ഇ​സ്ഫ​ഹാ​നി​ലെ​യും എ​ര്‍ദാ​ബി​ലെ​യും പ​ക​ലി​ര​വു​ക​ൾ

മ​നോ​ഹ​ര​മാ​യ നാ​ടാ​ണ്​ ഇ​റാ​ൻ. ച​രി​ത്ര​വും ഇ​തി​ഹാ​സ​വും മി​ത്തു​മെ​ല്ലാം കൂ​ടി​ക്ക​ല​ർ​ന്ന രാ​ജ്യം. ബാ​ഹ്യ​ലോ​ക​ത്ത​ി​ലെ പ്ര​തി​ച്ഛാ​യ​യ​ല്ല അ​വി​ടെ സ​ഞ്ച​രി​ക്കു​ന്ന മാ​ധ്യ​മ​പ്ര​വ​ർ​ത്ത​ക​ൻ കാ​ണു​ന്ന​ത്. കാ​ഴ്​​ച​ക​ളി​ലെ സൗ​ന്ദ​ര്യം എ​ഴു​ത്തി​ൽ നി​റ​യു​ന്നു.

ഇ​സ്ഫ​ഹാ​നി​ല്‍ സ​ന്ധ്യ മ​യ​ങ്ങു​ക​യാ​ണ്. നൂ​റ്റാ​ണ്ടു​ക​ള്‍ പ​ഴ​ക്ക​മു​ള്ള ത​ടി​യ​ന്‍ ചി​നാ​ര്‍ മ​ര​ങ്ങ​ളും സൈ​പ്ര​സു​ക​ളും തീ​ര്‍ക്കു​ന്ന ക​മാ​ന​ങ്ങ​ള്‍ക്കി​ട​യി​ലൂ​ടെ​യാ​ണ് സാ​യ​ന്ത​രൂ​ദ് ന​ദി​ക്ക​ര​യി​ലേ​ക്കു​ള്ള വ​ഴിതി​രി​യു​ന്ന​ത്. ന​വം​ബ​റി​ന്റെ അ​വ​സാ​ന​മാ​യ​തു​കൊ​ണ്ട് ചി​നാ​ര്‍ വൃ​ക്ഷ​ങ്ങ​ളു​ടെ ഇ​ല​ക​ള്‍ ര​ക്ത​വ​ര്‍ണം പൂ​ണ്ടു തു​ട​ങ്ങി​യി​രു​ന്നു. ന​ദി എ​ന്നുപ​റ​യാ​ന്‍ മാ​ത്ര​മൊ​ന്നും കാ​ജു പാ​ല​ത്തി​ന​ടി​യി​ല്‍ വെ​ള്ള​മു​ണ്ടാ​യി​രു​ന്നി​ല്ല. അ​തി​ന്റെ മ​ണ​പ്പ​ര​പ്പി​ലി​റ​ങ്ങി​യി​രു​ന്ന് ആ​ളു​ക​ള്‍ സൊ​റ പ​റ​യു​ന്ന​തു കാ​ണാം. 375 വ​ര്‍ഷ​ങ്ങ​ള്‍ക്ക് മു​മ്പേ ഷാ ​അ​ബ്ബാ​സി​ന്റെ ഭ​ര​ണ​കാ​ല​ത്ത് പ​ണി​ക​ഴി​പ്പി​ക്ക​പ്പെ​ട്ട​താ​ണ് ഈ ​പാ​ലം. ഉ​പ​യോ​ഗം​കൊ​ണ്ട് അ​തൊ​രു ഡാം ​കൂ​ടി​യാ​യി​രു​ന്നു.

പ്ര​സാ​ദാ​ത്മ​ക​മാ​യ ഓ​റ​ഞ്ച് വെ​ളി​ച്ച​ത്തി​ല്‍ കു​ളി​പ്പി​ച്ചുനി​ര്‍ത്തി​യ ഈ ​പാ​ല​ത്തി​ലേ​ക്ക് ക​മാ​ല്‍ ഇ​സ്മാ​ഈ​ലീ തെ​രു​വി​ല്‍നി​ന്ന് താ​ഴേ​ക്ക് പ​ട​വു​ക​ളി​റ​ങ്ങ​ണം. ച​രി​ത്ര സ്മാ​ര​കം കാ​ണാ​ന്‍ പോ​കു​ന്ന​വ​ന്റെ ആ​കാം​ക്ഷ​യാ​യി​രു​ന്നി​ല്ല എ​ന്റേ​ത്. ഇ​സ്ഫ​ഹാ​നി​ലെ ക്ഷു​ഭി​ത ജീ​വി​ത​ങ്ങ​ള്‍ എ​ല്ലാ സാ​യ​ന്ത​ന​ങ്ങ​ളി​ലും ഒ​ത്തു​ചേ​രു​ന്ന​ത് കാ​ജു പാ​ല​ത്തി​ന്റെ തൂ​ണു​ക​ള്‍ക്കി​ട​യി​ലു​ള്ള അ​റ​ക​ളി​ലാ​ണ്. ഭ​ര​ണ​കൂ​ടം ഓ​രോ പൗ​ര​നെ​യും ക​ണ്ണും കാ​തും തു​റ​ന്ന് നി​രീ​ക്ഷി​ക്കു​ന്ന ഇ​റാ​നി​ല്‍ അ​ത്യ​പൂ​ര്‍വ​മാ​യി അ​നു​വ​ദി​ക്ക​പ്പെ​ടു​ന്ന സ്വാ​ത​ന്ത്ര്യ​ത്തി​ന്റെ ആ ​തു​രു​ത്ത് കേ​വ​ല​മാ​യ കാ​ഴ്ച എ​ന്ന​തി​ലേ​റെ ഒ​രു അ​നു​ഭ​വ​മാ​യി​രു​ന്നു.

കാ​ജു​വി​ന്റെ അ​ടു​ത്തേ​ക്ക് എ​ത്തും​തോ​റും ദ​ഫ്മു​ട്ടി​ന്റെ​യും ആ​ര്‍പ്പു​വി​ളി​ക​ളു​ടെ​യും ശ​ബ്ദം കൂ​ടി​വ​രു​ന്നു​ണ്ട്. ‘അ​ണ്ട​ര്‍ ദ ​മൂ​ണ്‍ ലൈ​റ്റ്’ എ​ന്ന ഇ​റാ​നി​യ​ന്‍ സി​നി​മ​യി​ലെ ആ ​പാ​ല​ത്തെ​യാ​ണ് ഒ​രു നി​മി​ഷം ഓ​ര്‍മ​വ​ന്ന​ത്. പു​രോ​ഹി​ത​നാ​വാ​നു​ള്ള പ​ഠ​നം പൂ​ര്‍ത്തി​യാ​ക്കി​യ സ​യ്യി​ദ് ഹ​സ​ന്റെ ളോ​ഹ മോ​ഷ​ണം പോ​കു​ന്നി​ട​ത്താ​ണ് ഈ ​സി​നി​മ​യു​ടെ ക​ഥ ആ​രം​ഭി​ക്കു​ന്ന​ത്. ളോ​ഹ ന​ഷ്ട​പ്പെ​ട്ട സ​യ്യി​ദ് ഹ​സ​ന്റെ ആ​ത്മീ​യ വി​ചാ​ര​ങ്ങ​ള്‍ക്കും ഭൗ​തി​ക യാ​ഥാ​ര്‍ഥ്യ​ങ്ങ​ള്‍ക്കു​മി​ട​യി​ലൂ​ടെ ന​ട​ത്തു​ന്ന അ​ന്വേ​ഷ​ണ​ങ്ങ​ളി​ലൂ​ടെ​യാ​ണ് ക​ഥാ​ത​ന്തു വി​ക​സി​ക്കു​ന്ന​ത്. ന​ഗ​ര​ത്തി​ലെ ക​ള്ള​ന്മാ​രും പോ​ക്ക​റ്റ​ടി​ക്കാ​രു​മൊ​ക്ക ഒ​ത്തു​കൂ​ടു​ന്ന പാ​ല​ത്തി​ന​ടി​യി​ല്‍ ഒ​ടു​വി​ല​യാ​ള്‍ ളോ​ഹ അ​േ​ന്വ​ഷി​ച്ചെ​ത്തു​ന്നു. പൗ​രോ​ഹി​ത്യ​ത്തെ​യും ഗ​വ​ണ്‍മെ​ന്റി​നെ​യു​മൊ​ക്കെ സി​നി​മ ക​ണ​ക്ക​റ്റ് പ​രി​ഹ​സി​ക്കു​ന്നു​ണ്ടെ​ങ്കി​ലും അ​ധോ​ലോ​ക​ത്തേ​ക്കാ​ളു​പ​രി മ​നു​ഷ്യ​ജീ​വി​ത​ത്തെ പ​ച്ച​യാ​യി പ​രി​ച​യ​പ്പെ​ടു​ത്തു​ന്ന ഒ​രി​ട​മാ​യി​രു​ന്നു ‘അ​ണ്ട​ര്‍ ദ ​മൂ​ണ്‍ ലൈ​റ്റി’​ലെ പാ​ലം.

