എരുമപ്പെട്ടി: വീട്ടമ്മ വൈദ്യുതാഘാതമേറ്റ് മരിച്ചു. നെല്ലുവായ് മുരിങ്ങത്തേരി തെക്കേ കൂടാരത്തിൽ വീട്ടിൽ പരേതനായ സതീഷിെൻറ ഭാര്യ ഷാനിയാണ് (44) മരിച്ചത്. വീടിനു പുറകുവശത്ത് ഇരുമ്പ് ഷീറ്റ് മേഞ്ഞ ചായ്പ്പിലെ തൂണിൽനിന്നാണ് ഷോക്കേറ്റത്. തിങ്കളാഴ്ച രാവിലെ 8.10നാണ് സംഭവം.ചായ്പിലെ പ്ലാസ്റ്റിക് ജാറിൽനിന്ന് വെള്ളം ശേഖരിച്ച് വരുന്ന വഴി ഇരുമ്പ് തൂണിൽ പിടിച്ചപ്പോൾ വൈദ്യുതാഘാതമേൽക്കുകയായിരുന്നു. നിലവിളി കേട്ട് സഹോദരൻ എത്തിയപ്പോൾ ഷോക്കേറ്റ് നിൽക്കുന്ന ഷാനിയെയാണ് കണ്ടത്. ഉടൻ മെയിൻ സ്വിച്ച് ഓഫ് ചെയ്ത ശേഷം ഷാനിയെ ഓട്ടുപാറ ജില്ല ആശുപത്രിയിലെത്തിച്ചെങ്കിലും മരിച്ചു.കാലപ്പഴക്കമുള്ള വീട്ടിലെ വയറിങ് പലയിടങ്ങളിലും ദ്രവിച്ച് പൊട്ടിയിട്ടുണ്ട്. ഇതാണ് വൈദ്യുതാഘാതമേൽക്കാൻ കാരണം. എരുമപ്പെട്ടി പൊലീസ് മേൽനടപടി സ്വീകരിച്ചു. മൃതദേഹം പോസ്റ്റ്േമാർട്ടത്തിനായി മുളങ്കുന്നത്തുകാവ് മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി. മക്കൾ: ഗോപിക, ഗോഗുൽ, ഗീതക്. സംസ്കാരം ചൊവ്വാഴ്ച പള്ളം പുണ്യതീരം ശ്മശാനത്തിൽ.
