ആ രാ​ജി​ക്ക​ത്ത് നാ​ട​കീ​യ നീ​ക്കം

മണിപ്പൂരിലെ പ്രശസ്​ത ആക്ടിവിസ്​റ്റും എഴുത്തുകാരിയുമാണ്​ സാ​ന്ത ഖു​റൈ. വടക്കു കിഴക്കിൽ ട്രാ​ൻ​സ്ജെ​ൻ​ഡ​ർ സ​മൂ​ഹ​ത്തി​ന് ദൃ​ശ്യ​ത ന​ൽ​കു​ന്ന​തി​ൽ മുന്നിൽനിന്ന്​ പ്രവർത്തിച്ച അവർ മണിപ്പൂരിലെ അവസ്ഥകളെക്കുറിച്ചും ട്രാൻസ്​ജെൻഡർ സമൂഹത്തെപ്പറ്റിയും തന്നെപ്പറ്റിയും സംസാരിക്കുന്നു.

വ​ട​ക്കു കി​ഴ​ക്ക​ൻ സം​സ്ഥാ​ന​ങ്ങ​ളി​ൽ ട്രാ​ൻ​സ്ജെ​ൻ​ഡ​ർ സ​മൂ​ഹ​ത്തി​ന് ദൃ​ശ്യ​ത ന​ൽ​കു​ന്ന​തി​ൽ പ്ര​ധാ​ന പ​ങ്കു​വ​ഹി​ച്ച ട്രാ​ൻ​സ്ജെ​ൻ​ഡ​ർ ആ​ക്ടി​വി​സ്റ്റും എ​ഴു​ത്തു​കാ​രി​യു​മാ​ണ് സാ​ന്ത ഖു​റൈ. മ​ണി​പ്പൂ​രി​ൽ ആ​ദ്യ​മാ​യി ഒ​രു ട്രാ​ൻ​സ്ജെ​ൻ​ഡ​ർ ബ്യൂ​ട്ടി സ​ലൂ​ൺ തു​ട​ങ്ങി​യ വ്യ​ക്തി സാ​ന്ത​യാ​ണ്. ഓൾ മ​ണി​പ്പൂ​ർ നൂ​പി മാ​ൻ​ബി അ​സോ​സി​യേ​ഷ​ൻ (അ​മാ​ന) സെ​ക്ര​ട്ട​റി​യാ​യ സാ​ന്ത ‘ദി ​യെ​ലോ സ്പാ​രോ’ എ​ന്ന പ്ര​ശ​സ്ത​മാ​യ പു​സ്ത​ക​ത്തി​​ന്റെ ര​ച​യി​താ​വാ​ണ്. മെ​​യ്തേ​​യി വംശജയാണ് സാന്ത ഖുറൈ.

മ​ണി​പ്പൂ​ർ സം​സ്ഥാ​ന വ​നി​ത ക​മീഷ​ന്റെ നേ​തൃ​ത്വ​ത്തി​ൽ ട്രാ​ൻ​സ് സ്ത്രീ​ക​ളോ​ടു​ള്ള ഘ​ട​നാ​പ​ര​വും സ്ഥാ​പ​ന​പ​ര​വു​മാ​യ വി​വേ​ച​നം ഇ​ല്ലാ​താ​ക്കാ​നും മ​ണി​പ്പൂ​രി​ലെ ജു​ഡീ​ഷ്യ​ൽ, നി​യ​മ നി​ർ​വഹ​ണ സം​വി​ധാ​ന​ങ്ങ​ൾ ആ​ക്‌​സ​സ് ചെ​യ്യാ​നും മ​ണി​പ്പൂ​രി​ലെ ആ​ദ്യ​ത്തെ ട്രാ​ൻ​സ്‌​ജെ​ൻ​ഡ​ർ വി​മ​ൻ​സ് ഗ്രീ​വ​ൻ​സ് സെ​ൽ സ്ഥാ​പി​ക്കു​ന്ന​തി​ലും സാ​ന്ത ഖു​റൈ പ്ര​ധാ​ന പ​ങ്കുവ​ഹി​ച്ചി​ട്ടു​ണ്ട്.​ നാ​ഷ​നൽ ട്രാ​ൻ​സ്‌​ഫ്യൂ​ഷ​ൻ കൗ​ൺ​സി​ലും ആ​രോ​ഗ്യ കു​ടും​ബ​ക്ഷേ​മ മ​ന്ത്രാ​ല​യ​ത്തി​ന് കീ​ഴി​ലു​ള്ള നാ​ഷ​നൽ എ​യ്ഡ്‌​സ് ക​ൺ​ട്രോ​ൾ ഓ​ർ​ഗ​നൈ​സേ​ഷ​നും പു​റ​പ്പെ​ടു​വി​ച്ച 2017ലെ ​ര​ക്ത​ദാ​താ​ക്ക​ളു​ടെ തി​ര​ഞ്ഞെ​ടു​പ്പി​നെ​യും ര​ക്ത​ദാ​താ​ക്ക​ളു​ടെ റ​ഫ​റ​ലി​നെ​യും സം​ബ​ന്ധി​ച്ച മാ​ർ​ഗ​നി​ർ​ദേ​ശ​ങ്ങ​ളു​ടെ 12, 51 വ​കു​പ്പു​ക​ളു​ടെ ഭ​ര​ണ​ഘ​ട​നാ സാ​ധു​ത​യെ ചോ​ദ്യംചെ​യ്തു​കൊ​ണ്ട് അ​വ​ർ സു​പ്രീംകോ​ട​തി​യി​ൽ ഒ​രു പൊ​തു​ താ​ൽ​പ​ര്യ ഹ​ര​ജി (PIL) ഫ​യ​ൽചെ​യ്തു. 2021 സെ​പ്റ്റം​ബ​റി​ൽ ജ​നീ​വ​യി​ൽ ന​ട​ന്ന ഐ​ക്യ​രാ​ഷ്ട്ര​സ​ഭ​യു​ടെ 48ാമ​ത് മ​നു​ഷ്യാ​വ​കാ​ശ കൗ​ൺ​സി​ൽ സ​മ്മേ​ള​ന​ത്തി​ലും സാ​ന്ത ഒ​രു പ്ര​സ്താ​വ​ന അ​വ​ത​രി​പ്പി​ച്ചു. ഗ്ലോ​ബ​ൽ ഈ​സ്റ്റ്, ഗ്ലോ​ബ​ൽ സൗ​ത്ത് എ​ന്നി​വി​ട​ങ്ങ​ളി​ൽനി​ന്നു​ള്ള 14 രാ​ജ്യ​ങ്ങ​ളി​ലെ ലെ​സ്ബി​യ​ൻ, ഗേ, ​ബൈ​സെ​ക്ഷ്വ​ൽ, ട്രാ​ൻ​സ്‌​ജെ​ൻ​ഡ​ർ, ഇ​ന്റ​ർ​സെ​ക്‌​സ് വ്യ​ക്തി​ക​ൾ​ക്ക് വേ​ണ്ടി​യാ​ണ് ഈ ​പ്ര​സ്താ​വ​ന ന​ട​ത്തി​യ​ത്.

2019ലെ ​നാ​ഗാ​ലാ​ൻ​ഡ് ഫി​ലിം ഫെ​സ്റ്റി​വ​ലി​ൽ ഫി​ക്ഷ​ൻ ഇ​ത​ര ച​ല​ച്ചി​ത്ര മ​ത്സ​ര വി​ഭാ​ഗ​ത്തി​ൽ മി​ക​ച്ച ച​ല​ച്ചി​ത്ര പു​ര​സ്‌​കാ​രം നേ​ടി​യ ‘ന​വ –ദി ​സ്പി​രി​റ്റ് ഓ​ഫ് ആ​റ്റെ’, അ​ൺ ഹേ​ർ​ഡ് വോ​യ്സ് എ​ന്നീ ഡോ​ക്യു​മെ​ന്റ​റി​ക​ൾ അ​വ​ർ നി​ർ​മി​ച്ചി​ട്ടു​ണ്ട്. കോ​ഴി​ക്കോ​ട്ടെ​ത്തി​യ സാ​ന്ത ഖു​റൈ​യു​മാ​യി ന​ട​ത്തി​യ സം​ഭാ​ഷ​ണ​ത്തി​ൽനി​ന്ന്.

ന​മു​ക്ക് മ​ണി​പ്പൂ​ർ മു​ഖ്യ​മ​ന്ത്രി ബി​രേ​ൻ സിങ്ങി​ന്റെ രാ​ജി​യി​ൽനി​ന്ന് ത​ന്നെ തു​ട​ങ്ങാം. നി​ര​വ​ധി​ത​വ​ണ പ്ര​തി​പ​ക്ഷം രാ​ജി ആ​വ​ശ്യ​പ്പെ​ട്ടി​ട്ടും രാ​ജി​വെ​ക്കാ​തി​രു​ന്ന മു​ഖ്യ​മ​ന്ത്രി ഇ​പ്പോ​ൾ രാ​ജി വെ​ച്ചി​രി​ക്കു​ക​യാ​ണ്?

