ആമ്പല്ലൂർ: പുതുക്കാട് വടക്കേ തൊറവിൽ കോവിഡ് ബാധിച്ച് വയോധിക മരിച്ചു. പനിയത്ത് പരേതനായ അയ്യപ്പെൻറ ഭാര്യ അമ്മിണിയാണ് (76) ശനിയാഴ്ച പുലർച്ച മരിച്ചത്. മരണ ശേഷമുള്ള പരിശോധനയിലാണ് കോവിഡ് സ്ഥിരീകരിച്ചത്. മക്കൾ: അംബിക, ബാബു, പരേതനായ ശിവരാമൻ. മരുമക്കൾ: ചന്ദ്രിക, സുനി, സുമതി. ചാഴൂർ: പുള്ള് കടുക്കാട്ട് കുട്ടപ്പൻ (88) കോവിഡ് ബാധിച്ച് മരിച്ചു. ദീർഘകാലം സി.പി.ഐ ചാഴൂർ ലോക്കൽ കമ്മിറ്റി അംഗവും പുള്ള് ബ്രാഞ്ച് സെക്രട്ടറിയുമായിരുന്നു. കർഷക തൊഴിലാളി ഫെഡറേഷൻ ചേർപ്പ് മണ്ഡലം കമ്മിറ്റി അംഗമായും പ്രവർത്തിച്ചു. ഭാര്യ: ജാനകി. മക്കൾ: പ്രകാശൻ, ഷാജി, മനോജ്, പ്രേമൻ. മരുമക്കൾ: സുനിത, ഷീജ. സംസ്കാരം ഞായറാഴ്ച രാവിലെ 10ന് ലാലൂർ ശ്മശാനത്തിൽ.
