കു​ടും​ബ​ രാ​ഷ്ട്രീയ​ത്തി​ലെ ബു​ൾഡോ​സ​റു​ക​ൾ (വേ​താ​ള നൃ​ത്തം)

തമിഴ്​നാട്ടിൽ ഉദയനിധി സ്​റ്റാലിൻ ഉപമുഖ്യമന്ത്രിയായി ചുമതലയേറ്റിരിക്കുന്നു. എന്താണ്​ തമിഴ്​നാട്ടിലെ രാഷ്​ട്രീയത്തി​ന്റെ വർത്തമാന അവസ്​ഥകൾ? കുടുംബവാഴ്​ച തുടരുകയാണോ? ഡി.എം.കെ രാഷ്​ട്രീയത്തി​ന്റെ ദിശ എന്താണ്​? -ദീർഘകാലം ചെ​െന്നെയിൽ മാധ്യമപ്രവർത്തകനായിരുന്ന ലേഖക​ന്റെ നിരീക്ഷണങ്ങളും വിശകലനങ്ങളും. ആഴ്​ചപ്പതിപ്പിൽ മുമ്പ്​ എഴുതിയ ശശികലയുടെയും പ്രതിപക്ഷത്തി​ന്റെയും വിശകലനങ്ങളുടെ മറ്റൊരു തുടർച്ചയാണ്​ ഇൗ ലേഖനം.

ബു​ദ്ധി​യു​ള്ള മ​നി​ത​രെ​ല്ലാം വെ​ട്രി​പെ​റ്റ​തി​ല്ലൈ

വെ​ട്രി​പെ​റ്റ മ​നി​ത​രെ​ല്ലാം ബു​ദ്ധി​ശാ​ലി​യ​ല്ലൈ.

1962ല്‍ ​‘അ​ന്നൈ’ എ​ന്ന ചി​ത്ര​ത്തി​നു​വേ​ണ്ടി ക​വി ക​ണ്ണ​ദാ​സ​ന്‍ എ​ഴു​തി​യ ഈ ​വ​രി​ക​ള്‍ ഇ​ന്ന​ത്തെ ത​മി​ഴ​ക​രാ​ഷ്ട്രീ​യ​ത്തി​നു എ​ന്തു​കൊ​ണ്ടും അ​നു​യോ​ജ്യ​മാ​ണ്. “ബു​ദ്ധി​യു​ള്ള​വ​രെ​ല്ലാം വി​ജ​യി​ച്ചി​ട്ടി​ല്ല, വി​ജ​യി​ച്ച​വ​രാ​ക​ട്ടെ ബു​ദ്ധി​ശാ​ലി​ക​ളു​മ​ല്ല.” അ​ധി​കാ​ര​ത്തി​ന്‍റെ സോ​പാ​ന​ങ്ങ​ളി​ലേ​ക്കു​ള്ള ത​ള്ളി​ക്ക​യ​റ്റ​ത്തി​നി​ട​യി​ല്‍ ദ്രാ​വി​ഡ​ രാ​ഷ്ട്രീ​യ​ത്തി​ന്‍റെ നെ​ടും​പു​ര​ക​ളി​ല്‍ ആ​ടി​ത്തി​മി​ര്‍ത്ത​വ​ര്‍ വി​ജ​യി​ക​ള്‍ മാ​ത്ര​മാ​യി​രു​ന്നു. സ​മ്പ​ത്തും കൈ​യൂ​ക്കും അ​ക്ര​മ​വു​മാ​യി​രു​ന്നു രാ​ഷ്ട്രീ​യ​മേ​ലാ​ള​ന്മാ​രു​ടെ മു​ത​ല്‍ക്കൂ​ട്ട്.

സാ​ധാ​ര​ണ​ക്കാ​ര​ന്‍റെ ച​ങ്കി​ലു​റ​ച്ച ജ​നാ​ധി​പ​ത്യ​വി​ശ്വാ​സ​ത്തി​ന്‍റെ വി​ശു​ദ്ധി​യി​ലേ​ക്കാ​ണ് അ​വ​ര്‍ കാ​പ​ട്യ​ത്തി​ന്‍റെ ബു​ള്‍ഡോ​സ​റു​ക​ള്‍ പാ​യി​ച്ച​ത്, അ​ഴു​ക്കു​ചാ​ലു​ക​ള്‍ ഒ​ഴു​ക്കി​വി​ട്ട​ത്. സ്വ​യം​മ​ര്യാ​ദ (സ്വാ​ഭി​മാ​നം- Self-respect) എ​ന്ന ആ​ശ​യ​ത്തി​ന്‍റെ തേ​രോ​ടി​ച്ചാ​ണ് ദ്രാ​വി​ഡ​ക​ഴ​കം നേ​താ​വാ​യി​രു​ന്ന പെ​രി​യാ​ര്‍ ഇ​.വി. രാ​മ​സ്വാ​മി​ നാ​യ്ക്ക​ര്‍ ത​മി​ഴ് ജ​ന​ത​യു​ടെ മ​ന​സ്സി​ലേ​ക്ക് ക​യ​റി​പ്പോ​യ​ത്. ഇ​.വി​.ആ​റി​ന്‍റെ പി​ന്‍ഗാ​മി​യാ​യി അ​ഭി​മാ​ന​പൂ​ര്‍വം ക​യ​റി​വ​ന്ന അ​ണ്ണാ​ദു​രൈ മൂ​ന്നു ക​ൽപ​ന​ക​ള്‍ ന​ല്‍കി​യാ​ണ് ത​ന്‍റെ അ​ണി​ക​ളെ ബോ​ധ​വ​ത്ക​രി​ച്ച​ത് – ക​ട​മ, ആ​ത്മാ​ർഥ​ത, അ​ച്ച​ട​ക്കം (ക​ട​മൈ, ക​ണ്ണി​യം, ക​ട്ടു​പ്പാ​ട്). എ​ന്നാ​ല്‍, ഇ​ന്ന് ഇ​തൊ​ക്കെ ദ്ര​വി​ച്ചു​പോ​യ സം​സ്കാ​ര​ത്തി​ന്റെ പ​ഴ​ങ്ക​ഥ​ക​ളാ​യി മാ​റി​യി​രി​ക്കു​ന്നു.

ഇ​ന്ന് ത​മി​ഴ​ക​ത്തി​ന്റെ മു​ഖ​മു​ദ്ര കു​ടും​ബ​വാ​ഴ്ച​യാ​ണ്. അ​ണ്ണാ​ദു​രൈ​യു​ടെ അ​ഭാ​വ​ത്തി​ൽ ക​ലൈ​ജ്ഞർ ക​രു​ണാ​നി​ധി തു​ട​ങ്ങി​​െവ​ച്ച ആ ​കീ​ഴ് വഴ​ക്കം ഇ​ന്ന് സ്റ്റാ​ലി​ന്റെ നേ​തൃ​ത്വ​ത്തി​ൽ അ​തി​ശ​ക്ത​മാ​യി മു​ന്നേ​റു​ക​യാ​ണ്. ത​ന്റെ മ​ക​ൻ ഉ​ദ​യ​നി​ധി സ്റ്റാ​ലി​ൻ ഉ​പ​മു​ഖ്യ​മ​ന്ത്രി​യാ​യി ചു​മ​ത​ല​യേ​റ്റതോടെ കു​ടും​ബ​വാ​ഴ്ച തു​ട​രാ​നും ത​ന്റെ പി​താ​വും മു​ത്ത​ച്ഛ​നും സം​ര​ക്ഷി​ച്ചുപോ​ന്ന ചു​റ്റു​വ​ട്ട​ങ്ങ​ൾ അ​ന​ുസ്യൂ​തം പ​രീ​ക്ഷി​ക്കാ​നും ക​ഴി​യുന്നുണ്ട്​. ഉ​ദ​യ​നി​ധി​യു​ടെ കി​രീ​ട​ധാ​ര​ണം ന​ട​ന്നതിനാൽ ഭ​ര​ണ​ച​ക്രം അ​തി​ന്റേതാ​യ വ​ഴി​ക്ക് ഭ​ദ്ര​മാ​യി തി​രി​ഞ്ഞുകൊ​ണ്ടി​രി​ക്കു​മെ​ന്ന് സ്റ്റാ​ലി​നും കു​ടും​ബ​വും ക​രു​തു​ന്നു​ണ്ടാ​കും.

ജ​യ​ല​ളി​ത​യു​ടെ കാ​ല​ത്ത് പാ​ർ​ട്ടി​ക്കു​ണ്ടാ​യ അ​പ​ചയം മേ​ലി​ൽ ഉ​ണ്ടാ​കാ​ൻ പാ​ടി​ല്ല. ക​രു​ണാ​നി​ധി​യു​ടെ കു​ടും​ബം അ​ടി​ച്ച​മ​ർ​ത്ത​ലു​ക​ളി​ലൂ​ടെ​യും വ​ക്ര​ബ​ുദ്ധി​ക​ളി​ലൂ​ടെ​യും പി​ടി​ച്ച​ട​ക്കി​യ കോ​ടി​ക്ക​ണ​ക്കാ​യ ആ​സ്തി​ക​ൾ നി​ല​നി​ൽ​ക്ക​ണ​മെ​ങ്കി​ൽ അ​ധി​കാ​രം കു​ടുംബ​ത്തി​ന്റെ കൈ​ക​ളി​ൽ ഭ​ദ്ര​മാ​യി​രി​ക്ക​ണം. അ​ഞ്ചു വ​ർ​ഷം​കൊ​ണ്ട് ജ​യ​ല​ളി​ത​യും ഉ​റ്റ​തോ​ഴി ശ​ശി​ക​ല​യും അ​വ​രു​ടെ മ​ന്നാ​ർ​ക്കു​ടി മാ​ഫി​യ​യും വാ​രി​ക്കൂ​ട്ടി​യ സ​മ്പ​ത്തി​നേ​ക്കാ​ൾ നൂ​റു മ​ട​ങ്ങാ​ണ് ത​ങ്ങ​ളു​ടെ കു​ടും​ബ​ത്തി​ലു​ള്ള​തെ​ന്ന് ക​രു​ണാ​നി​ധി​ക്കു​ത​ന്നെ അ​റി​യാ​മാ​യി​രു​ന്നു. ത​മി​ഴ​കം എ​ന്നും ഭ​ര​ണ​മാ​ളു​ന്ന​വ​രു​ടെ വി​ള​നി​ല​മാ​ണെ​ന്ന് ച​രി​ത്രം തെ​ളി​യി​ച്ചി​ട്ടു​ള്ള​താ​ണ്.

ഈ ​സാ​ഹ​ച​ര്യ​ത്തി​ൽ ഉ​ദ​യ​നി​ധി​യു​ടെ ഉ​പ​മു​ഖ്യ​മ​ന്ത്രി​പ​ദ​വി​ക്ക് പ്ര​സ​ക്തി​യേ​റു​ന്നു. അ​തി​നാ​ൽ കി​രീ​ട​ധാ​ര​ണം ആ​ഘോ​ഷ​മാ​ക്കി മാ​റ്റാ​ൻ മു​ൻ​കൈ എ​ടു​ത്ത​ത് അ​ധി​കാ​ര​ത്തി​ന്റെ അ​പ്പ​ക്ക​ഷ​ണം നു​ണ​യു​ന്ന ഡി.എം.​കെ​യി​ലെ ത​ല​മു​തി​ർ​ന്ന നേ​താ​ക്ക​ൾ​ത​ന്നെ​യാ​ണ്. ജ​യ​ല​ളി​ത​യു​ടെ മ​ര​ണ​ശേ​ഷം ത​ക​ർ​ന്നുവീ​ണ എ​.ഐ.​എ​.ഡി​.എം.​കെ​യു​ടെ കെ​ട്ടു​കാ​ഴ്ച​ക​ളാ​യി​രു​ന്നു ഡി.​എം.​കെ നേ​താ​ക്ക​ളു​ടെ സി​ര​ക​ളി​ൽ ആ​ഹ്ലാ​ദം പൂ​ത്തു​ല​യാ​ൻ കാ​ര​ണ​മാ​യ​ത്. ഇ​നി​യൊ​രി​ക്ക​ലും ത​ല​പൊ​ക്കാ​നാ​കാ​ത്ത വി​ധം പ്ര​തി​പ​ക്ഷം ശി​ഥി​ല​മാ​യ​പ്പോ​ൾ ഏ​റ്റ​വു​മ​ധി​കം സ​ന്തോ​ഷി​ച്ച​തും ഡി​.എം.​കെ ആ​യി​രു​ന്നു.

