ചാവക്കാട്: ഓട്ടത്തിനിെട പിക്അപ് വാൻ ഡ്രൈവർ കുഴഞ്ഞുവീണ് മരിച്ചു. പുന്നയിൽ താമസിക്കുന്ന തിരുവത്ര കുഞ്ചേരി സ്വദേശി മുസ്ലിം വീട്ടിൽ ബക്കറാണ് (64) മരിച്ചത്. പിക്അപ് വാനുമായി ഓട്ടത്തിനു പോയി തിരിച്ചു വരുകയായിരുന്നു. ചൊവ്വാഴ്ച വൈകീട്ട് നാലോടെ ആശുപത്രി റോഡിലെ പെട്രോൾ പമ്പ് പരിസരത്ത് വെച്ചാണ് സംഭവം. ഉടൻ പരിസരത്തുണ്ടായിരുന്നവർ രാജാ ആശുപത്രിയിലെത്തിച്ചെങ്കിലും മരിച്ചു.പിതാവ്: പരേതനായ അബ്ദൂട്ടി. മാതാവ്: പരേതയായ ആയിഷ. ഭാര്യ: സുലൈഖ. മക്കൾ: സുൽഫി, ഷഫീഖ്, ഫൗസിയ. ഖബറടക്കം ബുധനാഴ്ച രാവിലെ തിരുവത്ര കുഞ്ചേരി ജുമാമസ്ജിദ് ഖബർസ്ഥാനിൽ.
