സ്വ​ർ​ണ​മീ​നി​ന്റെ ചേ​ലൊ​ത്ത പാ​ട്ടു​ക​ൾ

ജനുവരി 15ന്​ വിടവാങ്ങിയ സംഗീതസംവിധായകൻ കെ.ജെ. ​േജായിയെ ഒാർമിക്കുന്നു. മലയാള സിനിമക്ക്​, സംഗീതാസ്വാദകർക്ക്​ എന്താണ്​ ജോയ് നൽകിയത്​?

പ​ഴ​യ കൂ​ട്ടു​കാ​ര​നെ ഒ​ന്ന് ഫോ​ണി​ൽ വി​ളി​ച്ചുത​രാ​മോ എ​ന്ന് ജോയിയുടെ ചോ​ദ്യം. ബി​ച്ചു തി​രു​മ​ല​യു​ടെ ന​മ്പ​ർ ഡ​യ​ൽ ചെ​യ്ത് മൊ​ബൈ​ൽ ഫോ​ണ്‍ കാ​തി​ൽ വെ​ച്ചു​കൊ​ടു​ത്ത​പ്പോ​ൾ ഹ​ലോ പോ​ലും പ​റ​യാ​തെ കി​ട​ന്ന കി​ട​പ്പി​ൽ ജോ​യ് പാ​ടി: ‘‘എ​ൻ സ്വ​രം പൂ​വി​ടും ഗാ​ന​മേ... ഈ ​വീ​ണ​യി​ൽ നീ ​അ​നു​പ​ല്ല​വി... ഓ​ർ​മ​യു​ണ്ടോ ബി​ച്ചൂ ഈ ​പാ​ട്ട്. വ​ർ​ഷ​ങ്ങ​ൾ​ക്കു മു​മ്പ് ന​മ്മ​ൾ ചെ​യ്ത​താ​ണ്. ഇ​നി​യും ഇ​ങ്ങ​ന​ത്തെ പാ​ട്ടു​ക​ൾ ചെ​യ്യ​ണം. ഒ​രു പ്ര​ണ​യ​ഗാ​ന​ത്തി​ന്റെ ആ​ശ​യ​വും ട്യൂ​ണും ഇ​പ്പോ​ൾ എ​ന്റെ ഉ​ള്ളി​ലു​ണ്ട്. വ​രി​ക​ൾ മാ​ത്ര​മേ വേ​ണ്ടൂ ഇ​നി. ബി​ച്ചു വി​ചാ​രി​ച്ചാ​ൽ ന​ട​ക്കും. ഫോ​ണി​ലൂ​ടെ എ​ത്ര​യോ പാ​ട്ടി​ന്റെ വ​രി​ക​ൾ ബി​ച്ചു എ​നി​ക്ക് മൂ​ളി​ത്ത​ന്നി​ട്ടി​ല്ലേ? ഇ​തും അ​ങ്ങ​നെ മ​തി...’’

ഫോ​ണി​ന്റെ മ​റു​ത​ല​ക്ക​ൽ നി​മി​ഷ​നേ​ര​ത്തെ മൗ​നം. പ​ഴ​യ കൂ​ട്ടു​കാ​ര​ന്റെ ശ​ബ്ദം ബി​ച്ചു​വി​നെ വി​കാ​രാ​ധീ​ന​നാ​ക്കി​യ​ത് സ്വാ​ഭാ​വി​കം. മൗ​ന​ത്തി​നൊ​ടു​വി​ൽ അ​ത്ഭു​ത​വും ആ​ഹ്ലാ​ദ​വും ക​ല​ർ​ന്ന വാ​ക്കു​ക​ളി​ൽ ബി​ച്ചു പ​റ​ഞ്ഞു: ‘‘ജോ​യ് വ​ള​രെ വ​ള​രെ നോ​ർ​മ​ലാ​ണെ​ന്ന് ഇ​പ്പൊ എ​നി​ക്ക് ബോ​ധ്യ​മാ​യി. ഈ​ശ്വ​ര​ന് ന​ന്ദി ... പ​ഴ​യ ജോയി​യെ തി​രി​ച്ചു കി​ട്ടി​യപോ​ലെ...’’

വ​ള​രെ പ്ര​യാ​സ​പ്പെ​ട്ട് ജോ​യ് ഒ​രു ഈ​ണം മൂ​ളു​ന്നു. ഏ​റെ​ക്കാ​ല​മാ​യി മ​ന​സ്സി​ൽ കൊ​ണ്ടു​ന​ട​ന്ന ഒ​രീ​ണം. പ​ക്ഷാ​ഘാ​ത​മേ​ൽ​പ്പി​ച്ച ത​ള​ർ​ച്ച​യാ​ൽ ഇ​ട​ക്കി​ടെ മു​റി​യു​ന്നു​ണ്ടാ​യി​രു​ന്നു ശ​ബ്ദം. മ​ന​സ്സി​ലു​ദ്ദേ​ശി​ച്ച അ​നാ​യാ​സ​ത​യോ​ടെ ഈ​ണം പു​റ​ത്തു വ​രാ​തി​രു​ന്ന​പ്പോ​ൾ ജോയിയു​ടെ ക​ണ്ണു​ക​ൾ ന​ന​യു​ന്നു. എ​ങ്കി​ലും ട്യൂ​ണി​നൊ​ത്ത വ​രി മൂ​ളി​ക്കൊ​ടു​ക്കാ​ൻ ശ്ര​മി​ക്കു​ന്നു​ണ്ടാ​യി​രു​ന്നു ബി​ച്ചു. വ​ർ​ഷ​ങ്ങ​ൾ​ക്ക് ശേ​ഷ​മു​ള്ള ആ ​പു​നഃ​സ​മാ​ഗ​മം വി​കാ​ര​വാ​യ്പോ​ടെ കേ​ട്ടു​നി​ന്നു ഞ​ങ്ങ​ൾ. ജോയിയേ​ട്ട​നു​മാ​യു​ള്ള അ​വ​സാ​ന കൂ​ടി​ക്കാ​ഴ്ച​യി​ലെ വി​കാ​ര​നി​ർ​ഭ​ര​മാ​യ മു​ഹൂ​ർ​ത്തം.