ഭ​ര​ണ​ത്തി​ലൊ​ന്നും കാ​ര്യ​മാ​യ പ്രാ​വീ​ണ്യ​മി​ല്ലാ​ത്ത ഉ​ദ​യ​നി​ധി​യെ ഉ​പ​മു​ഖ്യ​മ​ന്ത്രി​ക്ക​സേ​ര​യി​ൽ ക​യ​റ്റ​ിയി​രു​ത്തു​ന്ന​തി​ൽ ഭ​ര​ണ​ത്തി​ലു​ള്ള​വ​ർ​ക്ക് അ​ൽ​പംപോ​ലും ജാ​ള്യ​ത​യു​മി​ല്ല. എ​ന്നാ​ൽ, ഒ​ന്നി​ലും മ​ടി​കാ​ണി​ക്കാ​ത്ത മു​തി​ർ​ന്ന പാ​ർ​ട്ടി​നേ​താ​ക്ക​ളാ​ണ് സ്റ്റാ​ലി​നെ വി​ഷ​മ​വൃ​ത്ത​ത്തി​ലാ​ക്കു​ന്ന​ത്. ആ​ദ​ർ​ശ​മാ​ണോ കു​ടും​ബാ​ധി​പ​ത്യ​മാ​ണോ പ്ര​ധാ​നം എ​ന്ന ചോ​ദ്യ​ത്തി​ന് സ്റ്റാ​ലി​ന് ഉ​ത്ത​രം ക​ണ്ടെ​ത്താ​ൻ ക​ഴി​യു​ന്നി​ല്ല. ത​ന്റെ പി​താ​വ് ന​ട്ടു​ന​ന​ച്ചു വ​ള​ർ​ത്തി​യ കു​ടും​ബ​മെ​ന്ന വ​ട​വൃ​ക്ഷം ക​ട​പു​ഴ​കി​വീ​ഴാ​തെ നി​ല​നി​ർ​ത്തേ​ണ്ട​ത് പാ​ർ​ട്ടി​യു​ടെ അ​ധി​പ​ൻ എ​ന്നനി​ല​ക്ക് ത​ന്റെ ക​ട​മ​യാ​ണെ​ന്ന് സ്റ്റാ​ലി​ന് ന​ന്നാ​യ​റി​യാം. ജ​യ​ല​ളി​ത​യു​ടെ കാ​ല​ത്തു മാ​ത്ര​മാ​ണ് ക​ലൈ​ജ്ഞ​രു​ടെ കു​ടും​ബ​വാ​ഴ്ച​ക്കു അ​ൽപം മ​ങ്ങ​ലേ​റ്റ​ത്. ഏ​തു ത​ര​ത്തി​ലു​ള്ള തീ​രു​മാ​ന​ങ്ങ​ൾ​ക്കും ഡി​.എം.​കെ​യു​ടെ പി​ന്തു​ണ ഇ​ന്ന് ത​നി​ക്കു​ണ്ടാ​കു​മെ​ന്ന് സ്റ്റാ​ലി​ന് ഉ​റ​പ്പു​ണ്ട്.

2021 മേ​യ് ഏ​ഴി​ന് 234ൽ 159 ​സീ​റ്റു​ക​ളും നേ​ടി അ​ധി​കാ​ര​മേ​ൽ​ക്കു​മ്പോ​ൾ അ​ഴി​മ​തി​യു​ടെ​യും കെ​ടു​കാ​ര്യ​സ്ഥ​ത​യു​ടെയും നീരാ​ളി​പ്പി​ടിത്ത​ത്തി​ൽ ത​ക​ർ​ന്നുവീ​ണ സം​സ്ഥാ​ന​മാ​യി​രു​ന്നു എം​.കെ. സ്റ്റാ​ലി​ന്റെ മു​ന്നി​ൽ ഉ​ണ്ടാ​യി​രു​ന്ന​ത്. ക​​ഴിഞ്ഞ ലോ​ക്‌​സ​ഭാ തെ​ര​ഞ്ഞെ​ടു​പ്പി​ൽ ഡി​.എം​.കെ സ​ഖ്യം 39 സീ​റ്റു​ം ക​ര​സ്ഥ​മാ​ക്കി പ്ര​തി​പ​ക്ഷ​ത്തെ നി​ലം​പ​രി​ശാ​ക്കി​യ​തി​ന് പി​ന്നി​ൽ സ്റ്റാ​ലി​ന്റെ സം​ഘ​ട​നാ​ശേ​ഷി​യും ഭ​ര​ണ​നേ​ട്ട​വും ത​ന്നെ​യാ​യി​രു​ന്നു എ​ന്ന് വി​മ​ർ​ശ​ക​ർ​പോ​ലും വി​ധി​യെ​ഴു​തി. ലോ​ക്‌​സ​ഭാ തെ​ര​ഞ്ഞെ​ടു​പ്പി​നു ശേ​ഷം ഒ​ത്തു​കൂ​ടി​യ ദ​യാ​നി​ധി ​മാ​ര​ൻ ഉ​ൾ​പ്പെ​ടെ​യു​ള്ള സീ​നി​യ​ർ ഡി​.എം.​കെ എം​.പി​മാ​ർ ഒ​രേ സ്വ​ര​ത്തി​ൽ പ​റ​ഞ്ഞു: “സ്റ്റാ​ലി​ന്റെ പി​ൻ​ഗാ​മി ഉ​ദ​യ​നി​ധി​യാ​ണ്. ക​ലൈ​ജ്ഞറു​ടെ പേ​ര​ക്കി​ടാ​വ് അ​ടു​ത്ത കു​ടും​ബാ​വ​കാ​ശി​യാ​ക​ണം”. ഡി.എം.​കെ സ​ഖ്യ​ക​ക്ഷി​ക​ളെ മാ​ത്ര​മ​ല്ല, പ്ര​തി​പ​ക്ഷ​ത്തെ​പ്പോ​ലും ഈ ​പ്ര​സ്താ​വ​ന അ​ത്ഭുത​പ്പെ​ടുത്തി.

ത​മി​ഴ് സി​നി​മ​യി​ലെ അ​നേ​കം പു​തു​മു​ഖ ന​ട​ന്മാ​രി​ൽ ഒ​രാ​ളും ചു​രു​ക്കം ചി​ല ചി​ത്ര​ങ്ങ​ളു​ടെ നി​ർ​മാ​താ​വു​മാ​യ ഉ​ദ​യ​നി​ധി​ക്ക് രാ​ഷ്ട്രീയ​വു​മാ​യി കാ​ര്യ​മാ​യ ബ​ന്ധ​മൊ​ന്നും ഉ​ണ്ടാ​യി​രു​ന്നി​ല്ല. പു​ത്ത​ൻ​ത​ല​മു​റ​യി​ലെ ന​ട​ന്മാ​രാ​യ വി​ജ​യി​യെ​പ്പോ​ലെ​യോ ധ​നു​ഷി​നെ​പ്പോ​ലെ​യോ ത​മി​ഴ് സി​നി​മ​യി​ൽ പ്രേ​ക്ഷ​ക​ശ്ര​ദ്ധ​യാ​ക​ർ​ഷി​ക്കു​ന്ന ന​ല്ലൊ​രു ന​ട​നാ​കാ​നും ഉ​ദ​യ​നി​ധി​ക്ക് ക​ഴി​ഞ്ഞി​ല്ല. 2019ലാ​ണ് ഉ​ദ​യ​നി​ധി ഔ​ദ്യോ​ഗി​ക​മാ​യി രാ​ഷ്ട്രീ​യ​ത്തി​ൽ പ്ര​വേ​ശി​ക്കു​ന്ന​ത്. ഡി.എം.​കെ യൂ​ത്ത് വി​ങ്ങി​ന്റെ സെ​ക്ര​ട്ട​റി​യാ​യി രം​ഗ​ത്തു വ​ന്ന ഉ​ദ​യ​നി​ധി 2021ലെ ​നി​യ​മ​സ​ഭാ തെ​ര​ഞ്ഞെ​ടു​പ്പി​ൽ മ​ത്സ​രി​ച്ചു ജ​യി​ച്ച​തോ​ടെ ത​ൽ​ക്കാ​ലം അ​ഭി​ന​യം ഉ​പേ​ക്ഷി​ച്ച് സ​ജീ​വ​രാ​ഷ്ട്രീ​യ​ത്തി​ലേ​ക്ക് എ​ടു​ത്തു ചാ​ടു​ന്നു. സി​നി​മ​യും രാ​ഷ്ട്രീ​യ​വും കെ​ട്ടു​പി​ണ​ഞ്ഞു കി​ട​ക്കു​ന്ന ഒ​രു സം​സ്ഥാ​ന​ത്ത് അ​ധി​കാ​രം ന​ട്ടു​ന​ന​ച്ചു വ​ള​ർ​ത്തു​ന്ന​താ​ണ് ന​ല്ല​തെ​ന്ന് ത​മി​ഴ​ക​ രാ​ഷ്ട്രീ​യ​ത്തി​ന്റെ ബാ​ല​പാ​ഠ​ങ്ങ​ൾ വെ​ളി​പ്പെ​ടു​ത്തു​ന്നു.

പ​ല ത​ല​മു​തി​ർ​ന്ന യു​വ​നേ​താ​ക്ക​ളെയും സ്റ്റാ​ലി​ൻ വെ​ട്ടി​വീ​ഴ്ത്തി​യാ​ണ് ഉ​ദ​യ​നി​ധി​യെ യൂ​ത്ത് വി​ങ് സെ​ക്ര​ട്ട​റി​യാ​ക്കി​യ​തെ​ന്ന് അ​ന്ന് നി​ര​വ​ധി വി​മ​ർ​ശ​ന​ങ്ങ​ൾ ഉ​യ​ർ​ന്നു​വ​ന്നി​രു​ന്നു. 2022 ഡി​സം​ബ​റി​ൽ യു​വ​ജ​ന​ക്ഷേ​മ-കാ​യി​ക​മ​ന്ത്രി​യാ​യി കി​രീ​ട​ധാ​ര​ണം ന​ട​ന്ന​തോ​ടെ ഉ​ദ​യ​നി​ധി പാ​ർ​ട്ടി​യി​ലെ നി​ർ​ണാ​യ​ക​ ഘ​ട​ക​മാ​യി മാ​റി. ഉ​പ​മു​ഖ്യ​മ​ന്ത്രി​ പ​ദ​വി കൂ​ടി കൈ​വ​രി​ച്ചതോടെ ഡി.എം.​കെ എ​ന്ന ദ്രാ​വി​ഡ​ പാ​ർ​ട്ടി​യു​ടെ അ​മ​ര​ത്ത് സ്വ​ന്തം പി​താ​വി​നെ​പ്പോ​ലെ ക​യ​റി​പ്പ​റ്റാ​ൻ എ​തി​ർ​പ്പൊ​ന്നും ഉ​ണ്ടാ​വി​ല്ല. കു​ടും​ബാ​ധി​പ​ത്യ​മാ​ണ് ഇ​വി​ടെ കാ​ലാ​കാ​ല​ങ്ങ​ളാ​യി വി​ത​ച്ചു​കൊ​യ്യു​ന്ന​തെ​ന്ന് പ്ര​തി​പ​ക്ഷ​ക​ക്ഷി​ക​ൾ ഒ​ന്ന​ട​ങ്കം വി​ളി​ച്ചുകൂ​വു​മ്പോ​ഴും ഡി.എം.​കെ നേ​താ​ക്ക​ൾ മൗനംപാ​ലി​ക്കു​ക​യാ​ണ്.

വൈകോ

എ​തി​ർ​വ​ശ​ത്തു​നി​ന്ന വ​രു​ന്ന കൂ​ര​മ്പു​ക​ളെ ത​ട​യാ​ൻ സ്റ്റാ​ലി​നുപോ​ലും ക​ഴി​യു​ന്നി​ല്ല. ആ​ര് അ​ധി​കാ​ര​ത്തി​ൽ വ​ന്നാ​ലും ത​ങ്ങ​ൾ​ക്ക് കി​ട്ടേ​ണ്ട എ​ല്ലി​ൻക​ഷ​ണം അ​വി​ടെ ഉ​ണ്ടാ​കു​മെ​ന്ന് ഡി.എം.​കെ​യി​ലെ സ​മ്പ​ന്ന​രാ​യ കു​ടും​ബ​ക്കാ​ർ​ക്ക് ന​ന്നാ​യി അ​റി​യാം. ലോ​ക്സ​ഭ​യി​ലും രാ​ജ്യ​സ​ഭ​യി​ലു​മു​ള്ള പ്ര​മു​ഖ​സ്ഥാ​ന​ങ്ങ​ളെ​ല്ലാം കു​ടു​ംബ​ത്തി​ലു​ള്ള​വ​ർ​ത​ന്നെ വീ​തി​ച്ചെ​ടു​ത്തുക​ഴി​ഞ്ഞു. അ​വി​ടെ മു​ൻ​നി​ര സ്ഥാ​ന​ങ്ങ​ളി​ൽ ക​നി​മൊ​ഴി​യും ക​ലാ​ന​ിധി​യു​മൊ​ക്കെ ഉ​പ​വി​ഷ്ട​രാ​യി​ക്ക​ഴി​ഞ്ഞു. പാ​ർ​ട്ടി​യി​ലെ ത​ല​മു​തി​ർ​ന്ന ടി. ​ആ​ർ. ബാ​ലു​വി​നെ​പ്പോ​ലും നി​ഷ്ക​രു​ണം പു​റം​ത​ള്ളി​യാ​ണ് സ​ഭാ​ക​ക്ഷി​നേ​താ​ക്ക​ളെ സ്റ്റാ​ലി​ൻ നി​യോ​ഗി​ച്ച​ത്.

