എഴുത്തുകുത്ത്

ക്രൂ​ര​രാ​വാ​ൻ ക​ഴി​വു​ള്ള​വ​ർ മ​നു​ഷ്യ​ർ

അ​ങ്ങേ​യ​റ്റം ക്രൂ​ര​രാ​വാ​ൻ ക​ഴി​വു​ള്ള​വ​രാ​ണ് മ​നു​ഷ്യ​ർ എ​ന്ന ലു​പി​ത യോ​ങ്ഗോ​യു​ടെ (Lupita Nyong'o) വാ​ച​കം എ​ത്ര​ത്തോ​ളം സ​ത്യ​മെ​ന്ന് ഗം​ഭീ​ര​മാ​യി ആ​വി​ഷ്ക​രി​ച്ചി​രി​ക്കു​ക​യാ​ണ് ഉ​ണ്ണി​കൃ​ഷ്ണ​ൻ ക​ളീ​ക്ക​ൽ ‘കാ​ലു​ട്രോ​ൺ ഗേ​ൾ​സ്’ എ​ന്ന ക​ഥ​യി​ലൂ​ടെ. ആ​റ്റംബോം​ബ് നി​ർ​മാ​ണ​ത്തി​ൽ അ​റി​യാ​തെ പ​ങ്കാ​ളി​ക​ളാ​വേ​ണ്ടി വ​ന്ന ‘കാ​ലു​ട്രോ​ൺ ഗേ​ൾ​സ്’ എ​ന്ന് പി​ന്നീ​ട് അ​റി​യ​പ്പെ​ട്ട പെ​ൺ​കു​ട്ടി​ക​ൾ. ആ ​ച​രി​ത്ര​ത്തെ വ​ർ​ത്ത​മാ​ന​കാ​ല​ത്തെ ര​ണ്ടു മ​ല​യാ​ളി പെ​ൺ​കു​ട്ടി​ക​ളി​ലേ​ക്കും ക്രൂ​ര​ത​യു​ടെ മ​റ്റൊ​രു അ​ട​രി​ലേ​ക്കും ഇ​ഴ​ചേ​ർ​ത്തുവെ​ക്കു​ന്ന പ്ര​മേ​യ​വും അ​വ​ത​ര​ണ​ ഭം​ഗി​യു​മാ​ണ് ഈ ​ക​ഥ​യു​ടെ സൗ​ന്ദ​ര്യം.

ക്ലി​നി​ക്ക​ൽ ട്ര​യ​ലി​ന് വി​ധേ​യ​രാ​ക്കു​ന്ന മ​നു​ഷ്യ​രെ രേ​ഖ​ക​ളി​ൽ വ​സ്തു എ​ന്നാ​ണ് സൂ​ചി​പ്പി​ക്കു​ക എ​ന്ന് ക​ഥ​യി​ൽ വാ​യി​ച്ച​പ്പോ​ൾ സ്മാ​ർ​ത്ത​വി​ചാ​ര​ത്തി​ൽ സാ​ധ​നം എ​ന്ന് വി​ശേ​ഷി​പ്പി​ക്കു​ന്ന​ത് ഓ​ർ​മ വ​ന്നു. യൂ​ക്കോ​യും എ​മി​യും സു​മി​ത്ര​യും മ​ാർ​ഗ​ര​റ്റു​മൊ​ക്കെ ഉ​ള്ളി​ൽ മാ​യാ​തെ നി​ൽ​ക്കു​ന്ന ക​ഥാ​പാ​ത്ര​ങ്ങ​ളാ​ണ്. സാ​മ്രാ​ജ്യ​ത്വ​മാ​യാ​ലും കു​ടും​ബ​മാ​യാ​ലും ത​ങ്ങ​ളു​ടെ അ​ഭി​മാ​നം ഉ​യ​ർ​ത്തി​പ്പി​ടി​ക്കാ​ൻ വേ​ണ്ടി ഇ​ല്ലാ​താ​ക്കി​ക്ക​ള​യു​ന്ന ജീ​വി​ത​ങ്ങ​ളെ/​ ജീ​വി​താ​വ​സ്ഥ​ക​ളെ/​ കാ​ല​ത്തെ എ​ത്ര ഭം​ഗി​യാ​യാ​ണ് ഈ ​ക​ഥ​യി​ൽ മെ​ന​ഞ്ഞുവെ​ച്ചി​രി​ക്കു​ന്ന​ത്. മി​ക​ച്ച ക​ഥ. ആ​വി​ഷ്ക​ര​ണം.

