കീ​ഴാ​ള ന​വോ​ത്ഥാ​ന​ത്തെ ‘സ​ര​സ്വ​തീ​വി​ജ​യം’ അ​ട്ടി​മ​റി​ച്ച​തെ​ങ്ങ​നെ?

കീ​ഴാ​ള​ ന​വോ​ത്ഥാ​ന​ത്തി​ന് വ​ഴി​യൊ​രു​ക്കി​യ നോ​വ​ലാ​യി വി​ല​യി​രു​ത്ത​പ്പെ​ടു​ന്ന, 19ാം നൂ​റ്റാ​ണ്ടി​​ന്റെ അ​ന്ത്യ​ത്തി​ൽ ര​ചി​ക്ക​പ്പെ​ട്ട ‘സ​ര​സ്വ​തീവി​ജ​യം’ പു​ന​ർ​വാ​യി​ക്കു​ക​യാ​ണ്​ ഗ​വേ​ഷ​ക​ കൂ​ടി​യാ​യ ലേ​ഖി​ക. നോ​വ​ലിലെ അ​പ​ര​വ​ത്ക​ര​ണ​ത്തി​​ന്റെ രാ​ഷ്ട്രീ​യ​ത്തെ തു​റ​ന്നുകാ​ട്ടു​ന്നു. യ​ഥാ​ർ​​ഥ​ത്തി​ൽ ഇൗ ​നോ​വ​ൽ ആ​രെ​യാ​ണ്​ പ്ര​തി​സ്​​ഥാ​ന​ത്ത്​ നി​ർ​ത്തു​ന്ന​ത്​?

​ബ്രി​ട്ടീ​ഷ്‍ മ​ല​ബാ​റി​ന്റെ സാ​മൂ​ഹി​ക പ​ശ്ചാ​ത്ത​ല​ത്തി​ൽ 1892ൽ ​പോ​ത്തേ​രി കു​ഞ്ഞ​മ്പു ര​ചി​ച്ച ‘സ​ര​സ്വ​തീ​വി​ജ​യം’ ബ്രാ​ഹ്മ​ണ്യ​ത്തി​നും ജാ​തി​മ​ർ​ദ​ന​ങ്ങ​ൾ​ക്കു​മെ​തി​രാ​യ ന​വോ​ത്ഥാ​നാ​ശ​യ​ങ്ങ​ൾ പ​ങ്കു​വെ​ക്കു​ന്ന നോ​വ​ലാ​യാ​ണ് വി​ല​യി​രു​ത്ത​പ്പെ​ട്ടി​ട്ടു​ള്ള​ത്.

“19ാം നൂ​റ്റാ​ണ്ടി​ന്റെ അ​വ​സാ​ന​ ദ​ശ​ക​ങ്ങ​ളി​ൽ ദേ​ശീ​യ​പ്ര​സ്ഥാ​ന​ത്തി​ൽ രൂ​പം​കൊ​ണ്ട കു​ടും​ബ​പ​രി​ഷ്ക​ര​ണ​വും രാ​ഷ്ട്രീ​യ​പ​രി​ഷ്ക​ര​ണ​വും മ​ല​യാ​ള നോ​വ​ലു​ക​ളി​ൽ നാ​യ​ർ കു​ടും​ബ പ​രി​ഷ്ക​ര​ണ​വും സാ​മു​ദാ​യി​ക രാ​ഷ്ട്രീ​യ​വാ​ദ​വു​മാ​യി മാ​റി​യ​പ്പോ​ൾ, ദേ​ശീ​യ പ്ര​സ്ഥാ​ന​ത്തി​ലെ സ​മാ​ന്ത​ര​ധാ​ര​യാ​യ ജാ​തി​നി​ർ​മാ​ർ​ജ​നം ഉ​ള്ള​ട​ക്ക​മാ​യു​ള്ള സാ​മൂ​ഹി​ക​ പ​രി​ഷ്ക​ര​ണം ആ​വി​ഷ്ക​രി​ച്ച് രൂ​പം​കൊ​ണ്ട നോ​വ​ലാ​ണ്, 1892ൽ ​ഒ​ന്നാം​പ​തി​പ്പാ​യി പ്ര​സി​ദ്ധീ​ക​രി​ക്ക​പ്പെ​ട്ട പോ​ത്തേ​രി കു​ഞ്ഞ​മ്പു​വി​ന്റെ ‘സ​ര​സ്വ​തീ​വി​ജ​യം’ ’’ (കെ.​കെ.​ കൊ​ച്ച്, കേ​ര​ളം മ​റ​ന്ന സാ​മൂ​ഹ്യ​പ​രി​ഷ്ക​ര​ണം.)

‘ഇ​ന്ദു​ലേ​ഖ’ ഉ​ൾ​പ്പെ​ടെ​യു​ള്ള മ​ല​യാ​ള നോ​വ​ലു​ക​ൾ ഉ​ൽ​പാ​ദി​പ്പി​ച്ച കൊ​ളോ​ണി​യ​ൽ രാ​ഷ്ട്രീ​യ​ബോ​ധ​ത്തി​ന് ബ​ദ​ലാ​യി ഉ​യ​ർ​ന്നു​വ​ന്ന കീ​ഴാ​ള ന​വോ​ത്ഥാ​ന​ത്തി​ന് വ​ഴി​യൊ​രു​ക്കി​യ നോ​വ​ലാ​യാ​ണ് കെ.​കെ. കൊ​ച്ച് ഉ​ൾ​പ്പെ​ടെ​യു​ള്ള സാ​ഹി​ത്യ​നി​രൂ​പ​ക​ർ ‘സ​ര​സ്വ​തീ​വി​ജ​യ’​ത്തെ ക​ണ്ട​ത്. സ്മൃ​തി​നി​യ​മ​ങ്ങ​ളു​ടെ പൊ​ള്ള​ത്ത​ര​ത്തെ​യും മ​നു​ഷ്യ​ത്വ​വി​രു​ദ്ധ​മാ​യ ജാ​തി​ബോ​ധ​ത്തെ​യും ജീ​ർ​ണ​ത ബാ​ധി​ച്ച സാ​മൂ​ഹി​കാ​ചാ​ര​ങ്ങ​ളെ​യും തു​റ​ന്നു​കാ​ട്ടു​ക​യും കീ​ഴ്ജാ​തി​ക്കാ​രു​ടെ വി​മോ​ച​ന​ത്തി​നു​ള്ള വ​ഴി വി​ദ്യാ​ഭ്യാ​സ​മാ​ണെ​ന്നു വി​ളി​ച്ചു​പ​റ​യു​ക​യും ചെ​യ്യു​ന്ന ഈ ​നോ​വ​ൽ കീ​ഴാ​ള ന​വോ​ത്ഥാ​ന​ ബോ​ധ​ത്തി​ന് പു​തി​യ​വെ​ളി​ച്ചം പ​ക​രു​ന്നു​ണ്ട് എ​ന്ന​ത് യാ​ഥാ​ർ​ഥ്യ​മാ​ണ്. എ​ന്നാ‍‍ൽ, കോ​ള​നി​യ​ന​ന്ത​ര വി​മ​ർ​ശ​ന പ​ദ്ധ​തി മു​ന്നോ​ട്ടു​വെ​ച്ച കീ​ഴാ​ള​പ‌​ഠ​ന​ത്തി​ന്റെ (subaltern study) സ​മീ​പ​ന​രീ​തി​ക​ളെ മു‍ൻ​നി‍ർ​ത്തി ‘സ​ര​സ്വ​തീ​വി​ജ​യം’ വാ​യി​ക്കു​മ്പോ​ൾ മു​ക​ളി​ൽ പ​റ​ഞ്ഞ ‘കീ​ഴാ​ള​വാ​യ​ന​ക​ൾ’ എ​ത്ര​ക​ണ്ട് ശ​രി​യാ​യി​രു​ന്നു എ​ന്ന സ​ന്ദേ​ഹ​ങ്ങ​ൾ ഉ​യ​ർ​ന്നു​വ​രും. കൊ​ളോ​ണി​യ​ലി​സ​വും മു​ത​ലാ​ളി​ത്ത​വും അ​ധി​കാ​ര​ത്തി​ന്റെ​യും അ​റി​വി​ന്റെ​യും ആ​ധി​പ​ത്യ​ഘ​ട​ന​യി​ൽ​നി​ന്ന് പാ​ർ​ശ്വ​വ​ത്ക​രി​ച്ച, അ​ടി​ച്ച​മ​ർ​ത്തി​യ, ഒ​ഴി​വാ​ക്കി​നി​ർ​ത്തി​യ സ​മൂ​ഹ​ങ്ങ​ളെ ഒ​ന്നാ​കെ സൂ​ചി​പ്പി​ക്കു​ന്ന പ​ദ​മാ​ണ് ‘സ​ബാ​ൾ​​േട്ട​ൺ’. അ​തി​ന​ക​ത്ത് തൊ​ഴി​ലാ​ളി​ക​ളു​ണ്ട്, ക​ർ​ഷ​ക​രു​ണ്ട്, സ്ത്രീ​ക​ളു​ണ്ട്, ദ​ലി​ത​രു​ണ്ട്, മു​സ്‍ലിം​ക​ൾ ഉ​ൾ​പ്പെ​ടെ​യു​ള്ള ന്യൂ​ന​പ​ക്ഷ​ങ്ങ​ളു​ണ്ട്.

സ​മൂ​ഹ​ത്തി​ന്റെ മു​ഖ്യ​ധാ​ര​യി​ൽ​നി​ന്നും മാ​റ്റി​നി​ർ​ത്ത​പ്പെ​ട്ട​വ​രു​ടെ അ​നു​ഭ​വ​ങ്ങ​ളും അ​ഭി​പ്രാ​യ​ങ്ങ​ളും വി​ശ​ക​ല​നം ചെ​യ്തു​കൊ​ണ്ട്, സാ​മൂ​ഹി​ക​ഘ​ട​ന​യി​ൽ ആ​ധി​പ​ത്യം പു​ല​ർ​ത്തു​ന്ന അ​ധി​കാ​ര സം​വി​ധാ​ന​ങ്ങ​ളെ പ്ര​തി​രോ​ധി​ക്കാ​നു​ള്ള ശ്ര​മ​മാ​ണ് കീ​ഴാ​ള​പ​ഠ​നം മു​ന്നോ​ട്ടു​വെ​ക്കു​ന്ന​ത്. 2005ൽ ​പ്ര​സി​ദ്ധീ​കൃ​ത​മാ​യ സ​ബാ​ൾ​ട്ടേ​ൺ പ​ഠ​ന​ങ്ങ​ളു​ടെ പ​ന്ത്ര​ണ്ടാം എ​ഡി​ഷ​ൻ മു​ന്നോ​ട്ടു​വെ​ച്ച ച​ർ​ച്ച ‘Muslims, Dalits, and the Fabrications of History’ എ​ന്ന വി​ഷ​യ​ത്തി​ലൂ​ന്നി​യു​ള്ള​താ​യി​രു​ന്നു. കീ​ഴാ​ള​പ​ഠ​ന​ത്തി​ന്റെ സം​വാ​ദ​മ​ണ്ഡ​ല​ത്തി​ലേ​ക്ക് മു​സ്‍ലി​മി​നെ​യും കൊ​ണ്ടു​വ​രാ​ൻ ഈ ​ഗ​വേ​ഷ​ണ ജേ​ണ​ലി​ന്റെ പ്ര​സി​ദ്ധീ​ക​ര​ണ​ത്തി​ലൂ​ടെ സാ​ധി​ച്ചു. ആ ​നി​ല​യി​ൽ അ​ന്വേ​ഷി​ക്കു​മ്പോ​ൾ ഇ​ന്ത്യ​യി​ലെ കീ​ഴാ​ള​രാ​യ ജ​ന​വി​ഭാ​ഗ​ങ്ങ​ളി​ൽ​പെ​ടു​ന്ന മു​സ്‍ലിം​ക​ളെ ‘സ​ര​സ്വ​തീ​വി​ജ​യം’ എ​ന്ന ‘കീ​ഴാ​ള ന​വോ​ത്ഥാ​ന നോ​വ​ൽ’ എ​ങ്ങ​നെ​യാ​ണ് ഉ​ൾ​ക്കൊ​ണ്ടി​ട്ടു​ള്ള​ത് എ​ന്നു പ​രി​ശോ​ധി​ക്കു​ന്ന​ത് ന​ന്നാ​യി​രി​ക്കും. കൊ​ളോ​ണി​യ​ലി​സ​വും മി​ഷ​ന​റി പ്ര​വ​ർ​ത്ത​ന​ങ്ങ​ളും നി​ർ​മി​ച്ചെ​ടു​ത്ത സ​മ​ത്വ​ബോ​ധ​ത്തി​ലൂ​ന്നി​നി​ന്നാ​ണ് കാ​ല​ങ്ങ​ളാ​യി നി​ല​നി​ന്നി​രു​ന്ന അ​സ​മ​ത്വ​ത്തി​ന്റെ പ്ര​ത്യ​യ​ശാ​സ്ത്ര​ത്തെ കു​ഞ്ഞ​മ്പു എ​തി​രി​ടു​ന്ന​ത്. അ​തു​കൊ​ണ്ടു​ത​ന്നെ നോ​വ​ലി​ലെ സാ​മൂ​ഹി​ക പ്ര​തി​നി​ധാ​ന​ങ്ങ​ൾ, പ്ര​ത്യേ​കി​ച്ച് മു​സ്‍ലിം പ്ര​തി​നി​ധാ​നം യാ​ഥാ​ർ​ഥ്യ​ത്തെ അ​ട​യാ​ള​പ്പെ​ടു​ത്തു​ക​യ​ല്ല, മ​റി​ച്ച് പ്ര​ശ്ന​വ​ത്ക​രി​ക്കു​ക​യാ​ണ് ചെ​യ്യു​ന്ന​തെ​ന്നു കാ​ണാ​ൻ ക​ഴി​യും.