ഇ​സ്ഫ​ഹാ​നി​ലെ ക​വി​ക​ളും സാ​ഹി​ത്യ​കാ​ര​ന്മാ​രും സം​വ​ദി​ക്കാ​നെ​ത്തി​യി​രു​ന്ന കാ​ജു പാ​ല​ത്തി​ന്റെ ചു​വ​ട്ടി​ലും അ​തു​പോ​ലൊ​രു ഇ​രു​ണ്ട അ​ന്ത​രീ​ക്ഷ​മാ​ണ് കാ​ണാ​നു​ള്ള​ത്. മു​ദ്രാ​വാ​ക്യ​ങ്ങ​ള്‍പോ​ലെ തോ​ന്നു​ന്ന, അ​ത്ര​യൊ​ന്നും സം​ഗീ​താ​ത്മ​ക​മ​ല്ലാ​ത്ത അ​വ​രു​ടെ പാ​ട്ടു​ക​ളി​ല്‍ ക​ത്തിജ്ജ്വലി​ക്കു​ന്ന ആ​ശ​യ​ങ്ങ​ളാ​ണ് ഉ​ള്ള​തെ​ന്ന് തോ​ന്നി. ഓ​രോ വ​രി​യും ആ​വേ​ശ​മു​ണ്ടാ​ക്കു​ന്നു. ചി​ല വ​രി​ക​ള്‍ അ​വ​രെ​ല്ലാം കൂ​ടി​ച്ചേ​ര്‍ന്ന് ആ​വ​ര്‍ത്തി​ക്കു​ന്നു. റു​ബാ​ബി​ന്റെ അ​ക​മ്പ​ടി​യോ​ടെ റൂ​മി​യെ​യും ഹാ​ഫി​സി​നെ​യും സ​അ​്ദി​യെ​യും കേ​ള്‍ക്കാ​നാ​യി വ​ന്ന ക​മി​താ​ക്ക​ളു​ടെ ഒ​റ്റ​പ്പെ​ട്ട ജോ​ടി​ക​ളും കൂ​ട്ടം​തെ​റ്റി​യി​രി​ക്കു​ന്നു​ണ്ട്. ഞാ​നെ​ത്തു​മ്പോ​ഴേ​ക്കും ഒ​ട്ടു​മി​ക്ക ക​മാ​ന​ങ്ങ​ള്‍ക്കു കീ​ഴെ​യും ഓ​രോ​രോ സം​ഘ​ങ്ങ​ള്‍ ഇ​ടം​പി​ടി​ച്ചുക​ഴി​ഞ്ഞി​രു​ന്നു. നി​ങ്ങ​ളു​ടെ ഇ​ഷ്ട​മ​നു​സ​രി​ച്ച് ഇ​തി​ല്‍ ഏ​ത് സം​ഘ​ത്തോ​ടൊ​പ്പ​വും ചേ​രാം.

ഇ​റാ​ന്റെ സാ​മൂ​ഹി​ക ജീ​വി​ത​ത്തി​ന്റെ ഒ​ന്നാ​ന്ത​രം പ​രി​ച്ഛേ​ദ​മാ​ണ് ഈ ​പാ​ലം. അ​ക്കൂ​ട്ട​ത്തി​ല്‍ രാ​ഷ്ട്രീ​യ​ക്കാ​രും ഫെ​മി​നി​സ്റ്റു​ക​ളും റെ​ബ​ലു​ക​ളും കൂ​ടി​യി​രു​ന്ന് ന​ട​ത്തു​ന്ന ‘ക​വി​യ​ര​ങ്ങ്’ ആ ​രാ​ജ്യ​ത്തെ രീ​തി​ക​ള​നു​സ​രി​ച്ച് തി​ക​ച്ചും പ്ര​കോ​പ​ന​പ​ര​മാ​യി​രു​ന്നു. പ​ക്ഷേ, മ​ഹ്‌​സാ അ​മീ​നി സം​ഭ​വ​ത്തി​നു ശേ​ഷ​മു​ള്ള ഇ​റാ​ന്‍ അ​ൽ​പ​മൊ​ന്ന് ഒ​തു​ങ്ങി​യി​ട്ടു​ണ്ടെ​ന്ന് തോ​ന്നി. ഇ​ട​പെ​ടേ​ണ്ട ഒ​രു സാ​ഹ​ച​ര്യ​മാ​യി​ട്ടും ന​ഗ​ര​പി​താ​വോ ഇ​സ്‌​ലാ​മി​ക ഭ​ര​ണ​കൂ​ട​ത്തി​ന്റെ ര​ഹ​സ്യ പൊ​ലീ​സു​കാ​രോ ഈ ​പാ​ല​ത്തി​ന​ടി​യി​ലേ​ക്ക് നോ​ക്കി ക​ണ്ണു​രു​ട്ടു​ന്നു​ണ്ടാ​യി​രു​ന്നി​ല്ല.

ഏ​റി​യാ​ല്‍ അ​ര ഫ​ര്‍ലോം​ഗി​ല​ധി​ക​മൊ​ന്നും അ​വി​ടെ​നി​ന്നു​യ​രു​ന്ന പാ​ട്ടി​ന്റെ ആ​ര​വം പു​റ​ത്തേ​ക്ക് കേ​ള്‍ക്കു​ന്നി​ല്ല എ​ന്ന​താ​യി​രി​ക്കാം അ​വ​രു​ടെ സ​മാ​ധാ​നം. ത​ല​യി​ല്‍ ത​ട്ട​മി​ടാ​ത്ത പെ​ണ്ണു​ങ്ങ​ള്‍ ആ​ണു​ങ്ങ​ള്‍ക്കൊ​പ്പം ഇ​തു​പോ​ലെ ഒ​ന്നി​ച്ചി​രി​ക്കു​ന്ന​ത് ഇ​റാ​നി​ല്‍ നി​ങ്ങ​ള്‍ക്ക് പ്ര​തീ​ക്ഷി​ക്കാ​ന്‍ ക​ഴി​യാ​ത്ത കാ​ഴ്ച​യാ​ണ്. ചൂ​ളം വി​ളി​യും സ​ഗാ​റീ​ത്തി​ന്റെ ഒ​ച്ച​യും ഇ​ട​ക്കി​ടെ ഉ​യ​രു​ന്ന കൂ​ക്കി​വി​ളി​യു​മൊ​ക്കെ​യാ​യി വ​ലി​യ ‘അ​ച്ച​ട​ക്ക’​ത്തോ​ടെ ന​ട​ന്നു​കൊ​ണ്ടി​രു​ന്ന സം​ഗീ​ത-​നൃ​ത്ത സ​ദ​സ്സി​ല്‍ പ​ര​ദേ​ശി​യാ​യ എ​നി​ക്കും അ​വ​ര്‍ ഇ​ടം ത​ന്നു. ഇ​രി​പ്പി​ട​മെ​ന്നു​വെ​ച്ചാ​ല്‍ ക​ല്‍ത്തൂ​ണു​ക​ള്‍ക്കി​ട​യി​ല്‍ ഒ​ന്ന് തി​ക്കി​യി​രി​ക്കാം. ഒ​റ്റ വ്യ​വ​സ്ഥ​യേ വെ​ച്ചു​ള്ളൂ. സ്ത്രീ​ക​ള്‍ പാ​ട്ടു​പാ​ടു​ന്ന​തോ നൃ​ത്തം വെ​ക്കു​ന്ന​തോ ആ​യ ദൃ​ശ്യ​ങ്ങ​ളൊ​ന്നും കാ​മ​റ​യി​ല്‍ പ​ക​ര്‍ത്ത​രു​ത്.

