റോ​ന്ത് ചു​റ്റു​ന്ന കാ​മ​റ​യു​ടെ താ​ളു​ക​ളി​ൽ തെ​ളി​യാ​ത്തത്​

ഷാ​ഹി ക​ബീ​റി​​ന്റെ ‘റോ​ന്ത് ’ സി​നി​മ​യും അ​തി​ലെ പൊ​ലീ​സ്​ അ​വ​സ്ഥാ ചി​​ത്രീ​ക​ര​ണ​ങ്ങ​ളെ​ക്കു​റി​ച്ചും ഒ​രു വി​മ​ർ​ശ​നം. ആ​ഴ്ച​പ്പ​തി​പ്പി​ൽ (ല​ക്കം 1427) പ്ര​സി​ദ്ധീ​ക​രി​ച്ച ‘പ​രു​ക്ക​ൻ പൊ​ലീ​സി​​ന്റെ ആ​ർ​ദ്ര​ഭാ​വ​ങ്ങ​ൾ’ എ​ന്ന ‘കാ​ഴ്ച’​യോ​ടു​ള്ള വി​മ​ർ​ശ​നം​കൂ​ടി​യാ​ണ്​ ഇൗ ​ലേ​ഖ​നം.

ഭ​ര​ണ​നി​ർ​വ​ഹ​ണ സം​വി​ധാ​ന​ത്തി​ന്റെ സു​ഗ​മ​ ച​ല​ന​ത്തി​ന് സാ​ഹ​ച​ര്യ​മൊ​രു​ക്കു​ന്ന ഭ​ര​ണ​കൂ​ട സ്ഥാ​പ​ന​മാ​ണ് പൊ​ലീ​സ്. സ​ർ​ക്കാ​ർ എ​ന്നു വി​ളി​ക്കു​ന്ന ഭ​ര​ണ​കൂ​ട സം​വി​ധാ​ന​ത്തി​ലെ അ​ധി​കാ​രം കൈ​യാ​ളു​ന്ന​വ​രും സ്ഥാ​നാ​രോ​ഹ​ണ​ത്തി​ന് അ​വ​രെ പ്രാ​പ്ത​രാ​ക്കു​ക​യും അ​നു​കൂ​ല സാ​ഹ​ച​ര്യ​ങ്ങ​ൾ ഒ​രു​ക്കു​ക​യും​ചെ​യ്യു​ന്ന വ​ൻ​കി​ട ക​ച്ച​വ​ട​ക്കാ​രു​ടെ​യും ഭൂ​പ്ര​ഭു​ക്ക​ളു​ടെ​യും തു​ട​ങ്ങി അ​ധി​കാ​ര​ത്തി​ന്റെ വി​വി​ധ ചെ​ങ്കോ​ലു​ക​ൾ കൈ​വ​ശം​െ​വ​ച്ചി​രി​ക്കു​ന്ന പ്ര​മു​ഖ​രു​ടെ നി​ശ്ശ​ബ്ദ സേ​വ​ക​നാ​യ കാ​വ​ൽ​നാ​യാ​ണ് പ്ര​ത്യ​ക്ഷ​ത്തി​ലും പ​രോ​ക്ഷ​മാ​യും പൊ​ലീ​സ്. ത​​ന്റെ ക​ഴു​ത്തി​ൽ​നി​ന്നും യ​ജ​മാ​ന​ന്റെ കൈ ​വ​രെ നീ​ളു​ന്ന ച​ങ്ങ​ല​യി​ൽ ബ​ന്ധി​ത​നാ​യി കി​ട​ന്നു​കൊ​ണ്ട് ആ ​മൃ​ഗം ഏ​തൊ​രാ​ളെ​യും സം​ശ​യ​ത്തോ​ടെ​യും അ​ക്ര​മാ​സ​ക്ത​മാ​യും മാ​ത്രം നോ​ക്കാ​ൻ പ​രി​ശീ​ലി​പ്പി​ക്ക​പ്പെ​ട്ടി​രി​ക്കു​ന്നു. ഏ​തു നി​മി​ഷ​വും അ​തി​​ന്റെ പ​ല്ലു​ക​ൾ ആ​ക്ര​മ​ണ​ത്തി​ന് മു​തി​രു​മെ​ന്ന ഭീ​തി ജ​നി​പ്പി​ക്കു​ന്ന കു​ര കാ​തി​നും ബോ​ധ​ത്തി​നും ചു​റ്റി, ചൂ​ഴ്ന്നു​നി​ൽ​ക്കു​ന്നു എ​ന്ന​താ​ണ് പൊ​ലീ​സ് എ​ന്ന ജ​ന​സേ​വ​ന​ത്തി​നാ​യി നി​ർ​മി​ക്ക​പ്പെ​ട്ട സം​വി​ധാ​ന​ത്തി​​ന്റെ നി​ല​നി​ൽ​പ്പി​ന് ആ​ധാ​ര​മാ​കു​ന്ന​ത്.

ജ​നാ​ധി​പ​ത്യ ഭ​ര​ണ​ക്ര​മ​ത്തി​ലെ പൊ​ലീ​സി​നെ കു​റി​ച്ചു​ള്ള പ്ര​തി​ച്ഛാ​യ നി​ർ​മാ​ണ​ത്തി​ൽ പ്ര​ധാ​ന പ​ങ്കു​വ​ഹി​ക്കു​ക​യും എ​ന്നാ​ൽ വ​ള​രെ ത​മാ​ശ​യാ​യി തീ​രു​ക​യും ചെ​യ്യു​ന്ന ഒ​രു പ്ര​യോ​ഗ​മാ​ണ് ജ​ന​മൈ​ത്രി പൊ​ലീ​സ് എ​ന്ന​ത്. ജ​ന​വും പൊ​ലീ​സും ത​മ്മി​ൽ മൈ​ത്രി​യോ​ടെ പു​ല​ര​ണം എ​ന്ന​ത് കേ​വ​ലം സ​ങ്ക​ൽ​പം മാ​ത്ര​മാ​ണ്; അ​ഥ​വാ പൊ​ലീ​സി​നും ജ​ന​ത്തി​നും ഇ​ട​യി​ലു​ള്ള മൈ​ത്രി​യു​ടെ അ​ഭാ​വം രാ​ഷ്ട്രീ​യ സ​മൂ​ഹ​ത്തി​ൽ എ​ത്ര​മാ​ത്രം പ്ര​തി​ലോ​മ​ക​ര​മാ​യി പ്ര​വ​ർ​ത്തി​ക്കു​ന്നു എ​ന്ന ഭ​ര​ണ​കൂ​ട​ത്തി​ന്റെ തി​രി​ച്ച​റി​വാ​ണ് ജ​ന​മൈ​ത്രി പൊ​ലീ​സ് എ​ന്ന കാ​ൽ​പ​നി​ക പ​ദം നി​ർ​മി​ക്കു​ന്ന​തി​ന് പി​ന്നി​ലു​ള്ള​ത്. പൗ​ര​ൻ എ​ന്ന നി​ല​യി​ലു​ള്ള അ​വ​കാ​ശ​വും അ​ന്ത​സ്സും തി​രി​ച്ചെ​ടു​ക്കു​ന്ന ഒ​രു ഭ​ര​ണ​കൂ​ട സ്ഥാ​പ​നം ദാ​ക്ഷി​ണ്യ​ലേ​ശ​മെ​ന്യേ ഉ​ൽ​പാ​ദി​പ്പി​ക്കു​ന്ന ജ​ന​കീ​യ അ​സ്വ​സ്ഥ​ത​യു​ടെ വി​ള്ള​ലു​ക​ളെ ആ​ശ​യ​പ​ര​മാ​യ ഉ​ള്ള​ട​ക്ക​ങ്ങ​ൾ​കൊ​ണ്ട് ഒ​രി​ക്ക​ലും ഒ​ത്തു​പോ​കാ​ത്ത വാ​ക്കു​ക​ൾ ചേ​ർ​ത്ത് ഓ​ട്ട​യ​ട​ക്കാ​നു​ള്ള ശ്ര​മ​മാ​ണ് ജ​നം + മൈ​ത്രി + പൊ​ലീ​സ് എ​ന്നു പി​രി​ച്ചെ​ഴു​തി ജ​ന​മൈ​ത്രി പൊ​ലീ​സ് എ​ന്ന് വാ​യി​ക്കു​ന്ന പ​ദ​സം​ഘാ​ത​ത്തി​ൽ ഉ​ള്ള​ത്.

പൊ​ലീ​സി​നു മാ​നു​ഷി​ക​മു​ഖം ന​ൽ​കാ​നു​ള്ള ശ്ര​മ​ത്തി​​ന്റെ ഭാ​ഗ​മാ​യി അ​തി​നെ സ​മൂ​ഹ​ത്തി​ലെ ഓ​രോ വ്യ​ക്തി​യോ​ടും അ​ടു​ത്തി​ട​പ​ഴ​കു​ന്ന കു​ടും​ബാം​ഗ​മെ​ന്ന നി​ല​യി​ലേ​ക്ക് മാ​റ്റി​സ്ഥാ​പി​ക്കാ​ൻ ബോ​ധ​പൂ​ർ​വ​മാ​യ ശ്ര​മം ഭ​ര​ണ​കൂ​ടം പു​ല​ർ​ത്തിപ്പോ​രു​ന്നു​ണ്ട്. റോ​ഡ് മു​റി​ച്ചു​ക​ട​ക്കാ​ൻ ബ​ദ്ധ​പ്പെ​ടു​ന്ന കു​ട്ടി​ക​ളെ ക​രു​ത​ലോ​ടെ​യും അ​തീ​വ ശ്ര​ദ്ധ​യോ​ടെ​യും മ​റു​ക​ര​യി​ൽ എ​ത്തി​ക്കു​ന്ന ‘പൊ​ലീ​സ് മാ​മ​​ന്റെ’ നി​ർ​മി​തി അ​ത്ത​ര​ത്തി​ലൊ​ന്നാ​ണ്. പൊ​ലീ​സ് മാ​മ​നും കാ​ക്കി​ക്കു​ള്ളി​ലെ ക​ലാ​കാ​ര​നും ക്രി​ഞ്ച് ക​ഥാ​പാ​ത്ര​ങ്ങ​ളാ​ണ്. വാ​സ്ത​വ​ത്തി​ൽ പൊ​ലീ​സി​ന്, മാ​മ​ൻ/അ​ച്ഛ​ൻ/സ​ഹോ​ദ​ര​ൻ എ​ന്നി​ങ്ങ​നെ സ്നേ​ഹ​നി​ധി​യാ​യ കു​ടും​ബാം​ഗ​ത്തെ​പ്പോ​ലെ ജ​ന​ത്തോ​ടു പെ​രു​മാ​റാ​ൻ ക​ഴി​യി​ല്ല. ഭ​ര​ണ​കൂ​ട​ത്തി​ന്റെ മ​ർ​ദ​ക ഏ​ജ​ൻ​സി എ​ന്നനി​ല​യി​ൽ ഭ​യം നി​ല​നി​ർ​ത്താ​നു​ള്ള സൈ​ന്യ​മാ​യി തു​ട​രു​ക എ​ന്ന​ത് മാ​ത്ര​മാ​ണ് അ​തി​​ന്റെ പ്രാ​ഥ​മി​ക​മാ​യ ഉ​ത്ത​ര​വാ​ദി​ത്തം. എ​ന്നാ​ൽ, പി​തൃ​മേ​ധാ​വി​ത്വ​മൂ​ല്യം മേ​ൽ​ക്കൈ നേ​ടി​യി​രി​ക്കു​ന്ന സ​മൂ​ഹ​ത്തി​ൽ കൊ​ല്ലി​നും കൊ​ല​ക്കും അ​ധി​കാ​ര​മു​ള്ള ത​റ​വാ​ട്ടു കാ​ര​ണ​വ​രാ​യി വേ​ഷം കെ​ട്ടി​യാ​ടാ​ൻ മ​റ്റു ത​ട​സ്സ​ങ്ങ​ളി​ല്ല. നീ​തി ന​ട​പ്പാ​ക്കാ​നു​ള്ള കു​റു​ക്കു​വ​ഴി​യാ​യി ഇ​ന്ത്യ​ൻ പൊ​ലീ​സ് അ​ക്ര​മ​ത്തെ സ​മൂ​ഹ​ത്തി​ലെ താ​ഴേ​ക്കി​ട​യി​ൽ ഉ​ള്ള​വ​ർ​ക്കു​മേ​ൽ പ്ര​യോ​ഗി​ക്കു​ന്നു. ദ​രി​ദ്ര​ർ​ക്കുമേ​ൽ ഉ​ണ​ങ്ങാ​ത്ത മു​റി​വു​ക​ൾ ഏ​ൽ​പി​ക്കു​ന്നു.

