മുളങ്കുന്നത്തുകാവ്: മകെൻറ സംസ്കാര ചടങ്ങുകൾ നടക്കുന്നതിടെ മാതാവ് കുഴഞ്ഞുവീണ് മരിച്ചു. വട്ടായി ആലില താഴത്ത് ജോണിയുടെ (ചാക്കോ) മകൻ എ.സി. ബിജു (45) ശനിയാഴ്ച രാത്രി ഹൃദയാഘാതത്തെ തുടർന്ന് മരിച്ചിരുന്നു. ഞായറാഴ്ച ഉച്ചക്ക് വടക്കേ വട്ടായി എബനേസർ പള്ളി ഹാളിൽ സംസ്കാര ചടങ്ങുകൾ നടക്കുമ്പോൾ മാതാവ് മറിയക്കുട്ടി (60) കുഴഞ്ഞുവീഴുകയായിരുന്നു. ഉടൻ ഗവ. മെഡിക്കൽ കോളജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മറിയക്കുട്ടിയുടെ സംസ്കാരം തിങ്കളാഴ്ച നടത്തും. മറിയക്കുട്ടിയുടെ മറ്റുമക്കൾ: ബിജിമോൾ, ബിൻസി. മരുമക്കൾ: ബെന്നി, മനു. ബിജുവിെൻറ സംസ്കാരം പൂമല പീസ് ഗാർഡൻ സെമിത്തേരിയിൽ നടത്തി. ഭാര്യ: സജിനി. മക്കൾ: സോനാ, സിൽജു, സഞ്ജു. മരിച്ച ബിജു സി.പി.എം വട്ടായി ബ്രാഞ്ച് അംഗവും വട്ടായി ഇ.എം.എസ് സ്മാരക വായനശാല ഭരണ സമിതി അംഗവുമാണ്.
