാ​ണ് ത​ന്റെ യൗ​വ​നം എ​ന്നുപ​റ​ഞ്ഞ വി​.എ​സ് ആ​രു​ടെ മു​ന്നി​ലും ത​ലകു​നി​ക്കാ​തെ​യാ​ണ് ശ​താ​ബ്ദി​ക്ക​പ്പു​റം ക​ട​ന്ന​ത്. കോ​ട​തി വ്യ​വ​ഹാ​ര​ത്തി​ൽ വേ​ഴ്സ​സ് എ​ന്ന​തി​ന്റെ ചു​രു​ക്ക​മാ​ണ് വി​.എ​സ്. ആ​ർ​ക്കെ​ങ്കി​ലും എ​തി​രെ അ​ദ്ദേ​ഹം എ​പ്പോ​ഴും നി​ല​യു​റ​പ്പി​ക്കും. ഭ​ര​ണ​ത്തി​ലാ​യി​രി​ക്കു​മ്പോ​ഴും അ​ദ്ദേ​ഹ​ത്തി​ന്റെ നി​ല​പാ​ട് പ്ര​തി​പ​ക്ഷ​ത്തി​ന്റേ​താ​യി​രി​ക്കും. ഭ​ര​ണ​വും സ​മ​ര​വും ഒ​രു​മി​ച്ച് പോ​ക​ണ​മെ​ന്ന് ഇ​.എം.​എ​സ് പ​റ​ഞ്ഞ​തി​ന്റെ സാ​രാം​ശം ഗ്ര​ഹി​ച്ചു​കൊ​ണ്ട് ര​ണ്ടി​ന്റെ​യും സ​മ​ഞ്ജ​സ​മാ​യ സ​മ്മേ​ള​ന​മാ​യി​രു​ന്നു അ​ച്യു​താ​ന​ന്ദ​ന്റെ ജീ​വി​തം.

അ​നീ​തി​ക്കും അ​ഴി​മ​തി​ക്കു​മെ​തി​രെ​യു​ള്ള നി​ര​ന്ത​ര​വും വി​ട്ടു​വീ​ഴ്ച​യി​ല്ലാ​ത്ത​തു​മാ​യ പോ​രാ​ട്ടം. മ​നു​ഷ്യ​നും മ​ണ്ണി​നും വേ​ണ്ടി​യു​ള്ള പോ​രാ​ട്ടം. അ​താ​യി​രു​ന്നു അ​ച്യു​താ​ന​ന്ദ​ന്റെ ജീ​വി​തം. കാ​ളി​ന്ദി​യി​ലെ ക​ള​ങ്ക​മാ​യ കാ​ളി​യ​നെ നി​ഗ്ര​ഹി​ക്കു​ന്ന​തി​ന് വി​ല​ക്കും മു​ന്ന​റി​യി​പ്പും വ​ക​വെക്കാതെ ആ​റ്റിലേ​ക്ക് ചാ​ടി​യ അ​ച്യു​ത​നാ​യി​രു​ന്നു അ​ച്യു​താ​ന​ന്ദ​ൻ. എ​തി​രാ​ളി​യു​ടെ വ​ലുപ്പം അ​ദ്ദേ​ഹ​ത്തി​ന് പ്ര​ശ്ന​മാ​യി​രു​ന്നി​ല്ല. പ്ര​ബ​ല​നാ​യ ബാ​ല​കൃ​ഷ്ണ പി​ള്ള​യെ അ​ഴി​മ​തി​യു​ടെ പേ​രി​ൽ ശി​ക്ഷി​ച്ച് ജ​യി​ലി​ല​ട​ച്ച് അ​ഴി​മ​തി ത​ടു​ക്കു​ന്ന​തി​ൽ അ​ഴി​ക്കു​ള്ള ബ​ന്ധം സ​മൂ​ഹ​ത്തെ ബോ​ധ്യ​പ്പെ​ടു​ത്തി​യ ആ​ളാ​ണ് അ​ച്യു​താ​ന​ന്ദ​ൻ. പ്ര​ശ​സ്തി​ക്കു​വേ​ണ്ടി​യ​ല്ല,​ നീ​തിനി​ർ​വ​ഹ​ണ​ത്തി​നു​വേ​ണ്ടി​യാ​ണ് അ​ദ്ദേ​ഹം കോ​ട​തി​യെ സ​മീ​പി​ച്ചി​രു​ന്ന​ത്. അ​ഭി​ഭാ​ഷ​ക​ർ​ക്കൊ​പ്പം അ​ദ്ദേ​ഹ​വും കേ​സി​ന്റെ ന​ട​ത്തി​പ്പി​ൽ സ​ജീ​വ​മാ​യു​ണ്ടാ​കും. പൊ​തു​പ്ര​വ​ർ​ത്ത​ക​രി​ൽ അ​പൂ​ർ​വ​മാ​യി മാ​ത്രം കാ​ണു​ന്ന പ്ര​തി​ജ്ഞാ​ബ​ദ്ധ​ത​യി​ൽ സം​പ്രീ​ത​നാ​യ ശാ​ന്തി​ഭൂ​ഷ​ൺ ഫീ​സ് വാ​ങ്ങാ​തെ​യാ​ണ് സു​പ്രീം കോ​ട​തി​യി​ൽ അ​ച്യു​താ​ന​ന്ദ​നു​വേ​ണ്ടി ഹാ​ജ​രാ​യ​ത്.