1887ൽ ‘​കു​ന്ദ​ല​ത’ ര​ചി​ക്കു​മ്പോ​ൾ അ​പ്പു​ നെ​ടു​ങ്ങാ​ടി​ക്കും 1889ൽ ‘​ഇ​ന്ദു​ലേ​ഖ’ എ​ഴു​തു​മ്പോ​ൾ ച​ന്തു​മേ​നോ​നും നോ​വ​ൽ എ​ന്ന സാ​ഹി​ത്യ​രൂ​പ​ത്തെ ആ​ളു​ക​ൾ എ​ങ്ങ​നെ സ്വീ​ക​രി​ക്കു​മെ​ന്ന സ​ന്ദേ​ഹ​മു​ണ്ടാ​യി​രു​ന്നു. ഒ​രു ‘പു​തു​മാ​തി​രി ക​ഥ’ എ​ന്ന് അ​പ്പു​ നെ​ടു​ങ്ങാ​ടി​ക്കും ‘ഒ​രു നോ​വ​ൽ​ബു​ക്ക് ഏ​ക​ദേ​ശം ഇം​ഗ്ലീ​ഷ് നോ​വ​ൽ​ബു​ക്കു​ക​ളു​ടെ മാ​തി​രി​യി​ൽ മ​ല​യാ​ള​ത്തി​ൽ എ​ഴു​താ​മെ​ന്ന്’ ച​ന്തുമേ​നോ​നും ആ​മു​ഖ​ക്കു​റി​പ്പു​ക​ളെ​ഴു​തേ​ണ്ടി​വ​ന്ന​പ്പോ​ൾ വി​മോ​ച​ന​പ​ര​മാ​യ ഒ​രാ​ശ​യ​ത്തെ ആ​വി​ഷ്ക​രി​ക്കാ​ൻ നോ​വ​ലെ​ന്ന പു​തു​രൂ​പ​ത്തി​നാ​വു​മോ​യെ​ന്ന സ​ന്ദേ​ഹ​മൊ​ന്നും കു​ഞ്ഞ​മ്പു​വി​ന് ഉ​ണ്ടാ​യി​രു​ന്നി​ല്ല. പു​ല​യ​രു​ടെ ദ​യ​നീ​യാ​വ​സ്ഥ​യാ​ണ് ഇ​ത്ത​ര​മൊ​രു പ​രി​ശ്ര​മ​ത്തി​ന്റെ അ​ടി​സ്ഥാ​ന​മെ​ന്ന് അ​ദ്ദേ​ഹം സൂ​ചി​പ്പി​ക്കു​ന്നു​ണ്ട്. ‘‘ഈ ​ക​ഥ വാ​യി​ക്കു​ന്ന ഏ​തൊ​രു മ​ല​യാ​ളി​ക്കും മേ​ൽ​പ്ര​കാ​രം ക​ഷ്ട​സ്ഥി​തി​യി​ലു​ള്ള ജീ​വി​ക​ളു​ടെ (പു​ല​യ​രു​ടെ) നേ​രെ ആ​ർ​ദ്ര​ത തോ​ന്നി ആ ​വ​ക നി​രാ​ശ്ര​യ​ന്മാ​രെ അ​വ​രു​ടെ സ​ങ്ക​ട​സ്ഥി​തി​യി​ൽ​നി​ന്നു മാ​ത്ര​മെ​ങ്കി​ലും ഉ​ദ്ധ​രി​പ്പാ​ൻ എ​ന്റെ ഈ ​ചെ​റു​താ​യ പ്ര​യ​ത്നം ഇ​ട​വ​രു​ത്തു​ന്നു​വെ​ങ്കി​ൽ അ​തു​ത​ന്നെ എ​ന്റെ ഈ ​പ​രി​ശ്ര​മ​ത്തി​ന്റെ ഫ​ല​സി​ദ്ധി​യാ​കു​മാ​യി​രു​ന്നു’’ (സ​ര​സ്വ​തീ​വി​ജ​യം ഒ​ന്നാം പ​തി​പ്പി​ന്റെ മു​ഖ​വു​ര). എ​ന്നാ​ൽ, അ​ന്ന​ത്തെ സാ​മൂ​ഹി​ക​ യാ​ഥാ​ർ​ഥ്യ​ത്തെ അ​തേ​ തീ​വ്ര​ത​യോ​ടെ ആ​വി​ഷ്ക​രി​ക്കാ​നു​ള്ള എ​ഴു​ത്തു​കാ​ര​ന്റെ ‘ഈ ​ചെ​റു​താ​യ പ്ര​യ​ത്നം’, ക​ഥാ​ഗ​തി​യെ സ്വാ​ധീ​നി​ക്കു​ന്ന മു​സ്‍ലിം സാ​ന്നി​ധ്യ​ങ്ങ​ൾ അ​ത്ര​ക​ണ്ട് യാ​ഥാ​ർ​ഥ്യ​ത്തെ പ്ര​തി​നി​ധാ​നംചെ​യ്തി​ട്ടു​ണ്ടോ എ​ന്ന് സം​ശ​യ​മാ​ണ്.

അ​ടി​മ​ത്ത​നി​രോ​ധ​നം ഉ​ൾ​പ്പെ​ടെ കൊ​ളോ​ണി​യ​ൽ ഭ​ര​ണം നാ​ട്ടി​ൽ ന​ട​പ്പി​ലാ​ക്കി​യ നി​യ​മ​ങ്ങ​ളൊ​ന്നും വ​ക​വെ​ക്കാ​തെ, മ​നു​സ്മൃ​തി​ക്ക​പ്പു​റം മ​റ്റൊ​രു ലോ​ക​വു​മി​ല്ലെ​ന്നു വി​ശ്വ​സി​ച്ചി​രു​ന്ന ര​ത്ന​ശേ​ഖ​ര ഇ​ല്ല​ത്തെ കു​ബേ​ര​ൻ ന​മ്പൂ​തി​രി​പ്പാ​ടി​ന്റെ​യും ഒ​രു പാ​ട്ടു പാ​ടി​യ​തി​ന്റെ പേ​രി​ൽ ജാ​തി​മേ​ലാ​ള​ന്മാ​രു​ടെ പീ​ഡ​ന​ങ്ങ​ളേ​ൽ​ക്കേ​ണ്ടി​വ​ന്ന മ​ര​ത്ത​നെ​ന്ന പു​ല​യ​ന്റെ​യും ജീ​വി​ത​ത്തി​ലു​ണ്ടാ​കു​ന്ന വി​മോ​ച​നാ​ത്മ​ക​മാ​യ പ​രി​ണാ​മ​മാ​ണ് 'സ​ര​സ്വ​തീ​വി​ജ​യ’​ത്തി​ന്റെ ഉ​ള്ള​ട​ക്കം.

വില്യം ലോഗൻ, ‘മലബാർ മാന്വൽ’        

വി​ചാ​ര​ണ ചെ​യ്യ​പ്പെ​ടു​ന്ന മു​സ്‍ലിം

ഒ​ട്ടേ​റെ മു​സ്‍ലിം ക​ഥാ​പാ​ത്ര​ങ്ങ​ളു​ള്ള നോ​വ​ല​ല്ല ‘സ​ര​സ്വ​തീ​വി​ജ​യ’​മെ​ങ്കി​ലും ക​ഥാ​ഗ​തി​യെ നി​ർ​ണാ​യ​ക​മാ​യി സ്വാ​ധീ​നി​ക്കു​ന്ന ചി​ല മു​സ്‍ലിം സാ​ന്നി​ധ്യ​ങ്ങ​ളും പ​രാ​മ​ർ​ശ​ങ്ങ​ളും നോ​വ​ലി​ൽ ഉ​ണ്ട്. കു​ബേ​ര​ൻ ന​മ്പൂ​തി​രി​യു​ടെ കാ​ര്യ​സ്ഥ​നാ​യ രാ​മ​ർ​കു​ട്ടി ന​മ്പ്യാ​ർ മ​ര​ത്ത​നെ അ​ടി​ച്ചു​കൊ​ന്ന കേ​സി​നെ ബ​ല​പ്പെ​ടു​ത്താ​നെ​ത്തു​ന്ന സാ​ക്ഷി​ക​ളാ​ണ് ഇ​തി​ൽ പ്ര​ത്യ​ക്ഷ​പ്പെ​ടു​ന്ന മു​സ്‍ലിം ക​ഥാ​പാ​ത്ര​ങ്ങ​ളെ​ല്ലാം. പ​ള്ളി​സ്ഥ​ല​ത്തെ സം​ബ​ന്ധി​ച്ച് ന​മ്പൂ​തി​രി​യു​മാ​യി കേ​സു​ ന​ട​ത്തി​ത്തോ​റ്റ അ​വു​ള്ള​യു​ടെ കാ​ര്യ​സ്ഥ​നാ​യ കു​ട്ട്യ​സ്സ​നും കൂ​ട്ടാ​ളി​ക​ളു​മാ​ണ​ത്. അ​തി​ന​പ്പു​റം അ​വ​ർ​ക്കാ​ർ​ക്കും സ്വ​ന്ത​മാ​യൊ​രു ഐ​ഡ​ന്റി​റ്റി​യോ രൂ​പ​ഭാ​വ​ങ്ങ​ളോ നോ​വ​ലി​സ്റ്റ് ന​ൽ​കി​യി​ട്ടി​ല്ല. ന​മ്പൂ​തി​രി ഒ​ഴി​പ്പി​ച്ച ചാ​ള​യ്ക്കു സ​മീ​പ​മു​ള്ള പു​ഴ​യു​ടെ ക​ര​യി​ൽ ഒ​രു ശ​വം കാ​ണു​ന്ന​തോ​ടെ​യാ​ണ് ഈ ​മാ​പ്പി​ള​മാ​ർ ക​ഥ​യി​ലേ​ക്കു​വ​രു​ന്ന​ത്. അ​വ​ര​ത് അം​ശം അ​ധി​കാ​രി​യെ അ​റി​യി​ക്കു​ന്നു. അ​ധി​കാ​രി ശ​വം പ​രി​ശോ​ധി​ച്ച് ത​യാ​റാ​ക്കി​യ യാ​ദാ​സ്തി​ൽ മാ​പ്പി​ള​മാ​ർ ഒ​പ്പു​വെ​ക്കു​ന്നു.

