മാള: കാണാതായ യുവാവിെൻറ മൃതദേഹം ചാലക്കുടി പുഴയിൽ കണ്ടെത്തി. പുത്തൻവേലിക്കര പുതിയ വീട്ടിൽ ഫ്രാൻസിസിെൻറ മകൻ ജിജോ ഫ്രാൻസിസ് (44) ആണ് മരിച്ചത്. ചാലക്കുടി പുഴയിൽ അന്നമനട പുളിക്കകടവ് പാലത്തിനു സമീപത്തു നിന്നാണ് വ്യാഴാഴ്ച രാവിലെ ചാലക്കുടി അഗ്നിരക്ഷാസേന മൃതദേഹം മുങ്ങിയെടുത്തത്. ബുധനാഴ്ച വൈകീട്ട് 6.30ന് പാലത്തിൽനിന്ന് ഒരാൾ പുഴയിൽ ചാടിയതായി പ്രചരിച്ചിരുന്നു. കഴിഞ്ഞ ദിവസം ജിജോ ഫ്രാൻസിസിനെ കാണാതായതായി ബന്ധുക്കൾ മാള പൊലീസിൽ പരാതി നൽകിയിരുന്നു. പുത്തൻവേലിക്കര സ്വദേശിയായ ഇയാൾ ഏതാനും വർഷങ്ങളായി മാളയിൽ കുടുംബ സമേതം താമസിച്ചു വരുകയായിരുന്നു. മൃതദേഹം ജില്ല മെഡിക്കൽ കോളജ് ആശുപത്രിയിൽ പോസ്റ്റ്മോർട്ടം നടത്തി ബന്ധുക്കൾക്ക് വിട്ടുനൽകി. ഭാര്യ: വിജി. മക്കൾ: ഏയ്ഞ്ചൽ, ഏബിൾ. മാതാവ്: റോസിലി.