പാ​ർ​ട്ടി​യു​ടെ അ​നു​മ​തി​ക്കും അം​ഗീ​കാ​ര​ത്തി​നും​വേ​ണ്ടി കാ​ക്കാ​തെ സ​മ​ര​മു​ഖ​ങ്ങ​ളി​ലെ​ത്തി നേ​തൃ​ത്വം ഏ​റ്റെ​ടു​ക്കു​ന്ന ശീ​ല​ക്കാ​ര​നാ​യി​രു​ന്നു വി​.എ​സ്. കു​ടി​യി​റ​ക്ക​പ്പെ​ട്ട മ​ല​യോ​ര​ ക​ർ​ഷ​ക​ർ​ക്കു​വേ​ണ്ടി അ​മ​രാ​വ​തി​യി​ലും ചു​രു​ളി-​കീ​രി​ത്തോ​ടി​ലും എ​ത്തി​യ എ​.കെ.​ജി​യെ അ​നു​സ്മ​രി​പ്പി​ക്കു​ന്ന​താ​യി​രു​ന്നു വി​.എ​സി​ന്റെ സ​മ​ര​ജീ​വി​തം. പാ​ർ​ട്ടി​യു​ടെ നി​ല​പാ​ടി​ൽ​നി​ന്ന് വ്യ​ത്യ​സ്ത​മാ​യി​രു​ന്നു കൂ​ടം​കു​ളം സ​മ​ര​ത്തോ​ടു​ള്ള വി​.എ​സി​ന്റെ നി​ല​പാ​ട്. അ​തി​ർ​ത്തി​യി​ൽ ത​ട​യ​പ്പെ​ട്ടി​ല്ലാ​യി​രു​ന്നു​വെ​ങ്കി​ൽ കൂ​ടം​കു​ള​ത്തേ​ക്കു​ള്ള യാ​ത്ര വിപ്ല​വ​ത്തി​ന്റെ പാ​ത​യി​ലെ വ​മ്പി​ച്ച മു​ന്നേ​റ്റ​മാ​കു​മാ​യി​രു​ന്നു. പാ​രി​സ്ഥി​തി​ക പ്ര​ശ്ന​ങ്ങ​ളെ ദൈ​വ​ശാ​സ്ത്ര​വു​മാ​യി ഫ്രാ​ൻ​സി​സ് മാ​ർ​പാ​പ്പ ബ​ന്ധി​പ്പി​ച്ച​തു​പോ​ലെ പ​രി​സ്ഥി​തി​ക്ക് പ്ര​ത്യ​യ​ശാ​സ്ത്ര​ത്തി​ന്റെ ഊ​ടും പാ​വും നെ​യ്യു​ന്ന​തി​ൽ വി.​എ​സ് ശ്ര​ദ്ധാ​ലു​വാ​യി​രു​ന്നു.

