ആമ്പല്ലൂര്‍: കാട്ടാനയുടെ ആക്രമണത്തില്‍ ആദിവാസി മധ്യവയസ്കൻ മരിച്ചു. വെള്ളിക്കുളങ്ങര ശാസ്താംപൂവം ആദിവാസി കോളനിയിലെ കാടര്‍ വീട്ടില്‍ കുട്ടപ്പെൻറ മകന്‍ സുബ്രനാണ് (52) മരിച്ചത്. ഞായറാഴ്ച രാത്രി പാലപ്പിള്ളി എലിക്കോട് വനാതിര്‍ത്തിലെ റബർ തോട്ടത്തിലാണ് സംഭവം. വനവിഭവങ്ങള്‍ ശേഖരിക്കാൻ എലിക്കോട് വനാതിര്‍ത്തിയില്‍ താൽക്കാലിക കുടില്‍കെട്ടി കുടുംബവുമായി താമസിക്കുകയായിരുന്നു സുബ്രന്‍. രണ്ടാഴ്ച മുമ്പാണ് ഇവിടെ താമസമാരംഭിച്ചത്. ഞായറാഴ്ച രാത്രി വനവിഭവങ്ങള്‍ വിറ്റ ശേഷം തിരികെ വരുേമ്പാൾ താമസിക്കുന്നിടത്തുനിന്ന് 100 മീറ്റര്‍ അകലെ വെച്ചാണ് ആന ആക്രമിച്ചത്. കൂടെയുണ്ടായിരുന്ന സുഹൃത്തുക്കള്‍ സുബ്രനെ കുടിലിലേക്ക് കൊണ്ടുപോവുയായിരുന്നു. നാട്ടുകാര്‍ അറിയിച്ചതിനെ തുടര്‍ന്ന് വനം വകുപ്പും പൊലീസും സ്ഥലത്തെത്തി പുതുക്കാട് താലൂക്ക് ആശുപത്രിയില്‍ എത്തിെച്ചങ്കിലും മരിച്ചു. മൃതദേഹം പോസ്റ്റ്മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുകൊടുത്തു. വരന്തരപ്പിള്ളി പൊലീസ് തുടർനടപടി സ്വീകരിച്ചു. ഇതേ സ്ഥലത്ത് മാസങ്ങള്‍ക്ക് മുമ്പ് ഒറ്റയാെൻറ ആക്രമണത്തില്‍ ആദിവാസിക്ക് പരിക്കേറ്റിരുന്നു. സ്ഥിരമായി ഇവിടെ ആനശല്യം ഉണ്ടെന്ന് നാട്ടുകാര്‍ പറഞ്ഞു. ജനുവരിയില്‍ കാട്ടാന ആക്രമണത്തില്‍ എലിക്കോട് ആദിവാസി കോളനിയിലെ ഊരുമൂപ്പന്‍ ഉണ്ണിച്ചെക്കന്‍ മരിച്ചിരുന്നു.