ഒ​രി​ക്ക​ലെ​ങ്കി​ലും യാ​ത്ര പോ​കേ​ണ്ട ഇ​റാ​നി​യ​ന്‍ ന​ഗ​ര​മാ​ണി​ത്. ദു​നി​യാ​വി​ന്റെ പ​കു​തി​യും ഇ​സ്ഫ​ഹാ​നി​ലു​ണ്ടെ​ന്നാ​ണ് ഈ ​പ​ട്ട​ണ​ത്തെ കു​റി​ച്ച സ​ങ്ക​ൽ​പം. പേ​ര്‍ഷ്യ​ന്‍ ഭാ​ഷ​യി​ല്‍ പ​റ​യു​മ്പോ​ള്‍ ‘ഇ​സ്ഫ​ഹാ​ന്‍ നി​സ്ഫ് ഏ ​ജ​ഹാ​ന്‍ എ​സ്ത്’ എ​ന്നാ​ണ് പ​ഴ​മൊ​ഴി. ഇ​ങ്ങ​നെ പ​റ​യ​പ്പെ​ടു​ന്ന ഒ​രു​പാ​ട് ന​ഗ​ര​ങ്ങ​ള്‍ ലോ​ക​ത്ത് വേ​റെ​യു​മു​ണ്ട്. ‘ലാ​ഹോ​ര്‍ ജി​നേ ന​ഹീ വേ​ഖ്യാ, വോ ​ജി​മ്മ​യ്യാ ഹീ ​ന​ഹീം’ എ​ന്നാ​ണ് ലാ​ഹോ​ര്‍ ക​ണ്ടി​ട്ടി​ട്ടി​ല്ലാ​ത്ത​വ​രെ കു​റി​ച്ച് പ​ഞ്ചാ​ബി​ക​ള്‍ പ​റ​യാ​റു​ള്ള​ത്. ലാ​ഹോ​റി​ല്‍ പോ​കാ​ത്ത​വ​ന്‍ ജീ​വി​ച്ചി​രു​ന്നി​ട്ടേ​യി​ല്ല. മു​ഗ​ള​ന്മാരു​ടെ ആ ​ലാ​ഹോ​റും ഡ​ല്‍ഹി​യും ഉ​സ്മാ​നി​യാ​ക്ക​ളു​ടെ ഇ​സ്തം​ബൂ​ളും തൈ​മൂ​റി​ന്റെ സ​മ​ര്‍ഖ​ന്ദും അ​ബ്ബാ​സി​ക​ളു​ടെ ബഗ്ദാ​ദും കൂ​ട്ടി​ച്ചേ​ര്‍ന്നാ​ലും ഇ​സ്ഫ​ഹാ​നി​ലു​ള്ള​വ​രു​ടെ ക​ണ​ക്കി​ല്‍ ദു​നി​യാ​വി​ന്റെ കു​ഴി​ക്കൂ​റു ച​മ​യ​ങ്ങ​ളു​ടെ പ​കു​തി​യേ ആ​കു​ന്നു​ള്ളൂ. ബാ​ക്കി മു​ഴു​വ​നു​മു​ള്ള​ത് അ​വ​രു​ടെ ന​ഗ​ര​ത്തി​ലാ​ണ്.

സ​ഫാ​വി​ദു​ക​ള്‍ 16ാം നൂ​റ്റാ​ണ്ടി​ല്‍ പ​ണി​ത ഈ ​പ​ട്ട​ണം സാ​ങ്കേ​തി​കാ​ര്‍ഥ​ത്തി​ല്‍ ഒ​രു കോ​ട്ട​ന​ഗ​രി​യ​ല്ല. അ​തി​മ​നോ​ഹ​ര​മാ​യ കൊ​ട്ടാ​ര സ​മു​ച്ച​യ​മാ​ണ്. അ​തി​ന്റെ ഒ​ര​റ്റ​ത്തു​നി​ന്ന് നോ​ക്കു​മ്പോ​ള്‍ അ​ലി കാ​പ്പു കൊ​ട്ടാ​ര​ത്തി​ന്റെ മ​തി​ൽ​ക്കെ​ട്ടി​ന് മു​ക​ളി​ലൂ​ടെ സോ​ഹെ പ​ർ​വ​ത​ത്തി​ന്റെ മ​കു​ട​ഭാ​ഗം കാ​ണു​ന്നു​ണ്ട്. ഈ ​കൊ​ട്ടാ​ര​ത്തി​ന്റെ ചാ​ര​ത്താ​ണ് ലോ​ക​ത്തെ അ​തി സു​ന്ദ​ര മ​സ്ജി​ദു​ക​ളി​ലൊ​ന്നാ​യ ശൈ​ഖ് ലു​ത്ഫു​ല്ല. കൊ​ട്ടാ​ര​ത്തി​ലെ പെ​ണ്ണു​ങ്ങ​ള്‍ക്കുവേ​ണ്ടി​യാ​യി​രു​ന്നു​വ​ത്രെ അ​ത് പ​ണി​ക​ഴി​പ്പി​ച്ച​ത്. ആ​ണു​ങ്ങ​ള്‍ക്ക് മാ​ത്ര​മാ​യി അ​ത്ര​യും ഭം​ഗി​യു​ള്ള ഒ​രു പ​ള്ളി​യും ലോ​ക​ത്തി​ല്ല എ​ന്നാ​ണ് എ​ന്റെ വി​ശ്വാ​സം. സ്ത്രീ​ക​ള്‍ക്ക് മ​സ്ജി​ദി​ലേ​ക്ക് വ​രാ​നാ​യി കൊ​ട്ടാ​ര​ത്തി​ല്‍നി​ന്ന് ഭൂ​മി​ക്ക​ടി​യി​ലൂ​ടെ​യു​ള്ള തു​ര​ങ്ക​വും ഉ​ണ്ടാ​യി​രു​ന്നു. പ​ള്ളി​യു​ടെ മ​കു​ട​ത്തി​ല്‍ ഹ​ഫ്ത് രം​ഗ എ​ന്ന​റി​യ​പ്പെ​ടു​ന്ന സ​പ്ത​വ​ര്‍ണ ശി​ൽ​പ​വേ​ല​യു​ടെ ക​ണ്ണ​ഞ്ചി​പ്പി​ക്കു​ന്ന ധാ​രാ​ളി​ത്തം. ഈ ​മ​സ്ജി​ദി​ന്റെ മേ​ലാ​പ്പി​ലെ ചി​ത്ര​പ്പ​ണി​ക​ളാ​ണ് ഇ​റാ​നി​ല്‍ നെ​യ്‌​തെ​ടു​ക്കു​ന്ന പ​ര​വ​താ​നി​ക​ളി​ല്‍ കൂ​ടു​ത​ലും ക​ണ്ടുവ​രാ​റു​ള്ള​ത്.

അ​ലി​കാ​പ്പു കൊ​ട്ടാ​ര​ത്തി​ന്റെ അ​ങ്ക​ണ​ത്തി​ന് സ​ഫാ​വി​ദു​ക​ള്‍ ന​ല്‍കി​യ പേ​രാ​ണ് ‘ന​ഖ്‌​ശെ ജ​ഹാ​ന്‍’. വി​ശ്വ​പ്ര​പ​ഞ്ച​ത്തി​ന്റെ പ്ര​തി​രൂ​പ​മാ​ണ് ഈ ​മു​റ്റ​മെ​ന്ന​ര്‍ഥം. പേ​ര്‍ഷ്യ​ന്‍ നാ​ഗ​രി​ക​ത​യു​ടെ അ​ഹ​ങ്കാ​ര​മാ​യി​രു​ന്നു ന​ഖ്‌​ശെ ജ​ഹാ​നും അ​തി​ന്റെ ചു​റ്റി​ലു​മു​ള്ള നി​ർ​മി​തി​ക​ളും. ജ​ഹാ​ന്‍ സ്‌​ക്വ​യ​റി​ന്റെ അ​ങ്ങേ​യ​റ്റ​ത്താ​ണ് ക​യ്‌​സ​രെ ബ​സാ​ര്‍. അ​ങ്ങോ​ട്ടേ​ക്ക് ക​യ​റു​ന്ന ക​മാ​ന​ത്തി​ന്റെ മു​ക​ളി​ല്‍ സീ​മു​ര്‍ഗ് എ​ന്ന പേ​ര്‍ഷ്യ​ന്‍ മാ​ന്ത്രി​കപ്പക്ഷി​യു​ടെ ചി​ത്രം കൊ​ത്തി​വെ​ച്ചി​ട്ടു​ണ്ട്. മ​യി​ലി​ന്റെ ഉ​ട​ലും മ​നു​ഷ്യ​ന്റെ​താ​ണോ പ​ട്ടി​യു​ടേ​താ​ണോ എ​ന്ന് തീ​ര്‍ത്തുപ​റ​യാ​ന്‍ ക​ഴി​യാ​ത്ത വി​ധം പ്ര​തീ​കാ​ത്മ​ക​മാ​യ ത​ല​യു​മു​ള്ള ഈ ​പ​ക്ഷി ചൈ​നീ​സ് ഐ​തി​ഹ്യ​മാ​യ ഡ്രാ​ഗ​ണെ പോ​ലെ, ആം​ഗ​ലേ​യ യ​ക്ഷി​ക്ക​ഥ​ക​ളി​ലെ യൂ​ണി​ക്കോ​ണി​നെ​യോ മ​ത്സ്യ​ക​ന്യ​ക​യെ​യോ പോ​ലെ പേ​ര്‍ഷ്യ​ന്‍ സാ​ഹി​ത്യ​ത്തി​ലു​ള്ള മാ​യി​ക സ​ങ്ക​ൽ​പ​മാ​ണ്. ദീ​ര്‍ഘാ​യു​സ്സി​ന്റെ വൃ​ക്ഷ​മാ​യ ഗാ​വോ​ക​രാ​ന​യി​ല്‍ സീ​മു​ര്‍ഗ് 1700 കൊ​ല്ലം ക​ഴി​ച്ചു​കൂ​ട്ടി​യെ​ന്നാ​ണ് വി​ശ്വാ​സം. പോ​യ​കാ​ല​ത്തെ ശി​ൽ​പി​ക​ളു​ടെ കൈ​യൊ​പ്പ് പ​തി​ഞ്ഞ ജ്യാ​മി​തീ​യ രൂ​പ​ങ്ങ​ളാ​ണ് താ​ഴെ​നി​ന്നും മു​ക​ളി​ലേ​ക്ക് നോ​ക്കു​മ്പോ​ള്‍ ഐ​വാ​ന​ക​ളു​ടെ മു​ഖ​ര്‍ണ​ക​ള്‍.

