പെരുമ്പിലാവ്: പിക്അപ് വാനിൽ കൊണ്ടുപോകുമ്പോൾ പിറകു വശത്തേക്ക് നീണ്ടുനിന്നിരുന്ന വൈദ്യുതി കാലിൽ തലയിടിച്ച് സ്കൂട്ടർ യാത്രികന് ദാരുണാന്ത്യം. അക്കിക്കാവ് കളത്ത്യാൽ റോഡിൽ ഭാർഗവി നിവാസിൽ കണ്ണത്ത് വീട്ടിൽ പ്രേംകുമാർ (52) ആണ് മരിച്ചത്. വെള്ളിയാഴ്ച വൈകീട്ട് നാലോടെ അക്കിക്കാവ് കമ്പിപ്പാലത്ത് വെച്ചായിരുന്നു സംഭവം. വൈദ്യുതി ലൈനിെൻറ കാൽ മാറ്റി സ്ഥാപിക്കുന്നതിെൻറ ഭാഗമായി കൊങ്ങണൂർ റോഡിലേക്ക് പോസ്റ്റുമായി പോയിരുന്ന പിക്അപ് തിരിക്കുന്നതിനിടെ പുറത്തേക്ക് നീണ്ടുനിന്ന പോസ്റ്റിൽ നിയന്ത്രണം വിട്ട് സ്കൂട്ടർ ഇടിക്കുകയായിരുന്നു. തലയിടിച്ച് റോഡിൽ വീണ ഉടനെ റോയൽ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഇലക്ട്രോണിക്സ് ഉപകരണങ്ങളുടെ മെക്കാനിക്കായ പ്രേംകുമാർ സമീപത്തെ റേഷൻ കടയിൽ പോയി തിരിച്ച് പോകുന്നതിനിടയിലാണ് അപകടം. വിവരമറിഞ്ഞ് കുന്നംകുളം പൊലീസ് മേൽ നടപടികൾ സ്വീകരിച്ചു. മൃതദേഹം ആശുപത്രി മോർച്ചറിയിൽ. സംഭവത്തിൽ പിക്അപ് ഡ്രൈവർക്കെതിരെ കേസെടുത്തു. ഭാര്യ: ജയശ്രീ. മക്കൾ: രാഹുൽ, നിഖിൽ.