1970ക​ളി​ലെ കാ​മ്പ​സു​ക​ളു​ടെ ഹ​ര​മാ​യി​രു​ന്ന ബി​ച്ചു തി​രു​മ​ല -കെ.ജെ. ജോ​യ് ടീ​മി​ന്റെ ഗാ​ന​ങ്ങ​ൾ ഒ​ന്നൊ​ന്നാ​യി മ​ന​സ്സി​ലേ​ക്ക് ഇ​ര​മ്പി​ക്ക​യ​റി​യെ​ത്തു​ന്നു: ‘‘എ​ൻ സ്വ​രം പൂ​വി​ടും’’, ‘‘സ്വ​ർ​ണ​മീ​നി​ന്റെ’’, ‘‘കു​ങ്കു​മ സ​ന്ധ്യ​ക​ളോ’’, ‘‘കു​റു​മൊ​ഴീ കൂ​ന്ത​ലി​ൽ’’, ‘‘മി​ഴി​യി​ലെ​ന്നും നീ ​ചൂ​ടും’’, ‘‘ത​ത്ത​പ്പെ​ണ്ണേ ത​ഞ്ച​ത്തി​ൽ വാ’’, ​‘‘എ​വി​ടെ​യോ ക​ള​ഞ്ഞുപോ​യ കൗ​മാ​രം’’, ‘‘ല​ളി​താ സ​ഹ​സ്ര നാ​മ​ജ​പ​ങ്ങ​ൾ’’, ‘‘താ​ളം താ​ള​ത്തി​ൽ താ​ള​മി​ടും...’’, ‘​ആ​രാ​ധ​ന’​യി​ലെ ‘‘ആ​രാ​രോ ആ​രി​രാ​രോ അ​ച്ഛ​ന്റെ മോ​ൾ ആ​രാ​രോ’’ എ​ന്ന താ​രാ​ട്ടി​ൽനി​ന്ന് തു​ട​ങ്ങി​യ ജൈ​ത്ര​യാ​ത്ര. ബി​ച്ചു തി​രു​മ​ല​യു​ടെ വി​യോ​ഗ​വാ​ർ​ത്ത അ​റി​യി​ക്കാ​ൻ ജോയിയേ​ട്ട​നെ വി​ളി​ച്ച​ത് ഓ​ർ​മ​യു​ണ്ട്. ഫോ​ണി​ന്റെ മ​റു​ത​ല​ക്ക​ൽ പ​ട​ർ​ന്ന ദീ​ർ​ഘ​മാ​യ മൗ​ന​വും.

‘‘എ​ക്കോ​ഡി​യ​ൻ ആ​ണ് എ​ന്റെ ജീ​വ​വാ​യു. സി​നി​മ​യും പാ​ട്ടു​മൊ​ക്കെ അ​ത് ക​ഴി​ഞ്ഞേ വ​രൂ’’, ജോ​യ് പ​റ​യും. ‘‘സി​നി​മാ​ പാ​ട്ടു​ണ്ടാ​ക്കു​ക അ​ത്ര പ്ര​യാ​സ​മു​ള്ള കാ​ര്യ​മ​ല്ല ഇ​ന്ന്. വി​വ​ര​മു​ള്ള ഒ​രു അ​സി​സ്റ്റ​ന്റ് ഉ​ണ്ടെ​ങ്കി​ൽ ആ​ർ​ക്കു​മാ​കാം അ​ത്. പ​ക്ഷേ എ​ക്കോ​ഡി​യ​നെ പോ​ലൊ​രു വാ​ദ്യോ​പ​ക​ര​ണ​ത്തെ ചൊ​ൽ​പ്പടി​ക്ക് നി​ർ​ത്ത​ണ​മെ​ങ്കി​ൽ ഏകാ​ഗ്ര​വും ക​ഠി​ന​വു​മാ​യ പ​രി​ശീ​ല​നം വേ​ണം. എ​ക്കോ​ഡി​യ​ൻ സ്വ​യം പ​ഠി​ച്ചെ​ടു​ത്ത​താ​ണ് ഞാ​ൻ. എ​ന്തു​കൊ​ണ്ടോ ആ ​ഉ​പ​ക​ര​ണ​ത്തോ​ട് ചെ​റു​പ്പ​ത്തി​ലേ ഒ​രു ആ​ക​ർ​ഷ​ണം തോ​ന്നി. പ​ക്ഷേ, പ​ഠി​പ്പി​ക്കാ​ൻ ആ​രും ഉ​ണ്ടാ​യി​രു​ന്നി​ല്ല. വാ​ട​ക​ക്കെ​ടു​ത്ത എ​ക്കോ​ഡി​യ​നി​ൽ ദി​വ​സം പ​തി​നാ​ലു മ​ണി​ക്കൂ​ർ ഏ​കാ​ഗ്ര​മാ​യി പ​രി​ശീ​ലി​ച്ചു. ആ ​ക​ഠി​നാ​​ധ്വാ​ന​മാ​ണ് ജോ​യ് എ​ന്ന മ്യു​സി​ഷ്യ​നെ വാ​ർ​ത്തെ​ടു​ത്ത​ത്...’’