അ​തി​ലേ​ക്ക് പ​തി​ക്കു​ന്ന കൃ​ത്രി​മ വെ​ളി​ച്ച​ത്തി​ന്റെ ഓ​രോ തെ​ല്ലും ത​ട്ടി​ത്തെ​റി​ച്ച് താ​ഴേ​ക്കുത​ന്നെ വ​രു​ന്ന​തു​പോ​ലെ​യു​ണ്ട്. വൈ​കു​ന്നേ​ര​ങ്ങ​ളി​ല്‍ ന​ഖ്‌​ശെ ജ​ഹാ​ന്‍ വെ​ളി​ച്ച​ത്തി​ന്റെ ഒ​രു ലോ​ക​മാ​യി മാ​റു​ന്നു​ണ്ട്. ന​ഗ​ര​ത്തി​ന്റെ ബ​ഹ​ള​ത്തി​ല്‍നി​ന്നും ര​ക്ഷ​പ്പെ​ടാ​നെ​ത്തു​ന്ന ആ​ള്‍ക്കൂ​ട്ട​ത്തി​ലൊ​രാ​ളാ​യി ഞാ​നാ പു​ല്‍ത്ത​കി​ടി​യി​ലി​രി​ക്കു​ക​യാ​ണ്. മ​നോ​ഹ​ര​മാ​യി അ​ല​ങ്ക​രി​ച്ച കു​തി​ര​വ​ണ്ടി​ക​ളു​ടെ കു​ള​മ്പ​ടി​യൊ​ച്ച​ക​ള​ല്ലാ​തെ കാ​റോ മോ​ട്ടാ​ര്‍ വാ​ഹ​ന​ങ്ങ​ളോ ആ ​സ്‌​ക്വ​യ​റി​ന്റെ നി​ശ്ശ​ബ്ദ​ത​യെ ഭ​ഞ്ജി​ക്കു​ന്നി​ല്ല. കാ​ല​ത്തെ പി​ടി​ച്ചു​നി​ര്‍ത്താ​നു​ള്ള ബോ​ധ​പൂ​ര്‍വ​മാ​യ ഒ​രു ശ്ര​മം. ഇ​തി​നി​ട​യി​ല്‍ അ​തീ​വ സു​ന്ദ​രി​ക​ളാ​യ ഏ​താ​നും പെ​ണ്‍കി​ടാ​ങ്ങ​ള്‍ അ​ടു​ത്തേ​ക്ക് വ​ന്നു. അ​വ​ര്‍ക്ക് എ​ന്റെ കാ​മ​റ​കൊ​ണ്ടു​ള്ള ഫോ​ട്ടോ​ക​ള്‍ വേ​ണം. ഞാ​ന​വി​ട​ത്തു​കാ​ര​ന​ല്ല എ​ന്ന​തൊ​ന്നും വി​ഷ​യ​മ​ല്ല. സാ​ര​മി​ല്ല, താ​ങ്ക​ള്‍ അ​യ​ച്ചു​ത​ന്നാ​ല്‍ മ​തി. എ​ല്ലാ​വ​രും സ്മാ​ര്‍ട്ട് ഫോ​ണു​ക​ളി​ലേ​ക്ക് മാ​റി​യ പു​തി​യ കാ​ല​ത്ത് കാ​മ​റ എ​ന്ന പ​ഴ​യ യ​ന്ത്ര​ത്തെ വി​ശ്വ​സി​ക്കു​ന്ന ഒ​രു ത​ല​മു​റ ബാ​ക്കി​യു​ണ്ട​ല്ലോ. സ​ന്തോ​ഷം തോ​ന്നി. അ​തി​ല്‍ അ​വ​രു​ടെ നി​ഷ്‌​ക​ള​ങ്ക​ത​യും ഇ​നി​യും മാ​റാ​ത്ത ഇ​റാ​ന്റെ ശീ​ല​ങ്ങ​ളു​മു​ണ്ട്.

ഗീ​ലാ​ന്‍ പ്ര​വി​ശ്യ​യു​ടെ ത​ല​സ്ഥാ​ന ന​ഗ​രി​യാ​യ റ​ഷ്ത്തി​ന്റെ പ്ര​ധാ​ന ക​വ​ല​ക​ളി​ലൊ​ന്നി​ല്‍ ഇ​ബ്രാ​ഹീം ദേ​രാ​വി​പോ​ര്‍ എ​ന്ന ഫോ​ട്ടോ​ഗ്രാ​ഫ​റു​ടെ പ്ര​തി​മ ത​ല​യു​യ​ര്‍ത്തി നി​ല്‍ക്കു​ന്ന​ത് കാ​ണാം. കാ​മ​റ​യും സി​നി​മ​യു​മൊ​ക്കെ ഇ​റാ​ന്റെ നി​ത്യ​ജീ​വി​ത​ത്തി​ല്‍ എ​ന്തു​മാ​ത്രം പ്ര​ധാ​ന​പ്പെ​ട്ട​താ​ണെ​ന്ന് ഓ​ർ​മ​പ്പെ​ടു​ത്തു​ന്ന ശി​ൽ​പം. അ​ദ്ദേ​ഹ​ത്തി​ന്റെ സ്റ്റു​ഡി​യോ ഇ​റാ​നി​ല്‍ ആ​ദ്യ​ത്തേ​താ​യി​രു​ന്നു. കാ​ര്‍ഷി​ക സം​സ്‌​കൃ​തി​യി​ല്‍ ഒ​രു കാ​ല​ത്ത് ഇ​റാ​നി​ലെ​ങ്ങും പേ​രു​കേ​ട്ട റ​ഷ്ത്ത് പു​തി​യ കാ​ല​ത്ത് ലി​ബ​റ​ല്‍ സം​സ്‌​കാ​ര​ത്തി​ന്റെ​യും ഓ​പ​ണ്‍ മാ​ര്‍ക്ക​റ്റു​ക​ള്‍ തീ​ര്‍ക്കു​ന്ന ക​ള്ള​ക്ക​ട​ത്ത് ച​ര​ക്കു​ക​ളു​ടെ​യും ന​ഗ​ര​മാ​യാ​ണ് അ​റി​യ​പ്പെ​ടു​ന്ന​ത്. പാ​ശ്ചാ​ത്യ​ന്‍ വേ​ഷ​ങ്ങ​ളും രീ​തി​ക​ളും നി​റ​യു​ന്ന തെ​രു​വു​ക​ള്‍. ഭൂ​ഗോ​ള​ത്തി​ല്‍ മ​നു​ഷ്യ​ന്‍ വീ​ടു​വെ​ച്ച് പാ​ര്‍ക്കു​ന്ന ഏ​റ്റ​വും അ​വ​സാ​ന​ത്തെ സ്ഥ​ല​മെ​ന്ന് ഇ​റാ​നി​ലു​ള്ള​വ​ര്‍ വി​ശ്വ​സി​ക്കു​ന്ന മ​സൂ​ലെ​യി​ലേ​ക്ക് വ​ഴിതി​രി​യു​ന്ന​ത് ഈ ​ന​ഗ​ര​ത്തി​ല്‍നി​ന്നാ​ണ്. മ​സൂ​ലെ​യു​ടെ പി​ന്നി​ലു​ള്ള പ​ർ​വ​ത​ത്തി​ന്റെ പേ​രാ​ണ് ത​ലേ​ഷി.