മു​ഖ്യ​മ​ന്ത്രി​യും നി​ര​വ​ധി പ്രാ​ദേ​ശി​ക എം.​എ​ൽ.​എമാ​രും ത​ങ്ങ​ളു​ടെ രാ​ജി​ക്ക​ത്ത് പ​ര​സ്യ​മാ​യി പ്ര​ദ​ർ​ശി​പ്പി​ച്ചു. മ​ണി​പ്പൂ​രി​ൽ ഇ​തൊ​രു പു​തി​യ ത​ന്ത്ര​മ​ല്ല, പൊ​തു വി​യോ​ജി​പ്പു​ക​ളെ അ​ടി​ച്ച​മ​ർ​ത്താ​നും ഉ​ത്ത​ര​വാ​ദി​ത്തം ഒ​ഴി​വാ​ക്കാ​നും രാ​ജി​ക്ക​ത്ത് ഒ​രു കൃ​ത്രി​മ ഉ​പ​ക​ര​ണ​മാ​യി ഉ​പ​യോ​ഗി​ക്കു​ന്ന​താ​യി തോ​ന്നു​ന്നു. എ​​ന്റെ അ​ഭി​പ്രാ​യ​ത്തി​ൽ, ഒ​രു രാ​ജി​ക്ക​ത്ത് ടോ​യ്‌​ല​റ്റ് പേ​പ്പ​ർപോ​ലെ ഉ​പ​യോ​ഗ​പ്ര​ദ​മാ​യി​ത്തീ​ർ​ന്നി​രി​ക്കു​ന്നു. അ​ത് അ​ധി​കാ​ര​ത്തി​ലു​ള്ള​വ​രെ അ​വ​രു​ടെ പി​ടി നി​ല​നി​ർ​ത്താ​ൻ അ​നു​വ​ദി​ക്കു​ന്ന അ​ർ​ഥ​ശൂ​ന്യ​മാ​യ ആം​ഗ്യ​മാ​ണ്.

ഈ ​താ​ൽ​ക്കാ​ലി​ക പ്ര​വൃ​ത്തി സ​മ​യം വാ​ങ്ങാ​നും യ​ഥാ​ർ​ഥ പ്ര​ശ്ന​ങ്ങ​ളി​ൽനി​ന്ന് ശ്ര​ദ്ധ തി​രി​ക്കാ​നും അ​വ​രെ പ്രാ​പ്ത​രാ​ക്കു​ന്നു. നി​യ​മ​സ​ഭ സ​മ്മേ​ള​ന​ത്തി​​ന്റെ ത​ലേ​ന്ന് സ​മ​ർ​പ്പി​ച്ച രാ​ജി​ക്ക​ത്ത് ഈ ​നാ​ട​കീ​യനീ​ക്ക​ത്തി​​ന്റെ ഉ​ത്ത​മ ഉ​ദാ​ഹ​ര​ണ​മാ​ണ്. ഓ​രോ ത​വ​ണ​യും ഈ ​രാ​ജി​ക്ക​ത്ത് നാ​ട​കം വി​ക​സി​ക്കു​മ്പോ​ൾ, അ​ത് പു​തി​യ​തും കൂ​ടു​ത​ൽ അ​സ്ഥി​ര​വു​മാ​യ വെ​ല്ലു​വി​ളി കൊ​ണ്ടു​വ​രു​ന്നു, ഇ​ത് പൊ​തു​ജ​ന​ങ്ങ​ളെ ആ​ഘാ​ത​ത്തി​ലാ​ക്കു​ക​യും ഉ​ത്ത​ര​ങ്ങ​ൾ​ക്കാ​യി തി​ര​യു​ക​യും ചെ​യ്യു​ന്നു.

മ​ണി​പ്പൂ​രി​ന്റെ ഹൃ​ദ​യ​ത്തി​ലേ​റ്റ മു​റി​വാ​ണ് ഈ​യി​ടെ​യു​ണ്ടാ​യ സം​ഘ​ർ​ഷ​ങ്ങ​ൾ. അ​തേ കു​റി​ച്ച് എ​ന്താ​ണ് പ​റ​യാ​നു​ള്ള​ത്?

മ​ണി​പ്പൂ​ർ ഇ​പ്പോ​ൾ രാ​ഷ്ട്രീ​യ​പ​ര​മാ​യും സാ​മ്പ​ത്തി​ക​പ​ര​മാ​യും അ​സ്ഥി​ര​മാ​യ അ​വ​സ്ഥ​യി​ലൂ​ടെയാണ് ക​ട​ന്നു​പോ​കു​ന്ന​ത്. മ​ണി​പ്പൂ​രി​ൽ ഉ​ണ്ടാ​യ സം​ഘ​ർ​ഷ​ത്തെ​ക്കു​റി​ച്ച് ഓ​ർ​ക്കാ​ൻ ഞാ​ൻ ഇ​ഷ്ട​പ്പെ​ടു​ന്നി​ല്ല. ഈ ​സ​മ​യം ശ​രി​യാ​കാ​ൻ ഏ​റെ നാ​ളു​ക​ൾ എ​ടു​ക്കും.​ ഒ​രു വ​ർ​ഷ​മാ​കു​ന്നു അ​വി​ടെ അ​നി​ഷ്ട സം​ഭ​വ​ങ്ങ​ൾ ന​ട​ന്നി​ട്ട്. പി​ന്നീ​ട് ഇ​ട​ക്കിട​ക്ക് കു​ഴ​പ്പ​ങ്ങ​ൾ ഉ​ണ്ടാ​യി. കേ​ന്ദ്ര​സ​ർ​ക്കാ​റും സം​സ്ഥാ​ന സ​ർ​ക്കാ​റും ഇ​പ്പോ​ഴും നി​ശ്ശബ്ദ​രാ​ണ്. ഈ ​സം​ഘ​ർ​ഷം നി​യ​ന്ത്രി​ക്കാ​നു​ള്ള പ​ദ്ധ​തി​യു​മാ​യി അ​വ​ർ മു​ന്നോ​ട്ടുവ​ന്നി​ട്ടി​ല്ല. പ്ര​ശ്നം പ​രി​ഹ​രി​ക്കാ​ത്ത​തി​നാ​ൽ ജ​ന​ങ്ങ​ൾ ഇ​പ്പോ​ഴും ദു​രി​ത​ത്തി​ലാ​ണ്. സം​സ്ഥാ​ന സ​ർ​ക്കാ​റും കേ​ന്ദ്ര​സ​ർ​ക്കാ​റും മു​ൻ​കൈ​യെ​ടു​ത്താ​ൽ മാ​ത്ര​മേ സ​മാ​ധാ​നം പു​ല​രു​ക​യു​ള്ളൂ. മു​മ്പ് ഞ​ങ്ങ​ൾ ജീ​വി​ച്ചപോ​ലെ സ്നേ​ഹ​ത്തോ​ടെ​യും സ​മാ​ധാ​ന​ത്തോ​ടെ​യും ജീ​വി​ക്കാ​നു​ള്ള സാ​ഹ​ച​ര്യം ഉ​ണ്ടാ​ക​ണം.

മ​ണി​പ്പൂ​ർ സം​ഘ​ർ​ഷം പ​രി​ഹ​രി​ക്കു​ന്ന​തി​ൽ കേ​ന്ദ്ര​വും സം​സ്ഥാ​ന സ​ർ​ക്കാ​റും പൂ​ർ​ണ പ​രാ​ജ​യമാ​ണെ​ന്ന് പ​ല കോ​ണു​ക​ളി​ൽനി​ന്നും ആ​രോ​പ​ണം ഉ​യ​ർ​ന്നി​രു​ന്നു. ബി​രേ​ൻ സ​ർ​ക്കാ​ർ പൂ​ർ​ണ പ​രാ​ജ​യ​മാ​യി​രു​ന്നോ?

മ​ണി​പ്പൂ​രി​ൽ നി​ല​നി​ൽ​ക്കു​ന്ന സം​ഘ​ർ​ഷം പ​രി​ഹ​രി​ക്കു​ന്ന​തി​ൽ പ്രാ​ദേ​ശി​ക​മാ​യും കേ​ന്ദ്ര​മാ​യും ഭ​രി​ക്കു​ന്ന സ​ർ​ക്കാ​ർ തി​ക​ഞ്ഞ പ​രാ​ജ​യ​മാ​ണ്. അ​വ​രു​ടെ മൗ​നം അ​വ​രു​ടെ രാ​ഷ്ട്രീ​യ അ​ജ​ണ്ട​യെ​ക്കു​റി​ച്ച് സം​സാ​രി​ക്കു​ന്നു, അ​ത് മ​തേ​ത​ര​ത്വ​ത്തി​​ന്റെ​യും വൈ​വി​ധ്യ​ത്തി​​ന്റെയും ഭ​ര​ണ​ഘ​ട​നാ മൂ​ല്യ​ങ്ങ​ളെ​ക്കാ​ൾ ‘രാ​ഷ്ട്രം’ എ​ന്ന പ​ര​മ്പ​രാ​ഗ​ത സ​ങ്ക​ൽ​പ​ത്തി​ന് മു​ൻ​ഗ​ണ​ന ന​ൽ​കു​ന്നു.​ ഈ നി​ശ്ശബ്ദ​ത വ​ട​ക്കു​ കി​ഴ​ക്ക​ൻ ഇ​ന്ത്യ​യി​ലെ ജ​ന​ങ്ങ​ളോ​ടു​ള്ള അ​സ്വ​സ്ഥ​മാ​യ മ​നോ​ഭാ​വം വെ​ളി​പ്പെ​ടു​ത്തു​ന്നു. പ്ര​ത്യേ​കി​ച്ച് മ​ണി​പ്പൂ​രി​ൽ, അ​വ​ർ അ​വ​ഗ​ണി​ക്ക​പ്പെ​ട്ട​വ​രും താ​ഴ്ന്ന​വ​രും മൂ​ന്നാം​ത​രം പൗ​ര​ന്മാ​രു​മാ​യി ക​ണ​ക്കാ​ക്ക​പ്പെ​ടു​ന്നു. ജ​ന​ങ്ങ​ളു​ടെ ക്ഷേ​മ​ത്തി​ന് മു​ൻ​ഗ​ണ​ന ന​ൽ​കു​ന്ന​തി​നു​ പ​ക​രം, മ​ണി​പ്പൂ​രി​​ന്റെ ത​ന്ത്ര​പ്ര​ധാ​ന​മാ​യ സ്ഥാ​നം ഭൗ​മ​രാ​ഷ്ട്രീ​യ നേ​ട്ട​ത്തി​നും സ്വ​യം സേ​വ​ക താ​ൽ​പര്യ​ങ്ങ​ൾ​ക്കുംവേ​ണ്ടി ചൂ​ഷ​ണം ചെ​യ്യു​ന്ന​തി​ലാ​ണ് സ​ർ​ക്കാ​റി​ന് കൂ​ടു​ത​ൽ താ​ൽ​പ​ര്യം.

