കൂറ്റനാട്: കാറും ബൈക്കും കൂട്ടിയിടിച്ച് ബൈക്ക് യാത്രികന് ദാരുണ മരണം. ചാലിശ്ശേരി പെരുമണ്ണൂർ പാലക്കൽ ശശിധരെൻറ മകൻ വൈശാഖ് (19) ആണ് മരിച്ചത്. തിങ്കളാഴ്ച രാത്രി എട്ടരയോടെ ചാലിശ്ശേരി എസ്.ബി.ഐ ബാങ്കിന് അടുത്തു വെച്ച് ഹോട്ടലിൽനിന്ന് ഭക്ഷണം വാങ്ങി തിരിച്ചു വീട്ടിലേക്ക് വരുന്ന വഴിക്കായിരുന്നു അപകടം. എതിരെ വന്ന കാർ ബൈക്കിൽ ഇടിച്ചാണ് അപകടം ഉണ്ടായതത്രേ. അപകടം നടന്ന് ഏറെ നേരം വൈശാഖ് സംഭവസ്ഥലത്ത് കിടന്നതായി നാട്ടുകാർ പറയുന്നു. പിന്നീട് പെരുമ്പിലാവ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കുന്നംകുളം താലൂക്ക് ആശുപത്രിയിൽ പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുകൊടുത്തു. ചാലിശ്ശേരി പൊലീസ് ഇൻക്വസ്റ്റ് നടത്തി. അതേസമയം, മറ്റൊരു വാഹനമിടിച്ചാണ് അപകടം ഉണ്ടായതെന്ന ആരോപണമുെണ്ടന്നും കൂടുതല്‍ കാര്യങ്ങള്‍ക്കായി സി.സി.ടി.വി പരിശോധന നടത്തുമെന്നും ചാലിശ്ശേരി സി.ഐ ശശീന്ദ്രന്‍ അറിയിച്ചു. അപകടത്തില്‍ കാര്‍ ഡ്രൈവറെ പ്രതിചേര്‍ത്ത് കേസെടുത്തു. മാതാവ്: അനിത. സഹോദരി: ശിൽപ.