അ​ന്നാ​ട്ടി​ലെ 700ഓ​ളം മാ​ത്ര​മു​ള്ള ജ​ന​ങ്ങ​ള്‍ സം​സാ​രി​ക്കു​ന്ന ഭാ​ഷ​യു​ടെ പേ​രും അ​തു​ത​ന്നെ. ത​ലേ​ഷി മ​ല​യു​ടെ അ​ങ്ങേ​പ്പ​കു​തി​യി​ലാ​ണ് കാ​സ്പി​യ​ന്‍ സ​മു​ദ്രം. ആ ​മ​ല​യു​ടെ അ​ക്ക​രെ ഇ​നി​യൊ​രു ഗ്രാ​മ​മി​ല്ലെ​ന്ന് ആ​ളു​ക​ള്‍ വി​ശ്വ​സി​ക്കാ​നു​ള്ള കാ​ര​ണം അ​താ​ണ്. ഏ​താ​ണ്ടെ​ല്ലാ മാ​സ​ങ്ങ​ളി​ലും മ​ഞ്ഞി​ന്റെ ത​ണ​ല്‍ കി​ട്ടു​ന്ന അ​തി​മ​നോ​ഹ​ര​മാ​യ ഗ്രാ​മം. അ​വി​ട​ത്തെ വീ​ടു​ക​ളി​ല്‍ മി​ക്ക​വ​യി​ലും ഹോം​സ്‌​റ്റേ സൗ​ക​ര്യ​മു​ണ്ട്. ച​ന്നം പി​ന്നം മ​ഴ പെ​യ്യു​ന്ന ത​ണു​ത്തു​റ​ഞ്ഞ ദി​വ​സ​മാ​ണ് ഞാ​ന്‍ മ​സൂ​ലെ​യി​ല്‍ ചെ​ല്ലു​ന്ന​ത്. കു​ന്നി​ന്‍ച​രി​വി​ലെ ഒ​രു ചെ​റി​യ കോ​ണി​ല്‍ തൂ​ങ്ങി​നി​ല്‍ക്കു​ന്ന​തു​പോ​ലെ​യു​ള്ള അ​വി​ട​ത്തെ ജ​മാമ​സ്ജി​ദ് വ​ള​രെ ദൂ​ര​ത്തു​നി​ന്നേ കാ​ണാ​നാ​വും. അ​ക​ത്തുചെ​ന്നു നോ​ക്കി​യ​പ്പോ​ള്‍ അ​ഞ്ചാ​റ് സ്ത്രീ​ക​ള്‍ അ​വി​ടെ​യി​രു​ന്ന് ക​മ്പ​ളം തു​ന്നു​ന്നു​ണ്ട്. പ​ള്ളി​ക്ക​ക​ത്തെ കാ​ര്യ​ങ്ങ​ള്‍ നി​യ​ന്ത്രി​ക്കു​ന്ന​ത് അ​വ​രാ​യി​രു​ന്നു. മ​ഴ​കൊ​ണ്ട് ന​ന​ഞ്ഞ ത​ല​തു​വ​ര്‍ത്താ​ന്‍ എ​നി​ക്കൊ​രു മു​ണ്ട് എ​ടു​ത്തുത​രു​ക​യും ചാ​യ​യി​ട്ടു ത​രു​ക​യു​മൊ​ക്കെ ചെ​യ്തു. ഖാ​ദി​യു​ടേ​തെ​ന്ന് ന​മു​ക്ക് തോ​ന്നു​ന്ന ഒ​രു മു​റി പ​ള്ളി​ക്ക​ക​ത്തു​ണ്ട്. അ​വി​ടെ​യി​രു​ന്നാ​ണ് ഇ​വ​ര്‍ മ​സ്ജി​ദി​ന്റെ പ​രി​പാ​ല​നം ന​ട​ത്തി​ക്കൊ​ണ്ടി​രു​ന്ന​ത്. സ്ത്രീ​ക​ള്‍ ഒ​രു മ​സ്ജി​ദി​ന​ക​ത്ത് ഇ​ത്ര​യും സ്വാ​ത​ന്ത്ര്യ​ത്തോ​ടെ കാ​ര്യ​ങ്ങ​ള്‍ നി​യ​ന്ത്രി​ക്കു​ന്ന കാ​ഴ്ച മു​മ്പൊ​രി​ക്ക​ലും ഞാ​ന്‍ ക​ണ്ടി​ട്ടി​ല്ല.

അ​ങ്ങാ​ടി​യും വീ​ടു​ക​ളു​മൊ​ക്കെ ഒ​ന്നി​നൊ​ന്ന് കൂ​ടി​ക്കു​ഴ​ഞ്ഞ​താ​ണ് മ​സൂ​ലെ ഗ്രാ​മം. ഒ​രു വീ​ടി​ന്റെ മു​റ്റം തു​റ​ക്കു​ന്ന​ത് മ​റ്റേ​തെ​ങ്കി​ലും കെ​ട്ടി​ട​ത്തി​ന്റെ ടെ​റ​സി​ലേ​ക്കാ​വും. തെ​ഹ്‌​റാ​നി​ല്‍നി​ന്നെ​ത്തി​യ നാ​ല​ഞ്ച് സ്ത്രീ​ക​ള്‍ അ​വി​ടെ​യൊ​രു ത​ട്ടു​ക​ട​യി​ലി​രു​ന്ന് ആ​ഷ് സൂ​പ്പ് കു​ടി​ക്കു​ന്നു​ണ്ട്. ന​മ്മു​ടെ മ​രു​ന്ന് ക​ഞ്ഞി​യു​ടെ അ​പ​ര​രൂ​പ​മാ​ണ് ഈ ​സൂ​പ്പ്. മ​ഴ​യ​ത്ത് ആ​ഷ് കു​ടി​ക്ക​ണ​മ​ത്രെ. അ​തി​നി​ട​യി​ലും അ​വ​ര്‍ക്ക് കാ​മ​റ​കൊ​ണ്ട് ഫോ​ട്ടോ എ​ടു​ക്ക​ണം. എ​ന്തി​നെ​ന്നോ അ​തെ​പ്പോ​ള്‍ കി​ട്ടു​മെ​ന്നോ എ​ന്ന​തൊ​ന്നും വി​ഷ​യ​മ​ല്ല. മ​ഴ അ​ൽപ​മൊ​ന്ന് തോ​ര്‍ന്ന് ഗ്രാ​മ​ത്തി​ലൂ​ടെ ക​റ​ങ്ങാ​നി​റ​ങ്ങി​യ​പ്പോ​ള്‍ ക​ണ്ട​ത് ര​ണ്ട് പെ​ണ്‍കു​ട്ടി​ക​ള്‍ അ​വ​രു​ടെ ഫോ​ണി​ന്റെ കാ​മ​റ തു​റ​ന്നു​വെ​ച്ച് ര​സ​ക​ര​മാ​യി നൃ​ത്തം ചെ​യ്യു​ന്ന​താ​ണ്. ഇ​ന്‍സ്റ്റ​ഗ്രാ​മും ഫേ​സ്ബു​ക്കും യൂ​ട്യൂ​ബു​മൊ​ക്കെ ഈ ​രാ​ജ്യ​ത്ത് നി​രോ​ധി​ച്ചി​ട്ടും വി.​പി.​എ​ന്‍ ഓ​ണാ​ക്കി അ​വ​ര്‍ സോ​ഷ്യ​ല്‍ മീ​ഡി​യ​യി​ല്‍ സ്‌​റ്റോ​റി​ക​ള്‍ പോ​സ്റ്റ് ചെ​യ്യു​ന്നു​ണ്ട്.