ദ​രി​ദ്ര​ർ പൊ​ലീ​സി​ന് എ​ളു​പ്പ​ത്തി​ൽ പി​ടി​ക്കാ​വു​ന്ന ഇ​ര​ക​ളാ​ണ്. പൊ​തു​സ​മൂ​ഹ​ത്തെ സം​ബ​ന്ധി​ച്ചി​ട​ത്തോ​ളം, ദ​രി​ദ്ര​ർ​ക്ക് ഏ​ൽ​ക്കു​ന്ന പീ​ഡ​ന​മോ മ​ര​ണ​മോ ഒ​രു ഫ​ല​വും ഉ​ണ്ടാ​ക്കു​ന്നി​ല്ല. പ്ര​തി​ഷേ​ധ​ങ്ങ​ളൊ​ന്നു​മി​ല്ലെ​ങ്കി​ൽ പൊ​ലീ​സ് ക​സ്റ്റ​ഡി​യി​ലെ ക്രൂ​ര​മ​ർ​ദ​ന​ങ്ങ​ൾ-മ​ര​ണ​ങ്ങ​ൾ രേ​ഖ​പ്പെ​ടു​ത്താ​റി​ല്ല; പ​ല​പ്പോ​ഴും സ്വാ​ഭാ​വി​ക മ​ര​ണ​മാ​ണെ​ന്നുപ​റ​ഞ്ഞ് മ​റ​ച്ചു​വെ​ക്കാ​ൻ ശ്ര​മി​ക്കാ​റു​മു​ണ്ട്. സ​മൂ​ഹ​ത്തി​ലെ ജാ​തി​ശ്രേ​ണി​യി​ലും സാ​മ്പ​ത്തി​ക​നി​ല​യി​ലും കീ​ഴ്നി​ല​യി​ൽ ക​ഴി​യു​ന്ന മ​നു​ഷ്യ​ർ പൊ​ലീ​സ് സ്റ്റേ​ഷ​നു​ക​ളി​ൽ അ​ന്ത​സ്സു​ള്ള പൗ​ര​ന്മാ​രാ​യ​ല്ല പ​രി​ഗ​ണി​ക്ക​പ്പെ​ടു​ന്ന​ത്; സേ​വ​ന​ങ്ങ​ൾ നേ​ടു​ന്ന​തി​ന് അ​യോ​ഗ്യ​രാ​ണ​വ​ർ. ഈ ​ഒ​രു അ​വ​സ്ഥ​യെ സ്നേ​ഹ​പൂ​ർ​ണ​മാ​യ ഇ​ട​പെ​ട​ലി​ലൂ​ടെ മ​യ​പ്പെ​ടു​ത്തു​ന്ന പ്ര​ചാ​ര​ണ​ത​ന്ത്ര​മാ​ണ് ഓ​ൺ​ലൈ​ൻ പ്ലാ​റ്റ്ഫോ​മി​ൽ കാ​ണ​പ്പെ​ടു​ന്ന കേ​ര​ള പൊ​ലീ​സി​ന്റെ പേ​ജ്.

അ​മു​ൽ, മി​ൽ​മ എ​ന്നീ ബ്രാ​ൻ​ഡു​ക​ൾ ത​ങ്ങ​ളു​ടെ പാ​ലു​ൽ​പ​ന്ന​ങ്ങ​ൾ മാ​ർ​ക്ക​റ്റ് ചെ​യ്യു​ന്ന​തി​ന് നി​ല​വി​ൽ വൈ​റ​ലാ​യ പ​ല ക​ണ്ട​ന്റു​ക​ളും അ​തി​വി​ദ​ഗ്ധ​മാ​യി കാ​ർ​ട്ടൂ​ണു​ക​ളാ​യോ ട്രോ​ളു​ക​ളാ​യോ റീ​ൽ​സാ​യോ ഉ​പ​യോ​ഗി​ച്ചു കാ​ണാ​റു​ണ്ട്. സി​നി​മ, നാ​ട​കം, കൗ​തു​ക​ക​ര​മാ​യ വാ​ർ​ത്ത​ക​ൾ, പാ​ട്ട് ഒ​ക്കെ അ​തി​ന്റെ ജ​ന​പ്രി​യ​ത​യു​ടെ അ​ടി​സ്ഥാ​ന​ത്തി​ൽ തി​ര​ഞ്ഞെ​ടു​ക്ക​പ്പെ​ട്ടേ​ക്കാം. അ​മു​ൽ അ​തി​ൽ മു​ന്നി​ട്ടു​നി​ൽ​ക്കു​ന്ന ബ്രാ​ൻ​ഡാ​ണ്. കേ​ര​ള പൊ​ലീ​സും ത​ങ്ങ​ളു​ടെ പേ​ജി​ലൂ​ടെ സാ​ധാ​ര​ണ ജ​ന​ങ്ങ​ളു​മാ​യി ബ​ന്ധം സ്ഥാ​പി​ക്കാ​നു​ള്ള മാ​ധ്യ​മ​മാ​യി മേ​ൽ​പ​റ​ഞ്ഞ ബ്രാ​ൻ​ഡു​ക​ൾ ഉ​പ​യോ​ഗി​ക്കു​ന്ന പ​ര​സ്യ​ത​ന്ത്ര​ങ്ങ​ൾ പ​ര​ക്കെ അ​നു​ക​രി​ച്ചു വ​രു​ന്ന​താ​യി കാ​ണാം. വെ​ണ്ണ​പോ​ലെ അ​ലി​യു​ന്ന പൊ​ലീ​സ് എ​ന്ന ആ​ശ​യം ജ​ന​ങ്ങ​ളു​ടെ മ​ന​സ്സി​ലേ​ക്ക് വേ​രു​റ​യ്ക്കു​ന്നി​ല്ലെ​ന്ന് മാ​ത്ര​മ​ല്ല; വാ​ഹ​ന പ​രി​ശോ​ധ​ന​യി​ൽ അ​ക​പ്പെ​ട്ടുപോ​യ​വ​ർ ത​ങ്ങ​ൾ​ക്കെ​തി​രെ വ​രു​ന്ന അ​പ​രി​ചി​ത​ർ​ക്ക് മു​ന്ന​റി​യി​പ്പ് കൊ​ടു​ത്തു ര​ക്ഷ​പ്പെ​ടു​ത്താ​നു​ള്ള അ​ലി​വ് പ്ര​ക​ടി​പ്പി​ക്കു​ന്ന​താ​യി കാ​ണാം. പൊ​ലീ​സി​നോ​ട് ജ​ന​ങ്ങ​ൾ​ക്ക് ഒ​രു​ത​ര​ത്തി​ലു​ള്ള മൈ​ത്രി​യും തോ​ന്നു​ന്നി​ല്ലെ​ന്നും പൊ​ലീ​സി​ന്റെ താ​ൽ​പ​ര്യ​ങ്ങ​ൾ​ക്കും പ​ദ്ധ​തി​ക്കും വി​രു​ദ്ധ​മാ​യി ജ​ന​ങ്ങ​ൾ ഒ​ന്ന​ട​ങ്കം പ്ര​വ​ർ​ത്തി​ക്കു​ന്നു എ​ന്ന​തി​നും ഉ​ദാ​ഹ​ര​ണ​മാ​ണ​ത്.

ബ്രി​ട്ടീ​ഷ് ഭ​ര​ണ​കാ​ലം മു​ത​ൽ​ത​ന്നെ ഇ​ന്ത്യ​ൻ പൊ​ലീ​സ് സേ​ന പീ​ഡ​ന​ത്തെ ക്ര​മ​സ​മാ​ധാ​ന പാ​ല​ന​ത്തി​നു​ള്ള ഒ​രു ഉ​പ​ക​ര​ണ​മാ​യി ഉ​പ​യോ​ഗി​ച്ചി​രു​ന്നു. 1861ലെ ​പൊ​ലീ​സ് ആ​ക്ടി​ൽ വ്യ​വ​സ്ഥ​വെ​ക്കു​ന്ന കൊ​ളോ​ണി​യ​ൽ പൊ​ലീ​സ് ഘ​ട​ന​യാ​ണ് ഇ​ന്ത്യ​ക്ക് പാ​ര​മ്പ​ര്യ​മാ​യി ല​ഭി​ച്ച​ത്. അ​ക്ര​മ​ത്തി​ലൂ​ടെ​യും പ്ര​ജ​ക​ളെ കീ​ഴ്പ്പെ​ടു​ത്തു​ന്ന​തി​ലൂ​ടെ​യും ക്ര​മ​സ​മാ​ധാ​നം നി​ല​നി​ർ​ത്താ​ൻ ആ ​നി​യ​മം പൊ​ലീ​സി​നോ​ട് നി​ർ​ദേ​ശി​ക്കു​ന്നു. കൊ​ളോ​ണി​യ​ൽ ഭ​ര​ണ​കൂ​ടം ന​ട​പ്പാ​ക്കി​യ ബ്രി​ട്ടീ​ഷ് രാ​ജ് അ​ടി​മ​രാ​ജ്യ​ത്തി​ലെ ജ​ന​ങ്ങ​ളോ​ട് ന​ട​ത്തി​യ അ​ധി​കാ​ര​ത്തി​ന്മേ​ലു​ള്ള അ​വ​കാ​ശ​വാ​ദ​മാ​യി​രു​ന്നു അ​ത്. സ്വാ​ത​ന്ത്ര്യാ​ന​ന്ത​ര​വും ഇ​ത് തു​ട​ർ​ന്നുപോ​രു​ന്ന​തി​ൽ ഇ​ന്ത്യ​ൻ ഭ​ര​ണാ​ധി​കാ​രി​ക​ൾ അ​പാ​കം ക​ണ്ടി​ല്ല. ഇ​ത് ജാ​തി​യു​ടെ​യും വ​ർ​ഗ​ത്തി​ന്റെ​യും സാ​മൂ​ഹി​ക ശ്രേ​ണി​ക​ൾ നി​ല​നി​ർ​ത്തു​ന്നു. സ​മ്പൂ​ർ​ണ ജ​നാ​ധി​പ​ത്യ രാ​ജ്യ​ത്ത് ജ​നാ​ധി​പ​ത്യ പൊ​ലീ​സ് ഉ​ണ്ടാ​വ​ണം എ​ന്ന് ആ​വ​ശ്യ​പ്പെ​ടു​ന്ന​തി​ൽ ആ​ശ​യ​പ​ര​മാ​യ ഏ​ങ്കോ​ണി​പ്പു​ക​ൾ ഉ​ണ്ട്. കാ​ര​ണം, പൊ​ലീ​സ് ഒ​രു ജ​നാ​ധി​പ​ത്യ​വി​രു​ദ്ധ​മാ​യ ഘ​ട​നാ സ​മ്പ്ര​ദാ​യ​മാ​ണ്. മു​ക​ളി​ൽ​നി​ന്നും താ​ഴേ​ക്ക് പു​റ​പ്പെ​ടു​ന്ന ആ​ജ്ഞ​ക​ൾ അ​നു​സ​രി​ക്കു​ക മാ​ത്ര​മേ നി​ല​വി​ൽ അ​വി​ടെ ചെ​യ്യാ​നു​ള്ളൂ.

