വടക്കാഞ്ചേരി: കൃഷിയിടത്തിലേക്ക് കാട്ടുമൃഗങ്ങളെ തുരത്താൻ പോയ കർഷകൻ ഷോക്കേറ്റ് മരിച്ചു. മണലിത്ര ഇടക്കാടൻ വീട്ടിൽ സുനീഷാണ് (52) മരിച്ചത്. സുഹൃത്ത് സുരേഷുമൊത്ത് കഴിഞ്ഞദിവസം രാത്രി പത്തോടെ വീട്ടിൽനിന്ന് ഒരു കിലോമീറ്ററകലെയുള്ള സ്വന്തം കൃഷിയിടമായ കോരഞ്ചിറ പാടത്തേക്ക് പോകുേമ്പാഴാണ് അപകടത്തിൽപെട്ടത്. മെഡിക്കൽ കോളജ് ആശുപത്രിയിലെത്തിച്ചെങ്കിലും രക്ഷിക്കാനായില്ല. വടക്കാഞ്ചേരി പൊലീസ് സ്ഥലത്തെത്തി തുടർ നടപടികൾ സ്വീകരിച്ചു. സുനീഷ് രാത്രികളിൽ കാട്ടുമൃഗശല്യമുള്ള നെൽ വയലിലേക്ക് പോകാറുണ്ട്. കാട്ടുപന്നിയെ പിടിക്കാനായി ഒരുക്കിയ കെണിയാണ് അപകടത്തിനിടയാക്കിയതെന്നാണ് നിഗമനം. കെട്ടിട നിർമാണകരാറുകാരൻ കൂടിയാണ് സുനീഷ്. ഭാര്യ: ഗീത. മക്കൾ: നവീൻ, നന്ദന, കീർത്തന. സംസ്കാരം നടത്തി.
