തൃപ്പൂണിത്തുറ: ഉദയംപേരൂരില്‍ മദ്യലഹരിയിലുണ്ടായ വഴക്കിനിടെ പിതാവ് മകനെ കുത്തിക്കൊന്നു. ഉള്ളാടന്‍ വലിയകുളം മുച്ചൂര്‍ക്കാവിന് സമീപം ഞാറ്റിയേല്‍ വീട്ടില്‍ മണിയാണ് (70) മകന്‍ സന്തോഷിനെ (45) കുത്തിക്കൊലപ്പെടുത്തിയത്. വെള്ളിയാഴ്ച രാത്രി 10.30 ഓടെയായിരുന്നു സംഭവം. മദ്യലഹരിയില്‍ അച്ഛനും മകനും തമ്മിലുണ്ടായ വാക്കേറ്റം കത്തിക്കുത്തില്‍ കലാശിക്കുകയായിരുന്നു. നെഞ്ചില്‍ കുത്തേറ്റ സന്തോഷ് തല്‍ക്ഷണം മരിച്ചു. മണി തന്നെയാണ് മകനെ കുത്തിക്കൊലപ്പെടുത്തിയ വിവരം അയല്‍വാസികളെ അറിയിച്ചത്. പിന്നീട് നേരിട്ട് പൊലീസില്‍ ഹാജരായതിനെത്തുടര്‍ന്ന് ഉദയംപേരൂര്‍ പൊലീസ് അറസ്റ്റ് രേഖപ്പെടുത്തി. മകെൻറ തുടര്‍ച്ചയായുള്ള മര്‍ദനം മൂലമാണ് കൊലപാതകമെന്നാണ് മണി പൊലീസിനോട് പറഞ്ഞത്.കുറച്ചുകാലമായി മണിയും സന്തോഷും മാത്രമായിരുന്നു വീട്ടില്‍ താമസിച്ചിരുന്നത്. തെങ്ങുകയറ്റ തൊഴിലാളിയാണ് മണി. മദ്യപിച്ച് ഇരുവരും തമ്മില്‍ കലഹം പതിവായിരുെന്നന്ന് നാട്ടുകാര്‍ പറയുന്നു. വെള്ളിയാഴ്ച ഉച്ചയോടെ മദ്യപിച്ചെത്തിയ സന്തോഷ് തന്നെ മര്‍ദിച്ചതായി മണി പറഞ്ഞു. രാത്രി മണി സന്തോഷിനെ കത്തിയെടുത്ത് കുത്തുകയായിരുന്നു. കൊല്ലപ്പെട്ട സന്തോഷ് പെയിൻറിങ് തൊഴിലാളിയും അവിവാഹിതനുമാണ്. മരിച്ച സന്തോഷിന് കോവിഡ് സ്ഥിരീകരിച്ചിരുന്നു. മാതാവ്: പരേതയായ രമണി. സഹോദരങ്ങള്‍: രതീഷ്, ലത, സുമ.
