പെരുമ്പിലാവ്: പാതാക്കര സ്വദേശി സൗദ്യ അറേബ്യയിലെ ദമ്മാമിൽ നിര്യാതനായി. പെരുമ്പിലാവ് പാതാക്കര വലിയകത്ത് കാരക്കാട് വീട്ടിൽ ഉസ്മാൻ ഹാജിയുടെ മകൻ മുഹമ്മദ് ഖലീൽ (47) ആണ് മരിച്ചത്. തിങ്കളാഴ്ച പുലർച്ച ഹൃദയാഘാതത്തെ തുടർന്നായിരുന്നു മരണം. ദമ്മാം ഇത്തിഹാദിൽ മാൻ പവർ കമ്പനി മാനേജരായിരുന്നു. കഴിഞ്ഞ ജനുവരിയിൽ കുടുംബത്തോടൊപ്പം നാട്ടിലെത്തി ആറു മാസത്തിനു ശേഷം തിരിച്ചുപോയതായിരുന്നു. ഭാര്യ: നിഷ. മക്കൾ: ഫാത്തിമ നസ്റിൽ, മുഹമ്മദ് അസ്മീൽ, മുഹമ്മദ് സുഹൈർ, സൈനബ്. ഖബറടക്കം ദമ്മാമിൽ നടത്തുമെന്ന് ബന്ധുക്കൾ അറിയിച്ചു.