ന​ജീ​ബ് മൂ​ടാ​ടി

ക​ഥ​യി​ലെ നി​രീ​ക്ഷ​ണം ച​രി​ത്ര​ത്തി​ൽ എ​വി​ടെ​യും ബാ​ധ​കം

ക​ഥാ​കൃ​ത്തും ശാ​സ്ത്ര എ​ഴു​ത്തു​കാ​ര​നു​മാ​യ ഉ​ണ്ണി​കൃ​ഷ്ണ​ൻ ക​ളീ​ക്ക​ൽ മാ​ധ്യ​മം ആ​ഴ്ച​പ്പ​തി​പ്പി​ൽ എ​ഴു​തി​യ ‘കാ​ലു​ട്രോ​ൺ ഗേ​ൾ​സ്’ എ​ന്ന ക​ഥ തു​ട​ങ്ങു​ന്ന​ത് വി​ഖ്യാ​ത കെ​നി​യ​ൻ സം​വി​ധാ​യ​ക​യും ന​ടി​യും ആ​ക്ടി​വി​സ്റ്റു​മാ​യ ലു​പി​ത യോ​ങ്ഗോ​യു​ടെ ഒ​രു ഉ​ദ്ധ​രണി​യി​ൽനി​ന്നു​മാ​ണ്. പോ​രാ​ട്ട​ങ്ങ​ളു​ടെ ക​ന​ൽ​വ​ഴി​ക​ൾ താ​ണ്ടി മി​ക​ച്ച സ​ഹ​ന​ടി​ക്കു​ള്ള ഒ​ാസ്ക​ർ പു​ര​സ്കാ​രം സ്വീ​ക​രി​ച്ചുകൊ​ണ്ട് അ​വ​ർ ന​ട​ത്തി​യ പ്ര​സം​ഗം വ​ർ​ഷ​ങ്ങ​ൾ ഏ​റെ ക​ഴി​ഞ്ഞി​ട്ടും മ​ന​സ്സി​ൽനി​ന്നും കെ​ട്ടു​പോ​യി​ട്ടി​ല്ല.

ര​ണ്ടാം ലോ​ക​​യു​ദ്ധ​ സ​മ​യ​ത്ത് ടെ​ന്ന​സി​യി​ലെ ഓ​ക്രി​ഡ്ജി​ൽ ഒ​രു യു​റേ​നി​യം ശു​ദ്ധീ​ക​ര​ണ കേ​ന്ദ്രം പ്ര​വ​ർ​ത്തി​പ്പി​ക്കാ​ൻ റി​ക്രൂ​ട്ട് ചെ​യ്യ​പ്പെ​ട്ട പെ​ൺ​കു​ട്ടി​ക​ളു​ടെ ഒ​രു കൂ​ട്ട​മാ​യി​രു​ന്നു കാ​ലു​ട്രോ​ൺ ഗേ​ൾ​സ്. അ​മേ​രി​ക്ക​ൻ ഗ​വ​ൺ​മെ​ന്റ് മാ​ൻ​ഹ​ട്ട​ൻ പ​ദ്ധ​തി​യു​ടെ ഭാ​ഗ​മാ​യി​ട്ടാ​ണ് ഈ ​പ്ലാ​ന്റ് നി​ർ​മി​ച്ച​ത്. ഇ​വി​ടെ ആ​ർ​ക്കു​വേ​ണ്ടി​യും എ​ന്തി​നു​വേ​ണ്ടി​യു​മാ​ണ് ജോ​ലി ചെ​യ്യു​ന്ന​തെ​ന്ന് ആ ​പാ​വം പെ​ൺ​കു​ട്ടി​ക​ൾ​ക്ക് അ​ജ്ഞാ​ത​മാ​യി​രു​ന്നു. ഹി​രോ​ഷി​മ​യെ ചു​ട്ടു ചാ​മ്പ​ലാ​ക്കി​യ ‘ലി​റ്റി​ൽ ബോ​യ്’ ​എ​ന്ന അ​ണു​ബോം​ബി​ന്റെ നി​ർ​മാ​ണ​ത്തി​ൽ ത​ങ്ങ​ളും പ​ങ്കാ​ളി​ക​ളാ​യി​രു​ന്നു എ​ന്ന​റി​ഞ്ഞ​പ്പോ​ൾ ഉ​ണ്ടാ​യ ക​ഠി​ന​മാ​യ കു​റ്റ​ബോ​ധം മ​ര​ണംവ​രെ അ​വ​രെ വേ​ട്ട​യാ​ടി​യി​രു​ന്നു. കാ​ലു​ട്രോ​ൺ ഗേ​ൾ​സി​ൽ ഉ​ൾ​പ്പെ​ട്ട മാ​ർ​ഗ​ര​റ്റി​ന്റെ കൊ​ച്ചു​മ​ക​ളാ​യ യൂ​ക്കോ വ​ത്ത​നാ​ബേ​യി​ൽനി​ന്നു​മാ​ണ് ക​ഥ​യു​ടെ പ്ര​മേ​യ​ത്തെ എ​ഴു​ത്തു​കാ​ര​ൻ വി​ക​സി​പ്പി​ക്കു​ന്ന​ത്.