നീ​തി​മാ​നാ​യ വി​.എ​സി​ൽ നീ​തി നി​ഷേ​ധി​ക്ക​പ്പെ​ടു​ന്ന​വ​ർ ശ​ര​ണ​മ​ർ​പ്പി​ച്ചു. സ്ത്രീ​ക​ളു​ടെ പ്ര​തീ​ക്ഷ​യാ​യി​രു​ന്നു വി​.എ​സ്. മൂ​ന്നാ​റി​ലെ പെ​മ്പി​ള​മാ​ർ​ക്കൊ​പ്പം അ​ദ്ദേ​ഹ​മു​ണ്ടാ​യി​രു​ന്നു. വി.എ​സ് ഉ​ണ്ടാ​യി​രു​ന്നെ​ങ്കി​ൽ ആ​ശാ പ്ര​വ​ർ​ത്ത​ക​ർ​ക്ക് തെ​രു​വി​ലെ അ​നാ​ഥ​ത്വം അ​നു​ഭ​വി​ക്കേ​ണ്ടി​വ​രി​ല്ലാ​യി​രു​ന്നു. ഇ​ങ്ക്വി​ലാ​ബ് എ​ന്ന വി​ളി കേ​ൾ​ക്കു​ന്നി​ട​ത്തൊ​ക്കെ അ​ദ്ദേ​ഹ​മു​ണ്ടാ​യി​രു​ന്നു. വി​പ്ലവ​നാ​യ​ക​ന് സ​മ​രം സ​മ​ര​സ​പ്പെ​ട​ലാ​യി​രു​ന്നി​ല്ല. തീ​ർ​പ്പി​ല​ല്ലാ​തെ ഒ​ത്തു​തീ​ർ​പ്പി​ൽ അ​ദ്ദേ​ഹം ത​ൽപര​നാ​യി​രു​ന്നി​ല്ല. അ​ന​ഭി​മ​ത​ന് അ​സ്പൃ​ശ്യ​ത ക​ൽപിച്ചാ​ൽ പി​ന്നെ അ​ടു​ക്കു​ന്ന പ്ര​ശ്ന​മി​ല്ല. വി​തു​ര കേ​സി​ൽ പ്ര​തി​യാ​യ ന​ട​നെ ക​ലാ​കാ​ര​നെ​ന്ന നി​ല​യി​ൽ പൊ​തു​വേ​ദി​യി​ൽ ആ​ദ​രി​ക്കാ​ൻ വി​.എ​സ് വി​സ​മ്മ​തി​ച്ചു. കു​റ്റാ​രോ​പി​ത​നും കു​റ്റ​വാ​ളി​യും ത​മ്മി​ലു​ള്ള സാ​ങ്കേ​തി​ക​മാ​യ വ്യ​ത്യാ​സം ഇ​ഴകീ​റി​യ​ല്ല ഇ​ത്ത​രം സ​ന്ദ​ർ​ഭ​ങ്ങ​ളി​ൽ വി​.എ​സ് നി​ല​പാ​ട് സ്വീ​ക​രി​ക്കു​ന്ന​ത്. ബോ​ധ്യ​ത്തി​ന്റെ അ​ടി​സ്ഥാ​ന​ത്തി​ലാ​ണ് അ​ദ്ദേ​ഹ​ത്തി​ന്റെ നി​ല​പാ​ട്. അ​ത് ശ​രി​യാ​യ നി​ല​പാ​ടാ​യി​രി​ക്കു​മെ​ന്ന് ബോ​ധ്യ​മു​ള്ള ജ​നം അ​ദ്ദേ​ഹ​ത്തോ​ടൊ​പ്പം നി​ന്നു.

കമ്മ്യൂണിസ്റ്റ് നേതാവ് റോസമ്മ പുന്നൂസിന്‍റെ നൂറാം ജന്മദിനാഘോ ഷ ചടങ്ങിനെത്തിയ വി.എസ്. അച്യുതാനന്ദൻ. 1958ലെ ദേവികുളം ഉപതെരഞ്ഞെടുപ്പിൽ റോസമ്മ പുന്നൂസിന്‍റെ തെരഞ്ഞെടുപ്പ് പ്രചാരണത്തിന് കരുത്തായത് വി.എസ് ആയിരുന്നു. 1957ൽ നടന്ന ആദ്യ നിയമസഭ തെരഞ്ഞെടുപ്പിൽ ഇവിടെനിന്നും സി.പി.ഐ പ്രതിനിധിയായി റോസമ്മ പുന്നൂസ് തെരഞ്ഞെടുക്കപ്പെട്ടിരുന്നെങ്കിലും ഇലക്ഷൻ ട്രിബ്യൂണൽ തെരഞ്ഞെടുപ്പ് റദ്ദു ചെയ്തു. തുടർന്നാണ് ഉപതെരഞ്ഞെടുപ്പ് വേണ്ടിവന്നത്.

