ചെറുതുരുത്തി: യുവാവിനെ വീട്ടിൽ മരിച്ച നിലയിൽ കാണപ്പെട്ടു. പൈങ്കുളം സ്കൂളിന് സമീപം താമസിക്കുന്ന കൊണ്ടയിൽ വീട്ടിൽ പരേതരായ ഗോപാലൻ നായരുടെയും നിർമലയുടെയും മകൻ രഞ്ജിത്ത് (35) ആണ് മരിച്ചത്. ബുധനാഴ്ച വൈകീട്ട് നാലിന് കൂട്ടുകാർ വീട്ടിൽ ചെന്ന് വിളിച്ചപ്പോൾ വിളി കേൾക്കാത്തതിനെ തുടർന്ന് ജനലിലൂടെ നോക്കിയപ്പോഴാണ് റൂമിലെ കിടക്കയിൽ ചുമരിനോട് ചാരിയിരുന്ന് മരിച്ചനിലയിൽ കാണപ്പെട്ടത്. രഞ്ജിത്ത് വീട്ടിൽ തനിച്ചാണ് താമസിക്കുന്നത്. ചെറുതുരുത്തി പൊലീസ് സ്ഥലത്തെത്തി മൃതദേഹം മുളക്കുന്നത്തുകാവ് മെഡിക്കൽ കോളജിലേക്ക് മാറ്റി. വ്യാഴാഴ്ച കോവിഡ് ടെസ്റ്റ് കഴിഞ്ഞതിന് ശേഷം മേൽനടപടികൾ സ്വീകരിക്കും. ഭാര്യയും കുട്ടിയും ഉണ്ടെങ്കിലും പിണക്കത്തിനെ തുടർന്ന് കേസിലാണ്.