ഉ​ദ​യ​നി​ധി​യെ ഭാ​വി​മു​ഖ്യ​മ​ന്ത്രി​യു​ടെ ക​സേ​ര​യി​ൽ ഉ​പ​വി​ഷ്ടനാ​ക്കു​മ്പോ​ൾ ആ​ദ​ർ​ശ​മ​ല്ല, അ​ധി​കാ​ര​മാ​ണ് വ​ലു​തെ​ന്ന ക​രു​ണാ​നി​ധി​യു​ടെ രാ​ഷ്ട്രീ​യ​ത​ന്ത്ര​മാ​ണ് മു​ഖ്യ​മ​ന്ത്രി സ്റ്റാ​ലി​നും പി​ന്തു​ട​രു​ന്ന​ത്. പ​ണ്ട് വി. ​ഗോ​പാ​ല​സ്വാ​മി (വൈ​കോ) തു​ട​ങ്ങി​യ മു​ൻ​നി​ര യു​വ​നേ​താ​ക്ക​ളെ വെ​ട്ടി​നി​ര​ത്തി​ക്കൊ​ണ്ടാ​ണ് ക​രു​ണാ​നി​ധി സ്റ്റാ​ലി​നെ സം​ര​ക്ഷി​ച്ച് കു​ടും​ബാ​ധി​പ​ത്യ​ത്തി​ന്റെ നെ​റു​ക​യി​ൽ പ്ര​തി​ഷ്ഠി​ച്ച​ത്. അ​വി​ടെ​യെ​ങ്ങും സം​ശു​ദ്ധ​ രാ​ഷ്ട്രീ​യ​ക്കാ​ര​ന്റെ മു​ഖം​ കാ​ണാ​നി​ല്ലാ​യി​രു​ന്നു. എം​.ജി​.ആ​റി​നെ സി​നി​മാ​രം​ഗ​ത്തു​നി​ന്ന് ച​വി​ട്ടി​പ്പു​റ​ത്താ​ക്കാ​ൻ ക​രു​ണാ​നി​ധി ആ​ദ്യ​ ഭാ​ര്യ പ​ത്മാ​വ​തി​യി​ലുള്ള മ​ക​ൻ എം​.കെ. മു​ത്തു​വി​നെ രോ​മ​ത്തൊ​പ്പി​യും​​െവ​ച്ച് കാ​മ​റ​ക്ക് മു​ന്നി​ൽ എ​ത്തി​ച്ച​ത് ച​രി​ത്ര​ത്തി​ന്റെ ത​മാ​ശ​ക​ൾ മാ​ത്രം (ബോ​ക്സ് കാ​ണു​ക).

പാ​ർ​ട്ടി​യി​ലും സ​ർ​ക്കാ​റി​ലും രാ​ഷ്ട്രീ​യ നി​ല​പാ​ടു​ക​ളി​ലും ഉ​ദ​യ​നി​ധി​യെ ഉ​യ​ർ​ത്താ​നു​ള്ള വ്യഗ്ര​ത ശ​ക്ത​മാ​യ വെ​ല്ലു​വി​ളി​ക​ൾ ക്ഷ​ണി​ച്ചു​വ​രു​ത്തു​മെ​ന്ന് ഉ​റ​പ്പാ​ണ്. മ​ക​നെ ഉ​യ​ർ​ത്താ​നു​ള്ള എം​.പി​മാ​രു​ടെ​യും എം​.എ​ൽ.​എ​മാ​രു​ടെ​യും നീ​ക്ക​ങ്ങ​ളെ തു​ട​ക്ക​ത്തി​ൽ സ്റ്റാ​ലി​ൻ പ്രോ​ത്സാ​ഹി​പ്പി​ച്ചി​രു​ന്നി​ല്ല. എ​ന്നാ​ൽ, സ്വ​ന്തം കു​ടും​ബ​ത്തി​ൽനി​ന്നു​ള്ള സ​മ്മ​ർ​ദ​ങ്ങ​ളെ സ്റ്റാ​ലി​ന് ത​ടു​ക്കാ​നാ​യി​ല്ല. 2024 ആ​ഗ​സ്റ്റ് 20​ന് ഭ​ര​ണ​ത്തി​ലേ​റി​യ​തി​ന്‍റെ നൂ​റാം​നാ​ള്‍ തി​ക​ച്ച​പ്പോ​ള്‍ ത​ന്‍റെ വാ​ഗ്ദാ​ന​ങ്ങ​ളി​ല്‍ പ​ല​തും നി​റ​വേ​റ്റാ​ന്‍ മു​ഖ്യ​മ​ന്ത്രി​ക്ക് ക​ഴി​ഞ്ഞു എ​ന്ന​താ​ണ് പ​ല ഭ​ര​ണ​ത​ന്ത്ര​ജ്ഞ​രെ​യും അ​ത്ഭു​ത​പ്പെ​ടു​ത്തി​യ​ത്. പ്ര​തി​പക്ഷ​ത്തി​ന്‍റെ ബാ​ലി​ശ​മാ​യ ആ​ക്ര​മ​ണ​ങ്ങ​ളെ നേ​രി​ട്ട​താ​ക​ട്ടെ ത​ന്‍റെ പ്ര​വ​ര്‍ത്ത​ന​ മി​ക​വി​ലൂ​ടെ​യാ​ണ്. “എ​ന്നെ പു​ക​ഴ്ത്താ​ന​ല്ല, ജ​ന​ങ്ങ​ളു​ടെ പ്ര​ശ്ന​ങ്ങ​ള്‍ ഇ​വി​ടെ അ​വ​ത​രി​പ്പി​ക്കാ​നാ​ണ് ജ​ന​ങ്ങ​ള്‍ നി​ങ്ങ​ളെ നി​യ​മ​സ​ഭ​യി​ലേ​ക്ക് അ​യ​ച്ചി​രി​ക്കു​ന്ന​ത്. അ​ക്കാ​ര്യം മ​റ​ക്ക​രു​ത്” എ​ന്ന് നി​യമ​സ​ഭ​യി​ല്‍ സ്റ്റാ​ലി​ന്‍ ന​ട​ത്തി​യ പ്ര​സ്താ​വ​ന സ​ഭാം​ഗ​ങ്ങ​ളെ​പ്പോ​ലും ഞെ​ട്ടി​ച്ചു​ക​ള​ഞ്ഞു.

കരുണാനിധി,എം.ജി.ആർ

ച​രി​ത്ര​ത്തി​ന്റെ പി​ന്നാ​മ്പു​റ​ങ്ങ​ൾ

സം​ഭ​വ​ബ​ഹു​ല​മാ​യ ത​മി​ഴ്നാ​ട് രാ​ഷ്ട്രീ​യ​ത്തി​ന്‍റെ മു​ന്നി​ല്‍ തേ​രോ​ടി​ച്ചു ക​യ​റി​യ മൂ​ന്ന് അ​തി​ശ​ക്ത​രാ​യ നേ​താ​ക്ക​ളി​ല്‍ ഒ​രാ​ളാ​യി​രു​ന്നു തി​രു​ക്കു​വ​ളൈ മു​ത്തു​വേ​ല്‍ ക​രു​ണാ​നി​ധി​യെ​ന്ന സാ​ക്ഷാ​ല്‍ കലൈജ്ഞ​ര്‍ ക​രു​ണാ​നി​ധി. മു​മ്പേ ന​ട​ന്ന​വ​രാ​ക​ട്ടെ ത​ന്ത​പ്പെ​രി​യാ​ര്‍ ഇ​.വി. രാ​മ​സ്വാ​മി​നാ​യ്ക്ക​രും അ​റി​ഞ്ഞ​ര്‍ അ​ണ്ണാ​ദു​രൈ​യു​മാ​യി​രു​ന്നു. ത​ഞ്ചാ​വൂ​ര്‍ ജി​ല്ല​യി​ലെ തി​രു​വാ​രൂ​രി​നു സ​മീ​പം 1924 ജൂ​ണ്‍ മൂ​ന്നി​നു ജ​നി​ച്ച ക​രു​ണാ​നി​ധി​യു​ടെ രാ​ഷ്ട്രീ​യ വ​ള​ര്‍ച്ച ആ​രം​ഭി​ക്കു​ന്ന​ത് 1942ല്‍ ​അ​ണ്ണാ​ദു​രൈ​യെ ക​ണ്ടു​മു​ട്ടു​ന്ന​തോ​ടെ​യാ​ണ്. ക​ഴി​ഞ്ഞ 76 വ​ര്‍ഷ​ക്കാ​ലം ത​മി​ഴ്ജ​ന​ത​യു​ടെ ജീ​വി​ത​ത്തി​ല്‍ തൊ​ട്ടു​നി​ന്ന​താ​യി​രു​ന്നു ക​രു​ണാ​നി​ധി​യു​ടെ ദ്രാ​വി​ഡ മ​ന​സ്സ്. അ​ഴി​മ​തി​യു​ടെ​യും സ്വ​ജ​ന​പ​ക്ഷ​പാ​ത​ത്തി​ന്റെ​യും മ​ക്ക​ള്‍ സ്നേ​ഹ​ത്തി​ന്റെ​യും പ​ണാ​ഭി​മു​ഖ്യ​ത്തി​ന്റെ​യും കെ​ടു​കാ​ര്യ​സ്ഥ​ത​യു​ടെ​യു​മൊ​ക്കെ ആ​ള്‍രൂ​പ​മെ​ന്നു മു​ദ്ര​കു​ത്തി പ്ര​താ​പ​വും പ്ര​ഭാ​വ​വും മ​ങ്ങി​ത്തു​ട​ങ്ങി​യ കാ​ല​ത്താ​യി​രു​ന്നു ഈ ​അ​തി​കാ​യ​ന്‍റെ പ​ത​നം.

ത​മി​ഴ് പ​ണ്ഡി​ത​നാ​യ മു​ത്തു​വേ​ലി​ന്റെ​യും അ​ഞ്ചു​ക​ത്തിന്റെ​യും മ​ക​നാ​യ ക​രു​ണാ​നി​ധി 13ാം വ​യ​സ്സി​ലാ​ണ് പൊ​തു​പ്ര​വ​ര്‍ത്ത​നം ആ​രം​ഭി​ക്കു​ന്ന​ത്. പ​ക്ഷേ, ത​മി​ഴ്നാ​ട് രാ​ഷ്ട്രീ​യ​ത്തി​ന്‍റെ സോ​പാ​ന​ങ്ങ​ളി​ല്‍ അ​ദ്ദേ​ഹം ക​യ​റി​പ്പോ​യ​ത് അ​ണ്ണാ​യു​ടെ ബ​ലി​ഷ്ഠ​മാ​യ കൈ​ക​ൾ പി​ടി​ച്ചാ​യി​രു​ന്നു. എം​.എ​ല്‍.എ സ്ഥാ​ന​ത്തേക്ക് മ​ത്സ​രി​ച്ച് മൂ​ന്നു​ത​വ​ണ തോ​റ്റെ​ങ്കി​ലും ജീ​വി​ത​ത്തി​ന്‍റെ ഒ​രു ക്ലാ​സി​ലും അ​ദ്ദേ​ഹം തോ​റ്റ ച​രി​ത്ര​മി​ല്ല. മാ​ത്ര​മ​ല്ല, അ​തി​ശ​ക്ത​മാ​യ കോ​ട്ട​ക​ള്‍ കെ​ട്ടി​പ്പി​ടി​ക്കാ​ന്‍ അ​ദ്ദേ​ഹ​ത്തി​നു സാ​ധി​ക്കു​ക​യുംചെ​യ്തു.

പെ​രി​യാ​റി​ന്‍റെ ‘കു​ടി​യ​ര​ശു’ പ​ത്ര​ത്തി​ല്‍ 40 രൂ​പ ശ​മ്പ​ള​ത്തി​ല്‍ സ​ഹ​പ​ത്രാ​ധി​പ​രാ​യി എ​ത്തി​യ​തോ​ടെ​യാ​ണ് ക​രു​ണാ​നി​ധി​യു​ടെ ജീ​വി​തം ത​മി​ഴ​ക​ത്തി​ന്‍റെ മ​ന​സ്സി​ലേ​ക്ക് ഇ​റ​ങ്ങി​ച്ചെ​ല്ലു​ന്ന​ത്. സി​നി​മ​യും രാ​ഷ്ട്രീ​യ​വും കെ​ട്ടു​പി​ണ​ഞ്ഞു കി​ട​ക്കു​ന്ന ത​മി​ഴ​ക​ത്തി​ന്‍റെ ഗോ​ദ​യി​ല്‍ ക​രു​ണാ​നി​ധി വേ​രു​ക​ള്‍ സ്ഥാ​പി​ച്ച​ത് ക​ലാ​പ്ര​വ​ര്‍ത്ത​ന​ത്തി​ലൂ​ടെ​യാ​യി​രു​ന്നു. ‘രാ​ജ​കു​മാ​രി’ എ​ന്ന ചി​ത്ര​ത്തി​നു സം​ഭാ​ഷ​ണ​മെ​ഴു​താ​ന്‍ അ​വ​സ​രം ല​ഭി​ച്ച​തോ​ടെ എം​.ജി​.ആ​റു​മാ​യു​ള്ള സൗ​ഹൃ​ദം ആ​രം​ഭി​ക്കു​ന്നു. അ​താ​ക​ട്ടെ, ത​മി​ഴ്ജ​ന​ത​ക്ക് പു​തി​യൊ​രു മാ​നം സൃ​ഷ്ടി​ക്കാ​ന്‍ പോ​രു​ന്ന​തു​മാ​യി. തൂ​ക്കു​മേ​ട എ​ന്ന നാ​ട​ക​ത്തി​ലൂടെ കലൈജ്ഞ​ര്‍ ആ​യി മാ​റി​യ ക​രു​ണാ​നി​ധി ന​ല്ലൊ​രു പ്ര​സം​ഗ​ക​നു​മാ​യി​രു​ന്നു. പെ​രി​യാ​റി​ന്‍റെ ഹി​ന്ദി​വി​രു​ദ്ധ പ്ര​ക്ഷോ​ഭ​മാ​ണ് കലൈജ്ഞ​രെ ത​മി​ഴ​ക​ത്തി​ന്‍റെ മാ​ന​സ​പു​ത്ര​നാ​ക്കി​യ​ത്. തു​ട​ര്‍ന്നു​ള്ള നി​ര​വ​ധി സ​മ​ര​ങ്ങ​ളി​ല്‍ അ​ദ്ദേ​ഹം മു​ന്ന​ണി​പ്പോ​രാ​ളി​യാ​യി.

