വാടാനപ്പള്ളി: ദേശീയ പാതയിൽ ചേറ്റുവയിൽ അജ്ഞാത വാഹനമിടിച്ച് സൈക്കിൾ യാത്രികൻ മരിച്ചു. ഒരുമനയൂർ മുത്തമ്മാവ് തൈകടവ് സ്വദേശി കുറുപ്പൻ വീട്ടിൽ സുബ്രഹ്മണ്യൻ (57) ആണ് മരിച്ചത്. വെള്ളിയാഴ്ച പുലർച്ച അഞ്ചോടെയായിരുന്നു അപകടം. ചേറ്റുവ ടി.എം ആശുപത്രിയിലെ കാൻറീൻ ജീവനക്കാരനായ ഇയാൾ ജോലിക്കായി സൈക്കിളിൽ വരുമ്പോഴാണ് ഗവ. മാപ്പിള സ്കൂളിന് സമീപം അജ്ഞാത വാഹനം ഇടിച്ചത്. റോഡരികിൽ രക്തത്തിൽ കുളിച്ചുകിടക്കുന്നത് നാട്ടുകാരാണ് കണ്ടത്. സമീപം സൈക്കിളും കിടപ്പുണ്ടായിരുന്നു. തുടർന്ന് പൊലീസും നാട്ടുകാരും ചേർന്ന് ചേറ്റുവ ടി.എം ആശുപത്രിയിൽ എത്തിച്ചെങ്കിലും മരിച്ചിരുന്നു. ഇടിച്ച വാഹനം നിർത്താതെ പോയി. വാടാനപ്പള്ളി പൊലീസ് കേസെടുത്ത് അന്വേഷണമാരംഭിച്ചു. ഭാര്യ: ശാന്ത. മക്കൾ: സുഭാഷ്, സുമിത. മരുമകൻ: അമീർ.