എ​ന്നാ​ൽ, ന​മ്പൂ​തി​രി​യു​ടെ പ്രേ​ര​ണ​യാ​ൽ കേ​സ് അ​ട്ടി​മ​റി​ക്ക​പ്പെ​ട്ടു എ​ന്ന​റി​യു​ന്ന​തോ​ടെ കു​ട്ട്യ​സ്സ​ൻ കോ​ട​തി​യി​ൽ​പോ​യി പൊ​ലീ​സു മു​ൻ​ഷി​യെ ക​ണ്ട് ‘ഒ​ന്നു കൈ​മ​ട​ക്കി’ കാ​ര്യ​ങ്ങ​ൾ അ​റി​യു​ന്നു. താ​ൻ ഒ​പ്പി​ട്ട യാ​ദാ​സ്ത​ല്ല സ​മ​ർ​പ്പി​ക്ക​പ്പെ​ട്ട​തെ​ന്ന​റി​ഞ്ഞ മാ​പ്പി​ള പു​തി​യ വാ​റോ​ല​ക​ൾ ത​യാ​റാ​ക്കി പൊ​ലീ​സ് ഇ​ൻ​സ്പെ​ക്ട​ർ​ക്കും മ​ജി​സ്ട്രേ​റ്റി​നും അ​ഞ്ച​ര​ക്ക​ണ്ടി​യി​ലെ സാ​യ്പി​നും അ​യ​ച്ചു​കൊ​ടു​ക്കു​ന്നു. അ​തോ​ടെ കേ​സു മു​റു​കു​ക​യും രാ​മ​ർ​കു​ട്ടി​ന​മ്പ്യാ​ർ അ​റ​സ്റ്റി​ലാ​വു​ക​യും കു​ബേ​ര​ൻ ന​മ്പൂ​തി​രി നാ​ടു​വി​ട്ടോ​ടി​പ്പോ​വു​ക​യുംചെ​യ്തു. കു​ട്ട്യ​സ്സ​ൻ, എ​ഴു​ത്താ​ണി​ന്റ​ക​ത്ത് മൂ​സ, ദീ​ൻ കു​ഞ്ഞ​മ്മ​ദ്, അ​ബ്ദു​റ​ഹി​മാ​ൻ എ​ന്നി​വ​ർ കേ​സ്‍വി​സ്താ​ര​ സ​മ​യ​ങ്ങ​ളി​ൽ കോ​ട​തി​യി​ൽ ഹാ​ജ​രാ​യി ന​മ്പൂ​തി​രി​ക്കും രാ​മ​ർ​കു​ട്ടി​ ന​മ്പ്യാ​ർ​ക്കു​മെ​തി​രെ മൊ​ഴി​ന​ൽ​കു​ക​യും ചെ​യ്യു​ന്നു. ഇ​ത്ര​യു​മാ​ണ് നോ​വ​ലി​ലെ മു​സ്‍ലിം ഇ​ട​പെ​ട​ലു​ക​ൾ. ക​ഥ​യു​ടെ അ​ന്ത്യ​ത്തി​ൽ മ​ര​ത്ത​ൻ മ​രി​ച്ചി​ട്ടി​ല്ലെ​ന്നു തെ​ളി​യു​ന്ന​തോ​ടെ ഈ ​ഇ​ട​പെ​ട​ലു​ക​ളെ​ല്ലാം തെ​റ്റാ​യി​രു​ന്നെ​ന്നു വി​ധി​ക്ക​പ്പെ​ടു​ന്നു. അ​ങ്ങ​നെ ന​മ്പൂ​തി​രി​ക്കെ​തി​രെ ഗൂ​ഢാ​ലോ​ച​ന ന​ട​ത്തു​ന്ന കൊ​ള്ള​സം​ഘ​മാ​യി നോ​വ​ലി​ലെ മു​സ്‍ലിം​ക​ൾ മാ​റു​ന്നു.

കാ​ര്യ​സ്ഥ​ൻ രാ​മ​ർ​കു​ട്ടി ന​മ്പ്യാ​രു​ടെ വി​ചാ​ര​ണാ​വേ​ള​യി​ൽ “പ​ള്ളി​സ്ഥ​ല​ത്തി​ന്റെ വ്യ​വ​ഹാ​രം നി​മി​ത്തം ന​മ്പൂ​തി​രി​യു​മാ​യി ക​ഠി​ന​മാ​യ വി​രോ​ധ​ത്തി​ൽ ഇ​രി​ക്കു​ന്ന മാ​പ്പി​ള​യു​ടെ​യും ക്ഷേ​ത്ര​ത്തി​ന്റെ വ്യ​വ​ഹാ​രം നി​മി​ത്തം വി​രോ​ധ​ത്തി​ൽ ഇ​രി​ക്കു​ന്ന ഭ​വ​ശ​ർ​മ​ൻ ന​മ്പൂ​തി​രി​യു​ടെ​യും ഉ​ത്സാ​ഹ​ത്തി​ന്മേ​ലാ​ണ് ത​ട​വു​കാ​രെ ശി​ക്ഷി​ക്കാ​ൻ മ​തി​യാ​യ തെ​ളി​വു​കി​ട്ടി​യ​ത്” (71) എ​ന്നു പ​റ​യു​ന്നു​ണ്ടെ​ങ്കി​ലും ഭ​വ​ശ​ർ​മ​ൻ ന​മ്പൂ​തി​രി വ​ക ഒ​രു സാ​ക്ഷി​യെ​യും എ​ഴു​ത്തു​കാ​ര​ൻ ഹാ​ജ​രാ​ക്കു​ന്നി​ല്ല. അ​തു​കൊ​ണ്ടു​ത​ന്നെ ന​മ്പൂ​തി​രി​ക്കെ​തി​രെ ക​ള്ള​സാ​ക്ഷ്യം പ​റ​യു​ന്ന ദു​ഷ്ട​ന്മാ​രു​ടെ പ​ട്ടി​ക​യി​ൽ മാ​പ്പി​ള​മാ​ർ മാ​ത്ര​മാ​കു​ന്നു.

മ​ര​ത്ത​നെ രാ​മ​ർ​കു​ട്ടി ന​മ്പ്യാ​ർ അ​ടി​ച്ചു​കൊ​ന്ന​താ​ണെ​ന്നും മ​റ്റും മാ​പ്പി​ള​മാ​ർ പ​റ​ഞ്ഞ​താ​യി അ​ധി​കാ​രി കോ​തു​ന​മ്പ്യാ​ർ പ​റ​ഞ്ഞ​പ്പോ​ൾ കു​ബേ​ര​ൻ ന​മ്പൂ​തി​രി​യു​ടെ പ്ര​തി​ക​ര​ണം നോ​ക്കു​ക: “ആ​രാ​ണ് ആ ​ക​ള്ള മാ​പ്പി​ള​മാ​ർ? ഈ ​മൊ​ട്ട​ക​ൾ നാ​ട്ടി​ൽ വ​ന്നു, നാ​ട്ടി​ൽ​നി​ന്നും ധ​ർ​മം മ​റ​ഞ്ഞു” (49). ക​ള്ള​മാ​പ്പി​ള​മാ​ർ, മൊ​ട്ട​ക​ൾ തു​ട​ങ്ങി​യ അ​ധി​ക്ഷേ​പ​ക​ര​മാ​യ സം​ബോ​ധ​ന​ക​ൾ അ​ക്കാ​ല​ത്ത് സ​വ​ർ​ണ വി​ഭാ​ഗ​ങ്ങ​ൾ മു​സ്‍ലിം​ക​ളോ​ടു പു​ല​ർ​ത്തി​യി​രു​ന്ന മ​നോ​ഭാ​വ​ത്തെ വ്യ​ക്ത​മാ​ക്കു​ന്നു. ഈ ​മൊ​ട്ട​ക​ൾ പു​റ​ത്തു​നി​ന്നു വ​ന്ന​വ​രാ​ണ്, അ​വ​ർ വ​ന്ന​തോ​ടെ​യാ​ണ് നാ​ട്ടി​ൽ​നി​ന്നും ധ​ർ​മം മ​റ​ഞ്ഞ​തെ​ന്ന കൊ​ളോ​ണി​യ​ൽ ബോ​ധം അ​ക്കാ​ല​ത്ത് കേ​ര​ളീ​യ സ​മൂ​ഹ​ത്തി‍ൽ നി​ല​നി​ന്നി​രു​ന്ന ഒ​ന്നാ​യി​രു​ന്നു​വെ​ന്ന് നോ​വ​ലി​ന്റെ സൂ​ക്ഷ്മ​പാ​രാ​യ​ണ​ത്തി​ൽ​നി​ന്നും വ്യ​ക്ത​മാ​കും. നോ​വ​ലി​ൽ ക​ഥാ​പാ​ത്ര​ങ്ങ​ളാ​യി​ വ​രു​ന്ന മു​സ്‍ലിം​ക​ളെ​യെ​ല്ലാം എ​ഴു​ത്തു​കാ​ര​ൻ ‘മാ​പ്പി​ള’ എ​ന്നാ​ണു വി​ളി​ച്ചി​ട്ടു​ള്ള​ത്. ക​ഥാ​ഗ​തി​യി​ൽ​നി​ന്നും മാ​റി കേ​ര​ള​ത്തി​ലെ എ​ല്ലാ ജ​ന​വി​ഭാ​ഗ​ങ്ങ​ളു​ടെ​യും ജീ​വി​ത​രീ​തി​ക​ളെ​ കു​റി​ച്ചു പ​റ​യു​ന്ന ലേ​ഖ​ന​സ​മാ​ന​മാ​യ ര​ണ്ടു സ​ന്ദ​ർ​ഭ​ങ്ങ​ളി​ലൊ​ഴി​കെ നോ​വ​ലി​ൽ ഉ​ട​നീ​ള​മു​ള്ള​ത് ‘മാ​പ്പി​ള’ എ​ന്ന പ്ര​യോ​ഗ​മാ​ണ്. പു​റ​ത്തു​നി​ന്നു​വ​ന്ന മ​ത​വി​ഭാ​ഗ​ങ്ങ​ളി​ൽ​പെ​ട്ട​വ​രെ സം​ബോ​ധ​ന​ചെ​യ്യു​ന്ന പ​ദ​മാ​ണ് മാ​പ്പി​ള. തെ​ക്ക​ൻ കേ​ര​ള​ത്തി​ൽ ക്രി​സ്ത്യാ​നി​യാ​ണ് മാ​പ്പി​ള​യെ​ങ്കി​ൽ മ​ല​ബാ​റി​ൽ മു​സ്‍ലിം​ക​ളെ​ല്ലാം മാ​പ്പി​ള​മാ​രാ​ണ്. പു​റ​ത്തു​നി​ന്നും വ​ന്ന് നാ​ട്ടി​ലെ ധ​ർ​മ​മി​ല്ലാ​താ​ക്കു​ന്ന കൂ​ട്ട​രാ​യ​തു​കൊ​ണ്ട് ദു​ഷ്ട​ന്മാ​രാ​കാ​തെ വ​ഴി​യി​ല്ലെ​ന്നു ആ​ഖ്യാ​താ​വി​ന് ഉ​റ​പ്പാ​ണ്.