ച​രി​ത്ര​ത്തി​ന്റെ​യും ഫി​ക്‌​ഷ​ന്റെ​യും സാ​ധ്യ​ത​ക​ളെ ഉ​പ​യോ​ഗ​പ്പെ​ടു​ത്തി ഇ​ര​ക​ളാ​ക്ക​പ്പെ​ടു​ന്ന​വ​രു​ടെ മാ​ന​സി​ക സം​ഘ​ർ​ഷ​ങ്ങ​ളെ ആ​ഖ്യാ​ന മി​ക​വോ​ടെ ക​ഥാ​കൃ​ത്ത് അ​വി​ഷ്കരി​ച്ചി​രി​ക്കു​ന്നു. സ്വ​വ​ർ​ഗാനു​രാ​ഗി​ക​ളാ​യ എ​മി​യു​ടെ​യും സു​മി​ത്ര​യു​ടെ​യും ജീ​വി​താ​ഭി​ലാ​ഷ​ത്തി​ന് പ്ര​തി​ബ​ന്ധ​മാ​യി നി​ൽ​ക്കു​ന്ന​ത് യു​ദ്ധ​വും എ​മി​യു​ടെ കാൻ​സ​ർ രോ​ഗ​ബാ​ധ​യു​മാ​ണ്. കിയവി​ലേ​ക്ക് ഉ​പ​രി​പ​ഠ​ന​ത്തി​ന് പോ​കാ​നാ​യി ത​യാ​റാ​കു​മ്പോ​ഴാ​ണ് എ​മി​യെ രോ​ഗം ബാ​ധി​ക്കു​ന്ന​ത്. ക്ലി​നി​ക്ക​ൽ ട്ര​യ​ലി​ന് ഹി​രോ​ഷി​മ​യി​ൽ എ​ത്തു​ന്ന എ​മി പീ​സ് മെ​മ്മോ​റി​യ​ൽ പാ​ർ​ക്കി​ലി​രു​ന്ന് യൂ​ക്കോ​യെ കേ​ൾ​ക്കു​മ്പോ​ൾ അ​വ​ളു​ടെ മ​ന​സ്സ് ക​ലു​ഷി​ത​മാ​യി​രു​ന്നു. യു​ദ്ധ​മു​ഖ​ത്തി​ൽനി​ന്നു​മു​ള്ള സു​മി​ത്ര​യു​ടെ സ​ന്ദേ​ശ​ങ്ങ​ൾ അ​വ​ൾ​ക്ക് താ​ൽ​ക്കാ​ലി​ക​മാ​യ ആ​ശ്വാ​സം മാ​ത്രം ന​ൽ​കി.