ഉ​ത്ത​രാ​ധു​നി​ക കാ​ല​ത്തി​ലെ സൈ​ബ​ർ ഇ​ന്ത്യ​യി​ൽ പാ​ൻ ഇ​ന്ത്യ​ൻ സി​നി​മ എ​ന്ന ആ​ശ​യം പ്ര​ബ​ല​മാ​കു​ന്ന​തി​നും മു​മ്പ് അ​ത​തു ഭാ​ഷ​ക​ളു​ടെ അ​തി​ർ​ത്തി​ക്കു​ള്ളി​ൽ പൊ​ലീ​സ് ക​ഥ​ക​ളും പൊ​ലീ​സ് ക​ഥാ​പാ​ത്ര​ങ്ങ​ളും ബോ​ധ്യ​ങ്ങ​ളെ ഭ​രി​ക്കു​ന്ന പൊ​ലീ​സ് യൂ​നി​വേ​ഴ്സ് യാ​ഥാ​ർ​ഥ്യ​മാ​യി​രു​ന്നു. ക്ലൈ​മാ​ക്സി​ൽ ഓ​ടി​യെ​ത്തു​ന്ന പൊ​ലീ​സ് വേ​ഷ​ങ്ങ​ൾ മു​ത​ൽ നീ​തിനി​ർ​വ​ഹ​ണ​ത്തി​ന് അ​തി​മാ​നു​ഷ​നാ​കു​ന്ന സൂ​പ്പ​ർ​ഹീ​റോ പൊ​ലീ​സു​ദ്യോ​ഗ​സ്ഥ​ൻ വ​രെ തി​ര​ശ്ശീ​ല​ക​ളി​ൽ നി​റ​ഞ്ഞാ​ടി. ഇ​ന്ത്യ​ൻ പ്രാ​ദേ​ശി​ക ഭാ​ഷ​ക​ളി​ലെ പ്ര​ധാ​ന സൂ​പ്പ​ർതാ​ര​ങ്ങ​ൾ അ​വ​രു​ടെ അ​ഭി​ന​യജീ​വി​ത​ത്തി​ൽ ഏ​റ്റെ​ടു​ത്ത അ​ത്ത​രം റോ​ളു​ക​ൾ ക​രി​യ​റി​നെ കൂ​ടു​ത​ൽ ഉ​യ​ര​ത്തി​ൽ എ​ത്തി​ക്കു​ക​യും ത​ങ്ങ​ളു​ടെ ക​മ്പോ​ളം ഉ​റ​പ്പി​ക്കു​ക​യും പൊ​ലീ​സ് സം​വി​ധാ​ന​ത്തോ​ടു​ള്ള ജ​ന​ങ്ങ​ളു​ടെ ഭ​യ​വും ആ​രാ​ധ​ന​യും അ​ള​വി​ല്ലാ​ത്ത​വി​ധം വി​പു​ല​മാ​ക്കു​ക​യും​ചെ​യ്തു. സൂ​പ്പ​ർ​സ്റ്റാ​ർ ര​ജ​നി​കാ​ന്തി​ന്റെ അ​ടു​ത്തി​ടെ ഇ​റ​ങ്ങി​യ ‘അ​ണ്ണാ​ത്തെ’ എ​ന്ന ചി​ത്രം ഒ​ഴി​കെ ‘ ദ​ർ​ബാ​ർ’, ‘ജ​യി​ല​ർ’, ‘വേ​ട്ട​യാ​ൻ’ എ​ന്നീ ചി​ത്ര​ങ്ങ​ൾ എ​ൻ​കൗ​ണ്ട​ർ സ്പെ​ഷ​ലി​സ്റ്റി​​ന്റെ നാ​ടി​നെ വെ​ടി​പ്പാ​ക്കു​ന്ന വീ​ര​ക​ഥ​ക​ളാ​ണ് പ​റ​യു​ന്ന​ത്. ബ്യൂ​റോ​ക്ര​സി​യോ​ടു​ള്ള വി​ധേ​യ​ത്വ​വും ആ​രാ​ധ​ന​യും അ​ര​ക്കി​ട്ടു​റ​പ്പി​ക്കു​ന്ന അ​തി​വി​പ്ല​വ​കാ​രി​ക​ളാ​യ ക​ല​ക്ട​ർ, എ​സ്.​പി തു​ട​ങ്ങി​യ ക​ഥാ​പാ​ത്ര​ങ്ങ​ൾ വെ​ള്ളി​ത്തി​ര​യി​ൽ എ​ത്തു​ന്ന ച​ല​ച്ചി​ത്ര​ങ്ങ​ൾ മ​ല​യാ​ള​ത്തി​ലും നി​ർ​മി​ക്ക​പ്പെ​ട്ടി​ട്ടു​ണ്ട്.

ദേ​ശീ​യബോ​ധ​വും രാ​ജ്യ​സ്നേ​ഹ​വും തീ​വ്ര​മാ​യ അ​ള​വി​ൽ ജ​ന​മ​ന​സ്സു​ക​ളി​ലേ​ക്ക് എ​ത്തി​ക്കു​ന്ന​തി​ൽ പ​ട്ടാ​ള, സ്പോ​ർ​ട്സ് സി​നി​മ​ക​ൾ​ക്ക് എ​ന്ന​പോ​ലെ പൊ​ലീ​സ് സ്റ്റോ​റി​ക​ൾ​ക്കും ഗ​ണ്യ​മാ​യ പ​ങ്കു​ണ്ട്. ’90ക​ളു​ടെ തു​ട​ക്ക​ത്തി​ൽ റി​ലീ​സാ​യ ‘ഇ​ൻ​സ്പെ​ക്ട​ർ ബ​ൽ​റാം’ എ​ന്ന മ​ല​യാ​ള സി​നി​മ​യി​ൽ സ്തു​ത്യ​ർ​ഹ​മാ​യ കൃ​ത്യ​നി​ർ​വ​ഹ​ണം ന​ട​ത്തി രാ​ജ്യ​ത്തെ ര​ക്ഷി​ക്കാ​ൻ എ​ൻ​കൗ​ണ്ട​ർ മാ​ർ​ഗ​മാ​ക്കു​ന്ന പൊ​ലീ​സ് ഉ​ദ്യോ​ഗ​സ്ഥ​നെ കാ​ണാം. നി​ർ​ഭാ​ഗ്യ​വ​ശാ​ൽ ന​മ്മു​ടെ വെ​ള്ളി​ത്തി​ര​യി​ലെ പ​ട്ടാ​ള സ്പോ​ർ​ട്സ് പൊ​ലീ​സ് സി​നി​മ​ക​ളി​ൽ പ്ര​ധാ​ന ശ​ത്രു​വാ​യി/എ​തി​രാ​ളി​യാ​യി/കു​റ്റ​വാ​ളി​യാ​യി നി​ർ​ണ​യി​ച്ചു വ​ക​വ​രു​ത്തു​ന്ന​ത് ദ​ലി​ത്-​ആ​ദി​വാ​സി മ​ത​ന്യൂ​ന​പ​ക്ഷ​ങ്ങ​ളെ​യാ​ണ്. ഇ​ന്ത്യ​ൻ ദേ​ശീ​യ​ബോ​ധ​ത്തി​ന്റെ, രാ​ജ്യ​സ്നേ​ഹ​ത്തി​ന്റെ തി​ര​ശ്ശീ​ല​യി​ലെ ഭാ​ഷ്യ​ങ്ങ​ൾ​ എ​തി​ർ​ക്കു​ന്ന​ത് പാ​കി​സ്താ​നെ ആ​ണെ​ങ്കി​ൽ, അ​ത് സൂ​ക്ഷ്മ​മാ​യി മു​സ്‍ലിം വൈ​ര​ത്തി​ലേ​ക്ക് പ്രേ​ക്ഷ​ക​മ​ന​സ്സി​നെ എ​ത്തി​ക്കാ​ൻ അ​ധി​കം ക​ഷ്ട​പ്പെ​ടേ​ണ്ട​താ​യി വ​രു​ന്നി​ല്ല. നി​ഴ​ലി​ലേ​ക്ക് നി​റ​യൊ​ഴി​ക്കാ​ൻ ഓ​രോ കാ​ണി​ക​ളെ​യും സ​ജ്ജ​രാ​ക്കു​ക​യാ​ണ് ന​മ്മു​ടെ ദേ​ശ​ഭ​ക്തി, പൊ​ലീ​സ്, കാ​യി​ക സി​നി​മ​ക​ൾ.

‘റോന്ത്’ സിനിമയിൽ ദിലീഷ് പോത്തനും റോഷൻ മാത്യുവും

മു​ഖ്യ​ധാ​ര​യു​ടെ വെ​ള്ളി​ത്തി​ര​യി​ൽ ന​മ്മ​ൾ ക​ണ്ടുവ​ന്നി​ട്ടു​ള്ള സൂ​പ്പ​ർ ഹീ​റോ അ​ല്ലെ​ങ്കി​ൽ അ​ഴി​മ​തി​ക്കാ​ര​നാ​യ പൊ​ലീ​സു​കാ​ര​ൻ എ​ന്ന സ്റ്റീ​രി​യോ ടൈ​പ്പി​ൽ​നി​ന്നും പൊ​ലീ​സ് സേ​ന​യി​ലെ നി​സ്സ​ഹാ​യ​നാ​യ/ സ​മ്മ​ർ​ദ​ത്തി​ൽ അ​ക​പ്പെ​ടു​ന്ന/ വ്യ​വ​സ്ഥ​യു​ടെ ഇ​ര​യാ​യ മ​നു​ഷ്യ​ൻ എ​ന്ന വി​ശ​ദാം​ശ​ങ്ങ​ളോ​ടെ​യു​ള്ള ആ​ഖ്യാ​ന​ത്തി​ലേ​ക്ക് യ​ഥാ​ത​ഥ ചി​ത്രീ​ക​ര​ണ​ത്തി​ന്റെ കാ​ല​ത്ത് സി​നി​മ മാ​റി​യി​ട്ടു​ണ്ട്. സൂ​പ്പ​ർ​താ​ര​ങ്ങ​ളു​ടെ ദൈ​വി​ക പ​രി​വേ​ഷ​മു​ള്ള ര​ക്ഷ​ക​രാ​യ പൊ​ലീ​സ് ക​ഥാ​പാ​ത്ര​ങ്ങ​ൾ എ​ന്ന​തു​പോ​ലെ ഇ​ത്ത​ര​ത്തി​ലു​ള്ള ക​ഥാ​പാ​ത്ര​ങ്ങ​ളും ഭ​ര​ണ​കൂ​ട​ത്തി​ന്റെ മ​ർ​ദ​നോ​പ​ക​ര​ണ​മാ​യ പൊ​ലീ​സി​നോ​ടു​ള്ള വീ​രാ​രാ​ധ​ന​യും വി​ധേ​യ​ത്വ​വും സ​ഹാ​നു​ഭൂ​തി​യും പു​ല​ർ​ത്താ​ൻ ത​ക്ക​വ​ണ്ണം, പ്രേ​ക്ഷ​ക​ചേ​ത​ന​യെ സ്വാ​ധീ​നി​ച്ചു.