കൊ​ല​ക്കേ​സി​ൽ പ്ര​തി​ചേ​ർ​ക്ക​പ്പെ​ടു​ന്ന കു​ബേ​ര​ൻ ന​മ്പൂ​തി​രി ഒ​ളി​ച്ചോ​ടു​മ്പോ​ൾ രാ​ത്രി​യി​ൽ ഭ​യ​ക്കു​ന്ന​ത് മാ​പ്പി​ള​മാ​രെ​യാ​ണ്. “ന​മ്പൂ​തി​രി​ക്ക് കു​ണ്ടോ​ട്ടി മാ​പ്പി​ള​മാ​രെ പേ​ടി​യു​ണ്ട്. ആ ​വ​ക നി​ഷ്ഠുര​ന്മാ​രോ മ​റ്റോ വ​ന്നെ​ങ്കി​ലോ?” (89). ക​ള്ള​ന്മാ​രും കൊ​ള്ള​ക്ക​ാരു​മാ​യ മാ​പ്പി​ള​മാ​രെ പാ​വം ന​മ്പൂ​തി​രി ഭ​യ​ക്കു​ന്നു. കാ​ര​ണം, അ​വ​ർ നി​ഷ്ഠുര​ന്മാ​രാ​ണ്. മാ​പ്പി​ള​മാ​ർ ദു​ഷ്ട​ന്മാ​രാ​ണെ​ന്ന മു​ൻ​വി​ധി നോ​വ​ലി​സ്റ്റും വെ​ച്ചു​പു​ല​ർ​ത്തു​ന്നു​ണ്ടെ​ന്നു തു​ട​ക്ക​ത്തി​ൽ​ത​ന്നെ വ്യ​ക്ത​മാ​കു​ന്നു​ണ്ട്. ന​മ്പൂ​തി​രി​യു​മാ​യി ഒ​രു പ​ള്ളി​സ്ഥ​ല​ത്തെ പ​റ്റി വ്യ​വ​ഹ​രി​ച്ചു തോ​റ്റ അ​വു​ള്ള​യു​ടെ കാ​ര്യ​സ്ഥ​ൻ കു​ട്ട്യ​സ്സ​നാ​ണ് ആ ​ക​ള്ള​മാ​പ്പി​ള​യെ​ന്നു അ​ധി​കാ​രി വി​ശ​ദ​മാ​ക്കു​മ്പോ​ൾ ന​മ്പൂ​തി​രി​യി​ലു​ണ്ടാ​കു​ന്ന ഭാ​വ​വ്യ​ത്യാ​സ​ത്തെ​ കു​റി​ച്ച് എ​ഴു​ത്തു​കാ​ര​ൻ പ​റ​യു​ന്ന​തു നോ​ക്കു​ക: “ന​മ്പൂ​തി​രി ഇ​തു​കേ​ട്ട​പ്പോ​ൾ നെ​ടു​വീ​ർ​പ്പി​ട്ടും​കൊ​ണ്ട് ക​സേ​ല​മേ​ൽ ചാ​രി​യി​രു​ന്നു. മ​റ്റൊ​ന്നും ചോ​ദി​ക്കാ​ൻ​പോ​ലും ധൈ​ര്യ​മി​ല്ലാ​തെ പ​ട്ട​രു​ടെ മു​ഖ​ത്തു​നോ​ക്കി. ദു​ഷ്ട​ന്മാ​ർ​ക്കു ദു​ഷ്ട​ന്മാ​രെ വ​ള​രെ പേ​ടി​യു​ണ്ടാ​കും” (49). അ​വു​ള്ള​യാ​ണോ കു​ട്ട്യ​സ്സ​നാ​ണോ എ​ന്നൊ​ന്നും പ​റ​യു​ന്നി​ല്ലെ​ങ്കി​ലും അ​പ്പു​റ​ത്തു​ള്ള മാ​പ്പി​ള​യും ന​മ്പൂ​തി​രി​യെ​പ്പോ​ലെ ദു​ഷ്ട​നാ​ണെ​ന്നു എ​ഴു​ത്തു​കാ​ര​ന് എ​ളു​പ്പ​ത്തി​ൽ മ​ന​സ്സി​ലാ​ക്കാ​ൻ ക​ഴി​യു​ന്നു​ണ്ട്.

പാ​ശ്ചാ​ത്യ ​കൊ​ളോ​ണി​യ​ൽ ശ​ക്തി​ക​ൾ പൗ​ര​സ്ത്യ സ​മൂ​ഹ​ങ്ങ​ളെ ത​ങ്ങ​ളെ​ക്കാ​ൾ താ​ഴ്ന്ന​വ​രും യു​ക്തി​ര​ഹി​ത​രും നി​ഗൂ​ഢ​രും ചി​ല​പ്പോ​ൾ അ​പ​ക​ട​കാ​രി​ക​ളു​മാ​യു​മാ​ണ് ചി​ത്രീ​ക​രി​ച്ചു​പോ​ന്നി​രു​ന്ന​ത്. ഈ​യൊ​രു ആ​ഖ്യാ​ന നി​ർ​മി​തി​യി​ലൂ​ടെ​യാ​ണ് അ​വ​ർ ത​ങ്ങ​ളു​ടെ അ​ധി​കാ​രം സ്ഥാ​പി​ച്ചെ​ടു​ത്ത​തും. ‘സ​ര​സ്വ​തീ​വി​ജ​യ’​ത്തി​ലെ മു​സ്‍ലിം ചി​ത്രീ​ക​ര​ണം ഈ ​ഓ​റി​യ​ന്റ​ലി​സ്റ്റ് കാ​ഴ്ച​പ്പാ​ടി​ന്റെ ഒ​രു പ്രാ​ദേ​ശി​ക പ്ര​തി​ഫ​ല​നാ​ത്മ​രൂ​പ​മാ​ണെ​ന്നു​ കാ​ണാം. പോ​ത്തേ​രി കു​ഞ്ഞ​മ്പു എ​ന്ന കൊ​ളോ​ണി​യ​ൽ ആ​ധു​നി​ക​ത​യു​ടെ ഉ​ൽ​പ​ന്ന​മാ​യ എ​ഴു​ത്തു​കാ​ര​ൻ, അ​ബോ​ധ​പൂ​ർ​വ​മാ​യെ​ങ്കി​ലും ഈ ​കൊ​ളോ​ണി​യ​ൽ​ബോ​ധ​ത്തെ ത​ന്റെ ആ​ഖ്യാ​ന​ത്തി​ലൂ​ടെ പു​ന​രു​ൽ​പാ​ദി​പ്പി​ക്കു​ക​യാ​യി​രു​ന്നു. ഇ​ത് കേ​വ​ലം എ​ഴു​ത്തു​കാ​ര​ന്റെ ഒ​രു മു​ൻ​വി​ധി​യ​ല്ല, മ​റി​ച്ച് അ​ന്ന​ത്തെ പ്ര​ബ​ല​മാ​യ ജ്ഞാ​ന​വ്യ​വ​സ്ഥ​യു​ടെ ഭാ​ഗ​മാ​യി​രു​ന്നു.

സ്വാ​ഭാ​വി​ക​മോ വി​ശ്വ​സ​നീ​യ​മോ ആ​യ ഒ​രു ഇ​തി​വൃ​ത്ത​മ​ല്ല നോ​വ​ലി​ലേ​ത്. പു​ല​യ​നൊ​പ്പം ന​മ്പൂ​തി​രി​ക്കും വി​മോ​ച​നം സാ​ധ്യ​മാ​ക​ണ​മെ​ന്ന വി​ശാ​ല​മാ​യ കാ​ഴ്ച​പ്പാ​ട് വെ​ച്ചു​പു​ല​ർ​ത്തു​ന്നു​ണ്ടെ​ങ്കി​ലും സ​വ​ർ​ണ​ത​യു​ടെ ബാ​ധ​യി​ൽ​നി​ന്നും പൂ​ർ​ണ​മാ​യും ഒ​ഴി​ഞ്ഞു​മാ​റാ​ൻ കു​ഞ്ഞ​മ്പു​വി​ന് ക​ഴി​യു​ന്നി​ല്ല. നാ​ടു​വി​ട്ടോ​ടി​പ്പോ​യി പ​ല​ ദേ​ശ​ങ്ങ​ളി​ൽ ക​ഴി​യു​മ്പോ​ഴും പൊ​ലീ​സ് ക​സ്റ്റ​ഡി​യി​ലി​രി​ക്കു​മ്പോ​ഴും ആ​ചാ​ര​വി​ഘ്ന​മു​ണ്ടാ​യി കു​ബേ​ര​ൻ ന​മ്പൂ​തി​രി​ക്ക് ജാ​തി ന​ഷ്ട​പ്പെ​ടാ​തി​രി​ക്കാ​ൻ നോ​വ​ലി​സ്റ്റ് ക​ഠി​ന​മാ​യി പ​രി​ശ്ര​മി​ക്കു​ന്ന​താ​യി കാ​ണാം. മാ​ത്ര​മ​ല്ല, ന​ട​ന്നി​ട്ടി​ല്ലാ​ത്ത ഒ​രു സം​ഭ​വ​മാ​ണ് ക​ഥ​യു​ടെ കേ​ന്ദ്ര​സ്ഥാ​ന​ത്തു​ നി​ല​കൊ​ള്ളു​ന്ന​ത്. യ​ഥാ​ർ​ഥ​ത്തി​ൽ ന​മ്പൂ​തി​രി പു​ല​യ​നെ കൊ​ന്നി​ട്ടി​ല്ല. ന​മ്പൂ​തി​രി കൊ​ല​പാ​ത​കി​യ​ല്ലെ​ന്നു സാ​രം. ആ​ദ്യ​ഘ​ട്ട​ത്തി​ൽ വി​മ​ർ​ശ​ന​ങ്ങ​ളു​ടെ കേ​ന്ദ്ര​ത്തി​ൽ​ നി​ന്നി​രു​ന്ന ന​മ്പൂ​തി​രി​യെ എ​ഴു​ത്തു​കാ​ര​ൻ മാ​റ്റി​പ്ര​തി​ഷ്ഠി​ക്കു​ന്നു. ഒ​ന്നു പേ​ടി​പ്പി​ച്ചു​വി​ട്ടാ​ൽ​ത​ന്നെ ന​മ്പൂ​തി​രി മ​നു​ഷ്യ​നാ​യി​ക്കൊ​ള്ളു​മെ​ന്നു നോ​വ​ലി​സ്റ്റ് വി​ശ്വ​സി​ച്ചു. പ​ക്ഷേ, ‘ദു​ഷ്ട​ന്മാ​രാ​യ മാ​പ്പി​ള​മാ​രെ’ മാ​ത്രം മ​നു​ഷ്യ​രാ​ക്കാ​ൻ മ​റ​ന്നു​പോ​യി.

