ജീവപര്യന്തം ഒരു പുഴ

സിമന്റടർന്നുപോയ ഒറ്റമുറി വീടിന്റെ മൂലയിൽ തുരുമ്പിച്ച പിക്കാസിന്റെയും നമ്മാട്ടിയുടെയും പാറാവിൽ ഒഴിഞ്ഞ ചില്ലുചാരായക്കുപ്പിക്കുള്ളിൽ ജീവപര്യന്തം ഒരു പുഴ. കുപ്പിക്കുള്ളിൽ പുഴ കിടന്നും ഇരുന്നും നിന്നും ഒന്നരപ്പതിറ്റാണ്ടായി തുടരുന്നതിൻ ശിക്ഷ. മൂലയിൽ അയാളുടെ കാൽപ്പെരുമാറ്റം കേൾക്കുമ്പോഴൊക്കെ പുഴ മോചനത്തിനായി യാചിക്കും. അപ്പോഴൊക്കെ നിലവിളിയുടെ ഒച്ചയിൽ അയാൾ ചിരിക്കും പാറാവുകാരായ നമ്മാട്ടിയും പിക്കാസും ചിരിക്കും. ചില്ലു ചാരായക്കുപ്പിയുടെ തടവറ തകർക്കാനും മുറിവേറ്റ ഉടലുമായി ഒരിക്കൽകൂടി ഒന്നൊഴുകി ഒടുങ്ങാനും പുഴ രഹസ്യ പദ്ധതിയിട്ടു. ആ...
Your Subscription Supports Independent Journalism
View Plans- Unlimited access to Madhyamam Weekly Articles and Archives ........
- Experience ‘Ad Free’ article pages
സിമന്റടർന്നുപോയ
ഒറ്റമുറി വീടിന്റെ
മൂലയിൽ
തുരുമ്പിച്ച പിക്കാസിന്റെയും
നമ്മാട്ടിയുടെയും
പാറാവിൽ
ഒഴിഞ്ഞ ചില്ലുചാരായക്കുപ്പിക്കുള്ളിൽ
ജീവപര്യന്തം ഒരു പുഴ.
കുപ്പിക്കുള്ളിൽ
പുഴ
കിടന്നും ഇരുന്നും നിന്നും ഒന്നരപ്പതിറ്റാണ്ടായി
തുടരുന്നതിൻ ശിക്ഷ.
മൂലയിൽ അയാളുടെ
കാൽപ്പെരുമാറ്റം
കേൾക്കുമ്പോഴൊക്കെ
പുഴ മോചനത്തിനായി
യാചിക്കും.
അപ്പോഴൊക്കെ
നിലവിളിയുടെ ഒച്ചയിൽ
അയാൾ ചിരിക്കും
പാറാവുകാരായ
നമ്മാട്ടിയും
പിക്കാസും ചിരിക്കും.
ചില്ലു ചാരായക്കുപ്പിയുടെ
തടവറ തകർക്കാനും
മുറിവേറ്റ ഉടലുമായി
ഒരിക്കൽകൂടി
ഒന്നൊഴുകി ഒടുങ്ങാനും
പുഴ രഹസ്യ പദ്ധതിയിട്ടു.
ആ രാത്രി
‘ന്റെ മോളേന്ന്...’
നെഞ്ചത്തടിച്ചും
നിലവിളിച്ചും
അയാൾ
തന്നിലേക്ക് മുങ്ങിപ്പൊങ്ങുന്നതിന്റെ
പിടച്ചിൽ
പുഴ കേട്ടു.
പുഴയ്ക്കുള്ളിൽ പിന്നെയും ഒരു
കയം വളരാൻ തുടങ്ങി.