കമ്മ്യൂണിസ്റ്റ് നേതാവ് റോസമ്മ പുന്നൂസിന്‍റെ നൂറാം ജന്മദിനാഘോ ഷ ചടങ്ങിനെത്തിയ വി.എസ്. അച്യുതാനന്ദൻ. 1958ലെ ദേവികുളം ഉപതെരഞ്ഞെടുപ്പിൽ റോസമ്മ പുന്നൂസിന്‍റെ തെരഞ്ഞെടുപ്പ് പ്രചാരണത്തിന് കരുത്തായത് വി.എസ് ആയിരുന്നു. 1957ൽ നടന്ന ആദ്യ നിയമസഭ തെരഞ്ഞെടുപ്പിൽ ഇവിടെനിന്നും സി.പി.ഐ പ്രതിനിധിയായി റോസമ്മ പുന്നൂസ് തെരഞ്ഞെടുക്കപ്പെട്ടിരുന്നെങ്കിലും ഇലക്ഷൻ ട്രിബ്യൂണൽ തെരഞ്ഞെടുപ്പ് റദ്ദു ചെയ്തു. തുടർന്നാണ് ഉപതെരഞ്ഞെടുപ്പ് വേണ്ടിവന്നത്.

വി​.എ​സി​ന്റെ ഇ​ട​പെ​ട​ൽ പ്ര​സി​ദ്ധി​ക്കു കാ​ര​ണ​മാ​യി​ത്തീ​ർ​ന്ന ചി​ല പേ​രു​ക​ളു​ണ്ട്. ഫാ​രി​സ് അ​ബൂ​ബ​ക്ക​റും സാ​ന്റി​യാ​ഗോ മാ​ർ​ട്ടി​നും അ​ക്കൂ​ട്ട​ത്തി​ൽ​പ്പെ​ടു​ന്നു. എ​തി​രാ​ളി​യു​ടെ ക​രു​ത്ത് നി​ർ​ണ​യി​ച്ച​തി​നു​ശേ​ഷ​മു​ള്ള ആ​ക്ര​മ​ണ​മാ​യി​രു​ന്നി​ല്ല വി​.എ​സ് ന​ട​ത്തി​യ​ത്. ത​ക​ർ​ക്ക​പ്പെ​ടേ​ണ്ട​ത് ത​ക​ർ​ക്ക​പ്പെ​ട​ണം എ​ന്ന നി​ശ്ച​യ​ദാ​ർ​ഢ്യ​മാ​യി​രു​ന്നു അ​ദ്ദേ​ഹ​ത്തി​ന്റെ കൈ​മു​ത​ൽ.

വ​ല​തു​പ​ക്ഷ താ​ൽപ​ര്യ​ങ്ങ​ളോ​ടാ​ണ് അ​ദ്ദേ​ഹം നി​ര​ന്ത​രം ഏ​റ്റു​മു​ട്ടി​യി​രു​ന്ന​ത്. അ​തു​കൊ​ണ്ടു​ത​ന്നെ ല​ക്ഷ്യം അ​ർ​ഹി​ക്കു​ന്ന പി​ന്തു​ണ മാ​ധ്യ​മ​ങ്ങ​ളി​ൽ​നി​ന്ന് അ​ദ്ദേ​ഹ​ത്തി​ന് ല​ഭി​ച്ചി​ട്ടി​ല്ല. മൂ​ന്നാ​ർ ദൗ​ത്യ​ത്തി​ൽ ക​രി​മ്പൂ​ച്ച​ക​ളി​ലാ​ണ് മാ​ധ്യ​മ​ങ്ങ​ൾ ശ്ര​ദ്ധ കേ​ന്ദ്രീ​ക​രി​ച്ച​ത്. അ​ച്യു​താ​ന​ന്ദ​ൻ ഉ​ന്നംവെ​ച്ച ക​ടു​വ​ക​ൾ വാ​ർ​ത്ത​യു​ടെ പൊ​ലി​മ​യി​ൽ തേ​യി​ല​ത്തോ​ട്ട​ങ്ങ​ളി​ൽ മ​റ​ഞ്ഞു. പി​ന്തു​ണ​യും പ്ര​ശം​സ​യും കോ​രി​ച്ചൊ​രി​ഞ്ഞ് വി​ഷ​യ​ത്തെ അ​ഗോ​ച​ര​മാ​ക്കു​ന്ന മാ​ധ്യ​മ​രീ​തി​യു​ണ്ട്. അ​ച്യു​താ​ന​ന്ദ​ന്റെ വെ​ട്ടി​നി​ര​ത്ത​ൽ വ​യ​ലു​ക​ളെ സം​ര​ക്ഷി​ക്കു​ന്ന​തി​നു​വേ​ണ്ടി​യു​ള്ള​താ​യി​രു​ന്നു. അ​രി​യാ​ഹാ​രം