അ​റി​ഞ്ഞ​ര്‍ അ​ണ്ണാ​ദു​രൈ​യാ​യി​രു​ന്നു ത​ന്ത​​െപ്പ​രി​യാ​റി​ല്‍നി​ന്ന് തെ​റ്റ​ിപ്പി​രി​ഞ്ഞ് ദ്രാ​വി​ഡ മു​ന്നേ​റ്റ ക​ഴ​കം (ഡി.എം.​കെ) സ്ഥാ​പി​ച്ച​തെ​ങ്കി​ലും പ്രി​യ​പ്പെ​ട്ട ത​മ്പി​യാ​യ ക​രു​ണാ​മ​യ​നാ​യ കരുണാ​നി​ധി​യെ ഒ​പ്പം​നി​ര്‍ത്താ​ന്‍ അ​ദ്ദേ​ഹം മ​റ​ന്നി​രു​ന്നി​ല്ല. പെ​രി​യാ​റി​ന്റെ ദ്രാ​വി​ഡ​ക​ഴ​ക​ത്തി​ന്‍റെ ച​രി​ത്രം ജ​സ്റ്റി​സ് പാ​ര്‍ട്ടി​യു​ടെ ക​ട​ന്നാ​ക്ര​മ​ണ​ങ്ങ​ളു​ടെ കു​ത്തൊ​ഴു​ക്കി​ല്‍നി​ന്നാ​ണ് ആ​രം​ഭി​ക്കു​ന്ന​ത്. അ​ന്നു പെ​രി​യാ​റി​നൊ​പ്പം ഉ​റ​ച്ചു​നി​ന്നി​രു​ന്ന​വ​ർ ആ​യി​രു​ന്നു അ​ണ്ണാ​ദു​രൈ​യും ക​രു​ണാ​നി​ധി​യും.

പെ​രി​യാ​ര്‍ പു​ത്ത​ന്‍ ത​ല​മു​റ​ക്ക് എ​ന്നും ആ​വേ​ശ​മാ​യി​രു​ന്നു. എ​ന്നാ​ല്‍, പെ​രി​യാ​റു​മാ​യി ചി​ല അ​ഭി​പ്രാ​യ വ്യ​ത്യാ​സ​ങ്ങ​ള്‍ വ​ന്ന​തോ​ടെ അ​ണ്ണാ​ദു​​െരെ സ്വ​ന്തം പാ​ത തേ​ടാ​നി​റ​ങ്ങി. ത​മി​ഴ്നാ​ടി​നെ പ്ര​ത്യേക​ രാ​ഷ്ട്ര​മാ​യി മാ​റ്റ​ണ​മെ​ന്നാ​യി​രു​ന്നു അ​ണ്ണാ​യു​ടെ വാ​ശി. പ​ക്ഷേ, ഇ​ന്ത്യ​ന്‍ യൂനി​യ​നി​ല്‍നി​ന്ന് മാ​റു​ന്ന​തി​നോ​ടു അ​ണ്ണാ​യ്ക്കും സം​ഘ​ത്തി​നും താ​ല്‍പ​ര്യ​മി​ല്ലാ​യി​രു​ന്നു. മാ​ത്ര​മ​ല്ല, 70 വ​യ​സ്സു​ള്ള പെ​രി​യാ​ര്‍ മ​ക​ളെ​പ്പോ​ലെ ക​രു​തി​യി​രു​ന്ന, 30 വ​യ​സ്സു​ള്ള മ​ണി​യ​മ്മ​യെ വി​വാ​ഹം ക​ഴി​ച്ച​തി​ലും അ​ണ്ണാ​യ്ക്ക് അ​തൃ​പ്തി​യു​ണ്ടാ​യി​രു​ന്നു. 1949ല്‍ ​അ​ണ്ണാ​ദു​െരെ​യു​ടെ ദ്രാ​വി​ഡ മു​ന്നേ​റ്റ​ ക​ഴ​ക​ത്തി​നു തു​ട​ക്കം കു​റി​ച്ചു. പെ​രി​യാ​റി​നോ​ടു താ​ല്‍പ​ര്യം കാ​ണി​ക്കാ​ത്ത​വ​ര്‍ ദ്രാ​വി​ഡ മു​ന്നേ​റ്റ​ ക​ഴ​ക​ത്തി​ലേ​ക്ക് ചേ​ക്കേ​റി. 1973ല്‍ 95ാം ​വ​യ​സ്സി​ല്‍ പെ​രി​യാ​ര്‍ അ​ന്ത​രി​ക്കു​ന്ന​തോ​ടെ ത​മി​ഴ​ക​ത്തി​ന്‍റെ ഒ​രു തീ​പ്പൊ​രി ക​ത്തി​യ​മ​ർ​ന്നു.

പെ​രി​യാ​റി​ന്‍റെ ക​ള്‍ട്ടി​ല്‍നി​ന്ന് ദ്രാ​വി​ഡ​ജ​ന​ത​യെ ക​ര​ക​യ​റ്റാ​ന്‍ അ​ണ്ണാ​ദു​​െരെ​ക്ക് ഏ​റെ പ​രി​ശ്ര​മി​ക്കേ​ണ്ടി വ​ന്നു. പെ​രി​യാ​ര്‍ മു​ന്നോ​ട്ടു​​െവ​ച്ച നി​ര​വ​ധി സാ​മൂ​ഹിക പരിഷ്കര​ണ​ശ്ര​മ​ങ്ങ​ളാ​യി​രു​ന്നു അ​ണ്ണാ​യു​ടെ ശ​ക്തി​യും ഊ​ർജ​വും. ദ്രാ​വി​ഡ മു​ന്നേ​റ്റ ക​ഴ​ക​ത്തി​ന്‍റെ രൂ​പവത്ക​ര​ണ​ത്തോ​ടെ പോ​രാ​ട്ട​ങ്ങ​ളു​ടെ നാ​ളു​ക​ളാ​യി​രു​ന്നു അ​ണ്ണാ​ദു​രൈ​ക്ക്. സി​നി​മ​യും നാ​ട​ക​വു​മൊ​ക്കെ പാ​ര്‍ട്ടി​യു​ടെ ഉ​യ​ിര്‍ത്തെ​ഴു​ന്നേ​ൽപി​ന് അ​ദ്ദേ​ഹം ഉ​പ​യോ​ഗ​പ്പെ​ടു​ത്തു​ന്നു. അ​ങ്ങ​നെ അ​ദ്ദേ​ഹം ജ​ന​ങ്ങ​ളു​ടെ ഇ​ട​യി​ലേ​ക്ക് ക​ട​ന്നു​വ​രുക​യും അ​വ​രു​ടെ അ​ണ്ണ​നാ​യി മാ​റു​ക​യുംചെ​യ്യു​ന്നു. തെ​ര​ഞ്ഞെ​ടു​പ്പ് രാ​ഷ്ട്രീ​യ​ത്തോ​ട് പെ​രി​യാ​ർ ത​ാൽ​പ​ര്യം കാ​ണി​ച്ചി​രു​ന്നി​ല്ല. എ​ന്നാ​ൽ, അ​ധി​കാ​ര​മി​ല്ല​ാതെ സ​മൂ​ഹ​ത്തി​ൽനി​ന്നി​ട്ട് കാ​ര്യ​മി​ല്ല എ​ന്ന പ​ക്ഷ​ക്കാ​ര​നാ​യി​രു​ന്നു അ​ണ്ണാ. 1957ലെ ​തെ​ര​ഞ്ഞെ​ടു​പ്പോ​ടെ അ​ണ്ണാ​യു​ടെ ഡി.എം.​കെ ത​മി​ഴ​ക​ രാ​ഷ്ട്രീ​യ​ത്തി​ന്‍റെ ക​രു​ത്താ​യി​ത്തീ​ര്‍ന്നു. 1967ലെ ​തെ​ര​ഞ്ഞെ​ടു​പ്പി​ല്‍ ഡി.എം.​കെ വ​ന്‍വി​ജ​യം നേ​ടി ത​മി​ഴ​ക​ത്തി​ന്‍റെ പ​രം​പൊ​രു​ളാ​യി മാ​റി. കാ​ഞ്ചീ​പു​ര​ത്തെ ഒ​രു സാ​ധാ​ര​ണ കു​ടും​ബ​ത്തി​ല്‍ ജ​നി​ച്ച അ​ണ്ണാ​ദു​രൈ ത​മി​ഴ്നാ​ടി​ന്‍റെ ഹൃ​ദ​യ​മ​റി​ഞ്ഞ നേ​താ​വാ​യി​ത്തീ​ര്‍ന്നു.

3.2 ശ​ത​മാ​നം മാ​ത്ര​മു​ള്ള ബ്രാ​ഹ്മ​ണ​സ​മു​ദാ​യം വ​ന്‍ രാ​ഷ്ട്രീയ​ശ​ക്തി​യാ​യി വ​ള​രു​ന്ന​താ​യി​രു​ന്നു ദ്രാ​വി​ഡ​ ക​ഴ​ക​ത്തെ ചൊ​ടി​പ്പി​ച്ച​ത്. മ​ദ്രാ​സ് പ്ര​സി​ഡ​ന്‍സി​യി​ലെ ഉ​ന്ന​ത​പ​ദ​വി​ക​ളെ​ല്ലാം ബ്രാ​ഹ്മ​ണ​ര്‍ കൈ​യ​ട​ക്കി ഭ​രി​ക്കു​ക​യാ​യി​രു​ന്നു. ഉ​യ​ര്‍ന്ന വി​ദ്യാ​ഭ്യാ​സ​വും ഇം​ഗ്ലീ​ഷി​ലു​ള്ള പ​രി​ജ്ഞാ​ന​വും അ​വ​രെ അ​ഡ്മി​നി​സ്ട്രേ​റ്റിവ് വി​ഭാ​ഗ​ത്തി​ല്‍ മാ​ത്ര​മ​ല്ല എ​ല്ലാ​യി​ട​ത്തും മു​ന്നി​ലാ​ക്കി. അ​ന്ന​ത്തെ ഉ​ദ്യോ​ഗ​സ്ഥ​​രു​ടെ ജാ​തി​തി​രി​ച്ചു​ള്ള പ​ട്ടി​ക നോ​ക്കി​യാ​ല്‍ ത​ന്നെ 85.6 ശ​ത​മാ​ന​മു​ള്ള അ​ബ്ര​ാഹ്മ​ണ​രു​ടെ ദു​ര​ന്തം മ​ന​സ്സി​ലാ​ക്കാം. ഹോം​റൂ​ള്‍ പ്ര​സ്ഥാ​ന​വും ബ്രാ​ഹ്മ​ണ​രെ സ​ഹാ​യി​ക്കു​ന്ന​താ​യി​രു​ന്നു. ബ്രാ​ഹ്മ​ണ​വി​രോ​ധ​മാ​യി​രു​ന്നു ഹി​ന്ദി​വി​രു​ദ്ധ സ​മ​ര​ങ്ങ​ള്‍ക്കും ആ​ക്കം കൂ​ട്ടി​യ​ത്. ത​മി​ഴ​ക​ത്തി​ന്‍റെ ശ​ക്തി ക​ണ്ട​റി​ഞ്ഞ പോ​രാ​ട്ട നാ​യ​ക​നാ​യ അ​ണ്ണാ മു​ഖ്യ​മ​ന്ത്രി ആ​യി​രി​ക്കെ 1969 ഫെ​ബ്രു​വ​രി ര​ണ്ടി​നു അ​ന്ത​രി​ച്ചു.

​അണ്ണാദുരൈ, പെരിയാർ

ദ്രാ​വി​ഡ മു​ന്നേ​റ്റ​ ക​ഴ​ക​ത്തി​ന്‍റെ രൂ​പവത്ക​ര​ണ​ത്തോ​ടെ പോ​രാ​ട്ട​ങ്ങ​ളു​ടെ നാ​ളു​ക​ളാ​യി​രു​ന്നു അ​ണ്ണാ​ദു​രൈ​ക്കും ക​രു​ണാ​നി​ധി​ക്കും. എം​.ജി​.ആ​റി​നു നേ​രെ പ്ര​തി​ന​ട​ന്‍ എം​.ആ​ര്‍. രാ​ധ ഉ​തി​ര്‍ത്ത വെ​ടി​യു​ണ്ട​യാ​യി​രു​ന്നു അ​ന്ന​ത്തെ രാ​ഷ്ട്രീ​യ സ​മ​വാ​ക്യ​ങ്ങ​ള്‍ മാ​റ്റി​മ​റി​ച്ച​ത്. അ​താ​ക​ട്ടെ പു​തി​യ മ​ന്ത്രി​സ​ഭ​ക്ക് ക​ള​മൊ​രു​ക്കി. അ​ണ്ണാ​യു​മാ​യു​ള്ള ക​രു​ണാ​നി​ധി​യു​ടെ ബ​ന്ധം മ​ര​ണം വ​രെ നീ​ണ്ടു. 1969 ഫെ​ബ്രു​വ​രി ര​ണ്ടി​നു അ​ണ്ണാ അ​ന്ത​രി​ച്ചു. പി​ന്നീ​ട് ത​മി​ഴ​ക​ത്തി​ന്‍റെ രാ​ഷ്ട്രീ​യ ഭാ​ഗാ​ധേ​യം ഏ​റ്റു​വാ​ങ്ങു​ന്ന​ത് കലൈജ്ഞ​രായി​രു​ന്നു. ഫെ​ബ്രു​വ​രി എ​ട്ടി​ന് അ​ദ്ദേ​ഹം മു​ഖ്യ​മ​ന്ത്രി​യാ​യി. തു​ട​ര്‍ന്നു​ള്ള ക​രു​ണാ​നി​ധി​യു​ടെ ജീ​വി​തം ത​മി​ഴ​ക​ത്തി​ന്റെയും സ്വ​ന്തം കു​ടും​ബ​ത്തി​ന്റെയും ച​രി​ത്ര​മാ​യി മാ​റി.