ത​ല​മ​റയ്ക്കാതെ​യും പ​ർ​ദ ധ​രി​ക്കാ​തെ​യും സ​ര്‍ക്കാ​റി​നെ വെ​ല്ലു​വി​ളി​ച്ച് ന​ട​ക്കു​ന്ന എ​ത്ര​യോ സ്ത്രീ​ക​ളെ റ​ഷ്ത്തി​ന്റെ തെ​രു​വു​ക​ളി​ല്‍ കാ​ണാം. ബ​ന്ധ​ങ്ങ​ളി​ലെ ലി​ബ​റ​ല്‍ സ്വ​ഭാ​വം കാ​ര​ണം ഈ ​ന​ഗ​ര​ത്തി​ലേ​ക്ക് വ​രു​ന്ന വി​ദേ​ശി​ക​ളെക്കുറി​ച്ച് പൊ​തു​വെ ചി​ല തെ​റ്റി​ദ്ധാ​ര​ണ​ക​ളു​മു​ണ്ട്. ഷാ​ര്‍ദ​രി സ്‌​ക്വ​യ​റി​ലൂ​ടെ കാ​റ്റും​കൊ​ണ്ട് ന​ട​ക്കാ​നി​റ​ങ്ങി​യ​പ്പോ​ള്‍ ചി​ല​ര​ത് എ​ന്നോ​ടും തി​ര​ക്കി. ഗേ​ള്‍ഫ്ര​ണ്ടി​നെ വേ​ണോ എ​ന്ന്. ഇ​റാ​നി​ല്‍ രാ​ത്രി​യി​ല്‍ ഏ​റ്റ​വും കൂ​ടു​ത​ല്‍ സ​മ​യം മാ​ര്‍ക്ക​റ്റു​ക​ള്‍ തു​റ​ന്നു​വെ​ച്ച​ത് റ​ഷ്ത്തി​ലാ​യി​രു​ന്നു ക​ണ്ട​ത്. ഇ​ട​ത​ട​വി​ല്ലാ​തെ മ​ഴ​പെ​യ്യു​ന്ന ഈ ​ഇ​റാ​നി​യ​ന്‍ ന​ഗ​ര​ത്തി​ലാ​ണ് ആ ​രാ​ജ്യ​ത്തെ ഏ​റ്റ​വും വ​ലി​യ ഓ​പ​ണ്‍ മാ​ര്‍ക്ക​റ്റ് സ്ഥി​തി​ചെ​യ്യു​ന്ന​ത്. മേ​ല്‍ക്കൂ​ര​യി​ല്ലാ​ത്ത അ​ത്ത​ര​മൊ​രു മാ​ര്‍ക്ക​റ്റും അ​വി​ട​ത്തെ കാ​ലാ​വ​സ്ഥ​യും പ​ര​സ്പ​ര വി​രു​ദ്ധ​മാ​യി​രു​ന്നു.

എ​ര്‍ദാ​ബി​ല്‍ ന​ഗ​ര​ത്തി​ലേ​ക്ക് പോ​കാ​നാ​യി ടാ​ക്‌​സി കാ​ത്തു​നി​ല്‍ക്കു​മ്പോ​ഴാ​ണ് എ​നി​ക്കും ബി​ലാ​ലി​നും മു​ഹ​മ്മ​ദ് റ​സ​യെ കൂ​ട്ടി​ന് കി​ട്ടി​യ​ത്. ഇ​റാ​നി​ല്‍ ന​ഗ​ര​ങ്ങ​ളി​ലേ​ക്ക് സ​ഞ്ച​രി​ക്കാ​ന്‍ ഏ​റ്റ​വും എ​ളു​പ്പം ഷെ​യ​റി​ങ് ടാ​ക്‌​സി​ക​ളാ​ണ്. പെ​ട്രോ​ളി​ന് ഒ​രു ലി​റ്റ​ര്‍ വെ​ള്ള​ത്തേ​ക്കാ​ളും കു​റ​ഞ്ഞ വി​ല​യു​ള്ള രാ​ജ്യ​മാ​ണി​ത്. ടാ​ക്‌​സി​ക​ളും മ​റ്റും അ​ങ്ങേ​യ​റ്റം പ​ഴ​ഞ്ച​നാ​ണെ​ങ്കി​ലും മൂ​ന്നോ നാ​ലോ പേ​ര്‍ ഒ​ന്നി​ച്ചു​പോ​കു​മ്പോ​ള്‍ വ​ള​രെ ചെ​റി​യ കൂ​ലി​ക്ക് യാ​ത്ര ത​ര​പ്പെ​ടും. അ​ങ്ങ​നെ​യാ​ണ് ത​ിബ​്രീ​സി​ല്‍ യൂ​നി​വേ​ഴ്‌​സി​റ്റി വി​ദ്യാ​ര്‍ഥി​യാ​യ മു​ഹ​മ്മ​ദ് റ​സ​യോ​ടൊ​പ്പം പു​റ​പ്പെ​ട്ട​ത്. റ​സ അ​വി​ട​ത്തെ പ​ക്കാ റെ​ബ​ലു​ക​ളി​ല്‍ ഒ​രാ​ളാ​ണ്. ബാ​ഹ്യ​വും ആ​ന്ത​രി​ക​വു​മാ​യ ര​ണ്ടു​ത​രം കാ​ഴ്ച​ക​ളി​ലൂ​ടെ​യാ​ണ് ഈ ​യാ​ത്ര മു​ന്നോ​ട്ടു​പോ​കു​ന്ന​ത്. റോ​ഡി​ന്റെ ഇ​രു​വ​ശ​ത്തു​മു​ള്ള അ​ങ്ങാ​ടി​ക​ളും വാ​ഹ​ന​ങ്ങ​ളും ആ​ള്‍ക്കൂ​ട്ട​ങ്ങ​ളും കൃ​ഷി​യി​ട​ങ്ങ​ളും ഫാ​ക്ട​റി​ക​ളും നോ​ക്കി​യി​രി​ക്കു​ന്തോ​റും ആ​വ​ര്‍ത്ത​ന​വി​ര​സ​മാ​യി തു​ട​ങ്ങി​യ​പ്പോ​ഴാ​ണ് ഞ​ങ്ങ​ള്‍ ഇ​റാ​നെ കു​റി​ച്ചു​ത​ന്നെ സം​സാ​രി​ക്കാ​ന്‍ തു​ട​ങ്ങി​യ​ത്.

ടാ​ക്‌​സി​യു​ടെ ഓ​ഡി​യോ ചാ​ന​ലി​ല്‍ കേ​ട്ടു​കൊ​ണ്ടി​രു​ന്ന പാ​ട്ടു​ക​ളി​ല്‍നി​ന്നാ​യി​രു​ന്നു അ​തി​ന്റെ തു​ട​ക്കം. രിസാ ഷാ ​പ​ഹ്‌​ല​വി എ​ന്ന പ​ഴ​യ ഇ​റാ​നി​യ​ന്‍ സ്വേ​ച്ഛാ​ധി​പ​തി​യു​ടെ കാ​ല​ത്തെ പാ​ട്ടു​ക​ള്‍ എ​ന്തു​കൊ​ണ്ടാ​ണ് ആ​ളു​ക​ള്‍ ഇ​പ്പോ​ള്‍ വീ​ണ്ടും കേ​ള്‍ക്കു​ന്ന​തെ​ന്ന​റി​യു​മോ? ആ ​കാ​ല​ഘ​ട്ടം​പോ​ലും ഇ​പ്പോ​ഴ​ത്തേ​തി​നേ​ക്കാ​ള്‍ ഭേ​ദ​മാ​ണെ​ന്നാ​ണ് മ​ഹാ​ഭൂ​രി​പ​ക്ഷ​വും വി​ശ്വ​സി​ക്കു​ന്ന​ത്. അ​വ​രു​ടെ അ​ങ്ങാ​ടി​ക​ളി​ല്‍ കാ​ലം ന​മ്മു​ടേ​തി​നേ​ക്കാ​ള്‍ ഒ​രു​പാ​ട് വ​ര്‍ഷ​ങ്ങ​ള്‍ പി​ന്നി​ലെ​വി​ടെ​യോ കാ​ലി​ട​റി നി​ല്‍ക്കു​ന്ന​ത് റ​സ​യു​ടെ പ​ല വാ​ദ​ങ്ങ​ളെ​യും ശ​രി​വെ​ച്ചു. മു​ഷി​ഞ്ഞു​ണ​ങ്ങി​യ ഒ​റ്റ​മു​റി പീ​ടി​ക​ക​ളും ഋ​ഷി ക​പൂ​ര്‍ ചി​ത്ര​ങ്ങ​ളി​ല്‍ ക​ണ്ടു​മ​റ​ന്ന വാ​ഹ​ന​ങ്ങ​ളും. അ​വ​യി​ല്‍ത​ന്നെ​യും ഒ​ട്ടു മി​ക്ക​വ​യും ഡ്യൂ​പ്ലി​ക്കേ​റ്റു​ക​ളാ​ണെ​ന്നും ഇ​റാ​ന്‍ മെ​യ്ഡ് മെ​ഴ്‌​സി​ഡ​സ് ബെ​ന്‍സി​ന്റെ കാ​റു​ക​ള്‍പോ​ലും കി​ട്ടാ​നു​ണ്ടെ​ന്നു​മാ​ണ് റ​സ പ​റ​യു​ന്ന​ത്.