തൃ​ശൂ​ർ നെ​ല്ലി​ക്കു​ന്നി​ലാ​ണ് ജ​ന​ന​മെ​ങ്കി​ലും ജോ​യ് വ​ള​ർ​ന്ന​ത്‌ ചെ​ന്നൈ​യി​ലാ​ണ്. ട്രാ​ൻ​സ്പോ​ർ​ട്ട് ബി​സി​ന​സി​ൽ സ​ജീ​വ​മാ​യി​രു​ന്നു അ​ച്ഛ​ൻ കു​ഞ്ഞാ​പ്പി ജോ​സ​ഫ്. പ​ക്ഷേ, പ​ണം സ​മ്പാ​ദി​ച്ചു കൂ​ട്ടു​ന്ന​തി​നേ​ക്കാ​ൾ ദാ​ന​ധ​ർ​മാ​ദിക​ളി​ലാ​യി​രു​ന്നു അ​ദ്ദേ​ഹ​ത്തി​നു താ​ൽ​പ​ര്യം. എ​ന്റെ കു​ട്ടി​ക്കാ​ല​ത്ത് അ​ഗ​തി​ക​ൾ നി​ര​നി​ര​യാ​യി വീ​ട്ടി​ൽ വ​ന്നു ഭ​ക്ഷ​ണം ക​ഴി​ച്ചു പോ​കു​ന്ന​തി​ന്റെ മ​ങ്ങി​യ ചി​ത്രം മ​ന​സ്സി​ലു​ണ്ട് -ജോ​യ് പ​റ​യു​ന്നു. സ്വാ​ഭാ​വി​ക​മാ​യും പി​താ​വി​ന്റെ വ​രു​മാ​നം കു​റ​ഞ്ഞു​വ​ന്നു. സി​നി​മ​യി​ൽ ജോ​യ് എ​ക്കോ​ഡി​യ​ൻ വാ​യി​ച്ചുതു​ട​ങ്ങു​ന്ന​ത് ആ ​കാ​ല​ത്താ​ണ്. ആ ​വ​ഴി ല​ഭി​ക്കു​ന്ന പ്ര​തി​ഫ​ലം വീ​ട്ടി​ലെ ചെ​ല​വു​ക​ൾ​ക്ക്‌ ഉ​പ​ക​രി​ക്കു​മ​ല്ലോ എ​ന്നൊ​രു ചി​ന്ത കൂ​ടി​യു​ണ്ടാ​യി​രു​ന്നു അ​തി​നു പി​ന്നി​ൽ.

കെ.​ജെ. ജോ​യ്, ഗാ​യ​ക​ൻ എ​റ​ണാ​കു​ളം ഗോ​പ​ൻ, ബി​ച്ചു തി​രു​മ​ല എ​ന്നി​വ​ർ ‘ശ​ക്തി’​യി​ലെ ‘‘മി​ഴി​യി​ലെ​ന്നും’’ എ​ന്ന പാ​ട്ടി​ന്റെ സൃ​ഷ്ടി​ക്കി​ട​യി​ൽ

തു​ട​ക്കം എം.എ​സ്.വിക്കൊ​പ്പം

1960ക​ളു​ടെ മ​ധ്യ​ത്തി​ൽ സി​നി​മ​യു​ടെ പി​ന്ന​ണി​യി​ൽ പ്ര​വ​ർ​ത്തി​ച്ചു​തു​ട​ങ്ങു​മ്പോ​ൾ പ്രാ​യം പ​തി​നെ​ട്ട്. എം.എ​സ്. വി​ശ്വ​നാ​ഥ​നാ​ണ് ജോയിയെ സി​നി​മ​യി​ൽ എ​ക്കോ​ഡി​യ​നി​സ്റ്റാ​യി അ​വ​ത​രി​പ്പി​ച്ച​ത്. ‘‘വെ​റു​മൊ​രു സം​ഗീ​ത​സം​വി​ധാ​യ​ക​നാ​യി​രു​ന്നി​ല്ല എം.എ​സ്.വി. ​ഒ​രു സ​ർ​വ​ക​ലാ​ശാ​ല ത​ന്നെ​യാ​യി​രു​ന്നു. ബ​ഹു​മു​ഖപ്ര​തി​ഭ എ​ന്നൊ​ക്കെ പ​റ​യാ​വു​ന്ന മ​നു​ഷ്യ​ൻ. സി​നി​മ​യി​ൽ എ​ന്റെ എ​ല്ലാ വ​ള​ർ​ച്ച​ക്കും ഞാ​ൻ അ​ദ്ദേ​ഹ​ത്തോ​ട് ക​ട​പ്പെ​ട്ടി​രി​ക്കു​ന്നു.’’ സി​നി​മ​യി​ൽ ചു​വ​ടു​റ​പ്പി​ക്കാ​ൻ തീ​രു​മാ​നി​ച്ച​തി​നു പി​ന്നി​ൽ ഒ​രു വാ​ശി​യു​ടെ ക​ഥ കൂ​ടി​യു​ണ്ട്. ‘പെ​ണ്‍ എ​ൻട്രാ​ൽ പെ​ണ്‍’ എ​ന്ന പ​ട​ത്തി​ൽ സു​ശീ​ലാ​മ്മ​യു​ടെ ‘‘തേ​ടി തേ​ടി കാ​ത്തി​രു​ന്തേ​ൻ’’ എ​ന്ന പാ​ട്ടി​ന്റെ പി​ന്ന​ണി​യി​ലാ​ണ് ആ​ദ്യം വാ​യി​ച്ച​ത്.

