തളിക്കുളം: വിഷുദിനത്തിൽ ബൈക്കിടിച്ച് ഗുരുതര പരിക്കേറ്റ് ചികിത്സയിലായിരുന്ന സൈക്കിൾ യാത്രക്കാരൻ മരിച്ചു. തളിക്കുളം ചേർക്കര കൊല്ലങ്കി പരേതനായ വേലായുധെൻറ മകൻ സുഭാഷ് (52) ആണ് മരിച്ചത്. തളിക്കുളം പുത്തൻതോടിന് സമീപമായിരുന്നു അപകടം. തൃശൂർ മെഡിക്കൽ കോളജ് ആശുപത്രിയിലും പിന്നീട് വലപ്പാട് ഗവ. ആശുപത്രിയിലും ചികിത്സയിലായിരുന്നു. ഈയിടെയാണ് വീട്ടിലേക്ക് കൊണ്ടുവന്നത്. കിടപ്പിലായ ഇയാളുടെ ഓർമശക്തി നഷ്ടപ്പെട്ടിരുന്നു. ഭാര്യ: കാഞ്ചന. മക്കൾ: ഗംഗ, നീതു, വിഷ്ണു. മരുമക്കൾ: സർവോത്തമൻ (പടന്ന മഹാസഭ യുവജന സംഘടന യാപ്സ് സംസ്ഥാന ജനറൽ സെക്രട്ടറി, യൂത്ത് കോൺഗ്രസ് നിയോജക മണ്ഡലം വൈസ് പ്രസിഡൻറ്), കരുണൻ. സംസ്കാരം വെള്ളിയാഴ്ച രാവിലെ 10.30ന് തളിക്കുളം പുളിയംതുരുത്തിലെ സഹോദരൻ സുരേഷിെൻറ വീട്ടുവളപ്പിൽ.
