ചെറുതുരുത്തി: കോവിഡ് ബാധിച്ച് ചികിത്സയിൽ കഴിഞ്ഞിരുന്ന മാതാവും മകനും മണിക്കൂറുകളുടെ വ്യത്യാസത്തിൽ മരിച്ചു. വെട്ടിക്കാട്ടിരി മിച്ച ഭൂമിയിൽ താമസിക്കുന്ന തെക്കേ കരമേൽ വീട്ടിൽ പരേതനായ രാമെൻറ ഭാര്യ ലക്ഷ്മിയും (60) മകൻ രതീഷ് കുമാറുമാണ് (37) മരിച്ചത്. വ്യാഴാഴ്ച രാത്രി 12ന് തൃശൂർ മെഡിക്കൽ കോളജ് ആശുപത്രിയിൽ ചികിത്സയിലിരിക്കെയാണ് ലക്ഷ്മി മരിച്ചത്. മെഡിക്കൽ കോളജ് ആശുപത്രിയിൽ തന്നെ കോവിഡ് ചികിത്സയിലായിരുന്ന രതീഷ് കുമാർ വെള്ളിയാഴ്ച വൈകീട്ട് ആറിനും മരിച്ചു. ലക്ഷ്മിയുടെ മൃതശരീരം ഷൊർണൂർ ശാന്തിതീരത്ത് വെള്ളിയാഴ്ച രാവിലെ സംസ്കരിച്ചു. രതീഷ് കുമാറിെൻറ മൃതശരീരം ശനിയാഴ്ച രാവിലെ ശാന്തിതീരത്ത് സംസ്കരിക്കും. അവിവാഹിതനാണ്. ലക്ഷ്മിയുടെ മറ്റു മക്കൾ: ബിന്ദു, ഷീജ, പരേതയായ സിന്ധു.