വ​ലി​യൊ​രു ആ​ഘോ​ഷ​മാ​ണ് എം.എ​സ്.വി ​സാ​റി​ന്റെ റെ​ക്കോ​​ഡിങ്. വാ​ട​ക​ക്കെ​ടു​ത്ത എ​ക്കോ​ഡി​യ​നു​മാ​യി ശാ​ര​ദ സ്റ്റു​ഡി​യോ​യി​ൽ ചെ​ന്ന​പ്പോ​ൾ പ​രി​ച​യ​സ​മ്പ​ന്ന​രാ​യ ഉ​പ​ക​ര​ണ സം​ഗീ​ത​ജ്ഞ​ർ നി​ര​ന്നി​രി​ക്കു​ന്നു അ​വി​ടെ. ഞാ​നാ​ണ് കൂ​ട്ട​ത്തി​ൽ പ​യ്യ​ൻ. വ​ള​രെ ബു​ദ്ധി​മു​ട്ടി അ​ന്ന്. നാ​ല​ര​ക്ക​ട്ട ശ്രു​തി​യി​ൽ വാ​യി​ക്കേ​ണ്ടി വ​ന്നു; നൊ​ട്ടേ​ഷ​ൻ നോ​ക്കി വാ​യി​ക്കാ​ൻ പ​ഠി​ച്ചി​ട്ടി​ല്ല; അ​തി​നൊ​ട്ട് താ​ൽ​പ​ര്യ​വു​മി​ല്ല. പ്ര​യാ​സ​പ്പെ​ട്ടു വാ​യി​ച്ചു​തീ​ർ​ത്ത് കാ​ശ് വാ​ങ്ങാ​ൻ ചെ​ന്നു നി​ന്ന​പ്പോ​ൾ കൂ​ടെ വാ​യി​ച്ച​വ​ർ​ക്ക് പ​രി​ഹാ​സം. ഒ​രു​ത്ത​നി​താ എ​ൽ -ബോ​ർ​ഡ് വെ​ച്ച് വാ​യി​ക്കാ​ൻ വ​ന്നി​രി​ക്കു​ന്നു എ​ന്ന് മു​റു​മു​റു​ത്തു അ​വ​ർ. അ​പ​മാ​ന​ത്തെ​ക്കാ​ൾ വാ​ശി​യാ​ണ് അ​പ്പോ​ൾ തോ​ന്നി​യ​ത്. എ​ന്നെ ഇ​വി​ടെ വ​രെ എ​ത്തി​ച്ച​തും ആ ​വാ​ശി ത​ന്നെ’’ -ജോ​യ് പ​റ​യു​ന്നു.

അ​ഞ്ഞൂ​റോ​ളം ചി​ത്ര​ങ്ങ​ളി​ൽ എം.എ​സ്.വി​യോ​ടൊ​പ്പം പ്ര​വ​ർ​ത്തി​ച്ചു ജോ​യ്. ഹി​ന്ദി​യി​ൽ ആ​ദ്യം വാ​യി​ച്ച​ത് ആ​ർ.ഡി. ​ബ​ർമ​ന് വേ​ണ്ടി​യാ​ണ് -തീ​സ് രി ​മ​ൻ​സി​ലി​ലെ ഗാ​ന​ങ്ങ​ളി​ൽ. പി​ന്നീ​ട​ങ്ങോ​ട്ട്‌ എ​ത്ര​യോ ​െല​ജ​ൻ​ഡു​ക​ൾ​ക്കൊ​പ്പം സ​ഹ​ക​രി​ക്കാ​ൻ ഭാ​ഗ്യ​മു​ണ്ടാ​യി -നൗ​ഷാ​ദ് , ശ​ങ്ക​ർ ജ​യ​കി​ഷ​ൻ, മ​ദ​ൻ​മോ​ഹ​ൻ, സ​ലി​ൽ ചൗ​ധ​രി, ര​വീ​ന്ദ്ര ജെ​യി​ൻ, ല​ക്ഷ്മി​കാ​ന്ത് പ്യാ​രേ​ലാ​ൽ, ബ​പ്പി ലാ​ഹി​രി എ​ന്നി​ങ്ങ​നെ. മ​ല​യാ​ള​ത്തി​ൽ ജോയിയു​ടെ എ​ക്കോ​ഡി​യ​ൻ പ്രാ​ഗ​ല്ഭ്യം ക​ട​മെ​ടു​ക്കാ​ത്ത ആ​രും ഉ​ണ്ടാ​യി​രു​ന്നി​ല്ല അ​ക്കാ​ല​ത്ത് -ബാ​ബു​രാ​ജ്, ദേ​വ​രാ​ജ​ൻ, രാ​ഘ​വ​ൻ, ദ​ക്ഷി​ണാ​മൂ​ർ​ത്തി, അ​ർ​ജു​ന​ൻ... ‘‘വാ​ൽ​ക്ക​ണ്ണെ​ഴു​തി വ​ന​പു​ഷ്പം ചൂ​ടി’’, ‘‘മ​ല്ലി​ക​പ്പൂ​വി​ൻ മ​ധു​ര​ഗ​ന്ധം’’ തു​ട​ങ്ങി​യ പാ​ട്ടു​ക​ൾ ഓ​ർ​ക്കു​ക.