ന​ന്മ എ​ന്ന​ത് വി​ശ്വ​സി​ക്കാ​ൻ കൊ​തി​ക്കു​ന്ന സ്വ​പ്ന​മെ​ങ്കി​ലും, ത​ടു​ക്കാ​ൻ ക​ഴി​യാ​ത്ത ക്രൂ​ര​തത​ന്നെ​യാ​ണ് ചി​ല​പ്പോ​ഴെ​ങ്കി​ലും മു​ന്നി​ൽ. വി​ശ​പ്പും ര​തി​യുംപോ​ലെ ആ​ഗ്ര​ഹി​ച്ചാ​ലും ത​ടു​ക്കാ​നാ​വാ​ത്ത​ത്.​ ക​ഥ​യി​ലെ ഈ ​നി​രീ​ക്ഷ​ണം ച​രി​ത്ര​ത്തി​ൽ എ​വി​ടെ​യും ബാ​ധ​ക​മാ​ണ്. എ​മി​യു​ടെ അ​പ്പാ​പ്പ​ൻ ഒ​രി​ക്ക​ൽകൂ​ടി അ​തു ശ​രി​വെക്കുന്നു.​ ഇ​രു കാ​ല​ങ്ങ​ളെ, ദേ​ശ​ങ്ങ​ളെ ഈ ​ക​ഥ അ​നാ​യാ​സം ബ​ന്ധി​പ്പി​ക്കു​ന്നു എ​ന്ന​ത് ഇ​തി​ന്റെ ക്രാ​ഫ്റ്റി​നെ ശ്ര​ദ്ധേ​യ​മാ​ക്കു​ന്നു. വാ​യ​ന​യു​ടെ വ്യ​ത്യ​സ്ത​ങ്ങ​ളാ​യ അ​ട​രു​ക​ളി​ലേ​ക്ക് സ​ഞ്ച​രി​ക്കു​ന്ന മി​ക​ച്ച ക​ഥ​യാ​ണി​ത്.

അ​നി​ൽ സി. ​പ​ള്ളി​ക്ക​ൽ, പ​യ്യ​ന​ല്ലൂ​ർ, പ​ത്ത​നം​തി​ട്ട

യോ​സ ഒാ​ർ​മ

2010ൽ ​സാ​ഹി​ത്യ നൊ​േബ​ൽ സ​മ്മാ​നം ക​ര​സ്ഥ​മാ​ക്കി​യ ലാ​റ്റി​ന​മേ​രി​ക്ക​ന്‍ എ​ഴു​ത്തു​കാ​ര​നാ​യ മ​രി​​േയാ വ​ര്‍ഗാ​സ്‌ യോ​സ​യെ അ​റി​യാ​ത്ത​വ​ർ മ​ല​യാ​ളി വാ​യ​ന​സ​മൂ​ഹ​ത്തി​ൽ കു​റ​വാ​യി​രി​ക്കും. അ​ദ്ദേ​ഹ​ത്തി​ന് തി​ലോ​ദ​ക​മ​ര്‍പ്പി​ച്ച്​ ആ​ഴ്ച​പ്പ​തി​പ്പ് ത​യാ​റാ​ക്കി​യ തു​ട​ക്കം​ മ​ന​സ്സി​നെ സ്പ​ർ​ശി​ച്ചു (ല​ക്കം 1417). ഗ​ബ്രി​യേ​ല്‍ ഗാ​ര്‍സ്യ മാ​ർകേ​സി​നെ​പ്പോ​ലെ മ​ല​യാ​ളി വാ​യ​ന​ക്കാ​രു​ടെ ഹൃ​ദ​യ​ത്തി​ല്‍ ഇ​ടം നേ​ടി​യ നോ​വ​ലി​സ്റ്റാ​ണ് യോ​സ​യും. 1963ൽ ​പ്ര​സി​ദ്ധീ​ക​രി​ച്ച ‘ദി ​ട്യൂ​ണ്‍ ഓ​ഫ് ദി ​ഹീ​റോ’യും, 1965ൽ ​പു​റ​ത്തി​റ​ങ്ങി​യ ‘ദി ​ഗ്രീ​ന്‍ ഹൗ​സും’ ന​മ്മു​ടെ ആ​സ്വാ​ദ​ന തൃ​ഷ്ണ​യെ ഏ​റെ ഭ്ര​മി​പ്പി​ച്ച​താ​ണ്. 1966ൽ ​പു​റ​ത്തു​വ​ന്ന ‘ഡി ​ടൈം ഓ​ഫ് ദി ​ഹീ​റോ’യാ​ണ് യോ​സ​യെ ലോ​ക പ്ര​ശ​സ്ത​നാ​ക്കി​യ​ത്.