പ്ര​തി​സ​ന്ധി​ക​ളെ​ല്ലാം നീ​ങ്ങി എ​ല്ലാ​വ​ർ​ക്കും ശു​ഭ​ക​ര​മാ​യ​തു സം​ഭ​വി​ച്ചു​കൊ​ണ്ടാ​ണ് നോ​വ​ൽ അ​വ​സാ​നി​ക്കു​ന്ന​ത്. കൊ​ല്ല​പ്പെ​ട്ടു​വെ​ന്നു ക​രു​തി​യി​രു​ന്ന പു​ല​യ​ൻ​ മ​ര​ത്ത​ൻ വി​ദ്യാ​ഭ്യാ​സം സി​ദ്ധി​ച്ച് ജ​ഡ്ജി​യാ​യി, ക്രി​സ്ത്യാ​നി​യാ​യി തി​രി​ച്ചെ​ത്തി ന​മ്പൂ​തി​രി​യു​ടെ കൊ​ച്ചു​മ​ക​ളെ വി​വാ​ഹം ക​ഴി​ക്കു​ന്നു. കു​ബേ​ര​ൻ ന​മ്പൂ​തി​രി​യെ കു​റ്റ​ക്കാ​ര​ന​ല്ലെ​ന്നു വി​ധി​ക്കു​ന്നു. എ​ല്ലാ​വ​രെ​യും മ​നു​ഷ്യ​രാ​യി കാ​ണാ​നു​ള്ള വി​ശാ​ല​ത​യി​ലേ​ക്ക് കു​ബേ​ര​ൻ ന​മ്പൂ​തി​രി​യും വ​ള​രു​ന്നു. സ്മാ​ർ​ത്ത​വി​ചാ​രം നേ​രി​ട്ട ന​മ്പൂ​തി​രി​യു​ടെ മ​ക​ൾ സു​ഭ​ദ്ര​ക്ക് ഭ​ർ​ത്താ​വി​നെ തി​രി​ച്ചു​കി​ട്ടു​ന്നു. രാ​മ​ർ​കു​ട്ടി ന​മ്പ്യാ​ർ ജ​യി​ൽ​മോ​ചി​ത​നാ​കു​ന്നു. ഇ​ങ്ങ​നെ ക​ഥ​യി​ൽ​ വ​ന്നു​പോ​യ എ​ല്ലാ​വ​ർ​ക്കും ന​ല്ല​തു​മാ​ത്രം സം​ഭ​വി​ച്ച​പ്പോ​ൾ മാ​പ്പി​ള​മാ​ർ മാ​ത്രം അ​പ്പോ​ഴും കു​റ്റ​ക്കാ​രാ​യി ബാ​ക്കി​യാ​വു​ന്നു. “പു​ഴ​യി​ൽ യാ​ദൃ​ച്ഛ​യാ ക​ണ്ട ശ​വം മ​ര​ത്ത​ന്റേ​താ​ണെ​ന്നാ​ക്കി​ത്തീ​ർ​പ്പാ​ൻ കൊ​ണ്ടു​വ​ര​പ്പെ​ട്ട മാ​പ്പി​ള​മാ​ർ കൊ​ടു​ത്ത തെ​ളി​വ് ക​ള്ള​ത്തെ​ളി​വാ​ണെ​ന്നും ആ​യ​തു ന​മ്പൂ​തി​രി​യു​ടെ നേ​രെ​യു​ള്ള വി​രോ​ധം നി​മി​ത്തം അ​വു​ള്ള കെ​ട്ടി​ച്ച​മ​ച്ച​താ​ണെ​ന്നും ക​ള്ള​ത്തെ​ളി​വു കൊ​ടു​ത്ത കു​റ്റ​ത്തി​നു ആ ​മാ​പ്പി​ള​മാ​രു​ടെ മേ​ൽ വി​സ്താ​രം ന​ട​ത്ത​ണ​മെ​ന്നും” (113-114) കോ​ട​തി വി​ധി​ക്കു​ന്നു.

അ​താ​യ​ത് നോ​വ​ലി​ൽ കു​റ്റ​ക്കാ​രെ​ന്നു വി​ധി​ക്കു​ന്ന​ത് മാ​പ്പി​ള​മാ​രെ മാ​ത്ര​മാ​ണ്. മ​റ്റു​ള്ള​വ​രെ​യെ​ല്ലാം വെ​റു​തെ​വി​ട്ടു. കു​ബേ​ര​ൻ ന​മ്പൂ​തി​രി​യു​ടെ പ്ര​ധാ​ന ശ​ത്രു​ക്ക​ളി​ലൊ​രാ​ളാ​യി ചൂ​ണ്ടി​ക്കാ​ണി​ക്കു​ക​യും കേ​സി​ൽ മാ​പ്പി​ള​മാ​ർ​ക്കൊ​പ്പം ഗൂ​ഢാ​ലോ​ച​ന ന​ട​ത്തു​ക​യുംചെ​യ്യു​ന്ന ഭ​വ​ശ​ർ​മ​ൻ ന​മ്പൂ​തി​രി​ക്കെ​തി​രെ ഒ​രു പ​രാ​മ​ർ​ശംപോ​ലു​മു​ണ്ടാ​കു​ന്നി​ല്ല. എ​ല്ലാ​വ​രെ​യും മ​നു​ഷ്യ​രാ​യി അം​ഗീ​ക​രി​ക്കാ​ൻ ക​ഴി​യാ​തി​രു​ന്ന ദു​ഷ്ട​നാ​യി​രു​ന്ന ന​മ്പൂ​തി​രി​ക്കു വ​രെ പ​രി​വ​ർ​ത്ത​ന​മു​ണ്ടാ​കു​മ്പോ​ൾ മാ​പ്പി​ള​മാ​ർ​ മാ​ത്രം ദു​ഷ്ട​ന്മാ​രാ​യി നി​ല​നി​ൽ​ക്കു​ക​യാ​ണ്. നോ​വ​ലി​ന്റെ ഏ​കാ​ഗ്ര​മാ​യ വാ​യ​ന​യി​ൽ​നി​ന്നും ക​ണ്ടെ​ടു​ക്കാ​ൻ ക​ഴി​യു​ന്ന​ത് ഒ​രൊ​റ്റ​ വി​ല്ല​നെ​യാ​ണ്. അ​തൊ​രു വ്യ​ക്തി​യ​ല്ല. മാ​പ്പി​ള​മാ​ർ എ​ന്ന പു​റ​ത്തു​നി​ന്നും​വ​ന്ന സ​മൂ​ഹം​ത​ന്നെ​യാ​ണ്. അ​വ​രെ വി​ചാ​ര​ണ ചെ​യ്യ​ണ​മെ​ന്ന വി​ധി​വാ​ക്യ​ത്തി​ലാ​ണ് നോ​വ​ൽ അ​വ​സാ​നി​ക്കു​ന്ന​ത്.

റോ​ള​ണ്ട് മി​ല്ല​ർ,‘മ​ല​ബാ​ർ ദേ​ശീ​യ​ത​യു​ടെ ഇ​ട​പാ​ടു​ക​ൾ’ കവർപേജ്

കൊ​ളോ​ണി​യ​ൽ ലോ​ക​ബോ​ധ​വും മു​സ്‍ലിം അ​പ​ര​വ​ത്ക​ര​ണ​വും

‘സ​ര​സ്വ​തീ​വി​ജ​യം’ എ​ന്ന പാ​ഠ​ത്തി​ന​ക​ത്തു പ്ര​വ​ർ​ത്തി​ക്കു​ന്ന അ​ധി​കാ​ര ബ​ല​ത​ന്ത്ര​ങ്ങ​ളെ​യും പ്ര​ത്യ​യ​ശാ​സ്ത്ര​ത്തെ​യും വി​മ​ർ​ശനാത്മ​ക​സ​മീ​പ​ന​ത്തി​ലൂ​ടെ നി​ർ​ധാ​ര​ണംചെ​യ്യു​മ്പോ​ഴെ ഈ ​നോ​വ​ലി​ലെ പ്രാ​തി​നി​ധ്യ​പ​ര​മാ​യ പ്ര​ശ്ന​ങ്ങ​ളു​ടെ പൊ​രു​ള​ഴി​യൂ. മാ​പ്പി​ള​മാ​രെ​ക്കു​റി​ച്ച് കു​ഞ്ഞ​മ്പു, ‘പ്ര​ശ്ന​ക്കാ​ർ’ എ​ന്ന തീ​ർ​പ്പി​ലേ​ക്കു​ പോ​കു​ന്ന​ത് അ​ന്ന​ത്തെ സാ​മൂ​ഹി​ക രാ​ഷ്ട്രീ​യ സാ​ഹ​ച​ര്യ​ങ്ങ​ളാ​ൽ രൂ​പം​കൊ​ണ്ട പൊ​തു​ബോ​ധ​ത്തി​ന്റെ അ​ടി​സ്ഥാ​ന​ത്തി​ൽ കൂ​ടി​യാ​യി​രി​ക്ക​ണം. ബ്രി​ട്ടീ​ഷ്‍ മ​ല​ബാ​റി​ലെ സ​ർ​ക്കാ​ർ ഉ​ദ്യോ​ഗ​സ്ഥ​രാ​യി​രു​ന്ന പ​ല​രും രേ​ഖ​പ്പെ​ടു​ത്തി​യി​രി​ക്കു​ന്ന കാ​ര്യ​ങ്ങ​ളാ​ണ് അ​ക്കാ​ല​ത്തെ ച​രി​ത്ര​മാ​യി പി​ന്നീ​ട് വാ​യി​ക്ക​പ്പെ​ട്ട​ത്. അ​ത്ത​രം ച​രി​ത്ര​രേ​ഖ​ക​ളി​ലെ മു​സ്‍ലിം പ​രാ​മ​ർ​ശ​ങ്ങ​ളെ​ല്ലാംത​ന്നെ പാ​ശ്ചാ​ത്യ​ പ്ര​തി​നി​ധാ​ന​ത്തി​ന്റെ അ​നു​ക​ര​ണ​ങ്ങ​ളാ​യി​രു​ന്നുവെ​ന്ന​താ​ണ് വാ​സ്ത​വം.

മ​ല​ബാ​ർ സ്പെ​ഷ​ൽ ക​മീ​ഷ​ണ​റാ​യി​രു​ന്ന മി. ​ഗ്രെ​മെ ഒ​രു വ​ർ​ഗ​മെ​ന്ന നി​ല​യി​ൽ മാ​പ്പി​ള​മാ​രെ​പ്പ​റ്റി, ക​മ്പ​നി ഗ​വ​ൺ​മെ​ന്റി​നു സ​മ​ർ​പ്പി​ച്ച റി​പ്പോ​ർ​ട്ടി​ൽ പ​റ​യു​ന്ന​തി​നെ​ കു​റി​ച്ച് വി​ല്യം ലോ​ഗ​ൻ ‘മ​ല​ബാ​ർ മാ​ന്വ​ലി’​ൽ ചൂ​ണ്ടി​ക്കാ​ണി​ക്കു​ന്നു​ണ്ട്: “തീ​ര​പ്ര​ദേ​ശ​ങ്ങ​ളി​ൽ അ​വ​ർ പ്ര​യ​ത്ന​ശാ​ലി​ക​ളും വ്യാ​പാ​ര​കാ​ര്യ​ങ്ങ​ളി​ൽ സ​മ​ർ​ഥ​രും സൂ​ത്ര​ശാ​ലി​ക​ളും ദു​രാ​ഗ്ര​ഹി​ക​ളും ല​ഹ​രി​പ​ദാ​ർ​ഥ​ങ്ങ​ൾ വ​ർ​ജി​ക്ക​ണ​മെ​ന്ന പ്ര​വാ​ച​ക​ശാ​സ​ന ക​ർ​ശ​ന​മാ​യി പാ​ലി​ക്കു​ന്ന​വ​രും ത​ങ്ങ​ളു​ടെ മ​ത​വി​ശ്വാ​സ​ങ്ങ​ൾ അ​തി​ന്റെ സ​ത്ത​യി​ല​ല്ലാ​തെ രൂ​പ​ത്തി​ൽ മാ​ത്രം അ​നു​ഷ്ഠി​ക്കു​ന്ന​വ​രും പ​തി​വാ​യി നി​സ്കാ​ര​മു​റ​ക​ൾ ചെ​യ്യു​ന്ന​വ​രും അ​തേ​സ​മ​യം ഇ​തി​ലൊ​ന്നി​ലും ആ​ത്മാ​ർ​ഥ​ത തൊ​ട്ടു​തെ​റി​പ്പി​ച്ചി​ട്ടി​ല്ലാ​ത്ത ക​പ​ട​നാ​ട്യ​ക്കാ​രും സ്വ​ന്തം​മ​ത​ത്തി​ലേ​ക്ക് ആ​ളെ​ക്കൂ​ട്ടാ​ൻ ഭ്രാ​ന്താ​വേ​ശം കാ​ട്ടു​ന്ന​വ​രു​മാ​ണ് മാ​പ്പി​ള​മാ​ർ.” (വി​ല്യം ലോ​ഗ​ൻ, 153)

