ആമ്പല്ലൂര്‍: മണ്ണംപേട്ട പൂക്കോട് മാതാവിനെയും മകനെയും വീട്ടില്‍ തൂങ്ങിമരിച്ച നിലയില്‍ കണ്ടെത്തി. പൂക്കോട് വെട്ടിയാട്ടില്‍ പരേതനായ സുമേഷിെൻറ ഭാര്യ അനില (33), മകന്‍ അശ്വിന്‍ (14) എന്നിവരെയാണ് രണ്ട് കിടപ്പുമുറികളിലായി മരിച്ച നിലയില്‍ കണ്ടെത്തിയത്. തിങ്കളാഴ്ച രാവിലെ മുതല്‍ പുറത്തുകാണാതായ ഇവരെ അന്വേഷിച്ചെത്തിയ സമീപവാസിയായ സ്ത്രീയാണ് മൃതദേഹങ്ങള്‍ കണ്ടത്. രണ്ട് മാസം മുമ്പ് സുമേഷ് കോവിഡ് ബാധിച്ച് മരിച്ചിരുന്നു. ഭര്‍ത്താവിെൻറ മരണത്തെ തുടര്‍ന്ന് അനിലയും മകനും മാത്രമാണ് വീട്ടില്‍ താമസിച്ചിരുന്നത്. സുമേഷ് മരിച്ചതോടെ ഇരുവരും കടുത്ത മാനസിക സംഘര്‍ഷത്തിലായിരുന്നുവെന്ന് ബന്ധുക്കള്‍ പറഞ്ഞു. ലാബ് ടെക്‌നീഷ്യനാണ് അനില. എട്ടാം ക്ലാസ് വിദ്യാര്‍ഥിയാണ് അശ്വിന്‍. ഫോറന്‍സിക് വിദഗ്ധര്‍ സ്ഥലത്തെത്തി പരിശോധന നടത്തി. മൃതദേഹങ്ങള്‍ തൃശൂര്‍ മെഡിക്കല്‍ കോളജിലേക്ക് മാറ്റി. വരന്തരപ്പിള്ളി പൊലീസ് മേല്‍നടപടി സ്വീകരിച്ചു.