അ​ദ്ദേ​ഹം 1990ൽ ​പെ​റു​വി​ന്‍റെ പ്ര​സി​ഡ​ന്‍റ് സ്ഥാ​ന​ത്തേ​ക്ക് മ​ത്സ​രി​ച്ച് പ​രാ​ജ​യ​പ്പെ​ട്ട​തോ​ടെ ലാ​റ്റി​ന​മേ​രി​ക്ക​ൻ ഇ​ട​തു​പ​ക്ഷ സ​ർ​ക്കാ​റുക​ളു​ടെ ക​ടു​ത്ത വി​മ​ർ​ശ​ക​നാ​യി മാ​റി. തു​ട​ർ​ന്ന് വി​വാ​ദ​ങ്ങ​ള്‍ സ​ഹ​യാ​ത്രി​ക​രാ​യെ​ങ്കി​ലും ന​ല്ലൊ​രു എ​ഴു​ത്തു​കാ​ര​ന്‍ എ​ന്ന നി​ല​യി​ല്‍ ലോ​ക​മെ​മ്പാ​ടും ആ​രാ​ധ​ക​രു​ണ്ടാ​യി. രാ​ഷ്ട്രീ​യ​ത്തി​നു നേ​ടി​ക്കൊ​ടു​ക്കാ​നാ​വാ​ത്ത​ത്ര സ്വീ​കാ​ര്യ​ത​യാ​യി​രു​ന്നു അ​ത്.

2015ല്‍ ​ലാ​റ്റി​ന​മേ​രി​ക്ക​ന്‍ എ​ഴു​ത്തു​കാ​രെ ലോ​കസാ​ഹി​ത്യ​ത്തി​ന്‍റെ മു​ന്‍നി​ര​യി​ല്‍ എ​ത്തി​ച്ച കാ​ര്‍മെ​ന്‍ ബാ​ല്‍സേ​ഴ്സ് നി​ര്യാ​ത​നാ​യ​പ്പോ​ള്‍ ‘‘പ്രി​യ​പ്പെ​ട്ട കാ​ര്‍മെ​ന്‍, അ​ധി​കം വൈ​കാ​തെ ന​മു​ക്ക് കാ​ണാ’’മെ​ന്ന് യോ​സ എ​ഴു​തി​യെ​ങ്കി​ലും അ​തു പാ​ലി​ക്കാ​ന്‍ യോ​സ​ക്ക് 10 വ​ർഷം കാ​ത്തി​രി​ക്കേ​ണ്ടി വ​ന്നു. ഇ​പ്പോ​ൾ 88ാ​മ​ത്തെ വ​യ​സ്സി​ല്‍ വി​ട​പ​റ​യു​മ്പോ​ൾ ത​​ന്റെ നോ​വ​ലു​ക​ളി​ലൂ​ടെ അ​നു​വാ​ച​ക​ർ ആ ​മ​ഹാ​പ്ര​തി​ഭ​യെ എ​ന്നെ​ന്നും ക​ണ്ടു​കൊ​ണ്ടി​രി​ക്കു​ന്നു. ത​ന്റെ ജീ​വി​ത​ദൗ​ത്യം പൂ​ര്‍ത്തി​യാ​ക്കി അ​ദ്ദേ​ഹം തി​രി​ച്ചു​പോ​കു​മ്പോ​ള്‍ ദുഃ​ഖി​ക്കാ​നൊ​ന്നു​മി​ല്ലെ​ന്നാ​ണ് എ​ന്റെ പ​ക്ഷം. കാ​ര​ണം, നി​ത്യ​സ്മ​ര​ണീ​യ​ങ്ങ​ളാ​യ നി​ര​വ​ധി ര​ച​ന​ക​ൾ ന​മ്മു​ടെ കൈ​ക​ളി​ൽ ത​ന്നി​ട്ടാ​ണ​ല്ലോ അ​ദ്ദേ​ഹം പോ​കു​ന്ന​ത്.