ക​ഴി​ക്കു​ന്ന​തി​ൽ അ​ഹ​ങ്ക​രി​ക്കു​ന്ന​വ​ർ​ത​ന്നെ വെ​ട്ടി​നി​ര​ത്ത​ലി​ന്റെ കാ​ർ​ഷി​ക​പ്രാ​ധാ​ന്യം മ​റ​ന്ന് അ​തി​നെ രാ​ഷ്ട്രീ​യ പ​ദാ​വ​ലി​യു​ടെ ഭാ​ഗ​മാ​ക്കി. അ​ധി​കാ​ര​വും സ്വാ​ധീ​ന​വു​മു​പ​യോ​ഗി​ച്ച് പാ​ർ​ട്ടി​യി​ലെ എ​തി​രാ​ളി​ക​ളെ ഉ​ന്മൂ​ല​നംചെ​യ്യു​ന്ന പ്ര​ക്രി​യ​യാ​യി വെ​ട്ടി​നി​ര​ത്ത​ൽ മാ​റി. രാ​ഷ്ട്രീ​യ​ പാ​ർ​ട്ടി​ക​ളി​ൽ അ​വ​ശ്യം വേ​ണ്ട​താ​യ അ​ഭി​പ്രാ​യ​വ്യ​ത്യാ​സ​ത്തെ വി​ഭാ​ഗീ​യ​ത എ​ന്ന ലേ​ബ​ലി​ൽ അ​വ​ത​രി​പ്പി​ച്ചു.

അ​ച്യു​താ​ന​ന്ദ​ൻ​ത​ന്നെ പാ​ർ​ട്ടി​യി​ൽ ഉ​ണ്ടെ​ന്നു പ​റ​യ​പ്പെ​ടു​ന്ന വി​ഭാ​ഗീ​യ​ത​യു​ടെ ഇ​ര​യാ​യി. പാ​ർ​ട്ടി​യു​ടെ അ​ഭേ​ദ്യ​മാ​യ കോ​ട്ട​യാ​യ മാ​രാ​രി​ക്കു​ള​ത്ത് അ​ദ്ദേ​ഹം അ​വി​ശ്വ​സ​നീ​യ​മാ​യ രീ​തി​യി​ൽ തോ​റ്റു. ജ​യി​ച്ചി​രു​ന്നെ​ങ്കി​ൽ അ​ദ്ദേ​ഹം മു​ഖ്യ​മ​ന്ത്രി​യാ​കു​മാ​യി​രു​ന്നു. ആ​ല​പ്പു​ഴ​യി​ൽ​നി​ന്ന് മ​ല​മ്പു​ഴ​യി​ലെ​ത്തി​യാ​ണ് അ​ദ്ദേ​ഹം പി​ന്നീ​ട് വി​ജ​യ​മു​റ​പ്പി​ച്ച​ത്. 1996ൽ ​ന​ഷ്ട​മാ​യ​ത് 2006ൽ ​അ​ദ്ദേ​ഹ​ത്തെ തേ​ടി​യെ​ത്തി. കേ​ര​ള​ത്തി​ൽ കാ​ലാ​വ​ധി പൂ​ർ​ത്തി​യാ​ക്കി​യ ആ​ദ്യ​ത്തെ മു​ഖ്യ​മ​ന്ത്രി​യാ​ണ് വി​.എ​സ്. പാ​ർ​ട്ടി ചെ​റു​താ​യൊ​ന്ന് മ​ന​സ്സ് ​െവ​ച്ചി​രു​ന്നെ​ങ്കി​ൽ വി​.എ​സ് വീ​ണ്ടും മു​ഖ്യ​മ​ന്ത്രി​യാ​കു​മാ​യി​രു​ന്നു. ര​ണ്ട് സീ​റ്റി​ന്റെ കു​റ​വി​ലാ​ണ് അ​ന്ന് എ​ൽ​.ഡി.​എ​ഫ് പ്ര​തി​പ​ക്ഷ​ത്താ​യ​ത്. തൃ​ക്കാ​ക്ക​ര​യി​ൽ ഞാ​ൻ ജ​യി​ച്ചി​രു​ന്നെ​ങ്കി​ൽ സ​മാ​സ​മം ആ​കു​മാ​യി​രു​ന്നു. അ​തി​ല്ലാ​തെ​ത​ന്നെ പാ​ർ​ട്ടി​ക്ക് ഉ​റ​പ്പാ​യി ജ​യി​ക്കാ​ൻ ക​ഴി​യു​ന്ന​തും ഉ​പേ​ക്ഷ​കൊ​ണ്ട് കൈ​വി​ട്ടു​പോ​യ​തു​മാ​യ നി​ര​വ​ധി മ​ണ്ഡ​ല​ങ്ങ​ളു​ണ്ടാ​യി​രു​ന്നു.

