അരിമ്പൂർ: നിയന്ത്രണംവിട്ട കാർ ഇടിച്ച് ബൈക്ക് യാത്രികൻ മരിച്ചു. അരിമ്പൂർ നാലാംകല്ല് കായൽ റോഡിൽ ചിറമ്മൽ പരേതനായ ദേവസിയുടെ മകൻ യേശുദാസാണ് (44) മരിച്ചത്. പൂങ്കുന്നത്ത് വർക്ഷോപ്പും സഹോദരനുമായി ചേർന്ന് ഹോട്ടലും നടത്തുകയാണ് യേശുദാസ്. ശനിയാഴ്ച രാത്രി ഹോട്ടൽ അടച്ചശേഷം വീട്ടിലേക്ക് മടങ്ങുന്നതിനിടെ ചുങ്കത്തുവെച്ച് നിയന്ത്രണംവിട്ട കാർ യേശുദാസ് സഞ്ചരിച്ച ബൈക്കിൽ ഇടിക്കുകയായിരുന്നു. പരിക്കേറ്റ യേശുദാസിനെ സ്വകാര്യ ആശുപത്രിയിലെത്തിച്ചെങ്കിലും മരിച്ചു. ബൈക്കിലിടിച്ച കാർ സമീപത്തെ ബേക്കറി കെട്ടിടത്തിലേക്ക് പാഞ്ഞുകയറിയ ശേഷം മതിലിലിടിച്ചാണ് നിന്നത്. ഇടിയുടെ ആഘാതത്തിൽ കാറിെൻറ മുൻഭാഗം തകർന്നു. കൈപ്പിള്ളി സ്വദേശിയുടേതാണ് അപകടത്തിൽപെട്ട കാർ. മാതാവ്: ത്രേസ്യ. ഭാര്യ: ലിഷ. മക്കൾ: ആൻറിയ, അനുഗ്രഹ, അബ്രഹാം, ആഡൻസ്.