അ​റു​പ​തു​ക​ളു​ടെ അ​വ​സാ​നം കീ​ബോ​ർ​ഡ് രം​ഗ​ത്തെ​ത്തി​യ​തോ​ടെ മ​ല​യാ​ള ഗാ​ന​ങ്ങ​ളു​ടെ രൂ​പ​ഭാ​വ​ങ്ങ​ൾ വീ​ണ്ടും മാ​റി. ‘‘ശ​ങ്ക​ർ ജ​യ​കി​ഷ​ന്റെ ഓ​ർ​ക്ക​സ്ട്ര​യി​ലെ ഒ​രു അം​ഗ​ത്തി​ന്റെ കൈയി​ൽനി​ന്ന് ഞാ​ൻ പ​ണം കൊ​ടു​ത്ത് വാ​ങ്ങി​യ യ​മ​ഹ വൈ​സി 30 ആ​ണ് തെ​ന്നി​ന്ത്യ​ൻ സി​നി​മ​യി​ലെ ആ​ദ്യ​കാ​ല കീ​ബോ​ർ​ഡു​ക​ളി​ൽ ഒ​ന്ന്. അ​ന്ന​തി​ന് ഇ​രു​പ​തി​നാ​യി​രം രൂ​പ കൊ​ടു​ത്തു. ആ​യി​ടെ വാ​ങ്ങി​യ കാ​ർ പ​ണ​യംവെ​ച്ച് സം​ഘ​ടി​പ്പി​ച്ച പ​ണ​മാ​യി​രു​ന്നു.’’

മ​ങ്കൊ​മ്പ് ഗോ​പാ​ല​കൃ​ഷ്ണ​ൻ, ഹ​രി​ഹ​ര​ൻ, ജോ​യ് തു​ട​ങ്ങി​യ​വ​ർ

1975ൽ ​പു​റ​ത്തുവ​ന്ന ‘ല​ൗ ലെ​റ്റ​ർ’ ആ​ണ് സം​ഗീ​തസം​വി​ധാ​യ​ക​ൻ എ​ന്ന നി​ല​യി​ൽ ജോയിയു​ടെ ആ​ദ്യ ചി​ത്രം. ‘‘സ​ത്യം പ​റ​ഞ്ഞാ​ൽ കമ്പോസ​റു​ടെ റോ​ൾ ഏ​റ്റെ​ടു​ക്കാ​ൻ താ​ൽപ​ര്യം ഉ​ണ്ടാ​യി​രു​ന്നി​ല്ല. എ​ക്കോ​ഡി​യ​ൻ വാ​യ​ന​യി​ൽനി​ന്ന് ത​ന്നെ ന​ല്ല വ​രു​മാ​നം ഉ​ണ്ടാ​യി​രു​ന്നു. പി​ന്നെ സ്വ​ന്ത​മാ​യി സ്റ്റു​ഡി​യോ​യും തു​ട​ങ്ങി. പ​ക്ഷേ, പ​ട​ത്തി​ന്റെ നി​ർ​മാ​താ​വും സം​വി​ധാ​യ​ക​നു​മാ​യ ഡോ. ​ബാ​ല​കൃ​ഷ്ണ​ൻ നി​ർ​ബ​ന്ധി​ച്ച​പ്പോ​ൾ മ​റു​ത്തു പ​റ​യാ​നായി​ല്ല.’’ വി​ൻ​സ​ന്റും സു​ധീ​റും വി​ധു​ബാ​ല​യും അ​ഭി​ന​യി​ച്ച ആ ​ചി​ത്ര​ത്തി​ൽ പു​തി​യൊ​രു ഗാ​ന​ര​ച​യി​താ​വി​നെ കൂ​ടി ഡോ. ​ബാ​ല​കൃ​ഷ്ണ​ൻ അ​വ​ത​രി​പ്പി​ച്ചു -സ​ത്യ​ൻ അ​ന്തി​ക്കാ​ട്. സ​ത്യ​ൻ എ​ഴു​തി​യ ആ​ദ്യ ഗാ​നം -‘‘സ്വ​ർ​ണ​മാ​ല​ക​ൾ വി​ണ്ണി​ൽ​ വി​ത​റി’’- ത​ന്നെ​യാ​ണ് ജോയിയുടെ ആ​ദ്യ ഗാ​ന​വും.

പി​ന്നീ​ട് എ​ണ്ണ​മ​റ്റ ഹി​റ്റ് ഗാ​ന​ങ്ങ​ൾ. ‘‘ക​സ്തൂ​രി​മാ​ൻ മി​ഴി’’, ‘‘അ​ക്ക​രെ​യി​ക്ക​രെ നി​ന്നാ​ൽ എ​ങ്ങ​നെ’’, ‘‘എ​ൻ സ്വ​രം പൂ​വി​ടും’’, ‘‘ഹൃ​ദ​യം മ​റ​ന്നൂ നാ​ണ​യ​ത്തു​ട്ടി​ന്റെ’’, ‘‘രാ​ജ​മ​ല്ലി​പ്പൂ വി​രി​ഞ്ഞൂ’’, ‘‘ആ​യി​രം മാ​ത​ള​പ്പൂ​ക്ക​ൾ’’, ‘‘കാ​മു​കി​മാ​രെ ക​ന്യ​ക​മാ​രെ’’, ‘‘സ്വ​ർ​ണ​മീ​നി​ന്റെ’’, ‘‘മ​ണി​യാ​ൻ ചെ​ട്ടി​ക്കു’’, ‘‘പ​രി​പ്പു​വ​ട പ​ക്ക​വ​ട’’, ‘‘മ​റ​ഞ്ഞി​രു​ന്നാ​ലും’’, ‘‘ഈ ​ജീ​വി​ത​മൊ​രു പാ​രാ​വാ​രം’’, ‘‘കാ​ലി​ത്തൊ​ഴു​ത്തി​ൽ പി​റ​ന്ന​വ​നെ’’, ‘‘ല​ളി​താ സ​ഹ​സ്ര നാ​മ​ജ​പ​ങ്ങ​ൾ’’, ‘‘എ​വി​ടെ​യോ ക​ള​ഞ്ഞുപോ​യ കൗ​മാ​രം’’... യേ​ശു​ദാ​സും ജ​യ​ച​ന്ദ്ര​നും ക​ത്തി​നി​ന്ന കാ​ല​ത്ത് വ്യ​ത്യ​സ്ത​മാ​യ ശ​ബ്ദ​ങ്ങ​ളെ സി​നി​മ​യി​ൽ പ​രീ​ക്ഷി​ക്കാ​നും മ​ടി​ച്ചി​ല്ല ജോ​യ്. ആ ​പാ​ട്ടു​ക​ൾ, അ​വ പാ​ടി​യ ഗാ​യ​ക​ർ​ക്ക്‌ സം​ഗീ​തജീ​വി​ത​ത്തി​ൽ വ​ഴി​ത്തി​രി​വാ​കു​ക​യും ചെ​യ്തു. ‘സ്നേ​ഹ​യ​മു​ന’ എ​ന്ന ചി​ത്ര​ത്തി​ലെ ‘‘നീ​ല​യ​മു​നേ സ്നേ​ഹ​യ​മു​നേ’’ (കെ.സി. വ​ർ​ഗീ​സ്‌), ‘മു​ക്കു​വ​നെ സ്നേ​ഹി​ച്ച ഭൂ​ത​’ത്തി​ലെ ‘‘ആ​ഴി​ത്തി​ര​മാ​ല​ക​ൾ’’ (ഇ​ട​വാ ബ​ഷീ​ർ, വാ​ണി ജ​യ​റാം), ‘ശ​ക്തി’​യി​ലെ ‘‘മി​ഴി​യി​ലെ​ന്നും നീ ​ചൂ​ടും നാ​ണം’’ (ഗോ​പ​ൻ, ജാ​ന​കി) എ​ന്നീ ഗാ​ന​ങ്ങ​ൾ ഓ​ർ​ക്കു​ക.