ഇ​രു​പ​താ​മ​ത്തെ വ​യ​സ്സി​ല്‍ ക​രു​ണാ​നി​ധി വി​വാ​ഹി​ത​നാ​യി. പ​ത്മാ​വ​തി​യാ​യി​രു​ന്നു വ​ധു. ന്യൂമോ​ണി​യ ബാ​ധി​ച്ച് അ​വ​ര്‍ മ​രി​ച്ചു. അ​തി​ൽ എം​.കെ. മു​ത്തു എ​ന്ന മ​ക​ൻ. 1948ല്‍ ​ദ​യാ​ളു അ​മ്മ​യെ വി​വാ​ഹം ക​ഴി​ച്ചു. അ​തി​ൽ എം​.കെ. അ​ള​ഗി​രി, എം.​കെ . സ്റ്റാ​ലി​ൻ, എം​.കെ. ത​മി​ഴ​ര​ശു, എം​.കെ. ശെ​ൽ​വി എ​ന്നീ നാ​ല് മ​ക്ക​ൾ. മൂന്നാ​മ​തു രാ​ജാ​ത്തി അ​മ്മാ​ളി​നെ വി​വാ​ഹം ക​ഴി​ച്ചു. അ​തി​ൽ ക​നി​മൊ​ഴി എ​ന്ന മ​ക​ൾ. മൂ​ന്നു ഭാ​ര്യ​മാ​രി​ലും കൂ​ടി ആ​റ് മ​ക്ക​ൾ. മ​ക്ക​ളും മ​രു​മ​ക്ക​ളും അ​ട​ങ്ങു​ന്ന വ​ലി​യ കു​ടും​ബ​ത്തെ സം​ര​ക്ഷി​ക്കു​കയും അ​വ​രെ വ്യ​വ​സാ​യ​ങ്ങ​ളു​ടെ ഉ​ന്ന​ത​ങ്ങ​ളി​ൽ എ​ത്തി​ക്കേ​ണ്ട ബാ​ധ്യ​ത​യും ക​രു​ണാ​നി​ധി​ക്കാ​യി. കു​ടും​ബ​ത്തി​ന്റെ എ​ല്ലാ അ​ഴി​മ​തി​ക്കും ക​രു​ണാ​നി​ധി​ക്കു കൂ​ട്ടു​നി​ൽ​ക്കേ​ണ്ടി​വ​ന്നു എ​ന്ന​താ​ണ് ത​മി​ഴ​ക​ത്തി​ന്റെ ദു​ര്യോ​ഗം. കു​ടും​ബ​ത്തെ ര​ക്ഷി​ക്കാ​ൻ കാ​ലാ​കാ​ല​ങ്ങ​ളി​ൽ പാ​ർ​ട്ടി​യി​ലെ ശ​ക്ത​രാ​യ പ​ല​രെ​യും ക​രു​ണാ​നി​ധി​ക്ക് വെ​ട്ടി​നി​ര​ത്തേ​ണ്ട സാ​ഹ​ച​ര്യ​വും ഉ​ണ്ടാ​യി. അ​തിലൊ​രാ​ളാ​യി​രു​ന്നു വൈ​കോ എ​ന്ന വൈ ​ഗോ​പാ​ല​സ്വാ​മി.

1978ല്‍ ​മ​ധു​ര​യി​ൽ ന​ട​ന്ന പാ​ർ​ട്ടി​ പൊ​തു​യോ​ഗ​ത്തി​ലാ​ണ് ട്ര​ഷ​റ​ർ ആ​യി​രു​ന്ന പു​ര​ട്ച്ചി​ത്ത​ലൈ​വ​ർ എം​.ജി.​ആ​റും ക​രു​ണാ​നി​ധി​യും ത​മ്മി​ലു​ള്ള സ്വ​ര​ച്ചേ​ര്‍ച്ച പ്ര​ക​ട​മാ​കു​ന്ന​ത്. എം​.ജി​.ആ​റു​മാ​യു​ള്ള സം​ഘ​ര്‍ഷം ക​രു​ണാ​നി​ധി​യി​ല്‍ ശ​ത്രു​ത പാ​കി. പാ​ര്‍ട്ടി​യി​ല്‍ പോ​രു മു​റു​കി. ക​രു​ണാ​നി​ധി എം​.ജി​.ആ​റി​നെ പാ​ര്‍ട്ടി​യി​ല്‍നി​ന്നു പു​റ​ത്താ​ക്കു​ന്നു. അ​ദ്ദേ​ഹം എ​.ഡി.എം.​കെ (അ​ണ്ണാ ദ്രാ​വി​ഡ മു​ന്നേ​റ്റ ക​ഴ​കം) എ​ന്ന പാ​ര്‍ട്ടി​യു​മാ​യി രം​ഗ​ത്തുവ​ന്നു. (സ​ത്യാ​ ഗാ​ർ​ഡ​നി​ൽ ​െവ​ച്ച് ജ​യ​ല​ളി​ത​യോ​ട് ക​രു​ണാ​നി​ധി മോ​ശ​മാ​യി പെ​രു​മാ​റി​യ​തി​ന്റെ പേ​രി​ലാ​ണ് ക​രു​ണാ​നി​ധി​യും എം.​ജി​.ആ​റും ത​മ്മി​ലു​ള്ള ബ​ന്ധം ത​ക​ർ​ന്ന​തെ​ന്ന് അ​ന്നൊ​ക്കെ ചി​ല കൊ​ട്ടാ​രം​വി​ദൂ​ഷ​ക​ർ പാ​ടി​ന​ട​ന്നി​രു​ന്ന​ത്രേ!) എം​.ജി​.ആ​റി​നെ സി​നി​മ​യി​ല്‍നി​ന്നു പു​ക​ച്ചു​ പു​റ​ത്തു ചാ​ടി​ക്കാ​നു​ള്ള അ​ട​വു​ക​ള്‍ വ​രെ നോ​ക്കി കലൈജ്ഞ​ര്‍. മ​ക​ന്‍ മു​ത്തു​വി​നെ നാ​യ​ക​നാ​ക്കി സി​നി​മ നി​ർമി​ക്കാ​ന്‍ വ​രെ അ​ദ്ദേ​ഹം ത​യാ​റാ​യി (ബോ​ക്സ് കാ​ണു​ക).

ക​രു​ണാ​നി​ധി​യു​ടെ ക​ണ​ക്കു​കൂ​ട്ട​ലു​ക​ള്‍ ആ​ദ്യ​മാ​യി തെ​റ്റി​ച്ച​ത് എം​.ജി.​ആ​റാ​യി​രു​ന്നു. അ​നി​ഷേ​ധ്യ​ നേ​താ​വാ​യി എം​.ജി.​ആ​ര്‍ ജ​ന​ഹൃ​ദ​യ​ങ്ങ​ളി​ല്‍ വേ​രു​റ​ച്ചു. എം​.ജി.​ആ​റി​നെ​തി​രെ ക​രു​ണാ​നി​ധി ന​ട​ത്തി​യ ഗൂ​ഢ​ത​ന്ത്ര​ങ്ങ​ളൊ​ക്കെ തി​രി​ഞ്ഞ​ടി​ക്കു​കയാ​യി​രു​ന്നു. കലൈജ്ഞ​റു​ടെ ചാ​ണ​ക്യ​ബു​ദ്ധി വി​ല​പ്പോ​യി​ല്ല. ത​മി​ഴ്നാ​ടി​ന്‍റെ രാ​ഷ്ട്രീയ​ച​രി​ത്രം മാ​റി​മ​റി​ഞ്ഞു. ഇ​ന്ത്യ​ന്‍ രാ​ഷ്ട്രീ​യ​ത്തി​ല്‍ വ​ന്‍മാ​റ്റ​ങ്ങ​ള്‍ക്ക് സാ​ക്ഷ്യം വ​ഹി​ച്ച​താ​യി​രു​ന്നു തു​ട​ര്‍ന്നു​ള്ള വ​ര്‍ഷ​ങ്ങ​ള്‍. 1976ല്‍ ​ഡി.എം.​കെ സ​ര്‍ക്കാറി​നെ കേ​ന്ദ്രം പി​രി​ച്ചു​വി​ട്ടു. ക​രു​ണാ​നി​ധി​യു​ടെ ത​ന്ത്ര​ങ്ങ​ള്‍ ത​ക​ര്‍ത്തെ​റി​ഞ്ഞു​കൊ​ണ്ട് 1977ലെ ​തെ​ര​ഞ്ഞെ​ടു​പ്പി​ല്‍ എം​.ജി​.ആ​റി​ന്‍റെ പാ​ര്‍ട്ടി വ​ന്‍ വി​ജ​യം​ നേ​ടി അ​ധി​കാ​ര​ത്തി​ലേ​റി. കൂ​ട്ടു​കെ​ട്ടു​ക​ള്‍ മാ​റിവ​ന്നു. കലൈജ്ഞ​ര്‍ ഇ​ന്ദി​ര ഗാ​ന്ധി​യു​മാ​യി സ​ഖ്യ​മു​ണ്ടാ​ക്കി. 1980ലെ ​തോ​ൽവി ക​രു​ണാ​നി​ധി​യെ നി​ര​വ​ധി പാ​ഠ​ങ്ങ​ള്‍ പ​ഠി​പ്പി​ച്ചു. 81ല്‍ ​ശ്രീ​ല​ങ്ക​ന്‍ ത​മി​ഴ​ര്‍ക്കെ​തി​രെ ആ​ക്ര​മ​ണം അ​ഴി​ച്ചു​വി​ട്ട​പ്പോ​ള്‍ ക​രു​ണാ​നി​ധി പ്ര​തി​ഷേ​ധി​ച്ചു. ജ​യി​ലി​ലാ​യി.

1983ല്‍ ​ശ്രീ​ല​ങ്ക​യി​ല്‍ വം​ശീ​യ ക​ലാ​പം പൊ​ട്ടി​പ്പു​റ​പ്പെ​ട്ടു. ദ്രാ​വി​ഡ ക​ക്ഷി​ക​ള്‍ക്ക് അ​തൊ​രു സു​വ​ര്‍ണാ​വ​സ​ര​മാ​യി​രു​ന്നു. 1984ല്‍ ​എം​.ജി​.ആ​ര്‍ രോ​ഗ​ബാ​ധി​ത​നാ​യി. ആ​ശു​പ​ത്രി​ക്കി​ട​ക്ക​യി​ല്‍നി​ന്നും മ​ത്സ​രി​ച്ച എം​.ജി.​ആ​ര്‍ വ​ന്‍വി​ജ​യം നേ​ടി​യ​പ്പോ​ള്‍ ക​രു​ണാ​നി​ധി​യു​ടെ സ​ര്‍വ​ പ്ര​തീ​ക്ഷ​ക​ളും മ​ങ്ങി. 1987 ഡി​സം​ബ​ര്‍ 24നു ​എം​.ജി​.ആ​ര്‍ അ​ന്ത​രി​ച്ചു. മ​ര​ണ​വീ​ട്ടി​ല്‍പോ​ലും ക​രു​ണാ​നി​ധി​യെ പ്ര​വേ​ശി​ക്കാ​ന്‍ പാ​ര്‍ട്ടി പ്ര​വ​ര്‍ത്ത​ക​ര്‍ അ​നു​വ​ദി​ച്ചി​ല്ല. എം.​ജി.ആ​ര്‍ എ​ന്ന വി​സ്മ​യ​ത്തി​ന്‍റെ അ​ന്ത്യം ക​രു​ണാ​നി​ധി​യു​ടെ ആ​ശ്വാ​സ​മ​ായി​രു​ന്നു. കാ​ര​ണം, എം​.ജി​.ആ​റി​ന്‍റെ പാ​ര്‍ട്ടി​ക്കു​ള്ളി​ല്‍ വി​ഭാ​ഗീ​യ​ത ത​ല​പൊ​ക്കി. ക​രു​ണാ​നി​ധി അ​ടു​ത്ത തെ​ര​ഞ്ഞെ​ടു​പ്പി​ല്‍ മു​ഖ്യ​മ​ന്ത്രി​യാ​യി. ഒ​രു ദേ​ശീ​യ​ നേ​താ​വാ​യി അ​ദ്ദേ​ഹം ഉ​യ​രു​ക​യാ​യി​രു​ന്നു. താ​മ​സി​യാ​തെ എം​.ജി.ആ​റി​ന്‍റെ രാ​ഷ്ട്രീ​യ​ത​ട്ട​കം കൈ​വ​ശ​പ്പെ​ടു​ത്തി​ക്കൊ​ണ്ട് ജ​യ​ല​ളി​ത രം​ഗ​ത്തു വ​ന്നു. പി​ന്നീ​ടു​ണ്ടാ​യ​തെ​ല്ലാം സ​മീ​പ​കാ​ല ച​രി​ത്ര​ങ്ങ​ള്‍.

