ചാലക്കുടി: ദേശീയപാതയിൽ അജ്ഞാത വാഹനമിടിച്ച് കോഴിക്കോട് സ്വദേശി മരിച്ചു. വിലങ്ങാട് ഐനിക്കൽ ജോസാണ് (88) മരിച്ചത്. തിങ്കളാഴ്ച രാത്രി 12നാണ് ഇദ്ദേഹത്തെ പോട്ട പപ്പാളി ജങ്ഷനിൽ വാഹനമിടിച്ച് ഗുരുതരമായി പരിക്കേറ്റ നിലയിൽ കണ്ടെത്തിയത്. തുടർന്ന് പൊലീസ് ആശുപത്രിയിൽ എത്തിച്ചെങ്കിലും മരിച്ചു. വൈകിയാണ് തിരിച്ചറിഞ്ഞത്. വെള്ളിക്കുളങ്ങരയിലെ സഹോദരെൻറ വീട്ടിലേക്കെത്തിയതായിരുന്നു. ബസിൽ എത്തിയ ജോസ് കൊടകരയിൽ ഇറങ്ങുന്നതിന് പകരം രാത്രി തെറ്റി പോട്ട ജങ്ഷനിൽ ഇറങ്ങിയതിനിടെ അപകടത്തിൽ പെട്ടതാവുമെന്ന് കരുതുന്നു. കോവിഡ് പോസിറ്റിവാണെന്ന് കണ്ടെത്തിയതിനെ തുടർന്ന് മൃതദേഹം തൃശൂർ മെഡിക്കൽ കോളജ് ആശുപത്രിയിലേക്ക് മാറ്റി.
