വേങ്ങര: വീട്ടിൽ എലികളെ നശിപ്പിക്കാൻ വെച്ചിരുന്ന വിഷം ഉള്ളിൽ ചെന്ന് ആശുപത്രിയിൽ പ്രവേശിപ്പിച്ചിരുന്ന രണ്ടരവയസ്സുകാരൻ മരിച്ചു. കണ്ണമംഗലം കിളിനക്കോട് സ്വദേശി ഉത്തൻ നല്ലേങ്ങര മൂസക്കുട്ടിയുടെയും ഹസീനയുടെയും മകൻ ഷയ്യാഹ് ആണ് കോഴിക്കോട് മെഡിക്കൽ കോളജ് ആശുപത്രിയിൽ മരിച്ചത്. ഒരാഴ്ചയായി ചികിത്സയിലായിരുന്നു. ഞായറാഴ്ച പുലർച്ചയാണ് മരിച്ചത്. പോസ്റ്റ്മോർട്ടത്തിനു ശേഷം ഖബറടക്കി. സഹോദരങ്ങൾ: മുഹമ്മദ്‌ അഷ്‌റഫ്‌, അമീൻ, ഷിബിൻ ഷാ.
