ഒല്ലൂര്‍: ചീരാച്ചി വളവില്‍ സ്‌കൂട്ടര്‍ തെന്നിമറിഞ്ഞുണ്ടായ അപകടത്തില്‍ പരിക്കേറ്റ വീട്ടമ്മ മരിച്ചു. വെളിയന്നൂര്‍ പാത്താലത്ത് പരേതനായ മനോജിെൻറ ഭാര്യ ശുഭദര്‍ശിനി (51) ആണ് മരിച്ചത്. ഞായറാഴ്ച വൈകീട്ടായിരുന്നു അപകടം. ആമ്പല്ലൂരിലെ സ്വന്തം വീട്ടില്‍പോയി മകൾ അര്‍ച്ചനക്കൊപ്പം മടങ്ങുകയായിരുന്നു. സ്‌കൂട്ടര്‍ ഓടിച്ചിരുന്നത് അര്‍ച്ചനയാണ്. ഇവര്‍ക്കും നിസ്സാര പരിക്കുണ്ട്്. ഗുരുതര പരിക്കേറ്റ ശുഭദര്‍ശിനിയെ ഉടൻ ആശുപത്രിയില്‍ എത്തിച്ചെങ്കിലും തിങ്കഴാഴ്ച രാവിലെ മരിച്ചു. മകന്‍: ദീപു. സംസ്കാരം ചൊവ്വാഴ്ച രാവിലെ പത്തിന് വടൂക്കര എസ്.എന്‍.ഡി.പി ശ്മശാനത്തില്‍.