ജേ​സി, ഡോ. ​ബാ​ല​കൃ​ഷ്ണ​ൻ എ​ന്നി​വ​രു​ടെ കൂ​ടെ കെ.ജെ. ജോയ്​

അ​പ​ശ്രു​തി​ക​ളു​ടെ വ​ര​വ്

ശ്രു​തി​ഭം​ഗ​ങ്ങ​ൾ ജോയിയുടെ ജീ​വി​ത​ത്തെ വേ​ട്ട​യാ​ടി​ത്തു​ട​ങ്ങു​ന്ന​ത് മ​ലേ​ഷ്യ​യി​ൽ ​െവ​ച്ചാ​ണ്. അ​വി​ടെ ഒ​രു സു​ഹൃ​ത്തി​ന്റെ വീ​ട്ടി​ൽ പാ​ർ​ട്ടി​യി​ൽ പ​ങ്കെ​ടു​ക്കാ​ൻ ചെ​ന്ന​താ​യി​രു​ന്നു. വി​രു​ന്നി​ന്റെ ഏ​തോ ഘ​ട്ട​ത്തി​ൽ ശ​ബ്ദ​ഘോ​ഷ​ങ്ങ​ൾ പെ​ട്ടെ​ന്ന് നി​ല​ച്ചപോ​ലെ ഒ​രു തോ​ന്ന​ൽ; ക​ണ്ണി​ൽ ഇ​രു​ട്ട് ക​യ​റി​യപോ​ലെ​യും. പ​ക്ഷാ​ഘാ​ത​മാ​യി​രു​ന്നു അ​തെ​ന്ന​റി​ഞ്ഞ​ത് ആ​ശു​പ​ത്രി​ക്കി​ട​ക്ക​യി​ൽ ​െവ​ച്ച് ഓ​ർമ വീ​ണ്ടെ​ടു​ത്ത​പ്പോ​ഴാ​ണ്. വി​വ​ര​മ​റി​ഞ്ഞ്‌ പി​റ്റേ​ന്ന് ത​ന്നെ മൂ​ത്തമ​ക​ൻ അ​ശോ​ക്‌ ചെ​ന്നൈ​യി​ൽനി​ന്ന് പ​റ​ന്നെ​ത്തി -അ​ച്ഛ​നെ നാ​ട്ടി​ലേ​ക്ക് കൊ​ണ്ടു​പോ​കാ​ൻ.