ഷാ​ഹി ക​ബീ​റി​ന്റെ പു​തി​യ സി​നി​മ​ ‘റോ​ന്ത്’ ക​ണ്ടു​കൊ​ണ്ട് മാ​ധ്യ​മം ആ​ഴ്ച​പ്പ​തി​പ്പി​ൽ ബൈ​ജു കോ​ട്ട​യി​ൽ ‘പ​രു​ക്ക​ൻ പൊ​ലീ​സി​ന്റെ ആ​ർ​ദ്ര​ഭാ​വ​ങ്ങ​ൾ’ (ല​ക്കം 1427) എ​ന്ന ത​ല​ക്കെ​ട്ടി​നു കീ​ഴി​ൽ സി​നി​മാ​ക്കാ​ഴ്ച​യു​ടെ വി​ചാ​ര​ങ്ങ​ൾ പ​ങ്കി​ടു​ന്നു​ണ്ട്. സി​നി​മ​യു​ടെ ശീ​ർ​ഷ​കം സൂ​ചി​പ്പി​ക്കും​പോ​ലെ നൈ​റ്റ് പ​ട്രോ​ളി​ങ്ങി​ൽ പ​ങ്കെ​ടു​ക്കു​ന്ന ര​ണ്ടു പൊ​ലീ​സു​കാ​രു​ടെ സം​ഭ​വ​ബ​ഹു​ല​മാ​യ രാ​ത്രി​കാ​ല ജീ​വി​ത​മാ​ണ് സി​നി​മ​യു​ടെ ക​ഥാ​ത​ന്തു.

സി​നി​മ​യി​ലൂ​ടെ പൊ​തു​സ​മൂ​ഹ​ത്തോ​ട് സം​വി​ധാ​യ​ക​ന് പ​റ​യാ​നു​ള്ള ആ​ശ​യം എ​ന്താ​ണോ അ​ത് കൃ​ത്യ​മാ​യി ച​ല​ച്ചി​ത്ര​പാ​ഠ​ത്തി​ൽ​നി​ന്ന് വാ​യി​ച്ചെ​ടു​ക്കു​ക​യും തെ​ളി​വു​റ്റ​തും മി​ക​വു​റ്റ​തു​മാ​യ ഭാ​ഷ​യി​ൽ അ​വ​ത​രി​പ്പി​ക്കു​ക​യും​ ചെ​യ്യു​ന്നു ബൈ​ജു കോ​ട്ട​യി​ൽ. അ​ദ്ദേ​ഹം എ​ഴു​തു​ന്നു; ‘‘പൊ​ലീ​സു​കാ​ർ​ക്കി​ട​യി​ൽ ഏ​റ്റ​വും മു​ഷി​ഞ്ഞ പ​ണി​യാ​ണ് നൈ​റ്റ് പ​ട്രോ​ളി​ങ്. ഹൈ​വേ​ക​ളി​ലും ന​ഗ​ര​പ്രാ​ന്ത​ങ്ങ​ളി​ലും ഗ്രാ​മ​പ്ര​ദേ​ശ​ങ്ങ​ളി​ലെ ഒ​ഴി​ഞ്ഞ മൂ​ല​ക​ളി​ലും ഒ​ളി​ച്ചും പാ​ത്തും കു​റ്റ​കൃ​ത്യ​ങ്ങ​ൾ ന​ട​ത്തു​ന്ന​വ​രെ കൈയോ​ടെ പൊ​ക്കാ​ൻ പ​റ്റു​ന്ന ഒ​രു അ​വ​സ​ര​മാ​ണി​ത്. എ​ന്നാ​ൽ, അ​സാ​ധാ​ര​ണ സം​ഭ​വ​ങ്ങ​ളു​ടെ പി​റ​കെ പാ​യ​ലും ഉ​റ​ക്ക​മൊ​ഴി​ച്ചു​ള്ള ജോ​ലി​യും പൊ​ലീ​സു​കാ​രെ സ​മ്മ​ർ​ദ​ത്തി​ലാ​ക്കു​ന്നു​ണ്ട്. കൂ​ടു​ത​ൽ കു​റ്റ​കൃ​ത്യ​ങ്ങ​ൾ ന​ട​ക്കാ​നി​ട​യു​ള്ള രാ​ത്രി​കാ​ല​ങ്ങ​ളി​ലെ റോ​ന്തുപ​ണി​യു​ടെ ആ​ക​സ്മി​ത​ക​ളും പ്ര​തി​സ​ന്ധി​ക​ളും എ​ന്തൊ​ക്കെ​യാ​ണെ​ന്നാ​ണ് ഷാ​ഹി ക​ബീ​റി​ന്റെ പു​തി​യ സി​നി​മ​യാ​യ ‘റോ​ന്ത്’ അ​ന്വേ​ഷി​ക്കു​ന്ന​ത്.” തു​ട​ർ​ന്ന് അ​ദ്ദേ​ഹം ഔ​ദ്യോ​ഗി​ക കൃ​ത്യ​നി​ർ​വ​ഹ​ണ​ത്തി​ന് ത​ട​സ്സ​മാ​കു​ന്ന അ​ന്ത​രീ​ക്ഷ​ത്തി​ൽ ജോ​ലി​ചെ​യ്യു​ന്ന പൊ​ലീ​സി​ന്റെ യാ​ത​ന​ക​ളും ദു​ര​വ​സ്ഥ​ക​ളും എ​ടു​ത്ത് എ​ഴു​തു​ന്നു​ണ്ട്.

പൊ​ലീ​സ് ജോ​ലി​യി​ൽ തു​ട​ക്ക​ക്കാ​ര​നാ​യ ദി​ൻ​നാ​ഥി​ന്റെ (റോ​ഷ​ൻ മാ​ത്യു) ആ​വേ​ശ​ക്കു​തി​പ്പി​ൽ ഉ​റ​ച്ച സം​ശു​ദ്ധി​യും ഗ്രേ​ഡ് എ​സ്.​ഐ യോ​ഹ​ന്നാ​ന്റെ (ദി​ലീ​ഷ് പോ​ത്ത​ൻ) പ്ര​വൃ​ത്തിപ​രി​ച​യം മൂ​ല​മു​ള്ള പ​ക്വ​ത​യും അ​വ​ർ കേ​വ​ലം ര​ണ്ട് വ്യ​ക്തി​ക​ളാ​യ പൊ​ലീ​സു​കാ​ർ മാ​ത്ര​മ​ല്ല ര​ണ്ടു നി​ല​പാ​ടു​ക​ൾ ആ​ണെ​ന്ന് സം​വി​ധാ​യ​ക​ൻ പ്ര​ഖ്യാ​പി​ക്കു​ന്ന​താ​യി നി​രീ​ക്ഷി​ക്കു​ന്നു. പ്രാ​ഥ​മി​ക​വും ല​ളി​ത​വും ആ​ത്യ​ന്തി​ക​വു​മാ​യി ഷാ​ഹി ക​ബീ​ർ ഈ ​സി​നി​മ എ​ഴു​തി​യി​രി​ക്കു​ന്ന​ത് പൊ​ലീ​സ് പ​ക്ഷ​ത്ത് നി​ന്നു​കൊ​ണ്ടാ​ണ്. പൊ​ലീ​സ് സേ​ന​യി​ലെ പ​ച്ച​മ​നു​ഷ്യ​രെ അ​ട​യാ​ള​പ്പെ​ടു​ത്തു​ക എ​ന്ന​താ​ണ് സി​നി​മ​യു​ടെ ല​ക്ഷ്യം. പൊ​ലീ​സി​​ന്റെ പ​ണി ആ​വേ​ശം കാ​ട്ട​ൽ അ​ല്ലെ​ന്നും, പ​ല സ​ന്ദ​ർ​ഭ​ങ്ങ​ളി​ലും പ്രാ​യോ​ഗി​ക പ​രി​ജ്ഞാ​ന​ത്തി​ൽ കു​റ​ഞ്ഞ​തൊ​ന്നു​മ​ല്ല പൊ​ലീ​സി​ങ് എ​ന്നും പ്രേ​ക്ഷ​ക​രെ ബോ​ധ്യ​പ്പെ​ടു​ത്താ​ൻ സം​വി​ധാ​യ​ക​നു ക​ഴി​യു​ന്നു​ണ്ട്. എ​ന്താ​ണ് ‘ന​ല്ല പൊ​ലീ​സി​ങ്?’ അ​തി​​ന്റെ പാ​ഠ​ങ്ങ​ൾ? എ​ന്ന് പ്രേ​ക്ഷ​ക​രെ മ​ന​സ്സി​ലാ​ക്കി കൊ​ടു​ക്കു​ന്നു​ണ്ട് ച​ല​ച്ചി​ത്ര​കാ​ര​ൻ.

