ഓയൂർ: ഓടനാവട്ടം കട്ടയിൽ സ്വദേശിയായ ത്രിപുര സ്േറ്ററ്റ് റൈഫിൾസിലെ കോൺസ്റ്റബിൾ ഡ്യൂട്ടിക്കിടെ കുഴഞ്ഞുവീണ് മരിച്ചു. കട്ടയിൽ അപ്പുണ്ണി മന്ദിരത്തിൽ പരേതനായ മണിയൻപിള്ളയുടെയും പൊന്നമ്മയുടെയും മകൻ എം. ജയപ്രകാശ് (39) ആണ് മരിച്ചത്. ഞായാറാഴ്ച രാത്രി ഹൃദയാഘാതം സംഭവിച്ച ജയപ്രകാശിനെ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. ആറുമാസം മുമ്പ് അവധിക്ക് നാട്ടിലെത്തി മടങ്ങിയ ഇദ്ദേഹം അടുത്തമാസം ഏഴിന് അവധിക്ക് നാട്ടിലേക്ക് മടങ്ങാനുള്ള തയാറെടുപ്പിലായിരുന്നു. ഭാര്യ: നീലിമ. മക്കൾ: അങ്കിത് എൻ. പ്രകാശ്, അഭിനവ എൻ. പ്രകാശ്. സംസ്കാരം വ്യാഴാഴ്ച രാവിലെ ഒമ്പതിന് വിട്ടുവളപ്പിൽ.
