കേച്ചേരി: കാറിൽ സഞ്ചരിക്കവേ ലോറിയിടിച്ച് പരിക്കേറ്റ യുവാവ് ആശുപത്രിയിൽ ചികിത്സക്കിടെ മരിച്ചു. എയ്യാൽ മനപ്പറമ്പിൽ വീട്ടിൽ ഷാജി -ബിന്ദു ദമ്പതികളുടെ മകൻ ഗോകുൽ (18) ആണ് മരിച്ചത്. വ്യാഴാഴ്ച രാത്രി കേച്ചേരി എരനെല്ലൂരിലായിരുന്നു അപകടം. ലോറിയുമായി ഗോകുൽ സഞ്ചരിച്ചിരുന്ന കാർ കൂട്ടിയിടിക്കുകയായിരുന്നു. അപകടത്തിൽ തലക്ക് ഗുരുതരമായി പരിക്കേറ്റ ഗോകുൽ ചികിത്സക്കിടെയാണ് മരിച്ചത്. തൃശൂർ ഭാഗത്തുനിന്ന് വരുകയായിരുന്ന കാർ എതിരെ വരുകയായിരുന്ന ലോറിയിൽ ഇടിക്കുകയായിരുന്നു. അപകടത്തിൽ കാറിെൻറ മുൻഭാഗം പൂർണമായി തകർന്നു. കുന്നംകുളം പൊലീസ് മേൽനടപടികൾ സ്വീകരിച്ചു. അലൂമിനിയം ഫാബ്രിക്കേഷൻ തൊഴിലാളിയാണ്. സഹോദരങ്ങൾ: രേഷ്മ, ഗ്രീഷ്മ.