പൊ​ലീ​സ്​ പ​ണി എ​ന്ന തൊ​ഴി​ൽ അ​ന്ത​രീ​ക്ഷ​ത്തെ അ​ടു​ത്ത​റി​യാ​ത്ത​വ​ർ​ക്കാ​യി ആ ​അ​ന്ത​രീ​ക്ഷം വ്യ​ക്ത​മാ​യി കാ​ണി​ച്ചുകൊ​ടു​ക്കു​ന്ന​തി​നോ​ടൊ​പ്പം പൊ​ലീ​സ് തൊ​ഴി​ലാ​ളി​ക​ളു​ടെ വ്യ​ക്തി​ജീ​വി​ത​ത്തി​ലെ പ്ര​തി​സ​ന്ധി​ക​ൾ, സ​ങ്ക​ട​ങ്ങ​ൾ, ആ​ശ​യ​ക്കു​ഴ​പ്പ​ങ്ങ​ൾ, ജോ​ലി​ഭാ​രം, സ​മ്മ​ർ​ദം, അ​വ​ർ അ​ഭി​മു​ഖീ​ക​രി​ക്കു​ന്ന പ​ല​ത​രം മ​നു​ഷ്യ​രു​ടെ ശോ​ച്യ​മാ​യ ജീ​വി​ത​സ​ന്ദ​ർ​ഭ​ങ്ങ​ൾ എ​ന്നി​ങ്ങ​നെ കെ​ട്ടു​റ​പ്പു​ള്ള വൈ​കാ​രി​ക രം​ഗ​ങ്ങ​ളാ​ൽ അ​തി​ശ​ക്ത​മാ​യ തി​ര​ക്ക​ഥ​യു​ടെ പി​ൻ​ബ​ല​മു​ണ്ട് ‘റോ​ന്ത്’ എ​ന്ന സി​നി​മ​ക്ക്. ഈ ​സി​നി​മ പൊ​ലീ​സ് സേ​ന​യി​ലെ നി​ഷ്ക​ള​ങ്ക​രാ​യ ര​ണ്ടു മ​നു​ഷ്യ​രു​ടെ വൈ​കാ​രി​ക പ്ര​ശ്ന​ങ്ങ​ളു​മാ​യി ബ​ന്ധ​പ്പെ​ടു​ത്തി അ​വ​ർ ജോ​ലി​സ​മ​യ​ത്തും തൊ​ഴി​ലി​ട​ങ്ങ​ളി​ലും ക​ണ്ടു​മു​ട്ടു​ന്ന മ​നു​ഷ്യ​രു​ടെ പ്ര​ശ്ന​ങ്ങ​ളു​മാ​യി ത​ങ്ങ​ളു​ടെ ജീ​വി​ത​ത്തെ താ​ദാ​ത്മ്യ​പ്പെ​ടു​ത്തി​യും വി​യോ​ജി​ച്ചും വി​ച്ഛേ​ദി​ച്ചും മാ​നു​ഷി​ക​മാ​യ പ​രി​മി​തി​ക​ളും പി​ഴ​വു​ക​ളും ഏ​തു പൊ​ലീ​സു​കാ​ര​നും സം​ഭ​വി​ക്കും എ​ന്നു​മൊ​ക്കെ ല​ളി​ത​വ​ത്ക​രി​ച്ചു​കൊ​ണ്ട് പൊ​ലീ​സ് ച​രി​ത്ര​ത്തി​ൽ ഇ​ന്നോ​ളം ഉ​ണ്ടാ​യി​ട്ടു​ള്ള എ​ല്ലാ ഭീ​ക​ര​ത​ക​ളെ​യും ഒ​ളി​പ്പി​ച്ചുവെ​ക്കു​ന്നു​ണ്ട്. അ​ഥ​വാ ബൈ​ജു കോ​ട്ട​യി​ൽ സി​നി​മ​യെ നി​രീ​ക്ഷി​ക്കു​മ്പോ​ലെ തി​യ​റ്റ​ർ വി​ട്ടി​റ​ങ്ങു​ന്ന പ്രേ​ക്ഷ​ക​ർ ഒ​ന്ന​ട​ങ്കം മാ​നു​ഷി​ക​മാ​യ പ​രി​മി​തി​ക​ളു​ടെ പ​രി​ഗ​ണ​ന​യി​ൽ പൊ​ലീ​സ് സേ​ന​യു​ടെ മ​നോ​വീ​ര്യ​ത്തെ തൊ​ട്ടു ക​ളി​ക്ക​രു​തെ​ന്ന് ‘റോ​ന്ത്’ ഉ​ദ്ദേ​ശി​ക്കു​ന്നു​ണ്ട്.

സ​ന്ധ്യമ​യ​ങ്ങും മു​ത​ൽ പു​ല​ർ​ച്ചെ വ​രെ​യു​ള്ള സ​മ​യ​ത്ത് സ്റ്റേ​ഷ​ൻ പ​രി​ധി​യി​ലൂ​ടെ നി​രീ​ക്ഷ​ണ​ല​ക്ഷ്യ​ത്തോ​ടെ ചു​റ്റി​ക്ക​റ​ങ്ങു​ന്ന ‘കി​റു​ക്ക​ൻ ഗാ​ഡി’യാ​ണ് സി​നി​മ​യു​ടെ പ്ര​ധാ​ന ഇ​ടം. ഈ ​പൊ​ലീ​സ് ജീ​പ്പ് ചെ​ന്നെ​ത്തു​ന്ന സ്ഥ​ല​ങ്ങ​ളും സാ​ഹ​ച​ര്യ​ങ്ങ​ളും വ​ണ്ടി​ക്കു​ള്ളി​ലെ പൊ​ലീ​സു​ദ്യോ​ഗ​സ്ഥ​രാ​യ ര​ണ്ടു മ​നു​ഷ്യ​ർ പ​ങ്കി​ടു​ന്ന തൊ​ഴി​ൽ​പ​ര​വും വൈ​കാ​രി​ക​വു​മാ​യ കൊ​ടു​ക്ക​ൽ വാ​ങ്ങ​ലു​ക​ളി​ലൂ​ടെ​യാ​ണ് സി​നി​മ വി​ക​സി​ക്കു​ന്ന​ത്.

ഇ​വി​ടെ നൈ​റ്റ് പ​ട്രോ​ളി​ങ്ങി​ൽ പൊ​ലീ​സു​കാ​ർ അ​നു​ഭ​വി​ക്കു​ന്ന ബു​ദ്ധി​മു​ട്ടു​ക​ൾ, മൂ​ന്ന​ര​ക്കോ​ടി ജ​ന​ങ്ങ​ളെ നി​യ​ന്ത്രി​ക്കാ​ൻ അ​ര​ല​ക്ഷ​ത്തി​ൽ താ​ഴെ സേ​നാം​ഗ​ങ്ങ​ൾ മാ​ത്ര​മു​ള്ള​പ്പോ​ൾ പൗ​ര​ന്മാ​രെ ഭ​യ​പ്പെ​ടു​ത്തി ലോ ​ആ​ൻ​ഡ് ഓ​ർ​ഡ​ർ നി​ല​നി​ർ​ത്താ​ൻ അ​വ​രു​ടെ അ​വ​കാ​ശ​ങ്ങ​ൾ​ക്കും സ​ന്തോ​ഷ​ങ്ങ​ൾ​ക്കും മേ​ലെ സ്വേ​ച്ഛ​യാ​ൽ അ​ല്ലാ​തെ ഇ​ടി​ച്ചു​ക​യ​റേ​ണ്ടി വ​രു​ന്ന ആ​ത്മ​നി​ന്ദ, സ്ത്രീ​ക​ളോ​ടും കു​ട്ടി​ക​ളോ​ടും ഉ​ള്ള ക​നി​വ്/ അ​ലി​വ്, സ​ഹ​പ്ര​വ​ർ​ത്ത​ക​ന്റെ ദുഃ​ഖ​വും ക​ഷ്ട​പ്പാ​ടും സ്വ​ന്തം എ​ന്നു​ത​ന്നെ ക​രു​തി അ​തി​നോ​ടു സ​ഹാ​നു​ഭൂ​തി​യോ​ടെ​യു​ള്ള പ്ര​തി​ക​ര​ണം, സ​ർ​ക്കാ​ർ വാ​ഹ​ന​ത്തി​ന്റെ അ​റ്റ​കു​റ്റ​പ്പ​ണി​ക​ൾ​ക്ക് ‘നി​യ​മ​വി​രു​ദ്ധ​മാ​യ ചെ​റി​യ തെ​റ്റു​ക​ൾ’ ചെ​യ്ത​വ​രി​ൽ​നി​ന്ന് കൈ​ക്കൂ​ലി എ​ന്ന മ​ട്ടി​ൽ ഈ​ടാ​ക്കേ​ണ്ടി​വ​രു​ന്ന പ​ണ​ത്തെ ഓ​ർ​ത്തു​ള്ള നാ​ണ​ക്കേ​ട്, അ​ക്ര​മാ​സ​ക്ത​നാ​യ മ​നോ​രോ​ഗി​യെ ആ​ശു​പ​ത്രി​യി​ൽ എ​ത്തി​ക്കു​ന്ന​തി​ന് ജീ​വ​ൻ പ​ണ​യം​വെ​ച്ചു​ള്ള ശ്ര​മ​ങ്ങ​ൾ എ​ന്നി​ങ്ങ​നെ ഏ​തൊ​രു പ്രേ​ക്ഷ​ക​നെ​യും നാ​ളി​തു​വ​രെ ഉ​ണ്ടാ​യി​ട്ടു​ള്ള എ​ല്ലാ പൊ​ലീ​സ് അ​തി​ക്ര​മ​ങ്ങ​ളെ​യും മ​റ​ന്നു കാ​ക്കി ധ​രി​ച്ച വ്യ​ക്തി​യെ ‘പൊ​ലീ​സ് മാ​മ​ൻ’ എ​ന്ന് സം​ബോ​ധ​ന ചെ​യ്യാ​ൻ പ്രാ​പ്ത​നാ​ക്കും. ഒ​രു​കാ​ല​ത്ത് ന​ക്സ​ലൈ​റ്റ് പ്ര​സ്ഥാ​ന​ത്തി​​ന്റെ നേ​താ​വും പോ​രാ​ളി​യു​മാ​യി​രു​ന്ന വെ​ള്ള​ത്തൂ​വ​ൽ സ്റ്റീ​ഫ​ൻ, പ​രി​ക്കേ​റ്റ് പൊ​ലീ​സ് ബ​ന്ത​വ​സ്സി​ൽ ആ​ശു​പ​ത്രി​യി​ൽ ക​ഴി​യു​മ്പോ​ൾ പാ​ലി​ൽ മു​ക്കി​യ റൊ​ട്ടി കൊ​ടു​ത്തും ടോ​യ്‌​ല​റ്റി​ൽ പോ​കാ​ൻ സ​ഹാ​യി​ച്ചു ത​ന്നെ പ​രി​ച​രി​ച്ച പൊ​ലീ​സു​കാ​രു​ടെ സ്നേ​ഹ​ത്തി​ൽ വ​ശം​വ​ദ​നാ​വു​ക​യും ത​ല​ശ്ശേ​രി പൊ​ലീ​സ് സ്റ്റേ​ഷ​ൻ ആ​ക്ര​മി​ക്കാ​ൻ ന​ട​ന്ന, വി​ചാ​ര​കാ​ല​ത്തെ വി​ചാ​ര​ണ ബോ​ധ​ത്തോ​ടെ ഓ​ർ​ത്തെ​ടു​ക്കു​ക​യും​ ചെ​യ്യു​ന്നു​ണ്ട് (വെ​ള്ള​ത്തൂ​വ​ൽ സ്റ്റീ​ഫ​​ന്റെ ആ​ത്മ​ക​ഥ, ഡി.​സി ബു​ക്സ്). പൊ​ലീ​സ് എ​ന്നാ​ൽ പ​രു​ക്ക​ൻ ഭാ​വം മാ​ത്രം പു​ല​ർ​ത്തു​ന്ന അ​ക്ര​മ​കാ​രി അ​ല്ലെ​ന്നും ആ ​ഹൃ​ദ​യം വെ​ണ്ണ​പോ​ലെ അ​ലി​യു​ന്ന​താ​ണെ​ന്നു​മു​ള്ള പ്ര​തി​ച്ഛാ​യ നി​ർ​മി​തി​ക്ക് ഇ​വ സ​ഹാ​യ​ക​മാ​കു​ന്നു​ണ്ട്.

