വാടാനപ്പള്ളി: ഏഴാംകല്ലിൽ കാറിടിച്ച് പരിക്കേറ്റ സൈക്കിൾ യാത്രക്കാരൻ മരിച്ചു. മണപ്പാട് കിഴക്ക് പാണൻ വീട്ടിൽ ഉണ്ണികൃഷ്ണനാണ് (58) മരിച്ചത്. ഞായറാഴ്ച രാത്രി 7.30ഓടെ കടയിൽനിന്ന് സാധനങ്ങൾ വാങ്ങി സൈക്കിളിൽ വരുന്നതിനിടെ ചേറ്റുവ ഭാഗത്തുനിന്ന് വന്ന കാർ ഇടിക്കുകയായിരുന്നു. റോഡിലേക്ക് തെറിച്ചുവീണ് ഗുരുതര പരിക്കേറ്റ ഉണ്ണികൃഷ്ണനെ ഉടൻ ഏങ്ങണ്ടിയൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരിച്ചു. ഭാര്യ: സുധ. മക്കൾ: അനീഷ്, നിമേഷ്. സംസ്കാരം ചൊവ്വാഴ്ച രാവിലെ ഒമ്പതിന്.