വി​ജ​യ​വും പ​രാ​ജ​യ​വും ആ​ഘോ​ഷി​ക്കു​ന്ന​തി​നു​ള്ള ആ​യു​ർ​ദൈ​ർ​ഘ്യം വി​.എ​സി​നു ല​ഭി​ച്ചു. ആ​യി​രം പൂ​ർ​ണ​ച​ന്ദ്ര​ന്മാ​രു​ടെ സാ​ങ്ക​ൽപിക ​ദ​ർ​ശ​ന​ത്തി​ൽ​നി​ന്ന് ല​ഭി​ക്കു​ന്ന ആ​നു​കൂ​ല്യ​മി​ല്ലാ​തെ നൂ​റു വ​ർ​ഷം പി​ന്നി​ട്ട ദീ​ർ​ഘാ​യു​ഷ്മാ​നാ​യി​രു​ന്നു അ​ദ്ദേ​ഹം. മൂ​ന്നുവ​ട്ടം സി​.പി.​എം സം​സ്ഥാ​ന സെ​ക്ര​ട്ട​റി,​ മൂ​ന്നുവ​ട്ടം പ്ര​തി​പ​ക്ഷ​ നേ​താ​വ്,​ അ​ഞ്ചുവ​ർ​ഷം മു​ഖ്യ​മ​ന്ത്രി എ​ന്നി​ങ്ങ​നെ പ​ദ​വി​ക​ളാ​ലും സം​ഭ​വ​ങ്ങ​ളാ​ലും ബ​ഹു​ല​മാ​യി​രു​ന്നു ആ ​വി​പ്ല​വ​ജീ​വി​തം. ഇ​ന്ത്യ​യി​ലെ ക​മ്യൂ​ണി​സ്റ്റ് പ്ര​സ്ഥാ​ന​ത്തോ​ടൊ​പ്പം നൂ​റു വ​ർ​ഷം പൂ​ർ​ത്തി​യാ​ക്കി​യ ആ​ളാ​ണ് വി​.എ​സ്. സി​.പി.​എ​മ്മി​ന്റെ സ്ഥാ​പ​ക​രാ​യ ആ 32 ​പേ​രി​ൽ വി​ടപ​റ​യു​ന്ന അ​വ​സാ​ന​ത്തെ ആ​ൾ. യു​ഗാ​ന്ത്യം എ​ന്ന് അ​ർ​ഥ​വ​ത്താ​യി വി​ശേ​ഷി​പ്പി​ക്കാ​വു​ന്ന​താ​ണ് വി​.എ​സി​ന്റെ വി​ട​വാ​ങ്ങ​ൽ.