കലൈജ്ഞ​ര്‍ ക​രു​ണാ​നി​ധി ത​മി​ഴ്നാ​ടി​ന്‍റെ ക​രു​ത്താ​യി. മ​ക്ക​ളും മ​രു​മ​ക്ക​ളും ചെ​റു​മ​ക്ക​ളു​മൊ​ക്കെ പ​ലത​ര​ത്തി​ല്‍ വ​ള​രാ​ന്‍ തു​ട​ങ്ങി. താ​ന്‍ സൂ​ക്ഷി​ച്ച സ​ത്യ​ധ​ർമ​ങ്ങ​ള്‍ ഒ​ന്നൊ​ന്നാ​യി കൊ​ഴി​ഞ്ഞു​വീ​ണു. പാ​ര്‍ട്ടി​യെ​ന്ന​ത് കു​ടും​ബ​സ്വ​ത്താ​യി. 2ജി സ്​പെക്ട്ര​ത്തി​ന്‍റെ പേ​രി​ല്‍ പാ​ർ​ട്ടി ആ​ടി​യു​ല​ഞ്ഞു. കലൈജ്ഞ​ർ ടി​.വി​യി​ൽ 20 ശ​ത​മാ​നം ഷെ​യ​ർ ക​നി​മൊ​ഴി​ക്കും 60 ശ​ത​മാ​നം ചി​റ്റ​മ്മ ദ​യാ​ളു​ അ​മ്മ​ക്കും ഉ​ണ്ടെ​ന്ന് സി​.ബി​.ഐ ഫ​യ​ൽ ചെ​യ്ത് ചാ​ർ​ജ്ഷീ​റ്റി​ൽ ക​ണ്ടെ​ത്തി. കോ​ടി​ക​ളാ​ണ് പ​ല ക​മ്പ​നി​ക​ളി​ൽ​നി​ന്ന് കലൈജ്ഞ​ർ ടി.​വി​യി​ൽ എ​ത്തി​യ​തെ​ന്ന് സി​.ബി.​ഐ ക​ണ്ടെ​ത്തി​യി​രു​ന്നു.

ജയലളിത ശശി​കലയോടൊപ്പം

എ. ​രാ​ജ​യും ക​നിമൊ​ഴി​യും ജ​യി​ലി​ലാ​യി. അ​ഴി​മ​തി​യു​ടെ കെ​ട്ടു​ക​ള്‍ പു​റ​ത്താ​യ​പ്പോ​ള്‍ ഒ​രിക്ക​ലും അ​ധി​കാ​ര​ത്തി​ലെ​ത്തു​മെ​ന്നു പ്ര​തീ​ക്ഷി​ക്കാ​ത്ത എം​.ജി​.ആ​റി​ന്റെ നി​ഴ​ലും വെ​ളി​ച്ച​വു​മാ​യി നി​ന്നി​രു​ന്ന കു​മാ​രി ജ​യ​ല​ളി​ത വീ​ണ്ടും സെ​ന്‍റ് ജോ​ര്‍ജ് ഫോ​ര്‍ട്ടി​ലെ​ത്തി. മ​ക്ക​ളോ​ടും മ​രു​മ​ക്ക​ളോ​ടും ചെ​റു​മ​ക്ക​ളോ​ടും അ​ടു​ത്ത ബ​ന്ധു​ക്ക​ളോ​ടു​മു​ള്ള സ്നേ​ഹ​മാ​ണ് ക​രു​ണാ​നി​ധി​യെ പ്ര​തി​ബ​ദ്ധ​രാ​ഷ്ട്രീ​യ​ത്തി​ല്‍നി​ന്ന​ക​റ്റി​യ​ത്. അ​ധി​കാ​ര​ത്തി​ന്‍റെ മു​ന്നി​ല്‍ ഒ​രു വി​ട്ടു​വീ​ഴ്ച​ക്കും അ​ദ്ദേ​ഹം ത​യാ​റാ​യി​രു​ന്നി​ല്ല.

എ​ന്തൊ​ക്കെ പ്ര​തി​ബ​ന്ധ​ങ്ങ​ൾ ഉ​ണ്ടാ​യാ​ലും കു​ടും​ബാ​ധി​പ​ത്യം നി​ല​നി​ർ​ത്താ​നും കു​ടും​ബ​ക്കാ​രെ അ​ധി​കാ​ര​ത്തി​ന്റെ മു​ന്ന​ണി​യി​ൽ അ​വ​രോ​ധി​ക്കാ​നും കു​ടും​ബ​നാ​ഥ​ൻ മ​ടി​ച്ചി​ട്ടി​ല്ല. ക​രു​ണാ​നി​ധി​യു​ടെ സ​ഹോ​ദ​രീ ഭ​ർ​ത്താ​വാ​യ മു​ര​ശൊ​ലി​മാ​ര​ന്റെ മ​ര​ണശേ​ഷം മ​ക​ൻ ദ​യാ​നി​ധി​മാ​ര​നെ കേ​ന്ദ്ര​മ​ന്ത്രി​യാ​യി ഡൽ​ഹി​യി​ൽ വാ​ഴി​ക്കാ​ൻ ക​രു​ണാ​നി​ധി​ക്ക് അ​ധി​കം ബു​ദ്ധി​മു​ട്ടേ​ണ്ടിവ​ന്നി​ല്ല. ഒ​രി​ക്ക​ൽ ഇ​ൻ​ഫ​ർ​മേ​ഷ​ൻ ടെ​ക്നോ​ള​ജി മ​ന്ത്രി​യാ​യും മ​റ്റൊ​രി​ക്ക​ൽ ടെ​ക്സ്റ്റൈൽ മ​ന്ത്രി​യാ​യും രം​ഗ​ത്ത് നി​റ​ഞ്ഞാ​ടി. 

അ​ഞ്ച് ത​വ​ണ എം.​എ​ൽ​.എയായ എം.കെ. സ്റ്റാ​ലി​നാ​ണ് ഇ​പ്പോ​ഴ​ത്തെ നായകൻ. മൂ​ത്ത​മ​ക​ൻ എം.കെ. അ​ഴ​ഗി​രി കേ​ന്ദ്ര​ത്തി​ലെ കെ​മി​ക്ക​ൽ മ​ന്ത്രി​യാ​യി​രു​ന്നു. മ​ക​ൾ ക​നി​മൊ​ഴി ലോ​ക്‌​സ​ഭാം​ഗ​ം. മ​റ്റൊ​രു അ​ന​ന്ത​ര​വ​ൻ ക​ലാ​നി​ധി​മാ​ര​ൻ ഇ​ന്ത്യ​യി​ലെ ഏ​റ്റ​വും വ​ലി​യ ര​ണ്ടാ​മ​ത്തെ ടി.വി നെ​റ്റ് വ​ർ​ക്കാ​യ സ​ൺ പി​ക്ചേഴ്സിന്റെ​യും  മു​ൻ​നി​ര സി​നി​മാ നി​ർ​മാ​ണ ക​മ്പ​നി​യു​ടെയും ഉ​ട​മ​യാ​ണ്. മൂ​ന്നാ​മ​ത്തെ ത​ല​മു​റ​യി​ലെ അ​രു​വി​ൾ ദ​യാ​നി​ധി,  ദ​യാ​നി​ധി അ​ഴ​ഗി​രി, ഉ​ദ​യ​നി​ധി സ്റ്റാ​ലി​ൻ എ​ന്നി​വ​ർ സി​നി​മാ​ നി​ർ​മാ​ണ രം​ഗ​ത്ത് സ​ജീ​വ​മാ​ണ്. 1996ൽ ​സ്റ്റാ​ലി​ൻ ചെ​ന്നൈ​യു​ടെ 44ാമ​ത്തെ മേ​യ​റാ​യി തെ​ര​ഞ്ഞെ​ടു​ക്ക​പ്പെ​ട്ടി​രു​ന്നു. നാ​ലാ​മ​ത്തെ ത​വ​ണ എം.​എ​ൽ​.എ ആ​യ​പ്പോ​ൾ 2009ൽ ​​െഡ​പ്യൂ​ട്ടി മു​ഖ്യ​മ​ന്ത്രി​യു​മാ​യി. 

മു​ര​ശെ​ാലി​മാ​ര​ന്റെ മ​ക്ക​ളെ അ​തി​രു​വി​ട്ടു സ​ഹാ​യി​ച്ച​തി​ന്റെ പേ​രി​ൽ തു​ട​ക്കം മു​ത​ൽ ക​രു​ണാ​നി​ധി​യെ ഒ​റ്റ​പ്പെ​ടു​ത്തു​ന്ന​വ​രു​ണ്ട്. മാ​ര​ന്മാ​രു​ടെ സാ​മ്പ​ത്തി​ക നേ​ട്ട​വു​മാ​യി താ​ര​ത​മ്യ​പ്പെ​ടു​ത്തു​മ്പോ​ൾ ക​രു​ണാ​നി​ധി​യു​ടെ മ​ക്ക​ൾ വ​ള​രെ പി​ന്നി​ലാ​ണ് എ​ന്ന് കു​ടും​ബ​ത്തി​ലു​ള്ള​വ​ർ​പോ​ലും ആ​രോ​പ​ണം ഉ​ന്ന​യി​ച്ചി​ട്ടു​ണ്ട്. ഒ​രി​ക്ക​ൽ ക​ലാ​നി​ധി​മാ​ര​ൻ ഇ​ന്ത്യ​യു​ടെ സ​മ്പ​ന്ന​രു​ടെ പ​ട്ടി​ക​യി​ൽ ഇ​രു​പ​താ​മ​ത്തെ ബി​സി​ന​സു​കാ​ര​നാ​യി ഫോ​ർ​ബ്സ് ക​ണ്ടെ​ത്തി​യി​രു​ന്നു. ക​ലാ​നി​ധി മാ​ര​ന്റെ ‘ദി​ന​ക​ര​ൻ’ പ​ത്ര​ത്തി​ൽ വ​ന്ന ഒ​രു അ​ഭി​പ്രാ​യ സ​ർ​വേ​യു​ടെ പേ​രി​ൽ കേ​ന്ദ്രമ​ന്ത്രി സ്ഥാ​നം ന​ഷ്ട​പ്പെ​ട്ട ക​ലാ​നി​ധി ഒ​ന്ന​ര വ​ർ​ഷ​ത്തി​നു​ശേ​ഷം വീ​ണ്ടും മ​ന്ത്രി​യാ​യി (ബോ​ക്സ് കാ​ണു​ക).

ക​ഴി​ഞ്ഞ തെ​ര​ഞ്ഞെ​ടു​പ്പു​ക​ളി​ൽ ബി​.ജെ.​പി പ്ര​ധാ​ന​മാ​യും ഉ​യ​ർ​ത്തി​ക്കാ​ട്ടി​യ​ത് ഡി.എം.കെ​യി​ലെ അ​ഴി​മ​തി​യെ​ക്കു​റി​ച്ചാ​ണ്. ഡി.എം.​കെ ഫ​യ​ൽ​സ് എ​ന്ന പേ​രി​ൽ പു​റ​ത്തി​റ​ക്കി​യ വി​വ​ര​ങ്ങ​ളി​ൽ ഡി.എം.​കെ കു​ടു​ംബ​ത്തി​ലെ അം​ഗ​ങ്ങ​ൾ ന​ട​ത്തി​യ അ​ഴി​മ​തി​ക്ക​ഥക​ൾ നി​ര​ത്തി​യി​രു​ന്നു. ഡി.എം.​കെ​യി​ലെ 13 അം​ഗ​ങ്ങ​ൾ​ക്ക് 1.34 ല​ക്ഷം കോ​ടി​യു​ടെ ആ​സ്തി​യു​ണ്ടെ​ന്നാ​ണ് ബി​.ജെ​.പി ക​ണ്ടെ​ത്തി​യ​ത്.

മു​ൻ​ ധ​ന​മ​ന്ത്രി പ​ഴ​നി​വേ​ൽ ത്യാ​ഗ​രാ​ജ​ന്റെ പേ​രി​ൽ പ്ര​ച​രി​ച്ച ഓ​ഡി​യോ ക്ലി​പ്പി​ൽ ഡി.എം.​കെ​യെ ഭ​രി​ക്കു​ന്ന​ത് ഉ​ദ​യ​നി​ധി​യും സ്റ്റാ​ലി​ന്റെ മ​രു​മ​ക​ൻ വി. ​ശ​ബ​രീ​ശ​നു​മാ​ണെ​ന്ന് പ​റ​യു​ന്നു​ണ്ട്. ധ​ന​മ​ന്ത്രി സ്ഥാ​നം ന​ഷ്ട​പ്പെ​ട്ട പ​ള​നി​വേ​ൽ ആ ​ശ​ബ്ദ​രേ​ഖ വ്യാ​ജ​മാ​ണെ​ന്ന് പ്ര​സ്താ​വി​ച്ചി​രു​ന്നു.   ത​ന്റെ മു​ന്നി​ലു​ള്ള പ്ര​തി​ബ​ന്ധ​ങ്ങ​ളെ ത​ട്ടി​ത്ത​ക​ർ​ത്തു ത​രി​പ്പ​ണ​മാ​ക്കി മു​ന്നേ​റാ​നും കു​ടും​ബ സ​മ്പ​ത്തും സ്ഥാ​ന​മാ​ന​ങ്ങ​ളും സം​ര​ക്ഷി​ക്കാ​നും ത​നി​ക്കാ​വു​മെ​ന്ന് ക​രു​ണാ​നി​ധി തെ​ളി​യി​ച്ചി​രു​ന്നു. അ​താ​വ​ർ​ത്തി​ക്കു​ക മാ​ത്ര​മാ​ണ് സ്റ്റാ​ലി​ന് ചെ​യ്യാ​നു​ള്ള​ത്. പ​ണ​ത്തി​നു മേ​ൽ റോ​ക്ക​റ്റും പ​റ​ക്കി​ല്ല എ​ന്നാ​ണ​ല്ലോ പു​തു​മൊ​ഴി.