മ​ണി​പ്പൂ​രി​ലെ ത​ദ്ദേ​ശീ​യ സ​മൂ​ഹ​ങ്ങ​ളെ ഇ​ല്ലാ​താ​ക്കാ​നു​ള്ള അ​വ​രു​ടെ ഉ​ദ്ദേ​ശ്യ​ത്തെ ഒ​റ്റി​ക്കൊ​ടു​ക്കു​ന്ന നി​ശ്ശബ്ദ ഭാ​ഷ​യാ​ണ് സ​ർ​ക്കാ​റിന്റെ മൗ​നം. ഇ​ത് നേ​ടി​യെ​ടു​ക്കു​ന്ന​ത് ജ​ന​ങ്ങ​ളെ ദു​ഷി​പ്പി​ക്കു​ക​യും മ​ലി​ന​മാ​ക്കു​ക​യും വി​ഷ​ലി​പ്ത​മാ​ക്കു​ക​യും ഭി​ന്നി​പ്പു​ണ്ടാ​ക്കു​ന്ന രാ​ഷ്ട്രീ​യ​വും കൃ​ത്രി​മ ത​ന്ത്ര​ങ്ങ​ളും പ്ര​യോ​ഗി​ച്ച് പ​ര​സ്പ​ര വൈ​രു​ധ്യ​ങ്ങ​ൾ​ക്ക് ആ​ക്കം കൂ​ട്ടു​ക​യും ചെ​യ്യു​ന്നു. അ​ങ്ങ​നെ ചെ​യ്യു​ന്ന​തി​ലൂ​ടെ, മ​ണി​പ്പൂ​രി​ലെ ജ​ന​ങ്ങ​ളെ ദീ​ർ​ഘ​കാ​ല​മാ​യി നി​ർ​വ​ചി​ക്കു​ന്ന ശ​ക്ത​മാ​യ സാ​മൂ​ഹി​ക ബ​ന്ധ​ങ്ങ​ളും സാ​മു​ദാ​യി​ക ഘ​ട​ന​യും ത​ക​ർ​ക്കു​ക​യാ​ണ് അ​വ​ർ ല​ക്ഷ്യ​മി​ടു​ന്ന​ത്.

‘യെ​ലോ സ്പാ​രോ’ ആ​ണ് സാ​ന്ത​യെ അ​ട​യാ​ള​പ്പെ​ടു​ത്തു​ന്ന​ത്. സ​ത്യ​ത്തി​ൽ സ്വ​ന്തം ക​ഥ എ​ഴു​താ​ൻ പ്ര​ചോ​ദ​നം എ​ങ്ങ​നെ​യാ​ണ് ഉ​ണ്ടാ​വു​ന്ന​ത്?

‘യെ​ലോ സ്പാ​രോ’ എ​ന്റെ ഓ​ർ​മക്കു​റി​പ്പു​ക​ളാ​ണ്. എ​ന്റെ ജീ​വി​ത​ത്തെ കു​റി​ച്ചാ​ണ് ഞാ​ൻ എ​ഴു​തി​യി​ട്ടു​ള്ള​ത്. എ​ന്റെ വ​ള​ർ​ച്ച​യു​ടെ പ​ല ഘ​ട്ട​ങ്ങ​ളും ഞാ​ൻ നേ​രി​ട്ട പ്ര​തി​സ​ന്ധി​ക​ളും എ​നി​ക്കെ​തി​രെ​യു​ള്ള എ​ന്റെ അ​ച്ഛ​ന്റെ പ്ര​തി​ക​ര​ണ​ങ്ങ​ളും, ട്രാ​ൻ​സി​ഷ​ൻ സ​മ​യ​ത്ത് ഞാ​ൻ നേ​രി​ട്ട പ്ര​യാ​സ​ങ്ങ​ൾ എ​ല്ലാം പു​സ്ത​ക​ത്തി​ൽ കാ​ണാം. എ​ഴു​ത്ത് എ​ന്റെ പാ​ഷ​ൻ ആ​യി​രു​ന്നു. എന്റെ വി​ഷ​മ​ങ്ങ​ളും സ​ന്തോ​ഷ​ങ്ങ​ളും എ​ല്ലാം സ​മൂ​ഹ​വു​മാ​യി പ​ങ്കു​വെക്കാ​ൻ ഞാ​ൻ ആ​ഗ്ര​ഹി​ച്ചി​രു​ന്നു. ഒ​റ്റ​പ്പെ​ട്ട് ക​ഴി​ഞ്ഞി​രു​ന്ന കാ​ല​ത്ത് ഞാ​ൻ എ​ന്നെ ത​ന്നെ ക​ണ്ടെ​ത്തി​യ​ത് എ​ഴു​ത്തി​ലൂ​ടെ​യാ​ണ്.

ഡ​യ​റി എ​ഴു​തു​ന്ന ശീ​ലം ഉ​ണ്ടാ​യി​രു​ന്ന​തി​നാ​ൽ പു​സ്ത​കം എ​ഴു​തു​ന്ന സ​മ​യ​ത്ത് എ​ന്റെ ഓ​ർ​മക​ളി​ലേ​ക്ക് പോ​കാ​ൻ എ​ന്നെ അ​ത് സ​ഹാ​യി​ച്ചു. ഞാ​ൻ നേ​രി​ട്ട് അ​നു​ഭ​വ​ങ്ങ​ൾ സ​മൂ​ഹ​വു​മാ​യി പ​ങ്കു​വെ​ച്ചി​ല്ലെ​ങ്കി​ൽ പി​ന്നെ ആ​ര് പ​ങ്കു​വെ​ക്കും? എ​ന്റെ ജീ​വി​തംത​ന്നെ പ​ണ​യംവെ​ച്ച് ഞാ​ൻ എ​ഴു​തു​ന്ന​ത് എ​ന്നെ​പ്പോ​ലെ​യു​ള്ള നി​ര​വ​ധി ആ​ളു​ക​ളു​ടെ ജീ​വ​ൻ ര​ക്ഷി​ക്കാ​ൻ വേ​ണ്ടി​യാ​ണ്. അ​തു​കൊ​ണ്ടാ​ണ് എ​ല്ലാം തു​റ​ന്ന് എ​ഴു​താ​ൻ ഞാ​ൻ തീ​രു​മാ​നി​ച്ച​ത്.

ഏ​റെ പ്ര​തി​സ​ന്ധി​ക​ൾ നി​റ​ഞ്ഞ ജീ​വി​താ​വ​സ്ഥ​യി​ൽനി​ന്നാ​ണ് സാ​ന്ത എ​ഴു​ത്തു​കാ​രി ആ​യ​ത്? മ​ണി​പ്പൂ​രി​ലെ മ​റ്റു ട്രാ​ൻ​സ്ജെ​ൻ​ഡ​ർ എ​ഴു​ത്തു​കാ​രു​ടെ അ​വ​സ്ഥ​യെ കു​റി​ച്ച് പ​റ​യാ​മോ?

ട്രാ​ൻ​സ്ജെ​ൻ​ഡ​ർ എ​ഴു​ത്തു​ക​ൾ മ​ണി​പ്പൂ​രി​ൽ കു​റ​വാ​ണ്.​ എ​ന്നെ കൂ​ടാ​തെ മ​റ്റ് ര​ണ്ടു​പേ​രു​ടെ പു​സ്ത​ക​ങ്ങ​ൾ മാ​ത്ര​മാ​ണ് പ്ര​സി​ദ്ധീ​ക​രി​ക്ക​പ്പെ​ട്ടി​ട്ടു​ള്ള​ത്. കു​റെ എ​ഴു​ത്തു​കാ​ർ ട്രാ​ൻ​സ്ജെ​ൻ​ഡ​ർ സ​മൂ​ഹ​ത്തി​ന​ക​ത്തുണ്ട്. പ​ക്ഷേ, ന​ല്ല പി​ന്തു​ണ അ​വ​ർ​ക്ക് കി​ട്ടു​ന്നി​ല്ല. കൂ​ടു​ത​ൽ പേ​രും എ​ഴു​തു​ന്ന​ത് മ​ണി​പ്പൂ​രി​യി​ലാ​ണ്. മ​ണി​പ്പൂ​ർ ദ​രി​ദ്ര സം​സ്ഥാ​ന​മാ​യ​തി​നാ​ലും സം​ഘ​ർ​ഷ​ങ്ങ​ൾ പോ​ലു​ള്ള സം​ഭ​വ​ങ്ങ​ൾ ഉ​ണ്ടാ​കു​ന്ന​തും എ​ഴു​ത്തു​കാ​രു​ടെ ക​രി​യ​റി​നെ ബാ​ധി​ക്കു​ന്നു​ണ്ട്.