1852ൽ ​മ​ദ്രാ​സ് സ​ർ​ക്കാ​റി​നാ​ൽ നി​യ​മി​ത​നാ​യ സ്പെ​ഷ​ൽ ക​മീ​ഷ​ണ​ർ ടി.​എ​ൽ. സ്ട്രേ​ഞ്ചി​ന്റെ​യും മ​റ്റും ഇ​തി​നു​ സ​മാ​ന​മാ​യ ചി​ല അ​ഭി​പ്രാ​യ​ങ്ങ​ളെ കെ.​എ​ൻ. പ​ണി​ക്ക​രെ ഉ​ദ്ധ​രി​ച്ചു​കൊ​ണ്ട് എം.​ടി.​ അ​ൻ​സാ​രി ‘മ​ല​ബാ​ർ ദേ​ശീ​യ​ത​യു​ടെ ഇ​ട​പാ​ടു​ക​ൾ’ എ​ന്ന പു​സ്ത​ക​ത്തി​ൽ രേ​ഖ​പ്പെ​ടു​ത്തി​യി​ട്ടു​ണ്ട്. “കു​ടി​ല​ ചി​ന്താ​ഗ​തി​ക്കാ​രും പ്ര​തി​കാ​ര​ദാ​ഹി​ക​ളും നി​ര​ക്ഷ​ര​കു​ക്ഷി​ക​ളുമായ മാ​പ്പി​ള​മാ​രു​ടെ മ​ന​സ്സി​ൽ അ​വ​രു​ടെ സ്വാ​ർ​ഥ​രും അ​ജ്ഞ​രും ദു​ഷ്ട​ലാ​ക്കു​കാ​രു​മാ​യ പു​രോ​ഹി​ത​വ​ർ​ഗം ഊ​ട്ടി​യു​റ​പ്പി​ച്ച ക​ടു​ത്ത മ​ത​ഭ്രാ​ന്തി​ന്റെ ഫ​ല​മാ​യി​രു​ന്നു മാ​പ്പി​ള ല​ഹ​ള​ക​ളെ​ല്ലാം ത​ന്നെ. ബ്രി​ട്ടീ​ഷു​കാ​ർ മാ​പ്പി​ള​മാ​രെ ചി​ത്രീ​ക​രി​ച്ച​ത് അ​റി​വി​ല്ലാ​ത്ത​വ​രും മ​താ​ന്ധ​രും മാ​ത്ര​മാ​യ​ല്ല, അ​വ​ർ യു​ക്തി​യു​ടെ ഒ​രു പൊ​രി​പോ​ലു​മി​ല്ലാ​ത്ത പേ​യി​ള​കി​യ മൃ​ഗ​ങ്ങ​ളാ​ണ് എ​ന്നു​മാ​ണ്.” (​എം.​ടി. അ​ൻ​സാ​രി, 30)

വ്യാ​ജ​ പ്ര​തി​നി​ധാ​ന​ങ്ങ​ളി​ലൂ​ടെ ഇ​ത്ത​രം ച​രി​ത്ര​രേ​ഖ​ക​ൾ നി​ർ​മി​ച്ചെ​ടു​ത്ത പൊ​തു​ബോ​ധ​മാ​ണ് പോ​ത്തേ​രി കു​ഞ്ഞ​മ്പു​വി​നെ ന​യി​ക്കു​ന്ന​തെ​ന്നു വ്യ​ക്തം.​ അ​ന്ന​ത്തെ സാ​മൂ​ഹി​ക സാ​ഹ​ച​ര്യ​ങ്ങ​ളും അ​ടി​ത്ത​ട്ടി​ൽ പ്രേ​ര​ണ​യാ​യി നി​ല​കൊ​ണ്ടി​ട്ടു​ണ്ടാ​വ​ണം. മ​ല​ബാ​റി​ലെ മു​സ്‍ലിം ജീ​വി​തം അ​ത്ര ശോ​ഭ​ന​മ​ല്ലാ​ത്തൊ​രു കാ​ല​ത്താ​ണ് ‘സ​ര​സ്വ​തീ​വി​ജ​യം’ എ​ഴു​ത​പ്പെ​ടു​ന്ന​ത്. ഒ​രു​കാ​ല​ത്ത് സാ​മൂ​തി​രി​യു​ടെ പ്രോ​ത്സാ​ഹ​ന​ത്താ​ൽ ന​ല്ല​നി​ല​യി​ൽ ക​ഴി​ഞ്ഞി​രു​ന്ന മാ​പ്പി​ള​മാ​ർ​ക്ക് വൈ​ദേ​ശി​ക​ ഭ​ര​ണ​ങ്ങ​ൾ നി​ര​ന്ത​രം പ്ര​ശ്ന​ങ്ങ​ൾ സൃ​ഷ്ടി​ച്ചു. ടി​പ്പു​വി​ന്റെ ആ​ക്ര​മ​ണ​ങ്ങ​ളോ​ടെ സാ​മൂ​തി​രി​മാ​ർ നി​ല​പാ​ട് മാ​റ്റി. ബ്രി​ട്ടീ​ഷ്‍നി​യ​മ​ങ്ങ​ളും വ​ലി​യ​രീ​തി​യി​ൽ തി​രി​ച്ച​ടി​യാ​യി. ഇ​തോ​ടെ തീ​ർ​ത്തും അ​സം​തൃ​പ്ത​രാ​യൊ​രു ജ​ന​ത​യാ​യി മ​ല​ബാ​റി​ലെ മു​സ്‍ലിം​ക​ൾ മാ​റി. പ​ത്തൊ​മ്പ​താം നൂ​റ്റാ​ണ്ടി​ന്റെ തു​ട​ക്കം മു​ത​ൽ മ​ല​ബാ​റി​ൽ ശ​ക്തി​യാ​ർ​ജി​ച്ച ക​ർ​ഷ​ക ക​ലാ​പ​ങ്ങ​ളു​ടെ നേ​തൃ​സ്ഥാ​ന​ത്ത് മു​സ്‍ലിം​ക​ളാ​യി​രു​ന്നു. ബ്രി​ട്ടീ​ഷു​കാ​ർ ന​ട​പ്പി​ലാ​ക്കി​യ ഭൂ​നി​കു​തി സ​മ്പ്ര​ദാ​യം, ഭൂ​വു​ട​മാ​ നി​യ​മ​ങ്ങ​ളും ജ​ന്മി​ത്ത​വാ​ഴ്ച​യെ അ​ര​ക്കി​ട്ടു​റ​പ്പി​ക്കു​ന്ന​താ​യ​തു​കൊ​ണ്ട് കു​ടി​യാ​ന്മാ​രും ക​ർ​ഷ​ക​രു​മാ​യ മു​സ്‍ലിം​ക​ൾ ജ​ന്മി​മാ​രു​മാ​യും ഭ​ര​ണ​കൂ​ട​വു​മാ​യും നി​ര​ന്ത​ര​മാ​യ സം​ഘ​ർ​ഷ​ത്തി​ലാ​യി​രു​ന്നു. ജ​ന്മി​മാ​ർ​ക്കെ​തി​രാ​യ സ​മ​ര​ങ്ങ​ൾ പ​ല​പ്പോ​ഴും ഹി​ന്ദു​ക്കൾ​ക്കെ​തി​രാ​യ ആ​ക്ര​മ​ണ​ങ്ങ​ളാ​യി മാ​റു​ന്നു​മു​ണ്ട്.

“മാ​പ്പി​ള​മാ​രു​ടെ അ​സം​തൃ​പ്തി അ​ക്ര​മാ​സ​ക്ത​മാ​യ ഒ​ട്ടേ​റെ ക​ലാ​പ​ങ്ങ​ളി​ലേ​ക്കു​ന​യി​ച്ചു. ഇ​ട​വി​ട്ടി​ട​വി​ട്ട് ആ ​ക​ലാ​പ​ങ്ങ​ൾ പ​ത്തൊ​മ്പ​താം​ നൂ​റ്റാ​ണ്ട് മു​ഴു​വ​ൻ തു​ട​ർ​ന്നു. ഈ ​അ​സ്വ​സ്ഥ​ത​ക​ൾ ബ്രി​ട്ടീ​ഷു​കാ​ർ​ക്ക് നി​ര​ന്ത​രം പ്ര​ശ്ന​ങ്ങ​ളു​ണ്ടാ​ക്കി.​ അ​വ​യു​ടെ പ്ര​ത്യാ​ഘാ​ത​ങ്ങ​ളെ​യും അ​വ നി​യ​ന്ത്രി​ക്കാ​ൻ വേ​ണ്ട അ​ടി​ച്ച​മ​ർ​ത്ത​ൽ​ ന​ട​പ​ടി​ക​ളെ​യും കു​റി​ച്ച് ഒ​ട്ടേ​റെ റി​പ്പോ​ർ​ട്ടു​ക​ളും അ​ഭി​പ്രാ​യ​ങ്ങ​ളും പു​റ​ത്തു​വ​ന്നു. മാ​പ്പി​ള​മാ​രെ സം​ബ​ന്ധി​ച്ചി​ട​ത്തോ​ളം ഈ ​ക​ലാ​പ​ങ്ങ​ളെ​ല്ലാം തി​ക​ച്ചും വ്യ​ർ​ഥ​മാ​യി​രു​ന്നു; ധീ​ര​മെ​ങ്കി​ലും നി​ഷ്ഫ​ല​മാ​യി​രു​ന്നു. മാ​പ്പി​ള​യെ ക്രൂ​ര​നും പ്ര​തീ​ക്ഷ​യ​റ്റ​വ​നു​മാ​യി ചി​ത്രീ​ക​രി​ക്കു​ന്ന​തി​ന് ഈ ​സം​ഭ​വ​ങ്ങ​ളാ​ണ് ഉ​ത്ത​ര​വാ​ദി” (റോ​ള​ണ്ട് മി​ല്ല​ർ: 115). ഒ​രു നൂ​റ്റാ​ണ്ടി​ല​ധി​ക​ കാ​ലം മ​ല​ബാ​റി​ൽ​നീ​ണ്ടു​നി​ന്ന ഇ​ത്ത​രം ക​ലാ​പ​ങ്ങ​ൾ കാ​ര​ണം, ‘നി​ര​ന്ത​രം പ്ര​ശ്ന​ങ്ങ​ളു​ണ്ടാ​ക്കു​ന്ന​വ​രാ​ണ് മു​സ്‍ലിം​ക​ൾ’ എ​ന്ന തീ​ർ​പ്പി​ലേ​ക്കെ​ത്തി​ച്ചേ​രാ​ൻ എ​ഴു​ത്തു​കാ​ര​നു വ​ലി​യ പ്ര​യാ​സ​ങ്ങ​ളു​ണ്ടാ​യി​ല്ല. പൂ​ർ​വ​മാ​തൃ​ക​ക​ളെ​ന്ന​വ​ണ്ണം ച​രി​ത്ര​ത്തി​ലും സാ​ഹി​ത്യ​ത്തി​ലു​മെ​ല്ലാം നി​ര​ന്ത​രം അ​പ​ര​വ​ത്ക​രി​ക്ക​പ്പെ​ട്ട മു​സ്‍ലിം​ക​ൾ ധാ​രാ​ള​മു​ണ്ടാ​യി​രു​ന്നു.