ഇ​.എം.​എ​സി​ന്റെ വി​ക്കും വി​.എ​സി​ന്റെ വി​ക്ഷേ​പ​വും ആ​ൾ​ക്കൂ​ട്ട​ത്തെ ആ​ക​ർ​ഷി​ച്ചു. ആ​ശ​യ​ങ്ങ​ളു​ടെ കു​ത്തൊ​ഴു​ക്കി​ൽ ഇ​.എം.​എ​സി​ന്റെ വി​ക്ക് ശ്രോ​താ​ക്ക​ൾ ശ്ര​ദ്ധി​ച്ചി​ല്ല. വി​.എ​സി​ന്റെ അം​ഗ​വി​ക്ഷേ​പ​ത്തി​ൽ ആ​ശ​യ​ങ്ങ​ൾ ശ്ര​ദ്ധി​ക്കാ​തെ പോ​യ​തു​മി​ല്ല. അ​ന്യ​ഥാ ശ്ര​ദ്ധ ന​ഷ്ട​പ്പെ​ടു​ന്ന ഗ്രാ​മീ​ണ​ സ​ദ​സ്സുക​ളെ ത​ന്നി​ലേ​ക്കാ​ക​ർ​ഷി​ച്ചു നി​ർ​ത്തു​ന്ന​തി​ന് വി​.എ​സ് ആ​വി​ഷ്ക​രി​ച്ച​താ​യി​രു​ന്നു ക​യ​റ്റി​റ​ക്ക​ങ്ങ​ളും ആ​വ​ർ​ത്ത​ന​വു​മു​ള്ള ത​ന​താ​യ ആ ​പ്ര​ഭാ​ഷ​ണ​ശൈ​ലി. അ​ങ്ങ​നെ അ​ദ്ദേ​ഹം പാ​ർ​ട്ടി​യു​ടെ താ​ര​പ​രി​വേ​ഷ​മു​ള്ള പ്ര​ചാ​ര​ക​നാ​യി. കു​ട്ട​നാ​ട​ൻ പാ​ട​ശേ​ഖ​ര​ങ്ങ​ളി​ൽ സ​ന്ധ്യ മ​യ​ങ്ങു​ന്ന നേ​ര​ത്ത് വൈ​രു​ധ്യാ​ത്മ​ക ഭൗ​തി​ക​വാ​ദ​ത്തി​ല​ധി​ഷ്ഠി​ത​മാ​യി ക​ർ​ഷ​ക​ത്തൊ​ഴി​ലാ​ളി​ക​ൾ​ക്ക് ഇ​ങ്ങ​നെ​യൊ​ക്കെ​യ​ല്ലാ​തെ എ​ങ്ങ​നെ​യാ​ണ് കാ​ര്യ​ങ്ങ​ൾ വി​ശ​ദീ​ക​രി​ച്ചും വ്യാ​ഖ്യാ​നി​ച്ചും കൊ​ടു​ക്കു​ക! ഭൂ​മി​യു​ടെ ഉ​ട​മാ​വ​കാ​ശ​ത്തെ​ക്കു​റി​ച്ച് പ​റ​ഞ്ഞാ​ൽ അ​വ​ർ​ക്കൊ​ന്നും മ​ന​സ്സി​ലാ​വി​ല്ല. ന​മ്മ​ളു കൊ​യ്യും വ​യ​ലെ​ല്ലാം ന​മ്മു​ടേതാ​കും പൈ​ങ്കി​ളി​യേ എ​ന്ന് ഒ​.എ​ൻ.​വി പാ​ടി​യ​പ്പോ​ൾ ചെ​റു​മി​ക​ൾ​ക്ക് എ​ല്ലാം മ​ന​സ്സി​ലാ​യി. ഒ​.എ​ൻ.​വി പ​ദ്യ​ത്തി​ൽ പ​റ​ഞ്ഞ​തി​ന്റെ ഗ​ദ്യാ​വി​ഷ്കാ​ര​മാ​യി​രു​ന്നു വി​.എ​സി​ന്റെ നാ​ട്യ​പ്ര​ധാ​ന​മാ​യ പ്ര​ഭാ​ഷ​ണ​ങ്ങ​ൾ.