ട്രാ​ൻ​സ്ജെ​ൻ​ഡ​ർ എ​ഴു​ത്തു​കാ​ർ മാ​ത്ര​മ​ല്ല ഹെ​ട്രോ സെ​ക്ഷ്വ​ൽ ആ​ളു​ക​ൾ എ​ഴു​തു​ന്ന​തി​നും മ​റ്റ് സം​സ്ഥാ​ന​ങ്ങ​ളി​ലെ എ​ഴു​ത്തു​കാ​ർ​ക്ക് കി​ട്ടു​ന്നപോ​ലു​ള്ള സ്വീ​കാ​ര്യ​ത കി​ട്ടു​ന്നി​ല്ല. വൈ​കാ​രി​ക​മാ​യ പി​ന്തു​ണ​യും സാ​മ്പ​ത്തി​ക പി​ന്തു​ണ​യും വേ​ണം.​ അ​തു​ണ്ടെ​ങ്കി​ലേ ട്രാ​ൻ​സ്ജെ​ൻ​ഡ​ർ മ​നു​ഷ്യ​രു​ടെ ര​ച​ന​ക​ൾ പ്ര​സി​ദ്ധീ​ക​രി​ച്ചു വ​രി​ക​യു​ള്ളൂ. പ്ര​സി​ദ്ധീ​ക​രി​ക്കാ​ൻ ക​ഴി​യാ​ത്ത​വ​രു​ടെ എ​ഴു​ത്തു​ക​ൾ സ​മാ​ഹ​രി​ച്ച് ഒ​രു പ്ര​സാ​ധ​ക​നെ ക​ണ്ടെ​ത്താ​നു​ള്ള ശ്ര​മ​ത്തി​ലാ​ണ് ഞാ​ൻ. അ​ത് മ​ണി​പ്പൂ​രി​ൽ മാ​ത്ര​മ​ല്ല നോ​ർ​ത്ത് ഈ​സ്റ്റ് മു​ഴു​വ​ൻ ഉ​ള്ള ട്രാ​ൻ​സ്ജെ​ൻ​ഡ​ർ-ക്വി​യ​ർ എ​ഴു​ത്തു​കാ​ർ​ക്കുവേ​ണ്ടി ചെ​യ്യാ​നു​ള്ള ശ്ര​മ​ത്തി​ലാ​ണ്.

മ​ണി​പ്പൂ​രി​ലെ ട്രാ​ൻ​സ്ജെ​ൻ​ഡ​ർ വ്യ​ക്തി​ക​ളു​ടെ ജീ​വി​താ​വ​സ്ഥ എ​ങ്ങനെ​യാ​ണ്?

മ​ണി​പ്പൂ​രി​ലെ ജ​ന​ങ്ങ​ൾ ട്രാ​ൻ​സ്ജെ​ൻ​ഡ​ർ മ​നു​ഷ്യ​രെ പൂ​ർ​ണ​മാ​യും അം​ഗീ​ക​രി​ക്കു​ന്ന​വ​രൊ​ന്നു​മ​ല്ല. അ​തേ​സ​മ​യം മ​ണി​പ്പൂ​ർ ഒ​രു ട്രാ​ൻ​സ്ഫോ​ബി​ക് സം​സ്ഥാ​ന​വു​മ​ല്ല. ട്രാ​ൻ​സ്ജെ​ൻ​ഡ​ർ വ്യ​ക്തി​ക​ൾ ഭൂ​രി​ഭാ​ഗ​വും കു​ടും​ബ​ത്തോ​ടൊ​പ്പ​മാ​ണ് ജീ​വി​ക്കു​ന്ന​ത്. ട്രാ​ൻ​സ്ജെ​ൻ​ഡ​ർ സ​മൂ​ഹം ഇ​ന്ത്യ​യു​ടെ വി​വി​ധ​ഭാ​ഗ​ത്ത് വി​വി​ധ ഖ​രാ​നാ രീ​തി​ക​ൾ പി​ന്തു​ട​ർ​ന്ന് ഒ​രു​മി​ച്ചാ​ണ് ജീ​വി​ക്കു​ന്ന​ത്. ഇ​വി​ടെ ‘ഖ​രാ​ന സി​സ്റ്റം’ (ട്രാ​ൻ​സ്ജെ​ൻ​ഡ​ർ സ​മൂ​ഹ​ത്തി​ലെ പ​ര​മ്പ​രാ​ഗ​ത സ​മ്പ്ര​ദാ​യം) ഞ​ങ്ങ​ൾ പി​ന്തു​ട​രു​ന്നി​ല്ല.​ എ​പ്പോ​ൾ വേ​ണ​മെ​ങ്കി​ലും എ​ന്തും സം​ഭ​വി​ക്കാ​വു​ന്ന വൈ​കാ​രി​ക​മാ​യ സം​സ്ഥാ​ന​മാ​ണ് മ​ണി​പ്പൂ​ർ. സാം​സ്കാ​രി​ക​പ​ര​മാ​യും സാ​മൂ​ഹി​ക​പ​ര​മാ​യും രാ​ജ്യ​ത്തെ മ​റ്റ് സം​സ്ഥാ​ന​ങ്ങ​ളി​ൽനി​ന്ന് തീ​ർ​ത്തും വ്യ​ത്യ​സ്ത​രാ​ണ് മ​ണി​പ്പൂ​രി​ലെ ട്രാ​ൻ​സ്ജെ​ൻ​ഡ​ർ മ​നു​ഷ്യ​ർ.

സാ​മ്പ​ത്തി​ക​മാ​യും അ​ല്ലാ​തെ​യും പി​ന്നാക്കം നി​ൽ​ക്കു​ന്ന സം​സ്ഥാ​നം എ​ന്നനി​ല​യി​ൽ ജീ​വി​ക്കാ​നു​ള്ള പ​ണം ക​ണ്ടെ​ത്താ​ൻ ഞ​ങ്ങ​ൾ വി​ഷ​മി​ക്കു​ന്നു​ണ്ട്. വീ​ട്ടി​നു​ള്ളി​ൽനി​ന്ന് അ​ക്ര​മ​വും വി​വേ​ച​ന​വും ഉ​ണ്ടാ​കു​മെ​ങ്കി​ലും മ​ണി​പ്പൂ​രി​ലെ വീ​ടു​ക​ളി​ൽനി​ന്ന് ര​ക്ഷി​താ​ക്ക​ൾ ത​ങ്ങ​ളു​ടെ കു​ട്ടി​ക​ളെ ഇ​റ​ക്കിവി​ടാ​റോ ആ​ട്ടി​പ്പാ​യി​ക്കാ​റോ ഇ​ല്ല. കു​ടും​ബ​ത്തോ​ടൊ​പ്പം ആ​യ​തി​നാ​ൽ ഒ​രു നേ​ര​ത്തെ ഭ​ക്ഷ​ണം കി​ട്ടും. മ​ണി​പ്പൂ​രി​ലെ ട്രാ​ൻ​സ്ജെ​ൻ​ഡ​ർ വ്യ​ക്തി​ക​ൾ മ​റ്റ് സം​സ്ഥാ​ന​ങ്ങ​ളി​ൽ ഉ​ള്ള​തു​പോ​ലെ ഭി​ക്ഷ​യെ​ടു​ക്കാ​റി​ല്ല. ജോ​ലി ചെ​യ്യു​ന്ന​വ​രാ​ണ് മി​ക്ക​വ​രും.​ കൂ​ടു​ത​ൽ പേ​രും ബ്യൂ​ട്ടി​പാ​ർ​ല​റു​ക​ൾ ന​ട​ത്തു​ന്ന​വ​രാ​ണ്.

അ​ഫ്സ​്പ നി​യ​മം എ​ങ്ങ​നെ​യാ​ണ് മ​ണി​പ്പൂ​രി​ലെ ജ​ന​ങ്ങ​ളെ ബാ​ധി​ച്ച​ത്. സാ​ന്ത​യു​ടെ സ്വ​ന്തം അ​നു​ഭ​വ​വും പ​ങ്കു​െവക്കാ​മോ?

