എരുമപ്പെട്ടി: വയറുവേദനയെ തുടർന്ന് ആശുപത്രിയിൽ പ്രവേശിപ്പിച്ച ഏഴു മാസം ഗർഭിണിയായ യുവതി മരിച്ചു. കുന്നത്തേരി ദേശത്ത് കുന്നത്തേരി വീട്ടിൽ അരുൺ കുട്ടപ്പെൻറ ഭാര്യ രമ്യയാണ് (22) മരിച്ചത്. തിങ്കളാഴ്ചയാണ് വയറുവേദന അനുഭവപ്പെട്ടതിനെ തുടർന്ന് മരത്തംകോടുള്ള ആശുപത്രിയിൽ ചികിത്സ തേടിയത്. വീട്ടിൽ തിരിച്ചെത്തിയ യുവതിക്ക് ചൊവ്വാഴ്ച പുലർച്ച വേദന കൂടിയതിനെ തുടർന്ന് തൃശൂരിലെ സ്വകാര്യ ആശുപത്രിയിലെത്തിച്ചെങ്കിലും ചികിത്സയിലിരിക്കെ മരിച്ചു. ആർ.ഡി.ഒയുടെ മേൽനോട്ടത്തിൽ എരുമപ്പെട്ടി പൊലീസ് ഇൻക്വസ്റ്റ് നടത്തി. മൃതദേഹം പോസ്റ്റ്മോർട്ടത്തിനായി മുളങ്കുന്നത്തുകാവ് മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി. സംസ്കാരം ബുധനാഴ്ച നടക്കും. ഒരു വർഷം മുമ്പാണ് ഇവരുടെ വിവാഹം നടന്നത്.
