തൃപ്രയാർ: തൃപ്രയാര്‍ പാലത്തില്‍നിന്ന് പുഴയിലേക്ക് ചാടിയ യുവാവിെൻറ മൃതദേഹം കണ്ടെടുത്തു. കൊല്ലം ഏരൂര്‍ വിമല മന്ദിരത്തില്‍ ബിജുവിെൻറ മകന്‍ അഭിറാമാണ് (26) മരിച്ചത്. പെരിങ്ങോട്ടുകര സമൃദ്ധി സൂപ്പര്‍ മാര്‍ക്കറ്റിലെ ചുമട്ടുതൊഴിലാളിയാണ്. ശനിയാഴ്ച വൈകീട്ട് മൂന്നിന് തൃപ്രയാര്‍ ഭാഗത്തുനിന്ന് വന്ന അഭിറാം പാലത്തില്‍നിന്ന് പുഴയിലേക്ക് ചാടുകയായിരുന്നു. നാട്ടിക അഗ്നിരക്ഷ സേനയും നാട്ടുകാരും നടത്തിയ തിരച്ചിൽ നാലോടെ പാലത്തിെൻറ 150 മീറ്റര്‍ വടക്കുമാറി അഭിറാമിനെ കണ്ടെത്തി. അപ്പോഴേക്കും മരിച്ചിരുന്നു.അഗ്നിരക്ഷ നിലയത്തിലെ സ്റ്റേഷന്‍ ഓഫിസര്‍ ലാസര്‍, അസി. ഓഫിസര്‍ അനില്‍കുമാര്‍, സീനിയര്‍ ഫയര്‍ ഓഫിസര്‍ ബ്രിജ്‌ലാല്‍കുമാര്‍, വലപ്പാട് അഡീഷനല്‍ എസ്.ഐ മാത്യു എന്നിവരും നാട്ടിക ഗ്രാമപഞ്ചായത്ത് അംഗം സി.എസ്. മണികണ്ഠന്‍, ഫെയർ ആൻഡ് റെസ്ക്യൂ അംഗം ഷിയാസ്, സമീപവാസികളായ നവീഷ് കെ.ആർ. സിൽജിത്ത് കെ.ആർ. സിദ്ധാർഥൻ എന്നിവരും തിരച്ചിലിന് നേതൃത്വം നല്‍കി.
