കുമളി: ഭർത്താവിെൻറ അമിത ഫോൺ വിളിയിൽ പ്രതിഷേധിച്ച് വീട്ടമ്മ ജീവനൊടുക്കി. തേനി ജില്ലയിലെ വരശനാട്ടിലാണ് സംഭവം. കൂലിത്തൊഴിലാളിയായ സുരേഷിെൻറ ഭാര്യ പാണ്ടിയമ്മാളാണ് (40) വീട്ടിൽ തൂങ്ങിമരിച്ചത്. സുരേഷ് നിരന്തരം മൊബൈൽ ഫോണിൽ സംസാരിക്കുന്നതിനെച്ചൊല്ലി ഇരുവരും തമ്മിൽ കലഹം പതിവായിരുന്നു. സംഭവ ദിവസം ഉണ്ടായ വഴക്കാണ് ആത്മഹത്യയിൽ കലാശിച്ചത്. ഇവർക്ക് ഒരു മകനും മകളും ഉണ്ട്. മൃതദേഹം പൊലീസ് തേനി മെഡിക്കൽ കോളജ് ആശുപത്രിയിലേക്ക് മാറ്റി.