വെ​ള്ള​ത്തൂ​വ​ൽ സ്റ്റീ​ഫ​ൻ അ​ട​ക്ക​മു​ള്ള ന​ക്സ​ലൈ​റ്റ് രാ​ഷ്ട്രീ​യ പ്ര​വ​ർ​ത്ത​ക​ർ പൊ​ലീ​സ് സ്റ്റേ​ഷ​ൻ എ​ന്ന മ​ർ​ദ​ക​സ്ഥാ​പ​ന​ത്തെ ആ​ക്ര​മി​ക്കു​ന്ന​ത് അ​ത് അ​ടി​സ്ഥാ​ന ജ​ന​ത്തെ, ചൂ​ഷ​ക​രു​ടെ ഗു​ണ്ടാ​പ്പ​ണി ഏ​റ്റെ​ടു​ത്ത് ദ്രോ​ഹി​ക്കു​ന്ന ഏ​ജ​ൻ​സി​യാ​യ​തി​നാ​ലാ​ണ്. പൊ​ലീ​സ് എ​ന്ന​ത് ഒ​രു മ​നു​ഷ്യ​ന​ല്ല; എ​ന്നാ​ല​ത് ആ​ണ​ത്ത വെ​റി​യു​ള്ള മ​ർ​ദ​ക​സ്ഥാ​പ​ന​മാ​യ വ​രേ​ണ്യ​പു​രു​ഷ​നാ​ണ്. അ​തി​ൽ ഏ​തെ​ങ്കി​ലും ഒ​രു വ്യ​ക്തി മ​നു​ഷ്യ​നെ​പ്പോ​ലെ പെ​രു​മാ​റു​ന്നു എ​ന്ന​തു​കൊ​ണ്ട് പൊ​ലീ​സി​ന്റെ പ്ര​വൃ​ത്തി​ദോ​ഷം ഇ​ല്ലാ​താ​കു​ന്നി​ല്ല. മാ​ന​സാ​ന്ത​ര​പ്പെ​ട്ട വെ​ള്ള​ത്തൂ​വ​ൽ സ്റ്റീ​ഫ​ന് ഇ​ക്കാ​ര്യം അ​റി​യാ​ൻ പാ​ടി​ല്ലാ​ത്ത​ത​ല്ല.

പൊ​ലീ​സി​ലെ ചു​രു​ക്കം ചി​ല ന​ല്ല കു​ട്ടി​ക​ളെ പ​ർ​വ​തീ​ക​രി​ച്ചു​കൊ​ണ്ട് പൊ​ലീ​സ് എ​ന്ന ഇ​ൻ​സ്റ്റി​റ്റ്യൂ​ഷ​ന്റെ കൊ​ള്ള​രു​താ​യ്മ​ക​ളെ പു​ണ്യാ​ഹം ത​ളി​ച്ച് പാ​പ​മു​ക്ത​മാ​ക്കു​ന്ന ക​ഥ​ക​ൾ കെ​ട്ടി​ച്ച​മ​ക്കു​മ്പോ​ഴും, മ​ല​യാ​ള ഭാ​ഷ​യി​ൽ പൊ​ലീ​സി​ങ്ങി​നെ അ​തി​രൂ​ക്ഷ​മാ​യി വി​മ​ർ​ശി​ച്ച എ​ക്കാ​ല​ത്തെ​യും മി​ക​ച്ച ര​ണ്ടു ക​ഥ​ക​ൾ എ​ഴു​തി​യ​ത് വൈ​ക്കം മു​ഹ​മ്മ​ദ് ബ​ഷീ​റാ​ണ്. ‘ടൈ​ഗ​ർ’, ‘പൊ​ലീ​സു​കാ​ര​ന്റെ മ​ക​ൻ’ എ​ന്നി​വ​യാ​ണ് ആ ​ക​ഥ​ക​ൾ. രാ​ഷ്ട്രീ​യ ത​ട​വു​കാ​ര​നാ​യി വി​വി​ധ ജ​യി​ലു​ക​ളി​ൽ ക​ഴി​യു​മ്പോ​ൾ അ​ദ്ദേ​ഹം നേ​രി​ട്ട പൊ​ലീ​സ് അ​നു​ഭ​വ​ങ്ങ​ളോ​ടു​ള്ള പ്ര​തി​ക​ര​ണ​ങ്ങ​ളാ​ണ​വ. സ്വ​ത​ന്ത്ര ഇ​ന്ത്യ​ക്ക് മു​മ്പു​ള്ള ത​ട​വ് അ​നു​ഭ​വ​ത്തി​നു ശേ​ഷം വ​ർ​ഷ​ങ്ങ​ൾ മു​ന്നോ​ട്ടു​പോ​യി​ട്ടും അ​തേ സാ​ഹ​ച​ര്യം ഇ​ന്നും മാ​റ്റ​ത്തി​നു ശ്ര​മി​ക്കാ​തെ നി​ല​നി​ൽ​ക്കു​ന്നു​ണ്ട്. ‘‘കു​റ്റ​മി​ല്ലാ​ത്തി​ട​ത്ത് കു​റ്റം ഉ​ണ്ടാ​ക്കു​ക, സ​ത്യം അ​സ​ത്യ​മാ​ക്കു​ക, മാ​ന​മു​ള്ള​വ​രെ അ​പ​മാ​നി​ക്കു​ക...’’ ഇ​തി​നു​ള്ള കി​ങ്ക​ര​ന്മാ​രാ​ണ് പൊ​ലീ​സു​കാ​ർ എ​ന്ന് ബ​ഷീ​ർ രൂ​ക്ഷ​മാ​യി പ​റ​യു​ന്നു.

‘റോ​ന്തി’ൽ ഷാ​ഹി ക​ബീ​ർ പൊ​ലീ​സ് പ​ക്ഷ​ത്തു​നി​ന്നുള്ള അ​വ​ത​ര​ണ​ത്തി​നാ​ണ് മു​തി​രു​ന്ന​തെ​ന്ന് ക​ണ്ടു​ക​ഴി​ഞ്ഞു. കേ​വ​ല മ​നു​ഷ്യ​ർ​ക്ക് നേ​രി​ടേ​ണ്ടി വ​രു​ന്ന പ്ര​തി​സ​ന്ധി​ക​ളും വെ​ല്ലു​വി​ളി​ക​ളും ക്ലേ​ശ​ങ്ങ​ളും പ​രാ​ജ​യ​ങ്ങ​ളും സ്വാ​ഭാ​വി​ക​മാ​യും പൊ​ലീ​സി​നെ​യും തീ​ണ്ടു​ന്നു, താ​ഴേ​ക്കി​ട​യി​ലു​ള്ള പൊ​ലീ​സു​കാ​ർ പ​ല​പ്പോ​ഴും ആ ​സി​സ്റ്റ​ത്തി​നു​ള്ളി​ൽ​ത​ന്നെ ഇ​ര​ക​ളാ​ക്ക​പ്പെ​ടു​ന്നു എ​ന്നു​മൊ​ക്കെ പ​റ​ഞ്ഞു​റ​പ്പി​ക്കാ​ൻ ഉ​ചി​ത​മാ​യ സ​ന്ദ​ർ​ഭ​ങ്ങ​ളും രം​ഗ​ങ്ങ​ളും തി​ര​ക്ക​ഥ​യി​ൽ മി​ക​വോ​ടെ ഉ​ൾ​ചേ​ർ​ക്കു​ക​യും എ​ല്ലാ വി​ശ​ദാം​ശ​ങ്ങ​ളോ​ടെ​യും ചി​ത്രീ​ക​രി​ക്കു​ക​യും ​ചെ​യ്യു​ന്നു​ണ്ട്. അ​ത് പൊ​ലീ​സു​കാ​ർ ഇ​ട​പെ​ടു​ന്ന വി​വി​ധ മ​നു​ഷ്യ​രു​ടെ വൈ​കാ​രി​ക​ത​യും പൊ​ലീ​സ് ഉ​ദ്യോ​ഗ​സ്ഥ​രു​ടെ വൈ​കാ​രി​ക​ത​യും ത​മ്മി​ൽ ചേ​രു​ന്ന​താ​യി അ​വ​ത​രി​പ്പി​ച്ചു​കൊ​ണ്ടാ​ണ് സാ​ധ്യ​മാ​ക്കു​ന്ന​ത്. അ​താ​യ​ത് രം​ഗ​ങ്ങ​ളു​ടെ വി​ശ്വാ​സ്യ​ത​യും വൈ​കാ​രി​ക തീ​വ്ര​ത​യും എ​ങ്ങ​നെ​യാ​ണ് പ്രേ​ക്ഷ​ക​രി​ൽ ആ​ഞ്ഞുപ​തി​ക്കു​ക എ​ന്ന് തി​ര​ക്ക​ഥാ​കൃ​ത്തും സം​വി​ധാ​യ​ക​നു​മാ​യ വ്യ​ക്തി​ക്ക് കൃ​ത്യ​മാ​യ ധാ​ര​ണ​യു​ണ്ട്.

ഇ​വി​ടെ​യാ​ണ് ‘റോ​ന്ത് ‘ എ​ന്ന ചി​ത്രം കേ​ര​ളീ​യ സാം​സ്കാ​രി​ക-​രാ​ഷ്ട്രീ​യ സാ​ഹ​ച​ര്യ​ത്തി​ൽ അ​പ​ക​ട​ക​ര​മാ​യ ചി​ന്ത​യും സ​ന്ദേ​ശ​വും പ്ര​ക്ഷേ​പ​ണം​ചെ​യ്യു​ന്നു എ​ന്ന് വി​ചാ​രി​ക്കേ​ണ്ടി​വ​രു​ന്ന​ത്. രാ​ഷ്ട്രീ​യ ശ​രി​തേ​ട​ലു​ക​ളു​ടെ വി​ശാ​ല​മാ​യ പ​ശ്ചാ​ത്ത​ല​ത്തി​ൽനി​ന്നു​കൊ​ണ്ട് പു​രോ​ഗ​മ​ന ആ​ശ​യ​ങ്ങ​ൾ പ​റ​യു​ന്ന, ഗം​ഭീ​ര​മാ​യ വാ​ണി​ജ്യ​വി​ജ​യ​ങ്ങ​ൾ നേ​ടി​യ പു​തു​ത​ല​മു​റ സി​നി​മ​ക​ളി​ലും ദ​ലി​ത് വി​രു​ദ്ധ​ത​യും സ്ത്രീ​വി​രു​ദ്ധ​ത​യും അ​രാ​ഷ്ട്രീ​യ​ത​യും ച​രി​ത്ര​ത്തെ വ​ക്രീ​ക​രി​ക്കു​ന്ന​തും പു​തു​മ​യ​ല്ല. ഒ​രു ദ​ലി​ത് കു​ടും​ബ​ത്തി​​ന്റെ മൂ​ന്നു ത​ല​മു​റ​ക​ൾ സ​ഞ്ച​രി​ക്കു​ന്ന കേ​ര​ളീ​യ ക​മ്യൂ​ണി​സ്റ്റ് അ​നു​ഭ​വ​ത്തി​ന്റെ ക​ഥ പ​റ​യു​ന്ന, ദ​ലി​ത് വി​മോ​ച​നം കേ​ര​ള​ത്തി​ലെ മു​ഖ്യ​ധാ​ര ഇ​ട​തു​പ​ക്ഷ​ത്തി​ന് മാ​ത്രം അ​വ​കാ​ശ​പ്പെ​ട്ട​താ​ണെ​ന്നു പ​റ​യു​ന്ന, എ​സ്. സ​നോ​ജി​​ന്റെ പ്രൊ​പ​ഗ​ണ്ട സി​നി​മ​യാ​യ ‘അ​രി​ക്’ ഒ​രു ദ​ലി​ത് പെ​ൺ​കു​ട്ടി മ​ജി​സ്ട്രേ​റ്റ് ആ​കു​ന്ന​തും കോ​ട​തി​വ​ള​പ്പി​ൽ അ​വ​രു​ടെ അ​മ്മ ഒ​രു ശൂ​ദ്ര​ന്റെ മു​ഖ​ത്ത​ടി​ക്കു​ന്ന​തും അ​വ​ത​രി​പ്പി​ച്ചാ​ണ് അ​വ​സാ​നി​ക്കു​ന്ന​ത്. സ​വ​ർ​ണ സാ​മ്പ​ത്തി​ക സം​വ​ര​ണം ന​ട​പ്പാ​ക്കു​ക വ​ഴി സ്റ്റേ​റ്റി​ന്റെ വി​ഭ​വ​ങ്ങ​ളി​ലു​ള്ള വി​ത​ര​ണം അ​ത്ര​മേ​ൽ അ​നീ​തി നി​റ​ഞ്ഞ ഒ​ന്നാ​ക്കി​ത്തീ​ർ​ത്ത ഒ​രു പാ​ർ​ട്ടി​യു​ടെ പ്ര​ചാ​ര​ണ​ത്തി​ന്റെ ക​ണ്ട​ന്റ് ആ​യി ഉ​പ​യോ​ഗി​ക്കു​ന്ന ‘അ​രി​ക്’ എ​ന്ന സി​നി​മ മേ​ൽ​പ​റ​ഞ്ഞ​തി​ന് ഉ​ദാ​ഹ​ര​ണ​മാ​ണ്.