ഫോട്ടോ: പി. അഭിജിത്ത് 

വി​പ്ല​വ​സൂ​ര്യ​ൻ എ​ന്നാ​ണ് വി​.എ​സ് വി​ശേ​ഷി​പ്പി​ക്ക​പ്പെ​ടു​ന്ന​ത്. സൂ​ര്യ​നോ​ട​ടു​ക്കു​ന്ന​വ​ർ​ക്ക് ഇ​ക്ക​റ​സി​ന്റെ അ​നു​ഭ​വ​മു​ണ്ടാ​കും. ചി​റ​കെ​രി​ഞ്ഞ് നി​ലം​പ​തി​ക്കും. ധ​ർ​മ​പു​ത്ര​രു​ടെ സ്വ​ർ​ഗ​യാ​ത്ര​പോ​ലെ​യാ​യി​രു​ന്നു വി​പ്ലവ​ത്തി​ന്റെ വ​ഴി​യി​ലൂ​ടെ​യു​ള്ള വി​.എ​സി​ന്റെ യാ​ത്ര. വീ​ഴു​ന്ന​വ​രെ​യും ഒ​പ്പ​മു​ള്ള​വ​രെ​യും അ​ദ്ദേ​ഹം ശ്ര​ദ്ധി​ച്ചി​ല്ല. ഇ​ൻ​ഫോ​ പാ​ർ​ക്കി​ലെ ചീ​ഫ് എ​ക്സി​ക്യൂ​ട്ടിവി​ന്റെ നി​യ​മ​ന​ത്തി​ൽ ഇ​ട​പെ​ട​ൽ ആ​രോ​പി​ച്ച് എ​ന്നെ​യും വി​.എ​സി​നെ​യും പ്ര​തി​ക​ളാ​ക്കി പി.സി. ജോ​ർ​ജ് ഒ​രു കേ​സ് ഫ​യ​ൽ ചെ​യ്തി​രു​ന്നു. ഒ​രു ക​ട​വി​ലും അ​ടു​പ്പി​ക്കാ​ൻ ക​ഴി​യാ​ത്ത ആ​രോ​പ​ണ​ങ്ങ​ളാ​ണ് ജോ​ർ​ജ് ഉ​ന്ന​യി​ക്കു​ക. എ​നി​ക്കും വി​.എ​സി​നു​മെ​തി​രെ​യു​ള്ള ആ​രോ​പ​ണം അ​ടി​സ്ഥാ​ന​ര​ഹി​ത​മാ​ണെ​ന്ന് എ​നി​ക്ക് ബോ​ധ്യ​മു​ണ്ടാ​യി​രു​ന്ന​തി​നാ​ൽ വി​.എ​സി​നെ​തി​രെ​യു​ള്ള മ​റ്റ് ആ​രോ​പ​ണ​ങ്ങ​ളു​ടെ അ​വ​സ്ഥ​യും ഇ​തു​ത​ന്നെ​യാ​യി​രി​ക്കു​മെ​ന്ന് എ​നി​ക്കു​റ​പ്പു​ണ്ട്. ധ​ർ​മ​പു​ത്ര​രെ അ​നു​ഗ​മി​ക്കാ​ൻ വി​ശ്വ​സ്ത​നാ​യ ഒ​രു നാ​യ ഉ​ണ്ടാ​യി​രു​ന്നു. വി​.എ​സി​നെ അ​നു​ഗ​മി​ക്കാ​ൻ വി​ശ്വ​സ്ത​ത​യോ​ടെ ഒ​രു ജ​ന​ത കൂ​ടെ​യു​ണ്ടാ​യി​രു​ന്നു. പ്ലാ​റ്റോ​യു​ടെ അ​ന്ത്യ​യാ​ത്ര​യെ​ക്കു​റി​ച്ച് വി​ൽ ഡ്യൂ​റ​ന്റ് എ​ഴു​തി: All Athens followed him to the grave. മു​ഷ്ടി ചു​രു​ട്ടി നി​രു​ദ്ധ​ക​ണ്ഠ​രാ​യി ക​ണ്ണേ ക​ര​ളേ എ​ന്നു വി​ല​പി​ച്ച് ഒ​രു ജ​ന​ത​യാ​കെ വ​ലി​യ ചു​ടു​കാ​ട്ടി​ലേ​ക്ക് ന​ട​ക്കു​ന്ന കാ​ഴ്ച കേ​ര​ളം ക​ണ്ടു.

------------------

(വി.എ​സ്. അ​ച്യു​താ​ന​ന്ദ​ൻ ചീ​ഫ് എ​ഡി​റ്റ​റാ​യി​രി​ക്കെ ദേ​ശാ​ഭി​മാ​നി​യു​ടെ അ​സോ​സി​േയറ്റ് എ​ഡി​റ്റ​റാ​യി​രു​ന്നു ലേ​ഖ​ക​ൻ.)