ഗുരുവായൂർ: ക്ഷേത്രദർശനത്തിനെത്തിയ യുവതി കെട്ടിടത്തിന് മുകളിൽനിന്ന് ചാടി മരിച്ചു. കൂറ്റനാട് തെക്കേ വാവന്നൂർ മണലി നെടുവള്ളി വീട്ടിൽ പരേതനായ ചന്ദ്രൻ നായരുടെ മകൾ ഐശ്വര്യയാണ് (26) മരിച്ചത്. വെള്ളിയാഴ്ച വൈകീട്ട് മാതാവ് ശൈലജയോടൊപ്പമാണ് ഇവർ ഗുരുവായൂർ ക്ഷേത്ര ദർശനത്തിനായി ചാമുണ്ടേശ്വരി റോഡിന് സമീപത്തെ തങ്ങളുടെ ഫ്ലാറ്റിലേക്ക് വന്നത്. മാതാവ് കുളിമുറിയിൽ കയറിയ സമയത്ത് ഐശ്വര്യ ബാൽക്കണിയിൽ നിന്ന് താഴേക്ക് ചാടുകയായിരുന്നുവെന്ന് പൊലീസ് പറഞ്ഞു. ആറാം നിലയിലാണ് ഇവരുടെ ഫ്ലാറ്റ്. ശബ്ദം കേട്ട് വാച്ച്മാൻ ഓടിയെത്തിയപ്പോൾ യുവതി വീണു കിടക്കുന്നതാണ് കണ്ടത്. ആശുപത്രിയിലെത്തിച്ചെങ്കിലും രക്ഷിക്കാനായില്ല. ടെമ്പ്ൾ പൊലീസ് മേൽ നടപടികൾ സ്വീകരിച്ചു. ആയുർവേദ മെഡിക്കൽ വിദ്യാർഥിയാണ് മരിച്ച ഐശ്വര്യ. വിവാഹനിശ്ചയം കഴിഞ്ഞിരുന്നു.