‘റോ​ന്തി’​ൽ രാ​ത്രി​കാ​ല പ​ട്രോ​ളി​ങ്ങി​ന്റെ മ​ടു​പ്പി​ക്കു​ന്ന സ​ഞ്ചാ​ര​ത്തി​ന്റെ​യും കാ​ത്തി​രി​പ്പി​ന്റെ​യും ഇ​ട​യി​ൽ പൊ​ലീ​സു​കാ​ര​ന്റെ ഫോ​ണി​ലേ​ക്ക് ഒ​രു വാ​ർ​ത്ത വ​രു​ന്ന സീ​നു​ണ്ട്. കേ​ന്ദ്ര​സ​ർ​ക്കാ​ർ ന​ട​പ്പാ​ക്കാ​ൻ പോ​കു​ന്ന പൗ​ര​ത്വ ബി​ല്ലി​നെ​തി​രെ​യു​ള്ള സ​മ​ര​ത്തെ സം​ബ​ന്ധി​ക്കു​ന്ന​താ​ണ​ത്. മ​താ​ടി​സ്ഥാ​ന​ത്തി​ൽ ന​ട​പ്പാ​ക്ക​പ്പെ​ടു​ന്ന പൗ​ര​ത്വ​ബി​ൽ ദേ​ശീ​യ ജ​ന​ത​യു​ടെ സാം​സ്കാ​രി​ക​വും ഭാ​ഷാ​പ​ര​വു​മാ​യ സ്വ​ത്വ​ത്തി​ന് വി​രു​ദ്ധ​മാ​ണ് എ​ന്ന കാ​ത​ലാ​യ വി​ഷ​യ​ത്തി​ൽ​നി​ന്ന​ക​ന്ന് സ​മ​ര​ത്തെ നേ​രി​ടാ​ൻ നി​യോ​ഗി​ക്ക​പ്പെ​ടു​മ്പോ​ൾ ത​നി​ക്ക് അ​നു​വ​ദി​ക്ക​പ്പെ​ട്ട ലീ​വും കു​ടും​ബാം​ഗ​ങ്ങ​ളു​മാ​യി പ​ങ്കി​ടു​ന്ന സ്വ​കാ​ര്യ നി​മി​ഷ​ങ്ങ​ളും ന​ഷ്ട​പ്പെ​ടും എ​ന്ന വേ​വ​ലാ​തി​യാ​ണ് ‘റോ​ന്തി’​ലെ പൊ​ലീ​സു​കാ​ര​നി​ൽ. സ്വ​ത​വെ ആ​ർ.​എ​സ്.​എ​സ് വ​ത്ക​രി​ക്ക​പ്പെ​ട്ടു എ​ന്ന് ആ​രോ​പി​ക്ക​പ്പെ​ടു​ന്ന സേ​ന​യി​ലേ​ക്ക് അ​റി​യാ​തെ ‘നി​ഷ്ക​ള​ങ്ക​മാ​യി’ ക​ട​ന്നു​വ​രു​ന്ന ഇ​സ്‍ലാം വി​രു​ദ്ധ​ത​യാ​ണി​ത്.

ഷാഹി കബീർ മുമ്പ് ഒര​ുക്കിയ, നി​ര​വ​ധി​ പു​ര​സ്കാ​ര​ങ്ങ​ൾ​ക്ക് അ​ർ​ഹ​മാ​യ ‘ഇ​ല​വീ​ഴാ​പൂ​ഞ്ചി​റ’ എ​ന്ന സിനിമ സൂ​ക്ഷ്മാ​ർ​ഥ​ത്തി​ൽ കേ​ര​ള പൊ​ലീ​സി​​ന്റെ സ​ദാ​ചാ​ര പൊ​ലീ​സി​ങ്ങി​നെ ശ​രിവെക്കുക​യും അ​ത് പൊ​തു​ജ​നാ​ഭി​പ്രാ​യ​മാ​ക്കി തീ​ർ​ക്കു​ക​യും ചെ​യ്യു​ന്ന ച​ല​ച്ചി​ത്ര ശ്ര​മ​മാ​ണ്. ദാ​മ്പ​ത്യ​ത്തി​ൽ വി​ശ്വ​സ്ത​ത പു​ല​ർ​ത്താ​ത്ത ഭാ​ര്യ​യു​ടെ മൃ​ത​ദേ​ഹ​ഭാ​ഗ​ങ്ങ​ളും ഭ്രൂ​ണ​വും, അ​വ​ൾ​ക്കൊ​പ്പം ത​ന്നെ വ​ഞ്ചി​ച്ച സ​ഹ​പ്ര​വ​ർ​ത്ത​ക​ന് ഭ​ക്ഷ​ണ​മാ​ക്കി വി​ള​മ്പി കൊ​ടു​ക്കു​ക​യും അ​യാ​ളെ ഇ​ടി​മി​ന്ന​ലേ​റ്റ് മ​രി​ക്കാ​ൻ പാ​ക​ത്തി​ന് ച​തി​യി​ൽ കു​രു​ക്കി കൊ​ല​പ്പെ​ടു​ത്തു​ക​യും ചെ​യ്ത മ​ധു​വി​നെ (സൗ​ബി​ൻ സാ​ഹി​ർ) ഭാ​ര്യ​യു​ടെ വ​ഞ്ച​ന എ​ന്ന സ​മാ​നാ​നു​ഭ​വം നേ​രി​ട്ട ഉ​ന്ന​തോ​ദ്യോ​ഗ​സ്ഥ​ൻ കു​റ്റ​​മു​ക്ത​നാ​ക്കു​ക​യും, ദാ​മ്പ​ത്യ​ത്തി​ലെ വ​ഞ്ച​ന​ക്ക് മ​ര​ണ​മാ​ണ് വി​ധി​യെ​ന്ന പൊ​ലീ​സ് ഭാ​ഷ്യ​വു​മാ​ണീ സി​നി​മ. ഇ​ല​വീ​ഴാ​പ്പൂ​ഞ്ചി​റ​യു​ടെ ഐ​തി​ഹ്യം പാ​ണ്ഡ​വ​രു​ടെ വ​ന​വാ​സ​വു​മാ​യി ബ​ന്ധ​പ്പെ​ട്ട​താ​ണ്. ഇ​തി​ന് പ​ല ഐ​തി​ഹ്യ​ങ്ങ​ളു​ണ്ട്. പാ​ണ്ഡ​വ​ർ വ​ന​വാ​സ​ക്കാ​ല​ത്ത് ഈ ​പ്ര​ദേ​ശം സ​ന്ദ​ർ​ശി​ച്ചെ​ന്നും ദ്രൗ​പ​ദി ഇ​വി​ടെ കു​ളി​ച്ചി​രു​ന്നെ​ന്നും പ​റ​യ​പ്പെ​ടു​ന്നു. അ​വ​രു​ടെ ന​ഗ്ന​ദൃ​ശ്യം മ​റ്റാ​രും കാ​ണാ​തെ മ​റ​യ്ക്കാ​ൻ ഇ​ന്ദ്ര​ൻ കു​ന്നു​ക​ളാ​ൽ ചു​റ്റു​മ​തി​ൽ തീ​ർ​ത്തെ​ന്നും അ​തി​നാ​ലാ​ണ് ഈ ​പ്ര​ദേ​ശം ഇ​ല​ക​ൾ വീ​ഴാ​ത്ത ഇ​ട​മാ​യി മാ​റി​യ​തെ​ന്നു​മാ​ണ് ഒ​രു ക​ഥ. ഇ​ത്ത​ര​മൊ​രു ഐ​തി​ഹ്യ​ത്തി​ന്റെ പു​തു​കാ​ല ച​ല​ച്ചി​ത്ര പു​ന​ർ​നി​ർ​മി​തി പൊ​ലീ​സ് ക​ഥ​യു​ടെ പ​ശ്ചാ​ത്ത​ല​ത്തി​ലേ​ക്ക് തു​ന്നി​ച്ചേ​ർ​ക്കു​മ്പോ​ൾ സി​നി​മ​യി​ലെ സ്ത്രീ​വി​രു​ദ്ധ​ത മ​റ​നീ​ക്കി പു​റ​ത്തു​വ​രു​ന്നു.