ക​മ്യൂ​ണി​സ്റ്റ് മാ​തൃ​ക​യി​ല്‍ വൃ​ത്തി​കെ​ട്ട ദേ​ശ​സാ​ത്ക​ര​ണ​മാ​ണ് ഈ ​രാ​ജ്യ​ത്ത് ന​ട​ന്ന​ത്. എ​ന്നാ​ല്‍, ഫാ​ക്ട​റി​ക​ള്‍ എ​ങ്ങ​നെ​യാ​ണ് ന​ട​ത്തിക്കൊണ്ടു​പോ​കേ​ണ്ട​തെ​ന്ന് മ​ത​പു​രോ​ഹി​ത​ന്മാ​ര്‍ക്ക് വ​ല്ല വി​വ​ര​വു​മു​ണ്ടോ? എ​ല്ലാ​യി​ട​ത്തും ത​ലേ​ക്കെ​ട്ടു​കാ​ര്‍ വ​ന്ന് രാ​ജ്യ​ത്തെ കു​ട്ടി​ച്ചോ​റാ​ക്കി. ഞ​ങ്ങ​ളെ പോ​ലു​ള്ള യു​വാ​ക്ക​ള്‍ക്ക് ബി​രു​ദാ​ന​ന്ത​ര ബി​രു​ദം ഉ​ണ്ടാ​യാ​ല്‍പോ​ലും തു​ച്ഛ​മാ​യ ശ​മ്പ​ളം മാ​ത്ര​മാ​ണ് കി​ട്ടു​ന്ന​ത്. പ​റ​ഞ്ഞു​പ​റ​ഞ്ഞ് അ​യാ​ള്‍ സ​ക​ല അ​തി​രു​ക​ളും വി​ട്ട് ഗ​വ​ണ്‍മെ​ന്റി​നെ ചീ​ത്ത വി​ളി​ക്കാ​ന്‍ തു​ട​ങ്ങി. ഞാ​ന്‍ മ​തം മാ​റും. സൗ​രാ​ഷ്ട്ര മ​ത​ത്തി​ലാ​ണ് ഇ​റാ​നി​ലെ പൂ​ര്‍വി​ക​ര്‍ വി​ശ്വ​സി​ച്ച​ത്. അ​റ​ബ് ദേ​ശീ​യ​ത​യ​ല്ല പേ​ര്‍ഷ്യ​ന്‍ ദേ​ശീ​യ​ത. ഇ​സ്രാ​യേ​ലി​നെ​യും അ​മേ​രി​ക്ക​യെ​യും മ​റ്റും അ​റ​ബ് ദേ​ശീ​യ​ത​യു​ടെ കാ​ഴ്ച​പ്പാ​ടി​ലൂ​ടെ നോ​ക്കു​ന്ന​താ​ണ് എ​തി​ര്‍ക്ക​പ്പെ​ടേ​ണ്ട​ത്. പേ​ര്‍ഷ്യ​ന്‍ ദേ​ശീ​യ​ത​യി​ല്‍ വി​ശ്വ​സി​ക്കു​മ്പോ​ള്‍ നി​ങ്ങ​ളെ​ന്തി​ന് ഈ ​വി​ഷ​യ​ങ്ങ​ളി​ല്‍ ത​ല​യി​ട്ട് രാ​ജ്യ​ത്ത് ഉ​പ​രോ​ധം ചോ​ദി​ച്ചു​വാ​ങ്ങ​ണം?

അ​ക​മേ ക്ഷു​ഭി​ത​നാ​യി​രു​ന്നു​വെ​ങ്കി​ലും മു​സ്‌​ലിം ലോ​ക​ത്ത് പൊ​തു​വെ കാ​ണാ​നാ​വു​ന്ന സൗ​മ്യ​മാ​യ പെ​രു​മാ​റ്റ​രീ​തി​ക​ളാ​യി​രു​ന്നു അ​യാ​ളു​ടേ​ത്. എ​ര്‍ദാ​ബി​ലി​ല്‍ കാ​ത്തുനി​ല്‍ക്കു​ന്ന പി​താ​വി​നോ​ട് എ​ന്നെക്കുറി​ച്ച് വി​വ​രം ന​ല്‍കി​യെ​ന്നു തോ​ന്നു​ന്നു. ഞ​ങ്ങ​ളെ ഹോ​ട്ട​ലി​ല്‍ കൊ​ണ്ടു​വി​ടാ​നും പി​റ്റേ ദി​വ​സം ന​ഗ​രം ചു​റ്റി​ക്കാ​ണി​ക്കാ​നു​മൊ​ക്കെ ഓ​ഫി​സി​ല്‍നി​ന്നും ലീ​വെ​ടു​ത്ത് അ​ദ്ദേ​ഹം ഒ​പ്പം വ​ന്നു. നി​ങ്ങ​ള്‍ ന​ഗ​ര​ത്തി​ല്‍ ഞ​ങ്ങ​ളു​ടെ അ​തി​ഥി​ക​ളാ​ണ്. നേ​ര​ത്തേ ഹോ​ട്ട​ല്‍ ബു​ക്ക് ചെ​യ്ത​തു​കൊ​ണ്ടു മാ​ത്ര​മാ​ണ് അ​വി​ടെ താ​മ​സി​ക്കാ​ന്‍ സ​മ്മ​തി​ക്കു​ന്ന​ത്. എ​ന്റെ വീ​ട്ടി​ലാ​യി​രു​ന്നു നി​ങ്ങ​ള്‍ ത​ങ്ങേ​ണ്ടി​യി​രു​ന്ന​ത്. ആ ​വാ​ക്കു​ക​ളി​ലെ അ​വ​കാ​ശ​ബോ​ധം എ​ന്നെ അ​ത്ഭു​ത​പ്പെ​ടു​ത്തി. ബ​സ് സ്റ്റാ​ൻ​ഡി​ല്‍ വ​ന്നി​റ​ങ്ങി​യ വെ​റു​മൊ​രു പ​ര​ദേ​ശി എ​ന്ന നി​ല​യി​ല​ല്ല അ​ദ്ദേ​ഹം എ​ന്നെ കാ​ണു​ന്ന​ത്. ആ​തി​ഥേ​യ മ​ര്യാ​ദ പൊ​തു​വേ ലോ​ക​ത്തെ​ല്ലാ​യി​ട​ത്തു​മു​ണ്ടെ​ങ്കി​ലും മു​സ്‌​ലിം രാ​ജ്യ​ങ്ങ​ളി​ല്‍ അ​തി​ന് ഒ​രു​ത​രം ആ​ത്മീ​യ ഭാ​വം ക​ണ്ടു​വ​രാ​റു​ണ്ട്. റ​സ​യു​ടെ പി​താ​വി​നൊ​പ്പം പി​റ്റേ ദി​വ​സം നെ​യ്ത്തു​കാ​രു​ടെ ഗ്രാ​മ​മാ​യ അം​ബ​രാ​ന്‍ കാ​ണാ​നാ​യി ചെ​ന്ന​പ്പോ​ള്‍ അ​വി​ടെ​യു​മു​ണ്ടാ​യി അ​തീ​വ ഹൃ​ദ്യ​മാ​യ ഒ​ര​നു​ഭ​വം.

