പാവറട്ടി: കോന്നൻ ബസാർ പടന്നയിൽ അബ്ദുൽ ഖാദർ (സഖാവ് -101) നിര്യാതനായി. ആദ്യകാല കമ്യൂണിസ്റ്റ് പ്രവർത്തകനായിരുന്നു. ബീഡി തൊഴിലാളിയായിരിക്കെ സജീവ കമ്യൂണിസ്റ്റ് പ്രവർത്തകനായി മാറിയ ഇദ്ദേഹം പ്രദേശത്ത് കമ്യൂണിസ്റ്റ് പ്രസ്ഥാനം കെട്ടിപ്പടുക്കുന്നതിൽ നിർണായക പങ്കുവഹിച്ചിട്ടുണ്ട്. പാർട്ടിയുടെ തുടക്കക്കാലത്ത് പഞ്ചായത്തിലേക്ക് കമ്യൂണിസ്റ്റ് സ്ഥാനാർഥിയായി മത്സരിെച്ചങ്കിലും തോറ്റു. കയർ തൊഴിലാളികളെ സംഘടിപ്പിക്കാനും നേതൃത്വം നൽകി. ഭാര്യ: പരേതയായ ആമിന. മക്കൾ: സൈനബ, ഈസ, മുഹമ്മദ് മോൻ, കബീർ (െബഹ്റൈൻ), ഐഷ, മുഹമ്മദ് ഹുസൈൻ (ഒമാൻ). മരുമക്കൾ: ഉമ്മു, മൈമൂന, നീന, ഹനീഫ (കോയമ്പത്തൂർ), മാഫിയ, പരേതനായ അബൂബക്കർ.