സാ​യു​ധ സേ​ന​യു​ടെ പ്ര​ത്യേ​ക അ​ധി​കാ​ര നി​യ​മം (AFSPA) ഒ​രു രാ​ഷ്ട്രീ​യ ശ​ക്തി​യാ​ണ്, അ​ഴി​മ​തി​യും ഭ​ര​ണ​കൂ​ട ശി​ക്ഷാ​ന​ട​പ​ടി​യും പ്രോ​ത്സാ​ഹി​പ്പി​ക്കു​ന്ന ഒ​രു വം​ശീ​യ നി​യ​മ​മാ​ണ്, വ​ട​ക്കു​കി​ഴ​ക്ക​ൻ ഇ​ന്ത്യ​യി​ലെ, പ്ര​ത്യേ​കി​ച്ച് മ​ണി​പ്പൂ​രി​ലെ ജ​ന​ങ്ങ​ളെ ശ​ത്രു​തയിലാക്കു​ന്നു. സം​സ്ഥാ​ന​ത്തി​ന് സ​മ്പൂ​ർ​ണ അ​ധി​കാ​രം ന​ൽ​കു​ന്ന​തി​ലൂ​ടെ, ജ​ന​ങ്ങ​ളു​ടെ വി​കാ​ര​ങ്ങ​ൾ കൈ​കാ​ര്യംചെ​യ്യാ​നും ഭൂ​മി​യും വി​ഭ​വ​ങ്ങ​ളും ചൂ​ഷ​ണംചെ​യ്യാ​നും ജ​ന​ങ്ങ​ളു​ടെ ശ​ബ്ദ​ത്തെ​യും സ്വാ​ത​ന്ത്ര്യ​ത്തെ​യും അ​ടി​ച്ച​മ​ർ​ത്താ​നും AFSPA ഭ​ര​ണ​കൂ​ട​ത്തെ അ​നു​വ​ദി​ക്കു​ന്നു. മ​ണി​പ്പൂ​രി​ൽ, സൈ​നി​ക ക്യാ​മ്പു​ക​ൾ കൈ​വ​ശ​പ്പെ​ടു​ത്തി​യ ഭൂ​മി ഉ​ൾ​പ്പെ​ടെ, സം​സ്ഥാ​ന​ത്തി​​ന്റെ 75 ശതമാനം വി​ഭ​വ​ങ്ങ​ളും വി​നി​യോ​ഗി​ക്കു​ന്ന ഒ​രു വ​ലി​യ സൈ​നി​കവി​ന്യാ​സ​ത്തി​​ന്റെ സാ​ന്നി​ധ്യം, രാ​ത്രിജീ​വി​ത​ത്തി​​ന്റെ അ​ഭാ​വ​ത്തി​നും ഭ​യ​ത്തി​നും ശ്ര​ദ്ധി​ക്ക​പ്പെ​ടാ​ത്ത ക​ർ​ഫ്യൂ​ക​ൾ​ക്കും കാ​ര​ണ​മാ​യി.

വം​ശീ​യ സം​ഘ​ട്ട​ന​ങ്ങ​ളും ക്രൂ​ര​മാ​യ കൊ​ല​പാ​ത​ക​ങ്ങ​ളും യു​വാ​ക്ക​ളെ ആ​യു​ധ സം​സ്കാ​ര​ത്തി​ൽ കു​രു​ക്കു​ന്ന​തും മ​ണി​പ്പൂ​രി​ലെ ജ​ന​ങ്ങ​ളെ ഭീ​ഷ​ണി​പ്പെ​ടു​ത്തു​ന്നു. ത​ട​ങ്ക​ലി​ൽ വെക്കൽ, നി​ർ​ബ​ന്ധി​ത ലൈം​ഗി​ക പ്ര​വ​ർ​ത്ത​ന​ങ്ങ​ൾ, ക്രൂ​ര​മാ​യ മ​ർ​ദ​ന​ങ്ങ​ൾ എ​ന്നി​വ​യി​ലൂ​ടെ ഇ​തി​ന​കംത​ന്നെ ദു​ർ​ബ​ല​രാ​യ ട്രാ​ൻ​സ്‌​ജെ​ൻ​ഡ​ർ സ​മൂ​ഹം കൂ​ടു​ത​ൽ പാ​ർ​ശ്വ​വ​ത്കര​ണം നേ​രി​ടു​ന്നു. സൈ​നി​ക സാ​ന്നി​ധ്യം സൃ​ഷ്ടി​ച്ച നി​ര​ന്ത​ര​മാ​യ ഭ​യം ഗു​രു​ത​ര​മാ​യ മാ​ന​സി​കാ​രോ​ഗ്യ പ്ര​ശ്‌​ന​ങ്ങ​ളി​ലേ​ക്ക് ന​യി​ച്ചു, അ​വ പ​ല​പ്പോ​ഴും അ​വ​ഗ​ണി​ക്ക​പ്പെ​ടു​ന്നു. ആ​ളു​ക​ൾ​ക്ക് AFSPAയെ ​വെ​ല്ലു​വി​ളി​ക്കാ​ൻ ക​ഴി​യാ​ത്ത​തി​നാ​ൽ, അ​വ​രു​ടെ കോ​പ​വും നി​രാ​ശ​യും ഉ​ള്ളി​ലേ​ക്ക് പു​റ​ന്ത​ള്ള​പ്പെ​ടു​ന്നു, ഇ​ത് ഒ​രു ദു​ഷി​ച്ച ച​ക്രം സൃ​ഷ്ടി​ക്കു​ന്നു. ഈ ​അ​ക്ര​മാ​സ​ക്ത​മാ​യ ഊ​ർ​ജം സം​സ്ഥാ​ന​ത്ത് നാ​ശം വി​ത​ക്കുന്നു, ട്രാ​ൻ​സ്‌​ജെ​ൻ​ഡ​റു​ക​ൾ ഹൈ​പ്പ​ർ-​വി​സി​ബി​ൾ ആ​കു​ക​യും സം​സ്ഥാ​ന, ഇ​ത​ര സം​സ്ഥാ​ന അ​ഭി​നേ​താ​ക്ക​ളാ​ൽ ടാ​ർ​ഗറ്റ് ചെ​യ്യ​പ്പെ​ടു​ക​യുംചെ​യ്യു​ന്നു.

വ്യ​ക്തി​പ​ര​മാ​യി, സൈ​ന്യ​ത്തി​​ന്റെ ക്രൂ​ര​മാ​യ മ​ർ​ദ​ന​ങ്ങ​ൾ, ഇ​ത​ര സം​സ്ഥാ​ന അ​ഭി​നേ​താ​ക്ക​ളി​ൽനി​ന്നു​ള്ള വ​ധ​ഭീ​ഷ​ണി, വി​മോ​ച​ന പ്ര​സ്താ​വ​ന​ക​ൾ ന​ട​ത്തി​യ​തി​ന് ഭ​ര​ണ​കൂ​ട​ത്തി​​ന്റെ അ​റ​സ്റ്റ് ശ്ര​മ​ങ്ങ​ൾ എ​ന്നി​വ ഞാ​ൻ നേ​രി​ട്ടി​ട്ടു​ണ്ട്. ഈ ​അ​നു​ഭ​വ​ങ്ങ​ൾ എ​നി​ക്ക് ആ​വ​ർ​ത്തി​ച്ചു​ള്ള ഭ​യ​വും ആ​ഘാ​ത​വും ന​ൽ​കി, എ​​ന്റെ ആ​ത്മ​വി​ശ്വാ​സ​ത്തെ​യും മ​റ്റു​ള്ള​വ​രു​മാ​യി ബ​ന്ധ​പ്പെ​ടാ​നു​ള്ള ക​ഴി​വി​നെ​യും ഭീ​ഷ​ണി​പ്പെ​ടു​ത്തു​ന്നു. മ​ണി​പ്പൂ​രി​ലെ പ്ര​തി​ഭാ​ധ​ന​രാ​യ നി​ര​വ​ധി വ്യ​ക്തി​ക​ൾ സ​മാ​ന​മാ​യ ആ​ഘാ​ത​ത്തി​ലും ഭ​യ​ത്തി​ലും ആ​ത്മ​വി​ശ്വാ​സ​ക്കു​റ​വി​ലും കു​ടു​ങ്ങി​ക്കി​ട​ക്കു​ക​യാ​ണ്.

മ​ണി​പ്പൂ​രി​ൽ, ട്രാ​ൻ​സ്‌​ജെ​ൻ​ഡ​ർ വ്യ​ക്തി​ക​ളു​ടെ ഉ​ട​മ​സ്ഥ​ത​യി​ലു​ള്ള​തും പ്ര​വ​ർ​ത്തി​പ്പി​ക്കു​ന്ന​തു​മാ​യ ബ്യൂ​ട്ടി പാ​ർ​ല​റു​ക​ൾ അ​വ​രു​ടെ ബി​സി​ന​സ് നി​ല​നി​ർ​ത്തു​ന്ന​തി​ൽ കാ​ര്യ​മാ​യ വെ​ല്ലു​വി​ളി​ക​ൾ അ​ഭി​മു​ഖീ​ക​രി​ക്കു​ന്നു. വ​ലി​യ തു​ക​ക​ൾ ആ​വ​ശ്യ​പ്പെ​ടു​ക​യും ഫ​ല​പ്ര​ദ​മാ​യി കൊ​ള്ള​യ​ടി​ക്കു​ക​യുംചെ​യ്യു​ന്ന ആ​യു​ധ​ധാ​രി​ക​ളാ​യ അ​ക്ര​മി​ക​ൾ നി​ര​ന്ത​രം ഉ​യ​ർ​ത്തു​ന്ന ഭീ​ഷ​ണി​യാ​ണ് ഒ​രു പ്ര​ധാ​ന ആ​ശ​ങ്ക. ഈ ​അ​പ​ക​ട​ക​ര​മാ​യ സാ​ഹ​ച​ര്യം അ​വ​രു​ടെ ഉ​പ​ജീ​വ​ന​ത്തെ ബാ​ധി​ക്കു​ക മാ​ത്ര​മ​ല്ല, ഭ​യ​ത്തി​​ന്റെയും ദു​ർ​ബ​ല​ത​യു​ടെ​യും സം​സ്കാ​രം നി​ല​നി​ർ​ത്തു​ക​യും ചെ​യ്യു​ന്നു.