ഹോ​മി കെ. ​ഭാ​ഭ പ​റ​യു​ന്ന​തു​പോ​ലെ ഈ ​കൊ​ളോ​ണി​യ​ൽ വാ​ർ​പ്പു​മാ​തൃ​ക ഒ​രു തെ​റ്റാ​യ പ്ര​തി​നി​ധാ​നം മാ​ത്ര​മ​ല്ല, ഒ​രു ഉ​റ​പ്പി​ക്ക​ൽ​ത​ന്ത്രംകൂ​ടി​യാ​ണ് . മു​സ്‍ലിം​ക​ളെ ‘വി​ശ്വ​സി​ക്കാ​ൻ കൊ​ള്ളാ​ത്ത​വ​രും’ ‘ഗൂ​ഢാ​ലോ​ച​ന​ക്കാ​രും’ ആ​യി ചി​ത്രീ​ക​രി​ക്കു​ന്ന​തി​ലൂ​ടെ, നോ​വ​ൽ അ​വ​രെ ഒ​രു പ്ര​ത്യേ​ക ഫ്രെ​യി​മി​ന​ക​ത്ത് ഉ​റ​പ്പി​ച്ചു നി​ർ​ത്തു​ന്നു. അ​ങ്ങ​നെ മു​സ്‌​ലിം സാ​മൂ​ഹി​ക യാ​ഥാ​ർ​ഥ്യ​ത്തെ അ​ത് റ​ദ്ദ് ചെ​യ്യു​ന്നു. നോ​വ​ലി​ന്റെ അ​വ​സാ​നം മ​റ്റെ​ല്ലാ​വ​ർ​ക്കും നീ​തി ല​ഭി​ക്കു​മ്പോ​ഴും മു​സ്‍ലിം​ക​ൾ മാ​ത്രം ‘ക​ള്ള​സാ​ക്ഷി’​ക​ളാ​യി തു​ട​രു​ന്ന​ത് ഈ ‘​ഉ​റ​പ്പി​ക്ക​ലി​ന്’ ഉ​ദാ​ഹ​ര​ണ​മാ​ണ്. സ​മ​ത്വാ​ധി​ഷ്ഠി​ത​മാ​യ ഒ​രു സ​മൂ​ഹ​നി​ർ​മി​തി​യി​ലൂ​ടെ മാ​ത്ര​മേ കീ​ഴാ​ള​ ന​വോ​ത്ഥാ​ന​മെ​ന്ന വി​പ്ല​വ​ക​ര​മാ​യ ആ​ശ​യ​ത്തെ സാ​ധ്യ​മാ​ക്കാ​ൻ ക​ഴി​യൂ. എ​ന്നാ​ൽ, സ​ര​സ്വ​തീ​വി​ജ​യ​കാ​ര​ൻ സ്വീ​ക​രി​ച്ച സ​മ​ത്വ​ത്തി​ലേ​ക്കു​ള്ള​ വ​ഴി കൊ​ളോ​ണി​യ​ൽ ആ​ധു​നി​ക​ത​യു​ടേ​താ​യി​രു​ന്നു.

കൊ​ളോ​ണി​യ​ൽ ഭ​ര​ണ​ത്തി​ന്റെ ഇ​ട​പെ​ട​ൽ​കൊ​ണ്ടും അ​വ​രു​ടെ​ത​ന്നെ വി​ദ്യാ​ഭ്യാ​സ പ്ര​വ​ർ​ത്ത​ന​ങ്ങ​ൾ​കൊ​ണ്ടു​മാ​ണ് കീ​ഴാ​ള​ർ​ക്ക് മ​നു​ഷ്യ​പ​ദ​വി ല​ഭി​ച്ച​ത് എ​ന്ന​ത​ര​ത്തി​ലു​ള്ള നോ​വ​ലി​ലെ പ്ര​ഖ്യാ​പ​ന​ങ്ങ​ളെ ശ​രി​വെ​ക്കു​മ്പോ​ൾ​ത​ന്നെ കീ​ഴാ​ള​ർ​ക്കൊ​പ്പം വി​മോ​ച​നം സാ​ധ്യ​മാ​കേ​ണ്ട രാ​ജ്യ​ത്തെ മു​സ്‍ലിം ജ​ന​വി​ഭാ​ഗ​ത്തെ അ​പ​രി​ഷ്കൃ​ത​രാ​യി ചി​ത്രീ​ക​രി​ക്കു​ന്ന​തി​ലെ വൈ​രു​ധ്യം വ്യ​ക്ത​മാ​ണ്. വേ​ണ്ട​ത്ര ഗൗ​ര​വ​ത്തി​ലു​ള്ള ഒ​രു വാ​യ​ന ന​ട​ക്കാ​ത്ത​തു​കൊ​ണ്ടാ​ണ് ‘സ​ര​സ്വ​തീ​വി​ജ​യ’​ത്തി​ലെ തോ​ൽ​പി​ക്ക​പ്പെ​ടു​ന്ന മു​സ്‍ലി​മി​നെ ന​മ്മു​ടെ പ​ല സാ​മൂ​ഹി​ക പ്ര​വ​ർ​ത്ത​ക​രും എ​ഴു​ത്തു​കാ​രും വി​ജ​യി​യാ​യി പ്ര​ഖ്യാ​പി​ക്കു​ന്ന​ത്. മ​ല​യാ​ള നോ​വ​ലി​ലെ മു​സ്‍ലിം സാ​മൂ​ഹി​ക ജീ​വി​ത​മ​ന്വേ​ഷി​ച്ച ജ​മാ​ൽ കൊ​ച്ച​ങ്ങാ​ടി​യു​ടെ നി​രീ​ക്ഷ​ണം നോ​ക്കു​ക:

“ഒ​രു കൊ​ല​ക്കു​റ്റ​ത്തി​ൽ സ​വ​ർ​ണ​നാ​യ പ്ര​തി​ക്കെ​തി​രെ സാ​ക്ഷി പ​റ​യാ​നു​ള്ള സ​ത്യ​സ​ന്ധ​ത​യും ധീ​ര​ത​യും ​പ്ര​ക​ടി​പ്പി​ക്കു​ന്ന മാ​പ്പി​ള​മാ​ർ, ത​ങ്ങ​ൾ പ്ര​തി​നി​ധാ​നംചെ​യ്തി​രു​ന്ന സ​മു​ദാ​യ​ത്തി​ന്റെ സ്വ​ഭാ​വ​ത്തെ പ്ര​തി​ഫ​ലി​പ്പി​ക്കു​ന്നു​ണ്ട്” (ജ​മാ​ൽ കൊ​ച്ച​ങ്ങാ​ടി, 28). ഈ ​സാ​ക്ഷി​പ​റ​ച്ചി​ൽ ക​ള്ള​ത്ത​ര​മാ​യി​രു​ന്നെ​ന്നും മാ​പ്പി​ള​മാ​ർ തെ​റ്റു​കാ​രാ​ണെ​ന്നും വി​ധി​ക്കു​ന്ന നോ​വ​ലി​ന്റെ അ​വ​സാ​ന​ഭാ​ഗം വാ​യി​ക്കാ​തെ​യാ​ണ് കൊ​ച്ച​ങ്ങാ​ടി ഇ​ങ്ങ​നെ ഒ​രു തീ​ർ​പ്പി​ലെ​ത്തു​ന്ന​ത്. ‘സ​ര​സ്വ​തീ​വി​ജ​യ’​ത്തി​ലെ മു​സ്‍ലിം പ്ര​തി​നി​ധാ​ന​ത്തെ കൃ​ത്യ​മാ​യി വി​ശ​ക​ല​നം ചെ​യ്യാ​തെ​യു​ള്ള നി​രീ​ക്ഷ​ണ​മാ​യ​തു​കൊ​ണ്ടാ​ണ് നോ​വ​ലി​ലെ മാ​പ്പി​ള​മാ​ർ അ​ദ്ദേ​ഹ​ത്തി​നു ധീ​ര​ന്മാ​രും സ​ത്യ​സ​ന്ധ​രു​മാ​യി​ത്തീ​ർ​ന്ന​ത്. കെ.​കെ. കൊ​ച്ചി​ന്റെ നി​രീ​ക്ഷ​ണ​ത്തി​ലും നോ​വ​ലി​ലെ മാ​പ്പി​ള​മാ​ർ ധീ​ര​രും ഉ​ദാ​ത്ത​മാ​തൃ​ക കാ​ണി​ക്കു​ന്ന​വ​രു​മാ​ണ്. “ത​ക​രു​ന്ന ന​മ്പൂ​തി​രി​സ​മു​ദാ​യ​ത്തി​ന്റെ ചി​ത്ര​ത്തോ​ടൊ​പ്പം, മു​സ്‍ലിം സ​മു​ദാ​യ​ത്തി​ന്റെ ബ്രാ​ഹ്മ​ണ​വി​രോ​ധ​വും മു​സ്‍ലിം​ക​ളു​ടെ ദ​ലി​തു​ക​ളോ​ടു​ള്ള സ​ഹ​ഭാ​വ​വും നോ​വ​ലി​ൽ​നി​ന്നും വാ​യി​ച്ചെ​ടു​ക്കാ​നാ​വും. മ​ര​ത്ത​ന്റെ കൊ​ല​പാ​ത​ക​ത്തി​നെ​തി​രെ ശ​ബ്ദ​മു​യ​ർ​ത്തു​ന്ന​ത് മു​സ്‍ലിം​ക​ളാ​ണ്” (കെ.​കെ.​ കൊ​ച്ച്: 146). കൊ​ല​പാ​ത​ക​ത്തി​നെ​തി​രെ ശ​ബ്ദ​മു​യ​ർ​ത്തി എ​ന്ന ഒ​രു വ​ശ​ത്തെ മാ​ത്രം വി​ശ​ക​ല​നംചെ​യ്യു​ന്ന​തി​ന്റെ പ്ര​ശ്ന​മാ​ണി​ത്. നോ​വ​ലി​ലെ പ്ര​തി​നി​ധാ​ന​ത്തി​ന്റെ രാ​ഷ്ട്രീ​യ​ത്തെ സ​മ​ഗ്ര​ത​യി​ലൂ​ന്നി​നി​ന്ന് അ​പ​ഗ്ര​ഥി​ക്കാ​ൻ ന​മ്മു​ടെ നി​രൂ​പ​ക​ർ​ക്ക് ക​ഴി​ഞ്ഞി​ട്ടി​ല്ല.

