ചെറുതുരുത്തി: മൂന്ന് ഉറ്റ സുഹൃത്തുക്കളുടെ മരണം വെട്ടിക്കാട്ടിരി ഗ്രാമത്തെ ദുഃഖത്തിലാഴ്ത്തി. മണിക്കൂറുകളുടെ വ്യത്യാസത്തിലാണ് ഞായറാഴ്ചയും തിങ്കളാഴ്ചയുമായി മൂവരും വിടപറഞ്ഞത്. വെട്ടിക്കാട്ടിരി പുടവങ്ങാട്ട് ഞാലിൽ മുഹമ്മദ്കുട്ടി (76) വാർധക്യസഹജമായ അസുഖം മൂലം തിങ്കളാഴ്ചയാണ് മരിച്ചത്. സുഹൃത്തും ഐ.എൻ.ടി.യു.സി യൂനിയൻ നേതാവുമായ തച്ചകത്ത് വീട്ടിൽ അബ്ദുൽ റഷീദ് എന്ന മാനു (65) സ്വാതന്ത്ര്യ ദിനാഘോഷത്തിൽ പങ്കെടുക്കുന്നതിനിടെ ഞായറാഴ്ച മരിച്ചിരുന്നു. ഇവർ രണ്ടുപേരും ദിവസവും പോയിരുന്ന പലച്ചരക്ക് വ്യാപാരി വെട്ടിക്കാട്ടിരി പട്ടാരത്തൊടി അബൂബക്കറും (85) ഞായറാഴ്ച വൈകീട്ട് നാലോടെ മരിച്ചിരുന്നു. ഈ രണ്ട് മരണവാർത്തയും സുഹൃത്തായ മുഹമ്മദ്കുട്ടി അറിഞ്ഞിരുന്നു. എന്നാൽ, അസുഖം കാരണം മയ്യിത്തുകൾ സന്ദർശിച്ചിരുന്നില്ല. തിങ്കളാഴ്ച രാവിലെ 11ഓടെ മുഹമ്മദ്കുട്ടിയും മരിക്കുകയായിരുന്നു. അബ്ദുൽ റഷീദിെൻറ ഖബറടക്കം ഞായറാഴ്ച വെട്ടിക്കാട്ടിരി ജുമാമസ്ജിദ് ഖബർസ്ഥാനിൽ നടന്നു. സമീപത്തുതന്നെയാണ് അബൂബക്കറിെൻറയും മുഹമ്മദ് കുട്ടിയുടെയും ഖബറടക്കം തിങ്കളാഴ്ച നടത്തിയത്. ഫാത്തിമയാണ് മുഹമ്മദ്കുട്ടിയുടെ ഭാര്യ. മക്കൾ: ഹാരിഫ് (മസ്കത്) ഹസീന, ഷാഹിന. മരുമക്കൾ: നിഷ, അബൂബക്കർ, സലീം.