മാ​ര​ന്മാ​ർ നാ​ട​ക​മേ ഉ​ല​കം

അ​ഴി​മ​തി​യു​ടെ കാ​ര്യ​ത്തി​ൽ കു​ടും​ബം ഒ​റ്റ​ക്കെ​ട്ടാ​ണെ​ങ്കി​ലും അ​ധി​കാ​ര​ത്തി​ന്റെ​യും സ​മ്പ​ത്തി​നോ​ടു​ള്ള ആ​ർ​ത്തി​യു​ടെ​യും പേ​രി​ലു​ള്ള അ​വ​രു​ടെ വ​ടം​വ​ലി​ക​ൾ കു​പ്ര​സി​ദ്ധ​മാ​ണ്. ഏ​റ്റ​വും കാ​ത​ലാ​യ അ​ധി​കാ​ര​സാ​മ്രാ​ജ്യ​ത്തി​ലേ​ക്ക് മ​ക്ക​ളെ​യും മ​രു​മ​ക്ക​ളെ​യും ചെ​റു​മ​ക്കളെ​യു​മൊ​ക്കെ കൈ​പി​ടി​ച്ചു ഉ​യ​ർ​ത്തു​മ്പോ​ഴും ഒ​ന്നും മ​തി​വ​രാ​ത്ത​വ​രാ​ണ് ഒ​പ്പംനി​ൽ​ക്കു​ന്ന​വ​രെ​ന്ന് ക​രു​ണാ​നി​ധി​ക്ക് അ​റി​യാ​മാ​യി​രു​ന്നു. അ​ടി​സ്ഥാ​ന വി​ദ്യാ​ഭ്യാ​സ​മോ ഭാ​ഷാ​പ​രി​ച​യ​മോ ഇ​ല്ലാ​ത്ത, മു​ഷ്ടി​മി​ടു​ക്ക് മാ​ത്രം കൈ​മു​ത​ലാ​യ മൂ​ത്ത​മ​ക​ൻ അ​ഴ​ഗി​രി​യെ കേ​ന്ദ്ര​മ​ന്ത്രി​ക്ക​സേ​ര​യി​ൽ ക​യ​റ്റി​യി​രു​ത്താ​ൻ വ്യ​ഗ്ര​ത കാ​ണി​ച്ച പി​താ​വ് ജ​നാ​ധി​പ​ത്യ​ത്തി​ന്റെ മ​ര്യാ​ദ​ക​ളെ​യാ​ണ് കാ​റ്റി​ൽ പ​റ​ത്തി​യ​ത്. ലോ​ക്‌​സ​ഭാ സ്പീ​ക്ക​ർ ക്ഷ​ണി​ച്ചി​ട്ടു​പോ​ലും ഒ​ര​ക്ഷ​രം മി​ണ്ടാ​ൻ ക​ഴി​യാ​തെ ത​ടി​ത​പ്പി​യ സീ​നി​യ​ർ മ​ന്ത്രി​യാ​യി​രു​ന്നു അ​ഴ​ഗി​രി എ​ന്ന് ഡൽ​ഹി​യി​ലെ മാ​ധ്യ​മ​ങ്ങ​ൾപോ​ലും കൊ​ട്ടി​ഗ്ഘോ​ഷി​ച്ചു. 

പാ​ർ​ട്ടി​ക്കു​വേ​ണ്ടി സ​ൺ​ നെറ്റ് വ​ർ​ക്ക് സാ​മ്രാ​ജ്യ​ത്തി​ലൂ​ടെ വ​ൻ​പ്ര​ചാ​ര​ണം ന​ട​ത്തു​മ്പോ​ഴും കരുണാ​നി​ധി​യും മാ​ര​ൻ സ​ഹോ​ദ​ര​ന്മാ​രു​മാ​യി ന​ല്ല ബ​ന്ധ​മാ​യി​രു​ന്നി​ല്ല പു​ല​ർ​ത്തി​യി​രു​ന്ന​ത്. 2006ൽ ​ക​മ്പ​നി​യാ​യി ‘സ​ൺ​ ടി​.വി’ മാ​റി​യ​പ്പോ​ൾ കു​ടും​ബ​ത്തി​ലു​ള്ള​വ​രു​ടെ ഓ​ഹ​രി​ക​ളെ​ല്ലാം ക​ലാ​നി​ധി​മാ​ര​ൻ വാ​ങ്ങി​ക്കൂ​ട്ടി​യ​ത് സം​ശ​യ​ങ്ങ​ൾ​ക്ക് കാ​ര​ണ​മാ​യി. തു​ട​ർ​ന്നാ​ണ് മാ​ര​ൻ​ സ​ഹോ​ദ​ര​ങ്ങ​ളും ക​രു​ണാ​നി​ധി സം​ഘ​വും ത​മ്മി​ലു​ള്ള പോ​രാ​ട്ടം ആ​രം​ഭി​ക്കു​ന്ന​ത്. 

2007 മേ​യ് ഒ​മ്പതി​ന് ക​ലാ​നി​ധി​യു​ടെ ഉ​ട​മ​സ്ഥ​തയി​ലു​ള്ള ‘ദി​ന​ക​ര​ൻ’ പ​ത്ര​ത്തി​ൽ ഒ​രു അ​ഭി​പ്രാ​യ സ​ർ​വേ വ​ന്ന​തോ​ടെ ദ്രാ​വി​ഡ ക​ഴ​ക​ത്തി​ന്റെ അ​ടി​ത്ത​റ ആ​ടാ​ൻ തു​ട​ങ്ങി. ക​രു​ണാ​നി​ധി​ക്ക് ശേ​ഷം ആ​രാ​യി​രി​ക്കും അ​മ​ര​ത്തെ​ത്തു​ക? മാ​ര​ൻ​സം​ഘ​ത്തി​ന്റെ സ​ർ​വ​ഗൂ​ഢ​ത​ന്ത്ര​ങ്ങ​ളും ആ ​സ​ർ​വേ പു​റ​ത്തു കൊ​ണ്ടു​വ​ന്നു. സ​ർ​വേ​യി​ൽ പ​ങ്കെ​ടു​ത്ത 70 ശ​ത​മാ​നം പേ​ർ  സ്റ്റാ​ലി​നെ പി​ന്തു​ണ​ച്ച​പ്പോ​ൾ അ​ഴ​ഗി​രി​ക്കു ര​ണ്ടു ശ​ത​മാ​നം മാ​ത്ര​മാ​ണ് വോ​ട്ടു ചെ​യ്ത​ത്. എ​ന്നാ​ൽ ഈ ​സ​ർ​വേ​ക്ക് മൂ​ന്നുദി​വ​സം മു​മ്പ് പ്ര​സി​ദ്ധീ​കരിച്ച ഒ​രു സ​ർ​വേ​യി​ൽ ഡൽ​ഹി​യി​ൽ ഏ​റ്റ​വും സ്വാധീ​ന​വും ശ​ക്തി​യു​മു​ള്ള ത​മി​ഴ് മ​ന്ത്രി ദ​യാ​നി​ധി​മാ​ര​നാ​ണെ​ന്ന് ‘ദി​ന​ക​ര​ൻ’ ക​ണ്ടെ​ത്തി. കോ​ൺ​ഗ്ര​സ് മ​ന്ത്രി ചി​ദം​ബ​ര​ത്തെ​പ്പോ​ലും പി​ന്ത​ള്ളി​യാ​ണ് സ​ർ​വേ​ ഫ​ലം വെ​ളി​ച്ചം ക​ണ്ട​ത്.  

മാ​ര​ന്മാ​ർ​ക്ക് പൊ​തു​ജ​ന​ പി​ന്തു​ണ​യി​ല്ലെ​ന്ന് ക​രു​ണാ​നി​ധി​ക്ക് അ​റി​യാ​മാ​യി​രു​ന്നു. അ​ത്ത​ര​ത്തി​ലു​ള്ള അ​ഭി​പ്രാ​യ​ സ​ർ​വേ​ക​ൾ സം​ഘ​ടി​പ്പി​ച്ച് പ്ര​സി​ദ്ധീ​ക​രി​ച്ചാ​ൽ അ​ത് പാ​ർ​ട്ടി അ​ണി​ക​ളി​ൽ വി​ള്ള​ലു​ക​ൾ സൃ​ഷ്ടി​ക്കു​മെ​ന്ന് ക​രു​ണാ​നി​ധി മു​ന്ന​റി​യി​പ്പ് ന​ൽ​കി​യി​രു​ന്നു. നൂ​റ​ുക​ണ​ക്കി​ന് ഡി.എം.​കെ പ്ര​വ​ർ​ത്ത​ക​ർ ‘ദി​ന​ക​ര​ന്റെ’ മ​ധു​ര ഓ​ഫി​സി​ൽ ഇ​ര​ച്ചു​ക​യ​റി പെ​ട്രോ​ൾ​ബോം​ബു​ക​ൾ എ​റി​ഞ്ഞു. ന്യൂ​സ്റൂം അ​ഗ്നി​ക്കി​ര​യാ​യി. ര​ണ്ടു പ​ത്ര​പ്ര​വ​ർ​ത്ത​ക​രും സെ​ക്യൂ​രി​റ്റി ഗാ​ർ​ഡും അ​ഗ്നി​യി​ൽ വെ​ന്തു ചാ​മ്പ​ലാ​യി. അ​ഴ​ഗി​രി​യാ​ണ് അ​ക്ര​മം സൃ​ഷ്ടി​ച്ച​തെ​ന്നു തെ​ളി​വു​ക​ൾ സ​ഹി​തം ക​ലാ​നി​ധി​ മാ​ര​ൻ പ്ര​സ്താ​വി​ച്ചു.

ക​രു​ണാ​നി​ധി മാ​ര​ന്മാ​രെ വെ​ട്ടിവീ​ഴ്ത്താ​ൻത​ന്നെ തീ​രു​മാ​നി​ച്ചു. ​പാ​ർ​ട്ടി അ​ച്ച​ട​ക്കം ലം​ഘി​ച്ച​തി​ന്റെ പേ​രി​ൽ ദ​യാ​നി​ധി​മാ​ര​നെ കേ​ന്ദ്ര​മ​ന്ത്രി​സ്ഥാ​ന​ത്തുനി​ന്ന് പു​റ​ത്താ​ക്കു​ന്നു. മാ​ര​ന്റെ ‘സ​ൺ​ ടി​.വി​’ക്ക് ബ​ദ​ലാ​യി  ‘കലൈജ്ഞ​ർ ടി.വി’ ആ​രം​ഭി​ക്കാ​ൻ ക​രു​ണാ​​നി​ധി​ സ​ർ​ക്കാ​ർ ഉ​ത്ത​ര​വി​റ​ക്കു​ന്നു. മാ​ര​ന്റെ കേ​ബി​ൾ​ വി​ത​ര​ണ ശൃം​ഖ​ല ത​ക​ർ​ക്കാ​നാ​യി സ​ർ​ക്കാ​റി​ന്റെ കീ​ഴി​ൽ അ​ര​ശു​ കേ​ബി​ൾ എ​ന്ന സ്ഥാ​പ​നം പ്ര​വ​ർ​ത്ത​ന​മാ​രം​ഭി​ക്കു​ന്നു. 

മു​ര​ശൊ​ലി മാരനും ദ​യാ​നി​ധി​മാ​രനും​ കരുണാനിധിയോടൊപ്പം

2008 ന​വം​ബ​റി​ൽ മു​ര​ശൊ​ലി പ​ത്ര​ത്തി​ൽ ക​രു​ണാ​നി​ധി എ​ഴു​തി: ‘‘മാ​ര​ന്മാ​ർ എ​ന്റെ കു​ടും​ബ​ത്തി​ൽ പ്ര​ശ്ന​ങ്ങ​ൾ സൃ​ഷ്ടി​ക്കാ​ൻ ശ്ര​മി​ക്ക​യാ​ണ്.” ‘സ​ൺ ടി​.വി​’യു​ടെ ഷെ​യ​റു​ക​ൾ മ​ട​ക്കിവാ​ങ്ങി ത​ങ്ങ​ളെ ക​ബ​ളി​പ്പി​ക്കു​ക​യും ചെ​യ്തു എ​ന്നും കരു​ണാ​നി​ധി ആ​രോ​പി​ച്ചു. എ​ന്നാ​ൽ, ത​ക​ർ​ന്ന ആ ​ബ​ന്ധം ഒ​ന്ന​ര വ​ർ​ഷ​ത്തി​നു​ള്ളി​ൽ  വീ​ണ്ടും സ​ജീ​വ​മാ​യി അ​ര​ക്കി​ട്ടു​റ​പ്പി​ച്ചു. മാ​ര​ന്മാ​ർ ക​രു​ണാ​നി​ധി​യു​ടെ കാ​ൽ​ക്ക​ൽ വീ​ണ് മാ​പ്പു​ പ​റ​യു​ന്നു. അ​വ​ർ ആ​റ് ബി​ല്യ​ൺ ക​രുണാ​നി​ധി​യു​ടെ ഭാ​ര്യ​മാ​ർ​ക്കു കൊ​ടു​ത്തു എ​ന്ന് ഡൽ​ഹി​യി​ലെ ചി​ല പ​ത്ര​ങ്ങ​ൾ എ​ഴു​തി. എ​ന്നാ​ൽ, ഡി.എം.​കെ അ​തി​നെ​തി​രെ പ്ര​തി​ക​രി​ച്ചി​ല്ല. വ​ൻ സാ​മ്പ​ത്തി​കാ​ടി​ത്ത​റ​യും ടെ​ലി​വി​ഷ​ൻ​ പ​വ​റും ആ​ർ​ത്തി​യും വി​പ്ല​വ​വീ​ര്യ​വും ഡൽ​ഹി​യി​ലെ വ​മ്പി​ച്ച രാ​ഷ്ട്രീ​യ സ്വാ​ധീ​ന​വും പ​ല​പാ​ട് ആ​വ​ർ​ത്തി​ക്കാ​ൻ തു​ട​ങ്ങി.  

