ചേർപ്പ്: ആഫ്രിക്കൻ രാജ്യമായ ബോട്സ്വാനയിലെ ഗ്വാബോണ്ടിലുണ്ടായ വാഹനാപകടത്തിൽ വല്ലച്ചിറ സ്വദേശികളായ ദമ്പതികൾ മരിച്ചു. മേലായിൽ വീട്ടിൽ ദീപക് (29), ഭാര്യ ഡോ. ഗായത്രി (25) എന്നിവരാണ് മരിച്ചത്. ഞായറാഴ്ച പുലർച്ചയാണ് അപകടം. ഇവർ സഞ്ചരിച്ച കാർ സിഗ്നലിൽ നിർത്തിയിട്ടിരിക്കുമ്പോൾ നിയന്ത്രണം വിട്ടെത്തിയ മറ്റൊരു വാഹനം ഇടിക്കുകയായിരുന്നു. ബോട്സ്വാനയിലെ സ്വകാര്യ കമ്പനിയിൽ മൂന്ന് വർഷമായി ചാർട്ടേഡ് അക്കൗണ്ടൻറായി ജോലി ചെയ്യുകയായിരുന്നു ദീപക്. പിതാവ്: പരേതനായ സുകുമാര മേനോൻ. മാതാവ്: സുശീല (അധ്യാപിക). സംസ്കാരം പിന്നീട്.