‘റോന്ത്​ ’എന്ന സിനിമയെക്കുറിച്ച്​ ആഴ്​ചപ്പതിപ്പ്​ പ്രസിദ്ധീകരിച്ച​ ലേഖനം

ന​വ​കാ​ല മ​ല​യാ​ള സി​നി​മ​യി​ൽ ദ​ലി​ത് പ്രാ​തി​നി​ധ്യ​ങ്ങ​ൾ​ക്ക് ധാ​രാ​ളം സ്ക്രീ​ൻ സ്പേ​സ് കി​ട്ടു​ന്നു​ണ്ട് എ​ന്ന അ​വ​കാ​ശ​വാ​ദം ഉ​ണ്ട്. കാ​മ​റ​ക്ക​ണ്ണി​ലൂ​ടെ​യു​ള്ള സ​വ​ർ​ണ നോ​ട്ട​ത്തി​ന്റെ സി​നി​മാ​റ്റി​ക് ദൃ​ശ്യ​പ്പെ​ടു​ത്ത​ലു​ക​ളാ​ണ് അ​വ എ​ന്ന​താ​ണ് സ​ത്യം. അ​തു​കൊ​ണ്ടു​ത​ന്നെ തി​ര​ശ്ശീ​ല​യി​ൽ പ്രേ​ക്ഷ​ക​ർ കാ​ണു​ന്ന ജീ​വി​തം തെ​റ്റാ​യ ദ​ലി​ത് ലോ​ക​ത്തി​​ന്റെ പു​ക​പ്പ​ട​മാ​ണ്. ‘റോ​ന്തി’​ലെ ഇ​ര​ക​ളാ​ക്ക​പ്പെ​ട്ട, എ​ല്ലാ​ത്ത​രം പ്ര​തി​സ​ന്ധി​ക​ളി​ലൂ​ടെ​യും പോ​രാ​ടി ക​ട​ന്നു​വ​രു​ന്ന പ​ച്ച​മ​നു​ഷ്യ​രാ​യ ര​ണ്ടു പൊ​ലീ​സു​കാ​രു​ടെ ജീ​വി​തം കൂ​ടു​ത​ൽ ദു​സ്സ​ഹ​മാ​ണെ​ന്നും ര​ക്ഷ​പ്പെ​ടാ​ൻ ആ​വാ​ത്ത ഒ​രു കു​രു​ക്കി​ലേ​ക്ക് അ​ക​പ്പെ​ടു​ത്ത​പ്പെ​ട്ടെ​ന്നും വി​ശ്വാ​സ​യോ​ഗ്യ​മാ​യി പ്രേ​ക്ഷ​ക​രെ ബോ​ധ്യ​പ്പെ​ടു​ത്താ​ൻ ച​ല​ച്ചി​ത്ര​കാ​ര​ൻ സ​മീ​പ​ഭൂ​ത​കാ​ല​ത്തി​ൽ കേ​ര​ള​ത്തി​ൽ സം​ഭ​വി​ച്ച ഒ​രു ച​രി​ത്ര​സ​ന്ദ​ർ​ഭ​ത്തെ തു​ന്നി​ച്ചേ​ർ​ക്കു​ന്നു​ണ്ട്. 2018 മേ​യിൽ സം​ഭ​വി​ച്ച കെ​വി​ൻ പി. ​ജോ​സ​ഫ് എ​ന്ന യു​വാ​വി​ന്റെ ദു​ര​ഭി​മാ​ന കൊ​ല​പാ​ത​ക​മാ​ണ​ത്. സ​വ​ർ​ണ ക്രി​സ്ത്യാ​നി പെ​ൺ​കു​ട്ടി​യെ പ്ര​ണ​യി​ച്ച​തി​ന് ദ​ലി​ത് വി​ഭാ​ഗ​ത്തി​ൽ​നി​ന്നു​ള്ള പ​രി​വ​ർ​ത്ത​ന ക്രി​സ്ത്യാ​നി​യാ​യ യു​വാ​വി​നെ ത​ട്ടി​ക്കൊ​ണ്ടു​പോ​യി കൊ​ല​പ്പെ​ടു​ത്തി പു​ഴ​യി​ൽ ഉ​പേ​ക്ഷി​ച്ച സം​ഭ​വ​ം.

കെ​വി​നെ ഒ​ന്നും ചെ​യ്തി​ട്ടി​​െല്ല​ന്നും പെ​ൺ​കു​ട്ടി എ​വി​ടെ എ​ന്ന​റി​യാ​ൻ യു​വാ​വി​നെ ചോ​ദ്യം​ചെ​യ്തു വി​ട്ട​യ​ച്ച​പ്പോ​ൾ അ​യാ​ൾ പു​ഴ​യി​ൽ ചാ​ടി മ​രി​ച്ച​താ​െണ​ന്നും പെ​ൺ​കു​ട്ടി​യു​ടെ ബ​ന്ധു​ക്ക​ളാ​യ പ്ര​തി​ക​ൾ മൊ​ഴി ന​ൽ​കി. കെ​വി​ൻ പി. ​ജോ​സ​ഫി​നെ കാ​ണാ​താ​യ​തി​നു​ശേ​ഷം ത​ട്ടി​ക്കൊ​ണ്ടു പോ​യ​താ​യ പ​രാ​തി പ​രി​ഗ​ണി​ക്കാ​തെ പൊ​ലീ​സ് കെ​വി​ന്റെ കു​ടും​ബ​ത്തെ അ​വ​ഗ​ണി​ക്കു​ക​യും കേ​സ് ഒ​തു​ക്കി​ത്തീ​ർ​ക്കാ​നു​ള്ള ശ്ര​മം ന​ട​ത്തു​ക​യും​ചെ​യ്തു. അ​തി​ന്റെ ഭാ​ഗ​മാ​യി പ്ര​തി​ക​ളോ​ട് കൈ​ക്കൂ​ലി വാ​ങ്ങി​യ ഉ​ദ്യോ​ഗ​സ്ഥ​നെ കൈ​യോ​ടെ പി​ടി​കൂ​ടി. ര​ണ്ടു പൊ​ലീ​സു​കാ​ർ വ​കു​പ്പുത​ല ന​ട​പ​ടി​ക​ൾ നേ​രി​ട്ടു പി​രി​ച്ചു​വി​ട​ൽ അ​ട​ക്ക​മു​ള്ള ശി​ക്ഷ ന​ട​പ്പാ​ക്കു​ക​യും​ചെ​യ്തു. ഹൈ​കോ​ട​തി ആ​ദ്യ​മാ​യി വി​ധി പ​റ​ഞ്ഞ ജാ​തി ദു​ര​ഭി​മാ​ന കൊ​ല​പാ​ത​കം ആ​യി​രു​ന്നു ഇ​ത്. 2018ൽ ​പ​ത്തു പ്ര​തി​ക​ളും കു​റ്റ​ക്കാ​രാ​ണെ​ന്ന് അ​ർ​ഥ​ശ​ങ്ക​ക്കി​ട​യി​ല്ലാ​ത്ത​വി​ധം തെ​ളി​യി​ക്ക​പ്പെ​ടു​ക​യും ശി​ക്ഷി​ക്ക​പ്പെ​ടു​ക​യും​ചെ​യ്തു. ഈ ​സം​ഭ​വ​ത്തോ​ട് സ​മീ​പഛാ​യ തോ​ന്നു​ന്ന രം​ഗ​ങ്ങ​ൾ ‘റോ​ന്ത്’ എ​ന്ന സി​നി​മ​യി​ലു​ണ്ട്. എ​ന്നാ​ൽ, ദു​ര​ഭി​മാ​ന​ക്കൊ​ല​യി​ൽ ഏ​ർ​പ്പെ​ട്ട പ്ര​തി​ക​ൾ പൊ​ലീ​സി​ന് ന​ൽ​കി​യ മൊ​ഴി​യെ​യാ​ണ് ഷാ​ഹി ക​ബീ​ർ തി​ര​ക്ക​ഥ​യി​ൽ തെ​ല്ലും മാ​റ്റം വ​രു​ത്താ​തെ ഉ​പ​യോ​ഗി​ച്ചി​രി​ക്കു​ന്ന​ത്.

വീ​ട്ടി​ലെ പെ​ൺ​കു​ട്ടി​യെ ന​ഷ്ട​പ്പെ​ട്ട അവ​സ്ഥ​യി​ൽ, അ​വ​ളെ ര​ക്ഷി​ച്ചെ​ടു​ക്കാ​ൻ ആ​ങ്ങ​ള​മാ​ർ കാ​ണി​ക്കു​ന്ന അ​മി​താ​വേ​ശ​ം കാ​മു​ക​നാ​യി തെ​റ്റി​ദ്ധ​രി​ക്ക​പ്പെ​ട്ട ദ​ലി​ത് യു​വാ​വി​നെ ഭേ​ദ്യം​ചെ​യ്യു​ന്നതിലെത്തുന്നു. അ​യാ​ൾ നിരപരാധിയാണെന്ന് തി​രി​ച്ച​റി​യു​മ്പോ​ൾ പ​ശ്ചാ​ത്താ​പ​ത്തോ​ടെ വി​ട്ട​യ​ക്കുന്നു. ദ​ലി​ത് യു​വാ​വ് ഇ​റ​ങ്ങി ഓ​ടി പു​ഴ​യി​ൽ വീ​ണ് ​മ​രി​ക്കുന്നു. പെ​ൺ​കു​ട്ടി​യു​ടെ നി​ഷ്ക​ള​ങ്ക​രാ​യ വീ​ട്ടു​കാ​രെ​യും ദ​ലി​ത് യു​വാ​ക്ക​ളെ​യും ഇ​ല​ക്കും മുള്ളി​നും കേ​ടി​ല്ലാ​തെ പ്ര​ശ്നം പ​രി​ഹ​രി​ച്ചു വി​ട്ട​യ​ക്കാ​ൻ മാ​നു​ഷി​ക​മാ​യി ഇ​ട​പെ​ട്ട പൊ​ലീ​സു​കാ​ർ ഇ​ര​യാ​ക്ക​പ്പെ​ടു​ക​യും​ചെ​യ്തു എ​ന്നാ​ണ് ​സി​നി​മ പ​റ​യു​ന്ന​ത്. പൊ​തു​സ​മൂ​ഹം ച​ർ​ച്ചചെ​യ്ത ജാ​തി കൊ​ല​പാ​ത​കം ന​ട​ന്നു എ​ന്ന് ഹൈ​കോ​ട​തി ക​ണ്ടെ​ത്തി​യ ഒ​രു കേ​സി​നെ ഇ​ത്ര​മാ​ത്രം അ​ലം​ഭാ​വ​ത്തോ​ടെ, പൊ​ലീ​സി​ന്റെ ദു​രി​ത​ങ്ങ​ൾ ചി​ത്രീ​ക​രി​ക്കു​ന്ന ഒ​രു സി​നി​മ​യി​ലേ​ക്ക് ഉ​പ​യോ​ഗി​ക്കു​മ്പോ​ൾ കേ​ര​ള​സ​മൂ​ഹ​ത്തി​​ന്റെ ഏ​തു ത​ട്ടി​ലെ ജ​ന​ങ്ങ​ളു​ടെ അ​ഭി​പ്രാ​യ രൂ​പ​വ​ത്ക​ര​ണ​ത്തി​നാ​ണ് ച​ല​ച്ചി​ത്ര​കാ​ര​ൻ ല​ക്ഷ്യ​മി​ടു​ന്ന​ത്! അ​രി​കു​വ​ത്കൃ​ത സ​മൂ​ഹം കൂ​ടു​ത​ൽ അ​വ​കാ​ശബോ​ധ​ത്തോ​ടെ രാ​ഷ്ട്രീ​യ​രം​ഗ​ത്തേ​ക്ക് ക​ട​ന്നുവ​രു​മ്പോ​ൾ ഒ​രു ജാ​തി കൊ​ല​പാ​ത​ക​ത്തെ ഇ​ത്ര​മേ​ൽ ല​ളി​ത​വ​ത്ക​രി​ക്കു​ന്ന​ത് എ​ന്തു​ത​രം അ​പ​ക​ട​മാ​ണ് തു​ട​ർ​ന്ന് സൃ​ഷ്ടി​ക്കു​ക എ​ന്ന്​ പ്ര​ത്യേ​കി​ച്ച് ചൂ​ണ്ടി​ക്കാ​ണി​ക്കേ​ണ്ട​തി​ല്ല​ല്ലോ.