കൊണ്ടോട്ടി: കരിങ്കല്‍ ക്വാറിയില്‍ കുളിക്കാനിറങ്ങിയ ബാലന്‍ മുങ്ങിമരിച്ചു. കൊണ്ടോട്ടി ചേപ്പിലിക്കുന്ന് ഓളിക്കപ്പുറായി ചോലക്കല്‍ കടിഞ്ഞീരി സുബ്രഹ്മണ്യെൻറ മകന്‍ അഭിനന്ദ് (ഒമ്പത്) ആണ് മരിച്ചത്. തിങ്കളാഴ്ച രാവിലെ 10 ഓടെയാണ് അപകടം. വീടിനടുത്ത ക്വാറിയില്‍ മാതാവ് സിന്ധുവിനോടും ബന്ധുക്കള്ക്കുമൊപ്പം കുളിക്കാനെത്തിയതായിരുന്നു. ഇതിനിടെയാണ് ക്വാറിയുടെ ആഴമേറിയ സ്ഥലത്ത് താഴ്ന്നത്. ഉടനെ നാട്ടുകാരെത്തി പുറത്തെടുത്ത് ആശുപത്രിയിലെത്തിച്ചെങ്കിലും മരിച്ചിരുന്നു. മൃതദേഹം കോഴിക്കോട് മെഡിക്കല്‍ കോളജില്‍ പോസ്റ്റ് മോര്‍ട്ടത്തിന് ശേഷം ചൊവ്വാഴ്ച രാവിലെ ഒമ്പതിന് വീട്ടുവളപ്പില്‍ സംസ്‌കരിക്കും. കൊണ്ടോട്ടി ചുങ്കം ജി.എം.എല്‍.പി സ്‌കൂളില്‍ നാലാം ക്ലാസ് വിദ്യാര്‍ഥിയായിരുന്നു. അന്‍ഷിക ഏക സഹോദരിയാണ്.
