ചാവക്കാട്: സമസ്ത തൃശൂർ ജില്ല ആക്ടിങ് പ്രസിഡൻറ് നാസർ ഫൈസി തിരുവത്ര (48) നിര്യാതനായി. തിരുവത്ര ചീനിച്ചോടിനു സമീപം വടക്കേപ്പുറത്ത് മുഹമ്മു, കുഞ്ഞുമോൾ ഉമ്മ ദമ്പതികളുടെ മകനാണ്. പാലക്കാട് ജില്ലയിലെ പട്ടിശ്ശേരി മഹല്ല് ഖതീബാണ്. കൊരട്ടിക്കര, തൃപ്രയാർ സെൻട്രൽ, പാടൂർ, തിരുവത്ര എന്നിവിടങ്ങളിലെ ജുമാമസ്ജിദുകളിലും ഖതീബായി പ്രവർത്തിച്ചിരുന്നു. എസ്.കെ.എസ്.എസ്.എഫ് ജില്ല സെക്രട്ടറി, സംസ്ഥാന വർക്കിങ് സെക്രട്ടറി, സമസ്ത ജില്ല സെക്രട്ടറി, മദ്റസ മാനേജ്മെൻറ് സംസ്ഥാന കൗൺസിലർ എന്നീ സ്ഥാനങ്ങൾ വഹിച്ചിട്ടുണ്ട്. തിരുവത്ര വാദിനൂർ കോളജിെൻറ സ്ഥാപകരിലൊരാളും നടത്തിപ്പുകാരനുമാണ്. കോവിഡിനെ തുടർന്ന് തൃശൂർ ഗവ. മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. കോവിഡ് നെഗറ്റിവായെങ്കിലും പിന്നീട് ന്യുമോണിയ വന്നതാണ് മരണ കാരണം. ഭാര്യ: സക്കീന. മക്കൾ: ഖദീജ, അദീബ, ഉമ്മുഹബീബ, ഹാഫിള് ഖാജാ മുഈനുദ്ദീൻ അഹ്മദ്. സഹോദരങ്ങൾ: ഹുസൈൻ, ഷാഹു, റുഖിയ, ബീപാത്തുമോൾ, റുമൈല. ഖബറടക്കം തിരുവത്ര പുതിയറ പള്ളി ഖബർസ്ഥാനിൽ നടന്നു.