കേ​ന്ദ്ര​സ​ർ​ക്കാ​ർ കൊ​ണ്ടുവ​ന്ന ട്രാ​ൻ​സ്ജെ​ൻ​ഡ​ർ പേ​ഴ്സ​ൻ​സ് പ്രൊ​ട്ട​ക്ഷ​ൻ ബി​ല്ലി​നെ കു​റി​ച്ച് എ​ന്താ​ണ് പ​റ​യാ​നു​ള്ള​ത്?

നി​യ​മ​ത്തി​ന് മാ​റ്റ​ങ്ങ​ൾ കൊ​ണ്ടു​വ​രാ​ൻ ക​ഴി​യും. കേ​ന്ദ്ര​ം പോ​ളി​സി കൊ​ണ്ടു​വ​ന്നാ​ൽ അ​ത് ഞ​ങ്ങ​ളു​ടെ ജീ​വി​ത​ത്തി​ന് അ​നു​സ​രി​ച്ചു​ള്ള നി​യ​മ​മാ​യി​രി​ക്ക​ണം. ട്രാ​ൻ​സ്ജെ​ൻ​ഡ​ർ റൈ​റ്റ്സ് ബി​ല്ലിൽ അ​വ​ർ പ​റ​യു​ന്ന​ത് പു​ന​ര​ധി​വാ​സ​കേ​ന്ദ്ര​ങ്ങ​ളെ​പ്പ​റ്റി​യാ​ണ്. മാ​ന​സി​ക​മാ​യി ത​ക​രാ​റു​ള്ള ആ​ളു​ക​ളെ, അ​ത​ല്ലെ​ങ്കി​ൽ ല​ഹ​രി ഉ​പ​യോ​ഗി​ക്കു​ന്ന​വ​രെയാ​ണ് പു​ന​രാ​ധി​വാ​സ കേ​ന്ദ്ര​ത്തി​ലേ​ക്ക് അ​യ​ക്കേ​ണ്ട​ത്. ഞ​ങ്ങ​ൾ അ​ത്ത​ര​ത്തി​ൽ മാ​ന​സി​ക ത​ക​രാ​ർ ഉ​ള്ള​വ​ര​ല്ല. കു​ടും​ബ​ത്തി​ന​ക​ത്ത് ജീ​വി​ക്കു​ന്ന ഞ​ങ്ങ​ൾ എ​ന്തി​നാ​ണ് പു​ന​രധി​വാ​സ കേ​ന്ദ്ര​ത്തി​ലേ​ക്ക് പോ​കേ​ണ്ട​ത്. വ​ട​ക്ക് കി​ഴ​ക്ക​ൻ സം​സ്ഥാ​ന​ങ്ങ​ളി​ൽ അ​തി​ന്റെ ആ​വ​ശ്യ​മി​ല്ല. കേ​ന്ദ്രം ഒ​രു നി​യ​മം കൊ​ണ്ടു​വ​രു​മ്പോ​ൾ കൃ​ത്യ​മാ​യ പ​ഠ​നം ആ​വ​ശ്യ​മാ​ണ്. ബി​ല്ലി​ൽ സ​ർ​ജ​റി ചെ​യ്യാ​ൻ നി​ർ​ബ​ന്ധി​ക്കു​ക​യാ​ണ്.

സ​ർ​ജ​റി വേ​ണോ വേ​ണ്ട​യോ എ​ന്നു​ള്ള​ത് ഒ​രു വ്യ​ക്തി തീ​രു​മാ​നമെ​ടു​ക്കേ​ണ്ട കാ​ര്യ​മാ​ണ്. എ​ല്ലാ ഒ​ഫീ​ഷ്യ​ൽ രേ​ഖ​ക​ളി​ലു​മു​ള്ള ജെ​ൻ​ഡ​ർ മാ​ർ​ക്ക​ർപോ​ലും ഏ​കീ​ക​രി​ച്ചി​ട്ടി​ല്ല. ഏ​കീ​ക​രി​ച്ചി​ല്ലെ​ങ്കി​ൽ ഒ​രു ഐ.​ഡി കാ​ർ​ഡി​ൽ ടി.​ജി എ​ന്നും മ​റ്റൊ​രു ഐ.​ഡി കാ​ർ​ഡി​ൽ തേ​ർ​ഡ് ജെ​ൻ​ഡ​ർ എ​ന്നി​ങ്ങ​നെ​യാ​ണ് ഉ​ണ്ടാ​വു​ക. ആ​ധാ​റി​ലും പാ​സ്പോ​ർ​ട്ടി​ലും പാ​ൻ​കാ​ർ​ഡി​ലും മ​ണി​പ്പൂ​രി​ലു​ള്ള പ​ല​ർ​ക്കും പ​ല ജെ​ൻ​ഡ​ർ മാ​ർ​ക്ക​ർ ആ​ണു​ള്ള​ത്. ആ​ദാ​യ നി​കു​തി ഉ​ൾ​െ​പ്പ​ടെ സ​മ​ർ​പ്പി​ക്കു​ന്ന​തി​ന് ഇ​ത് പ്ര​യാ​സ​ങ്ങ​ൾ സൃ​ഷ്ടി​ക്കു​ന്നു​ണ്ട്. ഇ​ങ്ങനെ നി​ര​വ​ധി കാ​ര്യ​ങ്ങ​ളു​ണ്ട്. ഞ​ങ്ങ​ളെ സം​ബ​ഡി​ച്ച് ഒ​രു ഗു​ണ​വു​മി​ല്ലാ​ത്ത ബി​ല്ലാ​ണി​ത്.

ചെ​റു​പ്പ​കാ​ല​ത്തെക്കു​റി​ച്ച് പ​റ​യാ​മോ?

വേ​ദ​ന നി​റ​ഞ്ഞ കു​ട്ടി​ക്കാ​ല​മാ​യി​രു​ന്നു. അ​ച്ഛ​ൻ എ​​ന്റെ സ്ത്രൈ​ണ സ്വ​ഭാ​വ​ത്തി​ന് എ​തി​രാ​യി​രു​ന്നു. എ​പ്പോ​ഴും ഒ​രു ആ​ൺ​കു​ട്ടി​യെപ്പോ​ലെ പെ​രു​മാ​റാ​ൻ അ​ച്ഛ​ൻ എ​ന്നെ പ്രേ​രി​പ്പി​ക്കു​മാ​യി​രു​ന്നു. അ​ത് അ​ച്ഛ​നു​മാ​യു​ള്ള സം​ഘ​ർ​ഷ​ത്തി​ന് വ​ഴി​​െവ​ച്ചു. അ​ച്ഛ​നെ കു​റി​ച്ച് ഞാ​നെ​ഴു​തി​യ ക​വി​ത ‘മൈ ​ഫാ​ദ​ർ’ ഹാ​പ്പ​ർ കോ​ളി​ൻ​സാ​ണ് പ്ര​സി​ദ്ധീ​ക​രി​ച്ച​ത്. സ്കൂ​ളി​ലും എ​നി​ക്ക് വേ​ദ​ന നി​റ​ഞ്ഞ അ​നു​ഭ​വ​ങ്ങ​ളാ​ണ് ഉ​ണ്ടാ​യി​രു​ന്ന​ത്. എ​ന്റെ ഐ​ഡ​ന്റി​റ്റി​യെ​ക്കു​റി​ച്ച് ഞാ​ൻ വീ​ട്ടി​ൽ പ​റ​ഞ്ഞി​രു​ന്നി​ല്ല. ഞാ​ൻ സ്വാ​ഭാ​വി​ക​മാ​യി പു​റ​ത്തു​വ​രുക​യാ​യി​രു​ന്നു. വീ​ട്ടി​ലെ പ്ര​തി​ക​ര​ണം വ​ള​രെ മോ​ശ​മാ​യി​രു​ന്നു. അ​തൊ​ക്കെ നീ​ണ്ട ക​ഥ​യാ​ണ്. പ്ര​യാ​സ​മേ​റി​യ അ​നു​ഭ​വ​ങ്ങ​ൾ ഉ​ണ്ടാ​യ കാ​ലം. അ​ന്നൊ​ക്കെ പ​ല​പ്പോ​ഴും ഞാ​ൻ ഒ​രു​പാ​ട് ക​ര​ഞ്ഞി​രു​ന്നു.

