അരിമ്പൂർ: കടുത്ത തലവേദനയും വയറുവേദനയും അനുഭവപ്പെട്ട് കുഴഞ്ഞുവീണ് ആശുപത്രിയിൽ പ്രവേശിപ്പിക്കപ്പെട്ട നഴ്സ് മരിച്ചു. അരിമ്പൂർ കൈപ്പിള്ളിയിൽ ടാങ്ക് കമ്പനി പരിസരം താമസിക്കുന്ന നെടുമ്പുള്ളി ബാബുവിെൻറ മകൾ എൻ.ബി. ഗ്രീഷ്മ (24) ആണ് മരിച്ചത്. തൃശൂർ ജില്ല ആശുപത്രിയിലെ സ്റ്റാഫ് നഴ്സാണ്. തിങ്കളാഴ്ച വൈകീട്ട് ഡ്യൂട്ടി കഴിഞ്ഞ് വീട്ടിൽ എത്തിയ ഗ്രീഷ്മ തലവേദന അനുഭവപ്പെട്ട് കുഴഞ്ഞു വീഴുകയായിരുന്നു. തുടർന്ന് തൃശൂരിലെ ആശുപത്രിയിലെത്തിച്ചെങ്കിലും ചൊവ്വാഴ്ച രാവിലെ മരിച്ചു. ഹൃദ്രോഗമാണ് മരണകാരണമെന്നറിയുന്നു. കോവിഡ് പരിശോധന ഫലം നെഗറ്റിവാണ്. വിശദമായ മെഡിക്കൽ പരിശോധനക്ക് വിധേയമാക്കി. മാതാവ്: ഷീബ. സഹോദരങ്ങൾ: രേഷ്മ, അഭിഷേക്.