സ​ണ്ണി ജോ​സ​ഫ്‌, മാ​ള

ക​ന​ലു​ക​ളി​ൽ പൊ​ള്ളി​യ ച​രി​ത്രം വാ​യ​ന​ക്കാ​രെ അ​സ്വ​സ്ഥ​മാ​ക്കും

ബാ​ല​ഗോ​പാ​ല​ൻ കാ​ഞ്ഞ​ങ്ങാ​ട് എ​ഴു​തി​യ പു​തി​യ ക​വി​ത ‘സെ​ബ്ദെ​ല്ല ജോ​തെ​യി​ലെ സിം​ഹ​സൂ​ര്യ​ൻ’ (ല​ക്കം: 1417, 1418) വാ​യി​ച്ചു. 60ക​ളി​ലും 70ക​ളി​ലും സ​ജീ​വ​മാ​യി​രു​ന്ന തീ​വ്ര ഇ​ട​തു​പ​ക്ഷ രാ​ഷ്ട്രീ​യ​ത്തി​ന്റെ ക​ന​ലു​ക​ളി​ൽ പൊ​ള്ളി​യ ച​രി​ത്രം വാ​യ​ന​ക്കാ​രെ അ​സ്വ​സ്ഥ​മാ​ക്കും. ചോ​ര മ​ണ​ക്കു​ന്ന കൊ​ടും യാ​ത​ന​ക​ളി​ലൂ​ടെ സ​ഞ്ച​രി​ച്ച വി​പ്ല​വ​കാ​രി​ക​ൾ... ഒ​രു പു​തു​യു​ഗ​ത്തി​​ന്റെ പി​റ​വി സ്വ​പ്നം ക​ണ്ട് ന​ട​ന്ന​വ​ർ... സ​ർ​വതോ​മുഖ​മാ​യ പ​രി​വ​ർ​ത്ത​ന​ത്തി​നു​ള്ള പോ​രാ​ട്ട​ത്തി​ന് നാ​ട് പാ​ക​മാ​യി​ക്ക​ഴി​ഞ്ഞെ​ന്ന് തെ​റ്റി​ദ്ധ​രി​ക്ക​പ്പെ​ട്ട് അ​തി​സാ​ഹ​സി​ക​ത​യു​ടെ പാ​ത തി​ര​ഞ്ഞെ​ടു​ത്ത​വ​ർ... അ​ധി​കാ​രം തോ​ക്കി​ൻ​കു​ഴ​ലി​ലൂ​ടെ തു​ട​ങ്ങി​യ ആ​വേ​ശം ജ​നി​പ്പി​ക്കു​ന്ന മു​ദ്രാ​വാ​ക്യ​ങ്ങ​ളി​ൽ ആ​കൃ​ഷ്ട​രാ​യി ഈ​യാം​പാ​റ്റ​ക​ളെ​പ്പോ​ലെ വീ​ണ​ടി​ഞ്ഞ​വ​ർ... സ്വാ​ത​ന്ത്ര്യാ​ന​ന്ത​ര ഇ​ന്ത്യ​ക്ക് ഇ​ങ്ങ​നെ​യും ഒ​രു ച​രി​ത്ര​മു​ണ്ട്. ഹൃ​ദ​യം ത്ര​സി​പ്പി​ക്കു​ന്ന വ​രി​ക​ളി​ലൂ​ടെ, ഭാ​വ​തീ​വ്ര​ത​യോ​ടെ ആ ​ച​രി​ത്ര​ത്തെ അ​വ​ത​രി​പ്പി​ക്കു​ക​യാ​ണ് ത​​ന്റെ ക​വി​ത​യി​ലൂ​ടെ ​ബാ​ല​ഗോ​പാ​ല​ൻ.

ന​ക്സ​ൽ​ബാ​രി​യു​ടെ വീ​ര​സ​ന്താ​ന​ങ്ങ​ളാ​യ ക​നു​സ​ന്യാ​ലി​​ന്റെയും ചാ​രു മ​ജും​ദാ​റുടെ​യും സം​ഘ​ർ​ഷ​ഭ​രി​ത​മാ​യ ജീ​വി​തസ​ന്ദ​ർ​ഭ​ങ്ങ​ളാ​ണ് ക​വി​ത​യി​ലെ പ്ര​ധാ​ന പ്ര​മേ​യം. ക​നു​ദാ​യു​ടെ ആ​ത്മ​സം​ഘ​ർ​ഷ​ങ്ങ​ളും അ​ന്ത്യ​വും അ​ത്യ​ന്തം ഹൃ​ദ​യ​ഭേ​ദ​ക​മാ​യ ദൃ​ശ്യാ​നു​ഭ​വ​മാ​യി ക​വി​ത വാ​യ​ന​ക്കാ​രെ അ​ലോ​സ​ര​പ്പെ​ടു​ത്തും. ക​വി​ത​യി​ൽ ചേ​ർ​ത്തു​വെ​ച്ചി​രി​ക്കു​ന്ന വാ​ക്കു​ക​ളും ഭാ​വ​ങ്ങ​ളും ഭാ​വ​ന​യും ആ​ശ​യ​വും ത​ന്നെ​യാ​ണ് അ​ത് സാ​ധ്യ​മാ​ക്കി​യ​ത്. ചെ​റു​ത്തു നി​ൽപുക​ൾ​ക്കി​ട​യി​ൽ ര​ക്ത​സാ​ക്ഷി​ക​ളാ​യ​വ​രെ പ​ല​യി​ട​ത്തും അ​നു​സ്മ​രി​ക്കു​ന്നു​ണ്ട്.