വ​ല്ലാ​ത്ത ട്രോ​മ​യി​ൽ അ​ക​പ്പെ​ട്ട എ​നി​ക്ക് മ​ദ്യ​ത്തി​ലും മ​യ​ക്കു​മ​രു​ന്നി​ലും അ​ഭ​യംതേ​ടേ​ണ്ടി വ​ന്നി​ട്ടു​ണ്ട്. പി​ന്നീ​ട് ആ​രോ​ഗ്യം മോ​ശ​മാ​യ​പ്പോ​ൾ ര​ക്ഷ​പ്പെ​ടാ​ൻ വേ​ണ്ടി​യാ​ണ് പു​സ്ത​ക​ങ്ങ​ൾ വാ​യി​ക്കാ​ൻ തു​ട​ങ്ങി​യ​ത്. ചെ​റു​പ്പ​കാ​ല​ത്ത് സം​ഭ​വി​ച്ച കാ​ര്യ​ങ്ങ​ളെ​ക്കു​റി​ച്ച് സം​സാ​രി​ക്കാ​ൻ ആ​ഗ്ര​ഹി​ക്കു​ന്നി​ല്ല. അ​ന്ന​ത്തെ കാ​ര്യ​ങ്ങ​ൾ ഓ​ർ​ക്കാ​ൻത​ന്നെ ഞാ​ൻ ഇ​ഷ്ട​പ്പെ​ടു​ന്നി​ല്ല. ആ ​ദി​വ​സ​ങ്ങ​ൾ മ​റ​ക്കാ​നാ​ണ് ഞാ​ൻ ആ​ഗ്ര​ഹി​ക്കു​ന്ന​ത്. അ​ച്ഛ​നും അ​മ്മ​ക്കും ഞ​ങ്ങ​ൾ എ​ട്ടു മ​ക്ക​ളാ​യി​രു​ന്നു. എ​നി​ക്ക് മൂ​ത്ത മൂ​ന്ന് സ​ഹോ​ദ​രി​മാ​രും ഇ​ള​യ ര​ണ്ടു സ​ഹോ​ദ​ര​ന്മാ​രും പി​ന്നെ ഒ​രു ഇ​ള​യ സ​ഹോ​ദ​രി. ഞാ​ൻ നാ​ലാ​മ​ത്തെ ആ​ളാ​യി​രു​ന്നു. ഇ​ള​യ സ​ഹോ​ദ​ര​ൻ അ​പ​ക​ട​ത്തി​ൽ മ​രി​ച്ചു. അ​വ​ന് മൂ​ന്ന് കു​ട്ടി​ക​ളാ​ണ്. അ​വ​രെ ഞാ​നാ​ണ് നോ​ക്കു​ന്ന​ത്.

വി​വാ​ഹജീ​വി​ത​ത്തെ​ക്കു​റി​ച്ച്?

ഏ​ഴു​ വ​ർ​ഷം നീ​ണ്ട ദാ​മ്പ​ത്യമാ​യി​രു​ന്നു ഞ​ങ്ങ​ളു​ടേ​ത്. ഭ​ർ​ത്താ​വ് വ​ള​രെ ടോ​ക്സി​ക് ആ​യ മ​നു​ഷ്യ​നാ​യി​രു​ന്നു. മാ​ന​സി​ക​വും ശാ​രീ​രി​ക​വു​മാ​യു​ള്ള പീ​ഡ​ന​ങ്ങ​ൾ​ക്ക് വി​ധേ​യ​മാ​കേ​ണ്ടി വ​ന്നി​ട്ടു​ണ്ട്. എ​ന്നി​ട്ടും ആ ​ബ​ന്ധം നി​ല​നി​ർ​ത്താ​ൻ പ​ര​മാ​വ​ധി സ​ഹി​ച്ചു​നി​ന്നു. ആ​ദ്യ​മൊ​ക്കെ സ​മാ​ധാ​ന​പ​ര​മാ​യും സ്നേ​ഹ​ത്തോ​ടെ​യുമാ​ണ് ഞ​ങ്ങ​ൾ ക​ഴി​ഞ്ഞി​രു​ന്ന​ത്. പി​ന്നീ​ട് സ്വ​ഭാ​വ​ത്തി​ൽ മാ​റ്റ​ം വ​ന്നുതു​ട​ങ്ങി. സു​ഹൃ​ത്തു​ക്ക​ളും മ​റ്റു​ ചി​ല​രും ചേ​ർ​ന്ന് പ​രി​ഹ​സി​ക്കാ​ൻ തു​ട​ങ്ങി​യ​പ്പോ​ൾ അ​ദ്ദേ​ഹ​ത്തി​ൽ മാ​റ്റ​ം പ്ര​ക​ട​മാ​യി. ഞ​ങ്ങ​ൾ ത​മ്മി​ലു​ള്ള ബ​ന്ധ​ത്തി​ൽ വി​ള്ള​ലു​ക​ൾ വീ​ഴാ​ൻ തു​ട​ങ്ങി. സ​ഹി​ക്കാ​ൻ ക​ഴി​യാ​താ​യ​പ്പോ​ൾ പൊ​ലീ​സി​ൽ പ​രാ​തിപ്പെ​ടേ​ണ്ടി വ​ന്നു. ഒ​ടു​വി​ൽ ആ ​ബ​ന്ധം പി​രി​ഞ്ഞു.

എ​ൻ.​ജി.ഒക​ളെ കു​റി​ച്ച് എ​ന്താ​ണ് അ​ഭി​പ്രാ​യം? എ​ൻ.​ജി.​ഒക​ളു​ടെ പ്ര​വ​ർ​ത്ത​നം ട്രാ​ൻസ് ക​മ്യൂ​ണി​റ്റി​യെ ശ​ക്തി​പ്പെ​ടു​ത്തു​ന്നു​ണ്ടോ?

എ​ൻ.​ജി.​ഒക​ൾ കാ​ര​ണം ട്രാ​ൻ​സ്ജെ​ൻ​ഡ​ർ സ​മൂ​ഹ​ത്തി​ന് വ​ള​ർ​ച്ച ഉ​ണ്ടാ​ക്കാ​ൻ സാ​ധി​ച്ചി​ട്ടു​ണ്ട്. ട്രാ​ൻ​സ്ജെ​ൻ​ഡ​ർ ക​മ്യൂ​ണി​റ്റി​യു​ടെ പോ​രാ​ട്ട​ങ്ങ​ൾ​ക്ക് ഊ​ർ​ജം ന​ൽ​കാ​ൻ എ​ൻ.​ജി.​ഒ​ക​ൾ​ക്ക് ക​ഴി​ഞ്ഞി​ട്ടു​ണ്ട്. ഫ​ണ്ടി​ന്റെ കാ​ര്യം വ​രു​മ്പോ​ൾ പ​ല​പ്പോ​ഴും പ്ര​ശ്ന​ങ്ങ​ൾ ഉ​ണ്ടാ​കാ​റു​ണ്ട്. നി​സ്വാ​ർഥ​മാ​യി ഈ ​സ​മൂ​ഹ​ത്തി​നുവേ​ണ്ടി വ​ർ​ക്ക് ചെ​യ്യു​ന്ന ക​മ്യൂ​ണി​റ്റി മെ​ംബ​ർ​മാ​രും അ​ഭ്യു​ദ​യ​കാം​ക്ഷി​ക​ളുമു​ണ്ട്. അ​ല്ലാ​ത്ത​വ​രു​മു​ണ്ട്. ഞാ​ൻ സെ​ക്ര​ട്ട​റി​യാ​യ ‘അ​മാ​ന’ മ​ണി​പ്പൂ​രി​ലെ ആ​റ് ജി​ല്ല​ക​ളി​ലുണ്ട്. ഞ​ങ്ങ​ൾ പ്ര​വ​ർ​ത്തി​ക്കു​ന്ന​ത് ട്രാ​ൻ​സ്ജെ​ൻ​ഡ​ർ മ​നു​ഷ്യ​ർ​ക്കി​ട​യി​ൽ മാ​ത്ര​മ​ല്ല. സ​മൂ​ഹ​ത്തി​ലെ പ്ര​യാ​സ​ങ്ങ​ൾ നേ​രി​ടു​ന്ന എ​ല്ലാ​വ​ർ​ക്കും വേ​ണ്ടി ‘അ​മാ​ന’ പ്ര​വ​ർ​ത്തി​ക്കു​ന്നു​ണ്ട്.

ട്രാ​ൻ​സ്ജെ​ൻ​ഡ​ർ ക​മ്യൂ​ണി​റ്റി​ക്ക് അ​ക​ത്ത് പ​ല​പ്പോ​ഴും അ​ഭി​പ്രാ​യ വ്യ​ത്യാ​സ​ങ്ങ​ൾ പ്ര​ക​ട​മാ​യി കാ​ണാ​റു​ണ്ട്. വ​ള​രെ ന്യൂ​ന​പ​ക്ഷ​മാ​യ ക​മ്യൂ​ണി​റ്റി അം​ഗ​ങ്ങ​ൾ ത​മ്മി​ൽ ഐ​ക്യ​മി​ല്ലാ​ത്ത​ത് നി​ങ്ങ​ൾ ന​ട​ത്തു​ന്ന പോ​രാ​ട്ട​ങ്ങ​ളെ ബാ​ധി​ക്കി​ല്ലേ?