അം​ബ​രാ​നി​ല്‍ അ​ദ്ദേ​ഹ​ത്തി​ന് ചി​ല സു​ഹൃ​ത്തു​ക്ക​ളു​ണ്ട്. ആ ​ടൗ​ണി​ന്റെ ദൃ​ശ്യ​ങ്ങ​ള്‍ പ​ക​ര്‍ത്തു​ന്ന​തി​നു​വേ​ണ്ടി ഞ​ങ്ങ​ളെ ഒ​രു ക​വ​ല​യി​ലി​റ​ക്കി അ​ദ്ദേ​ഹം അ​വ​രി​ലൊ​രാ​ളെ ത​പ്പി​യെ​ടു​ക്കാ​നാ​യി പു​റ​പ്പെ​ട്ടു. ഇ​റാ​നി​യ​ന്‍ സി​നി​മ​ക​ളി​ല്‍ പൊ​തു​വെ ക​ണ്ടു​വ​രു​ന്ന മ​ട്ടി​ലു​ള്ള ഗ്രാ​മ​മാ​ണ് അം​ബ​രാ​ന്‍. ഒ​റ്റ​നോ​ട്ട​ത്തി​ല്‍ വ​യ​സ്സ​ന്മാര്‍ മാ​ത്ര​മു​ള്ള ഒ​രു കൊ​ച്ചുപ​ട്ട​ണം. വ​ന്‍ ന​ഗ​ര​ങ്ങ​ളി​ലേ​ക്ക് തൊ​ഴി​ലും തേ​ടി പോ​യ​താ​ണ് അ​വ​രു​ടെ മ​ക്ക​ള്‍. അ​തി​നി​ടെ ഒ​രു ചാ​യ കു​ടി​ക്ക​ണ​മെ​ന്ന് തോ​ന്നി ഞാ​നും ബ​ിലാ​ലും ആ ​ഗ്രാ​മ​ത്തി​ലെ ത​ട്ടുക​ട​യി​ലേ​ക്ക് ക​യ​റി​ച്ചെ​ന്നു.

ഇ​ള​കി​യാ​ടു​ന്ന അ​വി​ട​ത്തെ ബെ​ഞ്ചി​ല്‍ അ​ഞ്ചെ​ട്ടു പേ​ര്‍ ഇ​രി​ക്കു​ന്നു​ണ്ട്. അ​വ​രി​ലൊ​രാ​ള്‍ എ​ഴു​ന്നേ​റ്റുനി​ന്ന് പേ​ര്‍ഷ്യ​ൻ ഭാ​ഷ​യി​ലു​ള്ള ഒ​രു പ​ദ്യ​ശ​ക​ല​ത്തി​ന്റെ അ​ക​മ്പ​ടി​യോ​ടെ ഞ​ങ്ങ​ള്‍ക്ക് സ്വാ​ഗ​തം പ​റ​ഞ്ഞു. പ​ര​ദേ​ശി​ക​ളാ​യ അ​തി​ഥി​ക​ളേ, വ​ന്നാ​ലും ഞ​ങ്ങ​ളു​ടെ ഈ ​എ​ളി​യ ആ​തി​ഥ്യ​ത്തി​ലേ​ക്ക്. ചാ​യ പ​ക​ര്‍ന്നുത​രു​ന്ന​യാ​ളു​ടെ ത​ല​യി​ല്‍ ഇം​ഗ്ലീ​ഷ് സി​നി​മ​ക​ളി​ലു​ള്ള​തു പോ​ലെ​യു​ള്ള ഡി​യ​ര്‍സ്റ്റാ​ക്ക​ര്‍ തൊ​പ്പി​യും ഹാ​ഫ് ജാ​ക്ക​റ്റും. അ​യാ​ളു​ടെ ക​ട​യു​ടെ നി​ല​വാ​ര​ത്തി​ല്‍നി​ന്നും എ​ത്ര​യോ ഉ​യ​ര്‍ന്നു​നി​ല്‍ക്കു​ന്ന വേ​ഷ​മാ​യി​രു​ന്നു അ​ത്. എ​ഴു​പ​തു​ക​ള്‍ക്ക് മു​ക​ളി​ല്‍ പ്രാ​യ​മു​ള്ള ആ ​മ​നു​ഷ്യ​നൊ​പ്പം വ​ള​ര്‍ന്ന​താ​വ​ണം അ​വി​ടെ ചാ​യ കു​ടി​ക്കാ​ന്‍ എ​ത്തി​യ​വ​രു​ടെ ശീ​ല​ങ്ങ​ളും. ചാ​യ​യു​ടെ വി​ല അ​വ​ര്‍ വാ​ങ്ങാ​ന്‍ കൂ​ട്ടാ​ക്കി​യി​ല്ല. എ​ന്നു മാ​ത്ര​മ​ല്ല അ​പ്പോ​ഴും പേ​ര്‍ഷ്യ​ന്‍ ഭാ​ഷ​യി​ല്‍ എ​ന്തോ ഒ​രു ക​വി​താ​ശ​ക​ലം ചൊ​ല്ലി​യാ​ണ് ഞ​ങ്ങ​ളെ യാ​ത്ര​യാ​ക്കി​യ​ത്.

സ്ത്രീ​ക​ളാ​ണ് അം​ബ​രാ​നി​ലെ നെ​യ്ത്തു​മേ​ഖ​ല​യി​ല്‍ കൂ​ടു​ത​ല​ുമു​ള്ള​ത്. പ​ര​വ​താ​നി​യി​ല്‍ വി​രി​യു​ന്ന രൂ​പ​ങ്ങ​ളെ നി​ശ്ച​യി​ക്കു​ന്ന പൂ​ക്ക​ളു​ടെ​യും കി​ളി​ക​ളു​ടെ​യും പൂ​മ്പാ​റ്റ​ക​ളു​ടെ​യും വ​ര്‍ണ​ങ്ങ​ള്‍ അ​വ​രു​ടെ മ​ന​സ്സി​ല്‍നി​ന്നാ​യി​രു​ന്നു പൊ​ട്ടി​മു​ള​ച്ച​ത്. സ​വി​ശേ​ഷ​മാ​യ നെ​യ്ത്തു പാ​ര​മ്പ​ര്യം ത​ല​മു​റ​ക​ളാ​യി പ​ര​വ​താ​നി​ക​ളി​ലേ​ക്ക് പ​ക​ര്‍ത്തി​വെ​ക്കു​ന്ന​വ​ര്‍. പ​ക്ഷേ, അ​സാ​ധാ​ര​ണ​മാ​യ ഗു​ണ​നി​ല​വാ​ര​മു​ള്ള ആ ​പ​ര​വ​താ​നി​ക​ള്‍ പു​തി​യ കാ​ല​ത്ത് മ​റ്റെ​വി​ട​ത്തെ​യും മാ​ര്‍ക്ക​റ്റു​ക​ളി​ലേ​ക്ക് ക​ട​ല്‍ ക​ട​ന്ന് എ​ത്തി​പ്പെ​ടാ​ന്‍ ക​ഴി​ഞ്ഞി​രു​ന്നി​ല്ല. അ​മേ​രി​ക്ക​ന്‍ ഉ​പ​രോ​ധം ജീ​വി​ത​ത്തി​ന്റെ ഊ​ടും പാ​വും ത​ക​ര്‍ക്കു​മ്പോ​ഴും ആ ​തൊ​ഴി​ലി​ല്‍ പി​ടി​ച്ചു​നി​ല്‍ക്കു​ക​യാ​ണ് പാ​വ​ങ്ങ​ള്‍. വീ​ടു​ക​ള്‍ കേ​ന്ദ്രീ​ക​രി​ച്ചാ​ണ് പ​ര​വ​താ​നി നെ​യ്ത്ത് കൂ​ടു​ത​ലും മു​ന്നോ​ട്ടുപോ​കു​ന്ന​ത്. ഞാ​ന്‍ ചെ​ന്നു​പെ​ട്ട വീ​ട്ടി​നോ​ടുചേ​ര്‍ന്ന് മ​നോ​ഹ​ര​മാ​യ ഒ​രു തോ​ട്ട​മു​ണ്ടാ​യി​രു​ന്നു. അ​വി​െ​ട​നി​ന്നും പൊ​ട്ടി​ച്ചെ​ടു​ത്ത ആ​പ്പി​ളും പീ​ച്ചു​മൊ​ക്കെ​യാ​ണ് ചാ​യ​യോ​ടൊ​പ്പം ക​ഴി​ക്കാ​ന്‍ കി​ട്ടി​യ​ത്. പെ​ട്ടെ​ന്നൊ​ന്നും കാ​മ​റ​ക്ക് പി​ടി​ത​രി​ല്ലെ​ന്ന് എ​നി​ക്ക് തോ​ന്നി​യ ആ ​വീ​ട്ടി​ലെ ര​ണ്ട് സു​ന്ദ​രി​ക​ളും അ​വ​രു​ടെ കൂ​ബ​ക്കു​ക​ള്‍ പെ​റു​ക്കി​യെ​ടു​ത്ത് ത​റി​ക​ള്‍ ച​വി​ട്ടി ത്തുട​ങ്ങി. കാ​മ​റ​യോ​ട് ആ ​ഗ്രാ​മീ​ണ വ​നി​ത​ക​ള്‍ക്കു​മു​ണ്ടാ​യി​രു​ന്നു വ​ല്ലാ​ത്ത പ്ര​ണ​യം.