‘‘പാ​ട​മെ​ല്ലാം ചെ​ന്നി​റ​ത്തി​ൽ

ചോ​ന്ന പു​ല്ലു​ക​ൾ കൊ​ടി​പി​ടി​ച്ചു’’ തു​ട​ങ്ങി​യ അ​ർ​ഥ​വ​ത്താ​യ നി​ര​വ​ധി വ​രി​ക​ൾ ക​വി​ത​യെ കൂ​ടു​ത​ൽ ആ​സ്വാ​ദ്യ​ക​ര​മാ​ക്കു​ന്നു.

എ.കെ. ശ്രീധരൻ, കാറോലം,പയ്യന്നൂർ

‘സെ​ബ്ദെ​ല്ല ജോ​​െത​യി​ലെ സിം​ഹസൂ​ര്യ​ൻ’

മാ​ധ്യ​മം ആ​ഴ്ച​പ്പ​തി​പ്പി​ലെ ബാ​ല​ഗോ​പാ​ല​ൻ കാ​ഞ്ഞ​ങ്ങാ​ടി​ന്റെ ക​വി​ത​യു​ടെ ആ​ദ്യ​ഭാ​ഗം (ലക്കം 1417) അ​ക്ഷ​രാ​ർ​ഥ​ത്തി​ൽ ബോ​ധി​ച്ചു. മ​റ​ന്നു പോ​കു​ന്ന/​ മ​റ​ക്ക​പ്പെ​ടാ​ൻ ആ​രൊ​ക്കെ​യോ വെ​മ്പ​ൽ കൊ​ള്ളു​ന്ന ഒ​രു ച​രി​ത്രം (​വ​ർ​ത്ത​മാ​ന​വും) ആ​വി​ഷ്ക​രി​ക്കു​ന്നു എ​ന്ന​ത​ല്ല, മ​നു​ഷ്യ​ൻ എ​ന്ന പ​ല​വി​ധ വ​ർ​ണ്യ​ങ്ങ​ളി​ൽ വ​ർ​ണന​ക​ൾ​ക്ക​പ്പു​റ​ത്തെ യാ​ഥാ​ർ​ഥ്യം ജീ​വി​ച്ച, ജീ​വി​ച്ചു​കൊ​ണ്ടി​രി​ക്കു​ന്ന പ്ര​ത്യ​യ​ശാ​സ്ത്ര​ത്തി​ന്റെ പ്ര​സ​ക്തി അ​നു​രോ​ധ​മാ​യ രാ​ഷ്ട്രീ​യ​വും ജീ​വ​ൽ​സ്വ​ത്വ​വു​മാ​ണെ​ന്ന് ഓ​ർ​മി​പ്പി​ക്കു​ക കൂ​ടി​യാ​ണ് ഈ ​കാ​വ്യഭാ​ഗം. ക​നു​ സ​ന്യാ​ൽ, ന​ക്സ​ൽ ബാ​രി എ​ന്നീ സം​ജ്ഞ​ക​ൾ ഇ​ന്ത്യാ ച​രി​ത്ര​ത്തി​ൽനി​ന്ന് മാ​ഞ്ഞേ പോ​ക​ണം എ​ന്ന വ്യാ​ക്ഷേ​പ​ക സ​ന്ധി​യി​ൽ ഓ​ർ​മ​പ്പെ​ടു​ത്ത​ലാ​യി...​ ചൂ​ണ്ടു​വി​ര​ലാ​യി... ഒ​രു പ്ര​ത്യ​യ​ശാ​സ്ത്ര​ത്തി​ന്റെ പ്ര​സ​ക്തി.

കു​റി​ഞ്ചി​ല​ക്കോ​ട് ബാ​ല​ച​ന്ദ്ര​ൻ

കവിതയുടെ അരുണാഭ

യുവകവി ബാലഗോപാലൻ കാഞ്ഞങ്ങാട് എഴുതിയ ദീർഘ കവിതയുടെ ആദ്യഭാഗം‘സെബ് ദെല്ല ജോതെയിലെ സിംഹ സൂര്യൻ’ (ലക്കം 1416) മാധ്യമം ആഴ്ചപ്പതിപ്പിൽ, സുധീഷ് കോട്ടേമ്പ്രത്തി​ന്റെ ആകർഷണീയമായ വരയുടെ അകമ്പടിയോടെ ഉദിച്ചുയർന്ന് കവിതയുടെ അരുണാഭ തൂകി ജ്വലിച്ചുനിൽക്കുന്നു.

