പത്തിരിപ്പാല: കോവിഡ് ബാധിച്ച് ജില്ല ആശുപത്രിയിൽ ചികിത്സയിലായിരുന്ന അമ്മയും മകനും 12 മണിക്കൂർ വ്യത്യാസത്തിൽ മരിച്ചു. മണ്ണൂർ കിഴക്കുംപുറം താഴത്തെ വീട്ടിൽ പരേതനായ സുകുമാരെൻറ ഭാര്യ സുശീല (78) മകൻ ഗൗതമൻ (59) എന്നിവരാണ് മരിച്ചത്. ഇരുവരും മൂന്നാഴ്ചയോളം ജില്ല ആശുപത്രിയിൽ ചികിത്സയിലായിരുന്നു. വെള്ളിയാഴ്ച രാവിലെ 11നാണ് സുശീല മരിച്ചത്. ശനിയാഴ്ച രാത്രി 12.30ഒാടെ ഗൗതമനും മരിച്ചു. ദീർഘകാലം ‘മയിൽവാഹനം’ ബസിലെ തൊഴിലാളിയായിരുന്നു ഗൗതമൻ. കോവിഡ് പ്രോട്ടോകോൾ പ്രകാരം ഇരുവരുടെയും മൃതദേഹം പാമ്പാടി ഐവർമഠത്തിൻ സംസ്കരിച്ചു. ഡി.വൈ.എഫ്.ഐ, ബി.ജെ.പി, സന്നദ്ധ പ്രവർത്തകരാണ് സംസ്കാരത്തിന് നേതൃത്വം നൽകിയത്. ഗൗതമെൻറ ഭാര്യ: പ്രമീള. മകൻ: ആഷിക്.