തു​ട​ർ​ന്ന് ദ​യാ​നി​ധി​ മാ​ര​ൻ വീ​ണ്ടും കേ​ന്ദ്ര​മ​ന്ത്രി​സ​ഭ​യി​ൽ ഉ​പ​വി​ഷ്ട​നാ​കു​ന്നു. ക​ലാ​നി​ധി​മാ​ര​ൻ ഏ​ഷ്യ​യി​ലെ ഏ​റ്റ​വും വ​ലി​യ, ആ​ദാ​യ​ക​ര​മാ​യ നെ​റ്റ് വ​ർ​ക്കി​ന്റെ അ​ധി​പ​നാ​യി തു​ട​രു​ന്നു. മു​ൻ ഡി.എം.​കെ മ​ന്ത്രി​യെ കൊ​ല​പ്പെ​ടു​ത്തി​യ അ​ഴ​ഗി​രി​യു​ടെ പേ​രി​ലു​ള്ള കേ​സു​ക​ൾ കോ​ട​തി​ക​ളി​ൽ അ​ന്യ​മാ​കു​ന്നു. അ​ഴി​മ​തി​യു​ടെ മ​ഹാ​സാ​മ്രാ​ജ്യം വെ​ള്ള​പൂ​ശു​ന്ന തി​ര​ക്കി​ലാ​യി ദ്രാ​വി​ഡ​മ​ക്ക​ൾ.

എം​.കെ. മു​ത്തു എം​.ജി.​ആ​റി​ന്റെ കു​പ്പാ​യം

ശ​ത്രു​വി​നെ വെ​ട്ടി​വീ​ഴ്ത്താ​ൻ എ​ന്തൊ​ക്കെ അ​ട​വു​ക​ളും ഗൂഢ​ത​ന്ത്ര​ങ്ങ​ളും പ്ര​യോ​ഗി​ക്കാം? ഇ​തൊ​ന്നും ദ്രാ​വി​ഡ​പ്പെ​രു​മാ​ളാ​യ ക​രു​ണാ​നി​ധി​ക്ക് ആ​രും പ​റ​ഞ്ഞു​കൊ​ടു​ക്കേ​ണ്ട കാ​ര്യ​മി​ല്ല. എം​.ജി. രാ​മ​ച​ന്ദ്ര​ൻ പാ​ർ​ട്ടി​യെ ഇ​ടം​കാ​ൽകൊ​ണ്ട് തൊ​ഴി​ച്ചു പു​റ​ത്താ​ക്കി മ​ധു​ര​വേ​ദി​യി​ൽ നി​ന്നി​റ​ങ്ങി​പ്പോ​കു​മ്പോ​ൾ ഏ​തൊ​ക്കെ വി​ധ​ത്തി​ൽ ആ​ക്ര​മി​ക്കാ​മോ എ​ന്ന ചി​ന്ത​യി​ലാ​യി​രു​ന്നു കാ​ര​ണ​വ​ർ. സി​നി​മ​യി​ൽ ക​ത്തി​നി​ൽ​ക്കു​ന്ന വേ​ള​യി​ലാ​ണ് പാ​ർ​ട്ടി​യി​ലെ ക​ണ​ക്ക് ചോ​ദി​ച്ച​തി​ന്റെ പേ​രി​ൽ എം​.ജി.​ആ​റി​നെ ക​രു​ണാ​നി​ധി നി​ഷ്കരു​ണം പു​റ​ത്താ​ക്കു​ന്ന​ത്. പു​തി​യ പാ​ർ​ട്ടി ഉ​ണ്ടാ​ക്കി ത​ന്റെ നി​ല​നി​ൽ​പി​നെ​ത്ത​ന്നെ വെ​ല്ലു​വി​ളി​ച്ച എം​.ജി.​ആ​റി​നെ അ​ഭി​ന​യ​രം​ഗ​ത്തു​നി​ന്ന് ഔ​ട്ടാ​ക്കാ​ൻ ത​ന്റെ ആ​ദ്യ​ഭാ​ര്യ പ​ത്മാ​വ​തി​യു​ടെ മ​ക​ൻ എം.കെ. മു​ത്തു​വി​നെ​ത്ത​ന്നെ രം​ഗ​ത്തി​റ​ക്കു​ന്നു. രാഷ്ട്രീയ​ത്തി​ൽ താ​ൽപ​ര്യം കാ​ണി​ക്കാ​ത്ത മു​ത്തു​വി​നെ സി​നി​മ​യി​ൽ എ​ത്തി​ച്ചാ​ൽ അ​ത് എം.​ജി​.ആ​റി​ന്റെ  ച​ല​ച്ചി​ത്ര​ജീ​വി​ത​ത്തെ ത​വി​ടു​പൊ​ടി​യാ​ക്കാ​ൻ ക​ഴി​യു​മെ​ന്ന് ചാ​ണ​ക്യ​ബു​ദ്ധി​യു​ള്ള കലൈജ്ഞ​ർ ക​രു​തി​യ​തി​ൽ തെ​റ്റി​ല്ല. ‘പ​രാ​ശ​ക്തി’ മു​ത​ലു​ള്ള ത​ന്റെ സി​നി​മാ​ച​രി​ത്ര​ത്തി​ലൂ​ടെ സ​ഞ്ച​രി​ച്ച അ​ദ്ദേ​ഹം സി​നി​മ​യാ​ണ് മു​ത്തു​വി​ന് അ​ന​ുയോ​ജ്യ​മെ​ന്ന് വി​ധി​ക്കു​ന്നു. മു​ഖ്യ​മ​ന്ത്രി എ​ന്ന നി​ല​ക്ക് ത​ന്റെ സ്വാ​ധീ​നം ഉ​പ​യോ​ഗി​ച്ച് മു​ത്തു​വി​ന്റെ സി​നി​മ​ക​ളെ മാ​ർ​ക്ക​റ്റി​ൽ എ​ത്തി​ക്കാ​നും ക​ഴി​യും. 

എം​.ജി.​ആ​ർ അ​ഭി​ന​യി​ക്കു​ന്ന​തു​പോ​ലു​ള്ള വേ​ഷ​ങ്ങ​ളാ​യി​രു​ന്നു മു​ത്തു​വി​നു വേ​ണ്ടി പി​താ​വ് ക​ണ്ടെ​ത്തി​യ​ത്. ഫ​ർ​തൊ​പ്പി​യും ​െവ​ച്ച് ഉ​ല​കം​ചു​റ്റും​ വാ​ലി​ബ​ൻ പോ​ലു​ള്ള ക​ഥാ​പാ​ത്ര​ങ്ങ​ൾ മു​ത്തു​വി​ന് യോ​ജി​ക്കു​ന്ന​താ​യി​രു​ന്നി​ല്ല. 55 വ​യ​സ്സു​ള്ള എം.​ജി.​ആ​ർ അ​ന്ന് പ്രേ​ക്ഷ​ക​ ല​ക്ഷ​ങ്ങ​ളു​ടെ മ​ന​സ്സി​ൽ അ​ത്ഭുത​ങ്ങ​ൾ സൃ​ഷ്ടി​ക്കു​ന്ന കാ​ലം. ‘പി​ള്ള​യോ പി​ള്ളൈ’, ‘പൂ​ക്കാ​രി’, ‘ച​മ​യ​ൽ​ക്കാ​ര​ൻ’, ‘അ​ണ​യാ​വി​ള​ക്ക്’, ‘ന​മ്പി​ക്കൈ ന​ച്ച​ത്രം’, ‘ഇ​ങ്കേ​യും മ​നി​ത​ർ​ക​ൾ’, ‘എ​ല്ലാം അ​വ​ളേ’  തു​ട​ങ്ങി​യ ഏ​ഴോ​ളം ചി​ത്ര​ങ്ങ​ളി​ൽ മു​ത്തു പ​ല വേ​ഷ​ങ്ങ​ൾ കെ​ട്ടി​യാ​ടി. സ്റ്റ​ണ്ട് ചെ​യ്തു. വി​ല്ല​ന്മാ​രെ  ഇ​ടി​ച്ചു പ​പ്പ​ട​മാ​ക്കി. പാ​ട്ടു​ക​ൾ പാ​ടി മ​രം​ചു​റ്റി  നാ​യി​ക​മാ​രോ​ടൊ​പ്പം ഓ​ടിന​ട​ന്നു. പ്രേ​ക്ഷ​കർ​ക്ക് മ​ന​സ്സി​ലാ​കാ​ത്ത ത​മാ​ശ​ക​ൾ പ​റ​ഞ്ഞു. ഒ​രു​വി​ധം ആ​കാ​ര​സൗ​ന്ദ​ര്യ​മു​ണ്ടാ​യി​ട്ടും ജ​ന​ങ്ങ​ളെ ആ​ക​ർ​ഷി​ക്കാ​ൻ മു​ത്തു​വി​ന്റെ ചി​ത്ര​ങ്ങ​ൾ​ക്കാ​യി​ല്ല. ‘അ​ടു​ത്ത എം​.ജി​.ആ​ർ,’  ‘എം​.ജി​.ആ​റി​നൊ​പ്പം സു​ന്ദ​ര​ൻ’  തു​ട​ങ്ങി​യ വി​ശേ​ഷ​ണ​ങ്ങ​ൾ വ​മ്പ​ൻ ക​ട്ടൗ​ട്ടു​ക​ളി​ൽ നി​ര​ന്നു. ചി​ത്ര​ങ്ങ​ൾ  ബോ​ക്സോ​ഫിസി​ൽ പ​രാ​ജ​യ​പ്പെ​ട്ടു. പ്രേ​ക്ഷ​ക​ർ തി​യ​റ്റ​റി​ൽ കൂ​വി​വി​ളി​ച്ചു. 

എം.കെ. മുത്തു

കു​ഞ്ഞാ​യി​രി​ക്കു​മ്പോ​ൾ അ​മ്മ മ​രി​ച്ചുപോ​യ മു​ത്തു​വി​ന് ന​ഷ്ട​പ്പെ​ട്ട​ത് മാ​തൃ​സ്നേ​ഹ​മാ​യി​രു​ന്നു. രാ​ഷ്ട്രീ​യ​ത്തി​ന്റെ തി​രക്കു​ള്ള പി​താ​വി​ന് മ​ക​നെ സ്നേ​ഹി​ക്കാ​നു​ള്ള സ​മ​യ​വും ഇ​ല്ലാ​യി​രു​ന്നു. ര​ണ്ടാ​മ​ത്തെ വി​വാ​ഹ​ത്തി​ൽ ക​രു​ണാ​നി​ധി​ക്ക് കു​ഞ്ഞു​ങ്ങ​ൾ ജ​നി​ക്കു​മ്പോ​ൾ അ​നാ​ഥ​നെ​പ്പോ​ലെ കു​ടും​ബ​ത്തി​ൽ ക​ഴി​യേ​ണ്ടിവ​ന്ന ഒ​രു പ​യ്യ​ന്റെ മാ​ന​സി​കാ​വ​സ്ഥ ഊ​ഹി​ക്കാ​വു​ന്ന​തേ​യു​ള്ളൂ. സി​നി​മ​യെ​ല്ലാo ഉ​പേ​ക്ഷി​ച്ച മു​ത്തു ജീ​വി​ക്കാ​ൻ പ​ല​വേ​ഷ​ങ്ങ​ൾ കെ​ട്ടേ​ണ്ടി​വ​ന്നു.

 ജീ​വി​ത​ത്തി​ൽ സ​ഹോ​ദ​ര​ങ്ങ​ളു​ടെ സ​ഹാ​യം​പോ​ലു​മി​ല്ലാ​താ​യി​ത്തീ​ർ​ന്ന മു​ത്തു മ​ദ്യ​ത്തി​ന് അ​ടി​മ​യാ​യി. സ്വ​ന്തം പി​താ​വി​നോ​ടു​ള്ള വി​ദ്വേ​ഷം കാ​ര​ണം എം​.ജി.ആ​റി​ന്റെ എ​.ഐ​.എ​.ഡി.എം.​കെ​യി​ൽ ചേ​രാ​ൻ​വ​രെ ആ​ലോ​ചി​ച്ചു. എം​.ജി​.ആ​റി​നു ശേ​ഷം ക​രു​ണാ​നി​ധി​യെ ഇ​ക​ഴ്ത്താ​ൻ ജ​യ​ല​ളി​ത മു​ത്തു​വി​നെ ഉ​പ​യോ​ഗി​ച്ചു. തെ​രു​വി​ൽ അ​ല​ഞ്ഞു​തി​രി​യു​ന്ന മു​ത്തു​വി​നെ ആ​യി​രു​ന്നു ജ​യ​ല​ളി​ത നോ​ട്ട​മി​ട്ട​ത്. അ​ന്ത്യ​നാ​ളു​ക​ളി​ൽ ക​രു​ണാ​നി​ധി മു​ത്തു​വി​നെ​യും ര​ണ്ടു മ​ക്ക​ളു​ള്ള കു​ടും​ബ​ത്തെ​യും സം​ര​ക്ഷി​ക്കാ​ൻ മു​ന്നോ​ട്ടു​വ​ന്നു.