‘സ​ര​സ്വ​തീ​വി​ജ​യം’ പു​ല​യ​രു​ടെ വി​മോ​ച​ന​ത്തി​നു​വേ​ണ്ടി സം​സാ​രി​ക്കു​ന്നു. എ​ന്നാ​ൽ, ഈ ​പ്ര​ക്രി​യ​യി​ൽ, മ​റ്റൊ​രു കീ​ഴാ​ള വി​ഭാ​ഗ​മാ​യ മു​സ്‍ലിം​ക​ളെ അ​ത് നി​ശ്ശ​ബ്ദ​രാ​ക്കു​ക മാ​ത്ര​മ​ല്ല, കു​റ്റ​വാ​ളി​ക​ളാ​ക്കു​ക​യുംചെ​യ്യു​ന്നു. അ​താ​യ​ത്, ഒ​രു കീ​ഴാ​ള വി​ഭാ​ഗ​ത്തെ പ്ര​തി​നി​ധാ​നം​ചെ​യ്യാ​നു​ള്ള ശ്ര​മം മ​റ്റൊ​രു കീ​ഴാ​ള വി​ഭാ​ഗ​ത്തി​നു​മേ​ൽ ‘ജ്ഞാ​ന​പ​ര​മാ​യ ഹിം​സ’ (Epistemic Violence) അ​ഴി​ച്ചു​വി​ടു​ന്നു. നോ​വ​ലി​ലെ വി​മോ​ച​നാ​ത്മ​കത​യെ കൊ​ണ്ടാ​ടു​ന്ന​വ​ർ ഈ ​നോ​വ​ലി​ലെ ബ്രാ​ഹ്മ​ണവി​രു​ദ്ധ വ്യ​വ​ഹാ​രം അ​തി​ന്റെ സ്വ​ന്തം ‘അ​പ​ര​നെ’ (the other) മു​സ്‍ലിം​ക​ളി​ൽ ക​ണ്ടെ​ത്തു​ന്നു എ​ന്ന കാ​ര്യം വി​ട്ടു​പോ​യി​രി​ക്കു​ന്നു. ജാ​തി​വി​രു​ദ്ധ പോ​രാ​ട്ട​ത്തി​നാ​യി രൂ​പ​പ്പെ​ടു​ന്ന ഒ​രു കീ​ഴാ​ള കൂ​ട്ടാ​യ്മ, അ​തി​ന്റെ അ​തി​രു​ക​ൾ നി​ർ​വ​ചി​ക്കു​ന്ന​ത് മു​സ്‍ലിം​ക​​ളെ പു​റ​ത്തു​നി​ർ​ത്തി​ക്കൊ​ണ്ടാ​ണ്. ഇ​ങ്ങ​നെ ഒ​രു കീ​ഴാ​ള ഐ​ക്യം രൂ​പ​പ്പെ​ടു​ന്ന​തി​നെ ത​ട​സ്സ​പ്പെ​ടു​ത്തു​ന്ന ‘ആ​ഭ്യ​ന്ത​ര കോ​ള​നി​വ​ത്ക​ര​ണ’​ത്തി​ന്റെ ഒ​രു സാ​ഹി​ത്യ​രൂ​പ​മാ​യാ​ണ് ‘സ​ര​സ്വ​തീ​വി​ജ​യ’​ത്തെ കാ​ണേ​ണ്ട​ത്. ഒ​രു​പ​ക്ഷേ, ‘ബ്രാ​ഹ്മ​ണ്യ​ത്തി​നെ​തി​രാ​യ പോ​രാ​ട്ടം’ എ​ന്ന വ​ലി​യ ആ​ഖ്യാ​ന​ത്തി​ൽ ഈ ‘​ചെ​റി​യ’ ഹിം​സ​ക​ൾ അ​വ​രു​ടെ നോ​ട്ട​പ്പാ​ടി​ൽ അ​പ്ര​സ​ക്ത​മാ​യി പോ​യ​താ​കാം. പ​ക്ഷേ, കീ​ഴാ​ള പ​ഠ​ന​ത്തി​ന്റെ ല​ക്ഷ്യം​ത​ന്നെ ഇ​ത്ത​രം പ്ര​ബ​ലാ​ഖ്യാ​ന​ങ്ങ​ൾ​ക്കു​ള്ളി​ലെ നി​ശ്ശ​ബ്ദ​ത​ക​ളെ​യും ഒ​ഴി​വാ​ക്ക​ലു​ക​ളെ​യും പു​റ​ത്തു​കൊ​ണ്ടു​വ​രു​ക എ​ന്ന​താ​ണ് എ​ന്ന രാ​ഷ്ട്രീ​യം അ​വ​ർ മ​റ​ന്നു​പോ​യി.

യൂ​റോ കേ​ന്ദ്രീ​കൃ​ത​മാ​യ ആ​ശ​യ​ങ്ങ​ളും ചി​ന്ത​ക​ളും ഊ​ട്ടി​യു​റ​പ്പി​ക്കു​ക​യാ​ണ് കൊ​ളോ​ണി​യ​ൽ ആ​ധു​നി​ക​ത ചെ​യ്യു​ന്ന​ത്. അ​വി​ടെ സ​മ​ത്വ​മെ​ന്ന​ത് പൂ​ർ​ണാ​ർ​ഥ​ത്തി​ൽ സാ​ധ്യ​മാ​കു​ന്ന ഒ​ന്ന​ല്ല. അ​തു​കൊ​ണ്ടാ​ണ് കോ​ള​നി വി​രു​ദ്ധ രാ​ഷ്ട്രീ​യം മു​ന്നോ​ട്ടു​വെ​ച്ച മ​ല​ബാ​റി​ലെ മു​സ്‍ലിം​ക​ളെ അ​ധ​മ​രാ​യി ചി​ത്രീ​ക​രി​ക്കാ​ൻ ‘സ​ര​സ്വ​തീ​വി​ജ​യം’ പോ​ലെ​യു​ള്ള കൊ​ളോ​ണി​യ​ൽ ആ​ധു​നി​ക​ത​യു​ടെ ആ​ഖ്യാ​ന​മാ​തൃ​ക​ക​ൾ​ക്ക് എ​ളു​പ്പ​ത്തി​ൽ സാ​ധി​ക്കു​ന്ന​ത്. മ​ല​യാ​ള നോ​വ​ലി​ന്റെ ആ​രം​ഭ​കാ​ലം തൊ​ട്ടേ പ്ര​തി​നി​ധാ​നം എ​ന്ന​ത് സ​ങ്കീ​ർ​ണ​മാ​യ ഒ​ന്നാ​യി​രു​ന്നു. മു​സ്‍ലിം​ ക​ഥാ​പാ​ത്ര​ങ്ങ​ളു​ടെ ആ​ഖ്യാ​ന​വും അ​വ​ത​ര​ണ​വു​മെ​ല്ലാം കൊ​ളോ​ണി​യ​ൽ സാ​ഹി​ത്യ​ര​ച​ന​യു​ടെ ലോ​ക​ബോ​ധം അ​നു​സ​രി​ച്ചാ​ണ് ന​ട​ന്നി​രു​ന്ന​ത്. മു​സ്‍ലിം​ക​ൾ, പ്ര​ത്യേ​കി​ച്ച് പാ​ശ്ചാ​ത്യ​ സ​മൂ​ഹ​ങ്ങ​ളി​ൽ, പാ​ർ​ശ്വ​വ​ത്ക​രി​ക്ക​പ്പെ​ട്ട​വ​രും സ്റ്റീ​രി​യോടൈ​പ്പു​ക​ൾ​ക്കും വി​വേ​ച​ന​ങ്ങ​ൾ​ക്കും വി​ധേ​യ​രാ​യ​വ​രു​മാ​യി​രു​ന്നു.

ത​ൽ​ഫ​ല​മാ​യി, അ​വ​രു​ടെ അ​നു​ഭ​വ​ങ്ങ​ളും ശ​ബ്ദ​ങ്ങ​ളും പ്ര​ബ​ല​മാ​യ ആ​ഖ്യാ​ന​ങ്ങ​ളി​ൽ​നി​ന്ന് ഒ​ഴി​വാ​ക്ക​പ്പെ​ട്ടു. സ​ബാ​ൾ​​േട്ട​ൺ പ​ഠ​ന​ങ്ങ​ൾ ഈ ​മു​ഖ്യ​ധാ​ര ആ​ഖ്യാ​ന​ങ്ങ​ളെ തു​റ​ന്നു​കാ​ണി​ക്കാ​നും മു​സ്‍ലിം​ക​ൾ ഉ​ൾ​പ്പെ​ടെ​യു​ള്ള പാ​ർ​ശ്വ​വ​ത്ക​രി​ക്ക​പ്പെ​ട്ട വി​ഭാ​ഗ​ങ്ങ​ൾ​ക്ക് ശ​ബ്ദം ന​ൽ​കാ​നും ശ്ര​മി​ച്ചു. ‘ബ്രാ​ഹ്മ​ണ്യ​ത്തി​നു തീ ​കൊ​ളു​ത്തി​യ നോ​വ​ൽ’, ‘കീ​ഴാ​ള​ ന​വോ​ത്ഥാ​ന​ത്തി​ന് നാ​ന്ദി കു​റി​ച്ച കൃ​തി’ എ​ന്നൊ​ക്കെ ‘സ​ര​സ്വ​തീ​വി​ജ​യ​’ത്തെ വി​ശേ​ഷി​പ്പി​ക്കു​ന്ന​ത് കീ​ഴാ​ള​പ​ഠ​ന​ത്തി​ന്റെ സ​മ​ഗ്ര​ത​ക്ക് ഭം​ഗം വ​രു​ത്തു​ന്ന വി​ല​യി​രു​ത്ത​ലു​ക​ളാ​ണ് എ​ന്ന് പ​റ​യേ​ണ്ട​തു​ണ്ട്. എ​ല്ലാ​ത്തി​നു​മ​പ്പു​റം ‘സ​ര​സ്വ​തീ​വി​ജ​യം’ വി​ചാ​ര​ണചെ​യ്യു​ന്ന​ത് ബ്രാ​ഹ്മ​ണ്യ​ത്തെ​യ​ല്ല, കീ​ഴാ​ള​രാ​യ മു​സ്‍ലിം​ക​ളെ ത​ന്നെ​യാ​ണ്. അ​ത് കീ​ഴാ​ള ന​വോ​ത്ഥാ​ന​ത്തെ അ​ട്ടി​മ​റി​ക്കു​ന്ന പ്ര​യ​ത്നം ത​ന്നെ​യാ​യി വാ​യി​ക്കേ​ണ്ട​തു​ണ്ട്.

============

ഗ്ര​ന്ഥ​സൂ​ചി:

● അ​ൻ​സാ​രി എം.​ടി. മ​ല​ബാ​ർ ദേ​ശീ​യ​ത​യു​ടെ ഇ​ട-​പാ​ടു​ക​ൾ. ‍ഡി.​സി ബു​ക്സ് കോ​ട്ട​യം, 2021.

● ഇ​ബ്രാ​ഹീം ബേ​വി​ഞ്ച. മു​സ്‍ലിം സാ​മൂ​ഹി​ക ജീ​വി​തം മ​ല​യാ​ള​ത്തി​ൽ. യു​വ​ത ബു​ക്സ്, കോ​ഴി​ക്കോ​ട്, 1996.

● കൊ​ച്ച് കെ.​കെ. ‘കേ​ര​ളം മ​റ​ന്ന സാ​മൂ​ഹ്യ​പ​രി​ഷ്ക​ര​ണം.’ സാം​സ്കാ​രി​ക വി​മ​ർ​ശ​വും മ​ല​യാ​ള​ഭാ​വ​ന​യും, ഷാ​ജി ജേ​ക്ക​ബ് (എ​ഡി.), കേ​ര​ള ഭാ​ഷാ ഇ​ന്‍സ്റ്റി​റ്റ്യൂ​ട്ട്, തി​രു​വ​ന​ന്ത​പു​രം, 2014.

● ജ​മാ​ൽ കൊ​ച്ച​ങ്ങാ​ടി. മു​സ്‍ലിം സാ​മൂ​ഹ്യ​ജീ​വി​തം മ​ല​യാ​ള നോ​വ​ലി​ൽ. കേ​ര​ള സാ​ഹി​ത്യ അ​ക്കാ​ദ​മി, തൃ​ശൂ​ർ, 1998.

● പ​ണി​ക്ക​ർ കെ.​എ​ൻ. മ​ല​ബാ​ർ ക​ലാ​പം: പ്ര​ഭു​ത്വ​ത്തി​നും രാ​ജ​വാ​ഴ്ച​യ്ക്കു​മെ​തി​രെ. ഡി.​സി ബു​ക്സ്, കോ​ട്ട​യം, 2020.

● വി​ല്യം ലോ​ഗ​ൻ. മ​ല​ബാ​ർ മാ​ന്വ​ൽ. മാ​തൃ​ഭൂ​മി കോ​ഴി​ക്കോ​ട്, 1985.

● റോ​ള​ണ്ട് ഇ ​മി​ല്ല​ർ. മാ​പ്പി​ള മു​സ്‍ലിം​ക​ൾ. അ​ദ​ർ ബു​ക്സ്, 2017.