ജീ​വി​ത​ത്തി​ലെ ഏ​റ്റ​വും ക​ടു​ത്ത പ​രീ​ക്ഷ​ണഘ​ട്ട​മാ​യി​രു​ന്നു പി​ന്നെ. ശ​രീ​ര​ത്തി​ന്റെ വി​വ​ശ​ത ഒ​രുവ​ശ​ത്ത്‌; മ​ന​സ്സി​ന്റെ ത​ള​ർ​ച്ച മ​റു​വ​ശ​ത്ത്; ഓ​ർ​മ ന​ഷ്ട​പ്പെ​ട്ടി​ല്ല എ​ന്ന​താ​യി​രു​ന്നു ഏ​റ്റ​വും വ​ലി​യ ആ​ശ്വാ​സം. നാ​ലു വ​ർ​ഷ​ത്തെ വി​ദ​ഗ്‌​ധ ചി​കി​ത്സ​ക്കും ഫി​സി​യോ​തെ​റ​പ്പി​ക്കും ഒ​ടു​വി​ൽ ആ​ത്മ​വി​ശ്വാ​സം വീ​ണ്ടെ​ടു​ത്ത് സാ​ഹ​ച​ര്യ​ങ്ങ​ളോ​ട് മെ​ല്ലെ പൊ​രു​ത്ത​പ്പെ​ട്ടു വ​രു​മ്പോ​ൾ, അ​താ വ​രു​ന്നു തെ​ല്ലും നി​ന​ച്ചി​രി​ക്കാ​തെ മ​റ്റൊ​രു ആ​ഘാ​തം; ഇ​ത്ത​വ​ണ ര​ക്ത​ധ​മ​നി​ക​ളെ ബാ​ധി​ക്കു​ന്ന ഒ​രു അ​പൂ​ർ​വ രോ​ഗ​ത്തി​ന്റെ രൂ​പ​ത്തി​ൽ. ഇ​ട​തു​കാ​ലി​ലേ​ക്കു​ള്ള ര​ക്ത​പ്ര​വാ​ഹം പൂ​ർ​ണ​മാ​യി നി​ല​ച്ച​തോ​ടെ ആ ​കാ​ൽ പ​കു​തി​ക്കുവെ​ച്ച് മു​റി​ച്ചുമാ​റ്റു​ക​യ​ല്ലാ​തെ വേ​റെ വ​ഴി​യി​ല്ലാ​യി​രു​ന്നു ഡോ​ക്ട​ർ​മാ​ർ​ക്ക്. ‘‘ഇ​ത്ര​യും വേ​ദ​ന​ക​ൾ അ​നു​ഭ​വി​ച്ചി​ട്ടും ഡാ​ഡി മാ​ന​സി​ക​മാ​യി ത​ക​ർ​ന്നി​ല്ല എ​ന്ന​താ​ണ് ഏ​റ്റ​വും വ​ലി​യ ആ​ശ്വാ​സം. സം​ഗീ​ത​മാ​ണ് അ​ദ്ദേ​ഹ​ത്തി​ന് ശ​ക്തി പ​ക​രു​ന്ന​തെ​ന്ന് തോ​ന്നി​യി​ട്ടു​ണ്ട് ’’ -മ​ക​ൾ പ​റ​ഞ്ഞു.

എ​ല്ലാ വേ​ദ​ന​യും മ​റ​യ്ക്കാ​ൻ പോ​ന്ന ഒ​രു ചി​രി​യി​ലൂ​ടെ മ​ക​ളു​ടെ വാ​ക്കു​ക​ൾ ശ​രി​യെ​ന്ന് സാ​ക്ഷ്യ​പ്പെ​ടു​ത്തു​ന്നു ജോ​യ്. ‘‘എ​ന്റെ ഈ ​കി​ട​പ്പ് കാ​ണു​മ്പോ​ൾ നി​ങ്ങ​ൾ​ക്ക് സ​ങ്ക​ടം തോ​ന്നു​ന്നു​ണ്ടാ​കും അ​ല്ലേ? പ​ക്ഷേ, എ​നി​ക്ക് ദു​ഃഖ​മൊ​ന്നും ഇ​ല്ല. ഒ​രു ആ​യു​ഷ്കാ​ലംകൊ​ണ്ട് ചെ​യ്യാ​വു​ന്ന​തൊ​ക്കെ ചെ​യ്തി​ട്ടു​ണ്ട് ഞാ​ൻ. എ​ത്ര​യോ സി​നി​മ​ക​ൾ​ക്ക്‌ എ​ക്കോ​ഡി​യ​ൻ വാ​യി​ച്ചു; എ​ത്ര​യോ ഹി​റ്റ്‌ ഗാ​ന​ങ്ങ​ൾ ചി​ട്ട​പ്പെ​ടു​ത്തി. ജീ​വി​തം പ​ര​മാ​വ​ധി ആ​സ്വ​ദി​ച്ചു. മ​ക്ക​ളെ​ല്ലാം ന​ല്ലനി​ല​യി​ൽ ജീ​വി​ക്കു​ന്നു. ആ​രു​ടെ​യും മു​ന്നി​ൽ ത​ല കു​നി​ക്കാ​തെ നേ​ടി​യ സ​മ്പാ​ദ്യ​ങ്ങ​ളാ​ണ് ഇ​തെ​ല്ലാം. പോ​രേ ഒ​രു പു​രു​ഷാ​യു​സ്സ് അ​ർ​ഥ​പൂ​ർ​ണ​മാ​കാ​ൻ?’’ -ഉ​റ​ച്ച ശ​ബ്ദ​ത്തി​ൽ ജോയിയുടെ ചോ​ദ്യം. ‘‘കു​റ​ച്ചാ​ഗ്ര​ഹ​ങ്ങ​ളേ ഇ​നി ബാ​ക്കി​യു​ള്ളൂ.

ര​വി​മേ​നോ​നൊപ്പം 

മ​ന​സ്സ് നി​റ​യെ ട്യൂ​ണു​ക​ൾ ഉ​ണ്ട് ഇ​പ്പോ​ഴും. ഇ​വി​ടെ കി​ട​ക്കു​മ്പോ​ഴും എ​ന്റെ മ​ന​സ്സ് അ​വ മൂ​ളി​ക്കൊ​ണ്ടേ​യി​രി​ക്കു​ന്നു. പ​റ്റി​യ വ​രി​ക​ൾ കി​ട്ട​ണം ഇ​നി. ആ​രു​ടെയും സ​ഹാ​യ​മി​ല്ലാ​തെ ഞാ​ൻ അ​വ റെ​ക്കോ​ഡ്‌ ചെ​യ്യും. പ​ണ്ടും എ​നി​ക്ക് സ​ഹാ​യി​ക​ൾ ഉ​ണ്ടാ​യി​രു​ന്നി​ല്ല. എ​ല്ലാം സ്വ​ന്ത​മാ​യി ചെ​യ്ത​താ​ണ്. ക​മ്പോ​സിങ്ങും ഓ​ർ​ക്ക​സ്ട്രേ​ഷ​നും റെ​ക്കോ​ഡിങ്ങും എ​ല്ലാം...’’