ഭൂപ്രഭുക്കളായ സമീന്ദാർമാരും അവരുടെ കൂലിപ്പടയും കൊന്നും വെന്നും വാണിരുന്ന വംഗദേശത്ത് മാറ്റത്തി​ന്റെ തീച്ചുഴലിയായി രൂപംകൊണ്ട്, ഇന്ത്യയുടെ രാഷ്ട്രീയ-സാമൂഹിക-സാംസ്കാരിക മണ്ഡലങ്ങളിൽ പ്രകമ്പനങ്ങൾ സൃഷ്ടിച്ചുകൊണ്ട് മേഘ ജ്യോതിസ്സ് പോലെ കത്തിയമർന്ന കനു സന്യാലിന്റെയും ചാരുമജുംദാറി​ന്റെയുമൊക്കെ നേതൃത്വത്തിലുള്ള പരിവർത്തന ശ്രമങ്ങളിലേക്കും ആ വിപ്ലവ സൂര്യതേജസ്സുകളുടെ ട്രാജഡിയായ ജീവിതാവസ്ഥകളിലേക്കുമൊക്കെ സൂക്ഷ്മമായ കാവ്യഭാവനയിലൂടെ മനസ്സഞ്ചാരംചെയ്ത്, ആ വിപ്ലവചരിത്ര മുഹൂർത്തങ്ങളെ വൈകാരിക തീവ്രതയോടെ കവിതയുടെ ഈ ആദ്യ ഖണ്ഡത്തിൽ ബാലഗോപാലൻ കാഞ്ഞങ്ങാട് പുനരാവിഷ്കരിക്കുമ്പോൾ, അനുവാചകർക്കത് അനുഭൂതീധന്യമായ വായനാനുഭവം പകരുന്നു. ബംഗാളിലെ നക്സൽ ബാരിയിൽ കനുസന്യാലി​ന്റെ ജന്മ ഗ്രാമത്തി​ന്റെ പേരായ ‘സെബ്ദെല്ല ജോതെ’ എന്ന പേര് തന്നെ തലക്കെട്ടായി സ്വീകരിച്ച കവിത തുടങ്ങുന്നതു തന്നെ പ്രതിരൂപാത്മകമായ അർഥ ധ്വനികളോടെയാണ്.

തുടർന്നുള്ള വിപ്ലവോന്മുഖവും അതേസമയം ശോകച്ഛവി കലർന്നതുമായ വിവരണങ്ങൾക്ക് പശ്ചാത്തലമൊരുക്കുന്ന സമുചിതമായ സമാരംഭം. വംഗദേശത്തിലെ വിപ്ലവ സിംഹ ഗർജനങ്ങളും വടക്കേ മലബാറി​ന്റെ സവിശേഷമായ ഉഗ്രമൂർത്തികളുടെ തീത്തെയ്യാട്ടവും തോറ്റംപാട്ടുകളുമൊക്കെ കൂടിക്കലർന്ന അതീവ ഹൃദ്യമായ കാവ്യാനുഭവം പകരുന്ന ബാലഗോപാലൻ കാഞ്ഞങ്ങാടി​ന്റെ ഈ പുതിയ രചന മുഖ്യധാരാ മലയാള കവിതയിൽ വേറിട്ടൊരു ഭാവുകത്വം അടയാളപ്പെടുത്താൻ പര്യാപ്തമെന്ന് ഈ ആദ്യ ഖണ്ഡം തന്നെ സാക്ഷ്യപ്പെടുത്തുന്നു. ഇതി​ന്റെ പ്രസിദ്ധീകരണത്തിലൂടെ മാധ്യമം ആഴ്ചപ്പതിപ്പ് ടീം നവഭാവുകത്വത്തി​ന്റെ കാമ്പുറ്റ കവിതയെ കണ്ടെത്താനും ഏറ്റവും ആദ്യംതന്നെ അവ വായനക്കാരിൽ എത്തിക്കാനും തങ്ങൾ പ്രതിജ്ഞാബദ്ധരെന്ന് ഒരിക്കൽകൂടി തെളിയിക്കുന്നു.

മുഹമ്മദ്കുട്ടി എളമ്പിലാക്കോട്​ (ഫേസ്​ബുക്ക്​)