ഇ​ത് എ​ല്ലാ​യി​ട​ത്തും സം​ഭ​വി​ക്കു​ന്നു​ണ്ട്. ഞ​ങ്ങ​ൾ​ക്കി​ട​യി​ൽ മാ​ത്ര​മ​ല്ല. ഹെ​ട്രോ സെ​ക്ഷ്വ​ൽ മ​നു​ഷ്യ​ർ​ക്കി​ട​യി​ലും ഇ​ത് സം​ഭ​വി​ക്കു​ന്നു​ണ്ട്. വ്യ​ത്യ​സ്ത വീ​ക്ഷ​ണ​ങ്ങ​ളും വി​മ​ർ​ശ​ന​ങ്ങ​ളും ന​ല്ല​താ​ണ്. എ​ങ്ങനെ​യാ​ണ് ന​മ്മ​ൾ ആ ​വീ​ക്ഷ​ണ​ങ്ങ​ളെ കാ​ണു​ന്ന​തെ​ന്ന​താ​ണ് കാ​ര്യം. അ​ത്ത​രം കാ​ര്യ​ങ്ങ​ൾ ഒ​രു മേ​ശ​ക്ക് ചു​റ്റു​മി​രു​ന്ന് ആ​രോ​ഗ്യ​ക​ര​മാ​യി ച​ർ​ച്ചചെ​യ്ത് പ​രി​ഹ​രി​ക്കു​ക​യാ​ണ് വേ​ണ്ട​ത്.​ എ​ല്ലാ​വ​രും ഒ​രുപോ​ലെ ചി​ന്തി​ക്കു​ക എ​ന്നു​ള്ള​ത് സാ​ധ്യ​മ​ല്ലാ​ത്ത കാ​ര്യ​മാ​ണ്. എ​പ്പോ​ഴും വ്യ​ത്യ​സ്ത​മാ​യി ചി​ന്തി​ക്കു​ന്ന​തും അ​ഭി​പ്രാ​യ​ങ്ങ​ൾ പ​റ​യു​ന്ന​തു​മാ​ണ് ന​ല്ല​ത്. പ​ക്ഷേ അ​ത് ട്രാ​ൻ​സ് ക​മ്യൂ​ണി​റ്റി​ക്ക് കോ​ട്ടം വ​രു​ത്തു​ന്ന ത​ര​ത്തി​ലാ​ക​രു​ത്.

സാ​ന്ത നി​ര​വ​ധി നി​യ​മ പോ​രാ​ട്ട​ങ്ങ​ളു​ടെ ഭാ​ഗ​മാ​യി​ട്ടു​ണ്ട്. അ​തേ​ക്കു​റി​ച്ച്..?

പു​രു​ഷ​ന്മാ​രു​മാ​യി (MSM), ട്രാ​ൻ​സ്‌​ജെ​ൻ​ഡ​ർ വ്യ​ക്തി​ക​ൾ, ലൈം​ഗി​ക​ത്തൊ​ഴി​ലാ​ളി​ക​ൾ എ​ന്നി​വ​രു​മാ​യി ലൈം​ഗി​കബ​ന്ധ​ത്തി​ൽ ഏ​ർ​പ്പെ​ടു​ന്ന പു​രു​ഷ​ൻ​മാ​രു​ടെ ര​ക്ത​ദാ​നം ശാ​ശ്വ​ത​മാ​യി നി​രോ​ധി​ക്കു​ന്ന​തി​നെ ചോ​ദ്യംചെ​യ്തു​കൊ​ണ്ട് ഒ​രു സു​പ്ര​ധാ​ന വ്യ​വ​ഹാ​രം ഫ​യ​ൽ ചെ​യ്തു​കൊ​ണ്ട് ഞാ​ൻ 2021ൽ ​ച​രി​ത്രം സൃ​ഷ്ടി​ച്ചു. ഈ ​ധീ​ര​മാ​യ ന​ട​പ​ടി ഈ ​വി​വേ​ച​ന​പ​ര​മാ​യ നി​യ​മ​ത്തെ നി​യ​മ​പ​ര​മാ​യി നേ​രി​ടു​ന്ന രാ​ജ്യ​ത്തെ ആ​ദ്യ​ത്തെ വ്യ​ക്തി​യാ​ക്കി.​ അ​തേ വ​ർ​ഷംത​ന്നെ, പാ​ൻ​ഡ​മി​ക് സ​മ​യ​ത്ത് സ​മൂ​ഹ​ത്തി​​ന്റെ ഉ​യ​ർ​ന്ന പ​രാ​ധീ​ന​ത തി​രി​ച്ച​റി​ഞ്ഞ്, ട്രാ​ൻ​സ്‌​ജെ​ൻ​ഡ​ർ വ്യ​ക്തി​ക​ളെ സം​സ്ഥാ​ന​ത്തി​​ന്റെ COVID-19 പി​ന്തു​ണ പ​ദ്ധ​തി​യി​ൽ ഉ​ൾ​പ്പെ​ടു​ത്താ​ൻ മ​ണി​പ്പൂ​ർ ഹൈ​കോ​ട​തി​യി​ലും ഞാ​ൻ അ​പേ​ക്ഷി​ച്ചു.

മാ​ത്ര​മ​ല്ല, 2023ൽ ​ട്രാ​ൻ​സ്‌​ജെ​ൻ​ഡ​ർ ക്ഷേ​മ​നി​ധി​ക​ളു​ടെ വി​നി​യോ​ഗ​ത്തെ​യും സു​താ​ര്യ​ത​യെ​യും ചോ​ദ്യംചെ​യ്തു​കൊ​ണ്ട് സാ​മൂ​ഹ്യ​ക്ഷേ​മ വ​കു​പ്പി​​ന്റെ പ്രവർത്തനങ്ങളെ ഞാ​ൻ വെ​ല്ലു​വി​ളി​ച്ചു.​ ഈ നി​യ​മ​പോ​രാ​ട്ട​ങ്ങ​ളി​ൽ ഉ​ട​നീ​ളം സ​ങ്കീ​ർ​ണ​മാ​യ നി​യ​മ പ​ദ​ങ്ങ​ൾ മ​ന​സ്സി​ലാ​ക്കു​ക, സം​സ്ഥാ​ന​ത്തെ അ​നു​കൂ​ല അ​ഭി​ഭാ​ഷ​ക​രെ​യും സു​ര​ക്ഷി​ത​മാ​ക്കു​ക, ട്രാ​ൻ​സ്‌​ജെ​ൻ​ഡ​ർ ​സൗ​ഹൃ​ദ​മ​ല്ലാ​ത്ത ഒ​രു കോ​ട​തി അ​ന്ത​രീ​ക്ഷം നാ​വി​ഗേ​റ്റ് ചെ​യ്യു​ക എ​ന്നി​വ ഉ​ൾ​പ്പെ​ടെ നി​ര​വ​ധി വെ​ല്ലു​വി​ളി​ക​ൾ ഞാ​ൻ നേ​രി​ട്ടു. നീ​തി തേ​ടു​ന്ന പാ​ർ​ശ്വ​വ​ത്ക​രി​ക്ക​പ്പെ​ട്ട സ​മൂ​ഹ​ങ്ങ​ൾ​ക്ക് കൂ​ടു​ത​ൽ പി​ന്തു​ണ​യും വി​ഭ​വ​ങ്ങ​ളും ആ​വ​ശ്യ​മാ​ണെ​ന്ന് ഈ ​ത​ട​സ്സ​ങ്ങ​ൾ അ​ടി​വ​ര​യി​ടു​ന്നു.

എ​ഴു​ത്തി​ലും ലി​റ്റ​റേ​ച്ച​ർ ഫെ​സ്റ്റി​വ​ലു​ക​ളി​ലും സ​ജീ​വ​മാ​ണ​ല്ലോ. പു​തി​യ വ​ർ​ക്കു​ക​ൾ ഏ​തൊ​ക്കെ​യാ​ണ്?

ആ​ന്തോ​ള​ജി​യു​ടെ വ​ർ​ക്കി​ലാ​ണ്. ഏ​താ​ണ്ട് പൂ​ർ​ത്തി​യാ​യി. ഞാ​നും എ​​ന്റെ ട്രാ​ൻ​സ്മാ​ൻ പാ​ർ​ട്​ണ​ർ ജോ​ൺ ജോ​ൺ നൊ​മ​യ്ത്തി​മും ചേ​ർ​ന്നാ​ണ് എ​ഴു​തി​യി​രി​ക്കു​ന്ന​ത്. അ​ത് ക​ഴി​ഞ്ഞാ​ൽ ‘ആ​ക്ഷ​ൻ​സ്’ ഒ​രു ഫി​ക്ഷ​ൻ പു​സ്ത​ക​മാ​ണ്. കൂ​ടാ​തെ മും​ബൈ​യി​ലെ കാ​ലാ​ഘോ​ഡ ഫെ​സ്റ്റി​വ​ൽ, ബ്ര​ഹ്മ​പു​ത്ര ലി​റ്റ​റേ​ച്ച​ർ ഫെ​സ്റ്റി​വ​ൽ, കേ​ര​ള ലി​റ്റ​റേ​ച്ച​ർ ഫെ​സ്റ്റി​വ​ൽ തു​ട​ങ്ങി നി​ര​വ​ധി ലി​റ്റ​റേ​ച്ച​ർ ഫെ​സ്റ്റി​വ​ലി​ൽ പ​ങ്കെ​ടു​ത്തു. എ​ഴു​ത്തും ഇ​ത്ത​രം ഫെ​സ്റ്റി​വ​ൽ യാ​ത്ര​ക​ളും ഞാ​ൻ ശ​രി​ക്കും ആ​സ്വ​ദി​ക്കു​ന്നു​ണ്ട്.