പ്രി​യ​പ്പെ​ട്ട പ്ര​ണ​യി​നി​യെ​പ്പോ​ലെ കീ​ബോ​ർ​ഡി​നെ എ​ന്നും കൂ​ടെ കൊ​ണ്ടു​ന​ട​ന്നു ജോയ്; ഹൃ​ദ​യ​ത്തോ​ട് ചേ​ർ​ത്തു​വെ​ച്ചു. കാ​റു​ക​ളാ​യി​രു​ന്നു മ​റ്റൊ​രു ദൗ​ർ​ബ​ല്യം. ചെ​ന്നൈ സാ​ന്തോം ഹൈ​റോ​ഡി​ലെ കൊ​ട്ടാ​ര​സ​ദൃ​ശ​മാ​യ ക​ൽപ​നാ ഹൗ​സി​ന്റെ മു​ന്നി​ൽ പാ​ർ​ക്ക് ചെ​യ്തി​രു​ന്ന ജോയിയുടെ പു​ത്ത​ൻ ബെ​ൻ​സ് ജ​നം സാ​കൂ​തം നോ​ക്കി​നി​ന്നി​രു​ന്ന കാ​ല​മു​ണ്ടാ​യി​രു​ന്നു. ‘‘ഒ​രു കാ​ല​ത്ത് കാ​റു​ക​ളോ​ടാ​യി​രു​ന്നു എ​നി​ക്ക് ക​മ്പം’’ -ജോ​യ് പ​റ​ഞ്ഞു. ‘‘ഭം​ഗി​യും വേ​ഗ​ത​യുമു​ള്ള കാ​റു​ക​ൾ. ആ​ദ്യം സ്വ​ന്ത​മാ​ക്കി​യ​ത് ഫി​യ​റ്റ് ആ​ണ്. പി​ന്നെ അ​ത് കൊ​ടു​ത്ത് പ്ലി​മ​ത്ത് വാ​ങ്ങി. അ​ത് ക​ഴി​ഞ്ഞു ബെ​ൻ​സ്. ഏ​റ്റ​വും പു​തി​യ ബ്രാ​ൻ​ഡേ വാ​ങ്ങൂ. ഡ്രൈ​വിങ് ഒ​രു ഹ​ര​മാ​യി​രു​ന്നു അ​ന്ന്. ഗോ​വ​യി​ലേ​ക്ക് സ്വ​യം കാ​ർ ഓ​ടി​ച്ചുപോ​യി​ട്ടു​ണ്ട്. അ​തൊ​രു കാ​ലം.’’

‘‘കു​റ​ച്ച് ആ​ഗ്ര​ഹ​ങ്ങ​ളേ ഇ​നി ബാ​ക്കി​യു​ള്ളൂ’’ -മു​ക​ളി​ൽ വി​ശ്ര​മ​മി​ല്ലാ​തെ ക​റ​ങ്ങി​ക്കൊ​ണ്ടി​രു​ന്ന ഫാ​നി​ൽ ക​ണ്ണു​ന​ട്ട് ജോ​യ് പ​റ​യു​ന്നു. ‘‘മ​ന​സ്സ് നി​റ​യെ ട്യൂ​ണു​ക​ളാ​ണ്. മോ​ക്ഷം കി​ട്ടാ​ത്ത ട്യൂ​ണു​ക​ൾ. ഇ​വി​ടെ കി​ട​ക്കു​മ്പോ​ഴും എ​ന്റെ മ​ന​സ്സ് അ​വ മൂ​ളി​ക്കൊ​ണ്ടേ​യി​രി​ക്കു​ന്നു. ഇ​നി അ​വ​ക്ക് പ​റ്റി​യ വ​രി​ക​ൾ വേ​ണം. ആ​രു​ടേ​യും സ​ഹാ​യ​മി​ല്ലാ​തെ ഞാ​ൻ അ​വ റെ​ക്കോ​ഡ്‌ ചെ​യ്യും. പ​ണ്ടും എ​നി​ക്ക് സ​ഹാ​യി​ക​ൾ ഉ​ണ്ടാ​യി​രു​ന്നി​ല്ല. എ​ല്ലാം സ്വ​ന്ത​മാ​യി ചെ​യ്ത​താ​ണ്. ക​മ്പോ​സിങ്ങും ഓ​ർ​ക്ക​സ്ട്രേ​ഷ​നും റെ​ക്കോ​ഡിങ്ങും എ​ല്ലാം...’’

ജോയിയുടെ എ​ക്കോ​ഡി​യ​ൻ വാ​ദ​നം ആ​ൽ​ബ​മാ​ക്കി പു​റ​ത്തി​റ​ക്കി​യ ടി​പ്സ് ഓ​ഡി​യോ​സ് ആ ​സ​മാ​ഹാ​ര​ത്തി​നു ന​ൽകി​യ പേ​രാ​ണ് ഓ​ർ​മ​വ​ന്ന​ത് -മാ​ജി​ക്ക​ൽ ഫിം​ഗേ​ഴ്സ്. ഹൃ​ദ​യ​ത്തി​ൽ സൂ​ക്ഷി​ക്കാ​ൻ ഒ​രുപി​ടി ന​ല്ല ഗാ​ന​ങ്ങ​ൾ മ​ല​യാ​ളി​ക​ൾ​ക്ക് കൊ​രു​ത്തെ​ടു​ത്തു ത​ന്ന ആ ​മാ​ന്ത്രി​കവി​ര​ലു​ക​ൾ ഇ​നി ച​രി​ത്ര​ത്തി​ന്റെ ഭാ​ഗം.